أكلات شعبيه ...... بدون لحوم

[nonamoo]

http://www.lakii.net/images/Oct06/aidy_tamezmo2blt.gif


السلام عليكم

كان غدانا امبارح الاطباق الي هتشوفوها ويارب تعجبكم بصراحه زهقنا من اللحوم والفراخ فحبينا نغير وماشاء الله أكلنا بنفس والاكل كان جميل

نبدأ بسم الله

الطبق الرئيسي كان الفول بالصلصه

المكونات (طبعا دي بتكون تقديريه علي حسب عيلتك)

فول مدمس
طماطم مكعبات
ثوم مقطع قطع صغيره او مدقوق
بصل مفروم
فلفل اخضر مقطع قطع صغيره
ملح وكمون
زيت

http://m002.maktoob.com/alfrasha/ups/u/21741/27650/348447.jpg

الطريقه

نضع زيت في حلة وعندما يسخن نضع البصل ويتم تشويحه وعندما يصفر نضع الثوم والفلفل الاخضر وعند الاحمرار نضع الطماطم والملح والكمون ونتركهم حتي يتم تسبيكهم قليلا ، ثم نضع الفول ونقلبه ونتركه قليللا علي النار حتي يسخن مع الخلطه

وبالهنا والشفا
http://m002.maktoob.com/alfrasha/ups/u/21741/27650/348448.jpg

أما الطبق الثاني فهو باذنجان مقلي

المكونات

باذنجان رومي
ملح وكمون
زيت للتحمير

الطريقه

نقشر الباذنجان ونقطعه شرايح ثم نقليه بالزيت ونرش عليه الملح والكمون بعد الاستواء

http://m002.maktoob.com/alfrasha/ups/u/21741/27650/348446.jpg

أما الطبق الثالث فكان كبه البطاطس

المكونات

بطاطس بيوريه مسلوقه ومهروسه وعليها ملح وفلفل
بقسماط ودقيق قليلا
بيض عليه فلفل اسود
زيت للتحمير

الطريقه

طبعا نسلق البطاطس عادي وبعدين نقشرها ونهرسها ، نضح الملح والفلفل الاسود عليها ثم نقوم بعمل الاقراص منها ( لو كانت لسه البطاطس دافيه بعد لما نشكلها نضعها بالثلاجه ربع ساعه حتي تتماسك ) ، نضع الاقراص بالبيض ، ثم البقسماط بالدقيق ، وعلي الطاسه للتحمير علطول ، وممكن نعمل كميه وبعد مانحطها في البقسماط والدقيق نرصصها في طبق فويل ونغلفها وفي الفريزر وتكون للتحمير في اي وقت

http://m002.maktoob.com/alfrasha/ups/u/21741/27650/348445.jpg

اما الطبق الرابع فهو بطاطس بالمايونيز

المكونات

بطاطس بيوريه مهروسه
ملح وكمون
فلفل اخضر حراق ( حسب الرغبه )
ثوم مفروم ( قليلا منه )
مايونيز
رشه زيت

الطريقه

نخلط كل المكونات وبالنهايه نرش رشه زيت
http://m002.maktoob.com/alfrasha/ups/u/21741/27650/348444.jpg

بالهنا والشفا
اتمني يكون الموضوع عجبكم

[rawan_d]

يسلمو اديكي حبيبتي ..

[حنان(البحرين)]

مشكوره عزيزتي

[د.سوسن]

تسلم ايديكي يا قمر
موضوع رائع و صور جميله و شرح اجمل
يعطيكي الف عافيه

[وعود الخير]

يسلموا يا نانا
ومأكول الهنا

[nonamoo]

روان..... تسلمي علي ردك حبيبتي ونورتي الموضوع
حنان ..... مشكوره علي ردك ونورتي الموضوع بتشريفك والله
د.سوسن .... انتي الي جميله ومشكوره علي ردك ياقمر
وعود الخير .... منوره الموضوع ياقمر وتسلمي

[أم شادى]

تسلم ايدك حبيبتى
كل صنف اجمل من الاخر

[carmen]

اكله تحفههههههههههه. انا باغطس فيها بإيدى ورجلى اما باعملها وباكل بتاع رغيفين تلاته واقوم امشى زى البطريق بعدها .... :)

[لالي لافندر]

http://www.yesmeenah.com/smiles/smiles/50/f%20(80).gif

تسلم ايديك يا حلوة
بانتظار جديدك

[nonamoo]

ام شادي ... انتي الي جميله والله منوره الموضوع
كارمن .... هههه كلنا بنغطس فعلا فيها وبتبقي خفيفه فعلا وتغير عن اللحوم ، تسلمي ومنوره الموضوع
لالي لفندر ... تسلمي علي ردك ياقمر ومنوره الموضوع

[chahira]

هما دول المصريين ,, عظمة على عظمة يا ست!!!!!
الفول و الباذنجان حضارة 3 الاف سنة,,,, تسلم ايدك حلوة اوى و موضوع مفيد.

[أم فئ]

يسلمووووووووووووو ماشاء الله

[soso22]

يسلمووووووووووووو ماشاء الله

[ازهارعبدالرحمن]

السلام عليكم ورحمة الله وبركاته

الموضوع جميل ولذيذ بس الباذنجان محتاج شوية تحبيش

مثل الدقة وهي عبارة عن ثوم مدقوق بالملح والكمون ويوضع علي النار

ويحمر في الزيت ويطش بالخل ونقلب في الباذنجان

وبالهنا والشفا

مشكوووووووووووووووووووووووووورة

[اوريفليم]

http://www.kuwaitup.net/up/uploads/8050-937-6471.jpg

[nonamoo]

chaira .... بحب ردودك ياقمر لذيذه جدا جدا ، فعلا هي دي حضاره 3000 سنه تسلمي علي الرد
ام فئ .... تسلمي ياجميل علي الرد نورتي الموضوع

ازهار عبد الرحمن .... نورتي الموضوع وتسلمي يارب وفعلا انتي عندك حق انا مجاش علي بالي نعمل الدقه احنا بنعملها في الكشري بس ، بس اكيد فعلا هتبقي جنان مع البتنجان المره الجايه نعملها اكيد ان شاء الله هتطلع احلي بكتير فعلا بالتحبيش مشكوره ياقمررر
اوريفليم ... مشكوره ياقمر ونورتي الموضوع

[ستيفاني]

يعطيك الف عافيه

تحياتي
ستيفاني

[intidhar]

تسلم الايادي
وان شاء الله صحتين