تعرفون الكثيـــــــــــراء الى تحطونها بشعوركم بايش يستخدموها بعض الناس ؟؟؟؟؟؟؟؟؟؟؟؟؟ [الأرشيف]

View Full Version : تعرفون الكثيـــــــــــراء الى تحطونها بشعوركم بايش يستخدموها بعض الناس ؟؟؟؟؟؟؟؟؟؟؟؟؟

همس الغلا

03-02-2003, 09:53 AM

الســــــــلام عليكم ورحمة الله وبركاته
تدرون يابنات البارح زارتني وحده من السعوديات
وقعدنا نسولف عن الشعر والخلطات الى تنحط عليه
قمت اتفلسف على الحرمه واقولها الكثيراء رروعه للشعر :ss:
قالتلي جربتيها قلت لالالالالالالالالابـــــس::HH::
بنات المنتدى يحطونها لحالهااويخلطون معها اشياء ثانيه ويمدحوووووووونها
قالتلي كيف شكلها
قلتلها شكلها زي الاظـافر ولونها ابيض على اصفر
قالتلي إيـــــوه هــادي الكوتيــــرا
الى تحطيها بمويه دافيه وبعدين تصير زي الجل
هادي نستخدمها

تخيلو لايش يستخدموها هي من اهل الحجاز

تبون تعرفون :S:
لا
لا
لا
مابي

مابي

مابي احرق اعصابكم
تقول يستخدموها في النفاس يشربوها مع الحليب
وتقول انها ممتـــــــــــازه للظهر
طريقتها تنقع بمويه دافيه واذا صارت جل يوخذ منها نصف كاس ويخلط مع حليب وسمن بلدي
ويشرب بالهنــــــاءوالعافيــــــــــــه"K)(

حد عنه خلفيه عن هالمعلــــــــــــومات
ياالله خلو البنات يستفيدوووووووو

أم غانم

03-02-2003, 10:58 AM

همس الغلا مشكوره على المعلومه وانا سمعت انها للجروح بعد يعنى تنشف الجروح ...بس
مافهمت كيف يعنى للظهر يعنى شو فائدتها بالضبط ...؟؟؟؟

- نواعس دامعة -

03-02-2003, 11:15 AM

قـــ :Dــــديـــــــمـــ:Dــــه

ايوه انا عارفةةة انها برضو تستعمل كاعلاج لالام الظهر والاشياء كثيره بعد والله مدري يبي لي اسئل جدتي :D

بس احنا الان نبيها للشعر وإذ عجزنا عاد نقسمها شي لشعرنا الابيض وشي لظهرنا المقوس :D

وتسسسسلمي ياعسسسسل

دلوعة أبوها

03-02-2003, 02:09 PM

شكرا لك همس الغلا على هذه المعلومة

ويعطيك العافية..........

المرحة

03-02-2003, 02:18 PM

حتى انا سمعت عنها تسمن .. وتنعم البشره..

وفيه الكثيرا ء الثانيه اللي لونها احمر يقول العطار انها تشرب

للي يعانون من مشاكل في المثانه ..

دمع العيون

03-02-2003, 02:25 PM

ماعندي علم اسمع انها تنعم الشعر .

همس الغلا

03-02-2003, 02:25 PM

ام غانم انتي عارفه ان الوحده بعد الولاده يكون ظهرها تعبان وشرب الكثيراء يساعد على شفاء الظهر باذن الله .................................العهده على الي قالتلي
نواعس دامعه اللــــــــــــه يسامحك فشلتيني sid
يعني الغبار الحين مالي المنتدى اخاف يجي البنات ربووإلا حساسيه لاقدر الله "JH" من معلوماتي
القديمهq)......................................... ....امزح ههههههههههه

اختي سلامة مشكوره على الرد

ريم الخليج

03-02-2003, 10:19 PM

والله جت في وقتها انا ظهري تعبان من زمان مو عارفه له حل ......

بس تهقين احد يقدر يشرب الكثيراء؟؟؟؟؟

ورود2002

03-02-2003, 10:42 PM

السلام عليكم ورحمة الله وبركاته
ارجو من جميع الاخوات الي بيعرفوا ان الكثيراء بتنفع لوجع الظهر خاصة
مع الغضروف او الدسك
انها تحكي عن الموضوع بالتفصيل

والله يجزاكم الخير
اختكن00000ورود2002

الغيورة على الدين

04-02-2003, 12:32 AM

يا جماعة حطمتوني
أنا استخدم الكثيراء بالطريقة اللي مع الماي ، وتصير مثل الجلي عشان اجعد شعري لأنهم قالولي انها احسن من الجلات اللي نشتريهم ولا ندري ايش فيهم وتجعد الشعر في نفس الوقت
لكن
هي ما تجعده فعلا لكن تخليه متلل
اذا عندكم له طريقة اتجعد لأن شعرتي ثقيلة وطايحة ، ودي أغير

همس الخفوق 2000

04-02-2003, 12:33 AM

عيوني اسمعي انا الان ماسكه كتاب اعشاب ويقول فيه ان الفراعنه استخدموها في علاج امراض الصدر والكلى 0 وقال ابن بيطار انها تستخدم لعلاج تساقط الشعر وتستخدم شرابا ودهانا لتحسين لون البشره ( يتكون من الكثيراء والمصطكى والزعتر والعصفر وحبة البركه مع كميه مماثله من العسل ) وان منها نوعان ابيض يختص باالاكل واحمر للطلاء وانه يكسر سموم الادويه وحدتها ويقوي فعلها ويصلحها وينفع بذاته من السعال وخشونة الصدر والرئه وحرقة البول والمغص والكلى والنوع الاحمر يطلى بالخل فتزيل الكلف والنمش ومع البورق والكبريت الجرب والحكه والبهاق والبرص وينعم البشره واذا خلط الابيض بمثله من اللوز والنشاء والسكر سمن البدن تسمينا جيدا وان شرب عليه اللبن كان سرا عجيبا في ذلك والنساء في خراسان (مدينه في ايران ) تعرفه وتكتمه وشربته الى خمسة مثاقيل 0
هذا ماقرأته في كتاب الاعشاب عن الكثيراء وسلامتكم 0

^SwEeTa^

04-02-2003, 02:02 AM

طيب ...
الوحده ما تقدر تستعملها اذا كان لها اربع اشهر والده...؟؟؟
يعني .. لو شربتها مع الحليب الحين .. راح تنفع معاها ؟ ولا مافي فايده خلاص؟؟؟

UAE_Butterfly

06-02-2003, 09:45 AM

مشكوووورين على المعلومات القيمة بس حبيت اعرف شو هي الكثيرا و اذا لها اسم ثاني شو هو؟؟؟؟؟؟

ليـــــــــــان

07-02-2003, 01:27 AM

مشكروه همس الغلا

بس كفايه ريحتها بعد تنشرب حنا يالله نحطها على الشعر وععععععععع

شنو هذا ؟
والله انقلبت كبدي
ياي شلون تشربها مايصير فيها شئ بعد الشرب ؟.؟؟؟؟؟؟

اختكم
ليووووونه

صعبه المنال

07-02-2003, 02:58 AM

والله كلام ليان صحيح ريحتها وعععععععععععععع

كيف اشربها عموما ان شاء الله ظهري ما يعورني ولا انحد اشربها والله يشفي الجميع

ومشكوره اختي على المعلومه هذي :)

ست الكل

08-02-2003, 02:10 AM

ها بنات انا جنني شئ اسمه الكثيراء
ومادري وين القاها
ممكن تدلوني على المكان اللي لقيتوها فيه
اختكم
ست الكل

- نواعس دامعة -

08-02-2003, 07:58 AM

اسمها الكثيرا

تجدينها عند العطارين والحواجين ... وان شاء الله يكون هذا اسمها بليبيا ويسهل عليك ايجادها باذن الله :)

دمتي سالمه