ممكن مساعدة من الخبيرات فى المطبخ

[أيوتا]

عندى مشكلة بس مش كبيرة قوى وهى انى بشترى متطلبات المطبخ من اكل وشرب كل لما حاجه تخلص مثلا البطاطس تخلص اجيب غيرها الطماطم تخلص اجيب غيرها ................. يعنى تقريبا كل يوم اشترى حاجه للمطبخ نفسى افضل قاعده فى البيت اسبوع وعندى كل حاجه وعايزه كمان حد يقولى ايه اهم الأشياء والخضراوات اللى لازم تكون عندى دائما فى المطبخ عشان اقدر اعمل اكلات لمدة اسبوع وانا مطمئنة ان مافيش حاجه ناقصه وهانزل اشتريها.........

[ام حازم و حسين]

اولا صباح الخير لو الصبح و مساء الخير لو بالليل
الحاجات الضروريه هى البصل و الطماطم و الخيار لو انتى و اسرتك من محبى السلطه و طبعا لو عندك اطفال يبقى البطاطس لانك ممكن تقدرى تعملى كل يوم طبق جديد من البطاطس

البصل ممكن تشترى 2 كيلو و يكفوكى اسبوع (ده لو انتى بتطبخى كل يوم )
الطماطم برضه زيهم 2 كيلو كفايه
الخيار كفايه نصف كيلو على اعتبار انه بيبوظ بسرعه

باقى الخضار حسب الطلب

وشكرا و ارجو ان اكون قد افدتك

[حنان(البحرين)]

هلا بكِ حبيبتي اشتري خضار السلطه والخضار التى ستطهيها كل أسبوع يكون أحسن والطماطم طبعا بيكون من ضمن الخضار وحددي حسب حاجتكِ له لمدة أسبوع وبخصوص البطاطس اذا كنتِ تستعمليه بكثره للجبس مثلا ولأطباق مختلفه أشتري كرتونه صغيره لأن البطاطس مابيخرب بسرعه وكذلك الجزر والقرنبيط اما الخضروات الأخرى فتحدديها على حسب طبختكِ ارجو ان اكون عزيزتي قد افدتكِ وطبعا الأخوات العضوات سيفدنكِ بخبراتهن

[noorelhoda]

شوفى حبيبتى بالنسبه لى انا بشترى متطلباتى الاساسيه كل شهر مثل السمن السكر الطحين الارز المكرونه الزيت والفراخ والاجبان ومسحوق الغسيل كل ذلك من الكارفور مثلا ومعهم البصل والتوم والبطاطس لانها لا تخسر ممكن تضعيها فى درج الخضراوات فى التلاجه فهى لا تخسراما باقى الخضراوات واللحوم والاسماك فشتريها كل اسبوع هذا افضل بكثير يعنى شوفى حبيبتى..........
بعد ما بشترى احتياجات كل شهر من الكارفور او اى هايبر ماركت مثلا وبعدها واحنا فى طريق العوده عالبيت بنروح على سوق الخضار بشترى حوالى 3 كيلو طماطم الجامد منها بتركه للسلطه والناضج بفرمه فى الخلاط واعمله صلصه توفر عليا كتير اثناء الطبخ واشترى الباذنجان والملوخيه والبقدونس والكزبره والكوسه والفاصوليا الخضرا يعنى تشكيله من الخضار اللى بتحبيه اختى وبعدها بطلع على سوق السمك بجانب سوق الخضار بشترى روبيان و كاليمارى وسمك بس بكميات صغيره لان الاسماك تكون طازجه افضل واحسن وبعد ذلك بمر انا على اللحام واجيب لحمه الاسبوع وبتكون متنوعه وبكميات صغيره ليست بالكثير يعنى بوفتيك ولحمه للخضار وريش مثلا
حاولى تجربى تعملى زيي اختى حترتاحى كتير وكمان زوجى بيرتاح لانه ما بيحب النزول كتير فيفضل انه يجيب الاغراض هكذا واى استفسار لا تترددى اختى ونسيت ان اقول لك لو عندى عزومه بحدد ايه اللى انا محتاجه اعمله فى العزومه واشوف ايه اللى موجود عندى ومتوفر اكمل عليه يعنى لو عندى ملوخيه بس لا تكفى ممكن ازود عليها فبنزل نزول مخصوص واكتب فى ورقه كل احتياجاتى واشتريها
وعشان ترتاحى حبيبتى انا بعلق ورقه على دولاب المطبخ وكل ما شىء بيقل عندى او بيخلص بكتبه عشان لما انزل ما انسى شىء يعنى انا الان كاتبه كلور الوان وعلبه مرقه دجاج وسائل للمواعين بامبرز لابنتى هههههههههههههه اقصد على سبيل المثال هذه الاشياء بدات فى الانتهاء وانا ما بنتظر تخلص من عندى قبلها بيوم وغالبا هذا بيكون كل شهر بشترى الاغراض اكتبى ورقه حتريحك كتير واسفه عالاطاله

[azmiralda000]

ايوتا ازيك عاملة ايه
البنات ماشاء الله ماقصروش ف الرد
انا كمان هقولك رايى
طبعا زى ما قالولك اهم حاجة حاجات السلطة و لو بتحبوها
و طبعا البصل و التوم و البطاطس
انا بقى اول الشهر بكتب متطلبات البيت و اروح اشتريها كلها
و كمان بقى بسال جوزى نفسك تاكل ايه و ساعتها بكتب حوالى 10 اكلات مثلا و اجيب المكونات بتاعتها
يعنى ممكن يقولى عايز ملوخية
يبقى اجيب ملوخية و و اتاكد من وجود التوم و الكسبرة و اجيب فراخ و اتاكد ان عندى رز
يقولى مثلا عايز مكرونة بشاميل
يبقى اجيب مكرونة و لحمة مفرومة و لبن و دقيق
اتمنى اكون افدتك ان شاء الله

[ام حازم و حسين]

و كمان ممكن تعملى حاجه انا اتعلمتها من بابا و ماما ايام رمضان
اشترى حوالى 5 اة 6 كيلو طماطم نصف اعصريه و ضعى كل شفشق عصير فى كيس مستقل يعنى حوالى 5 اكياس معصورين و حطيهم فى الفريزر او الديب لو عندك و الجزى التانى سبكيه يعنى اعمليه زى ما بتعملى صلصه المكرونه بس بكميه و حتيه فى برطمان زجاجى و ضعى زيت فوق الوش اى اعلى البرطمان لضمان انه يكون طازه
و ده يكفيكى شهر بحالو و مش محتاجه انك تعملى صلصه و لو جالك عزومه مفاجاة مش حاتحتاجى وقت يادوب سلق المكرونه او الخضار و الصلصه جاهزه

مع تحياتى بالافاده

[ام حازم و حسين]

اه نسيت ممكن تشترى اى نوع خضار بكميه مثل البسله مع الجزر او الفاصوليا الخضراء القلقاس ورق العنب باميه و ضعيهم فى اكياس و طبعا فى الفريزر و هى مغسوله و تكون جاهزه على الطبخ على طول

[إم قتيبة]

ما شاء الله افدوك الجماعة والاخوت كتير تسلم الايادي معلومات مفيدة

[أيوتا]

شكرا لك يا أم حازم وحسين جزاك الله خيرا أفكارك حلوه قوى هتوفرلى كمان وقت بس الصلصة المسبكة لوشلتها فى الثلاجة زى ماقولتيلى مش هاتبوظ لمدة اسبوع مثلا

[Lightning]

اختي انا قرأت لوحده من الاخوات
تسوي جدول لطبخات الشهر وكانت فكرتها واضحه ومرتبه ماشاءالله عليها
بكذا تعرف ايش تحتاج وتشتري الاغراض قبل
بالتوفيق يارب

[أيوتا]

شكرا لك ياحنان افدتينى جزاك الله خيرا

[أيوتا]

شكرا لك يانورالهدى فكرة الورقة دى كانت تايهه عن بالى بس فكرة جميلة ان شاء الله هاعملها من الأن جزاك الله خيرا

[أيوتا]

ازميرالدا حبيبتى زوجك ما شاء الله عليه انا زوجى كل لما اقوله تحب تأكل ايه يتنرفز عليه ويقولى انا مابحبش السؤال ده اللى تعمليه انا هاكله هوه انا فاضى افكر فبضطر اسألكوا وأدخل المنتدى عشان اعرف شوية اكلات اعملها جزاك الله خيرا

[أيوتا]

شكرا لكل الأخوات اللى افادونى

[ملك المالكى]

ايوتا االبنات قالولك كل الاقتراحات ماشاءالله
بس انا حبيت اسلم عليكم
لان بقالنا كتير مبنتقابلش
مش عارفة ليه على راى يا هند اتفرقنا كلنا

[أيوتا]

ملوكه كيفك انتى كتير وحشتينى بس انا اللى مقصره معاكم لأنشغالى غصب عنى بس كل لما ببقى فاضيه بكلمكوا انتى عارفه الدنيا تلاهى

[emalbanat]

السلام عليكم ورحمة الله وبركاته :
أنا سأنصحك كالتالي : سجلي الأكلات لخلال أسبوع ، وسجلي لوازم هذه الأكلات ، واشتري لوازمك ، وحافظي عليها ، فالتي تحتاج للبراد ضعيها فيه والتي لا تحتاج براد ضعيها بخزائن المطبخ المخصصة لها ، وهكذا لن تذهبي للسوق يوميا ، وتكون لوزمك عندك خلال أسبوع . أنا هكذا أعمل ، لكن أكتب طلباتي لزوجي وهو الذي يشتري وأحيانا أكون برفقته
أرجو أن أكون قد أفدتك

[ام حازم و حسين]

الاخت العزيزه ايوتا السلام عليكم اولا الصلصه مادامت فى الثلاجه وو عليها زيت من اعلى و محكمه الغلق فلا ضرر ابدا منها زيها زى الصلصه اللى فى البرطمانات
اما بالنسبه لزوجك الذى يكره السؤال اليومى عن الاكل فجوزى ايضا يشكو من ذلك بس احنا حلينا الموضوع ده كل اول اسبوع بشوف المتاح من الاكل عندى ( يعنى عندى فراخ لحمه سمك خضار ) و اعمل جدول للاسبوع الكامل و هو يختار بالترتيب اللى هو عاوزه و اضع الجول ده امامى و كل يوم اعمله بدل السؤال الممل

مثلا : السبت باميه مع اللحم و طبعا ارز و شوربه و سلاطه
الاحد صينيه فراخ مع البطاطسالبيضاء اى بدون صلصه فى الفرن و سلطه ذبادى
الاثنين كشرى
الثلاثاء مكرونه حمراء بالصلصه و فراخ بانيه ................... و هكذا

اتمنى ان اكون قد افدتك