لمسات جماليه من خبرتي [الأرشيف]

View Full Version : لمسات جماليه من خبرتي

MiSsQ8

14-11-2002, 08:31 AM

هذي بعض الافكار اللي اعرفها
وعلى فكره انا ماانقل من كتاب انا اقول نتاج خبرتي وخبرة غيري

- اذا بتحطين كحل داخل العين مرري الولاعه بسرعه على راس القلم مع العلم ان فيه اقلام زيتيه يعني مايحتاج للولاعه ( وهذي تعرفينها من ملمسها السايح بس هم مرري عليها بسرعه ونفخي اكثر عليها ) .. مرريها بلمح البصر وبعدين انفخي نفخه او نفختين وحطي الكحل بسرعه داخل العين .. طبعا هذا يغمج لون الكحل داخل العين ويعطي عمق للنظره

- اذا تبين تحطين داخل العين نفس لون الشدو بالضبط حطي كحل ابيض بالولاعه طبعا.. وبعدين حطي الشدو الي تبينه باسفنجه الشدو بعد ماتنفخين عليه ومسكي باصبعج الوسطى تحت العين وجري الجفن لتحت جنج تبين تلبسين عدسه وبعدين حطي الشدو بلمسات بس ديري بالج تمررين الاسفنجه على الجفن الداخلي مثلي ماتمررين قلم الكحله لانه احتمال يدش شدو داخل العين ويؤذيج خصوصا اذا كنتي لابسه عدسات

- اذا تبين تبرزين اي منطقه بالوجه حطي لون فاتح واذا بتخفين بروز اي منطقه حطي غامج .. مثلا اذا بتكبرين شفايفج حطي حمره غامجه والعكس صحيح. واذا عندج شفه كبيره والثانيه صغيره حطي نفس درجه اللون ( وردي مثلا ) بس وردي غامج ووردي فاتح على كل شفه .. وهالشي ينطبق على الشدو بعد اذا عينج بارزة حطي شدو غامج والعكس صحيح
مع العلم ان فيروز عينها بارزه بس مو حلو عليها الشدو الغامج داخل العين .. لان عينها مايصلحلها المكياج الدخاني او الفرنسي على الجفن الداخلي .. وبعد اذا الخد منتفخ حيل او الوجه عريض نضع بودرة خد غامجه واذا ويهج ضعيف او تبين تطلعين خدود حدي فواتح .. والخشم بعد اذا كبير او عريض حدي لمسات خفيه من الشدو البني الفاتح على الاماكن الكبيره او العريضه بس هذي يبيلها تدرب بالبيت عشان محد يلاحظ والا يطلع الشدو جنه وصخ على الخشم .. وهذي الطريقة تسويها نوال الزغبي وشيماء علي في مسلسل ثمن عمري والمذيعه الكويتيه حليمه بولند اهم شي انج توزعينها عدل يا بريشه او باسفنجه الشدو وتكون خاصه بس للخشم بعدين توزعين اللون باصابعج بس اذا استخدمتي الفرشاة توزعينها بالفرشاة بس

- العين الناعسه يبيلها شدو فوق العين اكثر وكحل داخل العين والعين اللي صاعده فوق .. كثفي الشدو تحت وخصوصا على الاطراف .. واذا كبيره حيل حطي كحل داخل العين واذا صغيره حطي كحل ابيض داخل العين ومدي الايلاينر عند طرف العين الداخلي اللي صوب الخشم يصير جنه منقار طير وتقدرين بعد ماتمدينه ( بس مو وايد طبعا ) تكملينه من تحت على نفس الطرف بس شويه يعني مانرد نمده تحت لنهاية طرف العين الخارجي .. واذا العيون قريبه حيل مانحط الايلاينر بطريقة منقار الطير ولا نقرب صوب الجفن الداخلي من صوب الخشم .. واذا العين متباعده نسوي حركه منقار الطير.. بس على الطرف الخارجي للعين صوب الاذون مانمد الشدو ولا الكحل

- دايما قللي الشدو والكحل وبعدين شوفي نفسج بالمنظره اذا يحتاج تزيدين والا لا ؟ لان الزياده اسهل من انج تكثرين وبعدين تمسحين .. واذا تبين مكياج ناعم كثري الشدو اكثر من الايلاينر خصوصا تحت العين بس بشرط يكون غامج ( مثل مكياج شيماء علي في ثمن عمري) وخففي الشدو الغامج بالشدو الابيض اللامع اللي ينحط على عظمه الجفن القريبه من الحاجب وطبعا احسن طريقه لتوزيعها وتخفيف اللون اذا توهقتي انج توزعين الشدو الابيض في ريشه بودي شوب العريضه مالت الشدوبس على حواف الشدو .. بس اذا بتحطين الابيض على عظمة الحاجب ياتحطينها باصبعج يا باسفنجه

- اذا توهقتي بالشدو الزايد او الكحل الزايد تحت العين .. تييبين عود قطن وتحطين فيه كريم اساس وتحددين الشدو تحت العين منها يطلع مرتب ومنها يشيل الزايد وانا شخصيا استعملها اذا بخلي الخط مرتب تحت العين على الطرف.. بس قبل الشدو تحطين بودره وجه سايبه تحت العين ونكثر عشان بعدين اذا انتثر شوي شدو على الخد نقدر نمسحه بسهوله

- افضل شي للحمرة عشان تثبت اطول مده .. حطي كريم اساس اول وبعدين بودره وجه وبعدين حمره وبعدين بودره وجه وبعدين حمره وبعدين تييبين كلنكسه صفطيها وضغطي عليها عشان يروح الزايد بس اهم شي للثبات انج توزعين الحمرة في فرشاة تلاقينها عند بودي شوب

- اذا وزعتي بودره الخد وزعيها في فرشاة كبيره وووزعي البودره تحت عظمه الخد باتجاه الاذن وانتي مبتسمه عشان تطلعلج خدود .. اما اذا بتخففين خدودج حطي بورده غامجه

- قبل المكياج غسلي ويهج بغسول خاص ويستحسن تسوين قناع من الروب وبياض بيضه وحده واسترخي ثلث ساعه لين ينشف وبعدين غسلي ويهج في ماي فاتر اول وبعدين بارد عشان يشد البشرة ويسد المسام وبعدين مسحيه في قطنه فيها ماي ورد وبعدين حطي اي كريم مرطب من نوع جيد او كريم مثبت وقعدي 10 دقايق بهالاثناء بلشي بمكياج العين واخر شي حطي كريم الاساس

- قبل النوم دهني ايدينج وريولج في فازلين مخلوط معاه ليمون ولبسي دلاغات خفيفه وثاني يوم بتحسين بالفرق وبعد جم يوم بتشوفين ريولج واصابع ريولج ناعمييين بس حاولي تتجنبين تطلعين بالشمس وانتي حاطه فازلين لانه يسود الريول واصلا تجنبي تطلعين وايد بالشمس في جوتي مفتوح من جدام او شحاطه ( وانتو بكرامه ) لانه يخشن الريول ويسودها خصوصا الاصابع .. وبالنسبه للايد الافضل تلبسين دسوس اذا دهنتي قبل النوم طبعا اذا كانت ايدينج حيل جافه

- اذا بتضيفين شامه حطيها بالايلاينر بس خليها صغيره عشان تكون طبيعيه بس انا اكتشفت قلم اسود سائل نسيت ماركته بس اهوه لونه برتقالي ومخطط بابيض وفيه منه الوان وايد وراسه ضعيف حيل هذا حلو للشامات مايبين انها صناعيه

- طبعا قبل لاتحطين مكياج فرشي اسنانج
- اذا عصرتي ليمونه وبقت القشرة وانتي قاعده تطالعين تلفزيون تسلي وادعكي فيها ايدينج وريولج وكوعج وركبتج

امممممممممم هذي كل اللي عندي الحين انشالله تنفعكم
======
ياليت تقرون موضوعي الطريف هذا عن طرق للقضاء على الملل عند البنات

اضغطي هنا (http://www.lakii.com/vb/showthread.php?threadid=45192)

W: ;) :) W:

ماء القمر

14-11-2002, 08:34 AM

تسلمين والله موضوع رائع ياروعه

وقريت الموضوع اللي حطيتيه تحت

حلو وانا بعض الاحيان اذا زاد الملل سويت منها

وشوفي الهواش اللي يجيني

ومشكوره مره ثانيه يسلموا

باي

MiSsQ8

14-11-2002, 08:40 AM

الله يسلمج ياقمر انتي اللي روعه :)
ومو مهم يهاوشونج المهم انج خففتي من الملل بحياتج

اهم شي انج تستفيدين من اللمسات وتطبقينهااااا

شكرررا وبايات W:

ماء القمر

14-11-2002, 08:42 AM

):K ):K ):K ):K

W:

Reem1

14-11-2002, 08:44 AM

الموضوع وايد حلو ومفيد

MiSsQ8

14-11-2002, 09:02 AM

مشكوووره ريم واهم شي التطبيق والنتيجه ;)

ماء القمر

هيو

14-11-2002, 10:16 AM

موضوعك روووووووووووووووووووووعه
ياروووعه انتي
ننطر منك اكثر يالغاليه

فراشه

14-11-2002, 10:58 AM

مشكوره على المعلومات الحلوه والمفيده والله يعطيك العافيه .

بدوووره

14-11-2002, 12:30 PM

مشكووووووورة حبيبتي ويعطيج العافية
ضحكتيني بموضوع الملل /////

بارعة

14-11-2002, 12:39 PM

ما شاء الله عليك شكلك خبيره...جزاك الله خير

legendarygirl

14-11-2002, 12:57 PM

مشكوووووورة وتسلمييييييييين على هالموضوع الحلووووووووو يا حلووووووووووو

عسل الزهور

14-11-2002, 03:47 PM

مشكورة حبيبتي .....................موضوعك رائع

قريت الموضوع اللي تحت فعلا جميل اعطيتينا بعض الأفكار الحلوة ممشششششششششششكورة

سسسسسسسسسسسسسسسلام

رينارد

14-11-2002, 04:18 PM

تسلمي أختي MiSsQ8
بالفعل نصايح روعة ولا أحسن خبيرة تجميل الله وموضوع الملل حلو مرة الله يعطيك العافية ويكثر من أمثالك يالغالية

ماء القمر

14-11-2002, 04:21 PM

MiSsQ8

http://www.mail2arabia.com/m2w/mail/Emoticons/bigsmiley5.gif

W:

كويتية صغيرة

15-11-2002, 10:35 AM

ما شاء الله عليك ، خبيرة تجميل
لا أعرف هل ممكن أستفيد من خبرتك في المكياج لأسأل بعض الأسئلة إذا سمحت.
1. ما هي أفضل ماركة للشدو و ما هو رقم اللون بالضبط . أنا استخدم ظل أسود من سان لوران ، لكن لونه خفيف و مو عاجبني وودي أستخدم ألوان افضل و ماركة أفضل و لا أعرف من أي ماركة.( اللون الأسود و الألوان الأخرى)
2. ما أفضل ماركة كريم أساس؟ و ما هو رقمه بالضبط ؟
3. كيف أضمن ان الكحل لا يسيح ، أنا استخدم الآيلاينر و اخاف استخدام الكحل لانه دائما يعتفس معاي ، هل الآيلاينر اصبح موضة قديمة ؟ ام لا بأس من استخدامه لوحده؟
أرجو الا جابة على جميع اسئلتي.
مع شكري

sabrina

16-11-2002, 02:24 AM

مشكوره وايد مس كيو 8

دارينو الحلوة

16-11-2002, 02:52 AM

مشكورة على النصايح
وطيبه القلب والله
ياعمررررررررررري
بجرب اللي قلتي عله
ويعطيج الف عافيه
دارينو

MiSsQ8

18-11-2002, 06:45 AM

مشكورين على التشجيع بعد عمري فديتكم :)
واسفه على التاخير والله كان عندي امتحان
ومادري شقول اكثر

ماء القمر منو هذي اللي بالصوره ؟

W: W:

ماء القمر

18-11-2002, 07:00 AM

:D انا امزح معج :D

:D

:D

W:

MiSsQ8

18-11-2002, 07:12 AM

احلى مزح ياماء القمر :)
بس ماقلتيلي منو هذي اللي بالصوره ؟؟

MiSsQ8

18-11-2002, 07:26 AM

اهلين كويتيه عنونه :)
انا تاخرت شوي بالرد عليج لان موضوعج يبيله تفرغ
بالنسبه للشدو انا استعمل شدو نيبو وفيه علبه شدو سمايلنق احلى بعد بس كلما بشتريه انسىوخبيره التجميل اللي في صيدليه السماح قاتلي اسعمل الكحل العربي من جيفنشي بدال الشدو بس ماشريته عشان مايقصون علي لانه يمكن مايصلح شدو
اما شدو نيبو للحين مادققت اذا غامج والا لا لاني ماحب الغامج
لاني احط الايلاينر واحط فوقه الشدو الاسود عشان يخفف حده سواد الايلاينر
اما ارقام الشدو ماقدر اعطيجياه لان الالوان اذواق وانا استعمل علبه نيبو الكبيره بس صدقيني اهم شي يبرز لون وصفاء الشدو ان بشره الحفن تكون ناعمه وبيضا
وفيه لون بيذنجاني عاجبني واحب ادمج معاه الوردي الفوشي والاسود والفضي الابيض من ماركه فرزاتشي بس غالي شوي بس لاتشترينه الا اذا عجبج اللون
بس اشوفلج رقمه ابلغج انشالله
بس فيه طريقه تخليه غامج
شوفي بللي اسفنجه الشدو بالماي وحطي فيها شدو وشوفي اللون شلون يطلع
بس هاااا جربيها بالبيت مو اذا كنتي بتطلعين :)
عموما اهيه مجربه وتعطيج سواد غامج

اما كريمات الاساس اصلا انا متعقده لحين مالقيت كريم حلو وكلما جربت كريم يطلع علي حلو بعد فتره تتعود عليه بشرتي ويصير عادي
بس فيه كرستيان ديور 718 معروف ومشهور وحطي فوقه بودره سمايلنق smiling رقم 9
وكريم اللي غطاه ذهبي وعلب مكياجه لونها وردي
اعوذ بالله من اشليطان نسيت اسمه المهم ان الكريم رقمه 60 بس هذا يصلح للنهار ويوم كنت استعمله كان يصفي بشرتي وينورها
واذا تبين كريمات للعرس مثل الصالونات الكبيره جربي مكياج شارمل بس ترا غالي
وعموما اهم شي تكون البشره نظيفه ومرتاحه ومساماتها مسكره
وانشالله بنزل موضوع عن كريم اساس العروس

اما عن الايلاينر ليش يسيح ؟؟ لايكون تبجين !!!
لايبا الايلاينر مايسيح واناااذ رحت الجامعه من الصبح للعصر ومرات للمغرب مايسيح مكياجي
لاني استعمل ايلاينر لانكوم
والحكل مو موضه قديمه لان فيه عيون كافي عليها بس ايلاينر لانها وساع وحلوه
بس انا افضل تحت العين يكون ايلاينر وفوقه شدو رمادي غامج او اسود وفوق العين ايلاينر
ومهما حطيتي مكياج لازم تحطين لمسه من الايلاينر فوق العين
وكل عين شكلها غير وهي اللي تحدد سماكه الكحل
انشالله بنزل موضوع كريم اساس العرس وطريقه الشدو تحت العين نستخدم فيهم ايلاينر وشدو وكحل قلم :)
اتمنى اكون اجبتج على اسئلتج

ماء القمر

18-11-2002, 07:35 AM

مو انتي حطيتي صوره واحد مبتسم

حطيت لك صوره غمزه

بعني اللي في الصوره انا

فهمتي الحين

يله باي

ماقلتيلي وشلون امتحاناتك

غبتي عن المنتدى عشانه هاه

الحين النتيجه زينه والا يعني

enow

18-11-2002, 08:02 AM

تسلمي فكره حلوه هجربها ان شاء الله
مرسي

بــــــــــــاي

MiSsQ8

18-11-2002, 08:05 AM

فاهمه ياماي القمر فديتج :)
بس انا اقصد صوره البنوته اللي بالموضوع منو ؟؟؟؟

MiSsQ8

18-11-2002, 08:07 AM

بنوته كويتيه
انا شت شدو نيبو الشدو الاسود مو غامج
بس اذكر شدو ايف سان لوران غامج
عموما انا مااشتري انواع غاليه لان الرخيص مرات يكون احلى
وبالنسبه لكريم الاساس فيه كريم اساس ماكس فاكتور بس اللي ينباع بلندن مو بالخليج ويكون على شكل حمره عريضه هذا حلو بعد

ماء القمر

18-11-2002, 08:29 AM

انتي تقصدين البنت اللي في التوقيع

هذي انا يوم كنت صغير :D

شرايك فيني :D

وايد حلوه صح :D

:rolleyes: قامت تمدح نفسه

كويتية صغيرة

18-11-2002, 09:57 AM

عزيزتي مس كويت
اشكرك كثيرا على الرد و هذا غير مستغرب عليك
سمعت كلامك و اشتريت علبة ألوان شدو كبيرة من نيبو
الآن هي تحت التجربة في مختبر البيت!!!!
أما كريم الأساس فمشكلتي مشكلة معاه وانشاء الله أجد الذي أريده
أريد كريم أساس لا يبين أنه كريم أساس أي سريع التوزيع على الوجه مع درجة وردي خفيفة ، لا أدري أين أحصله.
شكرا عزيزيتي و نخدمك في الأفراح
تحياتي

ام عنود

18-11-2002, 12:17 PM

خواتي اللي تعرف تقول لي
شو يناسب العين ( الجاحظه) اللي بارزه من الوان الشدو و هل يناسبها و ضع الأي لاينر
يللا بسرعه 0000

عطور2004

18-11-2002, 12:34 PM

مشكوره عزيزتي على المو ضوع

تسلمين

أسيرة الغربة

18-11-2002, 07:33 PM

نصائح رائعة بارك الله فيك وجزاك الله كل خير .

حمامة الروض

19-11-2002, 12:08 AM

رائع عزيزتي0

سباء

19-11-2002, 03:06 AM

MISsQ8 نصايحك حلوة مرة وتدل فعلاً على انك كتبتي خلاصة تجربتك وأن راح اطبقها بإذن الله تعالى
ومشكورة ويعطيك ألف عافية

اختي كويتية صغيرة معلش هي لقافة بس أنا جربت الظل الأسود حق جفنتشي سوادة مرة مرة مرة حلو يعني (وايد وايد) حلو بس لما تجي تشترية تتطلبي من البائع يعطيك الظل الأسود الفحمي ها عرفتي الـ "فحمي" هو البائع قلي كذا ترى هااااااا ماقص عليك والله قال الفحمي
وعلى فكرة الأسفنجة حقته مخمل وبراسين جه ضعيفة والجهه الثانية عريضة ويمكن إنك تستخدمين كأي لاينر يعني تبلين الأسفنجة وتستخدمينه بسهولة
وبالنسبة للألوان الأخرى أنا أفضل برجوا في اللي يجي علب فيها لون واحد بثلاث تدرجات جربت الذهبي والأسود والأزرق والبنفسجي صراحة حلو مرة وكما ماركت ميك أب فور إيفر ألوانهم مرة حلوة وتثبت وتعطي درجات حلوة كثير

MiSsQ8

20-11-2002, 04:41 AM

نسيت اقولج ياماي القمر اني خذيت full mark
بالامتحان احم احم :)

هذي انتي ؟؟ ( عياااااااره )
تهبلين حلاتج جلم قلبج :)

MiSsQ8

20-11-2002, 04:45 AM

بنوته كويتيه
نيبو حلو ورخيص خصوصا للتجارب حرام تقطين فلوس على شدو غالي وتدربي وانشالله بتعلمين
وكريم الاساس الوردي الطبيعي تلاقينه نينا ريتشي واهوه اللي نسيت اسمه اللي غطاه ذهبي
بس مو رقم 60 لانه بيج .. تلاقين نفس الماركه كريم اساس على لون وردي بس نسيت رقمه
وانشالله يناسب بشرتج لانه مايناسب اي بشره
وعموما اذا بتخلين كريم اساسج وردي وزعي شويه حمره ورديه على شكل نقاط على ويهج مع كريم الاساس
والعفو ياقلبي ماسويت شي :)

MiSsQ8

20-11-2002, 04:49 AM

ام عنود
احلى شي للعيون الجاحظه الايلاينر العريض من فوق العين والناعم المسحوب من تحت بس بشرط ابدي فيه من تحت من ربع زاويه العين الخارجيه عشان يوسع عينج
بس مو تعرضين الايلاينر حيل من فوق
انتي حطيه ضعيف وشوي شوي عرضيه وطالعي نفسج بالمنظره لين تلاقينه طلع عيونج وخلاها حلوه
لان بنت خالتي عيونها جذي وانا احطلها مكياج بهالطريقه
بس قوليلي مساحه الجفن كبيره الا صغيره ؟
والجحوظ وايد والا شويه ؟
لانه اذا مثل عيون فيروز مثلا بتوهقين بالمكياج لانها من اصعب انواع العيون

MiSsQ8

20-11-2002, 04:54 AM

العفو يااخت عطور والله يسلمج

تسلمين يااخت أسيرة الغربة والله يباركلج انشالله في حياتج يارب

تسلمين اختي حمامة الروض

جزاكم الله الف الف الف خير جميعا والمهم الاستفاده والتطبيق :)

MiSsQ8

20-11-2002, 05:02 AM

تسلمين يااخت سبأ وتاكدي ان هذي تجاربي الشخصيه او تجارب اللي اثق فيهم واشوفهم بعيوني
والله يعافيج وانشالله اذا طبقتيهم قوليلي نجحو والا لا ؟

وبالنسبه نصيحتج اللي قلتيها لكويتيه فعلا برجوا حلو بس للاسف ماجربته لااهوه ولا جفنشي بس بجرب بورجوا اما جفنشي فانا ماحب الاسود حيل واقدر اعوض السواد بالايلاينر وفوقها اسود عادي يعطيج لون غامج
اما ميك اب فور ايفر مع انهم يقولون انه يهودي بس للاسف شريت منه شدو منثور الابيض المفضض اللي احطه على عظمه الجفن واحطه في ريشه شدو بودي شوب الوسط عشان اخفف حدة لون الشدو ويعطيج تدرجات واضاءة باللون بس اكتشفت ان بوبا احلى منه
بس الوان الشدو العاديه ماستخدمتها منه
وعموما مو مهم الالوان المهم الشطاره والتمرس ومزج الالوان
ومشكوره

MiSsQ8

20-11-2002, 06:00 AM

.. ياماء القمر ليش ماتصغرين صوره الطفله عموما انا برسلها لج عشان تنزلينها بدال الكبيره هذي لانه وايد ياخذ مساحه ويعرّض الرد وعلى فكره انا من قبل لاتنزلينها مسويتها فلاش :)

وهذا الفلاش شوفيه
http://www.geocities.com/q8miss1/missokid.swf

MiSsQ8

20-11-2002, 06:04 AM

تجربه
width = 300 height = 170

MiSsQ8

20-11-2002, 06:05 AM

الحمدالله نجحت التجربه لاني كنت بنزل الفلاش ونجح وعلى فكره هذا نكي بالايرسي IRC :)
بس مس كويت اخترته للمنتدى لانه يعبر عن بنت الكويت ولاني اعتز بديرتي

MiSsQ8

20-11-2002, 06:07 AM

يلا بروح انام الساعه 6 وعشرالصبح بتوقيت ساعة كمبيوتري :)
ويي نسيت شعري كله دهن لازم اروح اغسله :(
اوف متى انام ومتى اروح الجامعه ؟؟

سباء

20-11-2002, 11:12 PM

أي والله كلامك صحيح المهم الشطارة في توزيع الألوان
وعموماً كل وحدة مننا تقدر تبتكر طريقة خاصة في وضع المكياج وهذا اللي انت سويته بالضبط من تجربتك الشخصية
ولازم يكون عند ا لوحدة ثقة بنفسها
وفي الختام شكر جزيل