طلبات الحريم بالعرس ... لايطووووفكم

[حمرران النواظر]

طلبات المره المتزوجه حديثا ( يعنى من غير عيال )؟
شوف ابى فستان مو اى فستان شنو شتبيهم يقولون عنى مرة فلان عليها
فستان يلوع الجبد ( الله يعينه واهو شكو)
ترى ماخلصت وبسوى مكياجى عند حنان دشتى تدرى بجم تراها غاليه 120 دينار
( هذا انتى مو عروس ) ههههههههه وترى بسوى فستانى عند اديبا المحبوب هههههههه
الله يعينه لاكن المصيبه بالعرس لمه يسالونها بجم فستانج اهو سعره 190 بتقولهم 290
هههههه بس تزيد 100 وبالعرس ماتعطى وجه هههههههه
__________________________________________________

طلبات المره المتزوجه واللى بناتها طولها ( يعنى كبار)؟شوف ابى دراعه من انسام الخلف انا شايفتها قيمتها 150 وابى حق بناتى
مريم وساره فساتين وبسويلهم مكياج وحده عند حنان وحده عند الاء اى لازم نغير
يعنى يكفينا 1500 عصب الابو الحين ردت عليه وقالتله شنو ماتبى بناتك يتزوجون
__________________________________________________

طلبات البنات اللى ياكلون امهم بلسانهم ؟ ( ملسونات)
يمه لاتتكلمين انا اتكلم واقول شنو ابى
يبه ابى فستان وبحط مكياج مو عند اى صالون ابى اللى يشوفنى مايعفرفنى
( ليش جايه من كوكب ثانى ههههههه) وابى اصور عند الصالون شلون يعنى اكشخ وما اصور
وابى ساعه واكسسوارات مايصير لازم شى يلفت نظر الحريم اللى بالصاله
يعنى يبه يكفينى 300 وانت تصرف مع امى واختى ( يحليلها خلصت نفسها وقطت اللى
وراها على صخر ههههههه)

نصيحتى الحلاة مو بالمكياج اللبخه حلات المكياج ناعم يبين ملامح الوجه
وحلات الفستان ببساطته لان البنت اهى اللى تحليه
وترى اللى تقرونه واقع ماننكره ومافيه مبالغه

[درة فنر]

واقع مر

ماننكره يالحبيبة بمجتمعاتنا

[فدوووو]

هلا ببنت العم حمران النواظر ومن الكويت بعد والنعم

بس بجد ما ننكر هالشى في المجتمع تصدقين انا احب المكياج الناعم ورغم كذا الاهل يبغونة

[الثلجية]

اهلا في بنت ديرتي الكويت بالنسبه لي انا احط مكياج ناعم جدا وراح تضحكون علي لو قلت لكم شنو احط للأعراس احط كحل وحمره بس لأني ماأحب المكياج الصارخ والكل يلومني على هذا المكياج ماادري ليش صار تنافس بالمكياج واللباس حتى لو كان مو حلو اهم شي عندهم انه سعره كذاوكذا الله يعين الريال

[حمرران النواظر]

اشكركم خواتي الغاليات على ابداء رأيكم في هالمشاركة
واشكركم يابنات عمي بنات حمرررررران النواظر على كلامكم الطيب
يسلموووووووووووووووووووو