اريد معلومات عن البوتوكس

[halahsalah]

السلام عليكم
بس حبيت أستفسر عن البوتوكس للي عنده معلومات عن تكلفته يعني ممكن متوسطين الدخل يعملوه وكم تدوم فعاليته على البشره واعراضه الجانبيه وهل صحيح انه يخلي شكل الوجه مثل كأنه واحد مستغرب او مصدوم وهل يحتاج لعده جلسات وشكرا

[موعوده]

السلام عليكم
صديقتي دايما تاخذ إبر البوتكس في وجهها لأن عمرها فوق الاربعين والتجاعيد ابتدت تصير واضحه وما شاء الله وجهها مثل البدر وتعطينها عمر بالثلاثين للعلم إن بنتها متزوجه وهي جده بس ما يبين عليها اللهم لا حسد وبصراحه هي مكلفه شوي بس أنصحك تروحين عند إخصائي حتى لو كان السعر غالي لأن الغش صار في كل شي هالأيام وتقريبا كلفها 300 دينار وفترته أقل شي 6 شهور وبالعكس الوجه يكون طبيعي وجميل

[halahsalah]

شكرا اختي موعوده كلامك مشجع وامي اقتنعت فيه

[لندى]

اخواتي انا سمعت ان ابرت البوتكس محرم لانه يدخل لداخل الجسم ومضر جدا
يمكنك ان تستخدمي البديل مثل الكريمات او الخلطات ضد التجاعيد والاهتمام بنظافة الجسم

[halahsalah]

؟؟؟ايش علاقه النظافه بالتجاعيد بعدين انا سمعت انو الكريمات تزيل التجاعيد الخفيفه بس ومش العميقه وانا ما اعتقد انها محرمه لانها مؤقته مش أبديه استفسري عن الموضوع واكيد كل شي مش طبيعي مضر شكرا اختي

[منوله33]

والله انا سألت الدكتور اللي اسوي عنده جلسات الليزر لوجهي

قالي انه يسويها بمناطق التجاعيد فوق العين والجبين والخدود والرقبه

وانه نتائجها مضمونه ويبدأ مفعولها بعد اسبوع من اخذها ويبقى الوجه مشدود ومدور

كانه وجه بنت في العشرينات وايضا غير مكلفه الاربه تقريبا ب1500 ريال
بس حلو اللي فوق الاربعين زي ماذكرت الاخت

اتمنى اني افدتك ،،

بالتوفيق

[emas7070]

اتمنى لكي التوفيق ولكن اتاكدي انا الشي الا تدخل في موادحافظه لهل اضراره والله اعلم

[طفلة المطر_2007]

مساء الخير أختي الغالية بأختصار وبكل أمانة راح أقولك نصيحة وأعتبريها من أخت ورب البيت الشريف إنو ألبوتكس يسبب سرطان في الشريان والدليل بنتى عمي وربي صارت تبكي دم وندم خسرت
فلوسها وصحتها وزوجها ومستقبلها عشان حاجة تافه في البداية ماحست شي لاكن بعد ثلاث جلسات
بدت تتعب وربي كانت ملكة جمال وكانت مشهورة بجمالها والكل يحكي عنها لاكن الحين وربي محد صار يقدر يتحمل يشوف وجهها حتى زوجها تزوج وحده غيرها وهاذا كله عشان البوتوكس صدقيني لو عدتي حساباتك راح تعرفين أنو مايستاهل تخسرين صحتك عشان جمال زائف دوري خلطات طبيعية وأنا اسفه إذا طولت عليك لاكن أنا بعد ماشفت بنت عمي أخذت وعد على نفسي إني أنصح كل وحدة تستخدمها في حفظ الله باااااااي

[بدويه وكلي شموخ]

هلا اختي
شوفي بصراحه واجد من البنات استخدموها والبعض ماصار له ضرر والبعض الاخر صار له بلاوي اللهم عافنا مما بلاهم
يعني على حسب الوحده فيه ناس عندهم قابليه للامراض الخطريه من اي كائن غريب يدخل بجسمه مثل البوتكس
يعني مو تشوفين ناس استخدموها وماصار لهم شي تقومين تسوينها يمكن ماتكونين نفسهم ويكون عندك قابليه للامراض << بعيد الشعر عنك انشالله
بس حبيت اوضح لك عشان ماتقولين ان فيه ناس استخدموها وماصار لهم شي وتخلينهم قدوتك
مع العلم اني مو ضد البوتكس يعني اشوفه مفيد لكن بنفس الوقت مغامره لانه ممكن يتحول بلحظه من افاده الى هدم للحياة والراحه النفسيه
واتمنى اكون افدتك
دمتي بود

[halahsalah]

بصراحه انا قبل فتره كنت اقنع امي بالبوتوكس لكن بعد هالكلام أعوذ بالله يمكن لازم ينعمل البوتوكس بعيادات مشهوره عشان يكون أقل خطوره ما بعرف بكل الاحوال (شو فيها التجاعيد) عالطبيعه كلشي أحلى شكرا لكن جميعا

[pinkyba'aah]

بصراحه انا قبل فتره كنت اقنع امي بالبوتوكس لكن بعد هالكلام أعوذ بالله يمكن لازم ينعمل البوتوكس بعيادات مشهوره عشان يكون أقل خطوره ما بعرف بكل الاحوال (شو فيها التجاعيد) عالطبيعه كلشي أحلى شكرا لكن جميعا


ههههههههههههههههههههههههههههههه

انا لا انصح به لان ملامح الوجه تختفي
يعني الضحكه و الابتسامه و البكاء و الغضب

كله نفس الشكل
ws:-)