طلعوا هم السبب لرفض اولادي الاكل

[ام مودي]

مررررحبا...اهلا اهلا...منووووورة ام محمد ركن الطفل..يااااااااااه..من زمااان ما نزلت موضوع هووون.
المهم...الموضوع كان..ان اولادي كانو مجننييينييي بالاكل..و ياا عييني على ابني الكبير ..مسكين راح ينقرض..يكره الاكل..و الساعة اللي بطعميه فيها؟؟تقولوا عمبضرب مش عطعمي..يعملي مناحة و ما بدو ياكل..اما التاني..ابتدا من فترة قصيرة هو التاني..يرفض الاكل..
بس الان عرفت السبب..و اذا عرف السبب..بطل العجب..اخدتهم عالدكتر و فحصت اللوز..طلع حجم لوزهم كبير..و بما ان حجم لوزهم كبيييييير..كان صعب عليهم بلع الطعام..و هذا الشي جعلهم يكرهو الساعة اللي اطعمهم فيها..لكن خلاص...ان شاءالله الاسبوع القادم..ان شاءالله سوف يعملو عملية اللوز و اللحمية لان ايضا تنفسهم دائما من الفم..غير الشخير..:rolleyes:
و ان شاءالله برتاح من هالهم..و يصبحوا اولادي ياكلو..لاني فعلا حزنانة عليهم..
اتمنى تدعولي و تدعولهم..عارفة العملية سهلة..و ما بدها شي..و بتاخد 7 دقائق..لكن هما الاثنين..راح يكونو بنفس اليوم و الوقت..
ربنا يسهل..و دعوااااتكم..يا اخوااات..
تحياااااااااتيW:

[بنان]

الله يعافيهم ويشافيهم ويقومهم بالسلامة يارب ، والله يقر عينك بشوفتهم متعافين يارب. وطمنينا عنهم الله يجمع لك بين الأجر وعافيتهم.

[أفنـ أم عمر ـان]

ربنا يقومهم بالسلامة , وإن شااااااااااااااااء الله تنفتح شهيتهم بعدها , و يصيروا عال العال ...

بس على فكرة ما تنسي تجهزي المهلبيات والعصائر الطبيعية في التلاجة , لإنه بعد العملية بأيام بكون صعب يبلعوا (إسأليني خبرة !) بدهم أشياء طرييييييييية ....

بس بدي أسألك كم عمر صغارك ؟

[إيمان علي]

ألف سلامة عليهم يا أم محمد، بس الحمد لله أنه السبب عرف، الواحدة بترتاح نفسيتها.
الله يقيمهم بالسلامة يارب.
طبعاً مثل ما قالت فنو، رح يكونوا موجوعين وما بيقدروا إلا على المثلجات، وشو رح ينبسطوا لما يسمعوا الدكتور بيقولك: طعميهم بوظة وبوبسيكل، وعصير!! :)

[الغيورة المسلمة]

الف سلامة لهم يا ام مودي ...وان شاءالله تشوفينهم يقوم لك بالسلامة ..
صراحة لفتي نظري لحكاية اللوز عند اولادي كلهم وخاصة البنت الوسطي انا وهي حرب على الأكل لدرجة توست ما تقدر تكمله ..الله المستعان ..لدرجة أن عجزت معاها وفي يوم مرضت واحضرنا لها الطبيبة واخبرتها بالمعاناة ..فاعطتني فتيامين ابر مرة واحدة تشربها في الشهلا ولمدة ثلاثة اشهر والان اشوف تحسن وان شاءالله يستمر وعيالي كلهم شربتهم الفتيامين ..
W: W:

[ام مودي]

اريج الفل..الله يسلمك و يحفظك و يخليييكي و يعافيكي..الف شكر الك عزيزتي..

[ام مودي]

فنووو..الله يسلمك يا رب ..و يسمع منك....و تنفتح شهيتهم و ياكلو زي الناس..
صحيح..لازم كل هالتجهيزات قبل العملية..بس يا ترى؟؟؟كم يوم بيضل البلع صعب عليهم؟؟؟؟
بالنسبة لاعمارهم..الكبير اربع سنين و التاني ثلاث سنين..يعني هم فرق بينهم فقط 11 شهر...و انا سالت الدكتور..كم العمر المسموح فيه للقيام بعملية اللوز قالي من سن ثلاث سنوات و طالع..قبل هيك..ما بيمشي الحال.

و الف شكر الك يا ام عمووور الاموووور(انا هيك بنادي ابني)

[ام مودي]

اهليين اموون..الله يسلمك و يخليييكي...صح...انا كنت شاكة..لانو صوت محمد دايما بيصير مبحوح..و غير الكحة و الالتهاب اللي بيصيبهم بفترات قصيرة باللوز..
اااه اديش راح يكيفو على البوبسيكل..اهممممم شي...قاعدة بجهز نفسيتهم..انو راح نروح عالمستشفى و وضحلهم الموضوع..بس شو محمد رفض...لااااااااا ما بدي روح على المستشفى و لا بدي يحطوني بسرير المستشفى..بس لما قلتلو راح يعطوك بوبسيكل..غير رايوووو..ههههههههه..اطفال..و صحيح..قال في قبل العملية موعد..و بنروح مع الولاد علشان يشرحولهم بالتفصيل شو راح يصير و شو راح يشوفو عشان ما يتفاجاو من اللي حيصير...و هيك كتير احسن..نفسيتهم بتتجهز..
تحياااتي

[ام مودي]

الله يسلمك و يحفظك يا الغيورة المسلمة
انا بالنسبة لاولادي..لا نفع معهم فيتامين و لا شي....الاكل يعتبر عدوهم اللدود..و اخص بالذكر ابني الكبير..انو الصغير لسه هلا بلش يحس...و هو ماشاءالله عليه..من النوع اللي ما بيهمو..في الم ما في الم..ماشاءالله عليه..عادي عندو..
لكن ما بدنا يوصل للمرحلة اللي وصل الها اخوه..فقلنا نخلص الموضوع من بكير..و لما فحصو الدكتور قال ان لوز الصغير اكبر بكتير و من لوز الكبير...لكن ماشاءالله عليه..بيتحمل..حبيب البي
بالنسبة لاولادك..اذا بتحسي انهم بيبلعوا بصعوبة..انا من رايي تشيكي على اللوز..لانها فعلا عاااائق كبيييير..
و تحيااااتي الك

[ام أحلام]

السلام عليكم
حياك الله يا أم محمد
أجر وعافية للصغار وأسأل الله العظيم رب العرش العظيم أن يشفيهم
ولالالالالالالالالالالاتنسي تطمنينا عليهم بعد ما يخرجوا بالسلامة

[ام سهيل]

يوووه هي حفلة اللوز عندكم كمان الله يقومهم لك بالسلامة وفعلا يحتاجوا اشياء خفيفة وسهلة البلع
قبل اسبوع كانت عند عمة العيال حفلة اللوز مع بنتها والحمد لله عدت على خير ........

[LeEn]

حبايبيييييييييييييي كتير صغار علعملية! انا عملتها وعمري 7
الناس الي بيعرفوني وانا صغيرة بيقولو انو صوتي كاااااااااااان مزعج قبل العملية
حسيت ببحة بعد العملية وماقدرت وقتيها اتخانق مع اخواني
والله علأيس كريم والهدايا بس اعدت في المستشفى كم يوم وما كانوا يخلو ماما تجي كتير حتى ما اتعلق فيها (لسة من يومين آلتلي انو بعد العملية آلولهم يروحوا حتى البنت ماتتعلق بإمها)

بتعرفي عملت العملية بالصيف ورحت سافرت يمكن شهر ونص ورجعت اسلم على بنات الجيران
ما عرفونيوحدة فتحت الباب واستغربت ورجعت تسأل والدتها مين هاي!!
بس بشهر ونص صرررت دبببببببببببببببببببببببببببببببببببببة عن جد مع اني كنت بروح مسبح بشكل يومي ومن يومها وانا بدعي على اهلي :)~~~~~
حضرتي مسرحية رية وسكينة
شفتي سكيننة وهي بتأكل عباعال سمعتي شو آلتلو بس شافتو بياكل متل المفجوع
آلتلو انت شايل الوز ابل الجواز!!! راح تصيري تتمني اولادك ماياكلو بيقولو بتفتح الشهية

يقومو بالسلامة يارب :)

[um bader]

ألف سلامة لأولادك أختى أم مودى و لا تهكلى هم بالنسبة للعملية أنا عملتها لإبنى عمر السنة الماضية و كان عمره أربع سنوات و الحمد لله أنه كان متعاون جدا و ما حصل أى مضاعفات و بالنسبة للبلع بعد العملية ما بطول يعنى بنفس اليوم بحاولوا يعطوه أشياء باردة من بوبسيكل و عصير بارد و من ثانى يوم فيكى تعطيهن شوربات و حليب بس هنى و شطارتهن يعنى بدك إطولى بالك عليهن امنيح و اتشجعيهن و أكيد راح يتوجعوا كم يوم و بعدين بسيروا بياكلوا بدون ما يعلكوا يعنى زلط زلط الأكل بينزل...............و أخيرا طهور و لا بأس عليهن إنشاء الله.

[عطور2004]

يقومو بالسلامة يارب ...الف لاباس عليهم

[ام مودي]

ام احلام..و عليكم السلام..يا هلا فيكي عزيزتي..
رنا يخلييكي و يعافيكي..ان شاءالله اطمنكم عليهم...
تحياااتي

[ام مودي]

هلا ام سهيل...شايفة الظاهر موسم..و الحمدالله على سلامة ولادة عمة الولاد..
تحيااااتي

[ام مودي]

لين..شكرا عالمشاركة..بس ليش طولتي بالمستشفى..على حد علمي بيطلعو بنفس الوقت...ربنا يسمع منك..و يصيرو ولادي دببة...
تحيااااتي

[ام مودي]

الله يسلمك و يخليكي يا ام بدر..و ان شاءالله يكونو ولادي متعاونيي..و ما يعزبوووني..و انا بدون شي الحمل هلا متعبنيييي..الله كريييم..و يسهلها..

[ام مودي]

الله يسلمك يا عطور..تسلمي يا رب

[أفنـ أم عمر ـان]

وأنا بعد ما عملت العملية صرت دبــــة .... وانا صغيرة طبعا:D

[LeEn]

ما بعرف !! سألت ماما آلت يمكن لأنو زمان