PDA

View Full Version : UAE GIRLS HELPE MEEEEEEEEEEEEEEE

شاني
19-12-2002, 07:53 PM
أنـــــا انشاء الله عرسي عقب شهـر وأبا منكـــن اساعدنـــي ..





ممكــــــــــــــن؟


أنــا ماعندي حد أسأله غيـــركن ؟؟لانــي ماعندي خــوات انتن خواتي ....

ابــــــــا اسألكــن عن مكان ايســـوي كــوشات حلوة في دبـــي ولا الشارجــة ....

بـــــــــس مايكـــون غالي وايــد في حدود 25000أو أقــل لانه كــل ما أسأل حــد قالو ماشيء كله 35000وفـــوق ...



وطلـــب الثاني الفرقـــــــــه ؟؟؟؟؟؟؟

شــــــو أحســـــن شـــيء يعنــي دق دق مب أي دق ....لانــي كنت أبا ايب الجسمـــي بس مشكلتــة لازم ايغنـــي بدووووووووووون حاجـــز ...

وياريت الفرقة ايكونون ريايــــل مب حــريم انتن اتعرفن الحــريم اشوي باردات...

وبعـــــــــد ...

مسكــــت العروس وين أحلى شـــيء .....
ريد
19-12-2002, 10:06 PM
مبروووووك ياشاني والله يوفقك ويسعدك يارب..
بسأل بنات عمي ماشاء الله عليهم كوووشاتهم حلوه
فرقه ريايل فرقه ناصر على ماأعتقد..
ومسكت اليد في وافي
وبرد ان شاء الله عليك ........................
*ريف*
19-12-2002, 10:10 PM
:confused: :confused: :confused:
*كـراميل*
20-12-2002, 01:41 AM
:) اسأل الله لك التوفيق

ثانيا مادرى انا قريت صح

خمسه وثلاثين الف كوشه

وانتى تبين خمسه وعشرين الف بس

مادرى شو اقول لج ذكرتيتي بعرس

سرت له وكانت الكوشه بثلاثين

لكنى بكيت من الضحك حاطين حشيش

وشجره ومادرى شو ب 30 الف درهم

صدج صدج حرام

انا كوشتى اغلى كوشه بالعايله

ب 4000 الالاف درهم

اما الفرقه مادرى شقول لج

خذى منى كلمه عن تجربه

اذا سويتى غنى ورقص

الله ما بيبارك لك لج بالعرس

وبينقص عليج شي ياما سمعنا عن ناس

اعراسهم كلها ترف وغنى وطلاقهم بعد كم شهر

وسوالف شفناها من ربعنا وناسنا

ادرى ان معظم كلامى بيطنش

لكن صدقيني بتتذكرين كلامى

والله الموفق
amal201
20-12-2002, 02:00 AM
أختي بارك الله لك وبارك عليك وجمع بينكما في خير
أولا أنصحك نصحية محبة لك وأخت تخاف عليك من عذاب أليم يوم القيامة هذا اليوم العظيم ...
أبتعدي عن كل ما يغضب ربك عز وجل من اللباس العاري والموسيقى والأغاني لتكون أول ليلة ليلة مباركة مع زوجك ...... ورضي ربك يرضى عنك الناس جميعاً ولا تهتمي لرضاء الناس لأنك إن أرضيتهم ولم ترضي الله فإن الله يسخط عليك ويسخط الناس عليك ........واستحي منه وهو ينظر إليك وأنت الإنسانه الضعيفة تعصينه .......وفي النهاية أبارك لك زواجكما
إيمان علي
20-12-2002, 05:30 AM
بارك الله فيكما كراميل وأمل على كلام مثل الذهب :)

ألف مبروك أختي، وأقول مثل الأخوات، يا حبذا لو قمتِ بعمل عرس يرضي الله، غير مختلط، وأناشيد الأعراس أصبحت أكثر من أي شيء، وكلها جميلة ومفرحة، وبالدف. باستخدام أشرطة بدلاً من الفرق التي تسرق أموالك لتغضبي ربك. وبدلاً عن البذخ في الفنادق لاستئجاز صالة وكوشة تكلف الرجل كل ما جمعه في حياته، لم لا تستأجروا قاعة كبيرة في غير فندق، تقسم إلى قسمين، وبسعر معقول، وتدخروا باقي المال لتذهبوا في شهر عسل، أو سياحة، أو ... يا أختي حتى اشتروا فيه بيت... أي شيء يفيدكم في تأسيس حياتكم.
إن قمتم بعرس يكلفكم هذه العشرات من الألوف، ستكون كأنكم رميتموها بلا فائدة، فهي ليلة تنتهي، ولن تحصلوا شيئاً منها غير كلام الناس الذي لا ينتهي والذين كل همهم وصف السلبيات، وغضب الله وأكبر خسارة لكم ستكون خسران رضى الله، ستغضبون الله، وترضون أهواءكم عزيزتي.
أختي، حتى يبارك الله لك زواجك، ابدأي بطريقة صحيحة. لا تنهكي زوجك بهذه المصاريف الطائلة، فكل ما يدخره لك. لا تفكري بفرقة موسيقية ابداً، هاتي ستيريو كبير وأشرطة أناشيد أعراس بالدف، واتكلي على الله وابدأي الخطوة الأولى من حياتك المستقبلية بطريقة صحيحة.

بارك الله فيك.
أم عبدالله وشهد
20-12-2002, 07:58 AM
السلام عليكم ورحمة الله وبركاته

أختي العزيزة شاني ألف مبروك

حبيبتي لاتزعلين مني بس بقولج نصيحة من القلب ابتعدي عن كل ما يغضب الله سبحانه وتعالى

صدقيني والله العظيم ان هذا الشيي حصل عندنا وحدة من بناتنا كان عرسها قبل كام شهر وكان عرس يتكلم عنه الكل أغاني ورقص واسراف مابعده اسراف لدرجة ان المعرس رمى النقوط يعني الفلوس على العروس يحد يقول رمى عشرة الاف والي يقول أكثر المهم من هذا ان عرسهم جلسوا الناس يتكلمون عنه مدة طويلة وانا كنت سايرة العمرة وماحضرت العرس ولما أهلي خبروني عنه قلتلهم الله ما بيسعدهم وبتشوفون وبعد شهر ولا شهرين البنت رجعت لبيت أهلها طلع ابو الشباب متزوج عليها والحين هي تريد الطلاق والاخ ما بيطلق لين ما ترجعله كل المخاسير الي خسرنهن على العرس

والحمد لله كانت أعراسنا متواضعة وعاشين في سعادة ربي للك الحمد والشكر

صدقيني ابدي حياتج بطاعة لله عز وجل ولا تبدينها بمعصية وهاذي الفلوس انتي وريلج استفيدوا فيها بشيي يسعدكم ويكون حلال والناس ما يرضيهم العجب يعني لو سويتي العجب لازم ينتقدون هذا طبع الناس وأهم شيي انج تكونين انت راضية عن نفسج وربج راضي عنج

وسامحين لني طولت عليج

أختك أم عبدالله
شاني
20-12-2002, 09:09 AM
أخــــــواتي مشكــورات ..

بـــس سألتكن عن الكــوشات لانـــي مب محصلــه كـــوشةحتى 10000 شــو أســوي ...

عـــن الفرقــة خواتــي الريايل ايكــون عليهم حاجــز مب خلــــــط
نحــــــن وين عايشيـــن ..

وتقولــون هاتي فــرقة حــريم ويــن أحصلهن أقل شيء 10000 الصراحه وايــد
واذا بييب فرقة ريايــل اذا كثـــرو 4500..أحـــسن عن 10000 و15000صــح ولا أنـــا غلطانه ....
سهوره***
20-12-2002, 02:47 PM
والله غاليه الكوش عندكم شاني
وش ذا الاستغلال!!!!!
والله لو اني عندك اسويلك احلى كوشه وهديه مني
حاولي انك انت تصممين كوشتك بنفسك
وبيكون شي مميز لكي عيوني وبتذكرينه طول عمرك
خلي الاساس او الخشب اي منجره يسوونه والباقي انتي وشطارتك وابتكارك
صدقيني مابيكلف الا شي بسيط وبتكون احلى كوشه
وتقدرين تستعينين بصور كوش
اما الفرقه مثل الاخوات ماقصروا ونصيتهم في محلها خليه دق اسلامي بالدف والله يجنن
واصلا تحسين براحه لأنه مافيه معصيه لربك
اتمنالك احلى زواج واحلى حياه
تحياتي
سهــــــــــوووووووووره***
عذوبي
20-12-2002, 06:19 PM
مبروك اختي والله يوفقج دنيا واخره انشالله
مبرووووووووووووووووك مبرووووووووووووووك مبرووووووووووووووك

شوفي عيوني كوشات حلوه في دبي ما عرف بس عندكم وااايد محلات وحلوه ورخيصه مره شفت كوشت وحده وايد حلوه بسالها وين مسويتنها فضيعه وعلى حد علمي ما كلفتها وايد اما عن الفرقه والله مادري .
دارينو الحلوة
20-12-2002, 06:37 PM
مبرووووووووووووووووووووووووووووووووووووووك مقدما وتستاهلين كل خير والله يوفقك

اما عن سوالفكم هذي انا ماعندي خبر اعذريني لاني مو من الامارات اي خدمه ثانيه
حاضرين للطيبين
دارينووووووووووو
*كـراميل*
21-12-2002, 12:30 AM
مرحبا شانى

مين قال ان الفرق غاليه هالكثر

فرقه الاشواق الكل يمدحها ((نسائيه))

ورخيصه جدا

اما عن الكوشه ففى الغالى وفى الرخيص الرهيب

وان شاء الله باجر اسأل لج الربع

عن احلى وارخص الفرق النسائيه والكوشات

:) مافى اعذار بعدها

بخبرج عن سالفه وحده قريبتى نسميها (ب) مثلا
(ب) اصرت انها تسوى العرس باغلى فندق وغنى
وخلافه ...الخ
واختها (س) متدينه رفضت حضور الزفاف
ولم تتنازل (ب) عن الترف ولو من اجل اختها
...
المهم صار العرس وانتهى
والان هى (ب) تتمنى ان ترزق
بولد فلقد رزقها الله بنات فقط
....
طبعا نقول الحمدلله والبنات فيهم
الخير والبركه ولكن ربما يكون
زفافها السبب
...

تحياتى
هنــد
21-12-2002, 02:07 PM
حبيبتي شاني
أنا عرس أخوي كان من سنة تقريبا درنا على محلات وايد وشفنا كوشات بالهبل تصدقين أحلى وأروع كوشة ما تعدت العشرة آلاف أنا ما صدقت يوم قريت خمس وعشرين ألف والله اتحسب ألفين وخمسمئة قصدج.. منو قالج خمسه وثلاثين أنا أقول يمكن انتو ما شاء الله من الناس اللي الله منعم عليهم تراهم يروحون محلات غالية جدا والله انه بضاعاتهم مثل المحلات العادية بس هم يغلون السعر اسمعيني انتي افتحي جريدة الخليج أو الاتحاد بتشوفين في قسم الإعلانات خدمات أعراس شوفي اللي مسويين اعلانات والله ان كوشاتهم رووعة ما تعدي العشر آلاف وما في فرق بينها وبين اللي بخمس وثلاثين مسويلج خلفية غابة وأشجار ونهر لا وقفص فيه عصافيرأو بحر وأصداف أو سما ونجوم معلقة من فوق أو جرات ينزل منها ماي وبير والله حركات حلوة ..
وحتى فرق الحريم إحنا يبنا فرقة حريم ويتنا بوظبي ب3500 والحين اطورت فرق الحريم يغنون بالطار وييبولج وحدة تغني عالكوشة انتي بس دوري والله بيبارك لج إن شاء الله ولو بغيتي أساعدج أنا حاضرة ومن عيوني الثنتين...
الحب الخالد
21-12-2002, 03:44 PM
اسفه ماعندي اي فكره


تسلمين
البشائر16
21-12-2002, 03:47 PM
اختي نصيحة لوجه الله ابتعدي عن التكاليف الزائدة واياكي والأغاني وهذي الفرق المبعدة عن رضى الله والمجلبة للسخط والعياذ بالله .
شاني
21-12-2002, 08:40 PM
أشكــــــــــــــــــركن على هذي النصايح