يا ستات فلسطين .. اسعفوني.... بدي مساعدة

[وعود الخير]

السلام عليكم ورحمة الله وبركاته:)
ما في شيء مهم بس اشتقت لكم وحبيت استدعيكم بطريقة مسرحية شوية:)

انا شايفة ام خشبة عم بتلوح بخشبتها وراسي مش بعيد عنها
خلاص راح ادخل بالموضوع

اللي فيكم تقول لي كيف أطبخ الملوخية الناشفة
جربت كل الطرق ومش عم تزبط معي ...يعني بتزل وشكلها بيبكي :K)
وجزاكن الله خيرا ..
وبانتظاركننننننننننننننننننننننن

[san79]

هلا حبيبتي

انا ما الي بالمطبخ بس جذبني عنوان الموضوع فبما انو انا فلسطينية ومن غزة كمان فحبيت بس أفوت ويا ريت كنت شطورة بالمطبخ كان ما قصرت معك والله

احنا بصراحه هون بجنوب قطاع غزة مو كل العائلات بعملوها بالنسبة لمنطقتي بس بنعمل الملوخيه بالطريقة العادية يعني صوص خخخخخخخخخخخخ مرقة زيادة

ان شاء الله فنانات المطبخ شيفات فلسطين رح يحكولك الطريقة الاكيدة

ههههههههههههه صحتين يا بطه

[ام البنين1977]

السلام عليكم ورحمة الله وبركاته:)
ما في شيء مهم بس اشتقت لكم وحبيت استدعيكم بطريقة مسرحية شوية:)

انا شايفة ام خشبة عم بتلوح بخشبتها وراسي مش بعيد عنها
خلاص راح ادخل بالموضوع

اللي فيكم تقول لي كيف أطبخ الملوخية الناشفة
جربت كل الطرق ومش عم تزبط معي ...يعني بتزل وشكلها بيبكي :K)
وجزاكن الله خيرا ..
وبانتظاركننننننننننننننننننننننن

و عليكم السلام و رحمة الله و بركاته

الله عليكي يا وعود و على مسرحياتك رعبتيني :)
هو بس الملوخية رح أصورلك أطيب ملوخية في العالم ، بس لما أطبخها هههههههههه>>>>>>>>>>> واثقة إنها رح تطلع طيبة ههههههههه
بتعرفي حماتي شو بتعمل ! مش حتصدقي ، بتغش الملوخية بسبانخ ، بتطلع بتشهي و طيبة و خضرا :)
و السبانخ بتخلطها فيب الخلاط :)

إسلقي الدجاج و إرمي عليها كمبيه كبيرة ملوخية ، مش تعملي زي اول مرة طبختها ، الملوخية نزلت تحت و المي طلعت لفوق ههههههههههه


بس عفوا مين ام الخشبة http://www.lakii.com/vb/smile/19_110.gif (http://www.lakii.com/vb/uploader/smilies.php)

أنا أم خشبتين http://www.lakii.com/vb/smile/19_105.gif (http://www.lakii.com/vb/uploader/smilies.php)ههههههههههههه

[lonle]

خخخخخخخخ عجبنى العنوان
وما إلى بالاكله
لان بصراحه مره طبختها وماحبيتها
البركه بالفروزن

تفضلى اليوم عامله ملوخيه

وهى ام خشبتين فادتك

[سواد العيون]

هلا وعود
انا داخله ومرعوبه
بس الحمد لله انك بس بدك طريقه الملوخيه الناشفه
الحمد لله مو شي تاني
انا غشيت
اتصلت على مررت اخووي
عندها خبره بالملووخيه الناشفه
حكتلي تحطي الملوخيه الناشفه على النار وبعد هيك بضيفي عليهاا ميه الدجااج او اللحمه
وطبعا ما تكثريي مي لانه بتكوون اصلا الملوخيه خفيفه
وبتخليهاا تغلي كتير
وبتقلي توومه وبضيفها ع الطبخه
وصحه وهنااا

بس احنا اغلب اكلنا ملووخيه خضرا واذا كاانت عنا الملوخيه خفيفه بنضيف عليهاا الناشفه

وسلامتكم
بس ممكن سؤال مين ام خشبه
:[MM

[تغريد2007]

اهلالالالالالالالالالالا اخت وعود
امى بتعملها ناشفه انا بعملها مفرزه
امى بتعملها زى سواد العيون ما حكت بس ض-يفى 2 --ورقة سلق ناعم على شان يصير لونها اخضر
وصحه ياااااااارب

[جنة الطيور]

ضروري بس اهالي فلسطين يمكن نقدر نفيدك لان نحن بغربو وما منطبخها غير ناشفة
على كل راح قلك كيفك بعملها يا وعود بس انت ما بعرف كيف بتترميها نحن منعملها بورقها وناشفة ما نفرطها ابدا المهم خدي الطريقة وانت اعملي وبتتطلع رائعة بتجيبي الفخدات بتصليقيهون في ماء وبتحطي عليهم ورق غار وملح وفلفل وهال وشوي قرفة وكتير هال وبس وانتظريهون ليستوا بس استوا بتشيلهون من على النار وبتاخدي مرقتهون
والان بتجيبي طنجرة بتحطي فيها زبدة او سمنة المهم بتخطي بعدها توم وكزبرة منيح مو سنة توم شي راس توم وبتحركيهون منيح منيح وبعدها بتخطي الملوخية الناشفة وبتحكريهون شوي مو كتير شي انها تتلفح مع السمنة والكزبرة والتوم وبعد ذلك بتجيبي ماء الفخدات الي عملت فيها وبتحطي منها غمر الملوخية مو اكتر وبتغطيها وهيك لستوي وانت اذا بتحبيها مو مريقة حاجتها ماء بس لا تقوي النار عليها مشان تستوي على هدوء وتتطلع لها نكهة خاصة ولو بتحبيها انت بلحمة ناعمة فيكي تحطي ماء عادية وما تسلقي فخدات بس بتخطي مكعبين ما جي مشان تصير اطيب وانكه
وهادي هي وبتتطلع كتير طيبة خطي جنبها على السفرة ليمون وزر وصحة وهنا وفعلا طيبة كتير
وبتمنى كون فدتك يا غالية

[ragod]

وعوووووووود
نحنا ما بننفع .....وللا مااا منعرف نعمل ملوخية؟؟؟؟؟؟؟؟
يا ستي مو مشكلة أنت بتموني
متل ما قالتلك جنة... و فيكي من الليل تنقعيها بماء ساخن للصبح و بعدين صفيها و اغسليها و اطبخيها متل ماا بدك .
و لا تنسي تدوقينا اياها..
أنا اليوم عاملة ملوخية مفرزة تفضلي تغدي..

بس ما قلتيلنا
مييييييييييييين أم خشبة
لتقوم تجي ورانا و ما نعرف!!!!!!!!!!

[cliopatra]

السلام عليكم ورحمة الله وبركاته
ها يا وعود مينفعش مصريه ولا الوضوع عنصريةهههههههههههههههههههه
المهم يا ستي بالنسبة للملوخية الناشفة تجهزي شوربة دجاج او لحم او ارانب اللي عندك تضيفي عليها بصله مبشورة\حوالي نصف ملعقة كبيرة توم مفروم\ وطماطمة معصورة\ وربع ملعقة سكر\ وطبعا ملح وفلفل وبهارات\
اتركيهم يستوا وبعدين ضيفي الملوخية وكميه الملوخيه حسب التقل اللي انت عايزاه يعني تحطي ملوخية وتقلبي لحد ما تتقل معاكي
تغلي غلوتين فقط وشيليها من علي النار
واعنلي التقلية بتاعة الملوخية اللي هي توم مفروم قلبيه في السمن وحطي معاه كسبرة جافة ولما يصفر ضيفيه للملوخية
شوفي بقي في ناس بتحط سلق وكسبرة بيقولوا بتدي لون اخضر
وكمان اضافة مكعبات الدجاج بتدي طعم حلو لكن انا لا افضلها لانها غير صحية
يارب تعجبك الوصفة علشان تقولي ان المصريات كمان بيعرفوا يطبخوا ههههههههههههههههه
وسلالالالالالالالالالالالالالالالالالالالالالالالا م

[إنجــــــــي]

وعود يا قمر
زي ما قالو لك البنات
بنفرم شوية سلق و ان لم يوجد سبانخ في الخلاط
و بنحطه مع الملوخية الناشفة و بندورة معصورة عالشوربة
و بتكتري ملوخية
و بتقليلها عادي بعدين تومة و كزبرة ناشفة
و صحتين
عالعموم مهما كان ما بتطلع زي الطازة

[randd]

اهلا حبيبتي وعووووووووووووووووووووووووووود

اسمعى يا ست الكل بالنسبه للملوخيه الناشفه بعد ما تنشلى الدجاج اعصرى على المرقه حبه بندورة ثم ضعى الملوخيه فى الطنجرة و واضيفي المرق شوي شوى وحركي لانه اذا اضفتيه دفعه واحدة وكان كثير بتفرط الطبخه والباقى انت عارفتيه قلى ثومى ههههههههههههه

خلص اعملى بصارة اسهل ههههههههههههههههههههههههههه يا على عدس يا على فول وبمشى الحال يا غاليه

دمتى بخير

[soso22]

تفضليييييييييييييييييييييييييييييييييييييييييييييي ييييييييييييييييييي



المقادير :
كيلو ملوخية ناشفة مطحونة
قرص حوت ناشف حريد ( غبان )
ملعقة صغيرة من البهارات المطحونة المشكلة

الطريقة :
تطبخ الملوخية بالبهارات
يغسل الحوت الناشف بالماء المغلي ثم يمسر وتضاف المسر والصلب للملوخية وتطبخ لمدة ربع ساعة تقريبا ثم تطفأ النار .
ويترك لمدة ست ساعات قبل التقديم حتى يتسبك ، وعند التقديم يعاد تسخينه

ملاحظة :
يفضل أكلها في اليوم الثاني .. وبالهناء والعافية






الملوخيه الناشفه بالدجاج

المقادير :

كاستين ملوخيه ناشفه (تجي معلبه بكرتون ومكتوب عليها ملوخيه ناشفه)
دجاج مقطع ويفضل بدون الجلد
2 رأس ثوم مهروس
زيت نباتي(لكل كاس ملوخيه نصف كوب زيت)
2 علب مكعبات ماجي (يعني 4 قطع) وطبعا حسب كمية الطبخه القطع تكون
2 ملعقه كبيره كزبره ناشفه
بهارات صحيحه ( قرفه,فلفل أسود,قرنفل,هيل,مستكه)
طماطم مقطعه أرباع أو معصوره حسب الرغبه
بصله
ملح
ماء



الطريقه :

نضع الزيت في قدر الضغط


المسكته


ننزل الدجاج


نقليه جيداً بالزيت حتى يأخذ لون


نضيف الماء المغلي


نضع البهارات في مصفاة البهارات


نرفع الزفر مع على الوجه


نضيف البصل


مصفاة البهارات


مكعبات الماجي


نحررررك المكونات سوياً


نقفل قدر الضغط


نضع الزيت في قدر طبخ الملوخيه


فنصف كمية الثوم


نقلي الثوم إلى أن يأخذ لون ذهبي


نضيف الملوخيه


نحرك سريعاً بالشريط كي تشرب الملوخيه كل الزيت


نقليها مدة 10 دقائق مع التحريك على نار متوسطه


نضيف مرق الدجاج المسلوق


نحرك سريعاً كي لا تتكتل الملوخيه


نضيف رشة ملح بسيطه لأننا وضعنا مكعبات ماجي في مرق سلق الدجاج


نحرك المكونات سوياً


ننزل الدجاج في الملوخيه


نحركهم بحذر كي لا يتفتت الدجاج


نضع الطماطم


نضع في قدر صغير أو مقلاه قليلاً من الزيت


نضع الثوم ونقليه


نضيف الكزبره الناشفه ونقليهم سوياً


نضعم على الملوخيه


نحركهم سوياً


نتركها تغلي على نار متوسطه مدة نصف ساعه مع التقليب من فتره لأخرى



تقدم مع الأرز الأبيض ويزين الطبق حسب الرغبه


وبالهناء والعافيه

[neveen323]

الاخت العزيزة انا بعمل الملوخية الناشفة مع الملوخية المجمدة اللي في السوبرماركت بتطلع طيبة لان الملوخية الناشفة لحالها مو مثل الخضرا ابدا بحس طعمها مثل الحناء
فافضل شي تخلطيها مع المجمدة بعد ان تكوني فركتيها جيدا بايديكي حتى تنعم وتوضع اخر شي بعد الملوخية الخضرا

[neveen323]

الاخت العزيزة انا بعمل الملوخية الناشفة مع الملوخية المجمدة اللي في السوبرماركت بتطلع طيبة لان الملوخية الناشفة لحالها مو مثل الخضرا ابدا بحس طعمها مثل الحناء
فافضل شي تخلطيها مع المجمدة بعد ان تكوني فركتيها جيدا بايديكي حتى تنعم وتوضع اخر شي بعد الملوخية الخضرا وما تكتري على كل باكيت مجمد حواي كوب شاي ملوخية ناشفة مطحونة او مفروكة جيدا اوكي ؟!

[00شهد الملكة00]

السلام عليكم ورحمة الله وبركاته
احت وعود الخير
بالرغم من انك ناديتى الاخوات الفلسطينيات فقط الا انى احب اساعدك
هذا الرابط به وصفتى للملوخية الناشفة فى زيارة مطبخى وان شاء الله افيدك
http://www.lakii.com/vb/showthread.php?t=416532

[ام محمد ي]

السلام عليكم ورحمة الله وبركاته
حبيبتى وعود الخير
يمكن هى اول مرة بتعامل فيها مع هذا الركن
وللاسف
انا بسمع فيك من زمان وكنت حابة اتعامل معكم
يالله كل شى يوقته حلو
بالنسبة للملوخية الناشفة
ما بتنطبخ لحالها ابداا
لما بدك تطبخيها بتجيبى ياستى
ورق سلق او سبانخ ويفضل السلق
بتغسليه منيح وبتفرميه متل الملوخية الورق
وانا شخصيا ما بفرم الملوخية الا بالمخرطة
اللى انت عارفاها عنا بغزة (اليدوية)
ما بحب افرمها على المحضرة
المهم بعد ما بتفرمى السلق بتنزليه على مرقة الجاج او اللحمة
مع مراعاة انه ما يكون المرقة كتيرة علشان ما تطلع مرقة كتير
بعد ما يغلى السلق ويستوى وما بدو كتير على النار
بتكونى عاصرة حبيتين بندورة وبتسقطى عصيرهم على السلق
وبتخليهم يغلو مع بعض
وبعدين بترشى الملوخية على السلق رش بايدك مع التحريك
وما تكترى ملوخية ناشفة لانها بتخلى الطعم يكون مر اذا كانت كتيرة
يعنى لما تحسى انها صارت شوى سميكة مو مرقة كتير
بتضيفى تقلية التوم مع شوية كزبرة ناشفة
والف صحة وعافية على قلبك
وبدى تطمنينى على النتيجة

[cliopatra]

اختي سوسو
السلام عليكم ورحمة الله وبركاته
معلش مفهمتش ولا كلمة ايه هو الحوت الناشف\حريد\ غبان\ يمسر\ مسر \ صلب

سامحيني انا احب افهم

[وعود الخير]

اخواتي .... كتر خيكم تعبتكم معي
بس والله اني استفدت كتير من كل الطرق
مشكلتي سي السيد مابحب شي مجمد يعني كل طبخي فرش
ومن كم يوم قال عندك ملوةخية ناشفة اعمليها
طبعا حاولت بس فشلت فشل ذريع فقلت مالي غيركم
واعذروني لو حددت جنسية فلسطينية لاني حد علمي ما حدا بيطبخها غير اهل الضفة بس الحمد لله اكتشفت ان كل العرب بيعملوها
ولي عودة للرد عليكن بالتفصيل المممممممممممممممممممل لحد ماتزهقوا مني
بس الظروف حاليا بتمنعني ... في عنا قصف اللي حابة تتفرج تشرفنا بزيارة ومعها طبق ملوخية ناشفة

[el-haboba]

اختى العزيزة وعود الخير اسلام عليكم طبعا كالعادة الاخوات الغاليات ما شاء الله عليهم بس انا كمان لازم اقولك على طريقة الوالدة بارك الله لنا فيها كوب الشوربة (المرقة)بياخد كوب الا ربع ملوخية ناشفة +1حبة طماطم مبروشة بالمبرشة الناعمة (بدون قشرها)ويقلبو مع بعض تكونى فارمة حزمة سلق(اخ السبانخ)عشان تعطى لون اخضر للملوخية وبعدين تطشى فيها التوم المشوح ف السمنة مع الكسبرة (ولا تنسى الشهقةوهى تراث مصرى اصييييل) وسلامتك انتى والاسرةمن كل سوء

[ام أيهم]

اختي الكريمه وعوود الخير عندي طريقه ما حتفرقيها ابدا عن الطازجه
كنت الصراحه بدي احطها بموضوع وانزل الوصفه كامله
بس ولا يهمك غالي والطلب رخيص
انا راح اشرحلك طريقتي المبتكره واللي ازا جربتيها ما راح غير تدعيلي
لاني قرالت وصفات البنات
بس انا عندي شي مختلف
حتى امي لما داقتها ما صدقت انها ملوخيه ناشفه شو في ياستي
اول شي بتسلقي الدجاج بالطريقه المعتاده ولما تستوي الدجاجه بتشيليها
من المرق وبتصفي المرق من البصل
بتكوني محضره كمية الملوخيه الناشفه اللي هي عباره عن كوب لكل كوبين مرق
وانتي بتشوفي ازا كانت سميكه او كيف بتحبيها
هلق بنرجع للملوخيه بنحطها بصحن كبير وغميق شوي
وبنضيف عليها زيت زيتون يعني بتحطي الزيت وبتوزعيه على الكميه الموجوده وبتقلبي الملوخيه
بالزيت هي راح تتشرب الزيت كله
وبتجيبي براس الملعقه شوية كربونات الصوديوم
وبحطيها على الملوخيه راح يصير لونها اخضر علىالسريع
وبتقلبي الملوخيه وبتضيفي الملوخيه على المرق وهو يغلي
وبتحركيها وبتغيها تغلى غلوتين
واخر شي بتقلي التومه وبتضيفيها وبتحطي شويه ليمون
وسلامتك
ان شاء الله تعجبك الطريقه
وهاي صارت طريقتي المعتمده بعد ما كنت دايما اشتهيها وما الاقي غير الناشفه
هاي الطريقه طبعا للملوخيه الناعمه مو الورق

[um almajd]

مرحبااااااااااا وعوووده
انتي خوفتيني قلت . ابصر شو مالها البنت ههههه
بس الحمدلله مادامها شغلة ملوخيه ناشفه هاي مقدور عليها يا قمر
شوفي حبيبتي .. أنا بحب الملوخيه الناشفه اكتر من الخضرا ويمكن كل البنات راح ينطوا في كرشي ازا شافوا شو حكيت
لانو اهلي نفسهم بكشروا عن انيابهم لما يسمعوني بحكي هيك هههههه

أنا طريقتي متل رنوووده بالظبط .. يعني بعد السلق ... بحط بندوره مبشوره .. وطبعا مع كل البهاارت اللي مع المرقه
وبشيل من المرقه على جنب .. وبخلي يادوب كوب صغير بس .. وبضيف الملوخيه الها ...وبصير أقلب ازا لقيتها بدها
مرقه بصير ازيد شوي شوي .. وممكن ما أزيد بالمره .. بتكون روووعه للتغميس وبعدين طبعا القدحه المعروفه
بالثومه يميميميييي هههههههههه ازا بتحبي تحطي مع الثومه كزبره هاد شي برجعلك انا ما بحطها

وعاودي جربيها واحكيلنا شو بصير معك يا قمر

[Niso]

الصراحة انا ما الي كتير في الطبخ... بس دخلت لأني فلسطينية
الملوخية الناشفة تطبخ كما تطبخ الملوخية الخضرا ء.... ما في فرق
طبعا الخضرا كتير ازكى يا ام المجد

[وعود الخير]

شكرا جزيلا يا حلوات
انا راح اجرب طريقة ام أيهم في البداية لأنها الاقرب لطلب سي السيد
يعني قال لي انها بدون اضافات
والمرة الجاية ان شاء الله بقية الطرق
لساني عاجز عن الشكر للجميع ولولا الظروف لرددت على جميع الاخوات بالاسم
عذرا منكن وشكرا مرة ثانية للجميع

[وعود الخير]

عملت الملوخية الناشفة البارحة على طريقة ام ايهم وطلعت روعة وسي السيد اكل لشبع
سلمت يمناك يا عسل. وان شاء الله عن قريب راح انزل التطبيق