شو رايكم بهالنوع من الرجال ( أرجو المشاركه )

[الحائره2007]

السلام عليكم
أخباركم ؟ :):):)

بغيت آخذ رايكم بالرجل اللي إذا عطيتيه اهتمام زايد تلاقيه يهرب منج q)
واذا ما عطيتيه فيس تلاقيه يركض وراج :confused:

والله مستغربه من هالحاله

يعني يا هو يعطي بس أو انتي وبس ( عطاء من طرف واحد )

انتظر تعقيباتكم وردودكم :III:
لا تخلوني انطر وايد:)

[(نعمه)]

والله شئ يحير ...لاتعليق لدي

[الحائره2007]

مشكوره نعمه على المرور الجميل

الباقيين
وييييييييينكم خاطري اعرف اذا في احد مثلي

[هدويا2008]

اي والله ها الرجاجيل غريبين احسنشي الواحد مايعطيهم وجه !!!!

[wafa75]

لا تعطيه وجه خليه هو يلحق وراكي مدام هو يبغى كذا

[ام خالد*]

صدقتي الرجال ساعات يحبون اللي تمشي بعكس رغبتهم و يقدرونها
و اللي تنفذ طلباتهم بسرعه يملوون منها ,,
شكرا حبيبتي

[عابرة الدنيا]

صراحة الكل عطية وجه الا الرجال وخاصة الزوج لاتعطينية

لاني تركيبة عقولهم ما ادري كيف جايية!!!!

[دعوه شخصيه]

اختي الغاليه الحكايه مو حكايه فيس
الرجل مايحب الحرمه القرقاره حاولي تحتفظين بعض الامور لنفسك يعني
لاتكونين لينه فتعرين ولا قاسيه فتكسرين..
الوسط حلو..
وهذا ينفع مع غالبيه الرجال ولا اقصد اشباه الرجال..
تقبلي مروري اختي..
واذا تبين توضيح اكثر اوضح..

[مدام الهاشمي]

احسن شي المراة تعطي قيمة لحالها و يجري هو احسن ما تجري هي حتى لو كان غالي عليها

[فدوة قلبك الطيب]

أقول لكم شيء بس ماحد يقوم عليه...هههه انا كذا بس مو مع الكل يعني مع بعض الناس...انت ماسمعتي حامد زيد اش يقول .. يقول .. صد عنه ويتبعك مثل الضرير.. لله درك ياحامد

اختي انا بقول لك ليه انا اسوي كذا يمكن تكون الاسباب نفس اللي عند زوجك
انا اذا كنت احب انسان بقوه وتقرب مني هو مره احس اني ححبه اكثر وفجأة افقده عشان كذا ابعد عنه واحيانا ابين له اني اكرهه عشان يبعد عني واذا فقدته مااحزن عليه مع اني مهما سويت اموت عالتراب اللي يمشي عليه
ومع البعض يعني من زميلاتي تكون يادوب علاقتنا بدأت وتلاقينا مرررره قريبة مني بقوه وكل اسرارها تقولها لي واحنا ماصار لنا وقت نعرف بعض فهذي احسها مجاملة واحاول ابعد عنها واذا وخرت هي اعرف انها غير عن كذا ونرلاجع اصحاب بجد.. وترجع لي نفس الحالة اللي فوق.. ابعد عنها عشان ماخسرها واحزن عليها يمكن هذا خوف من المستقبل او عدم رضاء باللي الله حيكتبه.. مادري والله لكن الله يعينك ويوفقك بس والله تاكدي ان هذا الشيء اللي يسوية زوجك من قوة حبه لك والله العظيم صادقة مادام لما تبعدي عنه يقرب فهو يحبك..الله يسعدك يارب ولايغير عليك..

[الحائره2007]

مشكوووووووورين جميعا على مروركم الطيب
تقريبا كلكم نفس الافكار
الله يعينا ونفهم هالرياييل

[rodana]

احسن حاجة مع النوع دا ان الست تكون بتهتم بيه لكن بعقلانية ورزانة
وتهتم وقت ما يحتاج الاهتمام وتبعد وتتقل قبل هو ما يفكر فى دا

[منطقية ولكن]

كلامج صح بس صدقيني مش كل الرياييل نفس الشي و الله الحمد لله على ريلي فيه كل المواصفات الا شي واحد ههههههههههههههههههههه