سحرتونا ........يابنات الامارات والكويت. [الأرشيف]

View Full Version : سحرتونا ........يابنات الامارات والكويت.

الجنرالة

10-11-2002, 10:59 PM

عن جد ولله ......انا كل ما سافرت الا وانا اشوف بنات الامارات والكويت ..داعجين العيون وكاحلينها..... ولله جننوني .......سحروني بعيونهن انا لما اطالعهن هم يستغربوا عيوني ما تنزل من عيونهن ولله رسمتها حلوه .......وطريقتهم تجنن .
انا اعرف اكحل عيوني لاكن ما تطلع زي كحلتهن ليه .......ياليت وحده تتكرم وتشرح لي
طريقتهن.
انا عيون حلوه من غير كحله لاكن ودي اغير ودي اسوي زيهن.
احس ان كحلتهم تذكرني بايام زمان ..احسن الانوثه بعيونهن.
انا مره دعجت عيني كحل وطلعت قريبه من كحلهن لاكن جتني حساسيه بعيوني.
علموني اي نوع تستخدمون اشرحولي الطريقه وياليت بالصور
تكفون لا تردوني .

*كـراميل*

10-11-2002, 11:27 PM

الله المستعان اذا انتى حرمه وانسحرتى بعيونهن

عاد كيف الرجال ؟؟؟؟

الله يهديهن يارب

اما عن الكحل العربي سمعت اختى عن جيفينشى منزلين
كحل عربي مع المكحل :)

بس لا تسوينه وتطلعين عيونج

واتمنى من الاخوات يفيدونك اكثر

- نواعس دامعة -

11-11-2002, 01:25 AM

ياعيني ياعيني وش هالغزل وش دعوا نسيتي عيون اهل نجد المشهورين بجمال العيون بدون كحل مكحله عيونهم :)

شوفي ياعسل علميني وش طريقتك في مكياج عيونك بضبط علشان اقولك وش المفروض تسوين علشان تطلع عيونك ولا عيون أجمل نجديه :)

يالله بسرعه

الجنرالة

11-11-2002, 01:44 AM

اختي كراميل.......ولله مع حق انسحرت بعيونهم وانا بنت كيف الرجال الله يستر .
لاكن هل كحل جيفينشى لما استخدمه تطلع كحلتي زيهن.

مشكورة اختي نواعس دامعة ........انا ما نسيت جمال عيون اهل نجد ....حنا حلوين من غير كحل لاكن عن جد انا ابي اعرف ايش هما يستخدموا ولله حيروني......
شوفي حبيبتي انا كل يوم لي طريقه لاكن انا مستعده استخدم طريقتهن لاكن تطلع عيوني مثلهم.....
تدرون راح اشرح لكن......طريقة الي انا عاجبتني فيهن..
الوجه يكون مافيه حاجه الا اللهم الميكاب ورسمة العيون بس........

Pink_Rose

11-11-2002, 01:53 AM

الحل سهل..
الايز لينر أو الكحل القلم..
تحطي الايز شدو وبعده ترسمين عينك بالقلم او الايزلينر ومع الايام واستمرار الاستخدام راح اتفننين يا اختي..

الجنرالة

11-11-2002, 05:48 AM

الاخت الغاليهPink_Rose
مشكوره على ردك لكن ممكن توضحي لي أكثر اذا ما فيه تعب عليك
واي نوع من كحل القلم ...والشدو اي ماركة .

ماء القمر

11-11-2002, 06:38 AM

انا ماقد شفت بنات الكويت والامارات

احنا سافرنا الامارات بس الحريم ماتكحلو يعني زينا خفييييييييف

يمكن يختلف من منطقه لمنطقه

عموما ممكن تقوليلنا كيف رسمتهن

يعني الكحل شنو قايل

ويمكن اللي شفتيهم يحطون شدو اسود عشان كذا بارز

باي

دانةالكويت

11-11-2002, 12:56 PM

تبون طريقتي ؟؟؟

اول شي مشكورة اختي الجنراله على المدح .....

ثاني شي كل وحدة لها طريقتها برسم الكحل .... اذا تبين طريقتي بشرحها لج وبصراحة شكلها وايد حلو وغريب وتكبر العين والكل يسألني عن الطريقة ....

بس عيب عيب احنه ما نحط كحل جدام الرياييل :) الله يهدي الجميع ..

شوفي يالغالية ....

اول شي تحطين الآي شدو اللون اللي تبينه على الجفن من فوق وشوية تحت عينج كأنك راسمة خط بالشدو من تحت العين .... ويكون اي لون .... وردي بيج اي لون ...

اللآي لاينر السائل من لانكوم لايعلى عليه ترسمين فيه خط رفيع على الجفن من فوق .. تبدين شوية قبل زاوية العين الداخلية يعني تمديّنه شوية من جدام ,,,

ترسمين داخل عينج بقلم كحل جاف ... والله مادري اي ماركة احسن بس يكون غامق ...

والعين من تحت ترسمين خط خفييييف بالكحل الناشف بحيث انه ما يبين خط واضح ... يبين كنه ظلال ... يكون خفيف جدا بالزاوية الداخلية لكن عند الزاوية الخارجية يثقل يصير على شكل زاوية ... وبزاوية العين الخارجية وبلآي لاينر السائل توصلين الخط من تحت مع اللي فوق وتحاولين ترتبين شكله ....

انشالله يكون شرحي واضح ... بس ماعندي صور .... :) انتي جربيها وانشالله تضبط وتطلع حلوة عليج ...

بس اذا عجبتج ادعيلي :)

Qater-alnada

11-11-2002, 01:56 PM

الله يهديهم انشاءالله هذولي بنات مايدرون وين الله حاطهم بس هذا مو يعني ان كل الكويتيات والاماراتيات جذي وكل ديره فيها الزين وفيها الشين

عسى الله يحفظ بناتنا وبنات الخليج من كل شر قولوا امين

دارينو الحلوة

11-11-2002, 04:11 PM

يالجنرررررررررراله انا بقووووووووولج عن كحلللللللللللللللللللللله
قمه تخلين الناس هي الله تطالعج مو انتي تطالعينهم
هذا ياطويله العمر
روحي لاي محل راقي تبع الميك اب وشوفي اذا عندهم ماركة جيرلان يابنت يخبل كحلهم العربي
لايطوفج اللون الشذرررررررررري رهيبببببببب
هو كحل داخل العين شكله نفس المكحله القديمه بس الديزاين جديد
هو كحل ولابغيتي شدو تحطيم
وعندج يابنت الناس الوان واشكال اللي ماتعرف تحط تطلع عيونها فتانه
والله حلو مو قصدي دعايه والا شي ثاني انتي روحي وشوفيه الوانه الوان قديمه نفس مكياج السيتينات وقولي دارينو معاها حق عرفت تنقي
دارينوووووووووو

Pink_Rose

11-11-2002, 06:58 PM

الاينز شادو اي ماركه انتي تفضلينها على ذوقج بس يكون اللون غامق مثل الاسود او الرصاصي..
والقلم من ماركة بودي شوب او اي ماركه انتي تفضلينها.. تبرين القلم ويكون الراس حاد ترسمين العين مثل ما تبغين.. :D

أنا استخدم اي قلم من اي ماركه وأحسن قلم استخدمه من ماركة Rimmel يستخدمونه الهنود بهبل ورخيص وممتاز ما يسيح..

أول شي تحطين الايزشدو وبعده تحددين بالقلم وعقبه بالايزلينر وانشاء الله افتدج..

وانتي واسلوبج وفنج :D

الجنرالة

11-11-2002, 11:35 PM

ما ادري ايش اقولكن يا حلوات مشكوره جدا ....انا إن شاء الله ابجرب كل الي قلتوا انشاء الله تنجح معاي...لاكن عن جدا افدتوني بشغله حلوه اني استخدم الاينز شادو قبل ما اكحل بالقلم الجاف
يعني اني احدد عيني باشدوا اول وبعدين ارسمها.

MiSsQ8

12-11-2002, 08:22 AM

بقولج شغله انا جربتها بالصدفه وطلعت حلوه
تعرفين طريقه الشدو اللي تحت العين اللي يكون سايح ويعطيج شفافيه للنظره ؟؟
مره كنت تعبانه حدي ونمت وماغسلت عيوني قمت الصبح وغسلت ويهي وتعالي شوفي شلون الكحل والشدو ساحو تحت الجفن
رووووووووعه
بس مسحت الكحل اللي فوق العين بكلنكس بيبي جونسن المعطر
وخليت اللي تحت بس حطيت لمسات من الشدو الرمادي عليه
وطبعا خطيت الكحل فوق العين
وعلى فكره كل عين تختلف وانتي ماقلتي شنو عينج ؟
كبيره صغيره ضيقه ناعسه مرتفعه ؟
وشكل الجفن شلون صاير ؟ فيه مساحه والا بارز والا طالع ؟

تبين تعلمين مكياج صج ؟ روحي جامعه الكويت بكيفان وشوفي مكياج البدويات روعه مع النقاب وطريقة الشدو وخصوصا عيونهم حلوه
ولازم كل يوم تجربين لحد ماتضبطين
واشتري مجلات سنوب الحسناء اللبنانيه وحاولي تقلدين مكياجهم واهم شي تكونين تعرفين ترسمين واشتري مجله الجميله فيها وايد نصايح حلوه

الجنرالة

15-11-2002, 11:18 PM

ابشركم...........بديت امسك اول الخيط..سويتها لاكن ماطلعت زي الي انا ابغى لاكن حاولت حتى نجحت الطريقه وصارت عيوني زي زينب العسكري........
اوكيه اختيMiSsQ8 اقولك وصف عيوني مايله لكبر العين لاكن مو كبيره حجمها عادي الجفون فيه مساحه لاكن مو مره واسعه بس حلو الشدو عليها جننننننان ....استني اشوف المرآيه..ايه عيوني حلوه .....