Dandoon
12-04-2007, 10:38 PM
السلام عليكم و رحمة الله و بركاته
هذه التجربة كنت شاكة بنجاحها لاني كنت ارى انها صعبة التنفيذ ، و كنت املك الوقت يوميا لتجهيز متطلبات الطبخة و اعدادها بسهولة ، لكن بعد ان من الله تعالى علي و رزقني الاطفال بدأت احس بضرورة تطبيق هذه التجربة و الحمدلله افادتني و اختصرت من وقتي الكثيييير و لذلك احببت ان افيد حبيباتي في المنتدى
ممكن في منكم بيعملوها بس معلش اعتبرو حالكم اول مرة بتسمعو فيها :(*):
يوم الخضار العالمي :) هو اليوم اللي زوجي بجيب فيه الخضار لاسبوع او اكتر ، بعد ما كنت اجيبها يوميا بس الوضع بطل يسمح .. و صرت في هاد اليوم اجهز كل الخضار للطبيخ طول الاسبوع، منها بعرف حالي شو رح اطبخ، و كمان متل ما حكيت بختصر وقت و جهد كتير
اول شي دايما ببدا بالباذنجان :D، بقسمه جزئين: جزء على طول بحطه بصينية و بالفرن ( للمتبل) ، والجزء التاني بقشره و بقطعه شرايح و بحطه بمصفاية و عليه شوية ملح
بعدين الكوسا، الكبير بقطعه و بحطه بلكياس صغيرة بالفريزر( للشوربات) و الصغير بنقره( بحفره) للحشي سواء رز او لحمة
بعد هيك الورقيات،،، البقدونس بنقيه و بغسله و بنشفه بمنشفة عشان السرعة، و بفرمه بال multi chop و اذا ما عندك ممكن بفرامة الملوخية .. و بحطه بتبروير و بستخدم منه طول الاسبوع ... و كل ما اطول منه شوي بحب حالي :) لاني بكررره فرم البقدونس
و النعنع، الجرجير ، البصل الاخضر، كله بقطفه و بحطه بتبرويرات بالتلاجة لوقت الاستعمال
الفاصوليا و اللوبيا ، بقمعهم:) يعني بقطعهم و بحطهم كمان بتبروير( طبعا مستحيل يجيبلي بنفس الاسبوع فاصوليا و لوبيا مع بعض ... )
الليمووون .. بعصره كللللله و بقوالب تلج عالفريزر
السبانخ و شلته... تنظيف و فرم و غسييييل و بعدين باكياس بالفريزر للفطاير
الجزر... شي ببشره للبخاري و السلطات .. و شي بفرمه عادي و شي بخليه للقرط:D
و غالبا بعمل حشوة خضار و بخليها بالفريزر .. اللي هي بطاطا مع جزر و بازيلا
متذكرين الباذنجان اللي بالفرن؟؟؟ بكون استوى :) بطلعه و بقشره و بالخلاط مع طحينية و ليمون و ملح و شوية لبن .. و صار احلى متبل للاسبوع كله :)
و الباذنجان اللي بالمصفاية ..بتكون نزلت ميته و بقليه و بحطه بالثلاجة و غالبا بستعمله تاني يوم .. انا نقلوبة او صينية باذنجان او فتة .. عشان ما يطول الزيت بالتلاجة
و شووو كمان يا دندووون ... طبعا في اشياء بتضل على حالها متل البطاطا و البندورة و البصل و الخيار ... ممكن مع الوقت الاقيلهم صرفة:)
ان شالله يكون الموضوع عجبكم.. هي صحيح 3-4 ساعات بتهد الحيل، بس والله مرييييحة طول الاسبوع
سلام:III:
هذه التجربة كنت شاكة بنجاحها لاني كنت ارى انها صعبة التنفيذ ، و كنت املك الوقت يوميا لتجهيز متطلبات الطبخة و اعدادها بسهولة ، لكن بعد ان من الله تعالى علي و رزقني الاطفال بدأت احس بضرورة تطبيق هذه التجربة و الحمدلله افادتني و اختصرت من وقتي الكثيييير و لذلك احببت ان افيد حبيباتي في المنتدى
ممكن في منكم بيعملوها بس معلش اعتبرو حالكم اول مرة بتسمعو فيها :(*):
يوم الخضار العالمي :) هو اليوم اللي زوجي بجيب فيه الخضار لاسبوع او اكتر ، بعد ما كنت اجيبها يوميا بس الوضع بطل يسمح .. و صرت في هاد اليوم اجهز كل الخضار للطبيخ طول الاسبوع، منها بعرف حالي شو رح اطبخ، و كمان متل ما حكيت بختصر وقت و جهد كتير
اول شي دايما ببدا بالباذنجان :D، بقسمه جزئين: جزء على طول بحطه بصينية و بالفرن ( للمتبل) ، والجزء التاني بقشره و بقطعه شرايح و بحطه بمصفاية و عليه شوية ملح
بعدين الكوسا، الكبير بقطعه و بحطه بلكياس صغيرة بالفريزر( للشوربات) و الصغير بنقره( بحفره) للحشي سواء رز او لحمة
بعد هيك الورقيات،،، البقدونس بنقيه و بغسله و بنشفه بمنشفة عشان السرعة، و بفرمه بال multi chop و اذا ما عندك ممكن بفرامة الملوخية .. و بحطه بتبروير و بستخدم منه طول الاسبوع ... و كل ما اطول منه شوي بحب حالي :) لاني بكررره فرم البقدونس
و النعنع، الجرجير ، البصل الاخضر، كله بقطفه و بحطه بتبرويرات بالتلاجة لوقت الاستعمال
الفاصوليا و اللوبيا ، بقمعهم:) يعني بقطعهم و بحطهم كمان بتبروير( طبعا مستحيل يجيبلي بنفس الاسبوع فاصوليا و لوبيا مع بعض ... )
الليمووون .. بعصره كللللله و بقوالب تلج عالفريزر
السبانخ و شلته... تنظيف و فرم و غسييييل و بعدين باكياس بالفريزر للفطاير
الجزر... شي ببشره للبخاري و السلطات .. و شي بفرمه عادي و شي بخليه للقرط:D
و غالبا بعمل حشوة خضار و بخليها بالفريزر .. اللي هي بطاطا مع جزر و بازيلا
متذكرين الباذنجان اللي بالفرن؟؟؟ بكون استوى :) بطلعه و بقشره و بالخلاط مع طحينية و ليمون و ملح و شوية لبن .. و صار احلى متبل للاسبوع كله :)
و الباذنجان اللي بالمصفاية ..بتكون نزلت ميته و بقليه و بحطه بالثلاجة و غالبا بستعمله تاني يوم .. انا نقلوبة او صينية باذنجان او فتة .. عشان ما يطول الزيت بالتلاجة
و شووو كمان يا دندووون ... طبعا في اشياء بتضل على حالها متل البطاطا و البندورة و البصل و الخيار ... ممكن مع الوقت الاقيلهم صرفة:)
ان شالله يكون الموضوع عجبكم.. هي صحيح 3-4 ساعات بتهد الحيل، بس والله مرييييحة طول الاسبوع
سلام:III: