مواعيد مستشفى الحرس الوطني

[عطر الاماكن]

السلام عليكم ورحمة الله وبركاته
حبيت اسالكم عن مستشفى الحرس الوطني بالرياض
كيف مواعيدة بالنسبة للحوامل
انا قالتلي وحدة ان مراجعاتهم بالاشهر والحامل محتاجة متابعة فالافضل انك تراجعين
عند مستشفى خاص وتراجعين عند الحرس علشان تولدين عندهم
انا مادري وش رايكم وهل هدا الكلام صحيح
وبالنسبة للمستشفيات الخاصة وش الافضل واي دكتورة
والي تعرف شيئ عن مستوصف الجزيرة ود-دعاء الموجودة فية ياليت تفيدني

انتظر ردودكم
W: W: W:

[سارونة الطعمونة]

ما أدري قصدك مستوصف الجزيرة بالرياض؟؟لأني أنا أعرف مستوصف الجزيرة هنا بالشرقية.. عموما أنا أتوقع مدام إن الحرس مستشفى حكومية فأكيد مواعيدهم تتأخر وفعلا الحامل المفروض تتابع أول بأول فأنا أنصحك أولا تتأكدي من مواعيدهم إذا كانت تتأخر لأ روحي تابعي مع أي مستشفى وبعدين اولدي عندهم أو إذا ارتحتي لدكتورة معينة ومنتي حابة الحرس ادفعي باكيج كامل ، ومدام إنتي في الرياض سليمان الحبيب ممتاز بس أسعاره مرتفعة شوي ودلة كمان يمدحوها بس ترى سليمان الحبيب عندهم باكيجات اسألي عنها ، والله يتمم لكي على خير

[كيرلي]

ماعندي فكرة للأسف اكيد بنات الرياض بفيدوك :)

[mano83]

إذا كان عندك واسطه (تعرفين أحد بالمستشفى) فمواعيدك راح تصير على كيفك .. بس إذا ما كنتي تعرفين أحد أحسن لك تروحين مستشفى خاص .. لأن مواعيدك بتصير مره كل 3 شهور إذا مو كل 4 شهور !! (يعني بحملك تروحين للمستشفى مرتين بس والثالثة للولادة :D .. لا وإذا كان فيك حاله طارئة أو عورك بطنك وتبين تروحين طوارئ أتحدى يدخلونك على الدكتورة "لأنها أساسا مو موجوده بالمكتب") لأن أغلب الدكاترة اللي يشتغلون بالمستشفيات الحكومية مثل الملك خالد أو الشميسي أو الحرس .. يشتغلون دوام ثاني بالحبيب أو بمستشفيات خاصة ثانيه .. عشان كذا ما يداومون بالمستشفى الأساسي إلا نص ساعة أو ساعة بالكثيــــــــر ..

أول مره أسمع بمستوصف الجزيرة :)

[عطر الاماكن]

الله يجزاكم الجنة
هدا العشم فيكم
شووووووووركم وهداية الله بتابع عند مستوصف خاص