ܓऌღ♥.. كلام نواعم .. لدردشة سيدات المطابخ .. 15..♥ღ ऌܓ

[طيـــف]

صباح الورد
اهلا وسهلا فيكم بدردشتكم
دردشة 15>>>>>>>>>>> وبقولو النساء ليس بكثيرن الحكي:)
تفضلو معنا............:) ونكمل حديثنا:D
http://www.ceremo.com/wedding/img/sweet/cofee.jpg

http://farm1.static.flickr.com/29/99567735_382cab0a11_o.jpg

http://farm1.static.flickr.com/43/99567733_1aaec155d8_o.jpg

[طيـــف]

اللهم اجعل صباحي هذا نازلاً عليّ بضياء الهدى وبالسلامة في الدين والدنيا

ومسائي جنة من كيد العدى ووقاية من مرديات الهوى إنك قادر على

ما تشاء تؤتي الملك من تشاء وتنزع الملك ممن تشاء

وتعز من تشاء وتذل من تشاء بيدك الخير إنك على كل شيء قدير




يارَبْ سَاعدْني
يارَبْ

إذا أعطيتني مَالاً فلا تأخذ سَعادتي
وإذا أعَطيتني قوّة فلا تأخذ عّقليْ
وإذا أعَطيتني نجَاحاً فلا تأخذ تَواضعْي
وإذا أعطيتني تواضعاً فلا تأخذ اعتزازي بِكرامتي



يارَبْ عَلمّنْي أنْ أحبّ النَاسْ كَما أحبّ نَفسْي
وَعَلّمني أنْ أحَاسِبْ نَفسْي كَما أحَاسِبْ النَاسْ
وَعَلّمنْي أنْ التسَامح هَو أكْبَر مَراتب القوّة
وَأنّ حبّ الانتقام هَو أولْ مَظاهِر الضعْفَ.



يارَبْ لا تدعني أصَاب بِالغرور إذا نَجَحْت وَلا باليأس إذا فْشلت
بَل ذكّرني دائِـماً أن الفَشَل هَو التجَارب التي تسْـبِق النّجَاح.



يارَبْ إذا جَرَّدتني مِن المال فاتركْ لي الأمل
وَإذا جَرّدتني مِنَ النجَّاح فاترك لي قوّة العِنَاد حَتّى أتغلب عَلى الفَشل
وَإذا جَرّدتني مَن نعْمة الصَّحة فاترك لي نعمة الإيمان

[فيوليتا]

طيف هيني بسرعة لحقتك عالدردشة الجديدة
ام ايموني يسلموا عالنكتة صرتي بالتاسع ؟
طيف الله يسامحك انا ميتة من الجوع وعم اكل خيار شو اعمل اللي بدو الدح ما بيقول اح صح ؟
شهود يا خسارة خلص بنشوف شنشون مرة تانية
انجل ليش زعلانة هيك ؟ انا والله مش لاني باحكي معاك او لانك فلسطينية صوتت لك لا والله لاني حسيت موضوعك كتير مؤثر يا ريتني زيك انا من النوع اللي بيستعجل وبيهكل الهم بسرعة بس زوجي عكسي باله طويل وهادي كتير
طيوف اختي اللي مسافرة ع اميركا رقم 5 اختي العروس رقمها 4

[طيـــف]

فيوليتا لازم اناديكِ ام هاشم افضل:)

الله يوفقها يارب ويرجعها بالسلامه يارب

[إنجــــــــي]

تروح وترجع اختك بالسلامة فيوليتا شو طابخة اليوم انا محتارة اعطيني افكار ياعسل

[ام صائب]

مرحبا
طيف أنا كتبت رد طويييييل وبعد ما حطيت ارسال للرد اعطاني رسالة من الادراة الموضوع مغلق وازعلت لأنو كان رد دسم

المهم شكرا على الضيافة ولو انو الصور للاسف مو طالعة عندي

وشكرا على الدعاء الرائع واللهم آمين

انجل أنا راح اعمل مسقعة باتنجان ان شاء الله كيف فكرة حلوة مو ؟

فيوليتا شو صار بالدردشة الاردنية ؟شغالة بعدها ؟
كيف كونتيسة ؟والله مو فاضية أروح هناك
اليوم حكيت مع رشا على الخاص
لقيت الها رد بعتلها رسالة بسالها عن اختفائها
حكتلي نلتهية بالبيبي وما بتقدر تفوت كتير وطول الوقت عند اهلها كمان
الله يعينها

[طيـــف]

ام صائب حقك علي حبيبتي

لو بعرف بدك تننورينا ماكنت اغلقت الموضوع :( بس مضطره لانه خلص تجاوزت عدد الصفحات

[ام صائب]

بعرف طيوف عادي حبيبتي انا زعلت بس مو كتير يعني شوي ههههههههه
بس لو صبرتي 5 دقايق
نصيبي شو بدي اعمل

هلا بدي اقوم اطبخ بطل عليكم كل شوي اذا لقيت حدا

[إنجــــــــي]

ام صائب صحة وعافية عالمسقعة بس انا ما باكل البتنجان ابدا

[إنجــــــــي]

يمكن اعمل تكساس برايز عطريقة الغالية الباجوري

[طيـــف]

انجيل ماقلتلي مين ماعم يرد عليك؟؟؟؟

[ام صائب]

للغالية طيف باقة ورد وتحية لمجهودك الرائع بالركن

http://www.indiaflowerdeliveries.com/Bouquets/bouq%20festiveB.jpg

يالله الى اللقاء حان وقت الاشغال المنزلية

[إنجــــــــي]

طيوف انا سألت شو طابخين بس ماحدا رد
لكن بسيطة مش مشـكلة

[طيـــف]

ياحبيبتي ام ليونه
انتي ورده وعم تقدمي لي ورد الله يسسسسسسسسعدك ويديمك يااحلى ورده

[طيـــف]

ام ربا

انا اليوم رح اكل براون باستا:)

[ام صائب]

ياحبيبتي ام ليونه
انتي ورده وعم تقدمي لي ورد الله يسسسسسسسسعدك ويديمك يااحلى ورده



ههههههههههههه راح ابلغ أم ليانة هالحكي حبيبتي
شكلك مشغولة
وراكي شغل كتير والله حاسة فيك

يعطيك العافية يا عسل
(الوردة مني انا ):)

[طيـــف]

سامحيني ام صائب والله مخووته ومامركزه
http://www.angeleyes2.com/platinum/images/ca/sorry11.jpg
معلش حبيبتي وهالورده مني الك
http://i12.photobucket.com/albums/a250/castlebettger/rose.jpg

[ام صائب]

لا لا تحكي عن حالك هي طيف والله عادي
وميرسي على الوردة حبيبتي

يعطيك العافية

[فيوليتا]

طيوف انا ام هشام مو هاشم !!!!!!!
ام صائب ليش بتساليني انت ليش بطلت تيجي عنا ؟
انجل انا مو طابخة اليوم لانو عندي من امبارح ملوخية وارز
وين رينو هالايام ؟ كنها عم تدهن بيتها الله يعطيها العافية
ام ليانة شو بتطبخي اليوم ؟ جوزك شو بيشتغل ؟

[أم أيموني]

ام ايموني يسلموا عالنكتة صرتي بالتاسع ؟


هلا وغلا حبيبتي.. الله يسلمك.. لسه يوم 15/6 بفوت بالتاسع بإذن الله .. بلش العد التنازلي تخيلي انا عندي ولادة من الشهر السادس هلأ جكر بس أصير بالتاسع يعلق لآخر الشهر.. q) ساعتها بدي تراك يحركني ws:-)

[ماما نبيلة]

اهلين حبيباتي مبروك الدردشة الجديدة يسلموايديك طيف وشكرا على الضيافة والدعاء
ربي يتقبل منك
ام ايموني كتير حلوة النكتة ربي يقومك بالسلامة وبخير
فيوليتا كيفك وكيف ولادك اشتقتلك
انجل رديت عليك وانا اليوم طابخة ورق دوالي تفضلي
ام صائب بتهدي ورد يا وردة اللي زمان ما عملتها

[فيوليتا]

ام ايموني الله يقيمك بالسلامة وترتاحي ........كم يوم اجازتك بعدها ؟ عندك نت بالبيت ؟
ماما نبيلة وانا مشتاقة لك كمان الله يديم المحبة بتعرفيش حدا من بيت قطينة او الداودي ؟

[سوسو1983]

صباحو
...
قصدي مساؤو بنات
:D
كيف الجمييييييييييييييع
مشتقالكو

[ام صائب]

طيوف انا ام هشام مو هاشم !!!!!!!
ام صائب ليش بتساليني انت ليش بطلت تيجي عنا ؟

فيوليتا عزيزتي انا مو اني بطلت أدخل والله ما بفضى كتير لو تشوفي الشغل اللي علي
يا دوب اقدر افوت المنتدى زي اول بدخل على اهم المواضيع وبطلع
مشان هيك سالتك مشان تطمنيني عليكم من غير ما أروح لهناك

ام صائب بتهدي ورد يا وردة اللي زمان ما عملتها
هلا ماما نبيلة حبيبتي ربي يخليلنا اياك
والله ملاحظة انو مو زمانة ما عملتيها بس زمان ما دخلتي زي اول
الله يعينك وينجح سارة بنتك يا رب
صباحو
...
قصدي مساؤو بنات
:D
كيف الجمييييييييييييييع
مشتقالكو
هلا سوسو تشتاقلك العافية





بنات بتعرفو شو صار بالمسقعة ؟؟؟؟؟؟؟؟؟؟؟؟؟؟؟؟؟؟؟

انكسرت الصينية وانا انقلها من الغاز للفرن بعد ما جهزتها كنت بدي انقلها للفرن بعد ما سبكتها على الغاز وهي بايركس
حطيتها بطريقي على الجرانيت يعني خزانة المطبخ أول ما حطيتها !
طاااااااااااااااااااااااااخ خبطت وتفتفتت تفتيت وشوربتها نااااااااااار على اجري
هههههههههههههه شر البلية ما يضحك
المهم بعدها ساعتين تنظيف ووصيت على برياني من المطعم اللي تحت وكباب للأولاد
هذه قصتي لليوم
فزيعة مو ؟

[طيـــف]

فزيعه كتير كتير
ههههههههههههههه يختي محلاكي ودلوعه

الف سلامه على اجريكي حبيبتي وفدام البايركس كلوكلو


ام هشام ولا يهمك:)

هلا ياسوسو

[طيـــف]

اهلين سوسو كيفك

[lonle]

هلا نعومات كيفكم

ام ايمونى تسلمى على النكته وتقومى بالسلامه

طيوف شكرا على الضيافه والدعاء بس بينى بينك اكلاتك ازكى

سوسو هلا يا عسل ما بعرف انا عندى احساس انى بعرفك كمان بس ما اعتقد بالمراحل الدراسيه لانه فى بينا5 سنين ومجال كلياتنا مختلف

انجل كيفها ربا وانتى كيف نشاطك

ماميتو صحه وعافيه الورقات
فيوليتا الله يقويكى ويديكى الصحه وتوصل اختك بالسلامه ويتمم لاختك التانيه على خير

ام صائب خيرها بغيرها وسلامتك وصحه وهنا يا قمر

ام اللول كيفك صحه وهنا الاكلات والله يعينك ويقويكى

رندوش ووعود زى الهلال ما بطلو

شهود يا عينى على الصينى صحه وهنا ان شاء الله



بالنسبه لاخبارى الحمدلله رب العالمين
وللطبخ مش عارفه عندى ركود مطبخى هاليومين ما إلى نفس بالطبخ لكن أداء واجب اليوم عامله فاصوليا خضراء
اكيد بدكم تطردونى من عندكم لانى وحده كسوله

[ام صائب]

فزيعة ههههههههههههههههه لا والله قصدي فظيعة وايد
مصيبة
هلا لونلي
الله لا يوريكم هلكت تنظيف بعد اللي صار
الحمدلله على كل حال
بس بصراحة بعمل فيها وبتخيل حالي وأنا آكلها وانصدمت باللي صار
صارلي زمااان ما عملت مسقعة واجا عبالي اليوم ومبسوطة اللي بعملها
بكرة ان شاء الله بعيدها بس بصينية تيفال ان شاء الله

[ام صائب]

لونلي شو اسم الكنب اللي بيتحول لسرير ؟

مو متل هاي الكنب العنجد يعني ما بتتخيليه سرير ابدا

http://www.kelleyfurniture.com/productimages/FBG/medium/B61623.jpg

معلش حولتها لدردشة سيدات الديكور

[سوسو1983]

يييييييه ام صائب
حمدالله عسلامتك
لو تعرفي انا قبل يومين شو صار فية :(
كنت عاملة فطاير وبدي احطهم عنار واطية كتير عشان اجلي
المهم بعد شوي فتحت لاقيت انو النار مطفية اصلا وكلو غاز الي بطلع
عاد كنت يومها مشغول بالي كتييييييييييييييييييييييير
وحالتي حالة
وبفكر
ومع اني من ناحية الغاز والنار والكهربا بموووت خوف
وحريصة وموسوسة
مع هيك
ولعت الكبريت مرة تانية وفتحت الغاز
الاهوة
وللللللع بوشي انا
بس الناحية الشمال
سرخت سرخة معتبرة
وصرت ارجف
وخفت خفت خفت
وجراي اطلع عجمالي ازا تأثر او لا
بس الي صار تمدتت عالسرير ملموسة
وشميت ريحة شعر محروق
اطلعت لاقيت ايدي الشمال كان فيها شعر شوي لاقيتو محروق طرافو
وريحتو :(
وحسيت رموشي تقيلة
لاقيت عيني الشمال رموشها
طرفهم متفحم ولونو بيج عارفين من الحرق
قعدت اتك فيهم والله
بس الحمدلله ماطارو كلهم يعني قصرت الرموش شوي
اما غرتي لاقيت برضو اكم شعرة محروقة
بس السالف لاقيتو مخشب
قعدت امسكو والشعر يتفتفت
المهم قصيتو
خلاصة الكلام الحمدلله ماصارلي هالاشي
يعني ماانحرق وشي لاسمح الله
الحمدلله
خفففففففت ياماما
كنت لحالي :(
ماتزعلي المهم ماصار برجلك شي يارب؟
وبعوض الله عالمسقعة

***********

لونلي اهلا ياعسل
لتكوني وحدة من قريباتي؟؟؟
ولا معقول؟؟؟
بكرة بنعرف ياخبر بفلوس بكرة ببلاش
يااما تقارب القلوب هيك عمل
\



طيوف الحلوة اهلا وسهلا
و اخر اخبارك الطبخية
عفكرة عملت الكفتة الارمنية بس ماعجبني كتير طعمها
لانو الدبس حلو
عحامض
عمالح
ماعجبني كتير
بس اكلناها زاكية كانت
مع انو انجل عملتها تسدقي ماتت عليها
الظاهر الشغلة الذواق وبس
عاد لو اكلة حراقة كان عملت قصيدة غزل فيها

[ام ليانة]

سلامتك

[lonle]

ام صائب انا فهمت قصدك sofa bed يمكن هاى قصدك
http://zoom.jcpenney.com//is/image/0900631b810baa78M.TIF?wid=250&hei=250&op_sharpen=1 (http://www4.jcpenney.com/jcp/ProductImageview.aspx?IT=G&ID=10BE724&MD=RP&GRT=PRD&E=&SA=T&VT=ZV&I=0900631b810baa78M.TIF&VAS=&AV=F&RGB=&AS=0900631b810baa7aW.jpg&AST=Maize&BID=&VID=&PopUpBlocked=true&RU=PROD%257c0%257c040660%257c%257c%257cPRD%257c10b e724%257c%257c%257c%257c%257c%257c%257c&CmCatId=EXTERNAL|040660)


وبالنسبه للاكل خيرها بغيرها وشوفى انا شو بعمل
تداركا لمتل هاى الحوادت بحط على الجرانيت جنب الفرن قطعه بلاط ديكور هيا بتكون شكلها زى البلاط بس هيا تبعت السخن يالى بتنحط تحت السخن يا رب تكونى فهمتى على وبتكون منظر حلو


والصوره يالى حطاها انتى
بتكون كنبه وسرير
لكن ما بيفتح زى ما هوا بالصوره
وهاى حلوه للبلكونات لمقززه منظرها بكون حلو

[ام ليانة]

سلامتك ام صائب

انا جيت اجري على صوتك

فداك البيركس كله ياقمر

انا مشغولة في المطبخ ..............بس اجيت اطمن عليك

[ام ليانة]

لونلي

كيفك حبيبتي ويعطيك الصحة

كيف اولادك ..........يا حبيبتي الي عندو صغار ولا يمكن يكون كسلان

الي بتسال عنه ام صائب هو الصوفا الي قلتي عنها كتيرعملية وعنا هنا متوفرة في ايكيا اكيد الو فرع عندكم

[ام ليانة]

سلام يا بنات

اخلص شغلي واشوف ادا بقدر ارجعلكم

عاملة الكم حاجة حلوة كتير

خليها مفاجاة

انا من الاسبوع الجاي راح انشغل

خليكم تذكروني بالخير وتدعولي

بحبكم يا حلوين

وسلام يا قمرات

[lonle]

ولو يا ام اللول احنا دايما متذكرينك
واكيد يالى عنده اولاد لازم كل يوم يعمل لهم شى بس اوقات الواحد بيعمل بنفس
واوقات بكون اداء واجب وماإله نفس على شى الله يديكى الصحه ويوفقك

[سوسو1983]

ام اللول انا زعلانة
بقول اني انحرقت وهب الفرن بوشي وماحكيتي الي سلامتك
تلاقيكي بدك تتخلصي مني
اناعارفة:(
اقري ردي باخر الصفحة الي فاتت بتعرفي شو جرالي
:(
الحمدلله اجت سليمة

[سوسو1983]

الله يوفقك ام اللول ويسعدك وتروحي وترجعي بالسلااااااااامة
سلمي عغزة
واهل غزة
وبحر غزة
ورمل غزة
:(:)

[ام صائب]

سوسو سلامتك كل شي ولا الغاز دخيلك
انتبهي المرة الجاي خليكي صاحية المطبخ وبلا سرحان

انا مني وعلي اليوم كنت سرحانة بالمنتدى وبدي اخلص الطبخة بسرعة مشان اجي لهون هههههههه

لونلي أنا بعرف كمان قطعة قماش كتير منيحة أحسن من البلاطة
بس خلص النصيب هيك بدو يصير معي اليوم

ام ليانة الله يسعدك حبيبتي تسلمي يا غالية عاد طريقة المسقعة أخذتها منك يا ريتك ما حكيتي خليها تتسبك على الغاز وحكيتيلي حطيها دغري بالفرن هههههههه
بس طريقتك روعة سدقي ريحتها مممممممممم وطعمها لما أعملها المرة الجاي يا غالية بصورها كمان ان شاء الله


لونلي بالزبط هاي اللي سالت عنها تسلم ايدك بس بالعربي شو اسمها مو صوفا لأنو عملت بحث بالعربي على صوفا ما طلعت

[lonle]

ولو سوسو سلامتك يا جميل
وانتبهى من الغاز لا قدر الله والقلى والزيت السخن دايما انتبهى منه
لاقدر الله مندلق الزيت الساخن حاولى دايما تسيبيه يبرد على الغاز من جوه أأمن

والأجهزه الكهربائيه لما الله يرزقك لازم اسلاكها تكون بعيده عن ايدين الاطفال

للسلامه

[lonle]

بالعربى ما بعرف ميمو بحال ادورلك
واذا حد من البنات بيعرف بيقولك

شوفى افتحى مواقع ايكيا يالى عندكم يمكن تلاقى لها اسم

[lonle]

ام اللول شوفى بدو الصبايا يطبقوا كيكتك

http://www.lakii.com/vb/showthread.php?t=309503

[ام ليانة]

كيفكم يسعد مساكم صبايا

سوسو معلش ما شفت ردك انا دخلت بسرعة وشفت رد ام صائب وطلعت كنت مشغولة

الف حمدلله على سلامتك انتبهي كله ولا الغاز حبيبتي

والله ربنا سترها معاك .................الغاز لما يطفي معاك ما ترجعي تولعيه الا لما الريحة تروح كلها

موة تانية الحمدلله على سلامتك

[ام ليانة]

ام صائب ادخلي على موقع ايكيا وشوفي اسمها بالضبط دورت الك على الكتالوج ما لقيته

الظاهر الولاد رموه

حبيبتي يعني انا السبب في اللي جرالك شوفي انا كل الاكلات بسبكها فوق الغاز وبعدين بكمل تحت

بكون ضبطت الطماطم والملح والبهارات بشوفوا اطيب

وخصوصا في الحر الفرن ما بحب اولعه كتير عندي المطبخ ما في تكييف

[ام ليانة]

لونلي

هاي تالت واحدة تطبقها

انتو ماحدا جربها............

جربوها كتير سهلة ولذيذة وما بتاخذ وقت ومش دسمة ابدا بالعكس خفيفة وهشة

[ام صائب]

ام ليانة لا اكيد مو انت السبب يا عيوني
انا السبب وهاد قضاء وقدر
تعددت الاسباب والموت واحد

المهم عملت موضوع او بالأحرى نقلت موضوع عن الشيز كيك والأخطاء اللي بنتعرضلها اثناء العمل شوفوه كتير حلو هلا نقلته

[ام ليانة]

انا عارفة يا قمر

موضوعك قرأته كتير رائع

ما شاءالله عليك عجبني من جد .

[رندوش]

مساء الخيرات صبايا
شو اللي بيحصللكم من بعدي حرايق خلو بالكم الله يحميكم جميعا
اهلا ماما نبيله قرب العد التنازلي للتوجيهي الله يوفقها وينجحها يا رب

[وعود الخير]

آه صحيح شو اللي بصير
الف سلامة لك يا ام صائب فداك الف صحن المهم انك بخير
يا ما حصلت معاي ....يا لهوي مرة في عزومة في شهر رمضان ما في شي بيض الوجه .. اللي انكسر واللي اندلق واللي انحرق

سوسو .. سلامتك
انجل عاش مين شافك
ضرتي ..... بتجنني ..

[ام صائب]

يا عيني على نجم المساء رندوش ووعود الخير

وينكم الصبح ما بتبينو
ربي يسلمكم جميعا ويبارك فيكم

وعود اشتقت لطلتك بالدردشة


ام ليانة الحقيني صاروا يسالوني بالموضوع عن الشيز كيك كاني بفهم فيه هههههههه
بيفكروني انا اللي كاتبة الموضوع
مع اني كاتبة انو نقل

[lonle]

أَصْـبَحْنا وَأَصْـبَحَ المُـلْكُ لله وَالحَمدُ لله ، لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد، وهُوَ على كلّ شَيءٍ قدير ، رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه ، وَأَعـوذُ بِكَ مِنْ شَـرِّ هـذا اليوم وَشَرِّ ما بَعْـدَه، رَبِّ أَعـوذُبِكَ مِنَ الْكَسَـلِ وَسـوءِ الْكِـبَر ، رَبِّ أَعـوذُبِكَ مِنْ عَـذابٍ في النّـارِ وَعَـذابٍ في القَـبْر

[فيوليتا]

اصبحنا واصبح الملك لله
كيفكم يا صبايا اليوم ؟
سوسو سلامتك من الحرق ياما صارت معي وزي ام صائب كمان عادي كل شي بيصير بالمطبخ
احنا بيجوز بكرة عاملين عزومة كبيرة بس بالاغلب بالمطعم لاهلي واهله
اليوم اختي مسافرة ع اميركا رحنا امبارح ودعناها مسكينة خايفة شو مش سهلة عمرها 20 ولا عمرها سافرت لحالها تقوم تسافر ع اميركا لحالها
كيف امتحانات اولادكم لين اليوم عليها والاحد اخر امتحان
ما بدي اسمي اسماء لانو اسامي ما اريد اذكر اسامي (مقتبسة من اغنية لكاظم الساهر )
ع فكرة انا اليوم زعلانة الصبح حكيت بسيارة جارنا انا سيارتي ما صار لها شي بس هو yes وما قلتلهم ولا اعتذرت لاني كنت طالعة متاخرة مستحية من جوزي ومن الجيران ولو انها حكة بسيطة مع انو الناس ياما ضربوا لي سيارتي وما حدا اعتذر لي بس انا ما باحب هيك

[رندوش]

يسعد الله صباحكم جميعا
كل ما ودعتي تلاقي عزيزتي فيوليتا
كيفكم صبايا الله يسعدكم يا رب

[رندوش]

يسعدك الله ام صائب نجوم مين والناس نايمين عزيزتي
الله يسعدك يا رب ويخليك مواضيعك حلوه كتير

[ام صائب]

صباح الخييييييييييييير
فيوليتا تروح وترجع بالسلامة أختك حبيبتي ويصبرها على الغربة ويعينكم على فراقها من غير شر

عجبتني جاركم yes ههههههههه بسيطة ديري بالك حبيبتي المرات الجايي

رندوش كنت نجمة المساء
هلا شمس الصباح حبيبتي هلا فيك يا عسل

لونلي اهلا صباح الخير

رندوش تسلمي حبيبتي اعملت موضوع مبارح عن الشيز كيك للي ما بيزبط معها زيي فاشلة الشيز كيك
والمصيبة صرت انسال
وحدة بتسألني ام صائب ارجووووووووووووووك ليش الصينية بتلزق معي من تحت ؟؟؟؟؟؟؟؟؟؟
طيب شو اجاوبها ؟.
احكيلي رندوش ؟

[رندوش]

عزيزتي ام صائب انا قالب التشيز كيك تيفال لا يلتصق به الطعام ابدا هههه
ممكن كمية الزبده قليله وممكن تبطن القالب بسلفان احسن لها
وتتبع المقادير تمام شو رايك بالجواب خبيره صح

[ام صائب]

رندوش انا جاوبتها انو تحط الحمام المائي بالفرن يعني تحت الصينية أو في اسفل الفرن زي ما هو مكتوب بالطرق للحفاظ على الشيز كيك

وحكيتلها تشتري القالب الاصلي برضو زي ما هو مكتوب يعني لو قرات منيح ما كان سألتني ؟؟ههههههه

[رندوش]

معلش في صبايا بيحبوا يتأكدوا من اخطاؤهم
يلا سلام صبايا انا علي زياره اليوم للاهل اخير الاجازه جت والخميس دوام الاهل
الله يخليلكم اهلكم يا رب وما تنحرموا منهم

[ام صائب]

الله معك رندوش وسلمي عليهم احكيلهم ادعو لام صائب ربي يجمعها باهلها عن قريب

وانت ربي يهنيك ويخليلك اياهم يا رب

[ام ليانة]

صباح الخير

الدردشة اليوم منورة

كيفكم صبايا

[ام ليانة]

كيقك رندوش استني ما تروحي

[ام ليانة]

شوفي هالرابط وقوليلي ايش رايك يا قمر

وسلميلي على الاهل والحبايب الله يخليهن الك يارب وما يحرمك من حبايبك

http://www.lakii.com/vb/showthread.php?t=309940

[ام ليانة]

ام صائب صباحك عسل يا قمر

كيفك اليوم لسة حتعملي مسقعة ولا حرمت هههههههه

[ماما نبيلة]

صباح الخير بنات كيفكم
لونلي اهلين بك وشكلرا على الدعاء
ام صائب كيفك عيوني خيرها بغيرها باكلة مبارح
سوسو سلامتك انتبهي تاني مرة ربي يحميك
فيوليتا متل ما ودعتي تلاقي ما بعرف حد من العيلتين اللي سالتي عنهم لكن في بنت بصف بنتي من بيت قطينة
رندوش كيفك شفتي والله بنتي الها 0 1 ايام مضربة عن الدراسة ما بعرف شو مالها وبطلت تفرق معي من القهر ان شا الله بتكوني مسرورة ببيت اهلك وكل سنة والجميع سالمين بمناسبة العطلة بعد اكم من يوم الكل بيربط راسو من نكد الولاد والعطلة
ام ليان اهلين حبيبتي ربي يسهل لك امورك
ووعود 100 اهلا وسهلا بك نورت بطلتك
طيف وينك اشتقنا
ام ايموني شو اخبارك ربي يسهلك الولادة وتقومي بالسلامة
والباقين كلهم وينكم طلوا

[ماما نبيلة]

ام ليان معجنات شهية وطيبة تسلم ايديك صحة وهنا لك وللعائلة

[فيوليتا]

ماما نبيلة لا تزعلي حالك مشان التوجيهي ، انتوا ما عندكم فصلين ؟ كيف عملت الفصل الاول ؟ الله ينجحها وتخلصي من هم التوجيهي هي اصغر وحدة عندك ؟ انا زوجي من بيت قطينة لهيك سالتك
ام ليانة كيفك لساك بتطبخي وبتعملي حلويات ؟

[ام ليانة]

صباح الخير ماما نبيلة

كيفك ياعسل الله يخليك ويبارك فيك

فيوليتا .............كل شي باخلص الا الاكل ولادي قاعدين في البيت باستعدوا للاختبارات

يوم السبت بتبدا بطلبوا وبشهونوا

من الاسبوع الجاي حنشغل معاهم وعمتهم حتيجي من المنطقة الشرقية

قلت خليني انزل شو عندي قبل السفر

[ماما نبيلة]

اهلين فيك فيوليتا لا عنا التوجيهي فصل واحدفقط عشان هيك انا مهمومة وبنتي تالي العنقود اجيت بعد اخوها الصغير ب8 سنوات وهي مدللة ونعومة كتير
ام ليان يعطيك العافية الاولاد في الامتحانات بيصيروا يتشهوا وبتكتر طلباتهم ربي يخليهم وينجحهم ويسلموا ايديك كل اللي عمليتية شهي وطيب

[ام ليانة]

الله يخليك ماما نبيلة ويوفقها بنتك واولاد المسلمين ان شاءالله

انت ساكنة بالقدس ماما نبيلة

[ماما نبيلة]

الله يسلمك حبيبتي وشكرا على الدعوة انا ساكنة قريبة من القدس لكن مش فيها بعيدة تقريبا 3 كيلو متر عنها
انا بدي اطلع عندي شوية اشغال
سلام

[ام صائب]

اهلا ام ليانة حبيبتي أجلت المسقعة ليوم تاني مش جاي عبالي اطول مكينة اللحمة وافرم لحمة (كسولة)
بدي أعمل سمك ان شاء الله

ماما نبيلة شكرا حبيبتي انا ما زعلت على الاكلة على قد ما انقهرت من التنمظيف لانو دخل جوا الجوارير الاكل وبتعرفي البندورة وتنظيفها
المهم انت كيفك ؟

[lonle]

مرحبا على احلى نعومات
سلام واثبات وجود
ولى عوده لكن وين باقى الصبايا
سوسو وانجل وشهود وام ايمونى ورينو ـــــــ وكينده سافرت
وطيوف اجازه

[ام ليانة]

صباح الخير صبايا

كيفكم ................جمعة مباركة عليكم جميعا

رندوووووووش ..........شهود............. لونلي .........مروا سجلوا حضور

ههههههههههههههههه

الله يهدينا جميعا ويصلح حالنا يارب

[رندوش]

يسعد صباحكم صبايا
الله يجمعنا دائما على طاعته وترك معاصيه
كيفكم صبايا شو عاملين
اليوم عندي غدا عائلي اتفضلوا صبايا
ان شاء الله عامله دجاج بالملح
رز بالفريكه
وبيتزا
وسلطه خضراء
خضار سوتيه
وحلو كتير بحبه بس يا رب يكون ظبط قبل كده عملته وتمام
بس المره هاي حاسه انه مش تمام زي كل مره
اتفضلوا صبايا ما تتكسفوش هههههههه

[رندوش]

يسعدك ام لولو لازم الدخول اجباري ما فيها كلام ام لولو

[ام ليانة]

يسعد صباحك رندوش

كيفك ............انا جاية يلا مسافة السكة

انا اليوم اجازة اولادي بدهم جاهز ...............قال علشان الاختبارات بكرة بتدللوا

ريحوني

ما شاءالله سفرة عامرة دايما انشا ءالله

ايش هدا دجاج بالملح رندوش اول مرة اسمع فيه

[shahed60]

صباح الخير بنوتات وجمعة مباركة
رندوش اذا بدك مساعدة انا حاضرة عوافي ان شاء الله
ام ليانة كيفك يا قمر هاي مريت لسجل حضور
شو طابخة اليوم انا غداي اكلة تعلمناها من اهل مدينة ادلب اسمها طاسة وبرغل هههههههه
ان شاء الله بقدر صورها ونزلها

[ام ليانة]

رز بالفريكة
يعني بتخلطي رز مع الفريكة وبتفلفليهم مع بعض

حاجات جديدة خلينا نستفيد منك شيف

[ام ليانة]

شهود صباحك عسل

ذكرتيني امبارح مريت على طبق الدجاج بالفستق وما رديت

اجاني تلفون وقمت

هلا بروح ولا يهمك

صوري حبيبتي خلينا نتعلم

[سوسو1983]

اهلا وسهلااااااا
ياحلوات
كيفك ام صائب و رندوش وام اللول
انا اليوم بدي اعمل مكرونة بالباشاميل

رندوش شو يعني جاج بالملح؟
عليه ملح يعني ولاطريقتو خاصة؟

بنات انا زعلان هاليومين خالي توفى الله يرحمو قبل امبارح
وزعلانة كتير خاصة عمرتو وماما
صحيح ماكنا نشوفو كتير يعني لانو مشغول وهيك
لانو دكتور كتير مشهور بغزة اكيد بنات غزة بعرفوه
الله يرحمو يارب
بحبو اكيد بضل خالي مهما كان مااشوفو كتير

:(الله يرحمو يارب

[وعود الخير]

مرحبا صبايا
رندوش... اذا الطريق سالكة ومافي مطبات
انا ربع ساعة عندك
بموت فيها الدجاج بالملح
فاكرة لما كنت ادور على ملح خشن وفي النهاية عملتها بملح عادي

صبايا بحث في ركن الاطباق الرئيسية بتلاقوا الدجاجة منورة هناك

[shahed60]

مسا الخير بنوتات رجعت وجايبة زوادتي معي تفضلوا هاي هي الطاسة والبرغل طبعا ما رح احكي عن المكونات لحتى نزله هههههههه
بس كنت بدي نزلها ف ما عرفت بنزلها بركن الاطباق الرئيسية ولا المقبلات ف قلت باستشير وبعدها بشتغل هههههههه http://www.lakii.com/img/all/Jun07/ly92qO06080519.jpg

[lonle]

هلا نعومات كيفكم وشو اخباركم
مالكم نشاطكم خفيف


شوفو اخر اخبارى المطبخيه
اليوم عملت قلايه بندوره وفريكه
وكيكه جوز وموز

سلام للكل

[Rino]

سلامات يا أحلى ستات
مشتاقة للكل كتير و صارلي كام يوم غايبة عنكم بس غصب عني
كمبيوتري بعيد عنكم أصابه شلل دماغي مفاجئ و صارلي من يوم الأربعاء و أنا عم جاهد لإصلاحو اليوم بالليل لحتى مشي الحال بس للأسف ضاع كل شي مخزنتو عليه لا ملفات و لا شي زعلت كتير عاللي كنت مخزنتو بس يالله رجعتي ألكون بتسوى عندي كتير
بتعرفو شو أخباري كمان؟
أنا هلأ مقيمة عند أهلي لأني بديت عملية الدهان ببيتي و على حسب أوول الدهان أنو بيخلص بعد 3 أسابيع الله يهونها و يسهلها
ما شاء الله عليكون بديتو الحلقة 15 بمسلسل دردشتنا إن شاء الله ما منوصل للحلقة الأخيرة أبدا و بيضل التواصل بيننا دائم و بيفضل الود و الخير و المعروف هم اللي بجمعونا
طبعا فاتني بالدردشة أخبار كتير بس الشاطرة فيكون بتعطيني نشرة موجزة عن آخر الأخبار
يا الله أنا بالإنتظار و هلأ تصبحو على خير لأني كتي نعسانة و الساعة عندي صارت 2 بعد نص الليل

[رندوش]

يسعد صباحكم صبايا
الله ينور عليكم شو هالفنون المطبخيه اخريتنا بهالدردشه بنطلع ب10 كيلو زياده فيالوزن
حرام عليكم هههههههه
وعود نورتي عزيزتي الملح الخشن متوفر بالاسواق
ابعتلك شي كيلو ولا 2 ولا اقلك اتفضلي كلي الدجاج
طلع تحفه الصحيح صورته بس الصور محروقه خخخخخ الاضاءه ما في

[ام صائب]

صباح الخير يا نواعم

يسعد صباحك رندوش

انا نعسااااااااانة ورايحة أنام لل12 الظهر

سلامي للجميع

احبكم في الله

[رندوش]

صبحي على خير عزيزتي ام صائب

[shahed60]

صباح الخير رندوش كيفك يا عسل وكيف كانت العزيمة
بس قوليلي كيف بتعملي الجاجة شكلها جديدة

[وعود الخير]

http://www2.0zz0.com/2007/05/19/08/14127822.gif

بكلمة واحدة بس
اشتقت لكم جميعا
بدون ذكر أسماء علشان فيوز الذاكرة عندي ضاربة
الحمد لله ان الكل بخير
ومعلش اعذروني على الغياب عاملة متل ام العروس
فاضية ومشغولة
http://www2.0zz0.com/2007/05/19/07/76913855.gif

[shahed60]

اهلا اهلا وعود كيفك يا قمر وين هالغيبة سلامة الذاكرة عقلك بيوزن بلد
شو هالورود الحلوة يا وردتنا

طيف وينك يا قمر اضهار وبان عليك الامان اشتقتلك

[وعود الخير]

الله يكرمك يا شهودة
بتعرفي الحياة مشاغل بس ربنا العالم انكم في القلب والبال ..
اما الذاكرة شكلها صار بدها رام جديد (تقوليش كمبيوتر)

[shahed60]

هههههههه الله يسعدك وعود الحال من بعضو
بس بقول بيني وبين حالي مثلا متل ستي الله يخليها ويشدها بتوب العافية تعرضوا لحياة اقسى من حياتنا وما شاء الله عقلهم زينة مثلا ستي عمرها هلق اللهم صلي على سيدنا محمد 90 سنة ووعاشت حياة ما بتمناها لعدو ولا صديق وعقلها توفى الها شبين وصبية وعاشت مع خالة زوجة اب وربت اولاد خالتها اخت امها وفوقها قهرالضرة وصرلها مترملة 27 سنة
يا ترى لو كنت انا محلها لا سمح الله بثبت متل ما ربنا مثبتها

[shahed60]

ما قلتيلي شو عاملة غدا انا عندي من مبارح غدا وشوربة خضار لشهودة ووصحن لحمة بالصينية من عند الجيران ورح اعملي سلطة صينية صحن صغير

باقي الستات وينكم شو هالركود

[فيوليتا]

صباح الخير
وعود كيفك يا ام العروس ( ان شاءالله بتشوفي نغومة عروس )
رندوش دلينا ع الدجاج بالملح
شهود كيفك والله ستات زمان غير انا كمان ستي حياتها بتحزن تجوزت صغيرة وعاشت في نفس بيت حماها وما كانوا مناح بالمرة معها كانت عند اهلها مدللة وطلعات وشمات هوا ببيت جوزها الطلعة من البيت ممنوعة ومسكينة كان عندها سبب خلقي يخليها ما ترضع فقعدت 9 سنوات ورا بعض كل شهر 6 من كل سنة تولد تخيلي هدة الحيل وكان اشي يموت واشي يعيش وفي ناس ماتوا كبار وما ضل لها الا 4 هذا غير الهجرة من فلسطين سنة 1948 من اللد لغزة ومن غزة لنابلس ومن نابلس لعمان ويوم الهجرة لما طلعوهم اليهود وهم ماشين كانت حامل بشهرها فولدت بالطريق ومات الولد وحالة وقامت كملت الطريق ( بتنفع حياتها مسلسل ) نيالهم والله كله هذا اجر عند رب العالمين
ام صائب خليتيني امبارح اعمل منزلة باتنجان يممممممممممي ما ا زكاها انا كتير باحب الباتنجان كمان عملت اكلة اسمها زربيان بيجوز ام ليانة بتعرفها لان عمتي اللي بجدة هي اللي دلتنا عليها
سوسو عظم الله اجركم

[طيـــف]

بونجووووووووووووووووووووووووووووووووووووووووو رررر

[Rino]

صباح الخير على عيون كل الصبايا
يوم سعيد إن شاء الله لكل الموجودات و الغايبات
شهود كيفك حبيبتي و كيفا شنشونة راح الكتير و ما ضل إلا القليل و بتنوري سوريا كلها إن شاء الله
وعود صباحك عسل يا أحلى من العسل شو قصدك متل أم العروس ؟ شو خطبتي نغومة؟

[وعود الخير]

صبايا وستات
شوفوا هالمقارنة بين قبل وبعد ....
قبل الزواج: يكون الزوج زبوناً دائماً في محلات بيع الورود
بعد الزواج: يكون زبوناً دائماً لدي محلات الخضار

قبل الزواج: يكون الكلام طويلاً مثل أغاني أم كلثوم
بعدالزواج: يكون الكلام قصيراً مثل أغاني شادية
قبل الزواج: (المشي في الأسواق والأيدي متأهبة لدفع ثمن الجهاز )
بعد الزواج