الكبة بلبنية على الطريقة الحلبية

[arch-AYA]

هاد الموضوع اهداء لغزيزتي الخلخال الذهبي
الموضوع سهل كتير
بصراحة أنا ما عندي كتير مقادير بس الموضوع موضوع نظر وتقدير
المقادير
2كيلو لبن غنم تقيل وفيو شوي حموضة
كاستين رز مصري
لحم شقف كبيرة مدهنة شوي حسب الرغبة
بيضة
ملعقة نشا ازا كان لبن بقر
ملح
ثوم مدقوق ونعناع ..كمية جيدة
الطريقة:
أول شي بنعملو بنسلق اللحمة لحتا تستوي كتير
بنحط اللبن بالطنجرة بعيد عن النار وبنكسر البيضة فوقا عالباااارد وبنحط النشا ازا حسينا اللبن موم سميك كتير وممكن يفقس
بنحرك اللبن منيح كتير بالملعقة الشبكية
بعدين بنحطو عالنار مع استمرار التحريك
بنغسل الرز منيح ونضيفو لللبن وبزيد اللبن ماء اللحمة شوي شوي وبنتبه ما أخفف اللبن كتير
ولما بيغلي اللبن بزيد اللحمة وبركز الملح و بغطي عليه وبخفف النار كتييير
وكل شوي بحركه
أنا ما بضيف الرز كللو بترك شوي وبشوف ازا بيحتاج بعدين
لما بيستويالرز منيح لازم تكون اللبنية سميكة نوعا ما يعني بتضل سائلة بس الرز مبين فيا ومتماسك قليلا
ولما بيستوي منيح بضيف التوم والنعناع وضروري بعد الاستواء حتا ما يصير التوم أخضر وبتركون يغلو كم غلوة بس وبطفي
هيك بتكون اللبنية جاهزة
بالنسبة للكبة
ممكن تعملو الكبة بصينية عادي أو أي نوع كبة
بس الكبة التقليدية اسمها (كبة مقلوزة)
وهادي بتنعمل من عجينة الكبة العادية والحشو العادية بس بتتشكل كبيبات صغار مدورين محشيين بعدين بتعملولون جوانب مدببة من الطرفين قليلا بصير شكلا متل كرة القدم الأمريكية
وبعدين بنسلقا بماء مغلي وملح تقيل شوي
وبنشيلا على مصفاة ولما بنخلص من سلق كل الكبيبات بنحطون بالصحن وبنبردون بالبراد
ووقت التقديم كل واحد بحط بصحنو كم كباية وفوقا لبنية وبياكلون سوا.
طبعا هالأكلة بدا تجهيز من قبل بيوم
وهي مناسبة للعزايم والشتوية
مو شرط أول مرة تنجح معك بس حاولي مرة تانية
بتمنا أكون فدتكون وفهمتو علي بس بعتذر لأنو مافي صور
لأنو أنا عملتا امبارح بس صديقتي في ركن الريجيم سألتني على طريقتا
صحة وهنا

[thoraya78]

يسلمووو حبيبتي على الوصفة
باين عليها لذييييييييييييذة

[سواد العيون]

جزاك خير على الوصفه

[حنان(البحرين)]

مشكوره حبيبتي على الوصفه الطيبه

[ragod]

تسلم ايدك ، طيبة هالأكلة ، أختي الكبيرة زوجها حلبي و تعلمت هالأكلة من بيت حماها و دقتها عندها **
يا ريت حطيتي صور حتى الأخوات يشوفوها***

[مشاعر90]

مـــساء الـــورد..

يسلمو الأيادي حبيبتي...

لكــ من مـــ90ـشاعركل الحب والـــورد...

[أم مــــالــــك]

تسلم ايدك
وشكرا على الوصفه

[*عاشقة الاقصى*]

انا بموت على الكبة اللبنية
يسلموا ايديكي حبيبتي

[emalbanat]

السلام عليكم ورحمة الله وبركاته :
حبيبتي آية أنواع الكبب من الأكلات اللذيذة كتير ، شكرا لك

[hananlibya]

جزاك الله خيرا اختي
من زمان نفسي اذوقها و هلا عرفت الطريقة
بس اسمحيلي عزيزتي بسؤال: مادا تقصدين باللبن هل هو حليب ؟؟؟؟

[omroro-4]

تسلمي الف شكر

[dodo3]

يسلمو حبيبتي

[arch-AYA]

تسلمو يا حلوات عالردود والمرور الحلو
اللبن بقصد فيه يمكن الزبادي بكون طعمو حامض شوي

[hananlibya]

اللبن بقصد فيه يمكن الزبادي بكون طعمو حامض شوي

بارك الله فيك اختي على الرد

[ام حمودي وأيوتي]

يسلمو حبيبتي
انا دقتها بالشااام كتير طيبة