محتاجالكم.........2

[eman_for_allah]

السلام عليكم ورحمة الله وبركاته

انا اللى كنت كتبت لكم من يومين
بسألكم عن اول مقابلة مع العريس بيحصل فيها ايه
وايه اللى المفروض اعمله

قبل مااقعد معاه اخويا سأل عنه
وعرفنا انه هو الامام فى صلاة التراويح فى شهر رمضان فى جامع قريب منهم
وبيصلى الفجر يوميا غير التهجد

هو معاه كلية كويسة وبيشتغل فى شركة كويسة
واهله ناس كويسين جدا

انا قعدت معاه
وسألنى عن الكلية
وعن صلاتى
واتكلمنا شوية عن اخواتى

وهو كل حاجة فيه كويسة

المشكلة فيا انا

مش حاسة انى مرتاحة
وحاسة انى مخنوقة اوى من الموضوع ده


انا صليت استخارة بعد ماقعدت معاه
وحلمت ان اخواتى بيساعدونى ألبس علشان اخرج اقعد معاه اول مرة
وكنت بالبس فستان فرح

بس لما صحيت ماكنتش مرتاحة ابدا
وحاسة انى بجد مش متقبلة الموضوع ده

ومش عارفة اعمل ايه
وخايفة اوافق وانا مش متقبلة وارجع اندم

وخايفة مااوافقش وارجع اندم عليه

اعمل ايه انا محتارة بجد اوى
ومش عارفة اعمل ايه
ومحتاجالكم اوى

اهلى بيقولولى انى لازم اقعد معاه مرة تانية قبل الرد النهائى
وان اول مرة دايما الواحدة بتكون متوترة ومش بتقدر تحدد رأيها

انتوا شايفين ايه؟؟؟؟
اقعد معاه مرة تانية ولا كفاية انى مش مرتاحة وأنهى الموضوع خالص

انا والله محتارة
ومحتاجالكم
ماتسيبونيش لوحدى فى الموقف ده

[دعوه شخصيه]

اجلسي معاه مره اخرى وخليك طبيعيه حاولي تعرفي طبيعته
يمكن الي فيك مجرد قلق من المستقبل وكلنا مرينا فيها..
وتوكلي على الله..

[yomizo]

خايفه اقولك ان فستان الفرح علامة مش كويسه في تفسير الاحلام
ويكون العريس كويس فتتعلقي بكلامى ويطير منك
انصحك باعادة الاستخارة مرة اخرى واعادة رؤيته ايضا وربنا يقدم اللي فيه الخير
لكن لا تغصبي نفسك على حاجه انت مالكيش رغبة فيها ابداااااا
لان ابشع مافي الحياة هو النـــــــــــــــدم
ربنا يوفقك

[صدى الجرووووح]

انا مع اخواتي اللي سبقوني بالرد 000
استخيري اكثر من 7 مرات واجلسي معاه واذا ارتحتي انتي بنعم او لا تحددي مصيرك واتمنى لك التوفيق مع الزوج الصالح

تقبلي تحياتي

[فاطمة العايدي]

اعيدي الاستخارة مرة تانية وتوجهي الى الله بالدعاء ..
واجلسي معاه مرة تانية ..
الله يكتبلك اللي فيه خير الك في دينك ودنياك يااااااااارب ..

[مشاعل2007]

فية بنات يخافو يتزوجوا من الرجال اذا كان ملتزم يقولون معقد

نصيحتي لك راجعي نفسك وفتشي بداخلك اذا كان السبب التزامة بدينه ماانصحك ترفضيه ابد

اما اذا كان التزامه ما يشكل عندك خوف فنصيحتي ان تعيدي الاستخارة والجلوس معه واذا بقي عدم الارتياح

من الزواج فتركية وقلب المومن دليله والله يوفقك لما فيه خيرك في الدنياء والاخرة

[eman_for_allah]

شكرا جدا ياجماعة على اهتمامكم ده
والله انا فرحت لما لقيتكم رديتوا عليا
جزاكم الله كل خير
ادعولى من قلوبكم بجد

[إنجــــــــي]

حبيبتي ايمان
اول شي الحلم ليس ضروري تعلقه بالاستخارة

و بالنسبة لفستان الفرح في الحلم لو اكثر منن تفسير منها الجيد و منها السيء
هدا علاوة على ان ممكن يكون حلمك بالفستان مما يحدث المرء به نفسه
نتيجة لانك تفكري في موضوع الزواج

لدا انصحك بعدم الاعتماد على تفسير الاحلام ابدا

تانيا انت عندما تستخيري ليس من الضروري الراحة او عدمها لتحدد الموضوع

لكن ازا انت مش لاقية قبول منك و لو بدون سبب فانت غير مجبرة على الموافقة

لكن بما انك خايفة يكون رفضك بدون سبب

فلا مشكلة من ان تجلسي مع العريس مرة اخرى و حاولي هده المرة ان تستخلصي منه اكتر من المرة الاولى

قد تظهر لك المرة التانية امر لم تظهره لك المرة الاولى

او قد ترتاحين له اكثر خاصة بعد ان زالت رهبة و خوف الموقف الاول

جربي الجلوس معه مرة اخرى

فلن تخسري شيئا

و في النهاية لا تضغطي عل نفسك و تتعبيها فانت غير مجبرة على شيء

بالتوفيق ان شاء الله

و طمنينا عنك............

[angel_81]

حبيبتي ايمان استخيري ربنا تاني واقعدي معاه مرة تانية وتالتة كمان المهم انك تكوني رأي نهائي علشان مترجعيش تندمي ويا رب يرزقك بابن الحلال الصالح ميسور الحال اللي يسعدك دنيا واخرة ويرزقك منه بالذرية الصالحة الللهم امييييييييين

[سكره منوره]

عايزه اقللك على حاجه الاستخاره الرد بتاعها مش بيكون الحلم

الاستخاره بتكون ردها توفيق الامور من الله فبيكون معناها القبول

او تعقيد الامور فبيكون معناها الرفض

لان تيسير الامور من عند الله
ولان اغلب الاحلام فى الفتره دى بيكون احاديث نفس من كثر التفكير من الموضوع
ووساوس من الشيطان

انا على فكره كان عندى نفس موضوعك والله بالظبط وعملت استخاره وحلمت حلم جميل وكمان فسره لى مفسر احلام على انه قبول

بس لما سالنا عنه جت النتيجه مش كويسه

فمش شرط ان الحلم يكون نتيجه الاستخاره او يكون على الشخص دا نفسه

فاعيدى الاستخاره مره اخرى وتوكلى على الله وقابليه ثانيه

وفكرى فى الموضوع كويس

ومتخافيش من حكايه انك تقبلى بيه وبعدين تندمى
فتره الخطوبه دى بتكون للتعارف عشان تعرفى اخلاقه وطبعه

فتوكلى على الله وقابليه

وبالتوفيق ان شاء الله

[فدوة قلبك الطيب]

أجلسي معه مره ثانية وشوفي .. واكثري من صلاة الاستخاره واللي يقوله لك قلبك سويه ولاتترددين

[نداء الحياه]

وانا مع اخواتى اللى سبقونى بالرد

صلى صلاة استخاره تانى لحد 7 مرات

والله يوفقك

[نسمه الاسكندريه]

عيدى الاستخاره واقعدى معاه وبعدين عن الرسول عليه الصلاه والسلام ان اهم حاجه فى الزواج الدين والاخلاق وهو كما تقولين ما شاء الله عليه متدين ربنا يثبته ويثبتنا جميعا على الايمان والاخلاق اكيد انسان ملتزم هيكون عنده اخلاق ممتازه وانتى تقدرى تحددى اخلاقه من كلامه مهاكى فانا شايفه انا التوتر والخوف الى جواكى ده هيروح مع التعود عليه لان الكتير منا بيخاف من المستقبل والحاجات دى صلى تانى وتالت وكتير كمان واعطى لنفسك فرصه وليه هو كمان تكونوا واضحين شويه قدام بعض وبعد كده خدى قرارك وفقك الله يارب ونفرح بيكى قريب بالزوج الصالح

[hodo_78]

السلام عليكم يا ايمى
وراكى وراكى
عيدى الاستخارة

انا طفشت الخطيب
انا بقا قصتى قصة
تنفع تكون مسلسل
بس كلهم بيقلولى اصبري
والرجال كلهم طبعهم كدا
بس انا مش مستريح ليه
لان فى طبعوا شوية ديكتاتورية
وقلولى اصبري
وفى الاخر يعنى امبارح اديتوا الرد الاخير بالرفض
حتى لو فضلت طول حياتى لوحدى والله مش حندم عليه
لان مقتنع برفضى
وكمان عملت استخارة
والحمد الله عى كل حال

[ام سيف الجنابي]

اجلسي معه مره اخرى وربنا
يقدم الي فيه الخير
با لتو فيق ان شاء الله

[ام ايمان العسوله]

السلام عليكم ورحمه الله وبركاته
احم احم .............شوفى يا ايمان يا بنتى

ازيك يا امونه يا حبيبه قلبى بقيتى عروسه يا بيضه ............. شفتينى وانا عامله نفسى كلبره وبنصح

وحشاااااااااااااااااااااااااااااااااااانى اوى اوى والله

بصى بجد البنات كلامهم صح اعملى الاستخاره وربنا هيوفقك للى فيه الخير بدون الاعتماد على الاحلام

انا من اول مره شفت فيها زوجى والحمد لله قلت هو ده ههههههههههههههههه بجد والله (شفتينى وانا جامده )

لكن صليت الاستخارد حوالى اسبوع لغايه ما قرينا الفاتحه والحمد لله ربنا يسر وبجد حسيت بالتوفيق

فانتى يا حبيبتى صلى تانى وثالث وما تزهقيش وربنا يقدم لك الى فيه الخير

وبعد الاستخاره لو برده مش مرتاحه ما تفكريش فى الندم لان انتى عارفه ان الزواج نصيب

[mshmsha_88]

مش هاقدر أقولك أي حاجه غيييييييييييييييييير ........
انك تعملي استخاره كتير مع كل صلاه و تطلبي من الناس يدعولك ان ربنا يقدملك اللي فيه الخير و انا اول واحده هادعي بس ربنا يتقبل .............
لان الدعاء عن ظهر غيب بيتقبل بأذن الله ........
و اجلسي معاه مره و اثنان و ثلاث و ربنا يقدملك ما فيه الخير لدينك و نياك

[ماماحميدة]

السلام عليكم ورحمة الله وبركاته

حبيبتي ايمان

الامر طبيعي انك لا تتسرعي بالحكم علىالعريس من اول مقابله ,ورائي تشوفيه
كم مرة بحضور الاهل لتاخدوا اكتر فكرة عن بعض,واستخيري الله
وادعي بالصلاة اللهم اختر لي ولا تخيرني ,والله بيسهل الامر لو في نصيب
او العكس والله يوفقك وتاخدي القرار الصح ,وقلقلك شي طبيعي
((الي بدك تحيره خيره )) وخاصة بمواضيع الزواج رائي استخيري الله
واستشيري الاكبر منك ووسئله عنه وعن طباعه والله الموفق
وربي لو في نصيب يتتمم لك بالخير :)

[M!$$ : D!OR]

انا رايى انك ممكن تكونى متوترة اول مرة بس

بس اقعدى معاه مرة تانية

و ربنا بقدم لك اللى فيه الخير

وصلاه الاستخارة بتقول انه كوبس و انك تتقدمى على الموضوع

اقعدى معاه مرة تانية

و شوفى انتى حترتاحى و لا لا

[eman_for_allah]

اولا انا بشكركم بجد من كل قلبى على وقوفكم معايا فى الموقف ده

ثانيا..انا صليت استخارة كتير
ومرة حلمت انى بالبس فستان ابيض بس بعدها عرفت انه مش كويس فى الاحلام
وانا اصلا يومها قمت مش مرتاحة وقلبى مقبوض

تانى مرة صليت فيها حلمت ان انا فى بيت صاحبتى وكان فيه حصان اسود كبييييييييييييييير
وشكله مرعب جدااااااااااااااا وعينيه واسعة وهو ضخم وشكله بشع
كان الحصان ده عايز يدخل عليا انا وصاحبتى وانا وهى بنحاول نقفل الباب وهو بيفتحه من النحية التانية
وكنت انا بعيط جدااااااااااااااا وكنت خايفة يدخل عليا
وكل الصلوات اللى بعد كده بحلم بحاجات عادية او مش بحلم خالص
بس ولا مرة حسيت انى مرتاحة

الراحة الوحيدة اللى حسيتها كانت قبل مااشوفه واقعد معاه
على فكرة اول مرة قعدت معاه كان بيتكلم مع اهلى
وانا عينيا دمعت غصب عنى
وكنت مخنوقة جدا

انا اهلى مقتنعين بيه جداااااااااااااا
وبيقولولى بيته كويس وهو محترم ومتدين ومستواه التعليمى اكبر منى كمان
لكن انا بقول لهم طب وانا!!!!!!!!!!!!!! راحتى انا فين من ده كله؟؟؟؟؟؟؟؟؟؟؟!!!!!!!!!!!!!!!!!!
انا كان نفسى لما اقعد مع اللى متقدملى اول مرة اشوفه اقول
بسسسسسسسسسسس هو فعلا ده اللى انا عاوزاه
واحس ان ده فعلا اللى هاعيش معاه
واتخيل نفسى معاه لحد 30 سنة جايين
واقول ايوة هو ده يارب اللى انا عاوزاه وماكنتش احلم بأكتر من كده

انا عارفة ان ممكن تقولوا عليا سطحية وعايشة فى دور فارس الاحلام
بس لا والله انا مش سطحية بدليل انى مش عاوزة اوافق عليه
واعمل خطوبة وألبس فستان واجيب شبكة واعمل حفلة
لانى بجد لو سطحية هافكر التفكير ده وانى عاوزة افرح وخلاص

لكن انا بافكر فى بعدين
حاسة ان حياتى معاه هاتبقى حياة تقليدية وجافة
انا بقول لأهلى انه بالعقل كويس جدا
لكن مافيش مانع من شوية احساس حلوين من القلب

هو المفروض هاييجى تانى او تالت يوم العيد
ادعولى
وقولولى انا فعلا سطحية وتافهة زى مابيقولوا ولا لأ

[amora83]

السلام عليكم ورحمة الله وبركاته
لا طبعا يا ايمان ولاسطحية ولا احاجة تفكيرك كدة عين العقل انشاءالله ترتاحيلة المرة الجاية ودة اهم حاجة ممكن يكون زوج مستقبل بكل المميزات بس انتي ما مرتاحة ليهوا ودة اهم شي لانوا دة باقي عمرك
لا تتوقفي من الستخارة وربنا يعملك الفبهوا الخير

[hodo_78]

لالالالالالالالالالالالا
يا حبيبتى ايمى
مين قال سطحية
لازم انتى ترتاحى ليه
دا زواج يا حببتى
مرة فى العمر
وانا معاكى
لو مفيش قبول حتى لو كان مليردير مش اخد
حتى لو كان زى ما بتقولى متدين
والله اعلم
دي وجهة نظرى يا اموره

[eman_for_allah]

شكرا بجد على اهتمامكم يا جماعة

عمى كان عندنا من شوية
وقعد يقنعنى بالعريس
وقعد يقول لى اهم حاجة دلوقتى اهله وبيته وشخصيته وتعليمه وتدينه
وحكاية الراحة دى هاتيجى بالوقت
وبعد فترة طالما هايبقى خطيبى يبقى هارتاحله وهاحبه وهايوحشنى لما يتأخر عليا

ايه ده بقىىىىىىىىى؟؟
يعنى اربط حياتى بحياة واحد على امل انى فى يوم من الايام هــــــــــــــــــاحبه وارتاحله؟؟؟؟

ها ياجماعة؟؟؟؟
عقلى ولا قلبى؟؟؟
المنطق ولا الاحساس؟؟؟؟
انا عاوزة اللى مجربين يقولولى
وماتسيبونيش لوحدى ده اصعب موقف فى حياتى كلها

[ام ايمان العسوله]

السلام عليكم ورحمه الله وبركاته

شوفى يا امونه الى انتى بتقوليه ده عين العقل يا حبيبتى

وبجد هقولك ده بالظبط الى كان بيحصل معايا كل ما يجينى عريس مناسب وابقى فى نفس الصراعات مع ماما وبابا ويجيبو فى وسايط عشان يقنعونى

بقيت اقول لازم لما اشوفه اقول هو ده ...........طبعا بقو يضحكو عليا وفعلا صممت على راىى وكانت وجه نظرى زيك كده بالظبط مفيش حاجه اسمها الالفه هتيجى بعد كده الا فى حاله واحده بس ..............................انك ترتاحيله بس مجرد ارتياح تعرفى بقه ان دى الخطوه الاولى وان شاء الله البقيه تاتى

لكن لو مفيش ارتياح متحطيش امال انك هترتاحى بعد كده والكلام ده بس ده كله امته لما تقعدى معاه تانى وتشوفى ايه اخبارك

لكن يا حبيبتى دى مش سطحيه ولا حاجه خالص بالعكس ده عين العقل ودى بقولك تجربتى اهه

على فكره انا بعت رد قبل ده فى نفس الموضوع

وربنا يوفقك يا روح قلبى

لكن لو مش مرتاحه اوعى تخطى اى خطوه بجد مهما كانت الاغراءات لان انتى هتعاشرى شخص ومشاعر مش امكانيات

[بنت العز2]

الله يوفقك لما تحبينه وترضينه

[بنت العز2]

الله يوفقك

[eman_for_allah]

ام ايمان
شكرا على كلامك المريح ده

بس العريس اتصل امبارح وقال انه عاوز ييجى يقعد معايا شوية

وجه فعلا قعد معايا ساعة
وحاولت على اد مااقدر اقنع نفسى بيه
وانا مش لاقية فيه حاجة وحشة
وفى نفس الوقت مش لاقية الراحة اللى كنت بتمناها

واهلى كلهم مقتنعين
حتى اعمامى واخوالى وكل قرايبى مقتنعين وبيقنعونى
انا شكلى هوافق وخلاص

ده انا حتى صليت استخارة تانى بعد مامشى من عندنا
وقعدت اعيط اوى وانا بصليها
وصحيت من النوم مخنوقة

انا نفسى اعرف انا مش مرتاحة ليه
ده هو محترم وشكله كويس واخلاقه جميلة ومتدين وفيه كل حاجة اى واحدة تتمناها
انا خايفة وحاسة ان تحديد المصير حاجة صعبة اوى

ادعولى اقدر احدده ومااندمش على اى قرار

[إنجــــــــي]

اختي الحبيبة انت لا سطحية و لا شي بالعكس اياك تقبلي بالي شخص بضغط من اي احد الا ازا كنت مرتاحة له و مقتنعة فيه انت استني المقابلة التانية و ان شاء الله تعطيك الانطباع اللي ياكد شعورك سواء بالرفض او الايجاب اصيري شوية يمكن تتضح اشياء تغير مجرى الموضوع
بالتوفيق يا رب
و ربنا يسهلك امورك و يفرج عنك ويرزقك بالزوج الصالح اللي تحبيه و يحبك و يسعدك و تسعديه امين..........

[ام ايمان العسوله]

حبيبتى ايمان انا حاسه كده انه انا غيرت وجهه نظرى للموضوع

الموضوع شكله كده انك من النوع القلوق الى بتقلقى حسب اهميه الموضوع الى امامك يعنى ممكن انتى عشان عارفه انه موضوع مهم جدا واهم موضوع ومصيرى وهيتوقف عليه كل حياتك الجايه و.........و.... فقلقانه اصلا يعنى ممكن يكون القلق مش من الشخص ممكن يكون القلق عندك انتى اصلا من الموضوع ومن اتخاذ القرار

فبصراحه انا رايى انك طالما ان انتى بعد ما قعدتى معاه تانى شيفاه كويس يا حبيبتى يبقى انتى اصلا قلقانه من اهميه القرار وانا اعتقد انه التفكير فى الخوف من الندم و الحاجات دى نتيجه قلقك برده من اهميه القرار يعنى الموضوع كله بعيد عن الراجل خالص

ومتهيالى كده انك المره دى مرتاحه شويه اكتر من المره الى فاتت

واخيرا يا ايمان هقولك على حاجه بصى يا حبيبتى طالما انه انتى صليتى الاستخاره وافقى واذا خير والله ربنا هيوفق على طول واذا مش نصيبك هتلاقى اى حاجه حصلت وفركشت الموضوع اصلا لان انتى طلبتى من ربنا انه يختارلك ويدلك وصدقينى ربنا هو الى هيوجهك سلمى بقه امرك لله واعقدى نيه التوكل على الله بجد وهو ان شاء الله هيكون حسبك وسيبى الامور تمشى على ىحسب تيسير ربنا يا روح قلبى

لو انا مكانك هعمل كده بجد طالما انك تحسبيه انسان كويس وانتى عارفه ان الاشخاص الكويسين قليلين اوى اليومين دول يا حبيبتى

واخيرا بعد ما طولت عليكى اوى ربنا يوفقك يا حبيبه قلبى وييسر امورك للخير يا رب

[noran5]

السلام عليكم ورحمة الله وبركاته


حبيبتي الغالية
ايمان

كل عام و انت بألف خير يا فتاتنا الواعية
أسأل الله ان يعيده عليك في العام القادم و انت في بيت الزوجية


غاليتي .. لا يوجد اي علاقة بين الحلم و الاستخارة
انما أنت وكلت أمرك لله كي يسهل لك الخير و يرضيك به
و ان يبعد عنك الشر و يبعدك عنه .. فقط لا غير

و من المؤكد أنك لست تافهة و لا سطحية على الاطلاق
و ما تبحثين عنه من راحة لهذا الشخص هو احد شروط الزواج يا غالية

وهو الشعور بالقبول \... شعور لا يأتي بتخطيط مسبق منا و لا لأسباب مادية
من الشكل أو الوضع الاجتماعي
انما هو شعور يضعه الله سبحانه و تعالى في قلبك و نفسك
نحو الشخص المتقدم لك لكي تتم ارداته فيحدث النصيب

و بما انك لم تشعري بهذا الشعور
فلا تتخذي اي خطوة ... لا للأمام و لا للوراء
و اعطي نفس فرصة جيدة للتفكير

و اطلبي من والدك أن يسمح له بزيارتكم مرة أخرى
اجلسي معه في وجود محارمك و بكامل لباسك الشرعي
و تبادلي معه الحوار في المواضيع العامة و الخاصة أيضا
بكل تهذيب و احترام

و لكن أوصيك غاليتي .ان تفصلي بين الشعور بعدم الراحة لهذا الشخص
و الشعور بالقلق من تحديد المصير
فكلاهما يؤديان الى نفس النتيجة من التوتر و الضيق
و لكن الفرق ان الاحساس الأول نابع من عدم ارتياحك للشخص نفسه
اما في الحالة التانية
فانت راضية عن الشخص و لكن خائفة من اتخاذ قرار مصيري

اجلسي مع نفسك و تأكدي من مشاعرك

ثم اتخذي قرارك

و لا تكفي غاليتي عن الدعااااااااااااء
بأن يعينك الله و أن ينير لك بصيرتك

أسأل الله ان ينير لك بصيرتك
و يهديك لما فيه خير الدنيا و الآخرة



موفقة حبيبتي

[yehia2007]

انا عايزه اقولك برده ان فستان الفرح فى الحلم معناه مش كويس
بس لازم تقعدى معاه مره تانيه وتتأكدى من احساسك
وادعى من ربنا اللى فى الخير يقدمه واذا فى شر يصرفه عنك

[al_mohajjer]

أنا من رآي انك تتوكلي على الله و توافقي
لانه كما قلتي انه كويس و ملتزم و طبعاً اخواتك سألو عنه كويس... فتوكلي على الله
و الامر الذي اخشاه انك تكوني خايفة انه يحاول يشدد عليك و يجعلك ان تلتزمي بالدين اكثر .. ففكري مع نفسك
و اذا وجتي نفسك تحبي ان تلتزمي اكتر .. فتوكلي على الله .. اما اذا شايفه انك لن تستطيعي ان تكوني زوجة لانسان ملتزم
فانصحك بالا توافقي على الزواج .. وان تنتظري الشخص المناسب .
و الامر الاخر احتمال ان تكوني متردده وهذا التردد مر بكثير من الناس المقبلين على الزواج وذلك لاحساسهم انه يمكن مكنش مبسوطه معاه او يمكن يتقدم حد احسن منه ... واقول لك اذا لم تعرفي سبب معين لرفضك فانصحك ان توافقي و توكلي على الله

[eman_for_allah]

من نحية الالتزام فيمكن دى اكتر حاجة عاجبانى فيه
انا كنت طول عمرى بتمنى ان ربنا يرزقنى بواحد يراعى ربنا فيا
ويقربنى لربنا اكتر واكتر

بس الحكاية ان قلبى مقبوووووووووض
مع انى اخدت قرارات جادة قبل كده
لكن المرة دى حاسة بخوف وقبضة
ومش متخيلانى معاه

على فكرة المفروض ان والدى هايرد عليهم بكرة
وهو مستنى انى ارد عليه بكرة الصبح
ادعولى ربنا يهدينى للصواب

[al_mohajjer]

ان شاء الله يلهمك الرآي الصواب

ويسعدك في الدنيا و في الآخرة

[سـمـر]

فستان الفرح بالحلم مو كويس
وطالما انتي جلستي معه وما ارتحتي فخلاص انسي الموضوع وبدون ندم لان ربي اعطاكي اشارتين
الحلم وعدم الراحه
وانا من رايي انك ما تكشفي عليه المره الثانيه عشان هو ما يتأمل خير وانتي مو مرتاحه
الراحه تكون من اول مره المفروض يعني مو محتاجه تعطيها فرصه ثانيه
والله يعوضك خير

[hodo_78]

السلام عليكم
ايمي

طمنينى ايه اخر الاخبار يا اموره
الرد كان ايه
يارب يسعدك يا ايمى