ساعدونى احسن انا عقلى هيشت

[احلامنا الحلوة]

سلام عليكم ورحمة الله وبركاته
معلش ياجماعه انا موضوعى حساس جداااا
ويمكن دى اول مره احكى مشكله شخصيه هنا
بس انا فعلا محتاجه مساعده لانها مشكله مقدرش ابوح بيها لحد
ان متجوزه فبيت عيله تمام
متجوزة من سنه وتسع شهور قولوا سنتين
الحياه كانت زى الفل مشاكل عاديه وتعدى
الحمد لله اهل جوزى بيحترمونى جدا وبيحبونى اوى
انا حماتى متوفيه
المهم من اربع شهور اخو جوزى اتجوز مراته دى اكبر منى بسنه
بس اقل منى فالتعليم والحاله لاجتماعيه والماديه والله متقليل منها بس بوصف الواقع
واخو جوزى ده يدوبك بيفك الخط بالعافيه هيه اعلى منه فالتعليم يعنى معاها دبلوم تمام
انا جوزى جامعى وانا جامعيه والحمد لله جوزى انسان بجد كتير بيحسدونى عليه ويعرف ربنا
البنت دى بقه من يوم مدخلت وهيه شايلانى فوق دماغها
بتحرق فدمى وتضايقنى وشفت منها بلاوى واوةقات كنت بسكت واوقات كنت ارد عليها بقمة الادب والبرود فنفس الوقت
هيه لبست النقاب لكن صراحه لبسها بيوصفها جدااا انا مش منتقبه لكن الحمد لله لابسه اسدال وعبايات وخمار
ندخل بقه فالموضوع وركزوا هنا اوى معايا
انا شكه ان الانسانه بتعامل جوزى بطريقه مش حلوة يعنى ايه مش حلوة يعنى بطريقه فيها دلع وحجات عجيبه كده
هتقولولى ان بعض الظن اثم هقلكمده الى انا بقوله بس فكروا معايا كده
احنا مش عندنا اختلاط يعنى بيحصل تعامل فاضيق الحدود
دى بقى لا فرى خالص الاقيها تتكلم مع جوزى وتحتك بيه باى طريقه المه انها تقريبا مبتشوفوش الا لما تكلمه فاى حاجه
وترقق صوتها اوى قدامى ومن ورايا هتقولولى عرفتى منين من وراكى هقلكم لانى سمعتها كذا مره وهيه مش شايفانى وهيه بتكلمه عالسلم جوزى طالع الشقه وى وقفته قال ايه بتسلم على احمد ابنى ابنى الى مكنش كمل لسه الاربع شهور
المهم كذا مره تحصل وبتتكلم معاه بطريقه مبتعجبنيش
لاحظت ان تصرفاتها مع اخوات جوزى التانيين مختلفه عن معاملتها لجوزى
عمرها محاولت تضايقه زى مبتعمل مع الباقيين ولا تستفذه بالعكس بتيجى قدامه تبقى بنى ادمه تانيه خالص
والجديد بقه بتعرى وشها وهو موجود وكذا مره وبتعمل انهعا مخدتش بالها هو يكح ويطلع بره وبتاع لحد مالى قاعدين يقولولها
لحد انهارده لقيته داخل عندى كنت برضع احمد فالقوضه جوه عند حمايا بيقلى اطلعى قولى للى وقفه بره دى غطى وشك وقالها بضيقه جامده
وعمره معملها وهو مكنش فى حاجه مضايقاه
وبرضو كنت عالسطح بهوى احمد من الحر اخر النههار انا فالدور الاخير فهو قبل ميروح الشغل نده عليه يسلم على احمد ويشوف طلباتى فهيه كانت بتبص من البلكونه ومعريه وشها وضهرها لينا وانا لما بكلمه ضهرى ليها تمام المهم فجاه لقيته انتبه كده ناحيتها ووشه اتغير فجاه ببص بعدها لقتها مش موجوده طب اتغير وشه ليه معرفش
وكل ميبقى فى اجازة ليه وبيقضيها معايا دى تختلق مشكله من لاشئ وتنكد على جوزها علشان يخلى جوزى ينزل الشغل مكانه همه الاتنين مع بعض فشغل واحد
طبعا انا مسكتش
مره تعمل عيانه ومره عايزة تسافر لامه وخد من ده يامه
ولما بيكون وردية شغله بالنهار بالتتقرب منى اوى وتحاول تخلينى اعمل اى شئ او تطلب منى حاجه ممكن تشغلنى عن جوزى ولما برفض بتعمل مشكله ووجع قلب
واول ميبقى ورديته بالليل تبعد عنى جداااا ومتكلمنيش وتتقلب عليه
وتنزل عند حمايا فمعاد نزوله وهو رايح الشغل وبيعدى على حمايا يسلم عليه
وتعيد نفس التصرفات الى بجد مش فبلاها ومخليه عقلى هيشت
والمفروض ان جوزها يعنى هيروح فالوقت ده يعنى المفروض تطلع شقتها تستناه لا مبتنطلعش
هو لو تصرفاتها مع الكل كده كنت قلت ماشي
لكن المشكله انه مع جوزى بس
انا مش عايزة اظلمها لكن برضو عايزة ارتاح من التفكير والشك
ومعلومه ان عندها اهلها عرفت انهم بتوع اسحار واعمال يعنى ربنا يسترها والله
قولوى اعمل ايه عشان ارتااااااااااااااااااااااااااااااح

[سحر66]

حبيبتى احلامنا الحلوه
الموضوع ده كبير و تطير فيه رقاب زى ما بيقولوا عندنا
اولا يجب الحذر الشديد فسلفتك و زوجها غير متعلمين و لا يجدى معهم الحديث بالمنطق و لا القرآن و الاحاديث بل ستأخذهم العزة بالاثم و ستكون القطيعه بين الرجال ان لم يكن اكثر
حبيبتى
انا فعلا رايت حاله مثل حالتك منذ 17 عاما و كانت احدى السلفات تتعمد ادخال زوج الاخرى عندها فى البيت بحجة ان اخوه عاوزة و تظل تعطله عن الصعود الى بيته بل و ربما تغديه مع اخوه الكبير قبل الصعود لزوجته و اولاده .... وفى الجلسه فوجئت انها تدافع عن نفسها انها تعتبره مثل اخوها و فيها ايه لما الاخت تغدى اخوها ... ثم التفتت الى الاخرى و قالت لها على رؤوس الاشهاد : انتى غيرانه علشان انا احلى منك و اطول منك و هو بيحبنى عنك ...هكذا بدون حياء و لا اخلاق
المصيبه الاكبر ان زوجها اخذ صفها و قاطع اخوه 17 عاما و لم يصالحه الا الشهر الماضى فى حفل زفاف الابنه
فالموضوع جد شائك و المواجهه ليس لها فائده
وانا رايي ان زوجك يحاول تجنب الحديث معاها خالص وانتى ايضا ...لكن بدون مقاطعه و لا زعل
صدقينى مش قادره افكر فى حل فاصل
ياريت الاخوات يساعدوكى
وارجووووووووووووووووووكى لا تتسرعى فى اى عمل
التانى التانى
ماشى حبيبتى ؟؟؟
ربنا يحميكى و اسرتك من كل شر

[احلامنا الحلوة]

والله ياسحر ربنا يباركلك لانك الوحيده الى رديتى عليه 36 مشاهده مفيش غير ردك انتى
بالنبه للتسرع انا منطقتش باى كلمه مع اىحد ولا حسست ح حتى جوزى
بس علفكره هيه عندها حتة ان كلنا غيرانين منها علشان هيه حلوة
بصراحه دماغها غريبه
فى اكتر من انها تقولى انا اما اخلف ولادى هيمسحوا ابنك باستيكه
وانتى مش ام انتى بترمى ابنك فكل حته شويه انا مشهخلى حد يلمسهم غيري بتعايرنى انى بسيبه عن حمايا علشان دراستى كلامها بيوجعنى اوى وتصرفاتها اكتر
بس هو انا خايغه اجى اقول لجوزى تجنبها يغهمنى غلط لان عمرة مقلتله متكلمش حد او تجنب حد خصوصا انه عارف انى مبرتحلهاش نهاااااااائى
ارجوكم يابنات والله انا محتاجه فعلا للمساعده

[احلامنا الحلوة]

^
^^^

[amurra]

يابنتي ان مقولتيش لجوزك هتقولي لمين
من راي تقوليله انك مبترتحلهاش هيسالك ليه قولي كل شئ هو هيعرف يقرر يعمل ايه
ثقي في زوجك انه حكيم ومش متهور الموضوع مش عاوز تاجيل ولا تخبيه في قلبك
بصراحه انت متاخره كتير كان المفروض تقولي من زمان
اسفه لو كلامي هزعلك بس ده راي

[احلامنا الحلوة]

لا والله يا اموره مش بيزعلنى ولا حاجه لان انا فعلامحتاجه مساعدتكم
انا مقلتلوش زى مقلت خفت يفهم غلط او يثور عليه
لانه من النوع الى بيحسن النيه فاى حد
وبرضوة انا خفت اكون سيئة الظن بس فعلا خلاص مبقتش قادره استحمل
اشكرك والله بجد وربنا يباركلك فاولادك وفزوجك

[عربية12]

السلام عليكم هناك من النساء من تتحرش بإخوة زوجها وتصل الأمور بينهما إلى حد كبيييير ..وقد شهدت منذفترة مشكلة كهذه بلغت حدامهولا لأن أحدالم يصدق ...المهم عليك أن تعالجي المشكلة بحكمة كلمي زوجك في الموضوع وأشيري إلى عدم مراعاتها للضوابط الشرعية واطلبي منه أن يردعها حينما تتقرب منه حفاظا على شرف أخيه الذي قد تضيعه بجهلها وأعلميه أنها قد تفعل هذا مع أي كان...وانفردي بها وأخبريها أن زوجك متضايق منها ويطلب إليها أن لا تعترض طريقه على أساس أنه متدين ولا يحب محادثة النساء الاجنبيات ..سوف تخلق لك مشكلة ..وتحاول أن تخلق بين الأخوين عداوة .حينها من الافضل أن تدعي أنت وزوجك البيت حتى لاتقع الكارثة.صدقيني هذا النوع من النساء صعب جدااا لايهمه قطع رقاب الإخوة ولاحتى خيانة الزوج لذلك من الأفضل ترك البيت إن لم ينجح الحل الأول لأن ماستخسرينه إن بقيت سيكون اكثثثثثر.أقول هذا لأني قد عاشرت هذه النوعية من النساء...أخيرا أحذرك من الصمت والسلبية مع أن الجميع سيقف ضدك والله أعلم

[أم منارالمغربيه]

حبيبتي الموضوع كبير جدا وفنفس الوقت بيهصل وما تستغربي احنا في زمن زنا المحارم حرصي على طيرك لا يلوف لغيرك

فتحي عنين زوجك وقفي لها عرفيها حدودها اعملي تصرفات تخلي زوجك ينتبه اعملي مشاكل مع زوجك دي ميش طيقاني دي بتتلككلي عشان زوجك من كثر المشاكل بتا عها ما يفكر في حاجه دي مستواها نازل
انا الي اقلهولك حرصي وحرصي وانا في انتضار الجديد والله لو انا منك امسكها ارنا علقه
عشان الناس دي اتلطريقه الي بيفهموما انك تنزلي لمستواها
عشان تحرم تطلع لمستواك
قلبي معك بس انا عيزاك جدعه ها

[احلامنا الحلوة]

عربيه وام منار جزاكم الله خيرا والله
اناكلمته بهدوء خالص اما جه من الشغل وهو الحمد لله تقبل كلامى وقالى انا هتجنبها نهائي حتى لو لفتها قاعده مع ابويا مش هدخل اسلم عليه ولو جت تكلم احمد او اى حاجه هقفل فالكلام ومش هكلمها
وقالى ان مسئش الظن وممكن مش قصدها قلتله طيب اشمعنى بتسلم على احمد وبيبقى حلو وانت شايله لكن انا مبتعملش معايا كده
ليه مش طايقانى وبتحاول تحرق مى وبتعاملنى وحش
قالى خلاص انا هتجنبها نهائي بس المهم متحسسيش حد فالبيت بحاجه علشان دى سمعه وغلط وممكن يكون سوء ظن ورربنا يخيب احساسك
المهم هو طمنى وقالى انه عمره مشتيف غيري فالدنيا وقال انه بيحترمنى فغيابى قبل وجودى يعنى ربنا يسترها من عنده باذن الله
بالنسبه اننا نسيب البيت فده مستحيل اسعار الشق غاليه جداااااااااااا وظروفنا متسمحش بس اذن الله من غير حاجه اصلا اول مربنا يسهلها هنشوف شقه
ادعولىىىىىىى

[احلامنا الحلوة]

اه بالنسبه انى اقلها دى من النوع البجح جدااااااااا وعنيها جامده ميهمهاش حد وبترد باسلوب وحش ده لو فحاجه تافهه
ايش حال بقه لو قلتلها كده مش بعيد تقوم البيت حريقه
ومش هكسب حاجه لان زى مقلت ان ظروفى متسمحش ابدا انى اسيب البيت

[amurra]

اصبري علي الجار السو ...........................

[حبيبة قلب امها]

لا اوعى تكلميها ابدا ولا تبينى ليها خالص دى لو معملتش فضيحة هتزيد وتزيد اكتر لأنها عرفت انك اتغاظتى لكن انى كويس كلمتى جوزك وكويس انه تجاوب معاكى واقتنع الا حدا ما وفى الايام اللى جاية متكلموهش كتير فى الموضوع ده سبية هو يشوف بعينة ويحس بصدق كلامك واللى زى دى ياحببتى تموت وتنقهر لو لقيتك مهتمية بنفسك وعاملة البدع ولبس ومكياج بقى وشخلعة يعنى حاولى تشوفك كدة هتلاقيها انفرست وعرفت ان جوزك عنية مليانه وعمايلها العبيطة دى مش هتلفت نظرة وبلاش تدخلى معاها فى اى حوار عشان لا تقولك ابنك ولا بتاع يعنى ترفعى عنها تماما ولا تاخدى ولا تدى معاها فى اى موضع ابدااكثر من السلام فقط
وعلى راى المثل مركب الضراير سارت ومركب السلايف غارت

[إنجــــــــي]

و الله حبيبتي احلامنا
ان كان الوضع فعلا كما تقولين
فالمشكلة مهمة و ليست بسيطة
هي ليست مشكلة مستعصية ان شاء الله
لكن صعوبتها تكمن في كيفية لفت انتباه
الاطراف المعنية دون اي خطآ
او جرح لمشاعرهم و دون مشاكل اكبر
بالنسبة لزوجك اعتقد انه افضل طرف تبدئي معه
مادام زوجك متدين فأن شاء الله تدينه يمنعه عن الحرام
هدا لا يعني ان نترك البنزين بقرب النار
فكلنا بشر في النهاية
لكن يمكنك لفت نظره الى الموضوع
ليس بالنسبة له هو انما بالنسبة لزوجة اخوه
ركزي حديثك معه عنها هي لا عن زوجك
و تحدثيمعه بود كانه صديق تفضي له باسرارك
اخبريه انك تشعرين بالشفقة عليها
و الخوف عليها من تصرفاتها
و انها يجب ان تراعي حدود الله في تعاملاتها مع الرجال
و كرري من قول ربنا يهديها في خلال الحديث
ايضا اخبريه ان المرأة المتوازنة لا تعمل هكدا شي
و اضربي له مثلا عنك و عن اخواته البنات
كما انك انت تحدثينه لا تدكري انها تفعل دلك عمدا
و لا تدكري انها تقوم بدلك من اجل زوجك مخصوص
بل تحدثي انها تقوم بدلك بسبب الجهل و التهاون بالدين
و تقوم بالتعامل بطريقة خطا دون قصد نتيجة هدا الجهل
و ان دلك قد يحدث منها في
اي مكان و مع اي شخص دون انتباه
حاولي ان تجعلي حديثك عاما قدر الامكان
و تغلب عليه لغة النصيحة
و لا تخوضي في سيرتها او سمعتها
فهده تعتبر غيبة اولا
كما انه قد تكونين مخطئة في ظنك و لو باحتمال ضئيل
احتاطي في الحديث حتى لا تكتب عليك السيئات
او الخوض في اعراض الناس
ربنا يبعد عنكو كل شر و يوفق الجميع ان شاء الله

[نانى صلاح]

لا اوعى تكلميها ابدا ولا تبينى ليها خالص دى لو معملتش فضيحة هتزيد وتزيد اكتر لأنها عرفت انك اتغاظتى لكن انى كويس كلمتى جوزك وكويس انه تجاوب معاكى واقتنع الا حدا ما وفى الايام اللى جاية متكلموهش كتير فى الموضوع ده سبية هو يشوف بعينة ويحس بصدق كلامك واللى زى دى ياحببتى تموت وتنقهر لو لقيتك مهتمية بنفسك وعاملة البدع ولبس ومكياج بقى وشخلعة يعنى حاولى تشوفك كدة هتلاقيها انفرست وعرفت ان جوزك عنية مليانه وعمايلها العبيطة دى مش هتلفت نظرة وبلاش تدخلى معاها فى اى حوار عشان لا تقولك ابنك ولا بتاع يعنى ترفعى عنها تماما ولا تاخدى ولا تدى معاها فى اى موضع ابدااكثر من السلام فقط
وعلى راى المثل مركب الضراير سارت ومركب السلايف غارت

الموضوع فعلا صعب ومش بسيط ولازم تتعاملى مع كل اطرافه بحكمه وبحزر شديد
انا من رأى اختنا حبيبه تماما وأضيف عليه ان زوجك لازم يكون حزر فى التعامل معاها لأنها لو ما لقيتش أى ريق حلو منه حتبدأ تعمله مشاكل بينه وبين أخوه أو تنتهز فرصه وتتبلا عليه انه بيعاكسها مسلا
ربنا يستر وخدى حزرك منها انتى وزوجك وبلاش تكلميها فى حاجه ولا تحسسيها انك واخده بالك اصلا

[mayoutta]

حبيبتى

انا لن ازيد الكثير عن ما قلنه الاخوات

و بما انك لمحت لزوجك و هو ابدى تجاوب * فالحمدلله هذه خطوة اولى


بس انا اثارتنى جملة مما قلته " ان اهلها بتوع الاسحااار و الخ""

اذن حبيبتى لا بد ان تحصنى نفسك و زوجك و ابنك و حماااك ايضا و هذا مهم و بيتك

و لا تغفلى و لو ثانية عن هذا



ربنا يسترها معك و يحفظك من كل بلاء و سوء

و اللهم اجعل كيدهم فى نحرهم

الله يحفظك و يحميك و عائلتك

[عربية12]

والله ياأختي منذ ان قرأت مشكلتك وأنا أفكر فيها. أعان الله زوجك عليها وعلى الشيطاااان .وأعانك أنت أيضا .نصيحة أخرى تقبليهامني. حاولي أن لاتذكري هذه المرأة مطلقا أمام زوجك لا بالخير ولا بالشر وكأنها غير موجودة .حتى لايتعلق بها .مادام ملتزما بوعده
وبما أنها ذات جمال فتزيني لزوجك مااستطعت.هذا إلى أن يفرج الله كربة السكن...دعواتي

[احلامنا الحلوة]

والله ياجماعه ربنا يكرمكم بجد
بالنسبه للاهتمام بنفسي والله العظيم الى يشفنى فبيتى ويشفها بيقول ان نا العروسه مش هيه
وهيه من يوم مدخلت بيتى واتقلبت وبقت تعمل التصرفات الغريبه دى
انا عمتا لما ققلت لجوزى قلتله انه مجرد احساس بان الوضع مش مريحنى
يعنى انا مش ظنه فيها وحش لكن نقفل الباب علشان الشطان وحش
وربنا يخيب احساسي وقلتله انى مش ممكن اشك فيه ابداااا بس انا مش مستريحه للوضع وخايفه ان الغيره تزيد ويدخل الشك فقلبى
فهو تقبل ده بصر رحب الحمد لله
وطبعا هحاول عينى تبقى مفتحه على قد ما اقدر
بالنسه للتحصين انا بشغل قران علطول وكل يومين بشغل سورة البقره
وابنى علطول حمايا بيرقيه الرقيه الشرعيه لانى بصراحه مش عارفاها
وجوزى علطول كل يوم بيقرا قران الحمد لله
والله يابنات على قد ما انا برضو خايفه من غدرها الا انى وثقه فربنا اوى
حتى والله لو مفيش جواها حاجه من ناحية جوزى وانا اتمنى ده وبدعى ربنا يخيب احساسي كفايه انها مش صافيه من ناحيتى من غير سبب معروف ده برضو يقلقنى
ربنا بيعد شرها عنى وعن جوزى وابنى واهل جوزى يارب
الله يباركلكم يا احى اخوات فالدنيا :)

[omrody2005]

بصي يا أحلام

الست دي أعوذ بالله منها ومن شرها

وهداها الله علي فكلرة بعض الستات اللي بيحسوا أنهم أقل بالتعليم من سلفتها بيكون عندها أحساس جامد بالنقص فاعايزة تحس ان الكل بيقول عليها هي وبس
بس أنصحك لا تعرفي أحد غير زوجك لكي يحترس منها ومن الاعيبها

مع الحرص علي أنها تحس لانها ممكن تتبلي عليه أمام زوجها أو العائله فهذا النوع لا تتوقعي الشر اللي بداخله

هي بتحسدك لانك متعلمه

وتزوجتي فرد كويس بالعائله فهي حقيرة بتفكيرها


أولا تذكري

قل لو أجتمعت الانس والجن علي أن يضروك بشئ لن يضروك بشئ قد كتبه الله عليك

لاتستفزيها

كوني بحالك

شغلي القراءن


ان وجدتم مع بعض عند حماكي لاتظهري الاستياء منها حتي لاتدبر لكي مقلب وحش او تتبلي عليكي وتجيب شهود كمان


أدعي لها بالهدايه وأنتي تصلي

[احلامنا الحلوة]

ياااارب ابعد شرها عنى وعن جوزى وابنى
تسلمى ام رودى وربنا يقدم الى فيه الخير

[فاطمة الزهراء10]

نصيحة من أختك فاطمةالزهراء عامليها بحسنى إوعاكي تعاتبيها بس إنتي خلي بالك من هدومك وأكلك وأكل زوجك وإبنك احترسي احترسي احترسي احترسي احترسي

[ام سنفور]

حبيبتى اوعى تقوللها اى حاجه لان عينها بجحه وهتقوم الدنيا عليك وهتهدا فلحسن حل انك لفت نظر زوجك وفى نفس الوقت تجنبيها خالص ومتحاوليش تبقى موجوده فى المكان الهى فيه واةعى تبينى امامها انك مضايقه من اى كلمه او تصرف عملتهم مع جوزك عشان كده هتحس انها انتصرت عليكى بس انت خلى بالك من جوزك وحصنى البيت دايما بالقران وربنا معاكى طمنينا عليكى

[mannoosa]

انا من رأيى انك تلمحى بالكلام قدام الموجودين طول ما هى موجودة يعنى والله انتى لذيذة اوى وليكى معاملات لذيذة مع جوزى وواخدة عليه كدة كأنه اخوكى وعلى طول بتعرى وشك قدامه كأنك اخته وبعديها قوللى الحديث بتاع الرسول عليه افضل الصلاة والسلام بتاع الحمو الموت يعنى من الاخر حاولى تلفتى نظرها انك فاهمة تصرفاتها وانك ببساطة ممكن تحكى لاى حد

[احلامنا الحلوة]

ربنا يباركلكم ويكرمكم على مساعدتى والله
جزاكم كل خير وهاخد بنصايحكم باذن الله :)

[أم منارالمغربيه]

عربيه وام منار جزاكم الله خيرا والله
اناكلمته بهدوء خالص اما جه من الشغل وهو الحمد لله تقبل كلامى وقالى انا هتجنبها نهائي حتى لو لفتها قاعده مع ابويا مش هدخل اسلم عليه ولو جت تكلم احمد او اى حاجه هقفل فالكلام ومش هكلمها
وقالى ان مسئش الظن وممكن مش قصدها قلتله طيب اشمعنى بتسلم على احمد وبيبقى حلو وانت شايله لكن انا مبتعملش معايا كده
ليه مش طايقانى وبتحاول تحرق مى وبتعاملنى وحش
قالى خلاص انا هتجنبها نهائي بس المهم متحسسيش حد فالبيت بحاجه علشان دى سمعه وغلط وممكن يكون سوء ظن ورربنا يخيب احساسك
المهم هو طمنى وقالى انه عمره مشتيف غيري فالدنيا وقال انه بيحترمنى فغيابى قبل وجودى يعنى ربنا يسترها من عنده باذن الله
بالنسبه اننا نسيب البيت فده مستحيل اسعار الشق غاليه جداااااااااااا وظروفنا متسمحش بس اذن الله من غير حاجه اصلا اول مربنا يسهلها هنشوف شقه
ادعولىىىىىىى

ربنا ييسر امركم وامرنا
بس على بال متشترو شقه
برضو حرصي

[احلامنا الحلوة]

باذن الله ربنا يباركلك ويهديلك يا ام منار منار الى مجنناكى دى :)

[عمرى لزوجى]

السلام عليكم
حبيبتى احلامنا الحلوه اولا لازم تتاكدى من ما تقولين ان بعض الظن اثم
ولو تاكدتى اعتقد انك تاخدى حذرك خاصه من موضوع الاعمال ده يعنى الاذكار والدعاء
والقران وسوره البقره وتستعينى بالله......... واعتقد انك تحاولى تحذرى زوجك بالمحافظه عليه بصوره
غير مباشره من غير ماتطلعيه ع الامر لانك مكن تكونى كده بتلفتى نظره لحاجه هو موش واخد باله منه
وتدى فرصه للشيطان انه يهياله حاجات ملهاش اساس م الصحه
ربنا يصلحلك الحال يارب يا احلامنا