هقدم لكم الفايش السريع على طريقتى ........

[تاسى]

السلام عليكم ورحمة الله وبركاته

الأخوات الغاليات

أنا عضوة جديدة معكم وحبيت أقدم لكم وصفة مجربة وكتير حبوها
بس للأسف ما بعرف أضع الصور على الصفحه ولا على الجهاز عندى كاميرا بس مش بعرف هههههه سامحونى
الفايش السريع وصل
لجل عيونكم
المقادير
2 كيلو دقيق
2 كوب لبن
نصف كوب سمسم
ملعقة كبيرة خميرة بيرة
ملعقة صغيرة كركم
نصف ملعقة محلب ومعاها 2 حبة حبهان (هيل ) ويطحن جيداً
كوب سكر
نصف كوب زيت
نصف كوب سمن
ماء دافى للعجن

الطريقة

أولاً

نضع كوب اللبن على النار وقبل الفوران نضعه على السمسم ونغلق العلبة
ونبدأ بوضع الدقيق والسكر وكركم والمحلب مع الحبهان ويقلب الخليط
ثم نضع الخميرة البيرة مع ملعقة سكر وندوبها فى كوب ماء دافى ونسمى الله
ونبدأ بالعجن نضع اللبن مع السمسم والسمن والزيت والخميرة على خليط الدقيق ونعجن حتى تكون عجينة هشة وتكون غير ملتصقة باليد
ثم نتركها تتخمر لمدة ساعة أو أثنين
وبعد أن تتخمر نقوم بعجن العجينة ونتركها تتخمر مرة أخرة ثم نبدأ فى دهن الصجان
ونسمى اللهونبدأ بالتصبيع ونضعه فى الصاج واحد بجانب الآخر حتى ينتهى الصاج مع مراعاة ان تكون بين كل صباع والآخر مسحة زيت ويكونوا قربين من بعض وبعد الإنتهاء من العجنة نتركها حتى تتخمر مرة اخرة
يعنى تكون الضعف ونبدأ بإشعال الفرن وتكون حارة بس مو كتير يعنى تحرق الفايش q)
وبعد ان يحمر وجهه ومن الجهه الأخرى
نضعه على مفرش أو ورق أبيض علشان نفك الصوابع من بعضها بس يبرد شوى علشان ما تتلسوعى
وبعدين نرصها فى صاج مرة أخرة علشان نحمر الجهه الأخرى بالجنب يعنى لو أولادك بيحبوا طرى بتتركيه ليهم طرى أنا اولادى بيحبوا ناشف ومقمش وبعد الإنتهاء من تحمير الكمية المخبوزة
نتركها فى الهواء وبعدين نضها فى كرتونة
وممكن من نفس العجينة تكونى دائرة أو ضفيرة وتحطى عليها سمسم من فوق مثل الشيريك
و بالهنا و الشفا
وصدقونى هتعجبكم
و اللى عندها سؤال انا تحت أمرها
وانا منتظرة اللى عندها كاميرا تنفذها وتبعت الصور لأخواتها
أتمنى تجربوا ومنتظرة ردودكم الرائعة

[mooj-2]

http://www.mkyajy.com/vb/uploaded/19173_1199076696.gif

[ام ليانة]

الف شكر غاليتي على الوصفة الرائعة


جزاك الله كل خير وياريت تقدري تنزليها ونشوفها

في انتظار وصفات جميلة تانية يا قمر

[noorelhoda]

تسلمى حبيبتى بس عاوزين الصور

[amal250]

من ا لشرح الجميل البسيط يقول انة يطلع حاجة ممتازة
بارك الله فيك

[lonle]

تسلم ايدك
من الوصف باين طعمه

[تاسى]

تسلمو على المرور الجميل والرد الأجمل

بس اشرحولى ازاى انزل الصور من الموبايل او الكاميرا الخاصة بالكمبيوتر على الجهاز وانا انزلها على طوووووووووووول
وانا تحت امركم يا حلوين لو فى اى استفسار
بس والله مجربة من كل جرانى وحبوها كتير لأنها سهلة وانا منتظرة تطبيق اللى عندها كاميرا وعلى مسؤليتى ولو خرب هتيه وانا اديكى غيره
هههههههههه

[omroro-4]

تسلمي الف شكر بالنسبه للصور ارسليها بلوتوث من الجوال للكمبيوتر

[*ام تولين*]

http://www.falntyna.com/img/data/media/11/User9890.gif (http://www.fa6a.com/img)