View Full Version : في 3 أيام شعري صار ملمسه ناعم ويلمع
legendarygirl
08-11-2002, 08:34 PM
السلام عليكم ورحمة الله وبركاته
بنات تبون تعرفون شلون صار شعري ناعم ويلمع بهالفترة القصيرة ؟
جربت خلطة زيوت لمدة ثلاث أيام ورا بعض وفي اليوم الثالث استشورت شعري وطلع فظيع حتى الكل لاحظ هالشي ، زوجة أخوي اسألتني إذا كنت حاطه كريم بعد الاستشوار وقلت لها مو حاطه شي ، وأختي اسألتني إذا أنا صابغة شعري ولا لأ لأن شعري جاف وصبغتي كانت باهته بس بعد هالخلطة صار يلمع والصبغة صارت أحلى .
إذا تبون تعرفون شنو هالخلطة قولو لي وأنا أقول لكم .
دارينو الحلوة
08-11-2002, 08:49 PM
ماكو احد غيررررررررري طلبج
ياليت تقووووووووولين لي لاني اول وحده طلبتك واظن اني اكفي لاني مناوبه عن بنات
المنتدى>>>>>>> غصب تخلي نفسها الكل بالكل خخخخخخخخ
رغدحياتي
08-11-2002, 08:55 PM
يالله انا الثانية عاد قولي لاتغلينا علينا;) ولاتري بنزعل:D q) :D وكل عام وانتي طيبة..
smooth
08-11-2002, 09:34 PM
يالله عاد قولي شوقتينا
زيـ أم ـاد
08-11-2002, 09:34 PM
معليش بتلقف لاول مره في هالركن لانه شدني العنوان وأكون الثالثه:D
قولي لنا وش هالوصفه لانها مهمه جدا قبل العيد ياأخت legendarygirl:D :D
ولاتـــــــــــــردين طلبنا وعجلي علينا لانه موضوع حــــــــلو بالمره
;) ;)
وأرجو تقبـــــــــل لقافتي ::HH:: ::HH:: ::HH:: ::HH::
انا الثالثة عاااااااااااد ...يلا قولي ولا بزعل حيييييييييييييييييييييييييييييييييييل..... وكل عام ونتي بخير حبيبتي..
dandooneh
08-11-2002, 09:42 PM
e7na bnstanna ...ya 7elweh
المرحة
08-11-2002, 10:15 PM
اللي يتغلى يخلى ماابييييييييي.
يالله تكفين قولي وييييييييييييييييييييييي .
ام علياء
08-11-2002, 10:26 PM
يــــــــلا عاد قوليلنا شوهاي الخلطة تراج ذليتينا ........ تراني اسولف
legendarygirl
08-11-2002, 11:03 PM
هلا فيكم كلكم وكل عام وانتو بخير
آسفه طولت عليكم بس كان عندي ناس يالله عاد لا تزعلون مني وسامحوني
الخلطات الله يسلمكم اهي ثلاث زيوت وكل نوع له خلطة >>>>>>>>> صار لغز
النوع الأول :
زيت لتطويل الشعر ونعومته وعدم تقصفه
مكوناته:
زيت الحية + زيت البلسم + زيت الزيتون + زيت جوز الهند + زيت الثوم + زيت البابونج + زيت الكهرمان + زيت الورد + زيت زهر الليمون + زيت القمح + زيت الصبار + زيت الفراولة + زيت الجوجوبا + زيت السدر .
النوع الثاني :
زيت لعدم تساقط الشعر والكثافة ومنع القشرة
مكوناته :
زيت الحية + زيت البلسم + زيت الزيتون + زيت جوز الهند + زيت الصبار + زيت اللوز + زيت الخس + زيت الغار + زيت الورد + زيت القمح + اكليل الجبل + زيت الحصان + زيت الخروع + زيت الخردل + زيت الجرجير + زيت السدر .
النوع الثالث :
زيت لفرد الشعر المجعد
مكوناته :
زيت الحية + زيت الحبة السوداء + زيت البابونج + زيت السدر + زيت البلسم + زيت القرنفل + زيت جوز الهند + زيت الخس + زيت البصل + دهن الورد + زيت الفراولة .
وهذي الزيوت ( الثلاثة ) بصراحة لما استعملتهم حسيت بفرق كبير في شعري كانت نفسيتي تعبانه منه وايد والحين الحمد لله أحسن من قبل ، أنا شاريتهم من محل غابات لبنان للأعشاب الطبيعية وعندهم كريمات تبييض وأعشاب تخسيس وأعشاب لزيادة الوزن وعسل وماء ورد وأشياء كثيرة وهذا المحل موجود بلبنان + السعودية ( الرياض ) + الإمارات ( دبي ) + الكويت
الحمد لله أنا استفدت منهم وايد وراح أستمر عليهم وانشا الله تستفيدون منهم بعد وما أشوف وحده تشتكي من شعرها والله يطول شعوركم وينعمها ويكثرها قولو آمين .......
ام عنود
08-11-2002, 11:19 PM
مشكوره ما خليتي نوع من الزيوت الا و حطيتيه على راسك ما في شىء اسهل
legendarygirl
08-11-2002, 11:31 PM
العفو اختي أم عنود
الزيوت اللي استخدمتها اهي ثلاثة بس والباقي اهي مكونات كل زيت يعني معقوله بستعمل كل هالزيوت
haidi33
08-11-2002, 11:36 PM
اختي صاحبة الموضوع انتي عملتي الخلطة بالبيت اواشتريتيها جاهزة من المحل مخلوطة وياليت تعطينا رقم المحل هذافي الرياض اذا عندك فكرة او مكانة وشكرا
*كـراميل*
09-11-2002, 01:03 AM
موجود فروع عديده منه فى المعارض
؟؟..........
والحين فى الملا بلازا :)
legendarygirl
09-11-2002, 01:27 AM
هلا أختي هايدي
الزيوت أنا اشتريتهم من المحل وخلطتهم بالبيت والصراحة ما عندي رقمهم ولا أعرف مكانهم
والأخت كراميل ما قصرت قالت لك مكانهم ومشكورة والله يعطيها العافية
وإذا في أحد منكم يعرف مكانهم بأي دولة لا تبخل على البنات وتقول لهم
وبالنسبة لمكانهم بالكويت
حولي ـ مجمع السندس ـ الدور الأول
دارينو الحلوة
11-11-2002, 01:32 AM
مشكوورة بس خلطتج معقده وانا مالي خلق للحوسه
صح الشعر مايجي بالساهل لازم عنايه
وانا مو وجه عنااايه
عايش المقرود على الشامبو والماي تدرون
يقولي شعري عمري ماشميت ريحة الزيت بشعرج اتمنى اشمها
قلته ولا راح تشمها
كان في امل انك تشمها بس بكل هالزيوت
اشهد انه ماراح يشمهاااااااا
دارينو
لطايف
11-11-2002, 02:59 AM
مشكورة أختي الصراحة أنا أحب هالسوالف وبصراحة أنا جربت زيوت جدايل من القرشي بصراحة مجموعة روعة بس الحين بجرب هذي الزيوت وأنشاء الله ألقى الفايدة وعلى أيدك:D
ميرال
11-11-2002, 06:46 AM
ياليت لو كان فيه فرع لهذا المحل اللي ذكرته الأخت في مدينة جده. تدلنا عليه .
ماء القمر
11-11-2002, 06:52 AM
بس ممكن تقوليلي اذا المحل هذا موجود بالقصيم
او لا واذا مو موجود وين الاقي الزيوت هذي
اتمنى تردي على باسرع وقت
باي
legendarygirl
11-11-2002, 10:06 PM
* هلا فيج اختي دارينو هالخلطة مافيها حوسه ولا شي اهي ((( بس ثلاث زيوت ))) والحوسه هذي اهي مكونات كل زيت أنا حبيت إني أكتب مكوناتهم يعني تشترين من المحل هالثلاث زيوت بس .
* العفو اختي لطوفه جربيها وماراح تخسرين .
* هلا بالاخت ميرال والاخت ماء القمر بالنسبة لمكانهم مثل ما قالت الاخت كراميل انه موجود في الملا بلازا ، والاخت شمعة نجد اذكرت في موضوع لها عن نفس المحل انه موجود في معارض المدينة .
وتسلمووووووووووووووون
وشلون ماتبين شعرك يتعدل
غصبن عليه ماخليت شي ماحطيتيه
بصراحة أنا مليت من كثر الخلطات والأعشاب والزيوت صرت حتى أستحقر عمري من كثر مأجرب
مليييييييييييييييييييييييييييييييييييييييييييييييي ييييييييييييييييييييييييييييييييييييت
والله مليت
>>* شروق* <<
12-11-2002, 04:25 AM
ممكن تقولين ا سامي الزيوت الثلاثه بشكل مرتب وواضح والله حستيني ماادري وين الأساس من الفرع بليز قوليها لي اذا سمحتي غاليتي والف شكر وجزاك الله خير
MiSsQ8
12-11-2002, 08:04 AM
legendarygirl
انتي شريتي كل مكونات الزيوت وخلطتيها ؟ والا شريتي 3 انواع بس ؟؟
شلون طريقة الاستعمال ؟ يعني كل يوم استعمل نوع زيت والا اخلطهم بمقادير متساويه احسن ؟
ومنو له خلق كل يوم يغسل شعره خصوصا الحين ياينا الشتا .. يعني اذا استعملتهم مرتين بالاسبوع ممكن اييب نتيجه ؟
جم كلفوج الخلطات ؟ يعني جم السعر ؟
جم ساعه تخلينهم على شعرج ؟
ياليت ترديلي خبر
ووصفيلي عنوان المحل بالكويت بالضبط وعطيني رقمهم اذا تقدرين لان وراي عيد وبصبغ شعري وشعري وايد يطيح
اي صج ؟ خلي النعومه على صوب بعرف شنو حسيتي من ناحية التساقط ؟؟
legendarygirl
12-11-2002, 04:32 PM
السلام عليكم ورحمته الله وبركاته
* مشكوره اخت شدى على المشاركة .
* هلا اختي أم بدر الله يسلمج الزيوت اهي :
1 ) زيت لفرد الشعر المجعد .
2 ) زيت لتطويل الشعر ونعومته وعدم تقصفه .
3 ) زيت لعدم تساقط الشعر والكثافة ومنع القشرة .
كلهم مكتوب عليهم ( خلطة الزيوت ) وعلى فكرة المحل كله ما عندهم غير هالثلاث زيوت بس .
* هلا اختي مس كويت الله يسلمج أنا شريت بس ثلاث زيوت اللي كاتبتهم فوق وخالطتهم كلهم مع بعض في علبة وحده ، الطريقة مثل ما هو مكتوب بالعلبة ( يوضع الزيت على الشعر وفروة الرأس ويدلك بأطراف الأصابع بعدها يترك لمدة ثلاث ساعات ويغسل ـ ثلاث مرات في الأسبوع ) ، انتي جربيها مرتين بالأسبوع وإنشا الله تييب نتيجة ، أنا جربتها أول يوم ثلاث ساعات وثاني يوم حطيتها من الساعة 3 العصر لي اليوم الثاني يعني نمت فيها لما الساعة 7 بالليل ، وسعر علبة الزيت الوحده 7 دنانير ( 21 دينار للثلاث زيوت ) وعنوانهم بحولي مجمع السندس الدور الأول محل غابات لبنان ـ شارع العثمان يم مجمع الأيوب ومجمع بلازا وما أقدر أعطيج رقمهم لأنه بالمنتدى مانعين كتابة الأرقام ، وبالنسبة للتساقط أنا شعري كان يطيح وايد بس لما جربت هالزيوت الحمد الله خف التساقط شوي .
وأنا استفدت منهم وايد وانشا الله كلكم تستفيدون .
تسلموووووووووووووووون
الهايــــــــمه
14-11-2002, 01:17 AM
يعني بالله اللي ساكنين بمكه وش يسوون
مجد الا حسا ء
14-11-2002, 03:34 AM
لو سمحتم محل الملا بلازا
واين بالضبط هل هو بالسعوديه
وهو نفس الا سم بالكويت ولا لاء
ومشكورييين
فايزة
14-11-2002, 05:05 AM
اخواتي العزيزات في الله لاتستعملون أي شي تقرونه بالمنتديات او وحده توصفه ترى خطأ فظيع انا عضوة بمنتدى العروسه الله يسامح اللي كانت السبب ووصفت مجموعة من الزيوت وتقول تنعم الوجه والجسم وهي زيت المشمش وزيت القرفه وما أن وضعت هذه التركيبة على وجهي الا وتقولون موية نار مثل الحرق صار وجهي وفي نفس الثانية ذهبت وحاولت غسل وجهي بالماء وكذلك الصابون وحتى الصبح ووجهي مثل النار واحمر وعيوني تدمع وحمراء حتى احسست حتى أذنوي كأنها تصفر من الحراراة وكأن النار بتخرج منها
عذراً اخواتي العزيزات فما يناسب واحدة لايناسب الأخرى وهذه 100زيت كيف نجمعها والا اهي دعاية للمحلات المذكورة فقط وسامحوني
MiSsQ8
14-11-2002, 05:45 AM
مشكوووره
ميويه
14-11-2002, 08:32 PM
اوه كل هالزيوت احطها بشعري
ابغي يكون شعري انعم
بس مااحط كل هذه الزيوت
ماافدر استحمل الريحه
غصـــــون
14-11-2002, 10:41 PM
هلا اختي
حبيت اسألج
يعني احط زيت الفرد, وزيت التساقط وزيت التطويل كلهم ويا بعض
او اني استخدم كل يوم زيت معين؟
انتي قلتي استخدمتيهم ثلاثتهم فكيف ممكن تشرحين لو سمحتي ؟
وتسلمين الغاليه
دمعة فرح
15-11-2002, 11:41 AM
مشكوره الغاليه والله يعطيج العافيه
تحياتي لج
W: W:
أم ليــالي
16-11-2002, 03:10 PM
واناااااااااااااااا بعد استخدم نفس هذي الخلطات مشكوره اختي وتسلمي على وضع هذا الموضوع
legendarygirl
16-11-2002, 03:52 PM
مشكوووووورين يا بنات الله يسلمكم ويخليكم
العنود2002
17-11-2002, 03:44 AM
اختي بسالك اهو مو جود في السعوديه ممكن تقولين وين بالضبط
يائسة
17-11-2002, 10:23 AM
الوصفة حلوة لكن احضارها صعب وايد ..
على العموم شكرا ..
legendarygirl
17-11-2002, 04:00 PM
* هلا فيج اختي العنود المحل موجود بالسعوديه بالملا بلازا ومعارض المدينة بس ما اعرف عنوانهم بالضبط
* العفو اختي يائسة وتسلمين
شذى الزهور
17-11-2002, 06:09 PM
السلام عليكم ورحمة الله وبركاته.
مشكوررررررررررره وايد وااااااااااااااااااااايد
بس عندي سؤال صغيررر هالزيوت يستخدموها كلها مع بعض
لو كل نوع لوحده.
وشكرا..
legendarygirl
17-11-2002, 10:03 PM
العفو اختي شذى الزهور
احسن انك تستخدمينهم مع بعض
وتسلمييييييييييين
نور الضحى
24-11-2002, 01:04 AM
W: لو سمحتي أختي كراميل وين موقع الملا بلازا
ما سمعت عنه من قبل ..........
وما له فروع ثانيه في الرياض وغيرها
وان كان عندك رقم تلفونهم ......
مشكوووووووووره W:
ام عنود
24-11-2002, 01:27 PM
في ابوظبي هذي اليام في معرض و مهرجان رمضان و العيد و من اللي يعرضون محل غابات لبنان و عندهم كل الخلطات وهذي رساله لبنات ابوظبي اللي يبون يشترون
miss_tarchyah
24-11-2002, 06:37 PM
السلا عليكم
اختي مو محقولة نحط كل هذي الزيوت على راسنا
ممكن تقولين الي نحتاجه اكثر شي لتنعيم الشعر و تطويله ؟؟؟؟؟؟
miss_tarchyah
24-11-2002, 06:37 PM
السلام عليكم
اختي مو معقولة نحط كل هذي الزيوت على راسنا
ممكن تقولين الي نحتاجه اكثر شي لتنعيم الشعر و تطويله ؟؟؟؟؟؟
vBulletin® v3.7.2, Copyright ©2000-2008, Jelsoft Enterprises Ltd.