استفسار حول السفر بالرضيع

[lastone]

أخواتي
السلام عليكم ورحمة الله

إن شاء الله ولادتي بعد شهر ونص من اليوم وبعد الوادة بحوالي شهر إن شاء الله هسافر انا والرضيعة لزوجي في الخارج, انا خايفة جدا من ركوب الطائرة مع الرضيعة لوحدي لإني أول مرة أسافر من غير زوجي زكمان خايفة من مسئوليتها وحدي طول ساعات السفر (حوالي 3 ساعات)، حسة بقلق عموما مش عارفة السبب بالظبط.
المهم يا أخواتي انا عايزة من أي أخت عندها خبرة في السفر مع طفل رضيع (هيكون عمرها إن شاء الله شهر ويمكن اقل) وازاي أقدر أخليها نايمة طول فترة السفر وايه اللي ممكن أحتاجة معايا في الشنطة غير الحاجات التقليدية المعروفة، وبعدين هل صحيح في حاجة زي الكاري كت بتكون في الطيارة للبيبي؟ هل الكرسي دة بيكون مخصوص للي معاها رضيع بحيث لو هتضطر ترضع يبقى المكان مش مكشوف؟
أفيدوني ربنا يجازيكم خير.

[همسه ولمسه]

انا سافرت وعمر ولدي شهر والرحله كانت ساعتين والحمدلله ربي سهل والشنطه راح يكون فيها اغراض تقليديه من رضاعه صناعيه وحفاظات وملابس وبطانيه لان الطيار بيكون التكييف فيها عالي اما الكرسي اللي بتقولي عنه والله ماعندي خلفيه عنه والله معاك....

[azmiralda000]

انا كمان سافرت بابنى و هو شهر لمدة 3 ساعات
فى كارى كوت فى الطيارة بس اتصلى بمكتب الطيران و قوليلهم انك معاكى بيبى عشان يحجزولك فى الكرسى الاول عشان يكون واسع للكارى كوت
طبعا شنطة الحاجات التقليدية نعاكى يعنى ببرونة الماء و ببرونة اعشاب مهدئة و بامبرز و مناديل مبللة و غيار كامل يعنى ملابس داخلية و خارجية ومفرش للغيار عشان لو حسيتى ان المكان مش نضيف تنيمى البيبى عليه
بالنسبة لاهم نصيحة ان الطفل وقت اقلاع و هبوط الطائرة لازم يكون بيمص حاجة
يعنى تتينا او لاهية او ببرونة فيها ماء او اعشاب او بيرضع عشان ودنه ماتوجعهوش من الضغط
لو حبيتى ترضعيه كنت بدخل حمام الطيارة و انزل غطاء التواليت و اقعد ارضعه
فعلا الطيارة برد بس هما بيودوكى غطاء زيادة لو طلبتى
اى استفسار انا جاهزة
توصلوا بالسلامة ان شاء الله

[lastone]

جزاكم الله خير على الرد والمشاركة، أفادتني معلوماتكم كتير ربنا يبارك فيكم