بليييييز المكدوس

[الكشميرية]

مرحبا حبيباتي يافنانات المكدوس والمخللات
عملت مكدوس من تلات ايام واليوم لما جيت ادوقه طلع مالح كتييييييييييييييير ويابس ففي حل بقدر اعمله ولا الطعم رح يتغير ولا راحت علي واكبهم :K):(:(:(:(:(:(:(:(:(

[الكشميرية]

بليززززززززززززززززز حدا يرد ولا على وجه الحزينه سكرت المدينة

[وعود الخير]

ليش بس هالكلام يا اختي
انت قولي لنا عن الخطوات التي اتبعتها حين قمت بعمل المكدوس كي نعرف اين كان الخطأ وما السبب في كونه يابس
وبعدين المكدوس عادة يترك مدة اسبوعين كي يتخمر جيدا وكلما ترك اكثر كان الذ واكثر طرواة

[جوري22]

صح كلامك وعود الخير

[الكشميرية]

شكرا كتير لردودكم رح استنى واشوف ازا طري او لا لانه لسا ما اله اسبوعين بس بالنسبة للملوحة في طريقة اخففها ولا خلص؟ وانا ما اتبعت طريقة معينة زي ما تحكي لملمت من هون وهون ويمكن اني ما سلقته منيح !!؟؟ صح؟ لاني لما اجيت احط فيه الملح كان لسا من جوا ابيض

[لبنان وحبايبه]

أختي انا أظن انه لازم تغيري الزيت كل اسبوع إلى ان تصلي للنتيجة المطلوبة والزيت يلي بتغيريه تقدري ترجعي تستعمليه في اشياء ثانية..

ولو حد من الاخوات تعرف حل تاني اكيد ان شاء الله حتقولك.

[الكشميرية]

شكرا حبيبتي ورح اجرب ان شاالله

[روح000]

اختي الملح مااضن بالزيت الملح الزايد في الباذنجان او في الحشوة الي خليتيها
انا قبل فترة عملت مكدوس وصار مالح خرجتوا من الزيت وفتحت كل باذنجانة على حدى ورشيت بداخلها قليل من الليمون دزي ( ملح الليمون ) ورجعتوا بالعلبة وخليت نفس الزيت عليه وبعد عشرة ايام صار طعمو يجنننننننننننن والحمض غطى عالملح اللي فيه

وان شاء الله اكون افدتك

تحيااااااااتي

[وعود الخير]

قد يكون السببت عدم السلق لفترة كافية
اما حكاية الملح فاظن ان طريقة الاخت لبنان وحبايبه معقولة
اما فكرة الاخت روح فاشكركها عليها لاني اول مرة اسمع عن هذه الطريقة

واهلا وسهلا بك في اي استفسار

[الكشميرية]

يعني هيك حيرتوني بس لا ما رح احتار كتير لانه اسال مجرب ولا تسال حكيم فراح اغير نص كمية الزيت واحط ليمون في الباذنجان وعندي احساس انه رح يزبط ان شا الله بس اغلبك اختي كم كمية اليمون او ملح الليمون اللي احطها

[روح000]

الكمية قليلة جدا يعني ترشي بايدك حبات قليلة على الباذنجانة الواحدة فقط واي استفسار انا حاضرة
حبيبتي