PDA

View Full Version : ترهل الصدر

هيونه
23-07-2002, 03:59 PM
بنات ابي علاج سريع حق ترهل الصدر:D
فروحة الدلوعة
23-07-2002, 04:13 PM
صراحة انا ماعندي شي لاني ابي حل لصديقتي تعاني من نفس المشكلة الله المستعان
اشراقة
23-07-2002, 04:20 PM
:S: :S: ما في .. :S: :S:
ما في حل الى هذا الموضوع
اللي تبي ما يترهل صدرها ما ترضع اطفالها.. فضريبة الرضاعة ترهل الصدر..
يقولون بالرياضة ، لاتفيد التمارين في شد الصدر
اذا اردتي الرجوع لسابق حالتك لا يوجد الا حل واحد وهو الجراحة!!!!
بشاير
23-07-2002, 08:15 PM
الحلوة هيونه ..( قريت في منتدى ثاني) جربي هذه الطرق :
1_ لشد الصدر والبطن استخدام ماسك العسل والدقيق .
2_ دهن الصدر بزيت الزيتون وتدليكه لعدة دقايق ثم غسله بالماء الدافئ .. وبعدها تمرير ثلجه على الصدر حتى تذوب .
3- استخدام تفاحه مقشره ومهروسه جيدا ووضعها على الصدر لمدة نصف ساعه على الأقل كل يوم .
4- أضافة فنجان من خل التفاح الى ماء الإستحمام ،،، كما يمكن تدليك الصدر والجسم بخل التفاح ثم الوقوف تحت الماء الساخن لمدة ربع ساعه ... ثم غسل الجسم بماء بارد مضاف له ماء الورد لمزيد من الشد للمنطقه .
5- ترمس مطحون + لبن + خل تفاح + ماء الورد .. خلطيهم ثم ضعيهم على الصدر لمدة ساعه ثم غسله وإضافة الماء البارد أو الثلج .
6_ مسحوق الملح والماء البارد يرش كل يوم على الصدر .
منقول




ملاحظه : كتبت من قبل عن بعض الطرق لشد وتصغير الصدر تختلف عن هذه الطرق يمكن ايضا الرجوع لها .
بشاير
23-07-2002, 08:20 PM
وعلى فكره ياهيونه ، هالمنطقه من الجسم حساسه جدا ، ولا يمكن أنها ترجع مثل ما كانت بالضبط.. بس يمكن تخف الحاله شوي ، عموما مستحيل تلاقين حل سرررررريع مثل ما قلتي لأن هاشي مستحيل يصير بين يوم وليله ( والصبر مفتاح الفرج ) ، والحل السريع فقط مثل ما قالت الأخت اشراقة (( الجرااااااااااااحه)) مع ان هاشي في مجتمعنا المسلم يخدش حياء البنت فعلا .. وفقك الله أختي هيونه
هيونه
24-07-2002, 12:45 AM
اشكرج يا بشاير واشراقه , بس الواحد يخاف يحط هالمواد على جسمه خاصه انها منطقه حساسه ,, بس يالله الرضاعه احسن بالف مره من شد الصدر
بنـوته
24-07-2002, 04:18 AM
السلام عليكم
افضل طريقه هذي:
بللي فوطه بالماء البارد وضعيها على صدرك
مع العلم انها مجربه
NONO4000
24-07-2002, 04:19 AM
هيونه مرحبا مثل ماقلتي الرضاعه احسن باالف مره من شد الصدر فلوله الله ثم الرضاعه ماحصلت ابنائنا الكثير من الحنان والعطف والله يساااااعد ان شااااله لان انا اشتكي من هذي المشكله حياتي وقليل من الصبر والممارسه على التمارين راح تحصلين فايده مع كثير من الشهور لاني ساله الاخصائيه تبع الرياضه واكدتلي ذالك .......... ....... .........

ومثل ماقلتلك الصبر مفتاح الفرج..............................
NONO4000
24-07-2002, 04:22 AM
بشاير قوليلي في حد مجرب هذي وكيف وضعي له وانا مستلقيه على ضهري والا عادي ....

وهل امارس الرياضه معه ياريت تردين علي ...............
بشاير
24-07-2002, 01:29 PM
شوفي أختي NONO4000 ، المسألة فيها شويت لبس : فالبعض يعاني من السمنه ويطلب حل لمشكلة ترهل الصدر وطبيعي أنه إذا ثقل بيترهل ( قانون الجاذبيه الأرضيه ) مادري وش جاب هالجملة معانا الحين .. هههههههه قمت أمارس مهنتي عليكم .. يالله أتحملوني شوي ....المهم ألي تعاني من السمنه يعني مافي حل إلا أنها تتخلص الأول من الوزن الزايد وبعدين أتشد بالتمارين وبعض الأقنعه ألي ذكرتها ويمكن تلجأ للجراحه كحل سريع .. لكن إذا ماكانت الحرمه تعاني من الوزن الزايد والمسأله من الرضاعه بأمكانها تستعمل الأقنعه لكن مثل ما سألتي الأقنعه لوحدها ما تكفي((( لاااااااااااااااازم رياضـــــــه))) عشان تحصل نتايج أفضل و(من طلب العلا سهر الليالي )عزيزتي .. وايد اتفلسف سامحيني يعيوني ... أختج في الإسلام بشــــــــاير
بشاير
24-07-2002, 01:39 PM
أي نسيت أٌقولج .. آنا ماجربتها لأني للحين ماصرت( أم) قولي أن شاء الله يارب أًصير أم بسرعه ادعييلي لأني لسى عروسه جديده بس قريتها في منتدى ثاني ونقلتها من باب الإفادة لكني دايما أخاف من تغير وزني بعد الزواج وأحاول أعمل بعض التمارين ألي ذكروها الأخوات في منتدانا الجميل تفاديًا لوقوع المشكله ( وبالج أتعرفين أستعداد بنات الخليج للسمنه وخاصه بعد الزواج ) ...أي وبعد دايمًا أتحمم بماي دافي وبعدها أشطف بالبارد عشان أشد جسمي ....وبس
هيونه
24-07-2002, 03:20 PM
بشاير ,, انشالله بعد شهر ولا شهرين نسمع انج حامل قولي اااااااامين ..
بس انتي ليش مستعجله عالحمل خلج مرتاحه ومستانسه وعروسه وتوالناس على عوار الراس وتعب الحمل واليهال :))
شما
24-07-2002, 03:58 PM
مرحبااااااا
أنا دايما ألاقي في الصيدليات كريمات خاصه بتصغير وشد الصدر..بس ما دري هاي وراها فايده او لا..أو أنها تكون ضاره
وحتى في محلات الأعشاب..عندهم خلطات خاصه حق هاذي المشاكل
بس الواحد ما يدري.. تنفع أو لا...

بس نرجع و نقول ماااا في غير الريااضه..وأنا أنصح انه الوحده ما تسوي رياضه بكيفها...لازم مثلا تكون عندها مدربه في البيت...تخليها فتره تتعلم منها وبعدين ممكن تستغني عنها..لأنه حق كل مشكله فيه رياضه وحركات خاصه لمعالجتها...و لازم
الاستمراااااااااااااار عليها...


لكن اذا ما طلعت نتيجه بعد هاي المحاولات كلها..ما يبقى الحل الأخير وهو الجراااحه... بعد التاكد من الدكتور ...

مع السلاامه
هيونه
24-07-2002, 04:02 PM
شكراااااا شما
batataliloo
24-07-2002, 04:28 PM
ممكن اقول رايى؟ إزيكم اخواتى؟؟
انا عندى طفلة (زينة) لسه عندها شهرين.. طبعا دى مشكلة مقابلانى ومغيرة حتى شكلى فى ملابسى رغم إنى رجعت لشكلى الأول ووزنى نزل خالص الحمد لله .. والحمد لله كمان على الرضاعة الطبيعية .. كل اللى باعمله إنى مش بحاول يكون فى مجال للزيادة فى حجم الصدر أكبر لأنى لازم باستمرار ألبس المشدات (سوتيان) ولا أتركم بدونهم وإلا يزيدو الترهل فيهم.. ولن أستطيع ممارسة الرياضة إلا الآن إلا بعد 6 6 شهور من الولادة لأنى ولت بعملية قيصيرية.. قالولى كدة فى النادى الرياضى.. واعلمى صديقتى إن مع الوقت حجمهم حيصغر لأن البيبى بياخد من اللبن أكتر مع نموه إن شاء الله .. ويترك الصدر فارغ .. وفعلا حصل .. مجربة ..سلام
هيونه
24-07-2002, 04:33 PM
مبرووووك المولوده زينه وتتربى في عزكم انشالله ,,, انا بعد رجعت حق وزني الطبيعي والحمدلله وزني مثالي جدا والترهل اللي فيني مو كثير قليل بس حبيت احافظ عليه
شعنونة
21-01-2003, 04:57 AM
الرضاعة الطبيعية الخاطئة هي التي ترهل الصدر
بالعكس ان الرضاعة الصحيحة والرياضة تساعد على شد الصدر
وسلامتكم
شهلاء
21-01-2003, 09:06 AM
من تجربتي لا حظت ان اللي يرهل الصدر السمنة وليس الترضيع (اما تكون الوحدة سمينة وبعدين تنحف مرة هذا اللي يسبب الترهل لاني اعرف بنات ما تزوجوا وعندهم مشكلة الترهل)
manawe2002
22-01-2003, 12:54 AM
سلاااااااااام بنات

انا سمعت عن طريقة لشد الصدر وهي تجيبين ماعون كبير وتحطين فيه ماء بارد وثلج وتضعين فيه الصدر بس المدة مادري أشكثر بالضبط

مشاءاللله وحده تستخدم هالطريقة وعندها أعيال وايد مشاءاللله عليها وصدرها مشدود ومحافظة عليه بالطريقة هاذي
أم ديمـا الحلوة
22-01-2003, 09:13 AM
أنا بصراحة أعرف وحدة تستخدم ماء الورد مع النشاء وتحطه على صدرهايوميا وماشاءالله صدرها مشدود لأن النشاء يشدالجسم
وهذاللي اعرفه وحبيت افيدكم وبسسسسسسسسسس.
دمع العيون
22-01-2003, 09:14 AM
أصلا ماللرضاعه دخل بالترهل حتى لو ما ترضعي الصدر يكبر مع الحمل ويتعبى حليب لو ما رضعتي مع الوقت راح يروح الحليب ويترهل الصدر خصوصا لو نحفتي نصيحه الرضاعه سبب من اسباب البر للام وتعلق الطفل واحساسه بالامن وهي تقي باذن الله من الامراض الخبيثه وارتفاع نسبة هرمون الحليب .
وردة المنتدى
22-01-2003, 04:03 PM
موضوع مهم وجاي بوقته تكفون بنات اللي عندها حل لا تبخل به علينا
مناوي يعني المره هذي كان عندها ترهل وساعدتها الطريقه هذي ولا صدرها مشدود من اول وتحافظ عليه بس؟؟؟؟؟؟
ام ديما يعطيك العافيه على هذي الطريقه بس كم المقادير؟؟؟؟؟ ويارتى هي مناسبه للبشره الحساسه؟؟
يله انتظركم تراني مستعجله مرررررررررره
om-maryoom
22-01-2003, 11:53 PM
العزابيات من الحين اقولكم
اذا باجر تزوجتوا ان شاء الله اكيد قلتوا امين اضحك معاكم
واذا حملتوا لا تزيدون وزنكم وايد ودايما البسوا الحمالات واذا رضعتوا كملوا و لا تنسون رياضة شد الصدر وغسل الصدر بالماء البارد
لاني ما عملت هذه الاشياء والنتيجة تدرون
ترهل وشكل خايس
المهم كنت ابي اسال شنو عمليات الجراحة الي تصلح للصدر ومنو جربت وهل كلها جائزة