إلى أخواتي السوريات [الأرشيف]

فائزة

01-10-2007, 12:48 PM

السلام عليكم

مباركة طاعتكم

واهلا بكم جميعا

اردت ان اسال عن عجينة ابو اللبن كيف تستعمل

وشو الوصفات اللي ممكن نستخدمها

وشكرا لكم غالياتي

Rino

01-10-2007, 05:15 PM

عزيزتي عجينة أبو اللبن في منها أنواع منها الرقائق الهشة و منها العجينة الهشة و منها رقائق الأوزي و منها عجينة الشعيبيات
لكل وحدة استعمال
طبعا رقائق الأوزي تستعمل للأوزي و للبرك بجبنة أولحمة و بعض الناس جربوا يعملوا منها بقلاوة بس أنا للبقلاوة ما عجبتني
الرقائق الهشة بتكون عبارة عن عبوة فيها أربع مستطيلات فوق بعض و هي ما يسميه البعض عجينة البف ممكن أنك تعملي منها الحلويات متل الميل فيي و ممكن تبتكري منها أفكار تانية بحشوات مختلفة و لا يستخدم هاد النوع للقلي بس تشوى بالفرن
العجينة الهشة عبارة عن علبة كرتون فيها كيس فيه اسطوانتين من العجين بعد ما تستعيد العجينة طراوتها ممكن تتفنني فيها و تعملي فطيرات تفاح أو برك بجبنة و ما شابه أو فطيرة الدجاج و مجال الابتكار فيها واسع كتير و كمان لا تقلى بس تشوى بالفرن
بتمنى كون جاوبت على تساؤلاتك و أي سؤال أنا بالخدمة