ملف ثابت للزفه [الأرشيف]

ماما الاموره

19-12-2002, 02:15 AM

ايش رايكم ياخواتي نسوي ملف للزفات في الاعراس وكل وحدة شافت حركه في اي عرس سواء لزفه العروس او هدايا المعازيم تقولها لنا وياليت يتثبت الموضوع علشان نرجع له في اي وقت

حناين

19-12-2002, 06:12 AM

فكرة حلوة .. وانا اؤيد رايك

شاني

19-12-2002, 03:30 PM

والله فكــــــــرة حلوه متى نبتدي ؟؟

دارينو الحلوة

19-12-2002, 05:28 PM

اووووووووووكيك
على خير ويستفيدون منها بنات المنتدى بكرة وهم عرايس قولوا امين
دارينوووووووووو

الحب الخالد

19-12-2002, 06:19 PM

وانا اضم صوتي لكم اخواتي

المنحوسه

20-12-2002, 12:26 AM

مراحب

الفكره كثير حلوووووه

W:

http://ecards.fares.net/allcards/users2001/card01.gif

ماما الاموره

21-12-2002, 02:51 PM

وين مشاراكاتكم يابنات والا مالكم نفس تكتببو لان الاجازة لسه بدري عليها لكن انا طلبت الطلب علشان يمدي للواحد يجهز نفسه والا ايش رايكم ردو علي بلييييييييييييييز

Pink_Rose

21-12-2002, 05:05 PM

ايدي في ايدكم يالله ابداويالله سمو بالرحمن..

ماما الاموره

23-12-2002, 05:47 PM

والله ما توقعت التجاهل منكم يعني طلب زي كذا اتوقع انه يعجبكم خاصة ان معظمنا يحضر اعراس ويشوف ايش فيها بصراحه انا زعلانه :( :( :( :( :(

حناين

23-12-2002, 11:00 PM

هلا ماما الامورة
لا تزعلين .. بس شو رايك انك تعطينا البداية .. انت شو شفتي زفة حلوة .. علشان البقية يتشجعون ..
بالنسبة لي ما اذكر الحين زفات لاني من زمان ما رحت اعراس .. واللي رحتهم قبل كان زفات عادية .. اما للتوزيع على المعازيم فيه مثل قصائد شعر تطبع على اوراق تكون الوانها حلوة والافضل من الوان الكوشة .. وتوزع تحف خفيفة توضع في خام التور وتربط بطريقة حلوة .. هذا اللي اذكره الحين .. وان شاء الله بكمل في المرة القادمة ..

wahda

24-12-2002, 01:52 AM

أحلى شي لما الأهل يزفون العروس للكوشة احنا نسوي كذي ولما يزفونها يقولون الكلام المعروف و أناشيد الزفة وأحلى شي لما يخلون العيال يمشون قدام العروس أثناء الزفة ومرات يشيلون الحريم أثناء الزفة البخور أو الشموع و يشلو سلات داخلها شبك مربط داخله حلويات العيال يهجمون عليه إلحين دور حد ثاني يكتب في الإنتظار

سديم.

24-12-2002, 03:54 AM

السلام عليكم
الله يسعدكم انا ابي منكم مساعدة في نفس هالموضوع
انا زواجي قريب وودي في زفه حلوة
ابيكم تفيدوني في اناشيد قديمة
لاني زواجي مسوية في حركات تراثية
وودي في زفات قديمة يعني اناشيد قديمة
تكفون اهتموا......
وجزاكم الله خير

أم سارونا الحلوة

24-12-2002, 04:53 AM

بقولكم عن عرسي جبت ست بنات كل ثنتين بنفس الطول وكلهم لابسين نفس اللون ونفس الموديل ودخلوا هم اول وطبعا الانوار مطفيه ماعدا الكشافات موجهه علي والبنات حاملين شموع وسلال ورد وطلعت مثل القمر وعرسي صارو الناس يتكلموا عليه للحين صار لي سنتين متزوجه من كثر حلاته وزعنا على المعازيم تحف ملفوفه بالتول ابيض والشرايط بيضه وفيها بيت شعر علي وعلى زوجي وسلامتكم واذا ذكرت شي بقوله .

أرض الأحلام

24-12-2002, 12:21 PM

أنا بالنسبة إلى بلدي نستعمل الزفة المصرية
إلى هي عشرة رجال ماسكين الدفوف ويغنوا بسم الله هانبتدي الليلة
والعروس ماشية فى النص هي والعريس
وتكون منزلة الطرحة على وجهها
والآن في شرايط زفة إسلامي إلى مش حابين الرجال
وحركة الشموع والبنات بالنسبة لي قديمة لأن الناس كلهم عملينها
وإذا كانت العروس داخلة لوحدها من غير العريس
أفضل أن تمشي لوحدها في الزفة من غير أي بنات في جانبها
إحنا مرات بنخلي ولد صغير من العائلة يحط مصحف على وسادة مزينة ويمشي أمامها
كناية على بداية الطريق بالخير والمباركة
وللحديث بقية لأني مشغولة
أراكم بالخير

حناين

24-12-2002, 02:06 PM

من زفات العروس ان تمشي بنت حاملة مسكة العروس والعروس تمشي خلفها حتى تصل الى الدرج وتصعد فترفع الطرحة وتاخذ المسكة ..

ومرة العروس طلعت من وسط الكوشة وجاءت بنت من ناحية الدرج حاملة مسكتها على مخدة جميلة ..

ماما الاموره

24-12-2002, 05:03 PM

الله يعطيكم العافيه على المشاركات الحلوه وانا بعد بشارككم في زفه مره شفتها كانت طاولات القاعه على كل طاوله درع مكتوب عليه شعر للعروسين يهبل وحاطين على مدخل الصاله من داخل طبعا صوره للعريس والعروس في يوم الملكه والعروس كانت داخله على اغنيه راشد الماجد اغنيه احلى من البدر مررررررره حلوة وبعدين لما خلصت الاغنيه شوي وشغلت الشعر نفسه الموجود على الطاوله وبعدين اكمل الباقي......