تعلمت حركة حلوة بالفوتوشوب00تعالو شوفوها00

[الريم]

بسم الله
الحركة أول مرة أشوفوها00الظاهر اخترعتها(صدقت نفسها فنانة)
وعلى كثر الدروس اللي قرأتها ماشفت لها تطبيق00وطبعا اكتشفتها بالصدفة
أولاً:- صممت الشكل التالي بطبقتين عملت لهم تدرج لوني
ثانياً :-عملت للطبقة الأولى فلتر00
Filter--Distort--Twirl تمام (اعرف اشرح 00صح)
ثالثاً :-بدأت بالكتابة وطبعا فيه عدة تأثيرات للكتابة (أنا أخترت هذا التأثير اللي يخليها شفافة)
الشغل الى هنا عادي00000
وكان هذا التصميم
http://habobah2.jeeran.com/توقيع2000.jpg
رابعاً:- من قائمة Edit---Define Brush
(وهنا يعني انك تستحدثين فرشاة بالشكل اللي صممتيه مسبقا في هذا العمل)
تفتح نافذة تسمين فيها الفرشاة اللي صممتيها0وثمOK

خلاص راح تنزل هذي الفرشاة مع بقية الفرش00ولما تفتحين عمل جديد
وتاخذين الفرشاة تلاقين ان عندك فرشاة بحجم كبير يملأ الشفيفة كاملة بالتصميم اللي عملتيه وطبعا يمكن اعطائها اي لون
وهذه هي النتيجة بألوان مختلفة:-
(1)

http://habobah2.jeeran.com/نسخة1.jpg

(2)
http://habobah2.jeeran.com/نسخة2.jpg

انشاء الله اكون وضحت الفكرة وجاهزة للأسئلة للي يحب يطبق

[ام يوسف]

حلو:)

[الريم]

:D شكرا

[المقنَّـعة]

الغالية الريم
تصاميمك الاولية كلها واضحة وظاهرة
بس اللي هنا في الموضوع ماطلع ولا واحد
بس علامة اكس حمراء حتى لمن اختاراظهار صورة مايطلع ولا شي
فايش المشكلة ؟؟؟ لاني ودي اتابعك علّ وعسى اني اتشجع واسوي اول بطاقة :D :D

[الريم]

هلا اختي المقنعة00
تدرين صرت اهذي بالفوتوشوب في كل مكان
وما أترك الجهاز شي زين وشي شين00
ومع المحاولات تكتشفين انت حاجات00صحيح ماتكون جديدة00
المهم تعلمت انت بنفسك
وانا أول من يشجعك00والله طلعت من الدورة مثل مادخلت فلوس راحت على الفاضي بس المهم
خطيت اول خطوة00المهم حاولي وتوكلي على الله0
وهذي الصور انزلها لك مرة ثانية
http://habobah2.jeeran.com/توقيع2000.jpg

http://habobah2.jeeran.com/نسخة1.jpg

http://habobah2.jeeran.com/نسخة2.jpg

تحياتي لك

[المقنَّـعة]

تسسسسسسسلمين يالغالية
والله رووووعة وابداع

تصدقين اني متابعة الدروس في المواقع .. لا ومخزنتها عندي واطبق عليها يوميا.. يعني اعرف اشتغل في البرنامج شوي
بس الى الان مااحس اني بقدر اجمع الافكار
وبما انك قلتي انك بتشجعيني .. فالله يعينك على الغثا .. كل يوم ابسالك.. عاد وين القى وحدة تعلمني مثلك .. وببتدي من الحين:D
عشان اسوي تدرج في الالوان دايما استخدم اداة paint bucket بس مايظبط..
انت هنا كيف درجتي الالوان والاضاءة ؟؟

[الريم]

هلا المقنعة00
بسم الله نبدأ00ويسعدني والله أني أقدر أفيد
أولا00 الأداة اللي تستخدمينها هي للتعبأة بلون واحد paint bucket (مثل برنامج اللوورد تماماً)
واللي استخدمتها أنا أداة للتدرج هي Gradient Tool 00وهي معها من نفس الTool
ومنها أختاري لون التدرج من نافذة خاصة أو أنتي نسقي الألوان اللي تبين00
التدرج هذا جاهز00
انشاء الله اكون وصلت المعلومة أولا00وثانيا بالتجربة والتكرار يجي التدرب وبعده الابداع وروعة التصميم0
بانتظارك0

[المقنَّـعة]

مراحب اختي الريم
والله اني تشجعت شوي وسويت اول بطاقة
بس من جد جدا عادية ومافيها اي نوع من الفن
مجرد محاولة لفك العقدة:D
انتظر ملاحظاتك عليها وبعدها عندي بس خمسين سؤال:mad: والله يعينك علي
http://wafaaa.jeeran.com/العشر1%20copy.jpg

حاولت اني اقلد بطاقتك
لكني طلعت ( مييييييحة ) وشكلي حالة ميئوس منها ..
يعني لادورة تنفع ولا دروس انترنت ..
احباااااااااط..صح !!!!!

[الريم]

ياهلا المقنعة00
بالعكس مجرد المحاولة كافيه00
وبطاقتك فيها شغل00متعوي عليها00
ملاحظاتي:-ألوان اللوحة كلها فاتحة00عشان كذا أدخل لون الخط غامق أو العكس
وأكبر الخط00وحلوة حركة سطر كبير وصغير بس بعد السطر الثاني يبي له تكبير
واضبطي التأثيرات على الخط00
لاتيأسين أنا أمنتى أنك تنقدين أي عمل أو بطاقة لأنه كذا راح نتطور 0
أنتظر محاولتك0
وعلى فكرة شوفي جيت من المدرسة الساعة 3 وماقدرت أنام لأن تفكيري بالفوتوشوب ومخمخة على فكرة0
تحياتي0

[المقنَّـعة]

الله يجزاك الجنة يالريم على الملاحظات والتشجيع
وطبعا اول مرة يمر يوم كامل وما ادخل النت والسبب الفوتو شوب
المهم بالغالية سويت بطاقة ثانية وهي اهداء بسيط لك ويارب تعجبك
طبعا هي محاولات من طالبة مجتهدة:D لمعلمة متمكنة
انتظر توجيهاتك عليها

http://wafaaa.jeeran.com/تجربة%20ريم%20copy.jpg

[الريم]

كذا يالمقنعة تجاوزت معلمتك،،
واصبحت متمكنة،،
شغلك حلو ومتعوب عليه00فيه حركات00وتأثيرات
بس اشرحيه يعني من وين ابتديتي00وايش التأثيرات اللي اضفتيها00
وحلوة مرره حركة الكتابة طول وعرض معطيه التصميم شكل غير0
استمري وبتشوفين نفسك غير0

[المقنَّـعة]

:D :D :D :D :D
تراني شوي واطير من الفرحة
لا يالريم وين انا وين الفن !!!!!
قدامي عشر سنين ويالله اني اتمكن منه
بس مشكلتي اني احط الشي في راسي ولازم اسويه
يعني شعاري الحين
(يا انا يالفوتو شوب)
بس شكلي ماني متمكنة منه الا والنظارة بتصير دبل

والتأثيرات االي سويتها مدري عنها بس ابرجع للهيستوري لكل لاير وابقولك عليه

الله يجزاك خير على التواصل

[الريم]

هههههه
الله يستر من النظارة انتبهي00
وانا معاك يا أنا يالفوتوشوب00
عطيني بس فكرة مبسطة عن التصميم00لأنه فعلا رائع
استمري

[المقنَّـعة]

شوفي يالريم طبعا مالقيت شي في الهيستوري ( من زود الفن على بالي انه مايروح )
المهم هاذي الخطوات اللي سويتها
1. ال Background سويتلها تعبئة عادية ( بالاداة اللي شرحتيها لي )
2. الكتابة اللي في الخلفية من Filter – texture – texturizer – load وتقدرين تحطين أي صورة عندك –( وانا هنا كتبت الاسم وحفظته ، بس اهم شي إن الصورة تكون صغييييييرة )
3. الكتابة العمودية جت بالصدفة من Edit- Free transform وبعدها حركي بالسهم المنحني
4. الاضاءة اللي في الوسط من Render – Lensflare
5. الاضاءة اللي في الشعار من Render – lighting Effects
6. الصور عادية بس تغيير في الشفافية
يارب اني اكون افدتك وتكونين فهمتي علي لاني اول مرة اصير ابلة ( صدقت عمري ):D :D

[الريم]

ياهلا
تنفعين ونص تكونين ابله0
وبانتظار الجديد تراي طماعه0

[المقنَّـعة]

مراحب يالريم
عندي فكرة يارب توافقين عليها
بما اننا راح نطبق الشعار
طبعا زي ماقلتي ان الفوتوشوب تجارب
فايش رايك نجمع البنات اللي عندهم خلفية بسيطة عن البرنامج
اوكيه
وبعدها نجيب بطاقة بسيطة من اي موقع
وكل وحدة تحاول تقلدها في وقت معين
واللي تقارب الشكل الحقيقي نطلب منها تعلمنا الخطوات اللي قامت بها
وبكذا الكل بيستفيد من المحاولة اولا ومن تجربة الغير ثانيا
تناسبك الفكرة ؟؟؟؟؟؟؟؟

[الريم]

يا هلا المقنعة00
المشكلة انه أي تصميم لابد تكون فيه صوره 00
يعني الاصل ماراح يكون عندنا هذي مشكلة0

راح انزل موضوع قريبا (اطلب فيه مشاركات من يعرف ولو القليل بالبرنامج)بتصميم بطاقات معايدة وتهاني0
وبكذا راح تكون منافسة حلوة وتصاميم متنوعة
ايش رايك0