استفتاء...اختبار القدرات لطلاب الثانويه العامة نعمه أم نقمه؟؟ [الأرشيف]

Mo0oha

06-06-2007, 09:08 AM

السلام عليكم
اخباركــــــــم بنات اليوم ابي اطرح موضوع اختبار القدرات اللي يخضع لها
الطلاب للقسمين العلمي والادبي والطالبات الراغبات في دخول الكليات الصحيه

المسؤلين يقولون انها اختبارات تحدد الكفائه >>>(طيب والثانويه العامة وش فايدتها)
والطلاب يقولون انها اختبارات تعجيزيه هدفها احباط المعنويات اولا وانقاص المعدل ثانيا وجمع المال ثالثا...!!!

انا ابي اسأل كطالبه خاضت بنفسها هذا الاختبار وش الفايده منه ؟؟؟
وعلشان تتوضح لكم الصوره بعطيكم لمحه عن الاختبار

الاجرائات من اولها إلى آخرها تعتبر معقده
اول شي يطلع الطالب سند دفع مية ريال علشان يقدر يدخل القاعه واذا فاته الاختبار الاول بيدفع 500 ريال علشان يدخل الاختبار الثاني>>> طيب ليش ؟؟؟ يعني ماشفنا خدمات قدموها للطلبه داخل القاعه الا كم علبة عصير الاغلبيه ماصار لهم نصيب منها
ثانيا الاسئله بصراحه ما ادري شلون جايه يعني بالعربي مو مفهومه وخصوصا قسم اللغه العربيه
واكثر الاسئله متعلقه بالرياضيات >>> عقدة الطلاب الدائمه
ثالثا التوتر اللي يسببه المراقب للطالب ... لاتتلفت لاتتحرك ليش تقلب الورقه
>>> يعني يزيد الطين بله هذا بدل مايخفف على الطالب
والطامه الكبرى ان نتيجة الاختبار هذا تأخذ نسبة 30% وهذا يأثر بشكل كبير على المعدل
يعني وكأن تعب الثانوية العامه مو مهم بالنسبه لهم !!!

وانا الحين باخذ رايكم بهالاختبار هل هو مفيد او لا ؟؟
واتمنى تشاركوني

دمتم بحفظ الله

qamaralma7bh

06-06-2007, 12:19 PM

اممممممممممممممممممممممممممممممم

بصرااااااااااااااحة انا ماجربته ..........

اللي شفته في الثانوية العامة جنني والله

بس احس انه ممكن يكون مفيد لو كان بدون دفع فلوس ........ لان هذا اختبار ........ وش يستفيدواااااااااا من الفلوس ......... وكمان مو كل شخص امكانيته تقدره انه يدفع لمجرد دخول اختبار ممكن يصيب وممكن يخيب

وكمان لو كان في جو كله رااااااااااحة مو توتر

لكن على الحالة اللي هم بيسونه فيها احس ماله فايدة ولا له داااااااااااعي ابدا ...........