موضوعي شوي حساس (يا ريال اذا تخاف الله لا تدخل)

[الموقعة أدناه]

السلام عليكم
انا ما بتكلم بصيغة أنا أحسن استخدم صيغة هي .. علشان اقلل الاحراج :rolleyes:
فيه واحدة الله يسلمكم بدت تظهر على صدرها ( النهدين) تعرجات مثل تعرجات
الخطوط البيضا ، مع أن الخطوط البيضا تبدي أول بخطوط حمر
لكن هذه الخطوط الحمر ما ظهرت بس ظهرت قبلها مثل الحبوب الحمرا مب خطوط
و هذه الاخت ما اتعرضت لانخفاض او ارتفاع في الوزن ولا انها حامل ولا شي
و لا تلعب رياضة عنيفة ، و حاولت ادلك المنطقة بزيت اللوز بس ما فيه فايدة
المشكلة بعدها قائمة و تخاف هذه الخطوط تشوه منظر الصدر sid
فلحقونا اللله يستر عليكم
و لكم من هالاخت ( واللبيب بالاشارة يفهم ) مليون بوسة :)

[*كـراميل*]

اقرب دكتوره جلديه وفحوصات يا اختى ضرووووووووورى ضرووورى

لان التأخير يزيد الامر سوءا

ولا قدر الله قد تكون علامه لوجود مرض اخر

فلا تتبآطئي ابدا شفاك الله وحماك :)

[بارعه]

لاتاخافي طبيعي يجي اول حمل ويروح بعدين بدون طبيب انا جاني اول حمل لي وخفت مره خطوط حمرا كثيره والحمد لله راح ماله اثر الحين واعرف كثير جاهم اول حملهم وراح مافي اثر ابداً صدقيني لاتخافين وراح تشوفين بعدين وتدعيلي

[the_razan]

السلام عليكم

اصم صوتي الى الاخت كراميل ..
زروي طبيبة جلدية .. طبيبة مو طبيب علشان ما تنحرجين
وافضل تزورين طبيبة امراض نساء- حتى اذا كنتي مو متزوجة- علشان تتاكد من سلامة الثدي واحتمال تسويلج فحص هرمونات او اشعة للثدي ( ماموغراف)

وبعيدن يا اختي الموضوع عادي وماهو حساس لها الدرجة.. اقصد ماكان يحتاج العنوان الي انتي حاطته.. تصدقين انا خفت ادخل الموضوع لما قريت عنوانه!!.. بس في النهاية دخلت وقلت يمكن اقدر اساعد بشي

اتمنى اكون افدتج

عسى الله يشافيج ويعافيج بحق هالشهر الفضيل قولي امين

[الموقعة أدناه]

أخت كرااميل مشكووووووووووووورة عالرد
و أخت بارعة انا أصلا مب حامل ولا حملت لاني أصلا مب متزوجة :) و مشكووووووووووو
و أخت the_razan بعد مشكوووووووووورة عالرد
و علشان عنوان الموضوع ما تصدقين كبف كنت مترددة اكتبه يمكن لاني واييييييييييد
حياوية ( أستحي يعني ) و كنت قبل لا اكتب الموضوع اقول
كيف لو ريال قعديقراه ؟؟؟ كنت أحمر خجلا على قولتهم :)
و الله يعيني عالفحص ، كيف بكشف قدام الدكتورة ، ترا حتى هذه شوي تحرج ؟ :)
و تسلموووووووون كلكم يا رب

[روان!]

الله يشفيك 000مشكلة بعض الناس انه يستحي من الكشف عند الطبيبه ولا يستحي من لبس الملابس العـــــــــــاريه لامن الله ولامن خلقه!!

[حناين]

اختي في دكتورة في الشارقة اسمها فاطمة بو شوك دكتورة نسائية وجلدية وهي شاطرة في هذه الحالات
انصحك انك تزورينها .. وبالشفا ان شاء الله