شعار₪طبق متميز₪ الديك الرومي المحشي ...يا لزيز يا رااااايق .. بالصور

[Dandoon]

http://www.lakii.net/images/Nov06/hanan_aidy_maindish2.gif


السلام عليكم و رحمة الله و بركاته

كيفكم يا قمرات
هاد يا طويلات العمر من زماان و انا نفسي اعمل الديك الرومي في سبيل الحصول على شهادة الايزو في الطبيخ من زوجي العزيز .. و كنت هيبانة منه كتير لكن سبحان الله طلع ابن حلال و محترم :cool: .... ما بدي اطول .. هاي الطريقة بدون مقادير لاني للاسف اشنع وحدة بالمقادير كله بالنظر

نبدأ بسم الله
الديك كان حجمه صغير نسبيا يعني حوالي 3.3 كيلو .. وهاي شكل المحروس مع الدبوس الي هو مؤشر الطهو ( نوعه كان ساديا البرازيلي .. يمكن في انواع تانية الها نفس المؤشر بصراحة مفيد خاصة للمبتدئات ::HH::

http://www.lakii.com/img/all/May07/a9pMXH05051314.jpg

اول شي طبعا بتخليه يليذوب التلج عنه .. و رح يطول بده ليلة كاملة يمكن
بعدين بتنظف منيييييييييييييييييييح و بينفرك بالملح عشان اذا في بقايا دم او شي ، و بينشال الدهن و خاصة من الرقية اكتر مكان مدهن .. و بتغسلية بعدين ب خل و بتحطي فيه شرحات ليمون في داخله و تحت جلده و اي مكان ممكن توصليه و خليه كم ساعة. ( و كل وحدة ممكن الها طريقتها بالتنظيف بس هاي طريقتي )

بعدين في صحن عميق بتحطي البهارات .. و هي راجعة لرغبتك انا استعملت :
بهارات مشكلة
زنجبيل مطحون شوي
كمون
قرفة
كاري
بابريكا
فلفل ابيض

بتضيفي زيت زيتون و عصير ليمون و بتخلطي حتى يصير متل المعجون .. و بتطلعي شرحات الليمون من الديك..
بالسكين بتطعنيه عده طعنات.. عفوا قصدي بتعملي شقوق فيه و بتبلشي تدهني البهارات و الزيت في كللللل مكان و ضلك عيدي و زيدي لحتى تلاقي البهارات وصلت لكل مكان جوا و برة

الديك الفصيح بعد التتبيل
http://www.lakii.com/img/all/May07/GO3F2h05051320.jpg

و بتخليه بالتلاجة لتاني يوم و ممكن عدة ساعات اذا كنت مستعجلة

هلا بتحضري الحشوة.. و بتحشي الديك قبل ما تدخليه الفرن مو قبل بكتير
الحشوة عبارة عن لحمة مفرومة معصجة
بقدونس مفروم
لوز مقلي
رز منقوع بينسلق نص سلقة و بس تتنشف المي عنه بتخلطي باقي المكونات
و هاد شكل الحشوة بس مو مبين البقدونس .. و ما حد يسالني ليه هيك شكل الطنجرة :p
http://www.lakii.com/img/all/May07/Y5BprX05051321.jpg
بتحشي الديك و بتخيطيه ( خلي شوية فراغ لانه الرز رح يكمل استواء) و ربطي رجليه منيييح و كتفي الاجنحة لورا ( تعذيب)
حطيه بصينية و حطي معه كوبين اوتلاتة ماء مذوب فيهم مكعب ماجي
و غطي الصينية بقصدير و سكريه من كل الجهات
سخني الفرن على حرارة170-180 ( اعتقد 325-350 ف) و حطي الديك وعيري الساعة بعد ساعة ونص
بعد ساعة و نص اكشفي عنه و شيلي القصدير رح يكون المؤشر طلع من مكانه

http://www.lakii.com/img/all/May07/zPiGzW05051324.jpg
معلش مكان الطعنات واضح
هلا بتجيبي اصبع اواتنين زبدة مسيحة بحرارة الغرفة(مو سائلة) و ادهني الديك من كللللللللل الجوانب و حتى من تحت ... و رجعيه عالفرن (بدون القصدير) و هالمرة عيري الساعة على ربع او تلت ساعة بالكتير
بتصيري كل ربع ساعة تسقي الديك من المرقة اللي في الصينية و اذا كانت الصينية قلت فيها المي بتزيدي ماء مغلي شوي و هيك كل ربع ساعة لحد ما تهلكي :) قصدي لحد ما يطلع المؤشر عالاخر و يتحمر الديك من كل الجهات ( اخد تقريبا 3 ساعات و انا زدت شوي لانه محشي)
http://www.lakii.com/img/all/May07/L28nCm05051327.jpg
وممكن قبل ما تشيليه من الفرن تحطي معاه الحشوة الزيادة .. احنا اصلا بنعملها زيادة بناء على طلب الجماهير

و بس سلامتكم قدمته مع :
سلطة جرجير

http://www.lakii.com/img/all/May07/7tzXYR05051332.jpg

سلطة طحينية .. اكلت نصها قبل ما ييجو الناس
http://www.lakii.com/img/all/May07/2rpE2V05051332.jpg

شيبس
http://www.lakii.com/img/all/May07/Wz28SC05051333.jpg

و رز بالزبيب و المكسرات اللي ولا يمكن يعترفو اني طابخة لو ما كان موجود
http://www.lakii.com/img/all/May07/wOyqOH05051334.jpg

و توتة توتة ...
ملاحظة مهممممممممممممة ... قبل ما تبداي بطبخ الديك تاكدي انه جرة الغاز مليانة لانه مو وقت مفاجآت:)

و دمـــــتم

[omnony]

يسعدني ان اكون اول من يرد
بصراحه وصفه روعه زي صاحبتها
تسلمي
الله لا يحرمنا من وصفاتك

[العجلونية]

هلا فيك اختي dandoon
وصفتك شجعتني كتير رح اجربه واشوف شو بيطلع معي
تسلم الايادددددددي طبق بشهي
وجزاك الله خيرا

[Dandoon]

يسعدني ان اكون اول من يرد
بصراحه وصفه روعه زي صاحبتها
تسلمي
الله لا يحرمنا من وصفاتك

و انا بشرفني تكوني اول وحدة بترد
تسلمي لردك و ذوقك

هلا فيك اختي dandoon
وصفتك شجعتني كتير رح اجربه واشوف شو بيطلع معي
تسلم الايادددددددي طبق بشهي
وجزاك الله خيرا

هلااا باهل عجلون :) عندكم كتير حبش صح ؟؟
شكرا لمرورك

[فاطمـــــة]

يسلمووووووووو الاياااااااااااااااادي

[omroro-4]

تسلم ايديك الله يعطيك العافيه

[soso22]

ما شاء الله
شكله لذيذذذ كثيرررررر
تسلم الايادي

[رندوش]

اهلا اهلا اهلا اسفرت ونورت شو هالنور كله
انا قلت الشمس مالها اليوم اتاري دندونه عندنا يا مرحبا يا مرحبا
وشو جايبه معها ديك ووووووووووواو مشكوره وطريقتك شهيه خالص
يا طويلة العمر صحه وهنا على قلبك
ما تفكريني بالغاز دائما في العزايم بيخلص هههههه

[randd]

هلا دندونه يا عسل

الطريقه روعه ممتازة بس الشرح كان جدا دمه خفيف هههههههههههههههههه خاصه الطعنات

جزاك الله الجنه

[طيـــف]

ههههههههههههههه فئعت من الضحك على قصه جرت الغاز

ياعليكِ شو امووره

بصراحه بدعتي

خدي هالشهاده مني

اجى يطل سبق الكل مشاءالله عليكِ

[Omtaym_ALLAH]

صايرلى شهر غطسانه ارجع على ديك هههههه والله انت مو هينه ماشاء الله حولك يعنى مو كتير يدخل مزاجى الديك لكن هاد الله يرحمه رائع ماشاء الله حولو ههههههه تسلم الايادى بارك الله فيك و عن نفسى انا مع الجماهير بدى ارز بالمكسرات اموت عليها ذكرتينى بدى ساويه شط ريقى الله يهديك الساعه 2 الا ربع بعد نص الليل ههههههه يسلمو قلبو !:)

[ام حكم]

ماشاءالله عليك يا دندووووووون

شغل مرتب كتيييييير

وان شاء الله تكوني حصلت على شهادة الايزو في الطبيخ ههههه

يسلمووووووووا يا قمررر

[كيندة]

واااااااااااااااااااااااااااااااااو
ما شاء الله عليك ديك رومي ممممممممممم رووووووووووووووووووعة
يسلموا يا عسل
بس قصة أنبوبة الغاز أحلى :p

[Dandoon]

يسلمووووووووو الاياااااااااااااااادي

وايديكِ يا بطوطة:)

تسلم ايديك الله يعطيك العافيه

الله يعافي قلبك تسلمي لمرورك

ما شاء الله
شكله لذيذذذ كثيرررررر
تسلم الايادي
وايديك سوسو شكرا لمرورك

اهلا اهلا اهلا اسفرت ونورت شو هالنور كله
انا قلت الشمس مالها اليوم اتاري دندونه عندنا يا مرحبا يا مرحبا
وشو جايبه معها ديك ووووووووووواو مشكوره وطريقتك شهيه خالص
يا طويلة العمر صحه وهنا على قلبك
ما تفكريني بالغاز دائما في العزايم بيخلص هههههه


الله يسعدك تسلمي لردك و على التميز ::JH::

هلا دندونه يا عسل

الطريقه روعه ممتازة بس الشرح كان جدا دمه خفيف هههههههههههههههههه خاصه الطعنات

جزاك الله الجنه

هلا رنودة
انت العسل الله يجزيك الخير ... و معلش الطعنات لانه ميولي شوي عدوانية بالطبخ بفش كل حرتي في المخلوقات المسكينة ::HH::





ههههههههههههههه فئعت من الضحك على قصه جرت الغاز

ياعليكِ شو امووره

بصراحه بدعتي

خدي هالشهاده مني

اجى يطل سبق الكل مشاءالله عليكِ



يسعدلي هالصباح الحلو
و جد شهادة بعتز فيها:-s
تسلمي يا عسولة

صايرلى شهر غطسانه ارجع على ديك هههههه والله انت مو هينه ماشاء الله حولك يعنى مو كتير يدخل مزاجى الديك لكن هاد الله يرحمه رائع ماشاء الله حولو ههههههه تسلم الايادى بارك الله فيك و عن نفسى انا مع الجماهير بدى ارز بالمكسرات اموت عليها ذكرتينى بدى ساويه شط ريقى الله يهديك الساعه 2 الا ربع بعد نص الليل ههههههه يسلمو قلبو !:)

يا علييي انا جيت اشهيكي عالديك شهيتك عالرز :D
عادي لو الوقت متاخر اصلا كله ما بياخد نص ساعة
تسلمي لردك :)

ماشاءالله عليك يا دندووووووون

شغل مرتب كتيييييير

وان شاء الله تكوني حصلت على شهادة الايزو في الطبيخ ههههه

يسلمووووووووا يا قمررر

هلا ام حكم
لا والله هاد ضمن البنود المطلوبة للايزو:-P
بقي علي الخروف المحشي و المفتول ( الفتل يعني مو طبخه لاني طبخته) ... و ربنا يسهل بقى
تسلميلي يا رب

واااااااااااااااااااااااااااااااااو
ما شاء الله عليك ديك رومي ممممممممممم رووووووووووووووووووعة
يسلموا يا عسل
بس قصة أنبوبة الغاز أحلى :p

هلا كندة
الظاهر الكل عجبتهم قصة جرة الغاز، بس صدقيني ما رح تعجبكم لو صارت فيكم انتو:rolleyes:
شكرا لمرورك حبيبتي

[Dandosh]

يعني أنا عم أدور على شغلة سهلة وسريعة يا دندون

و بتطلعيلي بالديك. هاد بدي تلات أيام و أنا أطبخه ::HH::
يوم تذويب و يوم تتبيل و يوم حشي و يوم شوي .. و يوم وأنا اعيط لاني خربته ... صارو خمس أيام ولسه ما أكلنا

المهم سؤال مش لازم تردي عليه و هو شو اللحمة المعصجة !

بس السؤال اللي لازم تردي عليه هو ::


ليش هيك شكل الطنجرة :[MM ((K))

[Dandoon]

يعني أنا عم أدور على شغلة سهلة وسريعة يا دندون

و بتطلعيلي بالديك. هاد بدي تلات أيام و أنا أطبخه ::HH::
يوم تذويب و يوم تتبيل و يوم حشي و يوم شوي .. و يوم وأنا اعيط لاني خربته ... صارو خمس أيام ولسه ما أكلنا

المهم سؤال مش لازم تردي عليه و هو شو اللحمة المعصجة !

بس السؤال اللي لازم تردي عليه هو ::


ليش هيك شكل الطنجرة :[MM ((K))

مممم شغلات سهلة وسريعة لكان! بدك تسلقيلنا العزومة سلق :[]L

اللحمة المعصجة يا فضيحتي اكيد بتعرفيها بس ما بتعرفي اسمها .. اللي هي اللحمة المفرومة ما غيرها ( يا شيخة!!) ، بتقلبي بصل و بتقلي اللحمة لحد ما تنشف ميتها .. اللي بتعمليها للزانيا و المحاشي يا بنتي

و الطنجرة آآآآه يا قلبي مين ما شافها بعلق .. هاي مرت عمك الله يرحمها بال 87 اجاها طقم تيفال هدية ماشي .. حلفت مية يمين و مية عظيم انه ما بينفتح و لا حد بيستعمله الا لما قريد العش ( اخر العنقود يعني) يتجوز .. و الي صار انه تجوزنا بعد 15 سنة .. بس ما فتحنا الطقم لييييش؟؟ ((K)) لاننا كنا عند دار عمو ساكنين .. و لما سكننا لحالنا و فتحنا الطقم كان عمره 18 سنة ( توجيهي يعني) .. و لقينا الطقم مقشششر من برة و اشي ماله ايدين و اشي ما اله غطاية اشي تحفة بس صنع فرنسا :p
و طبعا كل ما حد شاف طنجرة وبالذات بنات عمي بيسالو عنها لانها حالتها اخطر شي .. بس ان شالله بهري الطقم و بجيب غيره .... و بورثه لبكر او عمر :cool:

يا ريتك ما سالتي صح :)

[Dandosh]

وليي
يا ريتني ما سألت

الله يرحمك يا مرت عمي

و اللحمة المعصجة اول مرة بسمع هالأسم... بس أكيد بعرفها تخافيش ....

[عبير القدس]

ما شا الله عليكي دندوووووووونة
اول شي فنانة بالطبخ
و تاني شي لزيزززززززززززززززززة بسرد الطريقة
تسلمي يا عسسسسسسسسسسسل

[hayat2000]

تسلم ايديك الله يعطيك العافيه

[أم أيموني]

يعيشو هالديات .. ويعطيك ألف عافية..

[nisreen_77]

والله ضحكت من كل قلبي يا دندون :D زوجي حكى نجنت المرا عم تضحك مع الكمبيوتر :(*):
بس بالفعل دمك عسل و يسلم دياتك على الطبخة مع انك عجبتي على الديك المسكين
و ضلك فرحينا بطبخاتك يا عسل :-M

[وعود الخير]

ابداع يا دندون فعلا ابداع
وهلأ التعليقات
بالسكين بتطعنيه عده طعنات
شو بدي اقول فلسطينية ...
بتحطي فيه شرحات ليمون في داخله و تحت جلده و اي مكان ممكن توصليه
ولو عندك ميرمية خضرا بكون رائع تحطي كم ورقة تحت الجلد
ربطي رجليه منيييح و كتفي الاجنحة لورا
معك حق احسن ما يهرب من حرارة الفرن
سلطة طحينية .. اكلت نصها قبل ما ييجو الناس

طيب الحمد لله اللي ما تأخروا كان شطبت ع الديك الغلبان
ملاحظة مهممممممممممممة ... قبل ما تبداي بطبخ الديك تاكدي انه جرة الغاز مليانة لانه مو وقت مفاجآت:)
آه يا قلبي لما خلصت جرة الغاز في رمضان وقبل الافطار بساعة وانا عندي معازيييييييييييم
أيااااااااااااااااااااااااااااام تنذكر ما تعاد

نيجي للجد
ست بيت درجة اولى يا دندون
تسلم الايادي وصحتين وعافية
يعني اكثر من هيك ما فيني احكي

[حنان(البحرين)]

تسلم الايادي حبيبتي ماشاءالله عليك أكثر من رائع

[ام العريف]

و الله انك تحشييييييييييييييييييييش , كثير انبسطت وانا بقرا بالوصفة حسيت حالي بفيلم كوميدي العادة ,عجبتني كثير قصة التعذيب , مشكورة بنت بلادي على هالوصفة وهالسرد الممتع :)

[طيـــف]

وعود مش ملاحظه انه ام زيييييييييييييود اجت مشان تسال عن الطنجره

ام زيود كيفك والله اشتقنا لك ياوحشه

[وعود الخير]

اي طنجرة ضرتي ما اخذت بالي

[طيـــف]

شوفي رد دندون لدندوونش ورح تفئعي ضحك

[طيـــف]

شوفي ضرتي


مممم شغلات سهلة وسريعة لكان! بدك تسلقيلنا العزومة سلق

اللحمة المعصجة يا فضيحتي اكيد بتعرفيها بس ما بتعرفي اسمها .. اللي هي اللحمة المفرومة ما غيرها ( يا شيخة!!) ، بتقلبي بصل و بتقلي اللحمة لحد ما تنشف ميتها .. اللي بتعمليها للزانيا و المحاشي يا بنتي

و الطنجرة آآآآه يا قلبي مين ما شافها بعلق .. هاي مرت عمك الله يرحمها بال 87 اجاها طقم تيفال هدية ماشي .. حلفت مية يمين و مية عظيم انه ما بينفتح و لا حد بيستعمله الا لما قريد العش ( اخر العنقود يعني) يتجوز .. و الي صار انه تجوزنا بعد 15 سنة .. بس ما فتحنا الطقم لييييش؟؟ لاننا كنا عند دار عمو ساكنين .. و لما سكننا لحالنا و فتحنا الطقم كان عمره 18 سنة ( توجيهي يعني) .. و لقينا الطقم مقشششر من برة و اشي ماله ايدين و اشي ما اله غطاية اشي تحفة بس صنع فرنسا
و طبعا كل ما حد شاف طنجرة وبالذات بنات عمي بيسالو عنها لانها حالتها اخطر شي .. بس ان شالله بهري الطقم و بجيب غيره .... و بورثه لبكر او عمر

يا ريتك ما سالتي صح

[وعود الخير]

خلاص رجعت صفحة 2 وفهمت القصة
على فكرة الوالدة الله يرحمها من سنة 67 رافعة طقم كبايات وحلفة يمين ما تفتحه غير في فلسطين والله يرحمها ابصر من نصيب مين صار الطقم اللي ما انفتح

[وعود الخير]

غلبتك يا قمر ... الله كانت ايام نجتمع فيها مع التوأم ان شاء الله ترجع

[طيـــف]

الله يرحمها ويحس اليها يارب
وعود ماشفتي اكلتي الهنديه:(

[Dandosh]

طيوف ووعود خجلتوني والله :(

حقكم علي
انا بمر دايما بس ما برد ولا بكتب ... تقصير وكسل مني

الكم وحشة جد

[Dandoon]

ما شا الله عليكي دندوووووووونة
اول شي فنانة بالطبخ
و تاني شي لزيزززززززززززززززززة بسرد الطريقة
تسلمي يا عسسسسسسسسسسسل

الله يسعدك يا رب رفعتي معنوياتي :D شكرا لردك الحلو

تسلم ايديك الله يعطيك العافيه

الله يعافي قلبك حبيبتي

يعيشو هالديات .. ويعطيك ألف عافية..

الله يعافيك نورتييينا

ابداع يا دندون فعلا ابداع
وهلأ التعليقات

شو بدي اقول فلسطينية ...

ولو عندك ميرمية خضرا بكون رائع تحطي كم ورقة تحت الجلد

معك حق احسن ما يهرب من حرارة الفرن

طيب الحمد لله اللي ما تأخروا كان شطبت ع الديك الغلبان

آه يا قلبي لما خلصت جرة الغاز في رمضان وقبل الافطار بساعة وانا عندي معازيييييييييييم
أيااااااااااااااااااااااااااااام تنذكر ما تعاد

نيجي للجد
ست بيت درجة اولى يا دندون
تسلم الايادي وصحتين وعافية
يعني اكثر من هيك ما فيني احكي

هههههههههههه شو هالسمعة هلا بفكرو الفلسطينيين كلهم دايرين بالسكاكين ((K))
فعلا انا قرات في موقع اجنبي انه اضافة روزماري او ميرمية خضرا بتعمل نكهة مميزة .. بس عندي ما في الا ميرمية ناشفة ام الشاي بتنفعش اكيد
نورتي الموضوع بكلامك الله لا يحرمنا منك

تسلم الايادي حبيبتي ماشاءالله عليك أكثر من رائع

تسلمي حنونة الصراحة شهادتك بعتز فيها و انا شو باجي جنب ابداعاتكم

[Dandoon]

و الله انك تحشييييييييييييييييييييش , كثير انبسطت وانا بقرا بالوصفة حسيت حالي بفيلم كوميدي العادة ,عجبتني كثير قصة التعذيب , مشكورة بنت بلادي على هالوصفة وهالسرد الممتع :)

هلا ام العريف :) لما حكيتي تحشيش عرفت انك من البلاد ::HH:: تسلمي لردك العسل



وعود مش ملاحظه انه ام زيييييييييييييود اجت مشان تسال عن الطنجره

ام زيود كيفك والله اشتقنا لك ياوحشه

عادي طيوفة ما هي نكاشة :D

طيوف ووعود خجلتوني والله :(

حقكم علي
انا بمر دايما بس ما برد ولا بكتب ... تقصير وكسل مني

الكم وحشة جد

الاعتراف بالخطأ فضيلة :cool:
يا ريت ترجع ايام زمان )_(

[أناغيـم]

دندون
الريحة وصلتني
كيفك يا غالية ما تقولي مش فاكراني
ما بنسى وقفتك جنبي ومساندتك ايام ما كنت نونو في التوجيهي
عرفتيني والا
اول حرف من اسمي صاروخ ويومها حطيتي لي صورتي
اكيد تذكرت
بس حبيت اسلم واقول لك مبروك ما اجاك ويتربو في عزك وعز ابوهم

[Dandoon]

دندون
الريحة وصلتني
كيفك يا غالية ما تقولي مش فاكراني
ما بنسى وقفتك جنبي ومساندتك ايام ما كنت نونو في التوجيهي
عرفتيني والا
اول حرف من اسمي صاروخ ويومها حطيتي لي صورتي
اكيد تذكرت
بس حبيت اسلم واقول لك مبروك ما اجاك ويتربو في عزك وعز ابوهم

و لوووووو و هل يخفى القمر
ولو اني كنت بحب اسمك كتيير
كيفك يا غالية يا بنت الغالية
الله يبارك فيك يا رب عقبال ما نفرح فيك يا جميييل ;)

[يسمينا]

تسلم الايادى ويارب تكلوه بالهنا والشفا طريقتك لذيذة جدا فى الشرح

[Dandoon]

هلا ياسمينا شكرا لردك :)

[سديم سدير]

الف شكر على هذا الابداع شكله يجننننننننننننننننن شهيتيني اروح اسويه 0

[البطه الشقيه]

الله يجازيكى كل الخير يارب كنت هحتاااااااااااااااااااااااااااااااااااس وهى ديه الوصفه ولا بلاش يسلموا ايديكى واسفه انى اتاخرت فى الرد لان الشغل بيهلكنى