أطباق شهية ..... و غير مكلفة [الأرشيف]

بنت أصول

07-05-2007, 03:31 AM

أظن إن الست الشاطرة هي اللي مش بس تتطبخ كويس لا وكمان موفرة وما بتخلصش مصروف البيت من أول كام يوم في الشهر :[]L
وطبيعي إن النساء في معظم الطبقات العادية بيكون عندها كام يوم كده في الإسبوع تعمل فيهم أكل أقل تكلفة ...بدون مثلاً أي بروتين حيواني ولا حاجات غريبة وغالية
وعلشان طبعاً أزواجنا الأعزاء ميكرهوش الأيام دي عايزين نعمل أكلات لذيييييذة وغير مكلفة وكمان قيمتها الغذائية كويسة
ولكل بلد أكلات من دي مشهورة عندهم .....إحنا المصريين مثلا عندنا الكشرى المصري والكشري الإسكندراني مع بيض
مسلوق وسلطة خضراء ....وكدة يعني .
وياريت كل واحدة تدخل تقول لنا أكلات جميلة من دي سواء كانت مشهورة في بلدهم أو من إختراعها
ويا رب الفكرة تعجبكم وكلكم تشاركو فيها عشان نقدر نوفر):K :-M

بنت أصول

07-05-2007, 04:20 AM

ماشي هبدأ أنا
الكشري الإسكندراني أو الأصفر:
المقادير:
3 كوب أرز مصري
1.5 كوب عدس أصفر (الذي بدون قشر)
3 ملاعق زيت أو معلقة سمن حسب مزاجك
1بصلة كبيرة
ملح
ماء

الطريقة:
إخلطي الأرز مع العدس وأغسليهم جيداً
ضعيهم في قدر على النار مع الزيت والملح والماء وأطهيهم بالطريقة العادية
قطعي البصلة مربعات أو جوانح رفيعة وإقليها في الزيت حتى يصبح لونها ذهبي مائل إلى البني
وعندها صفيها من الزيت جيداً حتى لا تطرى وضعيها على ورق جانبا
ضعي الكشري في طبق التقديم وزينيه بالبصل المحمر ......وكده الطبق جاهز
قدميه مع سلطة خضراء و بيض مسلوق ومقشر ومقلي في القليل من السمن وأصابع البطاطس المحمرة ....... وبالهنا
يالا شجعتكم أهه عايزين نشوف الإبداع

فاطمـــــة

07-05-2007, 05:56 AM

يسلموووووووووووووووو

رندوش

07-05-2007, 08:42 AM

اهلا عزيزتي بنت اصول
اكيد كل بلد له طابع في اكله وتوفيره
عندنا مثلا في فلسطين المجدره متل الكشري تقريبا
او ممكن بيعملوا رز وعدس مع بعض
ممكن العجه اي شي سهل المهم يحبوا افراد العيله

لذيذة اللذيذة

07-05-2007, 05:38 PM

يا سلام بقى على الكبدة الاسكنرانى كمان ريحتها تجنن

مشكوووووووووووووورة

هندريلا

08-05-2007, 04:39 AM

انا عندى طبخه لذيذه ومقاديرها ماتكلف

قطعى بطاطس شرايح سميكه شويه واقليها في الزيت

قطعى باذنجان اسود شرايح كمان سميكه واقليه في الزيت

قطعى طماطم شرايح سميكه بس لاتقليها ههههههههههههههه

جيبي صلصه ومكعب ماجى ومويه حاره واخلطيها مع بعض

في صينيه او في قدر تنفع الطريقتين رصي طبقه بطاطس طبقه باذنجان طبقه طماطم وهكذا

حطى الخلطه (الصلصه والماجى والمويه)عليها لاتغطيها كلها بس نص القدر او الصينيه كده

ودخليها الفرن او عالنار لحد ماتحسيها مسكت نفسها ماتاخد وقت لانه كله مستوى

تتقدم مع الارز الابيض او مع الخبز لذييييييييييييذه

بنت أصول

08-05-2007, 11:34 AM

تسلمي يا هندريلا
دي شبه طبخة عندنا أسمها مسقعة بس في شوية أختلافات
مشكووورة حبيبتي
يالا عاوزين نشوف الهمة كل واحدة تقولنا أكلاتها الإقتصادية الجميلة

بنت أصول

08-05-2007, 11:36 AM

كمان شكرا بطة ، رندوش ، لذيذة اللذيذة على المرور والمشاركة

ghada00

08-05-2007, 12:22 PM

عندنا كمان في مصر ممكن نعمل اكتر من طبق من العدس الاصفر
** شوربة العدس

اغسلى كوباية عدس اصفر كويس و اغمريها ميه كتير و حطى معاها بصلتين مقطعين اربعة و حوالى 6 او 7 فصوص توم و 3 طماطم مقطعة اربعة و جزرتين مقطعين و سيبهم يستوا لحد ما العدس يتهرى
اضربيها في الخلاط و رجعيها على النار تانى حطى لها مكعب ماجى و ملح و فلفل و بهارات رشة بسيطة و كمون مطحون و السر بقى بعد ماتظبطى الطعم معاقتين زبدة او سمن بلدى سيحيهم و حطيها علي الشوربة و دوقى احلى شوربة عدس
** عدس بالشعيرية
حمرى شوية شعرية في سمن و حطى عليها شوربة العدس بس من غير قدحة السمن و سيبيها تستوى وقبل السوا ب 10 دقايق قطعى بصلة رفيع و حمريها في معلقة سمن لحد ماتاخد اللون الدهبى و حطيها على الشعيرية و غلوتين لحد ما تتخن شوية و اطفى عليها طعمها تحفة مع عيش ناشف و بصل اخضر ..
هى اكلة شتوية بس شهية جدا

هندريلا

08-05-2007, 10:47 PM

خفقي بيض مع شوي ملح وجيبي توست وغمسيه في البيض من الجهتين واقليه في قلايه تيفال فيها نقطتين زيت طبعا من الجهين مره لذيذه وخفيفه وسهله والاطفال يموتو عليها

هندريلا

08-05-2007, 10:52 PM

في كمان اكله روعه احلا مافيها انك تستفيدى من الخبز البايت بدل ماينرمى

في قدر حطى شويه زيت وافرمى بصله وقلبيها في الزيت بعدين قطعى طماطم مكعبات صغيره وممكن تعصريها عادى وحطيها عالبصل

وشويه صلصه وملح وفلفل اسود واى بهارات تحبي تتحطيها

وخليها تتسبك شويه وبعدين قطعى العيش البايت قطع صغيره وارميها على الخلطه وقلبي على طول خليها شويه عالنار وطفيها

ممكن تاكليها مع التونه

او

اللبن الزبادى حطى عليه ثوم وفلفل وملح وكليها معاه

عبير33

09-05-2007, 07:07 PM

عزيزتي:في اكله في سوريا اسمها بطاطا ملفحه تعمل بطربيقتين الاولى يحمر قطع البصل الصغيره مع قليل من اللحمه ثم تضاف البطاطا المقطعة صغيره تترك على نار هادئة مع قليل من الماء لاتنسي الملح والفلفل ام الطريقة الثانية تساق البطاطا وتقطع ثم يحمر البصل بالسمن ثم تضاف البطاطا والملح والفلفل كتير طيبه وخاصة مع الروب واللمخلل او السلطة الخضراء

بنت أصول

10-05-2007, 12:50 AM

هندريلا أكلك يجنن هجربو كلو إن شاء الله
غادة بموووت في شوربة العدس وأكيد بتاعتك هتبقى حلوه
نجمة المساء أكلتك حلوه وجديده
شكرا ليكم كلكو و أكلاتكم كلها جميلة أكيد فادتني أنا وناس كتير

بنت أصول

10-05-2007, 01:50 AM

صينية الأرز المعمر في الفرن:
3 كوب أرز مصري
2 كوب لبن
2كوب شوربة
ملح وبهارات
نصف كوب قشطة - ربع كوب لبن - بيضة

حطي الأرز في صينية أو طاجن مقاس مناسب و راعي إن الأرز حجمه هيزيد
ضيفي الملح والبهار والشوربة واللبن وضعيه في الفرن على درجة عالية
عندما يشرب معظم السائل ولكن قبل أن يجف أخرجيها من الفرن وأعملي خلطة من القشطة واللبن والبيضة و قليل من الفلفل الأسود وضعيها على وش الصينية ودخليها الفرن تاني وحمريها
بالشواية ولما تحمر طلعيها وضعيها عالبوتجاز من فوق على نار هادئة حتى يتم النضج

يقدم مع سلطة خضراء وبيض مسلوق كوجبة كاملة مفيدة ولذيذة

salad

11-05-2007, 04:06 AM

انا عندى طبخه لذيذه ومقاديرها ماتكلف

قطعى بطاطس شرايح سميكه شويه واقليها في الزيت

قطعى باذنجان اسود شرايح كمان سميكه واقليه في الزيت

قطعى طماطم شرايح سميكه بس لاتقليها ههههههههههههههه

جيبي صلصه ومكعب ماجى ومويه حاره واخلطيها مع بعض

في صينيه او في قدر تنفع الطريقتين رصي طبقه بطاطس طبقه باذنجان طبقه طماطم وهكذا

حطى الخلطه (الصلصه والماجى والمويه)عليها لاتغطيها كلها بس نص القدر او الصينيه كده

ودخليها الفرن او عالنار لحد ماتحسيها مسكت نفسها ماتاخد وقت لانه كله مستوى

تتقدم مع الارز الابيض او مع الخبز لذييييييييييييذه

واااااااااااااااو شكلها يجنن انا احب الباذنجان مووووووووت