مـــــن ويـــــــن تــــشــــتــــرون

[بـنت الأمارات]

هـــلا بالـــجـــمــيع

حــبيـت اســـألــكــم عن الــعــود وعــن الــعــطـور الــعربية

مــن ويــن تــشــترونها...ومــثــلا شــو الــعــطور الــلــي

جــربتوها وحصلتوا ريحتها حلوة وما تطير...

انا عن نــفــسي اشــتــري من أجــمــل الــعــود والــعــطور بـعــد

وانــصــحكم بدهــن عود الــشــمس من اجمل ...وفيه محل في سوق الحمرية

يبيع عــطــور عربية ريــحتها حلوة..اظــن اسمه الياسات...

اتــمنــى تــفــاعل الـــجــمــيع......

[ماء القمر]

بس انا مو من الامارات :(


باي

[دارينو الحلوة]

وانا ودي اساعدج
بس مو من الامارت
اتمنى اجيها
واذا جيت راح احفظ لج كل الاماكن واقولج اياهم بعدين
تامرين امر
......... دارينوووووووو

[مجروحه]

انا عن نفسي اخذ العطور العربيه من كل مكان المهم تكون الريحه مميزه وغريبه لاني احب اني اكون متميزه في كل شي...انا اخذ من عند وحده في دبي وفاتحه محل اسمه (بنت لوتاه) الصراحه لايعلى عليها وطبعا اخذ من (اجمل)واحلى شي عنده_ دهن العود المعتق _ومخلط دهن العود المعتق_ و(الرصاصي)احلى ما عنده _بخور راقيه_الصراحه مايتفوت وخصوصا حق البيت لان ريحته حلوه و تبطي...وفي المحل البحريني (عالم سيد جنيد)موجود في السوق ومركز زايد كل شي عنده حلو ولاعليه زود..اما الي صدق ذابحني هو(القرشي)ومعروف عنده _لوشن المسك_استخدميه بعد الاستحمام وطبعا مااقدر اوصف الباقي كل شي مميزوالحين عنده تنزيلات لين اخر الشهر الكريم لايفوتكم....بايW: W: W:

[بـنت الأمارات]

هــلا بالــجميــع...

ماء الــقـمر وداريــنــو الــمــوضــوع تــفــاعــلي للــجمـيــع

ولا يــقــتــصر عــلـى الأمــاراتيات فأرجــو الــمــشاركة من الجــميع..

عــزيــزتي المجروحة مشكورة على مساهمتج الفعالة في الموضوع وبغيت اسألج عن محل

بنت لوتاه وين مكانه....وبجرب المسك اللي ذكرتيه....

اتـــــمـــنــى مـــشـــاركـــات الـــجــــمـــيــع

[- نواعس دامعة -]

انا كنت دايم اشتري من العود العربي

بس بعد مدح البنات لاجمل شكلي بامره واشوف وش عنده من الروائح الحلوةةة :)

تحياتي

[*كـراميل*]

واو موضوع روعه

انا افضل الرصاصى

وخصوصا فرع الشارقه اللى بالسوق الجديم

اسعاره وايد حلوه

وانا ما اخذ مخلطات احب دهن العود

بس شكلكم شجعتونى على اجمل ولوشن المسك

بس كم الاسعار يا ترى ؟؟ :)

[بـنت الأمارات]

هــلا عــزيــزتي كرامــيــل

انصحج بعود مبخر من اجمل ريحته وايد حلوة وما تطير ورشي شوية من دهن عود الشمس...

ريحته تطلع آآآآآآآآآآآآآآآآآآآآآآآآآآآآآآآح وااااااااااايد حلوة....دعاية لأجمل :D

المهم عزيزتي فيه ثلاث احجام الحجم الصغير 75 والمتوسط 110 والكبير 250 تقريبا

اتمنى اكون افدتج.......W:

[om-maryoom]

ماكو الصراحة على جنيد كل دهن العود اللي عنده حلو وسعره مناسب
اما العطر العادي فعطر شانيل ( كوكو مادموزيل ) رووووووووعة وجذاب للمتزوجات خاصة

[بـنت الأمارات]

هلا عزيزتي ومشكورة على المشاركة وبسأل عن محل جنيد اذا موجود عندنا يمكن في السيتي..

اتمنى من الجميع المشاركة......

W:

[ام علياء]

بنت ا؟لأمارات انا مجربة عطر شمس ... حبيت اعطيج اسم عطورات انا استخدمها ..ميريكال ماركة لانكوم.... جادور..ماركة كرستنديور....سمسارةوهذا احلا عطر عندي طبغا ادخني واستخدمي اي عطر اعطيج اسمهة والله لا تستوين ام الدويس ريحتج وين ما كنتي بتفوتخ ..على قولت ريلي يوم اتعطر يقولي اي عطر تستعملين والله ريحتج في كل مكلن قبل لاتدخلين اي مكان ريحتج تسبقج واعرف انه انت جاية وكلهم اهل زوجي يسألوني بس ما أقولهم عشان اطلع مميزة من بينهم ...اكس اس، عطر وش ,وبعد عطر لوليتا, وبعد عطر سارة من اجمل هذا مخلط ,وبعد وايد بس ناسيتنهم........... والسموحة يالغالية..

[بـنت الأمارات]

هلا الغالية ام علياء ....مشكورة على اضافتج الحلوة وزين ما اعرف حمياتج كنت بخبرهم وباخذ

عمولتي...:D ...


عزيزتي حبيت اسألج عن الدخون او العود من وين تشترينه وعن العطور طبعا بجربها...

وجــزيـــت خـــيـــرا

[بنوته أبوظبي]

بنت الإمارات

الللللله..واااااااايد أحب محل الياسات وأحلى مخمريه من عندهم

مسك الجسم من عند عبدالصمد واااااايد عجيب ..تحطين شويه منه بس ريحته وايد تفوح وبارده..وبعد خلطة الحجر الأسود

فيه بعد عطور من آدم وحواء..أنا أحب إعصار (إسمه ما يشجع :D ) وعطر روحين بروح.. فيه عطر اسمه أحضان شميته عند إختيه زين

إممممم شووو بعد؟؟؟..أجمل عنده أشيا حلوه ..وأكثر شي آخذه من عندهم الدهن عود

وباقي مخلطاتي والمعمول آخذه من عند الحريم اللي يبيعن ;)

[*كـراميل*]

هاى مخلطات ولا مسلسلات اسماء تخرع لؤؤؤل

بجرب ان شاء الله دهن عود الشمس من اجمل :)

[حناين]

هلا والله بالروائح الحلوة ..
اما انا تركت الماركات من ايام الحمل .. والحين اشتري عطورات وبخور مصنعة من عند وحدة بدوية من العين .. شو الروائح مميزة وخبال صراحة ... وريلي بعد يشتري من عند واحد في الدوام بعد عنده اشياء حلوة ..
وبعد اشتري من اجمل عود مبخر ومن الرصاصي الكشخة وايد حلو ..

[بريتي]

اهلين اختي بنت الامارات انا اموووووووووت على دهن العود من الشركه العربيه للعود مادري موجوده في الامارات ولا لا المهم اسمه(الحرمين)ريحته روووووووعه


وشكرا

[بـنت الأمارات]

هلا بنوتة بوظبي مشكورة على المشاركة في الموضوع وانتي ثاني وحدة تمدحين المسك من

عبد الصمد القرشي اكيد ريحته حلوة بنجربه....

حناين مشكورة على التفاعل مع الموضوع....

بريتي اهلا عزيزتي ومشكورة على الرد....W:

[مجروحه]

انا امبارحه رديت على سؤالج في رساله طويله عريضه بس وينها؟؟؟؟؟؟؟؟؟؟؟؟؟؟؟:confused: :confused: W:

[بـنت الأمارات]

هلا اختي مجروحة ما اعرف شو تقصدين ؟وين رديتي ...

المهم عزيزتي انا كنت اسألج عن محل بنت لوتاه اذا ممكن تذكرين عنوانه...والسموحة.W:

[مجروحه]

انارديت عليج هنيه امبارح فالليل..امرنالله بقول المهم وانتي تستاهلين....(بنت لوتاه) سمعتها تقول ان محلهافي مركز الغرير لاني انا رحتلها في بيتهابحكم معرفة امي بهاوتبين الصدق ماادله...(كراميل) سعر تولة لوشن المسك ب200 درهم ومعاه تولة عطرمجانا بقيمة د200درهم لان عندهم تنزيلات لاتفوتكم ....ودمتم.W: W: W:

[بـنت الأمارات]

مـشـكورة عزيزتي مجروحة واسمحيلنا تعبناج ...بس اذا ممكن تكملين جميلج وتبيلي اسم المحل

لأن مركز الغرير كبير ...والسموحة....W:

[mara7eb]

:confused: ليش محد يذكر الحرمين عطورهم تجنن واسعارهم حلوة كثير انا جربت دهن مروة وسنة وبركة وانصحكم تجربوها..:D :D

[بـنت الأمارات]

هلا اختي... انا مجربة من عند الحرمين العود المعطر حلوة ريحته...W:

[امولتي]

السلام عليكم
كيفكم بنات
بنت الإمارات والله اني ما اكذب عليكي مواضيعك كلها تعجبيني واحب اني اشارك معاها

بالنسبة للعطور
انا دايما احب اشتري من اجمل وعبد الصمد القرشي

ابدا بأجمل ::::
احب العطور لنفسي ::: الف ليلة وليلة (((( روووووووووعة )))) + دهن عود شمس + سارة + ريان + شيماء (((( هذا جديد )))) + ابراج (((( اموت فيه كلما يخلص اشتري منه ))))
اما عبد الصمد القرشي ::::
البارحة كنت عندهم ومسووين تنزيلات رهيييييييبة على العطور قلت بنفسي والله فررررصة ما تتعوض خاصة وانا قاعدة اتجهز للعرس ::::
اشتريت الله يسلمك التالي :::::
الحجر الأسود + المناسبة + روح الورد الطائفي ((( بخاخ ))) + مسك للجسم (((( ررررررهيب جدا جدا )))) + مخلط مجان + شامية للعبايات والشيلة + مخلط انس + المضياف
وبصراحة رجعت البيت وانا مبسوطة لأن اسعارهم غاااااااالية قبل التنزيلات نوعاما
لكن الحين اشوفهم تقريبا خصم بنسبة 40%
وانصح اي وحدة تريد تشتري عطور عربية عليها بهالمكانين

اما العطور الفرنسية :::
ميراكيل من لانكوم (((((( ريحته جنان مع العطر العربي والبخور ))))) + رومااااانس العلبة الثانية اللي اشتريها من حلاوته + اكوا وومن من كاشريل + غلوريا + هوت كوتير من جيفنشي + العطر الجديد من كريستيام ديور (( اديكت ))) عاد هذا العطر مناسب للسهرات والبيت لأن ريحته نفاذة كثير كثير لكن لما تبرد والله رررررررهيبة ريحته


وسلامتكم

[مجروحه]

تعبك راحه حبيبتي... اسم المحل( بنت لوتاه) للعطور او للعود والبخور انتي شوفي المحل معروف ب (بنت لوتاه) وتصدقين ان في ناس يتعنوله من قطر والسعوديه...اتمنى انك تحصلينه وخبرينا شوخذتي من عنده ..اتريا ردك عزيزتي..باي W: W: W:

[بـنت الأمارات]

هلا عزيزتي امولتي ..واحنا بعد نحب تشاركينا في مواضيعنا....

ماشاء الله عليج كفيتي ووفيتي ..والله يهنيج بالعطور اليديدة...

[بـنت الأمارات]

عزيزتي مجروحة ما تقصرين الغالية وان شاء الله اول ما اشتري بقولج شو العطور والأشياء

الحلوةعندها.....W:

[monaH]

تسلموون يالغاليااااات

ترى روايحكم الزينه واصله لعندي ايش الحلا دا كلو يا اميرات العطوووور

أنا اموت بالعطر الخليجي الناعم وانتو مذوقات كتيير باختيار العطور

انا عشت بالشارقة يجي 22 سنه لهيك انا احبكم وايد وايد

اريد اسال هل لوشن المسك من كل ماركة يفرق عن غير ماركة

يعني من عند الرصاصي غير من عند القريشي غير من عند اجمل

ممكن تجاوبوني

وهل دهن العود كمان هيك

لكن تحياااتي يالغوالي

أختكم في الله منى

[Lojain]

9- يمنع رفع المواضيع القديمة بكلمة شكر او ما شبه و التي مضى على كتابتها اكثر من 4 اشهر و الا سوف تتسببين في اغلاق الموضوع