الى الطبيبات واصحاب الخبرة

[sefo2]

السلام عليكم ورحمة اللة وبركاتة
أخواتى العزيزات وطبعا الطبيبات خاصة الدكتورة لولا اللى تعبانة معانا ربنا يجعلة بميزان حسناتها ويرزقها الذرية الصالحة
عندى سؤالين الاول : ماهى أعراض التهابات الحوض وأسبابها وما مدى خطورتها
السؤال الثانى : احدى صديقاتى كانت تاخد الكلوميد الشهر الماضى ولم يحدث حمل المفروض تاخدة لمدة 3 شهور وبدأت بافعل فية هذا الشهر من تانى يوم للدورة لمدة 5 ايام لكنها اليوم شعرت بأعراض التبويض والمفروض غدا أخر يوم للكلوميد فهل هذا فعلا تبويض وهل ممكن تخف الجرعة الشهر القادم لقرص واحد باليوم ولا فية خطورة
أشكركم جدا لآهتمامكم وربى يرزق الجميع الجميع الذرية الصالحة

[ملاك لبنان]

ان شاء الله الدكتورة لولا واللي عندهم خلفية عن الموضوع يردوا عليكي عزيزتي

[DR_LOLA]

حبيبتى sefo اولا جزاكى الله خيرا لدعوتك الحلوه ربنا يسمع منك اللهم امييييييييين
بالنسبه للالتهابات
فى نوعين من الالتهابات
1-التهابات سفليه او خارجيه التى تحدث فى الاعضاء التناسليه الخارجيه ووممكن يكون سببها فطريات اوطفيليات واحيانا بكتريا
اسبابها: -الحمل- مرض السكر- استخدام اللولب او حبوب منع الحمل واى سبب لنقص المناعه مثل استخدام المضادات الحيويه لفتر طويله
الحقيقه دى علاجها بسيط ولا توجد منها خطوره ان شاء الله
2-الالتهابات فى الاعضاء التناسليه العليا او ما تسمى بالتهابات الحوض
هى التهابات تحدث فى الرحم وتجويفه
فى قنوات فالوب
فى المبيضين والاغشيه المحيطه بكل هذه الاعضاء
اسبابه: -استخدام اللولب
-عدوى الامراض المنتقله جنسيا زى الزهرى وغيره
-استخدام الالالت او عمليات فى الرحم مثل بعد عمليه اجهاض او ولاده
-وجود التهاب فى مكان اخر قريب مثل التهاب الزائده الدوديه
-وطبعا احيانا فى بعض البكتريا فى المهبل ممكن تنتقل الى اعلى للرحم والانابيب واشهرها الكلاميديا
chylamidia و gonorrhea
خطورتها: اول خطوره ليها انها فى اغلب الاحيان مزمنه يعنى ليس لها اى اعراض وبالتالى لا تاخذ المريضه اى علاج وده يودى الى العديد من المشاكل
طبعا التهاب الرحم يحدث فى التصاقات ويمنع الحمل
كمان التهاب قنوات فالوب يودى الىامتلائها بالصديد او انسدادها تماما وده يمنع وصول البويضه الملقحه الى الرحم
التهاب الاغشيه المحيطه بهذه الاعضاء ايضا يودى الى العقم لا قدر الله لانه بيمنع حركه قنوات فالوب لنقل البويضه
زى ما قلت فى الغالب لا توجد لها اى اعراض وتكتشفها السيده بالصدفه عند حدوث تاخر فى الانجاب وعمل اشعه بالصبغه او منظار رحمى او البطن
عافاكى الله وعافنا ان شاء الله

السوال على الكلوميد
القاعده انى بابدا بقرص واحد 2 يوم الدوره ولمده 5 ايام مع متابعه التبويض من اليوم العاشر
لغايه مايحدث التبويض فى بعض السيدات يحدث بدرى جدا فى اليوم 11 او 13 وفى البعض الاخر يحدث 15 او 17 وعلشان كده مهم جدا متابعه التبويض ةاحيانا اخذ الابره التفجيريه والتاكد بعده من خروج البويضه ان شاء الله وينصح بالجماع بعده ب36 ساعه ان شاء الله او اقل
ان لم يحدث حمل ممكن نزود الجرعه الى 2 قرص يوميا 100 مجم بنفس الخطوات
ويفضل عدم اخذ كلوميد اكثر من 3 شهور متتاليه يعنى تريح شهرين وممكن تبدا الكورس تانى ان شاء الله
بالنسبه لسوالها هل هذا فعلا تبويض لا اعتقد هى تعتبر فى مرحله الخصوبه من زياده الافرازات وغيره اما التبويض يحدث بعد اخر قرص للكلوميد ب4 ايام على الاقل
ارجو انى اكون افدتك واى سوال انا موجوده ان شاء الله

[sefo2]

أشكرك يا دكتورة لولا على ردك وربنا يجازيكى عنا خير بس عندى استفسار تانى معلش اعراض التهاب الحوض اية ؟
انا عندى ألم بس مش جامد من اسفل البطن حاسة زى ماتكون فى حاجة بتشد بطنى لتحت نفس شعورى أخر فترة الحمل تقل بيشد البطن لتحت بس مافيش التهابات ودى بعرفها لما الاقى فى ريحة وافرازات ودا مش موجود الحمد للة
ورحت لدكتورة هنا ادتنى مسكن فقط ومعملتش سونار ولا حاجة وقالت دا ممكن يكون برد بس ميتهيأليش اول مرة تحصلى طبعا بعد الحمل فهل دى فعلا التهابات فى الحوض ؟؟
معلش انا اسألتى كتير بس طماعة شوية هههههههههههه

[DR_LOLA]

حبيبتى اسالى براحتك وان شاء الله خير مش توسوسى
على العموم فى نوعين من التهابات الحوض
1- الحاده acutePID
ودى اعراضها الام شديد اسفل البطن وبيزيد مع فحص عنق الرحم
زياده فى درجه حراره الجيم اعلى من 39 مع رعشه
ممكن يكون فى افرازات صديديه من المهبل او حتى نزيف على فترات
احيانا يكون مصاحبا بامساك او الم اثناء التبول
معظم الاعراض دى بتكون اثناء الدوره او بعدها
2- المزمن Chronic PID
-تاخر الانجاب
-الم شديد اتناء الدوره او عند الجماع
الم اسفل البطن مع افرازات
وعموما الحاله العامه للجسم غير جيده
عافاكى الله يا SEFO ان شاء الله
بعد الشر عنك

[sefo2]

اشكرك جدا يا دكتورة لولا الحمد للة معنديش اى من الاعراض غير الم البطن بس لكن ولا افرازات ولا الم اثناء الجماع والم الدورة عادى
ربنا يكرمك ويطمنك زى ما طمنتينى

[نورلؤي]

ماقصرت الدكتورة بردها حبيبتي

[sefo2]

مشكورة نور على مرورك فعلا الدكتورة لولا ما بتتأخر على حد تستاهل كل خير اللة يعطيها ما تتمنى

[lanazn]

سلامتك سيفو ....

والله انا شخصيا استفدت كتيرمن اسئلتك :)

[~lulu~]

ماقصرت لولا عسى الله يرزقها من باب واسع يارب :)

[DR_LOLA]

sefo العفو حبيبتى وان شاء الله دائما مطمئنه وشكرا لدعواتك

لولو جزاكى الله خيرا يا قمر ربنا ميحرمنى من دعواتك الحلوه اللهم امييييييين