اخواتى فى الله التمس الدعاء............... [الأرشيف]

فراشه مصر

27-03-2007, 06:56 PM

السلام عليكم
ايه اخباركم عاملين ايه يارب تكونوا بخير
انا بصراحه اخر 5 ايام كان عندى صداع غير طبيعى شديد والمه لا يحتمل ........
بعد عناد مع نفسى روحت للدكتور امبارح وطبعا انا عندى اصلا هرمون الحليب عالى جدا 180
وفوجأت ان الدكتور يقولى لازم تعمليلى اشعه رنين مغنطيسى على الغده النخاميه وكمان صوره دم كامله وتجبيهم فى اسرعغ وقت روحت عملتم والنتيجه هتبان النهاده بالليل وعلى فكره الدكتور ده اول مره اروحله كان امبارح
انا بصراحه تعبانه جدا وقعده بالكاد على الكمبيوتر يلا الحمد لله
اصل الصداع ضاغط على عينى
وكانت لى امبارح مفاجأه مرعبه ومذهله
قالى ان الحمل اللى فات اللى حصلى فيه اجهاض اول جوازى مكنش حمل..................
وانى خرفت اوى فى العلاج
بجد انا خايفه لكن الحمد لله ونفسى اوى تدعولى

ام جوود

27-03-2007, 07:12 PM

اختي فراشة مصر
ترى الطب ممكن يصيب وممكن يخطيء ولا تخافي انشالله انك بخير وانصحك تروحي لأكثر من دكتور تتطمني اكثر
وانصحك بسهام الليل يعني ادعي اخر الليل وصدقيني انها علاج قوي لاصعب الامراض
وانشالله ماراح ننساك بالدعا وانا على وشك الولادة الان وانشالله بدعيلك في الولاده

lubnam

27-03-2007, 08:05 PM

ربنا معاكي يا فراشه وياريت تطمنينا عليكي وان شاء الله خير

الماسة الذهبية

27-03-2007, 08:32 PM

الف سلامة عليكى يا فراشة مصر ان شاء الله تكونى بخير و صحة و تحملى قريب ان شاء الله

فراشه مصر

27-03-2007, 08:32 PM

اختى ام جود
جزاكى الله خير وان شاء الله ربنا يسهل ولادتك يارب وانا شايفه ان دكتور واحد كويس جدا وتبعى معاه احسن من التشتيت .
اختى iubnam
متشكره لكى على الرد والاهتمام

فراشه مصر

27-03-2007, 08:34 PM

جزاى الله كل الخير اختى الماسه الذهبيه

العذبيه

27-03-2007, 08:34 PM

ربنا معاكي يا فراشة مصر ويارب تطلع النتيجه سليمه ويرزقك بالحمل العاجل غير الآجل يا رب العالميـــــــــــن اللهم آميـــــــــــــن

وارفة

27-03-2007, 08:36 PM

ألف سلامة عليكي وإن شاء الله تكوني بخير وتبقي تطمنينا عليكي

زوجة زوجي

27-03-2007, 08:43 PM

أسأل الله العظيم رب العرش العظيم ان يخفف عنك ويطمن قلبك ويشفيك ويرزقك الذرية الصالحه عاجلا غير آجل وجميع المسلمين
طمنينا غاليتي عنك طمنك الله..

فراشه مصر

27-03-2007, 08:44 PM

متشكره اوى اخواتى وارفه والعذبيه
والله من غيركم موش عارفه اعمل ايه .........زادعولى بجد انا محتاجه للدعاء

فراشه مصر

27-03-2007, 08:45 PM

اللهم امين اختى زوجه زوجى والله انا حسه انى وسط اخواتى بجد

فراشه مصر

27-03-2007, 10:50 PM

ربنا يعطيكم العافيه على الدعاء

(بنت الأحرار)

27-03-2007, 11:30 PM

ربنا يوفقك يبعد عنك الشر

اسمعي صلي إستخارة ضروري قبل ما تروحي على الدكتور
وبعدين توكلي على الله وإذهبي
وأنا برأي إذهبي إلى دكتورة
لأنه من يتقي الله يجعل له مخرجا ويرزقه من حيث لا يحتسب
وربنا معاكي

فراشه مصر

27-03-2007, 11:46 PM

جزاكى الله خيرا يا اختى بنت الاحرار
بس انا بصراحه كنت تعبانه جداوكله شكرلى فى هذا الدكتور
ولما روحت قالى اعملى اشعه بسرعه جدا جدا
وان شاء الله بعد الدوشه دى هروح لدكتوره احسن طبعا

tm_2005

27-03-2007, 11:58 PM

أختى العزيزة فراشه مصر
أنتى رحتى لدكتور مخ وأعصاب ولا أيه؟؟؟
الواحد بيروح فى المواقف اللى زى دى لدكتور واتنين وتلاته ولما بيجتمعوا على راى واحد يبقى صح
احكى لى رحتى لدكتور ايه واعرفى ان فيه دكاتره بتسرح وبتألف وبتفتح أوى منها يعنى ايه مكنش فيه حمل ؟؟امال اجهضتى ازاى حبيبتى اوعى اى دكتور يدخلك فى دايرة الوهم وأعرفى أن كلنا كستات بيجينا صداع شديد نتيجة الهرمونات والادويه اللى بناخدها عمال على بطال وبعدين فيه الاف الاسباب للصداع وحتى الدكاترة نفسهم مبيبقوش عارفين سببها بصى يا حبيبتى ربنا يكرمك بالحمل يارب ،،أبقى قوليلنا الدكتور قالك ايه وحاولى متصدقيش اى حاجه يقولها غير لما تتاكدى الوهم ممكن يقتل البنى ادم وأحنا كلنا معاكى وخلى عندك قوة ارادة وايمان بالله العظيم وعشان تكونى عارفه انا الصداع قعد معايا 3 أيام الاسبوع اللى فات وقلت \لبنى ادم حكيم نفسه وعليكى وعلى الشاى بالنعناع وكله بقى تمام ويارب العافيه قدامك وطنينى.

فراشه مصر

28-03-2007, 12:10 AM

اختى tm_2005
بصى انا لما الدوره اتاخرت شويه مكنش فى دماغى انه حمل وعادى يعنى
وبعدين حصل نزيف فالدكتور قالى ده اجهاض ولازم تنظيف طبعا وافقت وعادى بعد كده اخد حته من التجمع الدموى وعمله تحليل وورينه له وعادى
بعد كده اكتشفت زياده هرمون الحليب وكتبلى على الدوبرجين
وبعدين انا جالى صداع بجد غير طبيعى المه مبرح لدرجه انه كان يوقظنى من النوم واتالم واكتم الصرخه واحس انه ضاغط على عينى بحيث لما تتحرك تكون زى النار مع تورم بسيط حول العين
غيرت الدكتور وروحت لدتور اخر كبير جدا قالى لازم اشعه رنين مغنطيسى وكمان لما شاف نتيجه التحليل اللى انا عملتها بعد الاجهاض قال انه ليس حمل ولكن ده تاثير الهرمون على الرحم كبر سمكه وعما تجمعات دمويه ونزيف عادى يعنى
انا الان انتظر نتيجه التحليل ...............ادعولى

سارونة الطعمونة

28-03-2007, 09:59 AM

حبيبتي فراشة
أنا آسفة ما شفت موضوعك إلا ألحين لأني ما بدخل بالليل ، بس أمانة تطمنيني عليكي بأقرب وقت وإن شاء الله يكون خير ياااااااااااارب ، الله يشفيكي ويعافيكي ويكون مافيكي إلا العافية ياااااارب ، طمنينا بأقرب وقت

tm_2005

28-03-2007, 10:08 AM

ان شاء الله يا فراشة مصر تطمنينا حبيبتى متقلقيش

tm_2005

28-03-2007, 10:10 AM

ان شاء الله يا فراشة مصر تطمنينا حبيبتى متقلقيش خير ان شاء الله وأول ما تعرفى نتيجة التحليل طمنينا بس ياريت قبل متخدى أى علاج تروحى بالأشعه والتحليل لدكتور واتنين لأن ساعات الدكاترة بيغلطوا هما برضو بشر وربنا يطمنا عليكى يارب ويكرمك ويكرمنا جميعاً اللهم آمين.

...القنوعه...

28-03-2007, 10:48 AM

أسأل الله العظيم رب العرش العظيم أن يشفيك و يرزقك بالذرية الصالحة عاحلا غير اجل أنت و كل المحرومات

moon_angel114

28-03-2007, 11:57 AM

السلام عليكم
الف سلامه عليكى يا فراشة مصر......ان شاء الله كل خير ماتقلقيش لان الحاله النفسيه بتأثر طبعا زاى مانتى عارفه....
وربنا يرزقك ان شاء الله ويجيب العواقب سليمه ان شاء الله وابقى طمنينا عليكى!!!!! احنا مستنين منك اخبار ان شاء الله تكون كويسه.
وربنا معاكى.

بيرى

28-03-2007, 12:08 PM

تحلى بالصبر والف سلامة عليكى وانشاء الله خير وتكون نتيجة التحليل جيدة وطمنينا عليكى اول باول ونسمع خبر حملك قريباَ انشاء الله.
ولو كنتى ساكنة قريبا من مستشفى عين شمس التخصصى ممكن تجربييها لانها هايلة بالذات فى الاشاعة والتحاليل وكمان التقارير بتاعتهم وافية جدا ودقيقة وكمان الدكاترة هناك متفاهمين ودعواتى بالشفاء

فراشه مصر

30-03-2007, 08:10 PM

السلام عليكم
انا بجد سعيده بوجودكم جنبى وحاسه انى وسط اهلى واخواتى جزاكم الله كل الخير
وربنا يعطيكم الف عافيه اختى بيرى وتائهه وmoon_angleوtm_2005وكل اللى سالوا عنى
واحب اطمنكم انا عملت اشعه الرنين والدكتور قالى انه ورم خفيف فى الغده النخاميه وكتبلى علاج وكمان هحلل هرمون البرولاكتين كل اسبوع ولازم استحمل الصداع شويه
الحمد لله رب العالمين. وهاخد الاشعه وهعرضها على دكتور مخ واعصاب علشان يطمنا اكتر

بيدوهايا

02-04-2007, 08:55 PM

الف سلامة عليكى يا فراشة انا ببعتلك على الخاص بس غالبا مش بيوصل لانك مش بتردى علية عموما سلامتك الف سلامة ومش تقلقى بصى انا بصراحة مش كنت عايزة اقولك عشان مش تتوهمى انا يا ستى هرمونى كان 700 وشوية كمان تخيلى .................................................. ................................... المهم وكنت عندى بردة نفس الورم يا ريت تعرفينى اسم الدكتور بتاعك وانا عن خبرة اقولك تعملى اية او اقولك على اسم الدكتور بتاعى ابعتيلى عالخاص

فراشه مصر

02-04-2007, 10:22 PM

اختى بيدو هايا
انا معرفش ازاى اراسلك اصلا على الخاص ياريت تقوليلى وكمان الرسايل موصلتش
انا روحت لدتور نساء وعقم اسمه على فريد امام مستشفلا هليوبلس شاطر جدا
بيقولى الحاله دى شائعه ومتخفيش
ياريت تفيدينى وتقوليلى على دكتورك وتجربتك مع الورم بالتفصيل

meme meme

02-04-2007, 10:31 PM

الله يعطيكي كل اللي تتمنية قريب جدا" يارب آمين..

فراشه مصر

02-04-2007, 10:56 PM

جزاكى الله كل الخير اختى meme

doaa sarhan

02-04-2007, 10:58 PM

اختى فراشة مصر الف سلامه عليكى حبيبتى يارب اللى يكرهوكى يارب
انت ان شاء الله هاتكونى احسن وربنا يشفيكى يارب والمره الجايه نطمئن عليكى وانت بالف سلامه حبيبتى

أم اليمامه

02-04-2007, 11:00 PM

الله يعطيكي الصحه والعافيه ويرزقك بالذريه الصالحه

فراشه مصر

03-04-2007, 02:34 AM

جزاكوا الله كل الخير اخواتى doaa وام اليمامه

tmother

03-04-2007, 11:48 AM

فراشه مصر
الصداع من الهرمونات اللبن البرولاكتن وعلى فكره انا كانت نسبته عاليه عندى جدا
رأى خدى no prolac ده هايل ومالوش الاثار الجانبيه ( الصداع والترجيع والدوخه ) بتاعت الادويه التانيه
وانشاء الله مش هتلاقى حاجه فى الاشعه نص اللى اعرفهم عندهم هرمون اللبن زايد ماتقلقيش

وربنا يرزقك الذريه الصالحه

فراشه مصر

03-04-2007, 12:32 PM

اختى tmother
ربنا يخليكى ليا يارب بس للاسف النتيجه بانت وعرفت ان عندى ورم فى الغده النخاميه الحمد لله

سارونة الطعمونة

03-04-2007, 03:46 PM

معليش يا فراشة عاااااااااادي جدا والحمد لله على كل شي ، اهم شي نفسيتك عزيزتي وإن شاء الله إنها رح تختفي مع الأدوية بس انتظمي عليها حبيبتي ، والله يكتب لك الشفاء من عنده ، اسمعي حطي يدك عند الغدة واقري عليها قرآن

بوسى2000

03-04-2007, 04:05 PM

حبيبتى اجمل فراشة ....
الف الف سلامة عليكى وان شاء الله خير بس انا مع كلام tm و عايزة اقولك ان فى دكاترة بتستسهل اشعة الرنين عشان تجيب من الأخر و تقول على المفيد يعنى متخفيش انك عملتيها وان شاء الله موش حيكون فى حاجة و حشة بس انتى لم تطلع النتيجة خدى رأى كذا دكتور عشان تطمنى و ياريت تقوليلنا على النتيجة و تطمنينا .......معلش يافراشة المؤمن دايما مصاب

فراشه مصر

03-04-2007, 06:42 PM

اختى العسل ام عصام والله انتى دايما بتريحينى بردودك بس بامانه ادعيلى ارجوكى فى صلاتك
اختى السكر بوسى والله انا وريت الاشعه لكذا دكتور قالوا نفس الكلام اخذالدوا واحلل برولاكتين كل اسبوع هروح بكره احلل برولاكتين وان شاء الله يكون نزل شويه ربنا ان شاء الله يرزقك بالذريه الصالحه انتى وانا وملك المالكى وtmوالماسه الذهبيه وبيرى واللهم لك الحمد وايام زمان وهدى احمدويارب مكونش نسيت حد

بيدوهايا

03-04-2007, 08:22 PM

اختى فراشة مصر بصى هاتبعتى رسالة خاصة ازاى انا طبعا لما برد عليكى بيظهر اسمى بتقفى على الاسم ودوسى كليك هايطلعلك قايمة تانى حاجة فيها هاتلاقى ارسال رسالة خاصة دوسى كليك عليها وابعتى انا تحت امرك فى اى حاجة ويارتنى والله كنت فى مصر ماكنتش سيبتك خالص لانى حاسة بيكى جدا انا فى انتظارك

فراشه مصر

03-04-2007, 08:30 PM

بصى لختى انا حاولت بس منفعش ارسلك
ياريت تقوليلى اسم دتورك وتجربتك مع المرض

سارونة الطعمونة

04-04-2007, 09:22 AM

ابشررررررررررري من عيوني يا فراشة إن شاء الله رح أدعي لك بصلاتي إنتي وخواتي الباقيين بإذن الله تعالى ، وأتمنى من الجميع يدعي للخوات بظهر الغيب

بيرى

04-04-2007, 03:31 PM

ابشررررررررررري من عيوني يا فراشة إن شاء الله رح أدعي لك بصلاتي إنتي وخواتي الباقيين بإذن الله تعالى ، وأتمنى من الجميع يدعي للخوات بظهر الغيب

اللهم اميييييييييييين دائما سباقة ام عصام يارب يكرمك وييسر حملك ويرزقك ما تتمنين

اختى فراشة الف سلامة عليكى والحمد لله ان الموضوع طلع بسيط دعواتى بالشفاء ورجاء لا تتهاونى فى العلاج واسمع انه صعب شوية بس معلش استحملى علشان يجيب نتيجة كمان انا سمعت ان المرمرية تخفض هرمون الحليب وتقلل من اعراض الغدة الدرقية وتنشط المبايض انا شربتها بعد الاجهاض وريحتنى قوى بس استحملى مررتها وربنا يصبرنا جميعا ويرزقنا على قد تعبنا ويعوض صبرنا خير ولا يحرمنا الزرية اللهم امييييييييييين

Red Rose 2007

04-04-2007, 03:39 PM

سلامتك فراشة مصر

الله يعطيكي حتى يرضيكي ويفرحك باللي نفسك فيه يارب العالمين ..........
استمري بالدعاء لله عز وجل .,,, ومتل ما حكولك الأخوات انه مو دايما الطب بكون على صواب ممكن يكون في شي غلط ......... ان شاء الله ربنا يرزقك وما يحرمك ............

الماسة الذهبية

04-04-2007, 03:45 PM

الف سلامة عليكى يا فراشة قلبى و ان شاء الله تكونى بخير و ياريت تطمنينى ايه اخبار الدورة و هاتحللى امتى

فراشه مصر

04-04-2007, 04:17 PM

الدوره المفروض معدها بكره وانا مرعوبه اصحى ونام على كبوس يارب نكون حوامل انا وانتى ,tmوبيرى وبوسو وهدى وملك وايام زمان واللهم لك الحمد وملاك لبنان كلنا يارب

الماسة الذهبية

04-04-2007, 04:21 PM

يا رب اميييييييييييييين بس هما فين مش باينين لا هدى و لا ملك المالكى و لاملاك لبنان راحوا فين يا رب يكونوا بخير و يفرحهم بالحمل

بيرى

04-04-2007, 04:30 PM

الدوره المفروض معدها بكره وانا مرعوبه اصحى ونام على كبوس يارب نكون حوامل انا وانتى ,tmوبيرى وبوسو وهدى وملك وايام زمان واللهم لك الحمد وملاك لبنان كلنا يارب

اللهم آمييييييييييييييييييييييييييييييين

bosy_md

26-04-2007, 02:31 AM

حبيبتى فراشة

ربنا يرزقك بالذرية الصالحة يا رب
و يديكى اللى فى نفسك

rousha1510

26-04-2007, 02:34 AM

يارب يعديهالك على خير ويرزقكي بالذرية الصالحة

ghada ali

26-04-2007, 03:15 AM

يارب يا فراشه ربنا يرزقك بالذريه الصالحه اللي يقر عينك بيها
متستعجليش يا حبيبتي اصل الانسان خلق عجول
والله كل حاجه هتبقى زي الفل ان شاء الله
على فكرة انا اعرف ناس كتير قوي كان عندهم مشاكل شبه بتاعتك و اكثر تعقيدا و الحمد لله ربنا كرمهم بالذريه واحد و اتنين وتلاته كمان بس انتي متيأسيش من رحمة الله
و ربنا هيرزقك بامر الله

كارميلا

26-04-2007, 03:49 AM

فراشة ي حبيبتتي الف الف الف سلامة عليكي
بس لازم تطمنينا عليكي اول ما الاشعه تباان واان شاء الرحمن خير
اتكلي على الله فهو حسبك

safy727

26-04-2007, 08:09 AM

الف سلامة عليكى يا فراشة مصر ان شاء الله تكونى بخير و صحة و تحملى قريب ان شاء الله

غزاله 2007

26-04-2007, 09:48 AM

أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك

ملاك لبنان

26-04-2007, 09:56 AM

أسأل الله العظيم رب العرش العظيم ان يشفيكي وان شاء الله تكوني حامل يارب وتبشرينا عن قريب

وانا اشكرك على الدعوة لي في ظهر الغيب ان شاء الله لكي بالمثل

ننتظر منك تطمنينا عزيزتي

lolo habeby

27-04-2007, 03:16 PM

حبييتى الف سلامة واتمنى ان يكون الدكتور مخطى ياما بيخطئو وطمنيننا عليكى ربنا يخيب ظنة

ندى2004

27-04-2007, 04:10 PM

الف سلامة عليكى
ربنا معاكي

فراشه مصر

27-04-2007, 04:16 PM

اخواتى ملاك لبنان وlolo habeby وندى جزاكم الله كل الخير على الدعاء والردود
وربنا يخليكم ليا

om fatima

27-04-2007, 05:50 PM

اسأل الله العظيم رب العرش العظيم ان يشفيك
لا بأس يا اختى طهور ان شاء الله
ورزقك الله الذريه الصالحه عاجلا ليس اجلا
وشفاك الله وعفاك
اختى ابقى طمنينا عليكى باستمرار

mano83

27-04-2007, 05:59 PM

يارب انه يرزقك بالذرية الصالحة عن قريب ان شاء الله ..

فراشه مصر

02-05-2007, 01:23 AM

اسأل الله العظيم رب العرش العظيم ان يشفيك
لا بأس يا اختى طهور ان شاء الله
ورزقك الله الذريه الصالحه عاجلا ليس اجلا
وشفاك الله وعفاك
اختى ابقى طمنينا عليكى باستمرار
اللهم امين
دعوه جميله اوى جزاكى الله كل الخير
واطمنك انا الحمد لله كويسه والدكتور كتبلى على منشط صحيح تعبنى شويه لككن الحمد لله
http://img248.imageshack.us/img248/1083/33553452iq6.gif

فراشه مصر

02-05-2007, 01:25 AM

يارب انه يرزقك بالذرية الصالحة عن قريب ان شاء الله ..
اللهم امين يارب العالمين
اللهم ثبت حملك وييسر ولادتك
وانتى اخبارك ايه واخبار النونو ايه يارب تكونوا بخيرررررر

moonaa

03-05-2007, 07:38 AM

الف سلامه عليكي ياقمر من التعب يارب المنشط ده يكون كويس ونفرح بيكي الشهر ده
امين يارب العالمين
(اللهم بعددمن سجدلك احفظهاواغفرلهاوفرج كربهاويسر امرهافاني احبها)

الحناء

03-05-2007, 11:22 AM

الله يشفيكي وتحملي بالقريب العاجل وأيقني أن كل ألم نحسه مقابل أجر وثواب عند الله والحمد والشكر على كل حال وعلى نعمه الصغيرة والكبيرة وعلى نعمه الظاهرة والباطنة .
ضعي يدك على مكان الغدة ورددي: "وإنا على ذهاب به لقادرون "سمعتها مرة من عند الشيخ احمد عبده عوض .
والله جميل أن ندعو لبعضنا البعض في ظهر الغيب والله يستجيب لنا
يارحيم يارحيم ارحمنا بالحمل القريب و اكرمنا بالذرية الصالحة وفرحنا يارب إنك قادر على كل شيء
أكثري من الاستغفار وقراءة سورة البقرة وقيام الليل وإن شاء الله يجبر كسرك .

بيرى

03-05-2007, 11:33 AM

اخبارك ايه يا فراشة عاملة ايه يارب تكونى بخير انا قريت ان الدكتورة كتبتلك منشط للحمل انشاء الله يجى بفايدة وتحملى من اول شهر توكلى على الله وانشاء الله يرزقك ويطعمك الزرية عاجلا وليس اجلا اللهم آميييييييييييييييين
وبإذن الله نباركلك هذا الشهر بالحمل وتحصلى tm واحنا كلنا وراكى ياررررررررررررررررررررب