يارب ساعدني
11-04-2008, 07:23 PM
السلام عليكم ورحمة الله وبركاته
انا ما شاركت فالمنتدى الا بعد ما شفت الجو الحميم بين العضوات
انا بنت مب متزوجة عمري 18 سنة .. مشكلتي روتينيه وصارت وااايد
وبنظر الكثير راح اكون انا الغلطانة وهذي الحقيقه
لكن والله ما كتبت مشكلتي الا وانا فعلا تعبت وربي تعبت
بداية قصتي كانت قبل سنة تقريبا .. جاتني اضافه على لماسنجر من واحد معروف على مستوى المنتديات الخليجيه بفنه الراقي في التصميم والتصوير وكان من جنسيه خليجيه غير عني
ما تعودت استقبل اضافات من شباب لكن هذا كلمته يمكن لاني كنت احب فنه.. كلمته بأدب في اول مره وكان اسلوبي عادي واول ما انتهت المحادثه حطيت بلوك.. تميت مده وانا على هالحال مرات كنت اشيل البلوك واكلمه لكن ما كان لوقتي قيمه معاه كنت اشيل البلوك واقول 10 دقايق واطلع واتفاجئ بعدها ان مر علي 6 ساعات ومرات اكثر وانا معاه.. تميت على هالحال احط البلوك وانا مقتنعه انه صح واتيني حالة ضعف وارد اكلمه.. لين مره قررت اني اقطع كل شي يخصه عطيته دليت وكنت خلاص بنساه..
جاني ايميل منه وكان معصب لاقصى حد وهاوشني وعصب علي بسبة انقطاعي وكل كلامه اني هديته من غير سابق انذار واهوه مب مسوي شي عشان اتخلى عنه وكلام كثيييييييير خلاني ابجي حسيت انه يتكلم من قلبه اعتذرت منه ورديت اكلمه ويوم بعد يوم صرت احبه والله العظيم ما كنت ادري باللي قاعده اسويه.. ادري انه غلط .. ادري انه حرام .. كنت اكثر وحده انتقد هالتصرفات اللي عالنت لكن صرت وحده منهم .. صرت احبه بصوره جنونيه وحتى اهوه.. كنا كل يوم نقوم بدري ونتم قاعدين مع بعض لييييييين فالليل ما تفرق بينا الا حزة الصلاة او المشاوير المهمه...
حتى فرمضان كنا نختم القران مع بعض.. نتفق على اجزاء ونخلصها.. نطالع نفس المسلسل عالتلفزيون في نفس الوقت ونتم نعلق عليهم .. حياتي كانت غيير كانت مليانه حب واهتمام حسيت انه عندي قلب للمره الأولى .. مرت علي الايام وانا على هالحال وكان دايما ايسميني "ام فلان" على اسم ابوه وكان الموضوع جدي جدا مب لعبه.. كانت تصير بينا مشاكل كبييييره لكن ما تمر ساعه الا واحنا متراضيين.. محد فينا كان يقدر يستغني عن الثاني..
لين قبل فترة صار خلاف بينا مبني بسبة اختلاف المستوى المادي بيني وبينه.. كنت اقول انها مثل كل مره بيدخل النت بعد شوي وبنتكلم ويطيح الحطب لكن تفاجأت برساله منه انه خلاص كل شي انتهى.. انتي مستواج اعلى مني بكثير وانا ماقدر اكمل .. الله يوفقج بحياتج وسامحيني على كل شي..
انصدمت فالبدايه لكن حمدت الله وصليت ركعتين شكر لاني كنت ادعي ان الله ينهي هالقصه بمعرفته لاني مب قادره اسوي شي وقلبي ما يطاوعني والله اني كنت احبه اكثر من نفسي ..
ما كلمته من يومها وانا اقول من ترك شيئا لله عوضه الله خيرا منه... لكن حياتي تغيرت كل ما يصير لي موقف اتذكر كلامه .. كل شي يذكرني فيه ..
صليت ان الله يساعدني وانساه .. وقريت قران بنيه ان الله يريح بالي .. لكن والله تعبانه.. احلف لكم بالله ان عيوني تنفخت من البجي وخدودي تقرحت من الدموع ..
ابي حل اعرف اني راح اكون في موضع انتقااااد كبير لكن انا ما لجأت لكم الا لاني تعبت
احترامي للجميع
انا ما شاركت فالمنتدى الا بعد ما شفت الجو الحميم بين العضوات
انا بنت مب متزوجة عمري 18 سنة .. مشكلتي روتينيه وصارت وااايد
وبنظر الكثير راح اكون انا الغلطانة وهذي الحقيقه
لكن والله ما كتبت مشكلتي الا وانا فعلا تعبت وربي تعبت
بداية قصتي كانت قبل سنة تقريبا .. جاتني اضافه على لماسنجر من واحد معروف على مستوى المنتديات الخليجيه بفنه الراقي في التصميم والتصوير وكان من جنسيه خليجيه غير عني
ما تعودت استقبل اضافات من شباب لكن هذا كلمته يمكن لاني كنت احب فنه.. كلمته بأدب في اول مره وكان اسلوبي عادي واول ما انتهت المحادثه حطيت بلوك.. تميت مده وانا على هالحال مرات كنت اشيل البلوك واكلمه لكن ما كان لوقتي قيمه معاه كنت اشيل البلوك واقول 10 دقايق واطلع واتفاجئ بعدها ان مر علي 6 ساعات ومرات اكثر وانا معاه.. تميت على هالحال احط البلوك وانا مقتنعه انه صح واتيني حالة ضعف وارد اكلمه.. لين مره قررت اني اقطع كل شي يخصه عطيته دليت وكنت خلاص بنساه..
جاني ايميل منه وكان معصب لاقصى حد وهاوشني وعصب علي بسبة انقطاعي وكل كلامه اني هديته من غير سابق انذار واهوه مب مسوي شي عشان اتخلى عنه وكلام كثيييييييير خلاني ابجي حسيت انه يتكلم من قلبه اعتذرت منه ورديت اكلمه ويوم بعد يوم صرت احبه والله العظيم ما كنت ادري باللي قاعده اسويه.. ادري انه غلط .. ادري انه حرام .. كنت اكثر وحده انتقد هالتصرفات اللي عالنت لكن صرت وحده منهم .. صرت احبه بصوره جنونيه وحتى اهوه.. كنا كل يوم نقوم بدري ونتم قاعدين مع بعض لييييييين فالليل ما تفرق بينا الا حزة الصلاة او المشاوير المهمه...
حتى فرمضان كنا نختم القران مع بعض.. نتفق على اجزاء ونخلصها.. نطالع نفس المسلسل عالتلفزيون في نفس الوقت ونتم نعلق عليهم .. حياتي كانت غيير كانت مليانه حب واهتمام حسيت انه عندي قلب للمره الأولى .. مرت علي الايام وانا على هالحال وكان دايما ايسميني "ام فلان" على اسم ابوه وكان الموضوع جدي جدا مب لعبه.. كانت تصير بينا مشاكل كبييييره لكن ما تمر ساعه الا واحنا متراضيين.. محد فينا كان يقدر يستغني عن الثاني..
لين قبل فترة صار خلاف بينا مبني بسبة اختلاف المستوى المادي بيني وبينه.. كنت اقول انها مثل كل مره بيدخل النت بعد شوي وبنتكلم ويطيح الحطب لكن تفاجأت برساله منه انه خلاص كل شي انتهى.. انتي مستواج اعلى مني بكثير وانا ماقدر اكمل .. الله يوفقج بحياتج وسامحيني على كل شي..
انصدمت فالبدايه لكن حمدت الله وصليت ركعتين شكر لاني كنت ادعي ان الله ينهي هالقصه بمعرفته لاني مب قادره اسوي شي وقلبي ما يطاوعني والله اني كنت احبه اكثر من نفسي ..
ما كلمته من يومها وانا اقول من ترك شيئا لله عوضه الله خيرا منه... لكن حياتي تغيرت كل ما يصير لي موقف اتذكر كلامه .. كل شي يذكرني فيه ..
صليت ان الله يساعدني وانساه .. وقريت قران بنيه ان الله يريح بالي .. لكن والله تعبانه.. احلف لكم بالله ان عيوني تنفخت من البجي وخدودي تقرحت من الدموع ..
ابي حل اعرف اني راح اكون في موضع انتقااااد كبير لكن انا ما لجأت لكم الا لاني تعبت
احترامي للجميع