لييييييه كذا يالكويتيات ؟؟؟

[نورلينة]

السلام عليكم ورحمة الله وبركاته

انا بوجه رسالة عتب لأخواتي الكويتيات الموجودات في المنتدى واللي وعدوني انهم يستقبلوني في المطار ويضيفوني في بيوتهم

انا يوم وصلت المطار انتظركم ومتعشمه في حفل الاستقبال ومالقيت احد :(

وانتي يادارينو اللي مجهزه فرقه شعبيه وعرضه ومدري ايش ..وين راحوا ؟ :mad:
عاد يوم وصلت للمطار رحت لصالة الاستقبال الرسميه قالي موظف الأمن : وين وين يالأخت قلت : فيه ناس بيستقبلوني هنا قال : ايه جاتنا رساله من الديوان يعتذرون على عدم استقبالك...هيييييه من هنا من هنا الطريق الله يستر عليك انتي اخذه مقلب في نفسك !
*************
امزح معاكم يابنات بصراحه انا توني راجعه من الكويت اليوم وهو بلد جميل جدا وأهله مضيافين
وطيبين ....وبصراحه تفاجأت بحجم المحبه اللي يكنونها لأخوانهم السعوديين

ماكنت متخيله حجم هالمحبه والموده والتقدير
***********
واحب اشكركم واقولكم اني استفدت من المعلومات اللي عطيتونيها عن الأماكن الجميله والاسواق اللي في الكويت ........بصراحه حلوه مع اني مارحتلها كلها بس اللي شفتها تكفي عن غيرها

**********
كنا مخططين انه نقعد فيها الين بكره ولابعده بس بسبب مرض جدتي المفاجئ رجعنا على جناح السرعه
*********
وفكرت اهديكم باقة ورد ....قلت لا انتوا مايكفي في حقكم باقه وحده ....انتوا تستاهلون بستان ورد كامل

وسلااااااامتكم

[دمع العيون]

كلك ذوق مع اني مو من الكويت بس شجعتيني اروح.

[*ريف*]

هلا نور حبيبتي الحمد للة علي السلامة بس ما قلتيلنا وين رحتي ووين سكنتي

[om-maryoom]

يا هلا فيج بالكويت والله لو ندري جان رحنالج على طول وسوينالج رحلة سياحية الى شلالات الزور وجبال القرين وتلال السالمية
بالاحلام هههههههه
ان شاء الله استانستي بالكويت؟؟؟
قوليلنا وين رحتي وين قعدتي وشلون هلا فبراير معاج

[Qater-alnada]

الله يسامحج يا نور والله خرعتيني في البدايه بس لما عرف الطبخه صرت جنج كاته علي ماي بارد :D
على العموم لو ندري انج زايرتنا كنا راح نستقبلج وبدون تردد

بس ها يالله الحين دورج قوليلنا كل شي شفتيه عندنا وكم يوم قعدتي بالكويت ووين سكنتي وهل كنتي موجوده لما نز علينا المطر ولا لا لان الجو كان روعه

ادري نشفت ريجج بالاسئله بس يالله عاد جاوبي عليها كلها

[غفرانك]

نفس اسئلة البناااااااات
والاهم وين سكنتي

[*ريف*]

نوووووووووور

وينك يا نوووووووووووووووووور

[مساء]

لو سمحتي أختي نور أو الاخوات الكويتيات لو سمحتو تكتبون لي الرابط حق الموضوع علشان أنا

كنت ودى أسئل عن الكويت لاني ناويه أروح هناك هاليومين ..وأنا سويت بحث لاكن ماطلع لي شئ

[*ريف*]

مساء هذا هو الرابـط وياهلا فيج بتنورينا واللة


http://www.lakii.com/vb/showthread.php?threadid=51799


W:

[نورلينة]

((يوميـــات نـــــور في الكويــــــت))

اهلا وسهلا فيكم ....الله يسلمكم
واسفه على التأخير....انا مو بعيده عنكم هنا في المنتدى وقاعده بعد اعمل بحث في المواقع .....فاضيه

عاد ياطويلات البقى والسلامه .....بحكيلكم عن كل شي سويته في الكويت ...من طقطق لسلام عليكم .....راح اعيد كل اللي قلته لأمي وخواتي

اول شي احنا سكنا في شقه والله مدري ايش اسمها (لاتضحكون)
ترى انا اول مره ازور الكويت
الشقه حلوه وانيقه مره ومرتبه حجزها لنا صاحب الدعوه اللي رحناله(تراه كويتي وله قصه معانا بعدين اقولها لكم)

احنا وصلنا الأربعاء والزواج كان في نفس اليوم ......عاد بعد المغرب قمت وجهزت حالي للعرس...يابنااااااااااااات تصدقووووووون

طلعت احلى من العروس (مادح نفسه.....)
والعرس مو في صاله ولافندق ...كان في شاليه لأبو المعرس ....بس شيك

واليوم الثاني والثالث جوله سياحيه رحنا لسوق شرق ( هذا اشهر سوق عندكم دايم اسمع فيه)
ايه واهم شي السوق الشعبي والله مدري ايش اسمه (اقووووول لاتضحكون) ....معذوره مااعرف الديره لأني تعودت كل بلد اسافرله لااااااااااااازم اشتري شي من مقتنياتهم التراثيه

وفيه منتزه ياربي ايش اسمه ايش اسمه يانووووور؟
الظاهر انه الشعبي .....الشعيبي حاجه زي كذا
وكمان منتزه ثاني دلنا عليه صاحب الدعوه جزاه الله خير

وطبعا اختكم تحب الجوله بالسياره على المدينه وشوارعها وتدخل بعض المحلات اللي على الشارع خاصه بتاعة الهدايا التذكاريه....

ايييييييييييييه ....فيه احد يروح للكويت ومايمر على ابراجها ؟! مافيه غير نور

لا امزح معاكم مريتها كذا على الماشي ومشينا فيها شوي

وكنا ناوين يوم السبت نروح للمتحف ...بس ظروف مرض جدتي خلتنا نرجع بسرعه


وبس هذي هي قصة ( نـــور في الكويــــت)

[كويتية صغيرة]

اول ما قريت عنوان الموضوع تخرعت
قلت امبيه احناالكويتيين شنو مسويين
ترى احنا مو ناقصيين أحد ما يحبنا خاصة انتو
لأننا نحبكم موت
كافي ان بعد الغزو العراقي الكل كرهنا و صار ما يحبنا ، ما أدري ليش ، كأن إحنا اللي غزينا العراق مو العكس.
ما عليه دخلت عليك سياسة شوي
آسفة خرجت عن الموضوع

[كويتية صغيرة]

آسفة اختي نور بس هذا انطباعي أول ما قريت العنوان

[نورلينة]

كويتيه صغيره
وليش يكرهونكم عسى تكرههم العافيه .........ومنهم هم اللي يكرهونكم ...علميني بس فيهم وانا اشن عليهم حمله عسكريه ( ياساتر جاتكم اخت بوش)


تبين الصراحه انا كنت اسمع انه فيه بعض الحزازيات بين الكويتيين والسعوديين على مستوى الشعب والمواطنين ......لكني اكتشفت زيف هالاشاعات بنفسي .....والقصد منها انهم يوترون علاقة الأخوه اللي بين هالشعبين خاصه بعد ازمة الكويت لأن السعوديه هي اكثر بلد وقف جنب الكويت وهذا اللي غاضهم ...........لو بقولك على كرم الكويتيين معانا لما رحنا خاصه لما عرفوا انا من السعوديه الكل وده يخدم ويساعد الله يجزاهم كل خير


اقووووووووول
ياحلوووووو كلمة ( امبيـــــه ) حبيتها كثير من الكويتيات

[دانةالكويت]

اي والله يحليلج يا نور خرعتينا ..... عاد انا داشة بتهاوش معاج هههههه طلعت غلطانة ...


مشكورة وايد على الورد .... لا وتوليب بعد ؟؟؟؟ هذا غرامي ..... انشالله المرة الياية نستقبلج بالمطار ولا يهمج

[جورى]

نور خرعتينا بس ونستينا لما قلت انك كنت عندنا ما ندرى كنا فرشنالك الارض ورد بس ملحلوقه المره الجايه

واكيد ان الشعبيين الكويتى والسعودى اكثر من اخوه والدليل الانساب اللى بينا والصداقات وانت شعب اكثر من رائع والله عندى عندى صديقات من الغربع الى الان بينا اتصالات

ما تشوف شر الجده

[مجروحه]

والله انا مش من الكويت بس كان عندي فضول اعرف شوالسالفه ودخلت:D والموضوع عجبني وانا بعد ودي ازورالكويت للحين مارحت لها كل مااقول لخوي يقول مافيها غير المجمعات بس طلع من كلامكم انها فيها اشياءوايده وحمستوني الها،، بس اريدأسال في فرق بالاسعاربين الكويت والامارات وهل اغلى ولانفس الشي لان المئة درهم عندنا عشر دنانير كويتي :confused: نوروني يالكويتيات..:rolleyes:
وحبيت اقول لكويتية صغيرونة ماعليج الحجي وااااااايد وكلنا عيال ادم وحواء وتراكم غالين بس يمكن حال العراق هو اللي حاز في خاطر الناس ولاانتم مالكم شغل ..تحياتي..:) W:

[غفرانك]

اصلا ا كثر شعبين يحبون بعضهم بالخليج هم السعودية والكويت
وطبعا حكوماتهم بعد 0 مرة حصلي موقف واستغربت من مدى تعاون الحكومتين ( وحدة دشت بالخطر ) خخخخ المهم كنت باسبانيا وصارت لي مشكلة وقالوا لي الاسبان اذا ماحصلتي سفاراتكم تقدرين تلجاين الى سفارة السعودية حزتها انصدمت( الاسبان واصلهم حجي )0 بس بعدين عرفت ان باي مكان بالعالم اذا لم توجد سفارة الكويت اقدلر الجا الى سفارة السعودية 0

اختي مجروحة الكويت دايما مالها دخل وما تحب الظلم لاي كان بشعبها وحكومتها كلنا ايد وحدة
وحياج الله باي وقت بديرتج نمبر2 خخخخخخخخخخ انغليزي مغلف بالعربي

[محبة لدينها]

الله كويت
و الله حلوه
ترى أبوي هناك بيشتغل مرات قلت له يأخذني معاه بس للأسف الظروف ماتخلي


تحياتي

[Qater-alnada]

يا حليلج يا نور ترى انتي على حسب كلامج الى الحين ما شفتي شي ترى طافتج شغلات وااااااااااااااااااااااااااااااااااااااااايد

اما اختي مجروحه أأأأأأأأأأأأه ه ه ه ه ه بس لو امسك اخوج جان اعطيه جم بوكس عشان يتأدب ويجيبج عندنا عشان مره ثانيه ما يقول ان الكويت ما فيها الا المجمعات :D لا تزعلين ترى اتغشمر

[نورلينة]

أشكركم جميعا يااخواتي على مشاعركم الطيبه

ومعليش على هالتخويفه والرجه المعتبره ........

مافيه داعي اعيد وأأكد على العلاقات الثنائية والمشتركه بين البلدين الشقيقين (طلعت وزيرة خارجيه هههههه)
**************
بس انا قلتلكم في البدايه اني راح اقولكم على قصة صاحب الدعوة الكويتي ....وهي تأكد لكم مدى عمق الأخوه والمحبه بيننا ........

صاحب الدعوه هذا هو لايقربنا ولاهو من أصدقاء زوجي ومن معارفه .....
بس احنا تعرفنا عليه في رمضان الماضي في مكه المكرمه لما كنت رايحه مع زوجي للعمره

استاجرنا شقه ....وطبعا تعرفون الفنادق والشقق في مكه في رمضان كلها زحمه ومشغوله

لما رجعنا انا وزوجي من الحرم دخلنا العماره وكان عند الاستقبال هذا الشاب الكويتي ومعاه امه المسنه واخواته البنات ثنتين .....وكانوا يدورون على شقه او غرفه في فندق ومالقوا .....

وكانت والدته تعبانه من السفر والعمره .....
فعرض عليهم زوجي انهم يباتون عندنا في الشقه .....خاصه انها واسعه علينا ....فيها غرفتين وصاله ومطبخ صغير ودورتي مياه

وفعلا باتوا عندنا ....وكنت سعيده جدا بالتعرف على أسرته خاصه ان اخواته في سني

وقام الشاب وقدم دعوه لزوجي لحضور زواجه وأمه اصرت علينا انا نحضر

وبعد فتره اتصل علينا أبوه من الكويت يشكر زوجي ويعزمه رسميا
وقبل الزواج بأسابيع قليله اتصلوا مرة ثانيه يأكدون على الدعوه

أما استقبالهم لنا في العرس .......فكان شي خيالي وماينوصف ماباقي الا يشيلونك عن الأرض

الله يذكرهم بالخير ويجزاهم كل خير .

[Qater-alnada]

الله يجزاكم خير بعد انتوا على مساعدكم لهم والله هالشي يفرح ويثبت ان في الدنيا خير
والله هالقصه حوه ومؤثره بنفس الوقت

[مساء]

أخيتي ريف مشكورة على الرابط لاني مره جيت الكويت وما أعجبتني لان ما أعرف فيها أي مكان حلو

[مساء]

نور ممكن تذكرين لي أسم الشقق المفروشة وكم السعر لاني بصراحه رحت للكويت قبل سنتين ومالقينا شقق مفروشه نهائي كله فنادق لا وبعد متروسه ناس

[دانة الكويت]

ماشاء الله عليكم يا بنات الكويت ولله يكثركم ....
ياالغاليه مساء ،،،،
في فندق كويس ويمكن عنده شقق فندقيه اسمه هلا موتيل ان سمعت ان اسعاره معقوله

وعلى فكره هالايام ما شاء الله زايده الفنادق في الكويت ومهنا:
الريتز موقعه عجيب على البحر واسعاره تبدأ ب35 دينار
منتجع الهيلتون وهو خارج العاصمه ولكن مو كثير وكذلك يحتوى على شاليهات واستديو وغرف
وان بغيتي الاسعار انا حاضره
سفير الدانه وهو قريب من منتجع الهيلتون
سفير البستكي في العاصمه
وفي منتزه الخيران وهو بعيد بالقرب من النويصيب (مركز الحدود مع المملكه) والسعر في 3ليالي
130 دينار
منتزه صالح شهاب كذلك بعيد عن العاصمه وهو جيد لمن ينشد الخصوصيه والهدوء
منتز خليفه شبيه بالسابق
وقد سمعت منذ ايام عن توقيع عقد للموفمبك
وكذلك في السالميه فندق على البحر اوشك على الانتهاء فندق السفير
وفي العاصمه كذلك ماريوت الجديد في منطقه شرق.

وحياك الله في اي وقت واذا ارت ان ابحث لك عن شقق مفروشه بالايجار اليومي فهي كثيره في السالميه ......
وحاضرين للحلوين

[دلوعة المنتدى]

مرحبااااا نور 0000

الصراحه القصه واايد مؤثره 000

وماشاله على زوجك 00 والله يكثر من امثاله 0000 كرم واخلاق بوقفه هذااا 000
واتمنى انج اتزوريناااا000 والله راح اتنوريناااا

وترى على فكره فى اشياء وايد ما شفتيهاااا انشاله مره الثانيه احنااا انوديج 00

مع السلامه حبيبتى 000

[مساء]

دانة يادانة ياأحلا دانة مشكوووووووووره علي المساعدة ....وأتمنا أني أجي إلى الكويت هذه السنه

حيث كنا مخططين نروح للحفرثم نذهب إلى الكويت لاكن زوجي يقول مافيه روحه لاي مكان خارج

المملكة حتى تستقر الاوضاع في منطقة الخليج والله يبعد عناوعنكم شبح الحرب وويلاتها...لاكن إذا

أستقرت الامور ما أستغني عن مساعدتك

[نورلينة]

أشكركم ياأحلى الحلوات على ردودكم وترحيبكم

قطر الندى ومساء ودانة الكويت ودلوعة المنتدى

ماأحلاكم وماأحلى دخولكم