ازالة الشعر من لغاليغوو , وغسول للبنت وعلاج الالتهاب اللي خبركم [الأرشيف]

View Full Version : ازالة الشعر من لغاليغوو , وغسول للبنت وعلاج الالتهاب اللي خبركم

كاكاو فليك

29-09-2002, 01:30 AM

سلاااااااااام ...... شوفوا الموضوع مال ازالة الشعر بسسس وعلاج التهيج بعد الازالة منقووووول ..... والباجي خبرات بنات قالولي عنها أوكيييييي :D اولا:بعض الطرق لتخفيف الالم::::

1)لتخفيف الالم و ازاله الجلد الميت و الشعر الصغير جدا.....تخلطين خميره مع عسل ويخفف قليلا بماءورد وليمون...... تدهننين المنطقه الي تبغين تشيلين فيها الشعر و تتركيها الى ان تنشف وبعدين تفردين الحلاوه وتبدئين في الشيل

2)تأخذ ثلاث ملاعق سكر وتذوبها في نصفكوب ماي ......مع قرص من الخميره وتحركها جيدا وتمسح به المنطقه المطلوب ازالتها وتنتظر عليها لتجف .....بعد كذا تأخذ الحلاوه ... وتمددها على نفس المنطقه اللي سبق وطلتها و شيلي

3)و ممكن حتى لا تشعري بالالم ان تدهني المنطقة المراد نزع الشعر منها بقليل من زيت القرنفل

ثانيا:لوقف نمو الشعر ::::

1)انقعي ترمس في ماء لمدة 6 ساعات ثم خذي الماء واحتفظي به في الثلاجة وادهني منه على يديك ورجليكي وكل مكان تريدينه خاليا من الشعر ......واستمري على ذلك لمدة 3 اسابيع يوميا

2)استخدام نبات السعد......ناخذ 3 من مسحوق النبات و تضاف الى لتر ماء و ترفع على النار الى ان تغلى ثم تترك لتنقع لمده ربع ساعه .....ثم توضع على الجسم كغسول بعد ازاله الشعر لمده 6 ايام متواصله من كل شهر

3)خذي زيت زيتون وادهنيه على جسمكي...... بتلاحظين ان الشعر نموه يتاخر ويم يطلع يطلع شعر بس خفيف الشعر اذا كان غليظ من نوعه بيطلع ضعيف جدا

ثالثا:الوصفات المزدوجه لمنع نمو الشعر و كذلك لمنع ظهور الحبوب و الاحمرار و التطهير:::::

1)مسحوق الماء البارد+الملح.......بنسبه ملعقه ملح ل3 ملاعق ماء...لمده 5 دقائق ثم شطفه بالماء .....و وضع اي وصفه اخرى

2)بعد ما تشيلين حلاوة دلكي جلدك بالليمون وخليه فترة بس حطي الليمون قبل ما تغسلين يدك

3)يخلط قليل من الماء مع بودرة التلك(بودرة الأطفال) ثم يعمل منه عجينة لينة ..وتوضع على المكان المنزوع منه الشعر....ثم تترك حتى تجف وتغسل ... هذا القناع يخفف من الاحمرار والحساسية الناتجة عن نزع الشعر ...

4)النشاء وماء الورد وقليل من اليمون..... يوضع على الجسم بعد الحلاوة حلو مايهيج البشرة

5)لتتخلصي من مشكلة تحسس واحمرار بشرتك بعد ازالة الشعر الزائد من الوجة املاي وعاء بمقدار وافر من الثلج واضيفي الية 4اكواب من الحليب السائل.... ثم غطسي قطعةمن القطن في هذا المسحوق وضعي طبقةمن السائل علي المناطق المتحسسةالتي تعاني الاحمرار واتركيها لتجف.... ثم ضعي طبقة اخري بعد 15دقيقة وكرري العمليةمرتين لتعود بشرتك الي حالتها الطبيعية ا لسسسسسابقة

6)واذا قمت بازاله الشعر من الاماكن الحساسه بالشفره .. وظهرت لديك حساسيه .. قومى بملئ اناء حتى ربعه بالماء .... ثم اذيبي فيه حبتين اسبرين .. مع اضافه نقطه من الجلسرين اليهما .. ثم مررى هذا المزيج على الاماكن الملتهبه .. وسيزول الالتهاب باذن الله .. وذلك لما للاسبرين من فوائد فى مقاومه الاتهاب

اللحين للبنات ..... اذا كنتي اتعانين من افرازات اللي خبرج ...... نصيحه قريتها بكتاب طبي ...... اتيبين لتر ماي (( بطلين صحه صغار )) وقفشه كبيره بابونج وتحطينه على النار ....... وديري بالج لازم ماتوصل درجته للغليان وبعدين اتصفينه وتنطرينه يدفى وتغسلين فيه المنطقه اللي خبرج ....... وللمتزوجه اللي تعاني من التهابات من المنطقه المعروفه ؟؟؟ اتحط على فحمه نواة تمره وتتبخر فيها (( فهمتوني)) وانشالله تنحل المشكله وبالنسبه للمده مادري اللي عندها خبر تقول وتقدرين اذا اتعانين يا المتزوجه من افرازات انج اتبخرين بمراميه وقويسه وتلاقينها عند العطار :)

ونصيييييييييحه للبنات والمتزوجات ..... واللي بالنفاس ..... اذا يات الدوره أو بالنفاس كل يوم على الريج اشربي فلفل اسود مع أي سائل ..... مثلا أنا أشربه مع شاي ... وقبل لاأشربه أحوسه عشان يختلط ....... وهالوصفه ترجعج بنت بعد كل دوره شهريه ...... الفلفل الفلفل الأسود :o

ونصيحه لكل وحده حامل في بداية حملج .. ادهني بطنج بزيت زيتون دافي شوي ..... عشان تمنعين ظهور التشققات من البدايه ...... بس هذاااا كل يوم طبعا ....... واي نصايح أسمعها ماأبخل عليكم انشاالله ;)

كاكاو فليك

29-09-2002, 01:33 AM

بنااااااااااات أطلعوا على موضوعي هذا ......... بقسم ثاني بس عشان اللي ماشافوه ......... وهو عن شد الجسم بأكمله بأشياء طبيعيه ومجربه وتكبير وتصغير الصدر مع التمارين المصاحبه لهم وازالة الكرش بطرق مجربه وأكيده باذن الله

الموضوع اضغطي هنا (http://205.214.72.161/vb/showthread.php?s=&threadid=37795)

القشطه

29-09-2002, 01:58 AM

مشالله عليك مره سنعه
بس مافهمت ايش فايدة الفلفل الاسود الحار
وسلامتك...............

شهلاء

29-09-2002, 02:18 AM

ياعزيزتي يالذيذة:ماقلتي لنا اش كثر الفلفل الاسود,ونشرب معاه ماء عادي والا لازم شي دافي.
شكرا مقدما.

كاكاو فليك

29-09-2002, 03:03 AM

حبايب قلبي شهلاء وقشطه :D

قشطه يا اشطه ... الفلفل الأسود المطحون يرجعج باذن الله بنت افهمي ياحلوه (( بنت )) بعد كل دوره بس لازم على الريج .. فهمتي ولاتبين شرح ...... ياربي اشلون اشرحلج ... أخاف تزعلين عشان شرحي مو وافي بس فشلللله بالتفصيل (( فاهمه ))

وأنتي يا شهولتي ..... تشربينه مع شاي حار طبعا .... وييييع اذا بارد بتموتين من لوعة الجبد الله يديمها من نعمه ..... المهم يعني كوب وقفشه ونص فلفل أسود مطحون ...... بس هااااا ...... قبل كل رشفه حوسيه عشان الفلفل المطحون يصعد مع الحوس وتبلعينه

ولو تستغنون عن الشاي ........ وتشربون الفلفل مع الزنجبيل يكون أحسن مليووووووووووون مره ......... يرجعج بنت على ضمانتي ...... ها اكرر ...... على الريج بكل دوره شهريه ... للمتزوجات وللبنات الحلوات

طيعوووووووني ......... اهتموا من اللحين ...... واذا كنتي متزوجه حطي قفشه صغيره قشر رمان مع الوصفه ..... بس البنت لاااا ....... نهييييييييييي :S:

*كـراميل*

29-09-2002, 04:08 AM

الف شكر كاكاو

والله وطلعتى خبيره

لووول :)

- نواعس دامعة -

29-09-2002, 04:16 AM

<center>
<font size="3" color=#FF00FF>
وليه الي توها بنت بعد المفروض تستعمله بليز بسرعه ردي

ونشكراتي ياعسل

:)

مسك

29-09-2002, 05:17 AM

جزاك الله خير .....لكن إيش القفشه.....والبابونج من وين نجيبه من الصيدلية او العطار ناشف او إيش فهمينا تكفين .....

كاكاو فليك

29-09-2002, 10:45 AM

كراميــــــــــــــل .......... اشفيج كأني طايحه من عيييينج :mad:

الله يسامحج sid

نواعس حبيبتي ..... شتقصدين ؟؟ الفلفل والزنجبيل ........ ايزي حبيبتي ... البنت لازم تشربه لأنه ممتااااااز للي خبرج .. واهو من أحسن الأدويه اللي نشربها بالدوره الشهريه أو النفاس لأنه عجيييييييب :)

أهلين أختي أم عمر ...... أنتي تامرين حبيبتي ..... البابونج تلاقينه عند أي عطار .. واسمه الثاني أعتقد شاي أعشاب بس مو متأكده ... المهم اهو أعشاب مختلطه ... حتى اتلاقين بينهم ورد صغيرون ..... :D

والقفشه حبيبتي ..... يعني ملعقه .... بس بالكويتي .. قفشه :cool:

حاضره للاستفسارت ...... هممممممم ...... أحد عنده سؤال ... لايتردد :)

القشطه

29-09-2002, 12:12 PM

ابشرررررررررررررررررررررك فهمت ايش تقصدين
:D :D

مشكووووووووووووووووره ياطعم والذ كاكاو وفليك بالدنيا ;) ;)

تحياتي لك W:

دمع العيون

29-09-2002, 03:55 PM

الله يعافيك ويسعدك
الفلفل الأسود حتى أخر يوم؟؟؟؟؟؟؟؟؟؟؟؟؟؟؟ سمعت انه مو زين بالايام الأخيره

وش رايك بالرشاد + القرنفل +العنزروت
ردي الله يعافيك

بنت بلدها

29-09-2002, 06:32 PM

طيب

كل شيء تمام

بس العلاج أكله أيام الدور 7 أيام ولا لأ

عندنا الحريم يقولون تبخري (( بالمره + قشر بصل )) تطلعين بنت شرايك أنتي يا خبيرتنا

ممكن تقولين خصاله تجربك يا جده

ههههههههههههههههههههههههههههههه

she

29-09-2002, 06:52 PM

شكرا لك اختي
بس الفلفل مايضر المعدة
لان المعدة عندي حساسة مرة
تسلمين

شيخة الزين

29-09-2002, 09:50 PM

اي افرزات لها رائحة او لون او تسبب حكة او كميتها كبيرة يجب التوجه الى طبيبة على طول , لا تنتظرون تجربون غسول او غيره . يعني يمكن ينفع مع العلاج بس لحاله لا . ولا تهونين يا كاكاو فليك :).

الشعاع

30-09-2002, 06:21 AM

ياحلو مواضيعك يااخت كاكو واكيد انتي مثلمواضيعك حلوه والررررررررجا ءمن المشرفات تاخير رفع هذا الموضوع لانه مو ضوع حلوا ووين تكبير الصدر ياحلوه وشكررررررررررررررررا00000

Qater-alnada

30-09-2002, 11:47 AM

السلاااااااااااااااااااام عليكم

شلونج يا الذ كاكاو بالدنيا :)

اختي كاكاو ودي اسألج سؤال بس مستحيه بس لا حياء بالعلم صح ولا انا غلطانه

ليش يا كاكاو قشر الرمان مو زين للبنت انا سألت امي واستغربت لانها مو خبيره بالاعشاب وانا بكرها يعني ماعندي احد اساله غيرج ( والله دنيا صرت عجوزه وصك عمري 17 يالله لنا الله ) :)

كاكاو فليك ردي علي ابسرعه واللي يعافيج للاهميه

دلوعة المنتدى

30-09-2002, 03:56 PM

حبيبتى 000 كااكاو فلك 000

قريت بموضوعك القديم000 انه الكمون مو زين للبنت 00 لا تخرعينى انا كل ما تينى الدوره الشهريه اشرب كمون 0000طمنينى

بعدين000 القهوه للتخسيس000 لازم تكون يمنيه000

عندج وصفه مجربه 000 للحبوب والشعر الى يطلع تحت الجلد 00 خصوصا بعد الشيره00 ادرى لاعت جبدج 000 بس ميخالف 000:D :D

ام لمى

01-10-2002, 01:48 AM

ايش الحلاوه هذي بلا فليك بلا شوكولاته والله صرتي طبيبة الأعشاب مالتنا.

والحين عندي اسئلة عن موضوعك القديم والجديد
هل فعلا الشبه والماء البارد يصغر الصدر يعني هو مجرب لاني كسوله مااجرب الا شىء
يقلون عنه انه قرنتيد. بعدين الشتاء على الأبواب.

طيب الشيء الثاني وصفة الفلفل الاسود هل أثرها يبان صحيح من اول استعمال ولا يبيلها كم
مرة أقصد عدد الدورات الشهريه طبعاً للمتزوجات ارجو انك فهمتي القصد.

بعدين تقولين القفشة.. ملعقة ..هل هي كبيرة اوصغيره.. واتوقع الثانية. لانه لوكانت الاولى رحنا فيها.
تصدقين عاد القفشة عندنا.. تعني مقدار قليل جداً ويؤخذ بين اصبع السبابة والابهام.

وشكراً يافليكتنا الشعبية:D :D

كاكاو فليك

01-10-2002, 01:41 PM

هلا وغلا ...... عسى بس طولت عليكم ...... والله غصبن عني ... الطلبيات بالجمعيات زايده على كاكاو فليك :D

المــــــــهــــــــــــــم

اشلونكم ...... اشلونج يا القشطه الحلوه ...... اليوم قشطه مع سكر ولا بدونه :p ..... أخيرا فهمتي ...... مابغيتي

بالنسبه للغاليات اللي اسألوا عن أضرار الفلفل الأسود بآخر أيام الدوره ... أقولكم .. انشاالله ماله ضرر ... وللعلم بس الفلفل الأسود أهم دوا يشرب بالدوره الشهريه ... وفيه نقطه .. شايع بينا احنا البنات (( أصغر نفسي )) هههه ... احنا الحريم .. ان الأيام الأول من الدوره لازم نهتم واااااايد أكثر من الأيام الأخيره وهذا أكبر غلطططططططط :S: لاتخافووون .. مو كلكم بعض الحريم .. أخاف تقولون كاكاو شافت نفسها علينا :(

ليه ياحلوات .. انتبهوا خصوصا قطر الندى ودلوعة المنتدى ( دلوعتي ) عشان اهم صغينونات لازم نعلمهم .... ايييييييه ....... اليوم الأول نكتفي بأنا نشرب على الريج شي دافي مع شوية فلفل اسود ... لاحظوا شويه .. وأيضا باليوم الأول أشياء دافيه عشان (( افهموا عااااااد )) واليوم الثاني نشرب اللي نقدر عليه ويستحسن يكون من ناحية الأكل اللي فيه أدويه ... عاد اليوم الثالث وورا ...... شدوا حيلكم ..... الله الله بالأدويه وبلاوي الحريم وعفستنا بهالأيام .. والرشاد ...... ديييييييييرووووووووا بالكم ...... مانشربه الا باليوم الرابع وورا .... ؟؟ تقولون لييييش (( ماعليه صقهه )) ....... لأن الرشاد يقطع الدم .. أو يخففه ....... والغرض من شربه اليوم الرابع وورا .... انه زين للظهر ويعوض الدم اللي انفقد (( لوعت جبودكم ماعليه )) اللي اتوحم لا تقرا مواضيعي ....

وجمااانه ... تقولين شرايي بالرشاد+القرنفل+العنزروت ...... الرشاد قريتي شقلت عنه ... اليوم الرابع وورا .... أوكييييي ....... أما العنزروت والقرنفل ... شطووره خوش أدويه .. بس الفلفل أهم جمانــــه ... وعلى فكره أنتي قاعده اتنضفين رحمج .. مشاالله عليج ...... لأن القرنفل (( اللي نسميه مسمار )) ينضف عدل .. :cool:

she .... حبيبتي انطري اسألج خلال يومين أو أقل عن الفلف والمعده الحساسه أوكييييييي .. ماأطول ... :)
وشكرااا يا شيخة الزين عل مداخلتج الحلوه .. يا أم طله حلوه ... وكلامج تماااااام .. ومايستحق ان أحد يعارض عليه ... لكن آنا حاطه هالوصفات للي فيهم خفيف وللي بالبدايه وايضا للوقايه (( واهم من كتاب متخصص )) لأني انسانه أحب أطلع على الكتب الطبيه ...... ومشكوره ياعسل ;)

آنا سمعت وحده اتقووووول ...... جدتنا .... منهي هذي .. هممممممممم .... آنا مشبها عليها ... تبين اتكبريني sid
زييييين يابنت بلدها .... اشهدوا يا بنااااااات ... اهي قالت يده (( جده )) معناته من اليوم اتحمل هالكلمه واتصير مقام حفيدتي يعني اي شي أطلبه بالمنتدى ........ بنت بلدها اتطيعني ........ هاااا صدتج ....... آنا ماينقص علي :cool:

أنتي سألتي عن المره وقشر البصل ...... طال عمرج هذي وصفه معروووووفه ...... للي فيها هوااا .. يعني الحريم اللي والدات يهال ... واي خدمه يا حفيدتي الغاليه آنا حاضره ....... بس لاتنسين اتسوين لي عيش أبيض ملبوج بدون ملح :p
مو صرت جده .......

she

01-10-2002, 02:00 PM

مشكورة ياحلى كاكو على اهتمامك
انتظر ردك
تسلمين

كاكاو فليك

01-10-2002, 02:10 PM

سلاااااااام .......... أم لمى ..... لسانج ينقط عسل مشاالله ....... موغريب العسل ماينقط الا من الزهر ... تشجيييييع .. هذا اللي نبيه :)

ولقبتيني خووش لقب .. فليكتنا الشعبيه ... وطبيبة أعشاب .... والله فخر :cool:
.......................... انشاالله ماقصر بأي وصفات اتفيدكم ...... وبالنسبه للشبه والماي البارد ... انشالله مضمونه بس استمري ... والثلج ممتاااااز ....... والفلفل ... عقب كل دوره اتصيرين بنت ... بس اذا قفشه كبيره مو صغيره ...... هههههههه أكييييييد انصدمتي ماتبينه .. بس وين تنحاشين من الفلفل .... والله ممتاز ... رفيجتي تقول انها بعد كل دوره ترجع بنت وتقول هذا اكثر شي تشربه والأدويه الثانيه ماتعترف فيهم .. اهمال منها .. بس الفلفل أنقذها .... أمااااا .. فليكتج الشعبيه (( خليتيني طقاقه )) فأعتقد الزنجبيل اهو الممتاز وقشر الرمان مع الشرب ممتااااااااز لهالسوالف .. بس قفشه صغيره (( يالله بخليج ترطنين حجي كويتي .. ماني قايله ملعقه )) هههههه

:D :D

والحلوات المجكنمات ..... قطر الندى ودلوعتي ...
:)

أول شي يا قطر الندى ..... أقولج عفيه عليج ... وشطوووره ... وأنتي بنت سنعه ... هالسوالف مافيها حيا بين البنات .. بالعكس هذا دليل أنج سنعه .. لأن البنت اللي تسأل وتهتم بالدوره وماالى ذلك :cool: خوووووووووش بنت ... اللي اهي أنتي;)

وقشر الرمان يا حبوبتي قطر الندى ... فايدته تقتصر على انه يخلي الحرمه المتزوجه كأنها بنت توهااا . أنتي 17 لا صار عمرج يسمح أقولج ... أعتقد فهمتي .. ماأقدر اشرح أكثر .. :)
يعني لاتشربينه .. لأنه راح يلعب فيج .. وأنتي بنوته ماتحتاجين ... ولاتقولين محد عندي اسأله ...... آنا أختج ......... خلاص تبنيتج ....... أي شي أي شي ...... لايردج الا لسانج .. أختج كاكاو .. بس تنطر منج سؤال عشان اتجاوبه ....... واذا تبن اتعرفين عن أي شي أو أحسن الأدويه لج بالدوره الشهريه .. آنا حاضره
اتصدقين .... آنا ماعندي خوات صغار .. خواتي حريم كبار ..... وودي عندي اخت أصغر مني (( سويت فيلم هندي )) ياويلج مني ..... بصير أخت غثيثه ... تراني من نوعية الخوات اللي يحاتون خواتهم (( يعني اسوي نفسي شخصيه )) وماهدج الا لما أوثق انج مره ثانيه ماتستحين مني ... بسمعها منج زييييييييين .. تعالي جم اتوقعين عمر ي؟؟ طبعا آ نا متزوجه .. باين من المواضيع .. صح :)

ووووووو ......... دلوعة المنتدى لاتزعل ......... دلوعتي ... الكمون حبوبتي .. يقولون انه يضر البويضات .. البنات بمنتدانا قالوا جذيه ... مع ان أختي الكبيره كانت تشربه بس بالدوره نفسج واللحين ماشاالله عندها يهاااااال :confused:
احنا ننطر الخبر الأكييييييييد ...... هل اهو يضر ولا لا ... أنتي بس شربي فلفل أسود وزنجبيل ومسمار وهالسوالف .. وينسون .. ونشوف الكمون بعدين ....

كاكاو فليك

01-10-2002, 02:30 PM

ياالشعاع ... ضيقتي خلقي ........ ياربي .. كذا مره تطلبيني تكبير وأحطلج الرابط .. وتقولين وينه ؟؟ ...أخاف فاهمتني اني مطنشه لاااااااااا لاتفكرين جذيه أمااااانه..... والله حطيته لج (( طلبتي مرتين صح )) بالموضوع الثاني

sid

أمااااااااانه لاتحسبيني مطنشتج والله ....... حطيته لج من أول مره طلبتيه بموضوع الشد .. حطيته لج مع التمارين شوفيهم عدل ...... بس ولا يهمج .. أنتي غااااااااااااااااااااااااااااااااااااااااااااااااا اليه وطلبج رخييييييييييص .. وراح أحطه مره ثانيه عشانج بس ;)

.........................................؟؟؟؟

لحظه كأني نسيت سؤال دلوعتي عن البن اليمني .. صح ...... آنا اقول قلبي ناغزني ..

شوفي لاااااااااااااازم بن يمني .. ولو شرب احسن .. لأن من حسن حظج أمس أختي كانت عند الحواج

بتييب بن يمني .. وقال اييبه بعد عشرة أيام مثل عادته .. 0( دايما ينقعنا )0
المهم
قعد سااااااااااعه يمدح فيه .. ويقول يخلص من كثر الطلبات عليه .. وبعد عارف احنا نبيه لشنو ... يقول زييييييييين للبطن (( الله يهداهم البنات الظاهر يقولوله ليش يبونه ))
تعالي سوي طريقة الماي الدافي عل الريج .. حلوووووه جربتها .. بس مادري لأني ادبر بعمري ولا من الماي ...... المهم دبرتي بعد الله نفعت:s

موضوع التكبير يا شعاع اهنيييييي شعاع مني ضغطي (http://205.214.72.161/vb/showthread.php?s=&threadid=37795&perpage=15&pagenumber=2)

دمع العيون

01-10-2002, 06:49 PM

الف شكر يا كاكاو فليك على حرصك وتعاونك معانا والله يجزاك خير بقد ما نفعتينا

مشكوره حياتي...........

شهلاء

02-10-2002, 02:36 AM

q) q) q) الله الله الله انااخذت ملعقة صغيرة فلفل وشبيت اجل وشلون لو كانت كبيرة,والله طول اليوم وانا مولعه واقول لزوجي اشفيه المكيف ما يبرد ,والبلا مني مو من المكيف.

ام اياد

02-10-2002, 11:17 AM

مشكورة كاكوفليكوالله نصائحك حلوووووووووووووووووووووة زيك

الكتكوتة

02-10-2002, 12:42 PM

مشكورة على هالوصفات
بالنسبة للترمس انا جربته بس ياخذ مدة طووويلة اكثر من 3 اساببيع و تاثيرة خفيف موب لين هناك...وبالنسبة لباقي الوصفات الفلفل الأسود هل هو نفسه اللي ينحط في الأكل؟ اللي شكله مدور و صغييير و ينحط في المجبوس؟ ...
وبالنسبة للزنجبيل هل هو يكون طازج ام عادي يكون مجفف؟ ..

الكتكوتة

02-10-2002, 12:50 PM

بعدين سؤال ثاني
بصراحة مافهمت شو قصةالماي الدافي على الريج ... شو يسوي يعني؟
ممكن توضحين لي؟
وشكرا مقدما مليون و اسمحيلنا تعبناج معانا

كاكاو فليك

02-10-2002, 01:37 PM

حباااااايب قلبي ........ هذا اقل شي ممكن أسوي لكم ... تستاهلون كل خيييييييير :D

حياتي جمانـــه وام اياد حبيباتي أنتم ;)

والله يعينج يا شهلاء ... بكرى اتعودين مثلي ....... صرت أشربه عااادي ...... بس ممتااااااز .. ودير بالج تدعين علي

أهلييييييييييييين بالكتكوته .... متى طلعتي من القفص :p

وااااااااي ياحلااااااة اسمج ... كتكوته ... واااااي يربي .. أنتي أكيييييد مثل اسمج كتكوته حلوه ...... تعالي أنتي من الامارات لأنج قلتي .. (( شو )) هذي صيغة سال اماراتيه أعتقد اذا ماني غلطانه :D

لقافه صح ..... ماخلي طبعي هذا :rolleyes:

أحب الامارات .... ومصر مادري ليييييش ..... حب من الله :cool:

ودج على كل هالقرقه تطلعين مو اماراتيه ..... عادي .. المهم أعلنت على الملأ حبي للامارات ولمصر ... (( حلوه على الملأ ... أحب أتفلسف )) ;)

بالنسبه لاستفساراتج يا كتكوتي الحلوه .... نعم الفلفل الأسود اهو نفسه المدور الصغير اللي بالمجبوس .... بس نطحنه ....... والماي الدافي يا الغاليه ..... ينشرب على الريج لازالة البطن (( الكرش )) :cool:

وبالنسبه للترمس ........ مااستعملته .. كتبته للافاده ..... وآنا سمعت عن خلطة مرارة العنز لازالة الشعر من أول مره ..... والكل يمدح فيها .... بس ويييييييييييييع ....... ماابي أحول بيتنا لصفاة غنم

تخيلي شكلي بالبيت ...... وريحتي ريحة عنز .... وييييييييييع

لاااااااااااا لااتخيلين كتكوته بليييييييييييز sid

دمع العيون

02-10-2002, 04:01 PM

وش قصدددددددددددددك وحنا السعوديات ؟؟؟؟؟؟؟ ما تحبينا
والله يعني حنا اللي نحبك والله

نموت فيك (غصب)هههههههههه

سنيورة

02-10-2002, 08:48 PM

غاليتي كاكاو فليك
شكراً لكِ على مشاركتك الرائعة :)

الكتكوتة

02-10-2002, 10:58 PM

هلا بالحلوة...........:rolleyes:

بالفعل انا من الأمارات......:D

وانا بعد اموت في الكويت .. احس اني شبه كويتية لان اخواني مولودين هناك :D

شكلي طلعت برا الموضوع....

ع العموم انا داخلة علشان اقوولج مشكووورة على الكلام العسل و الشرح ... و ان شاء الله نستفيد منها مستقبلا

وعن الترمس تراه زين ... ماكان قصدي انه موب زين .. بالعكس بس يبيله صبر و طولة بال ...

:o

لالي

03-10-2002, 01:13 AM

السلام عليكم
انا عضوة جديدة W: لقد اعجبني هذا المنتدى جدا ,وحبيت ان اشارك

ولقد اعجبتني هذه النصائح بس ما عرفت شو هو نبات السعد ,هل بنشتريه من العطارين ولا هو نبات اخضر :confused:
على العموم تشكري على هالنصائح يا(كاكاو):D

دلوعة المنتدى

03-10-2002, 02:42 AM

هاااااى كاكاو فلك

يعطيج الف الف الف الف الف الف الف الف الف الف الف الف الف الف الف الف الف الف الف الف الف عاااااااااااااااااااااااااااااااافيه 000 على سعت صدرج وقلبج الكبير وروحج الطيبه

ومشكوووووووووووووره يا كاكاوى المفضل 000 بس والله هرانى يابلى حب الشباب هالكاكاو

حبيبتى الفلفل والزنجبيل والمسمار 0000 نشربهم طول ايام الدوره ولا ايام محدده من الدوره

ومشكوووووووووووووووووووووووره بعد عمرى0000 بااااااى

شدى

03-10-2002, 02:24 PM

[كاكاو فليك لحقي علي أنا توني يديدة في المنتدى والله مافهمت ولاكلمة من اللي تقولونها يعني وشلون نصير بنات يليت تفصلون في كلامكم عشان نستفيد أكثر الله يخليكم ]

Qater-alnada

03-10-2002, 05:48 PM

السلام عليكم

مشكووووووووووووووووووووووووووووووره واااااااااااااااااااااااااااااااااااااايد كوكو يا اختي العوده ( كبرتج مو )

وبالنسبه لعمرج اتوقع انه من 22 الى 26 بس ها انتي قوليلي جم يالله يا احلى اخت بالدنيا

دلوعة المنتدى

03-10-2002, 11:47 PM

كاكاو حبيبتى 000000

لا يكون سؤال قطر الندى محرج لج 0000000 هههههههههههههههههههههههههههههههههههههههههههههههههه ههههههههههههه:D :D :D

ام لمى

04-10-2002, 02:54 AM

هلا بفليكتنا الشعبية.........وتراي سبقت قطر الندى q) وحليتك قبلها عشان اكون اختك الصغيرة.... ولا يهمك أني أم تراي انفع اكون اختك الصغينونة وطلعي شخصية علي على كيف
كيفك لكن أبي تحلين كل مشاكلي وتهتمين بي :D أجل وشلون منيب اختك الصغينونه:rolleyes:

وعلى فكرة تراي من الامارات:D ومقطوع سري في مصر:D

والحين ندخل في الجد...أبي طريقة سريعة وفتاكة عشان أخسر 15كغم من وزني بس لا تكون
عن طريق حمية قاسية ..ابيك تدورين لي من كتبك السحرية ققصدي الشعبية الطبية.

بعدين الكرش وما ادراك ما الكرش ....أعطينا طريقة الماء الدافي وكم المدة ألي يروح فيها الكرش؟وهل يحل الشاي الدافي المحلى مكان الماء؟

عاد أنا وجهي قاعده اطلب نصايحك ضامنة توافقين تكوني أُختي الكبري:D :D

تلقينك كذا q) q)بعد ما قرأتي أُختي الكبرى ..وعلى فكرة أنا جايبتها من سندباد.أصلي أموت
في سندباد..شفتي أني صغينونه:(