سؤال مهم جدا للمصريات ورجاء الرد السريع

[فرح الزهور]

اولا السلام عليكم ورحمة الله وبركاته

حياكم الله يا بنات لك

ليا طلب معرفش بصراحه اذا كان بسيط ولا صعب

انا عايزه ابدأ ان شاء الله شغل الكروشيه من تانى

بس المره دى هيكون شغل للبيع

ومحتاجه اعرف منكم ايه اجود انواع الخيوط

سواء قطن او صوف

وايه الافضل للمفارش وايه الافضل للملابس

اعطونى تفاصيل عن الموضوع ده الله يكرمكم

وياريت لو تعرفونى الاسعار كمان

معلش يابنات انا مستعجله شويه وعايزه رد ضرورى

وجزاكم الله خيرا مقدمااااااااااااااا

[اميرةوليد]

اتمنى لك التوفيق اختى وكنت سوف اسال نفس سؤال عن افضل نوعية للخيوط ولقد ذهبت الى مكان بالعتبة ورايت انواع خيوط كثيرة ولم اعرف ماذا اشترى فاتمنى ان ينصحنا ذوى الخبرة و شكرا لك اختى

[sosha]

اختى الغالية انا مش من القاهرة و لكن أفضل الخيوط و اوفرها سعرا هو بكر الكونتبارليه او ما يسمى خيط الكنافاة من مصر البيضا لأنه ألوانه ثابته الى حد كبير كمان بيدى نتائج رقيقة و رائعة خاصة فى المفارش و فيه منه بكر كبير خيطه اسمك و لو السعر مش مشكله يبقى خيط الكونتبارليه dmc على فكرة انا و الحمد لله عندى خبرة مش بطالة فى هذا المجال و لكن على قد مدينتى ارجو ان اكون افدتك و ربنا يفتح لك ابواب رزقه

[فرح الزهور]

اتمنى لك التوفيق اختى وكنت سوف اسال نفس سؤال عن افضل نوعية للخيوط ولقد ذهبت الى مكان بالعتبة ورايت انواع خيوط كثيرة ولم اعرف ماذا اشترى فاتمنى ان ينصحنا ذوى الخبرة و شكرا لك اختى


ربنا يوفقك انتى كمان ويوفقك بنات المنتدى كلهم يارب

ان شاء الله البنات مش هتبخل معانا ونعرف منهم الصح

[فرح الزهور]

اتمنى لك التوفيق اختى وكنت سوف اسال نفس سؤال عن افضل نوعية للخيوط ولقد ذهبت الى مكان بالعتبة ورايت انواع خيوط كثيرة ولم اعرف ماذا اشترى فاتمنى ان ينصحنا ذوى الخبرة و شكرا لك اختى


ربنا يوفقك انتى كمان ويوفقك بنات المنتدى كلهم يارب

ان شاء الله البنات مش هتبخل معانا ونعرف منهم الصح

[فجر مصر]

بصي يا حبيبتي كل أنواع الخيوط ممكن تشتغلي بيها بس من واقع خبرتي لأني بشتغل في المجال ده بقالي 18 سنة وجدت إنه خيوط الكانافاه ممكن تعملي منها مفارش وبتعطي شغل زي الدانتيل رقيق جدا ورائع بس شغله مكلف وعايز طبقة معينة في البيع يعني لفئة هاي لأنه شغل مكلف أما المفارش ممكن تعمليها بخيط السيرما السميك ده للصالونات والأنتريه ممكن تعمليها بخيط حرير سلسلة وده بالكيلو الكيلو منه عندنا في الفيوم حوالي 38 جنيه أما الجانجا منه فهو ب 45 جنيه وشغله ممتاز في البلوزات أما الخيط الحرير ممكن تعملي منه بلوزات صيفي وكمان شغله رائع لأنه في لمعه وتقريبا أسعاره مقاربه لسعر الحرير السلسلة أما الأصواف ففي منها أنواع في منها المصري وفيه الخيط التركي أسعاره مختلفة فيه ب 6 جنيه للـ 100 جرام وفيه بـ 8 جنيه وفيه بـ 9 جنيه حسب الفتلة فيه فتلة موهير وفتله عادية وسادة وجانجا وده ممكن للبلوزات الشتوى وومكن يعملوا منه البونشوهات والشيلان وممكن بلوزات صيفي إذا الفتلة رفيعة والغرزة واسعة ووممكن تطعمي منه لولي كمان وكمان في خيط إسمه خيط شموط وده بيستعملوه المنجيد ممكن تعملي منه مفارش وفيه منه فتلة رفيعة وفتلة سميكة ويارب أكون أفدتك وادعيلي

[فرح الزهور]

اختى الغالية انا مش من القاهرة و لكن أفضل الخيوط و اوفرها سعرا هو بكر الكونتبارليه او ما يسمى خيط الكنافاة من مصر البيضا لأنه ألوانه ثابته الى حد كبير كمان بيدى نتائج رقيقة و رائعة خاصة فى المفارش و فيه منه بكر كبير خيطه اسمك و لو السعر مش مشكله يبقى خيط الكونتبارليه dmc على فكرة انا و الحمد لله عندى خبرة مش بطالة فى هذا المجال و لكن على قد مدينتى ارجو ان اكون افدتك و ربنا يفتح لك ابواب رزقه


حبيبتى جزاكى الله عنا خيرا يارب

كده احنا عرفنا منك اسم شركات الخيط ونشتريه

واحنا مغمضين طبعا طالما انتى جربتيه

وعلى فكره انا كمان مش مقيمه فى القاهره

انا مقيمه فى المنصورة

الله يعطيكى الصحه والعافيه يا رب

ومنتظرين البنات تدلنى على الخيط الصوف

وجزاكم الله عنا خير الجزاااااء

[فرح الزهور]

بصي يا حبيبتي كل أنواع الخيوط ممكن تشتغلي بيها بس من واقع خبرتي لأني بشتغل في المجال ده بقالي 18 سنة وجدت إنه خيوط الكانافاه ممكن تعملي منها مفارش وبتعطي شغل زي الدانتيل رقيق جدا ورائع بس شغله مكلف وعايز طبقة معينة في البيع يعني لفئة هاي لأنه شغل مكلف أما المفارش ممكن تعمليها بخيط السيرما السميك ده للصالونات والأنتريه ممكن تعمليها بخيط حرير سلسلة وده بالكيلو الكيلو منه عندنا في الفيوم حوالي 38 جنيه أما الجانجا منه فهو ب 45 جنيه وشغله ممتاز في البلوزات أما الخيط الحرير ممكن تعملي منه بلوزات صيفي وكمان شغله رائع لأنه في لمعه وتقريبا أسعاره مقاربه لسعر الحرير السلسلة أما الأصواف ففي منها أنواع في منها المصري وفيه الخيط التركي أسعاره مختلفة فيه ب 6 جنيه للـ 100 جرام وفيه بـ 8 جنيه وفيه بـ 9 جنيه حسب الفتلة فيه فتلة موهير وفتله عادية وسادة وجانجا وده ممكن للبلوزات الشتوى وومكن يعملوا منه البونشوهات والشيلان وممكن بلوزات صيفي إذا الفتلة رفيعة والغرزة واسعة ووممكن تطعمي منه لولي كمان وكمان في خيط إسمه خيط شموط وده بيستعملوه المنجيد ممكن تعملي منه مفارش وفيه منه فتلة رفيعة وفتلة سميكة ويارب أكون أفدتك وادعيلي





بسم الله ماشاء الله عليكى

افيدتينا والله جدا

بس هو خيط التنجيد يبقى كويس فى المفارش؟

وهل منه كل الالوان والوانه ثابته بعد الغسيل؟

وطبعا واضح ان الموضوع مكلف جدا ومش سهل

بس ان شاء الله الامل موجود ولازم نعمل حاجه

ربنا سبحانه وتعالى يسترك ويسعدك ويفرح قلبك

[فرح الزهور]

اعذرونى لان النت سيىء عندى الليله وبطيىء جدا وبتأخر فى الرد عليكم

[ام عمر 7]

حبيبة قلبى ربنا يوفقك وعلى فكرة خيط التنجيد او ما يسمى الكمبريت الوانة غير ثابته عن تجربة لكن خيط مصر البيضا الوانة ثابتة والبكرة الكبيرة 3 جنية وننص وبيقولو فى الازهر والموسكى خيوط كثيرة واسعار حلوة

[فرح الزهور]

حبيبة قلبى ربنا يوفقك وعلى فكرة خيط التنجيد او ما يسمى الكمبريت الوانة غير ثابته عن تجربة لكن خيط مصر البيضا الوانة ثابتة والبكرة الكبيرة 3 جنية وننص وبيقولو فى الازهر والموسكى خيوط كثيرة واسعار حلوة


الله يصلح لك الحال يارب يا ام عمر

تسلمى يا غاليه يارب على ردك عليا

انا كده هلغى فكرة خيط التنجيد خااااااااالص

[om anan]

اختي فرح انت لازم تحددي الشكل الي انت عوزاه من مفرش او بلوزة سمك الغرزه ايه افهمك قصدي انت عاجبك باترون مفرش لو عملتيه بالكتون بارليه حيكون رقيق وحجمه مش كبير زي لو عملتيه بالقطن الاسمك الي بكرته 50 جرام وبيكون محتاج تنشيه وكوي وبيكون شكله احلى اما خيط القطن السميك شويه الي بكرته 50 جرام بيكون المفرش ماسك نفسه وحجمه اكبر وممكن يحتاج كوي بسيط وطبعا احلى لو نشتيه والخيط ده افضل في عمل الورود لان الوردة تكون متماسكة
اختي لو عاوزة تعملي مفارش حجم كبير خالص من الافضل الكتون بارليه حتى لا يكون المفرش ثقيل معك انا عملت مفرش سفرة من وحدات وجمعتها من خيط الكتون بارليه وبصراحه ريحني جدا واعطى رقي للمفرش
ولو كنت عاوزه تعملي كروشيه فيليه فافضل شيء هو الكتون بارليه
اما البلوزات فالحرير حلو لها وايضا خيط القطن ال50 جرام ده طبعا للصيفي اما الشتوي فالصوف يوجد منه انواع لا حصر لها اعتقد اختيارك له لشغل الكروشيه حسب نوع الغرزة فلو بسيطة ممكن تستعمل الموهيرات ولو فيها شغل اعتقد ينفع معها الصوف الخفيف اختي طولت عليكي بس لعلي افيدك

[اميرةوليد]

جزاكم اللة خيرااخوات منتدى لك لقد استفدت كثيرا وانا فعلا ذهبت الى العتبة ورايت خيوط رائعة ولقد اشتريت خيط قطيفة تركى وكان سعر البكرة 8جنيهات وصنعت شال وطاقية لبنتى عمرها ثلاث سنوات طلع رائع فى الجمال حتى زوجى اعجب بة جدا ولم استخدم اكثر من شلة ونصف فى صنعهما وللعلم الشال مثل ذالك لايباع باقل من 50جنيهاولو كان عندى كاميرا كنتم حكمتم بانفسكم واى استفسار اختى فرح عن المكان الذى اشتريت منة انا فى الخدمةوانا اعتقد ان جميع الخيوط التى ذكرتهاالاخوات موجودة عندهم وباسعار جيدة

[فرح الزهور]

اختي فرح انت لازم تحددي الشكل الي انت عوزاه من مفرش او بلوزة سمك الغرزه ايه افهمك قصدي انت عاجبك باترون مفرش لو عملتيه بالكتون بارليه حيكون رقيق وحجمه مش كبير زي لو عملتيه بالقطن الاسمك الي بكرته 50 جرام وبيكون محتاج تنشيه وكوي وبيكون شكله احلى اما خيط القطن السميك شويه الي بكرته 50 جرام بيكون المفرش ماسك نفسه وحجمه اكبر وممكن يحتاج كوي بسيط وطبعا احلى لو نشتيه والخيط ده افضل في عمل الورود لان الوردة تكون متماسكة
اختي لو عاوزة تعملي مفارش حجم كبير خالص من الافضل الكتون بارليه حتى لا يكون المفرش ثقيل معك انا عملت مفرش سفرة من وحدات وجمعتها من خيط الكتون بارليه وبصراحه ريحني جدا واعطى رقي للمفرش
ولو كنت عاوزه تعملي كروشيه فيليه فافضل شيء هو الكتون بارليه
اما البلوزات فالحرير حلو لها وايضا خيط القطن ال50 جرام ده طبعا للصيفي اما الشتوي فالصوف يوجد منه انواع لا حصر لها اعتقد اختيارك له لشغل الكروشيه حسب نوع الغرزة فلو بسيطة ممكن تستعمل الموهيرات ولو فيها شغل اعتقد ينفع معها الصوف الخفيف اختي طولت عليكي بس لعلي افيدك


اهلا يا حبيبتى والله انتى زى العسل وكلامك فادنى كتير

واكيد فاد بنات تانيه كتير غيرى عايزين يعرفوا برضه

الله يجزيكى خير بكل حرف والله

انا اولا ناويه اعمل مفارش صغيره الاول وبعدين اكبر الموضوع

وطبعا فيها ورادت وحركات كده

بس ازاى بئه انشى الخيط؟

وطبعا الصوف انا احب شغل الغرز وده بيحتاج خيط عادى

الموهير اعتقد فعلا احلى فى الشغل الخفيف

وبصراحه انا اتجننت من فساتين اطفال شفتها فى منتدى تانى

وان شاء الله هجربها

واى حاجه هعملها هانزلها علشان برضه تعطونى رايكم

(اعمل ايه بئه طماعه)

[فرح الزهور]

جزاكم اللة خيرااخوات منتدى لك لقد استفدت كثيرا وانا فعلا ذهبت الى العتبة ورايت خيوط رائعة ولقد اشتريت خيط قطيفة تركى وكان سعر البكرة 8جنيهات وصنعت شال وطاقية لبنتى عمرها ثلاث سنوات طلع رائع فى الجمال حتى زوجى اعجب بة جدا ولم استخدم اكثر من شلة ونصف فى صنعهما وللعلم الشال مثل ذالك لايباع باقل من 50جنيهاولو كان عندى كاميرا كنتم حكمتم بانفسكم واى استفسار اختى فرح عن المكان الذى اشتريت منة انا فى الخدمةوانا اعتقد ان جميع الخيوط التى ذكرتهاالاخوات موجودة عندهم وباسعار جيدة


ماشاء الله عليكى وتسلم ايدك يارب

ان شاء الله يكون ملبوس العافيه عليها وتشوفيها عروسه

وبعدين الاشغال اليدويه بتكون فعلا غاليه لانها مرهقه للعين برضه

انا جربت الشغل اليدوى وشغل الماكينات

وطبعا مفيش اى نسبة مقارنه

ودى موهبه ومش هتلاقيها عند كل الناس بس برضه مطلوب الاعتدال

فى الاسعار وفى الشراء وفى كل الامور

مشاركتك طبعا جميله وفادتنى وياريت اعرف العنوان

وتسلمى وجزاكى الله خيرا

[SOLANGE TERRY]

الأخت فرح
بالنسبة لشغل المفارش فأنا بأستعمل خيط الصيادين و بكون تخانته فتلة أو أثنين أو ثلاثة
و الفتلة الواحة يستعمل في عمل المفارش الفيليه الناعمة
و غالبا أنا بأستعمل الخيط ذو الثلاث فتلات
و أنا بأشتريه من منطقة الأزهر بسعر الجملة الباكتة فيها 52 شلة و الشلة الواحدة بتكون ب 50 قرش تقريبا و لو أشتريتيها
قطاعي بتكون ما بين 75 قرش أو جنيه ( حسب المكان)

و بالنسبة للبلوزات
فنوعية الغرزة هي اللي بتحدد سمك الخيط ( عدد الفتلات) و لو بتشتغلي من باترون فبيحدد نوع الخيط المستخدم
و سمكه و الكمية اللازمة
أتمني أن أكون أفدتك بشئ

[فرح الزهور]

الأخت فرح
بالنسبة لشغل المفارش فأنا بأستعمل خيط الصيادين و بكون تخانته فتلة أو أثنين أو ثلاثة
و الفتلة الواحة يستعمل في عمل المفارش الفيليه الناعمة
و غالبا أنا بأستعمل الخيط ذو الثلاث فتلات
و أنا بأشتريه من منطقة الأزهر بسعر الجملة الباكتة فيها 52 شلة و الشلة الواحدة بتكون ب 50 قرش تقريبا و لو أشتريتيها
قطاعي بتكون ما بين 75 قرش أو جنيه ( حسب المكان)

و بالنسبة للبلوزات
فنوعية الغرزة هي اللي بتحدد سمك الخيط ( عدد الفتلات) و لو بتشتغلي من باترون فبيحدد نوع الخيط المستخدم
و سمكه و الكمية اللازمة
أتمني أن أكون أفدتك بشئ

الله يعطيكى العافيه يارب

مشاركه طيبه وافادتنى كثيرا

بس بالنسبه لخيط الصيادين انا مش عارفه شكله بصراحه

ياريت لو عندك صور للخيط ده اشوفها

او اى شغل مشغول بيه فعلا

وعموما يا حبيبتى مشكوره على كل حال

جزاكم الله خيرا يابنات

[اميرةوليد]

اختى فرح ان شاء اللة المكان الذى ذهبت الية موجود فى شارع الموسكى انا لاذكر اسمة ولكن هو معروف فى بيع جميع مستلزمات الخياطة وهو فى اخر شارع الموسكى وايضا عرفت ان فى حارة اليهود بالموسكى اكثر من محل لبيع الجملةو طبعا لازم تفاصلى فى الاسعار وربنا يوفق ان شاء اللة

[فرح الزهور]

اختى فرح ان شاء اللة المكان الذى ذهبت الية موجود فى شارع الموسكى انا لاذكر اسمة ولكن هو معروف فى بيع جميع مستلزمات الخياطة وهو فى اخر شارع الموسكى وايضا عرفت ان فى حارة اليهود بالموسكى اكثر من محل لبيع الجملةو طبعا لازم تفاصلى فى الاسعار وربنا يوفق ان شاء اللة


يارب تسلمى يا ام وليد وربنا يفرحك ويسعدك

تسلمى على اهتمامك بالرد

وجزاكى الله كل الخير يارب
ان شاء الله هبعت اى حد يجيب الخيط من هناك

[فجر مصر]

حبيبتي إنت ممكن تحددي الأول انتي عايزة تعملي ايه وبناءا عليه تقدري تحددي نوع الخيط إذا كنتي هتبدأي بالمفارش فممكن تعليها بالسيرما الذهبية للصالونات فتلة سميكة شويه علشان النتيجة تكون حلوة وممكن فيه فتله نايلون فيها جميع الألوان بس رفيعة تعطي نتيجة الدانتيل ولا يمكن قطعها إلا بالكاتر أو المقص ونتيجته ممتازة وممكن تعملي بالخيط الحرير فيه ألوان ممتازة وده تشتغليه بإبرة رقم 0 أو 1 وممكن تعملي الشموط بتاع التنجيد نتيجته كويسة جدا بس ده خليه على لونه الأصلي ما تستعمليش الألوان لأنها مش ثابته اللون البيج هو الوحيد اللون الممتاز وممكن تستعمليه مع فتلة سيرما رفيعة فتكون النتيجة ممتازة ده بالنسبة للمفارش وإذا حبيتي تنفذي أي فكرة بعد ما تنتهي من المفارش خليكي على اتصال يبقى ساعة ما تنتهي من المفارش وتبدأي في البلوزات ممكن أديكي باترونات سهلة تعمليها ربنا يقويكي ويعينك الموضوع ممتاز وشيق ويحتاج إلى الصبر

[فرح الزهور]

حبيبتي إنت ممكن تحددي الأول انتي عايزة تعملي ايه وبناءا عليه تقدري تحددي نوع الخيط إذا كنتي هتبدأي بالمفارش فممكن تعليها بالسيرما الذهبية للصالونات فتلة سميكة شويه علشان النتيجة تكون حلوة وممكن فيه فتله نايلون فيها جميع الألوان بس رفيعة تعطي نتيجة الدانتيل ولا يمكن قطعها إلا بالكاتر أو المقص ونتيجته ممتازة وممكن تعملي بالخيط الحرير فيه ألوان ممتازة وده تشتغليه بإبرة رقم 0 أو 1 وممكن تعملي الشموط بتاع التنجيد نتيجته كويسة جدا بس ده خليه على لونه الأصلي ما تستعمليش الألوان لأنها مش ثابته اللون البيج هو الوحيد اللون الممتاز وممكن تستعمليه مع فتلة سيرما رفيعة فتكون النتيجة ممتازة ده بالنسبة للمفارش وإذا حبيتي تنفذي أي فكرة بعد ما تنتهي من المفارش خليكي على اتصال يبقى ساعة ما تنتهي من المفارش وتبدأي في البلوزات ممكن أديكي باترونات سهلة تعمليها ربنا يقويكي ويعينك الموضوع ممتاز وشيق ويحتاج إلى الصبر

الله يسعدك ويفرح قلبك يارب

جزاكى الله كل الخير على الاهتمام والمتابعه

كل كلمه بتكتبيها انا اكيد بستفيد منها

واى بنت تانيه بتدخل الموضوع كمان بتستفيد

واى اخت عندها اى معلومات تانيه ياريت تدخل

ان شاء الله يكون الموضوع ده مرجع لكل البنات

واحنا وغيرنا نستفيد وفى ميزان حسناتكم جميعا

ان شاء الله هنزل الليله واشوف الخيط واكلمكم

[اشعار]

دعائى لك بالتوفيق ان شاء الله واكيد اخواتك المصريات مش هيسبوكى الا لما يفدوكى عشان انا حبيبتى مش مقيمه فى مصر ومعنديش اى فكره عن اى حاجه رغم انى مصريه ان شاء الله نشوف نشاطاتك الانتاجيه وبالتوفيق

[فرح الزهور]

دعائى لك بالتوفيق ان شاء الله واكيد اخواتك المصريات مش هيسبوكى الا لما يفدوكى عشان انا حبيبتى مش مقيمه فى مصر ومعنديش اى فكره عن اى حاجه رغم انى مصريه ان شاء الله نشوف نشاطاتك الانتاجيه وبالتوفيق

الله يسعدك ويفرح قلبك زى ما ردك فرحنى

ما نتحرمش منك ولا من دعائك الجميل

وان شاء الله ربنا يرزق الجميع ويفتح عليهم

[amira 59]

هو فعلا زي مااخواتنا قالو ان الشغل نفسه يفرض نفسه علىنوع الخيط
وحددي اولا نوع الغرزه المستخدمه وبعدين اختاري الخيط
والازهر فعلا يوجد فيه خيوط والموسكي

[amira 59]

هو فعلا زي مااخواتنا قالو ان الشغل نفسه يفرض نفسه علىنوع الخيط
وحددي اولا نوع الغرزه المستخدمه وبعدين اختاري الخيط
والازهر فعلا يوجد فيه خيوط والموسكي
وربنا يوفقك

[فرح الزهور]

هو فعلا زي مااخواتنا قالو ان الشغل نفسه يفرض نفسه علىنوع الخيط
وحددي اولا نوع الغرزه المستخدمه وبعدين اختاري الخيط
والازهر فعلا يوجد فيه خيوط والموسكي
وربنا يوفقك

تسلمى يا اميره

الله يعزك ويبارك فيكى يارب

مشاركتك اسعدتنى جدا والله

بنات انا بحجبكم جميــــــــــــــــــــــعا فى الله

[امال رفقي]

الأخت فرح
بالنسبة لشغل المفارش فأنا بأستعمل خيط الصيادين و بكون تخانته فتلة أو أثنين أو ثلاثة
و الفتلة الواحة يستعمل في عمل المفارش الفيليه الناعمة
و غالبا أنا بأستعمل الخيط ذو الثلاث فتلات
و أنا بأشتريه من منطقة الأزهر بسعر الجملة الباكتة فيها 52 شلة و الشلة الواحدة بتكون ب 50 قرش تقريبا و لو أشتريتيها
قطاعي بتكون ما بين 75 قرش أو جنيه ( حسب المكان)

و بالنسبة للبلوزات
فنوعية الغرزة هي اللي بتحدد سمك الخيط ( عدد الفتلات) و لو بتشتغلي من باترون فبيحدد نوع الخيط المستخدم
و سمكه و الكمية اللازمة
أتمني أن أكون أفدتك بشئ


الالسلام عليكم
انا طوال ال 20 سنه والحمد لله باستعمل خيط الصيادين البيج وبادخل معاه فتله رفيعة بتلمع
ومفارش بتستحمل والمفرش الواحد يباع بما يتراوح بين 30 و 35 جنيه ومن اشيك مايكون
وادخلي في صفحة
امال رفقي
هتشوفي العجب

[فرح الزهور]

الالسلام عليكم
انا طوال ال 20 سنه والحمد لله باستعمل خيط الصيادين البيج وبادخل معاه فتله رفيعة بتلمع
ومفارش بتستحمل والمفرش الواحد يباع بما يتراوح بين 30 و 35 جنيه ومن اشيك مايكون
وادخلي في صفحة
امال رفقي
هتشوفي العجب


يا ميت هلا بامال

اهلا يا قمر

انا فعلا بشوف شغلك وبيعجبى الله يعطيكى العافيه

طيب انتى بتبيعى اصلا ولا بتشتغلى بس؟؟؟

ربنا يكرمك يا حبيبتى