كل بنت لسه متخطبتش وكل عضو لسه مخطبشى بألأخص...والباقى يدخل يتفاعل معاهم ...تعالواااا

[فتاه تحب الله]

على فكره انا اول مره اكتب موضوع واتمنى انكم تتقبلوه ولا تفهمونى غلط .
والموضوع دا انا هكتبه لأنى نفسى بجد اعمل حاجه تفيد نوعيه تانيه غير المخطوبين والمتجوزين والامهات.
تفيد الشاب والفتاه لانى وجدت إن المنتدى اكتر فئه مستفيده منه هم المخطوبين والمتجوزين
ياريت لو كل عضوه وعضو يدخل يكتب
هو من اى دوله ؟
عندك كام سنه؟
مواصفات فتاة او فتى احلامك ايه ؟من كل النواحى الدينيه والماديه والعمليه والجنسيه .
ايه المشاكل اللى بتقابل كل عضو او عضوه فى اى عروسه او عريس بتشوفوا ؟يعنى ليه انتى رفضتى عريس؟ وليه انت رفضت عروسه ؟
وياريت لو كل السيدات اللى فى المنتدى والرجال اللى ربنا كتبلهم واتخطبوا او اتجوزا يقرأوا الموضوع وطبعاّ انا مش هؤلهم يعملوا ايه ....
اخواتى المشرفات المحترمات والقديرات ارجوا منكم عدم غلق الموضوع و مش بقول الموضوع مينغلقشى لمجرد انوا موضوعى وعاوزه الاقى قبول بيه او اى نيه اخرى والله اعلم بنيتى انا ارجوا الخير فقط لكى ادعوا لكل شاب وفتاه بالازواج الصالحه والازواج والزوجات الصالحين يدعوا لهم
بمعنى لو كل عضو وعضوه دعوا لأخت واخ من الاخوان انهم يرزقوا بالزوج الصالح يعم الفرح على المنتدى كلوا وعسى ان يتقبل ربنا دعوتنا .

[M!ss Mahy]

موضوعك بصراحه ممتاز اوى و عجبنى جدا بس انا مش عارفه اذا كان فيه رجال كتير فى المنتدى ولا ايه
انا شايفه ان البنات هما اللى كتير اوى
عموما انا حرد علي اسئلتك و جزاكى الله كل خير

انا من مصر-اسكندريه
18 سنه و نصف و اتم 19 يوم 11/12 ان شاء الله فى كليه علوم جامعه الاسكندريه
مواصفات فتى احلامى انه يكون رومانسى و شاعرى وطيب بس فى نفس الوقت شحصيته قويه ومتفاهم ومش ديكتاتورى يخاف على مشاعرى اوى ويكون مستواه العلمى كويس اوى عشان نقدر نتفاهم مع بعض ومستواه
المادى كويس عالاقل عنده شقه يعنى وطبعا المسئله الماديه مش مهمه للدرجه
ويكون دينيا كويس ويعرف ربنا ويراعى ربنا فيا ويراعى مشاعرى طبعا لانى رومانسيه اوى ويكون من اصل طيب طبعا
طبعا عارفه انكوا بتقولوا ولا فى احلامى ههههههههههههههه بس ياعالم

[بنت بنوت]

انا مش موافقة علي الموضوع

لان احنا احنا ضد الاختلاط بين الجنسين يا ختي يا ريت بلاش الموضوع دة

[فتاه تحب الله]

mahy

حلوه اوى الموصفات اللى انتى طلباها :)وانشاء الله ربنا يديكى اللى نفسك فيه وهى مش احلام الحمد لله لسه فى بلدنا شباب كويسين وعارفين ربنا وبيراعوا ربنا فى زوجاتهم وخطيبتهم بس ممكن تتنزلى شويه عن موضوع انوا يبأ عندوا شقه تمليك ممكن تعذرى شاب لسه ربنا مرزقوش بحاجه ديمه ليه يعنى لو جالك عريس مش عندوا إلا شقه ايجار وفيه بقيت المواصفات اللى انتى نفسك فيها استحملى واوعى ترفضى:[]L. يارب اكون ادرت افيدك يا جميله .
بس بدام انتى فى الكليه لسه نصيحه منى ليكى خدى بالك من نفسك اوى طبعاّ انتى فهمانى انا ااصد ايه وادعى ديماّ ربنا يرزقك الزوج الصالح اللى انشاء الله تكونى انتى كمان فتاة احلامه .
انشاء الله انتى من البنات اللى انا هدعيلهم يا ماهى جزاكى الله خيراّ
يارب يارب يارب ارزق ماهى وكل البنات الزوج الصالح اللى تتمناه اؤلى اميــــــــــــــــــــــــــــن


بنت بنوت

ماشاء الله شدنى جدا اسمك الناعم الجميل:)
ولاكن اخت وحبيبتى انا ضد الاختلاط وإلا ماكنتش دخلت المنتدى دا:[]L انا اكتر حاجه عجبانى فى المنتدى انوا مش فيه اختلاط ودا اللى خلانى ادخل عليه انا عمرى ما دخلت منتديات ابل كدا دا اول واخر منتدى انا ممكن ادخلوا .
وبعدين كل المواضيع المطروحه فى منها ردود من رجال هل معنى كدا ان فى فى المنتدى اختلاط يعنى انتى مفيش اختلاط بينك وبين اى رجل ولا حتى انا ....انا بس هدعى للى يدخل ولو فى حد عاوز فتاة احلام خياليه انصحوا:[MM يتنازل شويه ولو البنت عاوزه فتى احلام خيالى :[MMانصحها بردوا
ياريت تكونى فهمتينى صح
طبعاّ انا معاكى إن لو اصدى من الموضوع الاختلاط يبأ انا اول واحد هؤل الموضوع دا مش بعمل بيه خير انا بعمل بيه كدا شر والعياذ بالله انا نيتى اننا نتعرف ببعض والفكره فى انى عاوزه كل اللى فى المنتدى يدعولكم بالازواج الصالحه وكمان الموضوع دا خاص بيكوا انتوا يعنى اى نصيحه هتبأ موجهه ليكوا مش للمتزوجه ولا للمخطوبه يعنى صفحه خاصه باللى بتتمنيه كبنت
انا احترمت رأيك وياريت تكونى انتى كمان احترمتى ردى وياريت اعرفك اكتر

[M!ss Mahy]

متشكره يا عسل على ردك
على فكره انا مكنش قصدى ان يكون عنده شقه تمليك انا عادى اى شقه و خلاص
لان طبعا دا رزق و مسئله الرزق عند ربنا
وبصراحه انا مشجعه موضوعك اوى وياريت ماحدش يشيله
تحياتى

[vet_basbosa]

وااااااااااااااااااااو سها ايه الموضوع الجامد ده مبروك يا قمر
معلش على التاخير كنت عاوزه اكزن اول واحده ترد بس يللا بسيطه
شوفى بقه يا ستى

هو من اى دوله ؟

انا من مصر مدينة المنصوره

عندك كام سنه؟

24سنه ماشاء الله

مواصفات فتاة او فتى احلامك ايه ؟من كل النواحى الدينيه والماديه والعمليه والجنسيه .

والله لو قعدت أتكلم من هنا لحد بكره ممكن اخلصلك الموضوع بس أهم حاجه طبعا يكون متدين وده الأساس لأنه لو حبنى هيكرمنى ولو كرهنى مش هيجرحنى
تانى حاجه يكون مستواه العلمى قريب منى مش عاوزه أحدد بس المستوى التعليمى مهم بالنسبه ليا
آخر حاجه يكون متفاهم معايا يعنى يعرف يرضينى لما اكون زعلانه يفرحنى لما اكون حزينه كده يعنى
اما بالنسبه للماديات اهلى هيتوصى بالموضوع ده ههههههههه

ايه المشاكل اللى بتقابل كل عضو او عضوه فى اى عروسه او عريس بتشوفوا ؟يعنى ليه انتى رفضتى عريس؟ وليه انت رفضت عروسه ؟

أكتر حاجه تضايقنى إن الأخ المقصود ده ميكنش عنده شخصيه يعنى إبن مامته روح يروح تعالى يجى
وكمان يكون واخد مقلب فى نفسه يعنى لسان حاله بيقول ده أنا عريس لقطه هو إنتى لاقيه هههههههه


بس وأخيرا أنا مش شايفه إن الموضوع فيه حاجه مخالفه وبالنسبه لمشاركهة الأعضاء الرجال ده شئ كويس يعنى فرصه نعرف هما بيفكروا إزاى
وبالتوفيق إن شاء الله

[angel_81]

موضوع حلو قووووووووووي يا فتاه تحب الله وعلي فكرة اسمك جميل جدااااااااا انا عارفه اني قلتلك قبل كده بس فعلا اسمك حلوووو قووووووووي ويا رب ربنا هو كمان يحبك زي ما بتحبيه ويحبب فيكي خلقه
بالنسبه للسؤال الاول هو من اى دوله ؟
انا من مصر ونفسي يكون مصري ومن نفسي محافظتي علشان متغربش ومبعدش عن ماما ربنا يخليهالي
والسؤال التاني عندك كام سنه؟
انا عندي 26 سنه ونفسي انه يكون هو كمان سنه معقول بالنسبه لي
وبالنسبه لمواصفاته نفسي يكون انسان متدين ومحترم وحالته الماديه كويسه يعني مش غني بس يكون مادياته معقوله وعايزاه يكون راجل بجد بكل معني الكلمه يحترمني ويقدرني ويكون متفاهم وحنون ويحترم اهلي واهم حاجه يحترم كسوفي يعني واحده واحده علي لاني خجوله جداااااا ويا ريته ميكوش كسوف قوي لكن في نقس الوقت يكون عنده حياء لاننا لو احنا الاتنين بنتكسف هتبقي مصيبه مين ساعتها اللي هيمشيلنا حياتنا
طلباتي كتير مش كده؟؟؟؟؟؟؟؟؟؟
معلش بقي اصلي طمعه وبعدن اديني بحلم هي الاحلام يعني بفلوس
وبالنسبه للسؤال : ايه المشاكل اللى بتقابل كل عضو او عضوه فى اى عروسه او عريس بتشوفوا ؟يعنى ليه انتى رفضتى عريس؟ وليه انت رفضت عروسه ؟
اجابته اني خجوله جدااا مش ببقي متخيله نفسي هاقعد مع واحد معرفهوش ويفضل مبحلق في ويتفرج علي وكمان يبقوا اهلي قاعدين وشافين وساكتين ببقي هاموت من الكسوف وقتها ووشي في الارض وبسلم واجري حتي مش ببص عليه حاجه تكسف مش كده لا وكمان حاجه تفرس
ويا رب يرزقني انا وانتي وكل بنات المنتدي بالزوج الصالح ميسور الحال ويخره لينا ويرزقنا منه بالذريه الصالحه ويكونوا قره عين لينا عن قريب يا رب العالمين.
صحيح يا قمر وانتي ايه هي مواصفاتك وايه سنك وبلدك؟

[amoOora KSA]

اميييييييييييييييييييييييييين

[شارد]

انا لن اكون سلبي للغاية وارفض كل الموضوع

ولكن لدي اعتراض على بعض الاسئلة

مثل سؤال مواصفات فتى احلامك او مواصفات فتاة احلامك

ولكن احترم وجهة النظر الاخرى

لكن اسئلة مثل العمر والمؤهل العلمي والدولة واسئلة مثل هذي

تجدينها اصلا موجودة عندما تسجلين تٌطلب منك ولك الحرية في الاجابة عنها

وتستطيعين ان تضغطي على اي اسم شخص وترين البيانات التي هو كتبها عن نفسه

وان كنت ضد الزواج عن طريق الانترنت الا بضوابط ليس المجال لذكرها

والله يوفق الجميع للعلم والعمل الصالح وان ييسر الزواج للجميع انه ولي ذلك والقادر عليه



السلام عليكم

[angel_81]

السلام عليكم اخي الشارد
ده مش اعلان للجواز ولا زي ما بنقول احنا المصريين ده مش علشان نوفق راسيين في الحلال ولا حاجه من دي كل الحكايه ان فتاه تحب الله حبت انها تعرف البنات والاولاد بيفكروا ازاي وبيختاروا ازاي شريك حياتهم وبيتصرفوا ازاي لما يتقدملهم عريس علشان نتعلم من بعض وننصح بعض يعني ممكن تقول انها بتعمل احصائيه او بحث وعلشان كده هي قالت للمتجوزين يدخلوا علشان يقولوا نصايحهم
ولو كان ده اعلان جواز متهيألي انها كانت اول واحده طلبت قفل الموضوع يعني نيتها كويسه هو مجرد موضوع جه في بالها وكتبته مش اكتر ولا اقل
يعني هي مبتشتغلش خاطبه ولا حاجه ولا احنا البنات بندور علي عرسان في المنتدي ولا كلام من ده

[eman_for_allah]

http://2askt11.france.net.in/all/index.php .

اولا بس احب اقول لشارد
ان سها مش عايزة تعرف المعلومات دى لنفسها
لانها لو عايزة كده كانت فعلا هاتعمل زى ماانت قلت
لكن هى عايزة تقرب وجهات نظرنا وافكارنا من بعض

انا بقى يا سوسو دولتى:مصـــــــــــــــــــــــــر من المنصورة........معاكى يابسبوسة
وانا برده بقول المنصورة بقت مسكّرة اوى كده ليه؟؟؟؟؟؟؟؟؟؟
وعندى 20 سنة واياااااااااااااااااام


مواصفات فتى احلامى: يعرف ربنا .....عصبى.......غيور........حنيّن.........تعليمه عالى........عنده شخصية........... حبّوب........دمه خفيف........طويل.........يحبنى
كتير مش كده؟؟؟؟؟؟؟؟؟
يلا انا مخلياهم كتير علشان يو مايجيلى واحد يبقى على الاقل فيه صفة واحدة منهم

المشكلة بقى ان بابا مش عايز يوافق اساسا انى اتخطب او حتى اقعد مع حد غير لما دراستى تنتهى
اصل بابا ديمقراطى اوى ههههههههههه
وانا خلاص داخلة الليسانس يعنى خلااااااااااااااااااااص مالوش حجة بقى الراجل ده هههههههههههههههه

وشكرا على موضوعك يا عسل

[sosowahed]

السلام عليكم ورحمة الله وبركاته اختي في الله موضوعك جميل والله يوفقك فيه
ؤدا على اسئلتك فاجاباتي هي
انا من مصر من الاسكندرية عمري 30 سنة (كبيرة شوية مش كدا) ليسانس حقوق اعمل ولكن ليس بمجالي من اسرة محترمة ومترابطة الحمد لله
ارغب في متدين وليس متعصب مصري من 30 الى 40 سنة ليس لدي مانع من السفر للخارج في احدى دول الوطن العربي متعلم والاهم ان يكون مثقف يحترم زوجته مركز مرموق جاد رجلا بكل ما تحمله الكلمة من معاني ميسور الحال يعاملني بما يرضي الله
اعتقد اني بطلب المستحيل بس ربنا قادر على كل شيئ
وفقك الله لما هو خير ورزقنا و اياكم بالزوج الصالح ان شاء الله

[دكتورة عسولة]

على فكره انا اول مره اكتب موضوع واتمنى انكم تتقبلوه ولا تفهمونى غلط .
والموضوع دا انا هكتبه لأنى نفسى بجد اعمل حاجه تفيد نوعيه تانيه غير المخطوبين والمتجوزين والامهات.
تفيد الشاب والفتاه لانى وجدت إن المنتدى اكتر فئه مستفيده منه هم المخطوبين والمتجوزين
اهلا بيكي حبيبتي اسمك حلو اوي ماشاء الله رزقنا الله واياكي حبة وحب رسولة يارب
ياريت لو كل عضوه وعضو يدخل يكتب
هو من اى دوله ؟
مصر
عندك كام سنه؟
22
مواصفات فتاة او فتى احلامك ايه ؟من كل النواحى الدينيه والماديه والعمليه والجنسيه .
الدينية:عاشق لله ورسولة ويراعي الله في تعاملاتة..كريم يدة في الصدقة دائما حنون وخلوق وطيب
المادية:يسترني ويكفي بيتة واولادة
عملية:لدية عمل مناسب .بالرغم من اني دكتورة لكني لا اشطرت دكتور او مهندس مثلا..المهم انسان طموح
واهم شيء الاخلاق والاصل لان العرق دساس
ايه المشاكل اللى بتقابل كل عضو او عضوه فى اى عروسه او عريس بتشوفوا ؟يعنى ليه انتى رفضتى عريس؟ وليه انت رفضت عروسه ؟
هههههههههه انا مبرفضش بابا هو اللي بيرفض لاني لسة بدرس..الحمد لله يتقدم لي كثير بس بابا بيرفض لاني لسة قدامي سنتين على الدراسة
مشكورة يا عسل وبارك الله فيكي

[شارد]

لا تقولوني ما لم اقل

انا لم اقل ان موضوع الاخت هو دعوة للجواز او راسيين في الحلال او هي تبحث عن معلومات

انا اعلم ان نيتها طيبة وقصدها ممتاز لكن لا مانع من الاختلاف في وجهة النظر

يعني انا ممكن ادعو شخص عن ترك التدخين وانا نيتي طيبة ولكن اسلوبي فيه اخطاء

فلا مانع احد ينتقد اسلوبي مع ان اصل فكرتي ممتاز وهذا مثال لا ينطبق باكمله على موضوع الاخت

ولكن اعترضت على مواصفات فتى احلامك فقط وبالنسبة للاسئلة الاخرى تستطيع ان

تعرفها هي او اي شخص في المنتدى يعني سواء كتبتها وا ضغط على اسمه لا اقصد ان

الاخت هي التي تضغط على اسم اي شخص في المنتدى ولكن اي شخص يضغط

على العموم انا اعتذر للاخت ان رأت اني اخطأت عليها في كلامي

والسلام عليكم

[حور84]

انا برايي ان نتبع حديث رسولنا الكريم اتقوا الشبهات
لا يوجد هناك ضرورة لفتح ابواب قد ياتي منها ضرر ولا يوجد منها فائدة
ارجوا ان لااكون قد ازعجت احد ولكن هذا نابع من حرصي على التقيد بلامور الشرعية بين الجنسين
والتي هي من قوانين هذا المنتدى الحبيب

[فتاه تحب الله]

mahy
ايه الكلام الجميل دا ):Kماشاء الله عليكى يارب يارب يرزقك الزوج الصالح اللى بتتمنيه يارب ويكون صالح ذيك اؤلى اميـــــــــــــــــــــن;)

[فتاه تحب الله]

بسبوســــــــــــــــــــــــــــــــه
اولا :مرسى جداّ ليكى دا انتى صاحبة المواضيع الرائعه مش انا ...ثانيا :يا جميل ايكفينى انك دخلتى وشاركتى
ثالثا:
(والله لو قعدت أتكلم من هنا لحد بكره ممكن اخلصلك الموضوع بس أهم حاجه طبعا يكون متدين وده الأساس لأنه لو حبنى هيكرمنى ولو كرهنى مش هيجرحنى
تانى حاجه يكون مستواه العلمى قريب منى مش عاوزه أحدد بس المستوى التعليمى مهم بالنسبه ليا
آخر حاجه يكون متفاهم معايا يعنى يعرف يرضينى لما اكون زعلانه يفرحنى لما اكون حزينه كده يعنى
اما بالنسبه للماديات اهلى هيتوصى بالموضوع ده ههههههههه)
ياسيتى الموضوع وصاحبة الموضوع تحت امرك يا عسل خلصى الموضوع براحتك واكتبى اللى فى نفسك سا جميل
ماشاء الله عليكى فعلا اهم حاجه التدين اما الكلام اللى فعلا فيه حكمه (لو حبنى هيكرمنى ولو كرمنى مش هيجرحنى )فعلا عندك حق اللى بيحب بيكرم اوى ....يارب يارب يجيلك عريس ابن حلال يكرمك ويحبك وعمروا مايفكر يجرحك ويكون متفاهم معاكى ويرضيكى ويفرحك ....بس انتى كمان لو ربنا قسملك بعريس فيه اللى نفسك فيه لازم تشيليه فى عنيكى
اما المديات فعلا فى ايد الاهل ديما بس انتى بردوا ياعروسه ليكى بعض الرأى فى الموضوع دا واتمنى يكون رأيك رحيم بالعريس يا بوس بوس وانا واثقه انك لو تقدرى تعملى حاجه عمرك ما هتتأخرى
رابعاّ : عندك حق فعلا العريس بتاع مامتوا اللى مامتوا تتدخل ف حاجات خاصه بيه هو يعنى بعروستوا دا شئ مرفوض تماماّ ...مش بنؤل مايخدشى رأيها انما بنؤل ميبأش الموضوع فى صيغة الامر والتعدى على حقوق العروسه ...
مرسى يا جميل على مشاركتك وانشاء الله لازم ادعيلك فى صلاتى انشاء الله ويارب كل المنتدى ميبخلوش على اخواتنا بالدعوات.

يارب يارب يارب يرزقك يا (عبير) بالى فى بالك يارب ويكون فى اقرب وقت انشاء الله وتكونى انتى كمان فتاة احلامه انشاء الله.اؤلى اميـــــــــــــــــــــــــــــــــــن.

[فتاه تحب الله]

angel_81

(موضوع حلو قووووووووووي يا فتاه تحب الله وعلي فكرة اسمك جميل جدااااااااا انا عارفه اني قلتلك قبل كده بس فعلا اسمك حلوووو قووووووووي ويا رب ربنا هو كمان يحبك زي ما بتحبيه ويحبب فيكي خلقه)
مرسى جداّ ليكى:)... معتقدشى ان فى احلى من اسم ملاك اسم ربنا هو اللى سماه......اميييييييييييييييينن يارب يارب حبنى وحب كل اخواتى فى المنتدى يارب وحبب فينا خلقك اميــــــــــــتن يارب العالمين.
(بالنسبه للسؤال الاول هو من اى دوله ؟
انا من مصر ونفسي يكون مصري ومن نفسي محافظتي علشان متغربش ومبعدش عن ماما ربنا يخليهالي)
يارب يارب يكون مصرى ذيك وربنا يخليلك مامتك يارب وميحرمكيش منها ابدا
(والسؤال التاني عندك كام سنه؟
انا عندي 26 سنه ونفسي انه يكون هو كمان سنه معقول بالنسبه لي
وبالنسبه لمواصفاته نفسي يكون انسان متدين ومحترم وحالته الماديه كويسه يعني مش غني بس يكون مادياته معقوله وعايزاه يكون راجل بجد بكل معني الكلمه يحترمني ويقدرني ويكون متفاهم وحنون ويحترم اهلي واهم حاجه يحترم كسوفي يعني واحده واحده علي لاني خجوله جداااااا ويا ريته ميكوش كسوف قوي لكن في نقس الوقت يكون عنده حياء لاننا لو احنا الاتنين بنتكسف هتبقي مصيبه مين ساعتها اللي هيمشيلنا حياتنا
طلباتي كتير مش كده؟؟؟؟؟؟؟؟؟؟)
ربنا يارب يكرمك فعلا اهم حاجه التدين عاوزه اؤلك انك لو جالك واحد متدين بجد اطمنى اوى انوا هيكون محترم وراجل بجد وغير انوا كمان بدام متدين هياخد سيدنا محمد قدوه ليه فى تصرفاته معاكى اما المديات فعلا دى حاجه بتاعت ربنا وبرضوا من تدينه لازم هيحترم كسوفك وبعدين مفيش راجل يا حبيبتى بيتكسف اليومين دول ههههههه اطمنى.
طلبناتك مش كتير ولا حاجه بس اهم حاجه فعلا التدين واعتقد ان كل اللى طلبتيه بعد كدا بيبأ فى الراجل المتدين .
(معلش بقي اصلي طمعه وبعدن اديني بحلم هي الاحلام يعني بفلوس
وبالنسبه للسؤال : ايه المشاكل اللى بتقابل كل عضو او عضوه فى اى عروسه او عريس بتشوفوا ؟يعنى ليه انتى رفضتى عريس؟ وليه انت رفضت عروسه ؟
اجابته اني خجوله جدااا مش ببقي متخيله نفسي هاقعد مع واحد معرفهوش ويفضل مبحلق في ويتفرج علي وكمان يبقوا اهلي قاعدين وشافين وساكتين ببقي هاموت من الكسوف وقتها ووشي في الارض وبسلم واجري حتي مش ببص عليه حاجه تكسف مش كده لا وكمان حاجه تفرس
ويا رب يرزقني انا وانتي وكل بنات المنتدي بالزوج الصالح ميسور الحال ويخره لينا ويرزقنا منه بالذريه الصالحه ويكونوا قره عين لينا عن قريب يا رب العالمين.)
الله على كسوفك فعلا احلى حاجه فى الدنيا الحياء :-s):Kربنا يارب يكرمك يا عسل على فكره اكتر حاجه احبها فى البنت هو حيئها وكسوفها دا دليل على اد ايه هى مؤدبه (على فكره الراجل بيحب البنت اللى بتتكسف اوى ) وانشاء الله هدعيلك فى صلاتى انتى وكل البنات يارب الزوج الصالح .
يارب يرزقك يارب بالعريس اللى بتتمنيه يارب ويكون ذى ما انتى بتحلمى بيه وهو كمان يكون كان بيتمنى بنت فى خجلك وكسوفك يارب وتكونى فتاة احلامه انشاء الله اؤلى اميـــــــــــــــــــــــــــــــن
(صحيح يا قمر وانتي ايه هي مواصفاتك وايه سنك وبلدك؟)
انا من مصر فى المنصوره وعندى 25سنه
والهى يا جميل انا والحمد لله ربنا اكرمنى بواحد فيه كل إللى بتمناه بس للأسف هو عصبى شويه وانا بدعيله ربنا يهديه هو وكل العصبيين وكمان والحمد لله متدين والحمد لله بيحبنى .
يارب ارزق كل بنت فى المنتدى بالزوج الصالح اللى بتتمناه .اؤلوا اميــــــــــــــــــن

[فتاه تحب الله]

اموره الدلوعه

اميـــــــــــــــــــــــــــــــــن على كل الدعوات يا رب لو لسه مش مخطوبه احب اعرف نفسك فى ايه عشان ادعيلك بيه انا وكل السيدات اللى فى المنتدى
ولو الحمد لله اتخطبتى وكمان اتجوزتى الحمد لله يبأ مرسى جدا ليكى انك اؤلتى امين يعنى كأكنك دعيتى للبنات
جزاكى الله خيراّ

[فتاه تحب الله]

اخى الشارد

انا لن اكون سلبي للغاية وارفض كل الموضوع
اشكرك على عدم سلبيتك ورفض الموضوع نهائياّ
ولكن لدي اعتراض على بعض الاسئلة
مثل سؤال مواصفات فتى احلامك او مواصفات فتاة احلامك
اخى احترم اعتراضك ولاكن اسمحلى بأن اقول اننا هنا فى المنتدى كلنا لنا موضوعتنا الخاصه بينا كامخطوبين ومتزوجين ودائما نسمع دعوات الاخوات لنا والاخوان والمشاركات التى هدفها الفائده ايما بالدعوات او حل مشكله اخ او اخت لنا ولاكن اين البنات والاخوه الذين لم تسعهم المواضيع ليكتبوا ما بداخلهم ومايتمنونه زوج صالح او زوجه صالحه ........اعتقد انى لم اشجع الزواج عبر الانترنت نهائيا بل بالعكس انا ضده ولا اعترف بيه اصلا ثم انا لا ارضى لاى بنت فى المنتدى هذا وليس معنى ان كل بنت تدخل تتناقش اوتحكى تبأ اصده انها عاوزه عريس لاه دى بتحكى من باب الفضفضه ولأنها عارفه اننا هنا اخوات يعنى بندعى لبعض وبنتفاعل مع بعض لصالح الخير وانا مكتبتش الموضوع غرضأّ منى فى انى اعرف البنات اللى فى المنتدى بالاولاد لا لا لا نهائى احنا بنسمع كل بنت وولد داخلها ايه وايه اللى هى بتتمناه فى زوج المستقبل ونناقشها فى هذه الطلبات لو كانت كتيره ندعوها لتقللتها ولو كان الولد او الشاب يطلب طلبات كتيره ايضأّ ندعوه لتقللتها ونسهل الامور على البعض والبعض الاخر ننصحه لان اللى اتجوز واللى اتخطب عندوا معلومات ممكن تفيد اللى لسه متخطبتشى
من الاخر انا ااصد اننا نفيد فئه تانيه غير المتجوز والخاطب ...ارجوا انك تكن فهمتنى .
ولكن احترم وجهة النظر الاخرى
لكن اسئلة مثل العمر والمؤهل العلمي والدولة واسئلة مثل هذي
تجدينها اصلا موجودة عندما تسجلين تٌطلب منك ولك الحرية في الاجابة عنها
وتستطيعين ان تضغطي على اي اسم شخص وترين البيانات التي هو كتبها عن نفسه
اخى اعتقد ان الوقت عندى غير متاح حتى ادخل على الموضوع ثم ادخل على الاسم لكى ارى البيانات انا ارى ان هذه البيانات كل فتاه وشخص له الحريه فى ان يكتبها او لا يعنى لو فى بنت او شخص مش عاوزنا نعرف انا ارحب بيها وادعلها بردوا ولا اتدخل فى خصوصيات احد بدون علموا .
وان كنت ضد الزواج عن طريق الانترنت الا بضوابط ليس المجال لذكرها
يستحيل انى ااصد اى حاجه من دى نهائى مواقع الجواز عبر الانترنت كتيــــــــــــــــر واللى عاوزه او عاوز يتجوز عن هذا الطريق فهو امامه وليس فى منتدى لك والكل يعلم هذا .
والله يوفق الجميع للعلم والعمل الصالح وان ييسر الزواج للجميع انه ولي ذلك والقادر عليه
اميـــــــــــــــــــــــــــــــــــــــــــــــ ــن يارب العالمين
جزاك الله خيرا اخى على الدعوه .

[فتاه تحب الله]

angel_81
مرسى جدا على ردك على الاخ شارد والحمد لله انكوا فهمنى جزاكى الله خيرا
يارب يارب يارب يرزقك الزوج الصالح اللى بجد انتى بتتمنيه وهو كمان تكونى انتى فتاة احلامه انشاء الله انتى وكل البنات يار

[Radjaa]

السلام عليكم اخواتي الكريمات
شكرا اختي علئ موضوعك الجميل
اما بالنسبة لي فانا من الجزائر وعمري 23 سنة و متحصلة على شهادة ليسانس في العلوم السياسية و العلاقات الدولية .
و فيما يخص فتى احلامي" ودي و اتمنى يكون اول شئ.... ::L::اممممم..... متدين ومتخلق كتييير لطيف و حنين ويحترم و يقدر المراة (لي هي انا) ...... و يكون مقبول من الناحية الشكلية.....هذا كل ما اتمناه ....(بزاااااااف أأأأأأأأأ...). اما بالنسبة للحالة المادية عاااادي لانو يمكن تاخديه فقير و ربي سبحانوو يغنيه او العكس غني و ربي يفقرو سوو اهم شيء عندي الدين و الاخلاق ..امممم شيء أخر يكون متعلم و قرييب مني في السن .
و كيما نقولو حنا يعني الجزائريين "لي يستنا خيرمن لي يتمنى و لي يتمنى خير من لي يقطع لياس"
و اخيرا نطلب ربي يرزقني و كل البنات الحبوبات في المندى و كل المسلمات بالزوج الصالح لي يحميها ويعرف قيمتهااا قولو معيا اميييييييييييين امين

[فتاه تحب الله]

eman_for_allh

(اولا بس احب اقول لشارد
ان سها مش عايزة تعرف المعلومات دى لنفسها
لانها لو عايزة كده كانت فعلا هاتعمل زى ماانت قلت
لكن هى عايزة تقرب وجهات نظرنا وافكارنا من بعض)
واولاّ انا كمان احب اؤلك منوره الموضوع:) ..وثانياّ ماشاء الله عليكى رغم صغر سنك لاكن والحمد لله انتى عاقله جدا :-sمشاء الله عليكى فهمتينى من غير ما تتنقشى معايا ربنا يحرسك والحمد لله انك فهمانى صح.
(انا بقى يا سوسو دولتى:مصـــــــــــــــــــــــــر من المنصورة........معاكى يابسبوسة
وانا برده بقول المنصورة بقت مسكّرة اوى كده ليه؟؟؟؟؟؟؟؟؟؟
وعندى 20 سنة واياااااااااااااااااام)
وانا بقى يا ايمى بقول ان مش بس المنصوره بقت مسكره اوى عشان بسبوسـه لأه دى كمان بقت مليان ايمان لله عشان انتى كمان طلعتى فيها ....منوره المنصوره :-D
(مواصفات فتى احلامى: يعرف ربنا .....عصبى.......غيور........حنيّن.........تعليمه عالى........عنده شخصية........... حبّوب........دمه خفيف........طويل.........يحبنى
كتير مش كده؟؟؟؟؟؟؟؟؟
يلا انا مخلياهم كتير علشان يو مايجيلى واحد يبقى على الاقل فيه صفة واحدة منهم)ماشاء الله عليكى عارف ربنا يعنى متدين مش عارفه بس انا بس بوضح عشان محدش يفهم الكلمه غلط يا جميل ....لاكن اؤليلى عيزاه ليه عصبى حرام عليكى نفسك (K):انا ضحكت ضحك لما قرأت موضوع عصبى دا:D ...بس ارجع واؤلك كويس عشان لو بعد الشر جالك واحد عصبى تكونى انتى اللى عاوزه فتستحملى بأ وبردوا موضوع طويل دا مش فى ايدينا يعنى لو فيه الحاجات دى بس مش طويل اكيد انا واثقه انك هتوفقى صح ولا ايه؟لاكتير ولا حاجه فعلا ذى ما انتى بتؤلى اهه على الاقل يكون حاجه من اللى انتى طلباها بس نصيحه بلاش موضوع عصبى دا اصل انا مجربه اما موضوع غيور انا بردوا مش بحبز يكون غيور اوى لانى بردوا بعانى من الموضوع دا ربنا معاكى بأ...
(المشكلة بقى ان بابا مش عايز يوافق اساسا انى اتخطب او حتى اقعد مع حد غير لما دراستى تنتهى
اصل بابا ديمقراطى اوى ههههههههههه
وانا خلاص داخلة الليسانس يعنى خلااااااااااااااااااااص مالوش حجة بقى الراجل ده هههههههههههههههه)
وشكرا على موضوعك يا عسلانا كمان لما كنت فى الكليه كلن بابا بيرفض اى عريس هو وماما بس سبحان الله لما جالى خطيبى سهم الله نزل عليهم رغم ان كان هو كمان طالب بس سبحان الله انهم وافقوا ربنا لما بيأمر مفيش حاجه بتقدر تؤف ادام حكم ربنا ادعى ربنا وسيبيها لله انتى متعرفيش نصيبك فين .انا اللى لازم اشكرك على المشاركه الجميله :)يارب يارب يارب يرزقك يا ايمان بالزوج الصالح بس ميكونشى عصبى ولا يكون غيور اوى معقول يعنى يارب يكون العريس ذى ما انتى بتحلمى بيه وهو كمان تكونى انتى فتاة احلامه يارب اؤلى امييييييييينW:

[sosoooo]

جزاكى الله خير
موضوعك جميل جدا ربنا يجعله فى ميزان حسناتك يارب
ويارب كل بنت ما اتختبطتش ربنا يرزقه الزوج الصالح اللى يرعاها ويخاف عليها
وكل شاب ربنا يرزقه الزوجة الصالحة

[فتاه تحب الله]

sosowahed

السلام عليكم ورحمة الله وبركاته اختي في الله موضوعك جميل والله يوفقك فيه
ؤدا على اسئلتك فاجاباتي هي
وعليكم السلام ورحمة الله وبركاته ...الله يوفقك انتى يارب فى طريقك وفى اى شى تتمنيه
انا من مصر من الاسكندرية عمري 30 سنة (كبيرة شوية مش كدا) ليسانس حقوق اعمل ولكن ليس بمجالي من اسرة محترمة ومترابطة الحمد لله
اخلا ببنات اسكندريه على فكره انا بحب اسكندريه اوى:D ....كبيره ايه انا عندى اخت فى سنك وبحبها مووت وبحس انها هى اللى اختى الصغيره مش انا هى اه كبيره لاكن بمقمها ذيك كده كبيره بمقامك يارب يرزقكم انتوا الاتنين الزوج الصالح يارب
ارغب في متدين وليس متعصب مصري من 30 الى 40 سنة ليس لدي مانع من السفر للخارج في احدى دول الوطن العربي متعلم والاهم ان يكون مثقف يحترم زوجته مركز مرموق جاد رجلا بكل ما تحمله الكلمة من معاني ميسور الحال يعاملني بما يرضي الله
ماشاء الله على طلبات فعلا عاقله فى طلباتك وهاديه ربنا يارب ينولك اللى فى بالك يارب بس ممكن يكون العريس فيه كل حاجه بس للأسف مش ميسور الحال اوى يعنى مش غنى متوسط المستوى بس متدين مثقف وويحترمك ويقدرك صح مش انتى معايا بردوا اهم حاجه التدين عشان بعد التدين بتبأ كل حاجه حلوه صح.
اعتقد اني بطلب المستحيل بس ربنا قادر على كل شيئ
وفقك الله لما هو خير ورزقنا و اياكم بالزوج الصالح ان شاء الله
لأه طلباتك مش مستحيله :S:الحمد لله لسه فى ناس طيبين وكويسيين ربنا
يارب يوفقك ويرزقك يا سوسو الزوج الصالح اللى ربنا يهديهولك ديما ويعاملك بأحترام ويكون ذى ما انتى بتحلمى وتكونى انتى كمان فتاة احلامه وتشليه فى عنيكى وفى قلبك الطيب يارب انتى وكل البنات يارؤب اؤلوا اميـــــــــــــــــــن

[فتاه تحب الله]

دكتوره عسوله
منوره يا عسل:)
اهلا بيكي حبيبتي اسمك حلو اوي ماشاء الله رزقنا الله واياكي حبة وحب رسولة يارب
اميـــــــــــــــــــــــــــــــــــــــــــــــ ـــن يا عسوله يارب يرزقنا كلنا حبه وحب الرسول يارب
الدينية:عاشق لله ورسولة ويراعي الله في تعاملاتة..كريم يدة في الصدقة دائما حنون وخلوق وطيب:-s
مش عارفه بعد كلامك الجميل دا ارد اؤل ايه غلبنتينى بكلامك يا عسوله واضح انك فعلا عسوله
المادية:يسترني ويكفي بيتة واولادة:-s
يارب يسترك دنيا واخره ويديكى اكتر من اللى بتتمنيه كمان اؤلى اميـــــــن
عملية:لدية عمل مناسب .بالرغم من اني دكتورة لكني لا اشطرت دكتور او مهندس مثلا:-s..المهم انسان طموح
واهم شيء الاخلاق والاصل لان العرق دساس :-s
ربنا يكملك بعقلك يارب ويرزقك اللى فى بالك وينولك مرادك امين يا رب العالمين وفعلا اهم شى اخلاقه واصله لان فعلا العرق دساس
هههههههههه انا مبرفضش بابا هو اللي بيرفض لاني لسة بدرس..الحمد لله يتقدم لي كثير بس بابا بيرفض لاني لسة قدامي سنتين على الدراسة
يا عالم بكره ربنا يخلى باباكى يوافق على حد يكون دا فتى احلامك انتى ايه علافك ربنا مخبيلك ايه انا كمان بابا كان ذيك لاكن يوم ماجالى خطيبى وهو كمان كان لسه طالب بابا وافق وفى 3ايام اتقرأت الفاتحه بابا لحد انهاره وكل اقاربى مش متخيلين اذاى بابا وماما اللى كانوا بيرفضوا اى حد يوافقوا بالسهوله دى سبحان الله هو اللى فى ايدوا كل شىء
مشكورة يا عسل وبارك الله فيكي[/quote]
دا انا اللى عازه اشكرك على انك نورتى الموضوع:) ويارب كل النات تكون بتفكر ذيك كدا وشايفين الموضوع ببساطه كدا ذيك ربنا يبارك فيكى يارب وتفضلى قنوعه كدا على طول
يارب يارب يارب ارزقها يارب اللى هى بتتمناه يارب ارزقها اللى هى تتمناه وارزقها اللى احسن من اللى هى تتمناه يارب وجعل عرسها تكون هى دى فتاتة احلامه اللى ميفرطشى فيها ابداّ
يارب هى وكل البنات يارب اميــــــــــــــــــــــــــــــــــــن يا رب العالمين

[فتاه تحب الله]

اخى شارد
لم تأذينى بردك ولاكن ارجوا ن تكون قد فهمت قصدى ونيتى فقط
جزاك الله خيراّ

اختى حور
ماشاء الله على اسمك الله اعلم انى احبه اد ايه
انا برايي ان نتبع حديث رسولنا الكريم اتقوا الشبهات
لا يوجد هناك ضرورة لفتح ابواب قد ياتي منها ضرر ولا يوجد منها فائدة

انا طبعا مع كلام الرسول وانا والحمد لله ليس فى موضوعى شبهات فإذا وجدتى شئ قد حدث اخل بالأدب او اعطى شبهه فيجب عليكى ان تقولى
.انا من اول ما كتبت الموضوع وانا مبينه ان نيتى خير والحمد لله ومفيش بنت دخلت قالت حاجه حرام او عيب الحمد لله وكنت عارفه انى هلاقى اراء مخالفه والاختلاف فى الرأى لا يفسد للود قضيه.
ولاكن يوجد للموضوع فائده عندما تدخلين وتجدين كلام البنات الرقيقات وترى كم هم جميلات من الداخل تعلمين ان كل واحده تدخل وتقرأ تعلم ان الدنيا لسه بخير وان بنات المسلمين لايطلبون شى كبير ولاكن يطلبون المتدين والمعقول وليس كما نسمع ان كل واحده تطلب الغنى الذى مستواه عالى والحمد لله لما بتسمعى الكلام الحلو دا منهم انتى او انا او اى حد بتدعى بجد من قلبك ليهم ان ربنا يرزقهم الزوج الصالح بجد وكل المنتدى يدعلهم لانهم مش طلبين شى كبير
هل الدعوه ليس منها فائده ؟

ارجوا ان لااكون قد ازعجت احد ولكن هذا نابع من حرصي على التقيد بلامور الشرعية بين الجنسين
والتي هي من قوانين هذا المنتدى الحبيب
لا والهى لم تزعجينى ولاكن الله اعلم بالنوايا
والحمد لله انك حريصه انك تناقشى اى شئ انتى شيفاه غلط دا شى احنا نحبوا ونفخر بيه
ولاكن اطلب منك النصيحه الى اى بنت ممكن تطلب فى العريس شئ زائد او تهمل شئ مهم
وكمان اطلب منك ياريت لو تدعى للبنات دى كلها

اسأل الله ان تعم الفائده على كل بنات المنتدى وعلى كل اخوتنا وان يهديهم ويهدينا اللى الصراط المستقيم
امين يارب العالمين

[فتاه تحب الله]

Radjaha

السلام عليكم اخواتي الكريمات
شكرا اختي علئ موضوعك الجميل
اما بالنسبة لي فانا من الجزائر وعمري 23 سنة و متحصلة على شهادة ليسانس في العلوم السياسية و العلاقات الدولية .
وعليكم السلام ورحمة الله وبركاته ..:-D.نورتى الموضوع انتى اول بنت تدخل من الجزائر حقيقى منوره :)...
و فيما يخص فتى احلامي" ودي و اتمنى يكون اول شئ.... ::L::اممممم..... متدين ومتخلق كتييير لطيف و حنين ويحترم و يقدر المراة (لي هي انا) ...... و يكون مقبول من الناحية الشكلية.....هذا كل ما اتمناه ....(بزاااااااف أأأأأأأأأ...). اما بالنسبة للحالة المادية عاااادي لانو يمكن تاخديه فقير و ربي سبحانوو يغنيه او العكس غني و ربي يفقرو سوو اهم شيء عندي الدين و الاخلاق ..امممم شيء أخر يكون متعلم و قرييب مني في السن .
ماشاء الله على كلامك كلوا حلو ):Kفعلا اهم حاجه التدين والاخلاق وموضوع المديات دى خدوهم فقره يغنيهم ربنا ماشاء الله عليكى وعلى عقلك السلم ربنا بثبتك على هذه القناعه.انشاء الله تنولى اللى فى بالك.
و كيما نقولو حنا يعني الجزائريين "لي يستنا خيرمن لي يتمنى و لي يتمنى خير من لي يقطع لياس"
و اخيرا نطلب ربي يرزقني و كل البنات الحبوبات في المندى و كل المسلمات بالزوج الصالح لي يحميها ويعرف قيمتهااا قولو معيا اميييييييييييين امين
اميــــــــــــــــــــــــــــــــن يا جميل فعلا المقوله بتاعتكوا دى حلوه اوى وفعلا عمليه جدا يارب كل اللى بيستنى يلاقى نصوا التانى يلاقيه يارب .
يارب يارب ارزق اختنا فى الجزائر كل اللى فى بالها ارزقها بعريس متدين واخلاقه عاليه وكمان قريب من سنها يارب وتكون هى دى فتاة احلامه ذى ما هو فتا احلامها
يارب هى وكل البنات يارب اميـــــــــــــــــــــــــــــــــــــــــــــن: )

[فتاه تحب الله]

هاجر المصريه

شكراّ جدا على دعواتك ربنا يجعلها فى ميزان حسناتك
ربنا يارب يكرمك انتى كمان فى حياتك ويرزقك من حيث لا تحتسبى اميــــــــــــــــــــــن يارب العالمين

[فتاه تحب الله]

احب اشكر جدأّ كل اللى مروا على الموضوع سواء مؤيدن للموضوع او منتقدين له
جزاكم الله خيرا
ويارب يارب يرزق كل البنات الازواج الصالحه إللى هما بيتمنوهم يارب...اؤلوا امين

[mm msh]

ايه ده يا سوسو ده انا مكنتش عارفه انك نزلتى موضوع جديد وزعلت اوووووووى لما دخلت لك متاخر اوى كده

المهم الف مبروك يا سها .

انا من مصر - الجيزه

22 سنه

مخطوبه يعنى مفيش فارس احلام :S:

بعيوب من غير عيوب ربنا يوفقنا مع بعض
بزعل منه عشان بيهتم بالشغل اكتر منى طبعا انتى حافظه الكلام ده
انتى طبعا يا سوسو عامله
الموضوع ده عشان اللى لسه متخطبوش بس انا بقى مقدرش ادخل اسلم بس قولت كلمتين عشان متزعليش يا قمر

كمان مره مبروك واوعى تزعلى من النقد انتى موضوعك حلو .... ومفيد .... وجديد .... واعتقد انه مش حرام ( والله اعلم )


وفقك الله

[فتاه تحب الله]

روشــــــــــــــــــــــــــــــــــا
مرسى يا عسل على الكلام الجميل إلى اؤلتيه فى حق الموضوع ومرسى على مرورك يا جميل ويارب يارب يهديكى اتى وخطيبك لبعض يارب ......
عارفه ياروشا بكره لما تتجوزى معلش يعنى غصب عنوا هيهتم بيكى اكتر من الشغل وانتى اللى هتؤليله يله انزل روح شغلك كفايه كدا بأه ههههههههههه
لما هتزهأى ولو انى عارفه انك عمرك ما تزهئ من إللى انتى بتحبيه ...بس كنوع من الدلع يعنى
ربنا يارب يوفقك
وياريت يارشا لو تدعى لكل البنات اللى لسه مفرحوش :Dذينا ومتعذبوش :(:(:(ذينا ومستعجلين على الفرح والعذاب:D:(:(:( إن ربنا يرزقم ويفرحونا بيهم قريب نشاء الله .

[لوبان]

ah 3ala almawdo3 hilw awi
ana 3omri 17 ssana mina almaghrib atmana ala9i fariss ahlami ili ykon moutadayin tab3an wikon biyichtaghile fi mehna charifa wi3ayzah ikon jamil al akhla9 wilmadhar

[فتاه تحب الله]

لوبان
اهلا ببنات المغرب (على فكره انا اخويا انشاء الله هيتجوز من المغرب )
ah 3ala almawdo3 hilw awe
ana 3omri 17 ssana mina almaghrib atmana ala9i fariss ahlami ili ykon moutadayin tab3an wikon biyichtaghile fi mehna charifa wi3ayzah ikon jamil al akhla9 wilmadhar
مرسى جداّ انك عجبك الموضوع ويارب تكونى استفدتى منوا انتى وكل البنات يارب
احلى حاجه فى اللى انتى كتباه انوا فعلا المفروض يكون متدين وبيشتغل شغله شريفه عشان للأسف فى شغل كتير اليومين دول بيبأ مشكوك فى امره هل هو حرام ولا حلال
انشاء الله بدام عوزاه متدين اكيد لازم هيبأ اخلاقه حسنه وجميله اما موضوع المظهر فإن شاء الله يكون مظهره كويس
يارب يارب ارزق روبان بالزوجالصالح اللى بتتمناه يارب وتكون هى كمان فتاة احلامه انشاء الله يارب
يارب روبان وكل البنات يارب
اميـــــــــــــــــــــــــــن يارب العالمين

[islam-merieme]

achkoroki 3ala al mawdou3 okhti al habiba
3omri 22 sana ,ana mina addar al baydae-al maghreb
atmana an yarzo9ani allaho bi zawjin salih dou dinin wa kholo9
wa asaalo allaha an yarzo9ani wa jami3 banat al moslimine bi zawji assalih wa an yarzo9a kolla chab bi zawja assaliha wa an yowaffi9a al jami3 lima fihi khayro addonya wa al akhira
amiiiiiiiiin ya rabba al 3alamin
arjou da3awatikom

[islam-merieme]

jazaki allaho alfa khayr
wa an yarzo9aki biazzawj assalih in konti ghayr motazawija aw makhtoba

[فتاه تحب الله]

اسلام مريم
نورتينا يا جميله ماشاء الله اسمك جميل بارك الله فيكى
achkoroki 3ala al mawdou3 okhti al habiba
3omri 22 sana ,ana mina addar al baydae-al maghreb
اهلا ببنات الدارا البيضه منوره ويارب نقدر ندعيلك ذى ما بتتمنى.
atmana an yarzo9ani allaho bi zawjin salih dou dinin wa kholo9
wa asaalo allaha an yarzo9ani wa jami3 banat al moslimine bi zawji assalih wa an yarzo9a kolla chab bi zawja assaliha wa an yowaffi9a al jami3 lima fihi khayro addonya wa al akhira
انشاء الله ربنا يرزقك الزوج الصالح اللى بتتمنيه ومرسى جدا على دعوتك لبنات المسلمين
amiiiiiiiiin ya rabba al 3alamin
arjou da3awatikom
يارب يارب يارب ارزق اسلام مريم الزوج الصالح اللى بتتمناه ويارب وفقها للى فيه خير ليها يارب وارزقها فت احلمها يارب واجعلها فتاة احلام الزوج الصالح اللى ليها ويكون هو كمان شيفها زوجه صالحه اميـــــــــــــــــــــــــــــــــــــــــــــن
يارب ارزقها هى وكل بنات المنتدى يارب الزوج الصالح اميـــــــــــــــن

[زرقاءاليمامه]

بصراحة مش فاهمه أيه الغرض من الموضوع .. أيه علاقة السن والبلد ومكان الاقامة بفارس الاحلام ومواصفات زوج أو زوجة المستقبل والمشكلات التي تقابل كلا الجنسين ,,

متهيألي الموضوع كان يكفي المشاكل والصعوبات في الزواج .. ولا أري التعريف بالنفس ضرورة ,,

[فتاه تحب الله]

اختى زرقاء اليمامه
نورتى الموضوع ولو انى كنت احب اول ما تدخلى الموضوع كنتى تبدأى بالسلام ذى ما عودتنا جميع المشرفات وليس بالاتهامات والانتقادات ولاكنى اشكرك لانك اعطيتينى فرصه لأوضح لكى ولكل من لايفهم هذا الموضوع ...واحب اجيب على اسئلتك.
س\ بصراحة مش فاهمه أيه الغرض من الموضوع
ج\الغرض من الموضوع طبعا اننا نفيد ونستفيد يعنى لو حد قال طلبات كتير فى فتى الاحلام نخليه ينزل للواقع شويه ولو حد طلب حاجات بسيطه التانى يتعلم البساطه
اعتقد إن فى ناس كتير مش مشتركين فى المنتدى وبيدخلوا ممكن بردوا نفيد الناس دى
يعنى لو واحده جالها عريس ممكن توافق على العريس فى حين انها كانت بترفض لشئ ميستهلشى الرفض يعنى اللى بيتكلموا دول بنات ذيها فى اعمار مختلفه يعنى بيمثلوا كذا جيل مش جيل واحد بس ومن برلاد مختلفه يعنى بيمثلوا كذا دوله عربيه وكذا بلد ممكن هى تكون منها
اما اعضاء المنتدى فممكن يكتفوا بأنهم يدعوا لكل البنات اللى كتبوا احلمهم البسيطه بالازواج الصالحه اللى هما بيتمنوهم ذى ما البنات دى بتدخل المواضيع تدعى للمتجوزين والمخطوبين
منحقهم يكون ليهم صفحه خاصه بيهم هما كمان
اللى عاوز يدعلهم واللى بيتمنوا ان الناس تدعلهم بيدخلوا على الموضوع.
س\أيه علاقة السن والبلد ومكان الاقامة بفارس الاحلام ومواصفات زوج أو زوجة المستقبل والمشكلات التي تقابل كلا الجنسين ,,
ج\السن.......اعتقد ان من كلامى اللى فات وضح السن ليه مهم رغم ان مش المفروض على البنات تؤل سنهم لو مش حبين براحتهم ....كمان احب ااكد تانى اننا فى المنتدى هنا اعمار مختلفه احب اعرف وجة نظر اللى عندها 16 سنه واللى عندها20سنه واللى عندها 25 سنه والى27....30....35
يعنى نعرف الاعمار دى بيختلف الرأى ولا نفس الراى فى كل الاعمار
البلد ومكان الاقامه ......كل بلد بتختلف ظروفها عن البلد الاخرى وايضا الافكار
مغلطش لما طلبت انى اعرف البلد مفيهاش شئ حرام ولا شئ يأذى احد .....ثم احب اعرف وجهات نظر كل بلد ومعتقادات البنات فيها .
اعتقد انك دلواتى عرفتى ايه هى العلاقه بين السن والبلد مع مواصفات فارس الاحلام.
تعليق\ متهيألي الموضوع كان يكفي المشاكل والصعوبات في الزواج .. ولا أري التعريف بالنفس ضرورة ,,[/quote]
رد\ فعلا جميل جدا الموضوع دا (مشاكل وصعوبات الزواج ).......اعتقد انوا بعيد جدا عن الفكره فى موضوعى واللى اعتقد انك اوحتيلى بفكره حلوه جداّ انى فعلا ممكن اعملوا او انا هستنى ان اى حد يعملوا عشان ادخل اؤل ايه هى المشاكل اللى بتواجهنى فى الزواج.
اما التعريف بالنفس فأعتقد انك دلواتى عرفتى ايه وجهة نظرى من الموضوع دا .(الله اعلم بالنوايا)
اسأل الله ان يعطينى ويعطيكى و كل البنات وكل العضوات على مقدار نيتهم
لا اله إلا انت سبحانك انى كنت من الظالمين
[/center]

[فتاه تحب الله]

اســــــــــــــــــــــــلام مريم
jazaki allaho alfa khayr
wa an yarzo9aki biazzawj assalih in konti ghayr motazawija aw makhtoba
بصراحه مش عارفه اشكرك اذاى على الدعوه الحلوه دى بجد الواحد فعلا بيحتاج دعوات من الناس اللى ذيك يارب انتى كمان ربنا يرزقك بالزوج الصالح اللى بتتمنيه (على فكره انا مخطوبه )الحمد لله

[angel_81]

ميرسي يا جميل لانك رديتي علي بسرعه ويا رب يهديلك خطيبك ويا رب يبطله عصبيه ويا رب يسخرهولك ويتمملك جوازك علي خير ويرزقك منه بالذريه الصالحه ويكونوا قره عين ليكي وليه قولي امييييييييين ومتنسيش تدعيلي ان انجح اسنه وان ربنا يرزقني بالزوج الصالح ميسور الحال ويسخره لي ويرزقني منه بالذريه الصالحه ويكنوا قره عين لي قولوا اميييييييييييييييييييين

[فتاه تحب الله]

angel_81

اميــــــــــــــن مرسى جدا على الدعوات الجميله دى ويارب يارب ينجحك السنه دى يارب بتقدير و يرزقك يا انجل بالزوج الصالح يارب اللى تتمنيه يارب وكمان يرزقك بالخلف الصالح اللى يكونوا ليكى وليه قرة عين انشاء الله
اميـــــــــــــــــــــــــــــــــــــــــــــــ ـــــــــــن

[islam-merieme]

شكرا لك حبيبتي و اختي في الله لدعائك لي واسال الله ان ييسر زواجك ويرزقك بالذرية الصالحة امين يا رب

[mm msh]

وحشتينى يا سوسو فينك مختفيه ليه
طمنينا عنك وعن اخبارك مع احمد

[mm msh]

ايه اخبارك يا سوسو اختفيتى ليه ...... طمنينى عنك وعن اخبارك مع احمد ؟؟

وحشتينى ..........

[فتاه تحب الله]

اسلام مريم

مرسى على ردك عليه وعلى الدعوه الحلوه دى ويارب يارب يرزقك بالزوج الصالح اللى بتتمنيه ...امين يارب العالمين

[فتاه تحب الله]

روشــــــــــــــــــــــــــــــــــا

اذيك يا جميل عامله ايه مرسى ياعسل على سؤالك عليه واللهى انتى اللى وحشتينى
بس انا لسه جايه من شويه من السفر واصله الساعه 2.30 باليل كنت فى مصر عندكوا يا سيتى كنت بحضر قراءة فاتحة ابن عمى (يارب يرزق كل البنات يارب ونفرح بيهم )
هو دا ياسيتى اللى خالانى اختفى انما انشاء الله مش هختفى تانى
اما بخصوصى انا و احمد الحمد لله كويسيين فى هدوء اليومين دول والحمد لله
انما اؤليلى انتى عامله ايه انتى واحمد ؟احكيلى اخباركوا واؤليلى عملتوا ايه فى معاد الفرح اجلتوا لأمتى ؟......... يارب تكونوا بخير
يارب يارب يوفقكم يارب ويرزقكم من حيث لاتحتسبوا ويارب يهدى سيركم يارب ويهديك احمد انشاء الله يارشا ويهديكى ليه .(اميـــــــــــــــــــــــــــــــــــــن)
انا بأ هؤم انام دلواتى لانى مش قادره وبكره انشاء الله هعد بأ اشوف اخبار المنتدى والمواضيع ايه W: