اخواتي المصريات خاصه وللبنات عامه

[Qater-alnada]

السلام عليكم انا ابي طريق عمل الكشري على اصولها لو سمحتوا :D

[كويتية صغيرة]

وآنا بعد وياكم

[LeEn]

مرة دقتوا عند وحدة كان بجنننننننننننننننننن
بالمعكرونة الي مممم هادي الزقزاق المموجة متل الشعر الكيرلي :)

وفيها حمص الصغير والصلصة طيبة فهمت من البنات الي هون انو بحطو فيها خل
اعتقد هو هدا الي معطيها نكهة طيبة.

[samra]

السلام عليكم
انتو تؤمروا
اليكم طريقة عمل الكشرى بس بصراحة انا بعملها كده بالبركة

المقادير
كوب ازر مصرى
كوب عدس بجبة ( اللي هوا لونه بنى )
4 ملاعق كبار شعرية
3 فصوص ثوم كبار
مكرونة نقول كوب ونصف (النوع اللى تحبيه بس يفضل الممقصوصة اى صغيرة الحجم)
عصير طماطم
بصلة كبيرة مقطعة شرائح
ملح ومعلقة كبيرة خل ابيض

الطريقة
-يغسل العدس جيدا ثم يوع عليه الماء ويوضع على النار ويترك حتى يصل الى نصف النضج
-يرفع العدس من على النار ويصفى من المار بس اوعي ترمى المية دى .
-تحمر الشعرية فى قليل من الزيت ثم يضاف اليها العدس والأرز وتسقى بماء سلق العدس ويترك على نار هادئة حتى تمام النضج ممكن تزودى مية لو احتاج.
تسلق المكرونة وبعد النضج تصفى وتغسل وتوضع فى اناء ويضاف لها قليل من الزيت .
-تحمر البصلة فى الزيت حتى تحمر وترفع من على النار
-يفرم الثوم ناعما ثم نحمرة فى الزيت بس مش اوى وبعدين نضيف ليه عصير الطماطم وبعد غليان الصلصة نصيف معلقة الخل الابيض والملح.

التقديم:-
يوضع قليل من الارز بالعدس فى الطبق وعليه المكرونة المسلوقة وبعدين نحط الصلصة ونرش البصل على الوش ممكن اضافة الحمص المسلوق ايضا
وبالهنا والشفا


وكل سنة وانتو طيبين

سمرا

[nano]

تسلم ايدك يا سمرا

[Qater-alnada]

مشكوره يا سمرا والله يعطيج العافيه
مشكورين يا بنات

[samra]

شكرا ليكم وكل سنة وانتو طيبين وان شاء الله تجربوه وينال رضاكم


سمرا

[bosy98]

السلام عليكم ورحمة الله ....
أنا على فكرة عجبتنى طريقة الكشرى يا سمرا جدا وعجبنى أكتر أنك بتعمليها على البركة ...زى ما أنا بعمل بالظبط على البركة لأنى برده مافييش حد اتعلمته منه ولكن طريقتك دى أكتر حاجة بتظبط ...
بس أنا بزود حاجة بسيطة جدا بس بحبها موت لأنها أكتر حاجة بحب أنى أكلها مع الكشرى وهى (دقة الثوم) بصراحة دى أكتر حاجة بموت فيه فى محلات الكشرى .. وأنا بدق رأس ثوم ( لو كانت كمية الكشرى كتيره ) لكن لو الكمية قد اللى أنتى وصفتى كميتها نقول 8 فصوص كبيرة وضرورى أدقهم فى الهون ( مش عارفة ليه بس بحس ان ده افضل علشان بيطلعوا زى شكل التوم اللى فى الدقة اللى فى المحلات ) وبعدين أحط مقدار خل 1 فنجان قهوة صغير و ماء 1 فنجان برده وشوية كمون وملح بحيث أما تدوقيها تحسى أن الملح معقول وقبل وبعد ما أوضب طبق الكشرى أحط دقة والحمص المسلوق بس أنا بحط عليه شوية كمون برده وتسلم أديكى يا سمرا

[samra]

شكرا يا بوسى
انا بحب الدقة طبعا بس بحس انها بتقلب ريحة البيت لما بحطها على الكشرى
ومنكم نستفيد
بس فى حد فيكم يعرف ازاى اعمل الرز البنى اللى بنحط عليه مكسرات

[bosy98]

سمرا معاكى حق .. بس هو الكشرى يحلى من غير ما يقلب البيت؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ههههههههههههههههههه



أما الأرز بالمكسرات من عيونى أنا أخدت طريقته كذا مرة من كذا حد بس مش ظبط معايا لكن أخدت طريقته من قريب وعملته طلع جناااااااااااااااااان وهبعت الطريقة علطول

[samra]

بوسي
انا فى انتظار الطريقة و المقادير

[رونة]

تسلم أيدككككك حبيبتى samra و bosy98 وياعينى على الدقةةةةةةةةةةة تقلب البيت
لكن تجنن http://smil.hotbox.ru/sm/100.gif


تحياتى

[Shams]

رغم أن الموضوع ليس بجديد على الإطلاق إنما حلو نجدد الطلة على المواضيع الحلوة

وأنا نفسي زمان أذوق الكشري المصري

وحبيت الطريقة يا سمرة وحابة أجربها

:)

[omsalma]

عزيزتى قطر الندى انا اعمل الكشرى كالتالى:
1-اغسلى كوب عدس اصفر مع كوب ارز وقطعى بصة صغيرا وشوحيها فى الزيت حتى تصفر ثم شوحى معها الارز و العدس قليلا ثم ضعى عليه كوبان من الماء وملعقة كبيرة ملح واتركيه حتى ينضج.
2-اغسلى كوب من العدس بجبة (الاسمر)واسلقيه مع قليل من الملح ثم صفيه من الماء ثم شوحيه بقليل من الزيت والكمون والملح.
3- اسلقى نصف كيس من المكرونة الاسباجيتى ثم صفيها ثم شوحيها بقليل من الزيت و الكمون.
4-اغسلىنصف كوب حمص شامى وانقعيه لمدة ساعتين ثم اسلقيه مع بعض الملح و بعد السلق شوحى بعض الثوم المدقوق فى الزيت ثم ضعى عليه بعض الخل والملح و الفلفل و اتركى الحمص يكمل نضجه فى هذه الخلطة.
5-بصلة كبيرة قطعيها صغيرا واقليها فى الزيت الغزير حتىتحمر ثم صفيها جيدا و ضعيها فى طبق.
6-شوحى بصلة مقطعةوبعض الثوم المدقوق فى القليل من الزيت ثم ضعى عليها بعض الخل والملح و الفلفل وملعقتى لصة وبعض الشطة الحمراء و كوب ماءواتركيها تغلى.
7-هاتى طبق التقديم وضعىطبقة من الارزو العدس ثم المكرونة ثم العدس بجبة ثم الحمص ثم البصل المحمر على الوجه ويزين بالبيض المسلوق المحمر والبطاطس المحمرة اصابع ويضع بجانبه طبق به الصلصة السابقة.
ارجو ان تعجبك الطريقة.

[omsalma]

اختى سمرا هذه هى طريقة الارز بالمكسرات:
1-قطعى بعض كبد الدجاج صغيرة ودقى بعض البندق او اللوز اوعين الجمل كما تحبين لكن دق خفيف حتى لا ينعم وشوحيهم فى ملعقة كبيرة سمن مع بعض الزبيب والفلفل الاسود والبهارات ويا حبذا لوكانت كثيرة.
2-اغسلى كوبان من الارز وضعى ملعقة سمن اخرى على الخلطة السابقة وشوحى الارز معهم قليلا.
3-ضعى 3ملاعق سكر على النارحتىيصير بنى فاتح مثل الكراميل ثم اضيفى كوبىشوربة عليه.4-ضعى الشوربة على خلطة الارز و اضيفى الملح الى ان ينضبط لان السكر يقلل الملوحةوضعىبهارات وفلفل اسود واتركيه ينضج لكن قلبيه كل فترة بعد ان يتشرب الشوربةحتى لا يلتصق.
5- عند وضعه فى طبق التقديم زينيه ببعض الكبد الناضجة مع المكسرات علىالوجه.
ارجو ان تعجبك الطريقة

[بنبونة]

السلام عليكم و رحمة الله و بركاته
صحيح كل شيخ وله طريقة كما يقول المثل
أولا : طريقه عمل الكشرى المصرى زى ما بأعملها
1 ـ المقادير بالبركة (ممكن مثل ما ذكرن الخوات ) ولكن الإختلاف فى الطريقة
2 ـ أضع العدس بجبه فى حله و معه بصله صحيحة متوسطة وملح و فلفل أسود و كمون وأضع ماء حتى يغطيه و أرفعه على النار حتى ينضج ( يسوى مثل الأرز )
3 ـ يسوى الأرز بالطيقة العادية لكن بالزيت
4 ـ تسلق المكرونة المقصوصة (صغيرة الحجم ) وتصفى من الماء ثم تشوح فى قليل من الزيت
مع إضافة ملح وفلفل لمدة دقيقتين فقط حتى لا يصفر لونها
5 ـ تقطع بصلة شرائح رفيعة (ريش ) وتشوح فى زيت حتى يذهب لونها ثم تنشل من الزيت
ويصب هذا الزيت وهو ساخن فوق العدس ويقلب
6 ـ يدق الثوم و يحمر فى الزيت حتى يصفر لونه ويضاف إلي فنجان خل أبيض و صلصة طماطم أو عصير طماطم طازج حسب المتوفر و ملح وتترك لتغلى وممكن إضافة الماء حسب سمك
الصلصة وهذا يرجع للرغبة سميكة نوعا ما (وهذا المفضل ) أو خفيفة
7 ـ التقديم : فى طبق التقديم
يغرف الأرز ثم العدس ثم المعكرونة ثم الصلصة ثم البصل المحمر
ممكن إضافة الشطه حسب الرغبة ويقدم مع السلطة البلدى زى ما بنقل وهى السلاطة الخضراء
المعمولة بالخضرة الكثيرة مع البصل (جرجير / بقدونس / خس / خيار /شبت / طماطم / جزر)
جربوه وأخبرونى و بالهنا و الشفا

[بنبونة]

ثانيا : الكشرى الصعيدى كما يسمونه أهل الصعيد
وهو عبارة عن 1 ـ مقدار أرز + نصفه عدس أصفر كل منهم منقى و مغسول
2ـ ملعقة ثوم مفرى + بصلة متوسطه مبشورة
3 ـ زيت + ملح + فلفل + كمون ( الكمية حسب الرغبة فى الحياق )
4 ـ الطريقة : يشوح البصل و الثوم فى الزيت حتى يذبلا ولا يصفرا ثم يضاف العدس و الأرز
و يقلبا مع البصل ثم تضاف التوابل ويقلب ثم تضاف الماء بحيث يغطى الأرز ويترك على النار
حتى تغلى الماء وتهدأ النار ويترك حتى ينضج الكشرى و يغرف فى طبق التقديم و يقدم مع سلاطة طماطم مع البصل والشبت و بالهنا و الشفا

[بنبونة]

ثالثا : طريقة عمل الأرز بالخلطة ( أرز بالمكسرات ) أو الحاج أرز كما تسميه أبله نظيرة أكيد
عارفينها وديه طريقتها يعنى على أصوله
طبعا طريقة الأخت omsalma أسهل بكثير وأناجربتها وكانت سهلة لكن طعم الأرز بيفرق
لكن إنشاء الله تعجبك لإنها الأرز بيبقى مفلفل ولذيذ
1 ـ تجهزى الخلطة (مكسرات / زبيب / كبد / قوانص / لحمة عصاج ) حسب الرغبة والمتوفر
2 ـ يسخن السمن ( يكون زائد عن المقدار الطبيعى حتى لا يحترق الارز ) ويوضع فيه الأرز ويحمر , يستمر فى التقليب حتى يصبح لونه بنى فاتح
3 ـ يصفى السمن من الأرز ويضاف الخلطة والملح و الفلفل ويقلب الأرز جيدا ثم يسقى بالمرقة أو الماء و يترك حتى ينضج بالطريقة العادية
$ ـ يغرف فى طبق التقديم ويجمل باللوز المحمص و بالهنا و الشفا
أتمنى أن يعجبك و يكون هو المطلوب

[بنبونة]

ثالثا : طريقة عمل الأرز بالخلطة ( أرز بالمكسرات ) أو الحاج أرز كما تسميه أبله نظيرة أكيد
عارفينها وديه طريقتها يعنى على أصوله
طبعا طريقة الأخت omsalma أسهل بكثير وأناجربتها وكانت سهلة لكن طعم الأرز بيفرق
لكن إنشاء الله تعجبك لإنها الأرز بيبقى مفلفل ولذيذ
1 ـ تجهزى الخلطة (مكسرات / زبيب / كبد / قوانص / لحمة عصاج ) حسب الرغبة والمتوفر
2 ـ يسخن السمن ( يكون زائد عن المقدار الطبيعى حتى لا يحترق الارز ) ويوضع فيه الأرز ويحمر , يستمر فى التقليب حتى يصبح لونه بنى فاتح
3 ـ يصفى السمن من الأرز ويضاف الخلطة والملح و الفلفل ويقلب الأرز جيدا ثم يسقى بالمرقة أو الماء و يترك حتى ينضج بالطريقة العادية
4 ـ يغرف فى طبق التقديم ويجمل باللوز المحمص و بالهنا و الشفا
أتمنى أن يعجبك و يكون هو المطلوب

[lilimoury]

مع ان الموضوع قديم بس لا باس من الافادة والاستفادة

اولا كل عام وانتم بخير بمناسبة الشهر الكريم



السلام عليكم ورحمة الله وبركاته


اختي لقيت لج هالطريقة في كتاب طبخ مصري عندي
ونقلتها لج بالضبط واتمنى تكون اللي
في بالج:



المقادير:

2 كوب ارز مصري
2 كوب مرقة دجاج
4 ملاعق سمن
ربع كيلو كبد دجاج
ورق غار وعود قرفه
ملح وفلفل حسب الذوق
ملعقة كبيرة سكر وملعقة كبيرة ماء
ربع كوب لوز مسلوق
ملعقتين صنوبر
ربع كوب زبيب

================================

الطريقة

يغسل الارز ويترك قليلا في مصفاه حتى يتخلص من الماء.
يحرق السكر في ملعقة الماء حتى يحمر لونه ثم يضاف
اليه الارز مع التقليب.

يوضع الارز على ناء هادئة مع التقليب من وقت لآخر
حتى يحمر لونه.

تضاف المرقة والملح والفلفل وتترك حتى تغلي ويبدأ
الأرز يتشرب السائل ثم يضاف ورق الغار والقرفه.

تهدأ النار ويترك الأرز حتى يستوي تماما.

تقطع قطع الكبد قطعا صغيرة وتحمر في قليل من السمن
وتتبل بالملح والفلفل وتترك على نار هادئة حتى تمام
التسوية وتحمر في السمن المتبقي وتنشل.

يحمر الزبيب في السمن المتبقي حتى ينتفخ وينشل
وكذلك الصنوبر حتى يصفر لونه وينشل.

يفتح اللوز بعد نزع القشرة الخارجيه الي نصفين ويحمر
في السمن وينشل.

يغرف الارز ويزين بالكبد والمكسرات والزبيب مع مراعاة
ازالة ورق الغار والقرفه قبل التقديم.

ملاحظة: من الممكن تقديم هذا الطبق مع الدجاج المحشي


وبالعافية على كل عرااااااااااااايس المنتدى