زوجي ناوي يخبلني النجده يابنات حايل

[saan14]

ايش السوات مع هالرجّال
والله أنه بلشه
تدرون اليوم ويش طالب على الفطور؟؟؟؟
طالب قهوه مثل قهوة أهل حايل !!!!!
إيه مثل قهوة أهل حليل بالبن العادي بس المطلوب الطريقه وأيش ينحط عليها غير الهيل والبن
أدري أنها غريبه الناس يطلبون حلى قهوه ,هذا يطلب القهوه نفسها
لاتنسوني تراه ناوي يسافر لحايل ليشرب القهوه
السرعه يالنشميات

[um samer]

وينكم يا أهل حايل ردوا قبل مايخلص رمضان !!!!!!!!!!!! :D

ياريت فيني أساعدك ،،
وكل عام وأنت بخير

[إيمان علي]

بسيطة، لا نجدة ولا شي، ما تردي عليه :D

[بنت العمه]

اهلين سان ترى اول مره اكتب هنا بس تو اشتركت علشان ابي ارد عليك ولاانا مشتركه في منتدى ثاني بس احب ادخل قسم الطبخ هنا

شوفي انا ياكثر مارحت حائل اخرتها بالصيف هذا ولاعمري فرقت القهوه واصلاماعمري سمعت ان قهوه حائل غير قهوت اهل نجد !!!!!:eek: :eek:

يمكن تقصدين النعناع ايه صح نعناع حق حائل غير نعناع نجد;)

ان شاء الله قدرت اريحك علشان تقولين لزوجك ان مافيه فرق بالقهوه:D

يالله نشوفك على خير

[شجووون]

ياخت saan14 ياريت لو كنت اعرف
كنت بخبرج sid
لكن الصراحه زوجك عليه طللبات عجب
الله يعينج عليه:)
اختك : شجووونW:

[آثار حائل]

بسم الله الرحمن الرحيم....أولاكل عام والجميع بخير وشهر مبارك على الجميع إنشاء الله عزيزتي saan14 ابشري والله ساكتب لك الطريقة التي ستسعدين بها إنشاء الله :) :) :) والطريقة هي بعد أن تضعي الماء في ابريق القهوة أشعلي نار البوتجاز:D وبعد أن يغلي الماء ضعي فيه البن المطحون واتركيها تغلي لمدة ثلث ساعة ثم ضعي عليها الهيل (ملعقتين صغيرتين)##R#R واتركيها تغلي قليــــــلا
لابد من إضافة شيئين في القهوة الحائلية
الزعفران او القرنفل (المسمار)يعني بعد ان تعملي القهوة وتريدين ان تصبيها في الدلة تضعين قليلا من المسمار في الدلة ثم تصبيها عادي كذلك الحال مع الزعفران
ملاحظةالزعفران والمسمار لايكونان مع بعض يعني مرة القهوة بالزعفران ومرة بالمسمار.
اتمنى أن أكون قد أفدتك لاتنسونا من دعائكنW: W: W: W:

[سحر الملاك]

هلا اختي saan14
قهوه حائل ماتملينه ابـــد
آثار حائل شرحت الطريقه صح

هلا آثارماشاالله انت من حائل نور المنتدى والله



تحياتي.................

[saan14]

اسعد الله أيامك أخت أثار والشكر لله ثم لك على أهتمامك بموضوعي وردك علي ولاأنسى أخواتي الحبيبات اللواتي لم يبخلن على بالردود منذ بداية موضوعي وأتمنى من الله ان يجمعني معكن في جنته

[آثار حائل]

السلام عليكم ورحمة الله وبركاتة
اشكرك اخت سحر الملاك على هذا الكلام الجميل والمنتدى منور بيكم والله
ولك يااخت saan14 تحياتي والشكر اولا واخيرا لله سبحانه وتعالى واتمنى ان اكون قد اسعدت قلبك .تحياتي للجميع:) :cool: W:

[ام سمر القمر]

الى الاخت saaa 14 الله يعينك على هالورطه

لازم تعرفي الطريقه الصحيحة للقهوة عشان ..............مايلقالوا عذر ويسافر لحائل عشان القهوة الي يبغاها .................الا عشان يبغى يتزوج وحدة من حائله ههههههههههههههه

ترى لا تصدقيى هالكلام هذة وحدة تبغى تشعللها نار ........ العياذ بالله من الشيطان


لا اختي ولا تزعلى مني
انا اقولك الطريقة وانشاء الله تكون صحيحة

انا سمعت انهم يحطون في قهوتهم
(ابازير القهوة ) وهذه تجيبيها من عند العطار

مع دعواتي لك بالتوفيق والسعادة الزوجيه

قولي اللهم امين