ركن خاص ببنات المنصورة_ واهم اماكن للتجميل والشراء_(الجزء التانى) [الأرشيف]

jomana8090

07-06-2008, 04:51 AM

ازيكم كلككككككككككككككككككم

تم الجزء الاول بنجاح ساحق
وحاليا احنا ف الجزء التانى

طبعا انا بتريق

طبعا لكل اللى كانوا متابعين معانا احنا كنا عاملين موضوع حلو اوى ومجمعين فية كل بنات المنصورة
هالة ومها وناريمان وكلللللللللللللللل بنات المنصورة الحلوين
بس فعلا مش عارفة اية اللى حصل

الموضوع فجأة حد قفلة ومنع اى تعليقات تتكتب
ف انا قررت اعمل جزء تانى
وموضوعا من البداية للى كانوا مش متابعين
خاص بكل حاجة عن المنصورة كوافيرات _ميك اب _لانجيرى _كل حاااااااجة
يعنى كل بنت بتكتب تجربتها او بتسأل عن حاجة معينة وكلنا بأذن الله هنرد عليها
وانا موجودة بالنسبة للاجابة على اى سؤال

دينا أم ملك

07-06-2008, 09:30 AM

فكرة جميلة واتمنى ان يكون لها المثيل فى مصر او اى بلد اخرى يكون اعضاؤها هم المرشدين بها

jomana8090

07-06-2008, 05:30 PM

ميرسى يا ام ملك وعلى فكرة انا بحب اسم ملك اوى

انتكاميرو

07-06-2008, 07:37 PM

jomana8090

07-06-2008, 10:33 PM

منورة يا انتكا
انا على فكرة مأجرة فستانى من هناك كان ب 1000
بس بينى وبينك المودلات هناك تحفففففففة
بس الست المسيحية اللى هناك دى خنيقة وطلعت عينى
قالتلى الاول ان الفستان ب 850
ولما روحت قالوا لى 1000
انا سيبتهم ومشيت بس رجعت تانى لآن ملقتش حاجة ف نفس مستوى الفساتين عندهم
يا بنتى دة حاسبتنى على تأجير الطرحة بتاعت الفستان ب 100 جنية
المهم يعنى فاصلى معاهم على اد ما تقدرى

ونصيحة كمان لما يعجبك فستان متبينيش اوى انة عاجبك واسألى كأنك بتسألى عادى لآنهم لما بيحسوا انة عجبك بيزودوا السعر
وعلى فكرة بياخدوا البطاقة واى حاجة دهب

انسى بقى فكرة انك تشترى دى خالص
الفساتين اسعارها بادئة من 5000
وبعدين هاتحطية فين بعد كدة
هاترمية ف الدولاب وكل واحدة تيجى تستلفة منك شوية لحد ما تقرفى من شكلة ف الاخر

شذي الفردوس

07-06-2008, 10:55 PM

http://smiles.al-wed.com/smiles/60/k1.gif
http://smiles.al-wed.com/smiles/9/009.gif

مبروووووك يابنات والله فرحت خالص
ان احنا فتحنا جزء تاني
مبروووووووك ياجومانا ياقمر
عقبال الجزء ال100 يارب واحنا متجمعين علي خير
ان شاء الله وعقبال مانباركلك قريب اووي في بيتك
والله انتوا وحشتوني اووووي يارب تكونوا كلكم بخير
وعلي فكره ياجوجو الجزء اللي فات اتقفل لانه اكيد وصل
لعدد ردود معينه بعدها اي موضوع بيتقفل
المهم انا ماردتش اجي بايدي فاضيه جبتلكم معايا
شويه حاجات حلوه كده حلاوه فتح الجزء التاني
اتفضلوا بالهنا والشفااااااااااااااااا

http://img213.imageshack.us/img213/4120/6by1400qq0.th.jpg (http://img213.imageshack.us/my.php?image=6by1400qq0.jpg)
http://img213.imageshack.us/img213/8040/04pastriespz6.th.jpg (http://img213.imageshack.us/my.php?image=04pastriespz6.jpg)

jomana8090

07-06-2008, 11:41 PM

كدة يا شذى بوظتى الريجيم

هدية مقبولة يا قمر
مع انى لسة واكلة تورتة ايس كريم
(مش كلها طبعا يعنى )
نصها بس

دوورى

08-06-2008, 03:12 PM

مبروك على الجزء التانى يا جوجو
متجمعين دايما كدة
مع انى من القاهرة

jomana8090

08-06-2008, 05:04 PM

thanks يا دوورى
ومنورة معانا دايما يا رب

رهف المصرية

08-06-2008, 08:53 PM

السلام عليكم يا بنات
ايه الافكار الروعه دى
على فكره انا من المنصوره انا كمان
و لى الشرف لو تقبلونى معاكم فى الشله
انا مشتركه فى المنتدى من زمان جدا من حوالى سنه
لكن ما كنتش بشترك كتير
بس دايما متابعه ركن الطبخ وركن المطبخ المصرى
هاااااا ؟؟؟ هاتقبلونى معاكم ولا ايه؟

jomana8090

08-06-2008, 11:17 PM

اكيد يا رهف انتى بقيتى عضوة خلاص معانا

وكلنا اكيد بنتشرف بمعرفتك
وكفاية انك من المنصورة يا قمر

bosy_md

09-06-2008, 12:58 AM

مبروك يا بنات الجزء الجديد

و دايما متجمعين فى الفرح

كنت عايزه اسأل على مكان اشترى منه قماش اورجانزا يكون نضيف و شيك
و لو حد يعرف اسعاره ايه
لانى عايزه ابعت مع واحده تجيبلى من هناك و اطرزه مفرش سفرة ان شاء الله

jomana8090

09-06-2008, 01:34 AM

بوسى انا ماليش قصة القماش اوى

بس انا كنت مع واحدة صاحبتى من كام يوم كانت بتشترى اورجانز علشان تطرزة هيا وتعملة مفارش صغيرة للسفرة وكدة
احنا اشترينا المتر بحوالى 8 جنية
من شارع بورسعيد محل قدام ابو طوق هحاول اتأكد لك من اسمة بكرة تقريبا اسمة (ابو الغيط)
بس هى قالت لى القماش حلو
بس المشكلة انها حاولت تكوية فحست انة وسع شوية او بمعنى اصح فرد منها

واشترينا طبعا غرز بقى والحاجات اللى هاتشتغل بيها من واحد اسمة اشرف عندة شغل حلو اوى وومكن لو حسيتى انك اخدتى خرز اكتر من احتياجك بترجعية او تبدلية

وحتى انا لاقيت عندة شرايط ساتان دهبى كدة ورفيعة بس تحففففففففففة قولت لها تشتغل بيه على الاطراف وبصراحة المفرش طلع حلو اوى

bosy_md

09-06-2008, 02:32 AM

ميرسي يا جومانا
ان شاء الله اقولها تجيبلى من عنده
او انا لو قدرت هبقى اروح

اصل انا من مرسي مطروح
و عمرى مانزلت المنصورة بس ان شاء الله ناوية اروحها اخر الصيف
ميرسي يا قمر

jomana8090

09-06-2008, 07:36 PM

ولا يهمك انتى تأمرى

دينا أم ملك

10-06-2008, 12:23 PM

ازيكو يا بنات

مبروك على الجزء التانى

انا روحت قصر الملكة وعنده فساتين تحفة بجد بس اللى بتبدا من 1300

بس انا مش ضامنة حكاية اول لبسة دى انا اضمن منين ان محدش لبسة قبلى محتارة شوية فى موضوع التاجير دة

بفكر اشترية انتو ايه رايكم؟

كيف أحوالك
على فكرة انا لسه مجوزة فى 13_5_2007
يعنى بقالى سنة جواز وكنت فى نفس موقف حيرتك لكن نصيحتى لك ان لا تشترى فستان زفاف لأنك لاتستفادى به فعلا الا فى 3أى 4 ساعات الفرح فقط وبعد ذلك سوف يعمل زحمة فى دولابك فقط ولو كان علشان تتذكرى يوم الفرح فيكفى فقط الصور والفيديو
وهناك شئ اخر بالنسبة للتأخير أول مرة لا تخافى منه بس أهم شئ يكون الفستان فى حالة جيدة ولم يكن بهتان او ليس له زهوة هذا اهم شئ فمن الممكن ان يكون اتلبس مرة او مرتين قبلك كما حدث معى ولكن كانت حالته جيدة جدا

ولكن ايضا اذا كان فى ذهنك موديل معين فممكن جدا تفصليه ثم ايجارة أول مرة

ربنا يوفقك فى حياتك ويرزقك بالذرية الصالحة

jomana8090

10-06-2008, 06:34 PM

انا معاكى يا دينا ف كل كلمة قولتيها

رهف المصرية

10-06-2008, 07:41 PM

اكيد يا رهف انتى بقيتى عضوة خلاص معانا

وكلنا اكيد بنتشرف بمعرفتك
وكفاية انك من المنصورة يا قمر
ربنا يخليكى يا قمر والله انتى كلك ذوق
وانا سعيده جدا انى انضممت لكم وبدأت اشارك فى المنتدى
وان شاء الله اكوم عمد حسن ظنكم جميعا
وانا كمان مع دينا ام ملك
انا كمان اجرت فستان فرحى وكان تقريبا تانى لبسه وكان نظيف وجميل جدا وموديله كان جديد
والى الان الكل لما بيشوفه فى الصور بيعجب به
لذلك اعتقد انه مافيش داعى ان الواحده تشترى فستان هاتستخدمه ساعات او حتى يوم وبعد كده يتركن على الفاضى
اتمنى ان رأيى يعجبكم

ناريمانو

10-06-2008, 09:58 PM

يادى الانواااااارررررر
جوجو منورة وحشتينى وكل البنااااااات كنت حاسه بوحده من غيركو
ومبروك على الجزء التانى وعقبال المليووووووووون
انا بكره ان شاء الله رايحه دمياط عشان اجيب الصالون والانتريه وخااااااااايفه مووووووت دعواتكو يابنات

ناريمانو

11-06-2008, 01:21 AM

jomana8090

11-06-2008, 01:34 AM

والله يا ناريمان كنت مفتقداكم اوى انتى ومها وهالة وباقى البنات

يا رب بأذن الله تشترى حاجات حلوة
بس اهم حاجة تلفى كتير واللى يعجبك شوفية هايبقى مناسب للمساحة بتاعت شقتك ولا لآ علشان متضيقيش على نفسك
وبأذن الله شقتك تنور بالحاجة اللى هاتشتريها

وميرسى يا رهف لاشتراكك معانا
يا الله يا بنات عايزين اللى عندها وصفة حلوة وجربتها او مكان كويس تقولنا علية

وانا عاملة لكم مفجأة هاقولكم عليها بكرة

دينا أم ملك

11-06-2008, 01:05 PM

كمان برحب بالعضوات الجديداااااااات رهف و ام ملك منوراااااااااات
وكمان فرحانه انهم متجوزات عشان كلنا البنات عايزين نستفيد من خبراتكو صح ولا ايه يا بت يا جوجو اصل الواحد بردو يعتبر ميعرفش حاجه وهما سبقونا واكيد هيعرفو اكتر مننا
سؤال بقا منى ليكو
فعلا اول سنة جواز اصعب سنة؟؟ ( ربنا يسترررر)
وايه نصايحكو عشان تعدى بسلام مع البنات اللى زينا لسه على الاعتاااااب بنقول ياااااااا هادى..
مستنيه الرد منكو عشان نستفيد وليكو ثواب كبير ان شاء الله

فعلا أول سنة جواز بتكون اصعب سنة لعدة اسباب لكن لاننسى انها تمون ايضا لجمل سنة " لاننكر الدلع "
ولكن الاول بنتكلم ع الصعوبة لية" لأنها تعتبر بمثابة حجر الأساس الذى سوف تبنى عليه بيتك بعد ذلك"
طبقا للمثل المصرى المعروف جوزك على ماتعوديه المثل ده مش عيب ولا مفهومه غلط لكن المقصود به انك بتعرفيه طباعك وهو ايضا من حيث دور كلا منكم فى البيت فهناك رجل يحب ان يتولى مصروف البيت بما فيه شئون الطعام وغيره وان تخلى المرأة مسءوليتها من كل شئ وهناك العكس مثلى فشئون البيت كلها من اختصاصى وكأنها مهنتى كزوجة داخل بيتى

وأيضا فى هذه السنة بتتعرفى على خبايا طباع زوجك وكأنها دراسة أخرى غير فترة الخطوبة
وعليكى ان تتعاملى معه بما يناسبه ودون ان تلفتى نظره انك ترصدى طباعه وتصرفه وانا ارى الفائدة هنا انك تجمعى القدرة حتى تتعاملى معه بما يريحك ويريحة وانا هنا لم اقصد عدم الثقة حتى لايفهمنى احد خطأ من أخواتى ولكن حتى تريحى رأسك

وشئ أخر مهم انك تعلميه بتلقائيه ان هناك وقت لراحتك لايكون كل يوم بتقضى وقتك فيه فى المطبخ او فى تعب المنزل لمن عليكى ان تعلميه ان هناك وقت لراحتك وترفيهك وان تجعليه يحب ذلك بما تعكسية انتى عليه من بعد تنزهك وراحتك فتجعليه دائما يسعى لراحتك
واشياء كثيرة ولكن انا ارى ان هذه اهمهم وكبعا دون شك انكم تعودوا انفسكم على صلاة الجماعة وفى رمضان تذهبون مع بعض لقيام الليل وانا فعلا فعلت ذلك مع زوجى والحمدلله ربنا مباركلنا فى حياتنا بالرغم من اى صعوبات وضغوط فى الحياة بنتعرض لها كأى بيت مصرى

واهم شئ حسسى زوجك بمدى اهميته فى حياتك وافعلى له كل مايريد بحب

وربنا يوفقكم يابنات واياكم جميعا

دينا أم ملك

11-06-2008, 01:10 PM

رب اغفر لي ولوالدي رب ارحمهما كما ربياني صغيرا
عَنْ أَبِي سَعِيدٍ الْخُدْرِيِّ وَأَبِي هُرَيْرَةَ رَضِيَ الله عَنْهُمَا أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "إِنَّ اللَّهَ اصْطَفَى مِنْ الْكَلَامِ أَرْبَعًا سُبْحَانَ اللَّهِ وَالْحَمْدُ لِلَّهِ وَلَا إِلَهَ إِلَّا اللَّهُ وَاللَّهُ أَكْبَرُ فَمَنْ قَالَ سُبْحَانَ اللَّهِ كُتِبَ لَهُ عِشْرُونَ حَسَنَةً وَحُطَّتْ عَنْهُ عِشْرُونَ سَيِّئَةً وَمَنْ قَالَ اللَّهُ أَكْبَرُ مِثْلُ ذَلِكَ وَمَنْ قَالَ لَا إِلَهَ إِلَّا اللَّهُ مِثْلُ ذَلِكَ وَمَنْ قَالَ الْحَمْدُ لِلَّهِ رَبِّ الْعَالَمِينَ مِنْ قِبَلِ نَفْسِهِ كُتِبَتْ لَهُ ثَلَاثُونَ حَسَنَةً وَحُطَّتْ عَنْهُ بِهَا ثَلَاثُونَ سَيِّئَةً". أخرجه أحمد (2/310 ، رقم 8079) ، قال الهيثمي (10/87) : رواه أحمد ، والبزار ، ورجالهما رجال الصحيح. والحاكم (1/693 رقم 1886) ، وقال: صحيح على شرط مسلم . وأخرجه أيضًا : ابن أبى شيبة (6/104 ، رقم 29827). وصححه الألباني في "الترغيب" (2/246).

jomana8090

11-06-2008, 02:58 PM

انا معاكى فعلا يا ام ملك
انا لسة مخطوبة
وبحاول اعودة من دلوقتى على طباعى
المشكلة بقى انى الاستاذ خطيبى وحيد مامتة واستحالة يعترف بأنة غلط ف اى حاجة ويكابر ويفضل يلف ويدور المهم انة ميعترفش انة غلطان وخلاص
انما بقى يا سلام لو حس ان كل اللى حوالية مغلطينة فبيكتفى بكلمة انا اسف وخلاص(احمدى ربنا وبوسى ايدك وش وضهر وصلى صلاة شكر انة تكرم وقال كدة)
وف نفس الوقت لو عمل حاجة ضايقتنى وحبيت اخد موقف منة علشان يتعلم ميكررهاش تانى فيبقى انا كدة بحسب كلامة بعلمة الادب من اول وجديد
عايزة اقولك ان فترة الخطوبة رغم ان الكل بيقول انها كلها دلع هى اة دلع بس مش كلها
لآن انا وخطيبى مش بنحاول نتجمل قدام بعض
انا طلبت منة كدة
يعنى كل واحد منا لازم ميحاولش يخبى حاجة عن التانى والاخر بعد الجواز نتكتشف اننا احنا الاتنين ناس تانى غير اللى كانوا مخطوبين
يعنى اللى عايزة اوصلة
ان طول ما مفيش خداع ولا تجميل فترة الخطوبة دة اكيد هايسهل فالجواز شوية ومش هتحسى انك اتفجأتى بطباع جديدة مكنتيش تعرفى عنها حاجة طول فترة الخطوبة

انتكاميرو

12-06-2008, 01:57 AM

ازيكو يا حلويين وحشتونى اوووى والله

على فكرة كنت عاوزة اقول على وصفة كانت كتبتها بنت بس مش فاكرة اسمها ياريت متزعلش منى

اللى هيا زيت زيتون وورق سدر

دى للجسم على فكرة جميلة جداا وانا جربتها كذا مرة وبتنور الجسم خالص

ميرسى طبعا للقمر اللى قالت عليها

موضوع السؤال بتاع اول سنة جواز اصعب سنة فهى عمرها ما تكون صعبة لو هما بينهم صراحه فى الخطوبة

يعنى يكونو على ميا بيضا من الاول

ومفيش تكلف وكدة بكدة تبقا الخطوبة هو اصعب مرحلة ههههههه

فى حاجة بقا انا هخطيبى بيقول انى مبعترفش بغلطى وبكابر زى خطيبك يا جومانا ههههههههه تفتكرى دة بيبقا لية؟

ناريمانو

12-06-2008, 02:24 AM

والله يا جوجو كلهم كده باين المهم اننا نتعامل بذكاء وطولت باااااااااال ولما تستوعبيه وتفهمي دماغه هتعرفى ازاى تكسبيه كتيييييييييروهتلاقي الحياة ماشيه واكيد هنواجه حجات حلوة وحجات ...... حلوة بردو ان شاء الله
وفعلا والله الرجل زى الطفل ممكن حاجه بسيطه اوى متجيش على بالك وتلاقيها ترضيه

ام ملك ميرسي على ردك وطبعا كلامك كله تمام ياحبيبتى وربنا يسهل وتكون اول سنة بداية لسنين احلا
واكتر حاجه فعلا بتقرب بين اى زوجين انهم يعبدو ربنا سوا

اعرف واحده قريبتى ماشاءالله عليها متجوزة من زمااااااااااان
لكن تحسي انها عروسه لسه
وبتعمل حاجه جميله اوى غير الصلا ناويه عليها باذن الله
مثلا لما تيجى تختم قرأتها للقرآن فقبل ماتختم تسيب اخر صفحتين اللى هيه السور
الصغيرة
وبتجيب جوزها واولادها وتقعد تقراها بصوت عالى عشان يسمعوها وبعد ماتخلص وتيجى تقرا دعاء ختم القران الكريم بتقوله بردو بصوت عالى وبصيغة الجمع يعنى كانها بتدعى ليها ولجوزها ولاولادها بصراحه جميله وبتدى روح حلوة بينهم واكيد اكيد ربنا هيبارك
ويارب يسعدنا جميعا في بيوتنا سواء مع اهلنا او شريك حياتنا

رضى الروح

12-06-2008, 09:33 AM

السلام عليكم
صباح الخير يا بنات شو اخباركن

jomana8090

12-06-2008, 11:37 AM

والله يا انتكا ميرو شكلك كدة انتى وخطيبى قرايب
عايزة اقولك موضوع المكابرة دى بيضايق اوى
وبينرفزنى اكتر
رغم انى عارفة انة عارف ومتأكد انة غلطان ويفضلى يدخلنى ف 3000 موضوع تانى ويجيب لى حاجات حصلت من 200 سنة علشان يتوهنى عن موضوعى الرئيسى(بس صاحبتك واعية طبعا)
المهم انك لو حاسة انك بتبقى غلطانة فعلا نصيحة منى ليكى والله متكابريش ومش لازم تقولى انا اسفة بصوت عالى فى 100000 طريقة تانية كفاية بس تحسسية انك بتراضية مش بتعاندى وتكابرى قدامة وخلاص وساعاتها هايقولك انتى عنيدة واى حاجة هايفهما منك انها عند وهتدخلى ف سكة تانية خااااااااالص

بت يا ناريمو عملتى اية ف دمياط؟
احكى لى اشتريتى اية؟

رضى الروح اهلا بيكى صديقة واخت معانا ويا ريت تشتركى معانا ف حوارتنا

ناريمانو

12-06-2008, 03:21 PM

يا صباح الخيرات على احلى بنوتات
بصي يا جوجو والله انتى وحشانى يابت
انا كنت رايحه عشان اجيب الانتريه والصالون روحت انا وماما ومعانا واحد نجار لان بابا مسافر وخطيبي في الشغل
المهم وصلنا على 9.30 كده وابتدت رحلة البهدله اولا لابد وحتماااا يكون معاكى حد نجار تكونى واثقه فيه عشان اولا هيفيدك سواء في الخامات وكمان هيقدر يفاصل اكتر منك وهيتصرف في كل حاجه
طبعا المعارض الكبيرة دى فيها حجات رووووووعه غاليه ناااااااار ياحبيبي ناااااار
بس انا من الاول عامله حسابي انى اجيب الخشب فاضى واكمله انا على زوقي بعد كده عشان اضمن الحشو من جوا شكله ايه واختار اللون اللى نفسي فيه
المهم بعد المعارض روحنا شارع مشهوووووووووور اسمه شارع عبدالرحمن كله خشب وموبيليا روعه
وعلى حسب امكانياتك من تحت لفوق جدا
وكمان تختارى المقاس اللى يناسب اى مكان عندك
اختارت صالون لو وشيك اوى الحمدلله بس بردو جبنا الشارع من اوله لاخره عشان لو عجبنى حاجه غيره وسبحان الله رجعتله تانى
وجبت انتريه بردو مناسب للمكان كان نفسي اعمله امريكانى بس هبقا كبيييير وخوفت يتبهدل وهما بيطلعوه للشقه
المهم اخدنا الصالون للمدهباتى واتفقنا على معاد الاستلام واخد عربون
واختارت الطقاطيق للصالون وللانتريه
والنجار كتبلنا القماش اللى يناسب كل واحد واخد عربيه بالانتريه ومشي
روحت انا وماما وجبنا القماش بصراحه يجننننننننننننن الحمدلله عقبالك يا حبيبيتى
وكل البنات
ولو عايزة اى استفسار عن اسعار ولا حاجه انا تحت امرك
انا قولت اقولك سريع سريع

jomana8090

12-06-2008, 06:26 PM

انا اشتريت والله اوضة النوم والسفرة خلاص من دمياط
بس الحمد لله ملفتش كتير
لآن خطيبى كان عارف واحد صاحبة عندة معرض هناك وقالى لو مش عجبك حاجة عندة ممكن نروح مكان تانى
بس الحمد للة اخدت اوضتين من عندة
السفرة عملت 17 واوضة النوم عملت 16
لحد دلوقتى مش عارفين ازاى السفرة اغلى من النوم
المهم لسة 3 اوض
وخطيبى خايف منى ف تنقية الانترية و الصالون
انا بقى ناوية اعمل حاجة حلوة اوى
انا كان نفسى اوى ف انترية على النظام الامريكانى
هانزلكم صور بالاذواق اللى بحبها
المهم
انا هالغى الصالون خالص يعنى من الاخر مش هاجيبة
وهاعمل الانترية كبيييييييييييييييييييييييييييييييييييير وبراحتى
ويبقى عندى مساحة واسعة

اية رأيكم؟

jomana8090

12-06-2008, 06:31 PM

http://www6.0zz0.com/2008/06/12/14/553733796.jpg

jomana8090

12-06-2008, 06:38 PM

http://www6.0zz0.com/2008/06/12/14/541609867.jpg
عاجبنى اوى النبيتى ف دهبى او نبيتى ف زيتى اية رأيكم؟
http://www6.0zz0.com/2008/06/12/14/272679021.jpg

دى بقى لاوضة النوم بتهيألى تحفففففففففففة
http://www6.0zz0.com/2008/06/12/14/350077900.jpg

دى بقى هاتبقى تحفة للسفرة

http://www6.0zz0.com/2008/06/12/14/722677614.jpg

شذي الفردوس

12-06-2008, 08:55 PM

السلام عليكم ورحمه الله وبركاته
عاملين ايه يابنااااااااات
وحشتوني خالص جومانا زوقك رقيقي جدااااا
ومبرووك عليكي الاوض عقبال باقي العفش
ناريمانو ازيك ياجميل؟؟؟
ربنا معاكي ويعينك يارب
دينا ام ملك ماشاء الله عليكي
كلامك جميل اوووووووي
ربنا يبارك في حياتك وفي اولادك يارب
انتكا ياقمر انا اللي كنت قايله الوصفه
ومفيش زعل ولا حاجه ربنا مايجيبش بينا زعل
والحمد لله ان الوصفه عجبتك
وهيا فعلا هايله ربنا يجازي صاحبه الوصفه خيرا
في بنات كتير ماعدتش بتدخل وعايزين نطمن عليهم
قمر المنصوره ولوزه اللي يعرف عنهم حاجه يطمنا يابنتااااات

ناريمانو

12-06-2008, 09:56 PM

شذى حمدلله على سلامتك ليكى وحشه والله البنات بردو هاله ومها وريم مش بيبانو خالص يارب يكونو بخير
وذوقك يجنن يابت جوجو ربنا يسعدك يا حبيبتى

jomana8090

13-06-2008, 06:10 AM

تقريبا كدة مها وهالة حد خطفهم

انابتهيألى هما يمكن لما شافوا الموضوع القديم اتقفل
مجاش ف بالهم ان فى موضوع جديد

يا رب اتكعبل فيهم ع النت اون لاين

كل الحلا مصرية

13-06-2008, 01:24 PM

كان نفسى اشارك معاكم بس الظاهر انه لمحافظة المنصورة بس :[MM:[MM:[MM:[MM!!!!!!!!

jomana8090

14-06-2008, 06:08 AM

لآ طبعا يا كل الحلا
هو الموضوع صحيح خاص ببنات المنصورة
بس هى المنصورة دى فين يعنى ....ف مصر ام الدنيا طبعا

واحلى حاجة انك تدخلى منتدى وتلاقى كل ولاد بلدك تتكلمى معاهم

اهلا بيكى معانا ومستنية مشاركاتك

ناريمانو

14-06-2008, 09:35 PM

اهلا بحلا منوره انا ياجميل والله
ازيك يابت يا جوجو انا روحت دمياط تانى عشان المفارش والحجات دى والحمدلله اتوفقت هناك حجات جميله اوى وكمان تقريبا خلصت اللانجيرى يعنى لو عجبنى حاجه بعد كده سهله لان الحمدلله خلصت شوط كبير فيها
لسه الخروج والميك اب
وشوفت شوزين وشنطتين حلوتين عجبونى جبتهم ربنا يسهل بقا انا تعبتتتتتت
دعواتكو وعقبال الجميع دى هده والله
والبت مها كلمتها امبارح كان في مشكله في النت عندها اما هاله مش عارفه مختفيه ليه؟
وسلامى للجميع

jomana8090

14-06-2008, 11:56 PM

بت يا نايرمو
انا جبت بقى حتت قميص نوم يههههههههبل
والله يا ناريمان تحفة
هو لونة زيتى وقصير والضهر كلة عريان من ورا وبيتربط من على الرقبة

وبصراحة المحل فية شوية قمصان نوم مالهاش حل
انا ناوية اجيب كلة الوان شديدة
يعنى روز_ فوشيا.اصفر_اورنج_موف
هو طلعلى كتالوج وانا نقيت منة
نصيحة روحى شوفى القميص الزيتى دة
وعندهم اطقم شيك اوى
عبارة عن بادى حمالات رفيعة وعلية جيبة يا دوب شبر
ودة والله قالتلى علية واحدة صاحبتى وبعد ما اشتريتة كذا واحدة من اصحابى اشترت بس الحقى لآنة كان عامل عرض على المجموعة دى وبيصفى

ناريمانو

15-06-2008, 04:15 PM

يا واد يا جوجو ياشديد يارب تلبسيه بسعاده وهنا ياااااارب
طب ياختى قوليلى اسم المحل اللى يهبل ده عماله تقولى وتعيدى ولا قولتى اسمه يلا مستنياكى

ناريمانو

15-06-2008, 04:18 PM

على فكره انا جبت القميص اللى بتقولى عليه قطعتين من فوق بادى وتحت يادوب شبر والله يختى الشبر حتى كبير
ولونه لبنى غريب كده هوا عموما طالع موضه بس يجنن

دينا أم ملك

15-06-2008, 10:16 PM

تصميم الستائر رائع

مها_egypt

16-06-2008, 01:50 AM

ازيكوووووووووا ياقمرات
واحشني مووووووووووووووووووووووووووووووووووووووووووووووت
ازيك ياجوجو ولو اني زعلانه كلمتك قبل كده ع الميل من فتره مش رديتي
ناريمان حبيبتي ازيك وحشاني
عايزة اقولكوا اني جبت الفستان بالسلامه خلاص النهارده اخييييييييرا
بس الواد خطيبي صعبان عليا الفساتين غاليه وكل اما نمسك حاجه نلاقيها محجوزة
ياللا انا اللي عايزة الضرب اني اتاخرت كده

عايزاكوا بقى تقولولي ع محلات لانجيري تكون حلوة واسعارها معقولة

jomana8090

16-06-2008, 04:54 PM

يا بناااااااااااااات
هو دة القميص اللى اشتريتة من اسبوع بس انا جبت لكم صورتة من الكتالوج بتاعة ع النت
وحتى هو نفس اللون دة(مالكوش دعوة بالسعر اللى مكتوب)
فى منة طويل وقصير بس انا عجبنى الموديل القصير اوى
هو كان ب 86 جنية بس انا جبتة ب 75
اية رأيكم بقى ف ذوقى
على فكرة يا مها والله ما شوفتك اون لاين رقيب خالص
وصح يا ناريمان هو دة الموديل اللى اقصدة انا كمان جبت اللبنى وتحففففففففففففففة

http://www3.0zz0.com/2008/06/16/12/579962635.jpg

ناريمانو

17-06-2008, 12:17 AM

انتو فييييين يا بشررررررررررررر؟؟؟؟

ناريمانو

17-06-2008, 12:21 AM

تحفه يابت يا جوجو المحل اسمه ايييييه؟؟؟؟؟

ناريمانو

17-06-2008, 12:23 AM

مبروك عليكى يامها يارب تلبسيه بسعاده وعقبال البنات كلهاااااااا

انتكاميرو

17-06-2008, 03:54 AM

جميل اوى القميص دة مبروك يا جوجو

حد يعرف يابنات اطرز البادى والطرحة بتوع الفستان فين انا اشتريت الفستان من القاهيرة بس المحل اللى اشتريتة منة مش بيعمل طرح ولا باديهات وانا لسة ما اشتريتش حتى القماش بتاع البادى عاوزة اروح اتيلية يجيب القماش ويعملى البادى هو ويطرز من نفس تطريز الفستان ياريت حد يقولى

على فكرة انا كنت لفيت شوية على الفستاتين على المشاية وطبعا اسعارها كانت فى العالى ودخلت محل اسمة سنوب

وعجبنى فستاين هناك وسعرهم كان 3900 الواحد طبعا مش الاتنين

فروحت يوم القاهرة ومن غير مبالغة والله ولا اشتغالات لقيت الفستان اللى كان عجبنى فى سنوب فى محل فى شارع 26 يوليو فى القاهرة واشتريتة 1500 وروحت لسنوب النهاردة وقولتلة اذا كان يطرزلى البادىوالطرحة من نفس الفستان اللى عنده طبعا ضرب سعر فى العالى قالى البادى لوحدة 200 والطرحة 3 ادوار 450

فقولتلة بقا انى جبت الفستان ب1500 وانة كان قالى ب3900 قالى دة احنا دلوقتى فى تصفيات وانا كان ممكن اديهولك دلوقتى ب1300 يعنى كمان انضحك عليا طبعا بيشتغلنى لانى بقولة بس صعب كنت تنزل دة كلة قالى اكيد كانت البنت قالتلك سعر الفستان غلط وهما مش ب3900 ممكن يكون 1900 بس انا طبعا كنت واخدة بالى لانى كنت راحة اشترى على فكرة الفستان جميل اوى والله العظيم تطريزة احسن من اللى فى التاجير كمان لانى روحت وشوفت بنفسى وانا لوعرفت اصورة هنزلة ان شاء الله هنا

سيبتة ومشيت ومش عارفة اعمل البادى فين بقا وروحت سوراية برضة بس البنت اللى هناك قالتلى ان هما مشغولين جدا ومش بيقبلو شغل دلوقتى لحد ما يخلصو وروحت محلات واتيليهات كتير بس اسعارهم مش حلوة خالص لان بالطريقة دى يعملو البادى والطرحة بتمن الفستان

jomana8090

17-06-2008, 03:47 PM

المحل يا ناريمان اسمة وحيد جلال هو فرع من فروع وجدى جلال
هتلاقية كمان موجود ف اغلب محلات ملابس الانجيرى بس اسألى عل كتالوج ماركة اسمها (لاسو)
هتلاقية ف الماركة دى شوية موديلات تهبببببببببل

بصى يا انتكاميرو
الف مبروك يا حبيبة قلبى وربنا يتمم لك على خير يا رب
انت قوليلى الاول انتى من المنصورة ولا من مكان قريب منها؟
ممكن تنزلى تشوفى موضوع التطريز دة ف شارع الترعة يعنى اسألى ف محلات التأجير هل ممكن هما يعملوا لك شغل التطريز
وانا فى محل قريب منى هسألك على موضوع التطريز دة

ربنا يسهل لك كل صعب يااااااااااااااااااااااااااااااااااااارب

ناريمانو

17-06-2008, 04:21 PM

ميرسي يا جوجو على العموم لاسو معروفه ومتتوهش وربنا يسهل
مبروك يا انتكا على الفستان وربنا يوفقك ياجميل
انتى فين يابت يا مها؟؟

انتكاميرو

17-06-2008, 06:59 PM

الله يبارك فيكى ياجوجو انتى وناريمانو وعقبالكم ان شاء الله

انا من بلقاس وربنا يسهل ان شاء الله واروح الترعه اشوف هناك وميرسى اوى يا جوجو

jomana8090

17-06-2008, 09:02 PM

مها بتغيب تغييييييييييييييييييييييييب
وتظهر فجأة

ناريمانو

18-06-2008, 02:08 AM

مساء الخير على احلى بنوتات
انا فرحانه اوى ياجوجو انى لاقيتك اون لاين كنت مستمتعه معاكى ربنا يكرمك يابت ويبعد عنك كل شر وكل البنات يارب

مها_egypt

18-06-2008, 05:51 AM

بخخخخخخخخخخخخخ
أنا جيت ياولاد
ههههههههههههههههههههههههههههههه
ازيكوا واحشني والله
معلش أنا مشغولة الأيام دي كنت بشتري النجف والسجاد وباقية هدومي
ادعولي اخلص على خير أحسن زهقت وعلى الاخر

بت ياجوجو وحيد جلال ده فين بالظبط وضحي
انتي عارفه اني عارفة المنصورة شبر شبر :D

بت ياناريمانوو ازيك ياقمر ابقي طمنيني عليكي
أنا بفتح بالليل أما برجع من برا ياريت اتكعبل فيكي

دينا أم ملك

18-06-2008, 12:44 PM

كان نفسى اشارك معاكم بس الظاهر انه لمحافظة المنصورة بس :[MM:[MM:[MM:[MM!!!!!!!!

تصدقى فعلا ان لاحظت كدا بس بصراحة ان اتكسفت اتكلم بي انتى شجعتنى

وصراحة بقى احنا لازم نشترك معاكم:confused::confused::confused:http://www.lakii.com/vb/images/icons/2.gif

jomana8090

18-06-2008, 02:33 PM

لآ يا ام ملك اتكلمى ولا يهمك
الموضوع دة لمحافظة الدقهلية والمدن المجاورة

عايزة اقولكم يا جماعة انا وناريمان اللى هى (ناريمانو)
فضلنا نتكلم امبارح يجى ساعتين
مش عايزة اقولكم انسانة اد اية مريحة وعاقلة ومحترمة انا يمكن مش عندى اخوات بنات وهى كمان بس كنا حاسين اننا اخوات والله
ربنا يكرمها يا رب ويتمم لها بخير لآنها فعلا تستاهل

الاخت الفاضلة مها (فاضلة من امبارح هههههههههههه)
نفسى اعرف بتفطسى فين
وحيد جلال دة يا ستى هتلاقية ف شارع سيدى حالة
قوليلة عايزة كتالوج بتاع ماركة لاسو
هتلاقى اساسا 3 كتالوجات كدة مسخرة
كل ما اخبى ناحية منة علشان المسخرة اللى فية الاقى الناحية التانية انيل وانيل
المهم انتى نقى كتالوج لاسو
هتلاقى فية مجموعة لانجيرى تهبل وهتلاقى فية الانجيرى الاخضر اللى انا اشتريتة ونزلت لكم صورتة

اسألية بقى على البيجامات اللى ب جيبة قصيرة اللى هو عامل عليهم تخفيض
هيقولك ب 37 وخديها ب 35
هى عبارة عن بدى كت على جيبة كدة يا دوب شبر بس تحففففففففففففففة يا مها ف اللبس
هتلاقى لون بينك ولبنى
انا اشتريت اللبنى

مها_egypt

19-06-2008, 12:08 AM

ميرسي ياجوجو على الوصف

ناريمانو القمر فعلا انسانه جميلة ومحترمه وانا برتاح في الكلام معاها
ربنا يكرمها ويكرمنا جميعا يارب

jomana8090

19-06-2008, 01:20 AM

تصدقى بقى يا بت يا مها
انى مش مصدقة لحد دلوقتى انك طلعتى عارفة العنوان

بس فاصلى مع الواد اللى هناك كويس اسمة وحيد هو بيستظرف شوية بس حاولى تفاصلى معاة اوى

ناريمانو

20-06-2008, 12:34 AM

كتير عليا كلامك يا جوجو والله بجد عينيا دمعت من كلامك ربنا يكرمك ويفرح قلبك ويبعد عنك كل شر انتى و كل البنات
والله انا يا بنات اللى ارتاحت بالكلام مع جوجو جداااا عشان لانها بت زوق وفى منتهى الرقه يعنى من الاخر خطيبها مامته دعيااااااااله
متشكره ليكى ياحبيبة قلبي انتى ومها ربنا يخليكو ليا يارب يتمم بخير ليكو يارب

ناريمانو

20-06-2008, 12:42 AM

ههههههههههههههههههه
ضحكتينى يا بت يا جوجو على الكتالوج
انا بحب اوى اشترى من بنات عشان ابص براحتى كده ياختى مش كده ولا ايه

ناريمانو

20-06-2008, 11:40 PM

جمعه مباركه على احلا بنانيت في الدنيا وسمعونا الصلاة على النبي
اللهم صلى وسلم وبارك على سيدنا محمد وعلى آله وصحبه وسلم وسلّم تسليما كثيرا

مها_egypt

21-06-2008, 07:32 AM

اللهم صل وسلم وبارك على سيدنا محمد وعلى اله وصحبه وسلم
تسلمي ياناريمانو ياقمر جزاكي الله خير

£ بنوته عسوله £

21-06-2008, 02:06 PM

السلام عليكم ورحمة الله وبركاته

ازيكوا يابنات المنصوره كلكم ان شاء الله تكونوا كلكوا كويسين

بنات انا مشكلتى في اني معرفش اماكن بيع مستحضرات التجميل (مكياج يعني) نطيفة في المنصورة لاني اكنتش عايشه في المنصورة المهم بشتري مكياج كتير ويترمى واشترى ويترمى .....

انا نفسي في مكان اروح اشتري منه مكياج نطيف انا بشرتي دهنية وعايزه مكياج يناسبها واهم واول حاجه عايزاها يكون قلم كحل كويس ياريت يابنات المنصورة ماتتاخروش عن اختكم بنت المنصورة ....اللي هوا انا يعني.....

في انتظار ردكم

ناريمانو

21-06-2008, 04:33 PM

ويجزيكى خير يا مها انتى فين ياقمر وحشانى اتجدعنى وخلصى بقا عشان ترتاحى يومين

اهلا بيكى يا بنوته يا عسوله نورة صفحتنا ونورتى المنصورة كمان انا عايزة اشترى ميك اب

والله ياجميل انا اعرف بشندى اللى في السكه الجديده وفى بيوتى كمان
بس اللى هتفيدك وتفيدنى اكتر جومانا حبيبة قلبي اجدع بنوته في المنصورة كلها ان شاءالله لما تفتح هترد عليكى احنا اصلا من غيرها منعرفش اى حاجه وربنا يجزيها كل خير

£ بنوته عسوله £

21-06-2008, 06:39 PM

ميرسي ليكي يا ناريمانو على ذوقك الجميل ده

بس حتى بشندى اللي في السكه الجديده اللي جمب محل عصير القصب اللي جوه ده جربت من عنده حاجات يقولي عليها مافيش زيها دي تحفه ودي ودي وتطلع في الاخر على مافيش على الاقل حظي بيكون كده معاه

ميرسي ليك وفي انتظار جومانه اهم حاجه عندي قلم الكحل نفسي في قلم يكون تقيل وثابت مش بيسيح

jomana8090

21-06-2008, 08:22 PM

ههههههههههههههههههه
ضحكتينى يا بت يا جوجو على الكتالوج
انا بحب اوى اشترى من بنات عشان ابص براحتى كده ياختى مش كده ولا ايه

هههههههههههههههههههههههههههههههههه

jomana8090

21-06-2008, 09:04 PM

اولا مش عايزة اقولك يا ناريمان انا اكتر واحدة بتتكسف والله
بس يومها صاحبتى اصرت وقالتلى هاتفضلى مكسوفة امال هاتشترى حاجتك ازاى
المهم انى يومها بصراحة طلع حظى حلو وصاحب المحل طلع ذوق
لآنة تقريبا لما لقانى واخدة الكتالوج وواقفة بية ف اخر المحل
ومخبياة كأنى ف امتحان وخايفة حد يغش منى
فهم
وطلع وقف برة
لحد ما نقيت اللى عايزاة وقولت لصاحبتى وهى تقولة

بالنسبة لبنوتة عسولة
اولا اهلا بيكى معانا
ثانيا مفيش حاجة اسمها محل نضيف
فى حاجة اسمها ماركة نضيفة
لآنك ممكن تدخلى محل وتلاقى كذا مستوى ل الاسعار
ممكن تلاقى روج ب 2 جنية ونص وف نفس المحل روج ب 27 جنية مثلا
النهم يا ستى انتى بشرتك دهنية زى بشرتى
وانا هاقولك على الحاجات اللى بستعملها
انا بستعمل كريم اساس اماندا رقم 18 (انا بشرتى بيضا) بس تقريبا الدرجة تمشى مع البيض والخمرية
وبجيبة من بيوتى
بستعمل ف البودر دوف رقم 1 من بيوتى برضة
وعلى فكرة انا بحافظ على بشرتى جداااااااااا فدول تقريبا الماركات الافضل ف السوق
وبما اننا ف الصيف والجو بقى حر مووووووووووت بنصحك تشترى البودر بس كفاية وتحطى تحتها كريم مرطب زى اولاى مثلا
بالنسبة لقلم الكحل
لو انتى عايزة قلم ترسمى بية عينيكى فانتى بقى بتسألى خبيرة ف رسم العينين ( اللى هى انا يعنى )
هههههههههههههههههههه
بنصحك طبعا بقلم بنجور سوادة تحفة وبرسم بية حلو اوى
انما لو عايزة &#