View Full Version : قصر الضيافة الجزائري عند امال من جديد....مرحبا بكم ......بسم الله
الامال الصاعدة
20-03-2007, 09:13 PM
هياو الضيفة هاذ المرة عندي
وراهي شملتكم كامل ولي ما تدخلش تحاسبها نفسها
سميو بسم الله
ادخلو
جوزو
مرحبا بيكم
وعلاش ما جبتيش معاك صحبتك
تفضلي يا .....:confused: :confused: :confused:
اجلسي .اجلسي الدار دارك
الامال الصاعدة
20-03-2007, 09:18 PM
وين رحتو
الامال الصاعدة
20-03-2007, 09:20 PM
ما كانش حتى مرة قبلتو ضيافتي ودخلتو
يقيلة ما عجبتكمش
q) q) q)
الامال الصاعدة
20-03-2007, 09:23 PM
راضية
سلمى
المخضرمة
ام انس
ام رائد
نيسا
زوينة
مزينة
; و أمذنا أمال مارانيش معروضة
أنا نجي بلا عراضة مرحبا بيا السلام عليكم واش أحوالكم نتمنى تكونو بخير أنا ما عنديش بزاف ملي جيت الحمد الله راني بخير و الجزائر تسلم عليكم يا المغتربات
بصح كاين 2 مواضيع محلولين بالاك البنات راهم في الأول و علاش حليتو 2 ياك تفاهمنل نكملو واحد باش نحلو باش ما نتبحروش ماكاش طاكسيات...
خلاص ..ماكاشكم مالا نروح و أمبعد و لا غدوا نولي المهم راني هخنا و رجعت علاجالكم باش نهدر معاكم توحشتكم ربيت عليكم الغرنوق...... واش درتولي يا جماعة علاش حلوين هكدا ..أيا نوضو أرواحو...وين راكم صبيحة شاف ديكيب نسرين لاميس مازينة وأم أنس و أم الأحمدين و كوثر و سلمى و مرحبة بزوينة ..أم بثينة نورة يعطيك الصحة على كلامك في الموضوع المغلق يسلم داك الفم و منكم نستفيد وين راكي يا أم معاد و أم رائد أم أروى هدي غيبة....أواه...راكم absentes حتى تجيبو ولي الأمر باش تدخلو ....نبيع لأم قتيبة....أرواحو خلاص مسامحين كل واحدة و العدر التاعها..و الغايب في حكم الله...
البنات راهي لومبة خضرا تاع راضية وتاع أمال بصح ماراهمش يجاوبة ما فهمت والو بالاك لاكونكسيو مالا أنا نروح باييييي ماكاش الرد ..
مخضرمة نسرين لاميس سلمى البنات ......... أسوكور سماطة وحدي ....خسارة عليكم جيت علاجالكم واحدة ما تجاوبببببب
المخضرمة
20-03-2007, 09:47 PM
مرحبا بيك يا ناعو والله راي سيربؤيز
المخضرمة
20-03-2007, 09:50 PM
خلاص ..ماكاشكم مالا نروح و أمبعد و لا غدوا نولي المهم راني هخنا و رجعت علاجالكم باش نهدر معاكم توحشتكم ربيت عليكم الغرنوق...... واش درتولي يا جماعة علاش حلوين هكدا ..أيا نوضو أرواحو...وين راكم صبيحة شاف ديكيب نسرين لاميس مازينة وأم أنس و أم الأحمدين و كوثر و سلمى و مرحبة بزوينة ..أم بثينة نورة يعطيك الصحة على كلامك في الموضوع المغلق يسلم داك الفم و منكم نستفيد وين راكي يا أم معاد و أم رائد أم أروى هدي غيبة....أواه...راكم absentes حتى تجيبو ولي الأمر باش تدخلو ....نبيع لأم قتيبة....أرواحو خلاص مسامحين كل واحدة و العدر التاعها..و الغايب في حكم الله...
والله كشفت اسمك قلبي راه عاد دن دن دن دن راو نحاها الرلوج تعيشى كروحتى انا هاذ لعشية قلقانة فرحتينى كولتى الهدرة راي رحتلى و اتبعثرت حتى المها ياخى مزال ميربطش اعليك البيت هههههه
المخضرمة
20-03-2007, 09:53 PM
اعلاه رحتى اقبل متقراي زتى غششتيني منتفهموش
الامال الصاعدة
20-03-2007, 09:54 PM
high khu; uhgsgh,
hgloav, ;dk vpj
على السلامة يا العزيزة صبيحة إيه راني هنا جيت علاجالكم نورمالمو نزيد نبات و الخميس ندير السبور بصح قلتلو لراجلي توحشتك بلعاني ...جا يجري داني ...بصح أنا توحشتكم نتموما هيهيهي ملي جيت و أنا هنا هدا وين تجيو خلاص درك دارلي لارومارك قالي علابيبيها وليتي هيهيهيهي مريامة يسقسي عليك الخير راني كما يحب ربي الحمد و الشطر لله
الامال الصاعدة
20-03-2007, 09:55 PM
اهلا ناعو عالسلامة
وي رحت المخضرمة
راني خرجت و ليت كي لقيت الإجابة تاعك و تاع مريامة ...كنت نهدر وحدي....كيفاش ما حلاتش لازم اللمة تاعكم لا لا ما تتغششيش عليا هاكي بوسة في راسك لا كونكسيو ما راهيش مليحة ....أمال تبدلك الكلافيي فرنسية ههههها فهمي روحك اللغة لي كتبتي بيها راهي أكثر من شنوية ضحكتيني شوفي واش كتبتي ترجميلنا...
الامال الصاعدة
20-03-2007, 09:57 PM
يالمخضرمةةةةةةةةةة ردي عليا حنا ما كناش عاجبينك مالة تستناي في ناعو برك .ماحقكش تقوليها .انا والله غاضني الحال راني غيارة هههههههههههههههههه
علابالك أمال والله عرفتها بلي هديك الكتيبة معناها أهلا ناعو هيهيهيه وليت نفهم الشينوية يا جماعة أتكلم لغات....أنا لهلوبة....
الامال الصاعدة
20-03-2007, 10:00 PM
راني ترجمتلك يا ناعو
خاطر انا نهدر غير بالشينوية مزلت ماتعلمت العربية هههههههههههههههههههههههههههههه
أسمعي أمال الله غالب القلب و ما يريد ما تزعفي ما والو المخضرمة عندها العقلية تاعي خلاص ديتها حوسي على واحدوخرا....راني نقجم برك ...هيهيهيهي و الله تحبنا كامل باش تطلعلي المورال برك...بيناتنا .....ما تبيعي لحتى واحد سر....هوهوهوهوهو هيهي هق هق
بصح أمال تستعرفي بيا و الله فهمتها قبل الترجمة ...و كلامك هو الكبير ....يا حنونتي ...فرغي قلبك...هيا صبيحة زهيها يويويويويويويويويوووووووووووييييييييييييييييي ي
الامال الصاعدة
20-03-2007, 10:02 PM
راني علابالي بيك لهلوبة
علابالك صبيحة نتي لي تجيبيهم عودك جراي.... درك يجو بالوحدة...أعرضيهم هنا في دار لينا و كي نكلو نروح لدار أمال نتعشاو....
الامال الصاعدة
20-03-2007, 10:03 PM
صبيحة على حالتها تطيب فالعشا ولا تطل على الثلج
الامال الصاعدة
20-03-2007, 10:04 PM
يا ناعو شكون هي لينا ديما نسمعو هاد الاسم
البنات راهو يدور عليا كي الزربوط... مالا نفهم روحي عخير زيد الأدان نروح نصلي المغرب و ندعي لربي يشفيني و يرزقني درية صالحة أنا و أمال و راضية و كل المحرومات و يشفي مريامة العزيزة على قلبي راني نتخيل فيها و بثينة علاش تخلي بنتك تطيح عسيها ...أو ...مسكينة ...ياك سلامات... أنا نروح و بوسة كبيرة ليكم و نولي غدوا أمممممممممممممح....ياب ...باي غلطت هيهيهيهيه
لينا هي راضية لي راكي معروضة درك في الموضوع تاعها تشربي القهوة عندها بهدلتينا أسكتي لا تسمعك هيهيهيهي راهي معانا تحوس على الدرية أدعيلها ..
لالا راني غلطت هدا الموضوع رانا عندك أمال إيه خلطتوني ...عرفتيها شكون ..أسحب كلامي
كي حليتو 2 مواضيع كنت حالتم في زوج و نكتب و لي ترجع نرجعلها ....فهمتي كاش حاجة...
واش أمال ...صبيحة روحتو أنا نروح تاني باي..غدوا...
الامال الصاعدة
20-03-2007, 10:11 PM
هيه فهمت ربي يعيشك
الله يرزقنا اجمعين
الامال الصاعدة
20-03-2007, 10:12 PM
انا ما رحتش
صبيحة عادت ما تهدرش معايا راني من صباح نعرض فيها
الامال الصاعدة
20-03-2007, 10:18 PM
صصصصصصصصصصصصصصصببببببببببببببببببببببببببببببي
يييييييييييييييييييييييييييييي
حححححححححححححةةةةةةةةة
ةةةةةةةةةةةةةةةةةةةةةةةةةةةةةةةةة
الامال الصاعدة
20-03-2007, 10:20 PM
ناعو
مريامة
ا رائد
الضرة المفقودة
راضية
نيسا
سلمى المخطوفة
الامال الصاعدة
20-03-2007, 10:26 PM
q) q) q) q) q) q)
الامال الصاعدة
20-03-2007, 10:28 PM
:[]L :[]L
الامال الصاعدة
20-03-2007, 10:29 PM
:[]L :[]L :[MM :[MM q) q) :confused: :confused:
maryama
20-03-2007, 10:40 PM
يا لبنات اني حايره واش اصرا نحاوني من الدردشه ولا واش
المخضرمة
20-03-2007, 10:43 PM
راني اهنا يا امال اعلاه منهدرش امعاك راو بنتنا غير الخير راه صافية لبن http://www.lakii.com/vb/images/icons/icon18.gifhttp://www.lakii.com/vb/images/icons/icon18.gifhttp://www.lakii.com/vb/images/icons/icon19.gif
مديري والو في قلبك اسمحيلى اذا سببتلك قلق
المخضرمة
20-03-2007, 10:44 PM
يا لبنات اني حايره واش اصرا نحاوني من الدردشه ولا واش
انا بعد يا مريامة كي انجى ندخل تخرجلى الرسلة انتاع المنتدى
المخضرمة
20-03-2007, 10:52 PM
واش كي انجي انا اتروحوا وينكم
maryama
20-03-2007, 10:53 PM
انا بعد يا مريامة كي انجى ندخل تخرجلى الرسلة انتاع المنتدى
علبالك كنت نكتبلك في واحد الرد شحال اطويل وكي جيت نبعثو ما قدرتش تعرفي هبلت ودورتها علي راجلي كليتو قلتلو انت اللي بيا علي خاطش انا نكتب وهو يقولي غير بالشويه ما تتقلقيش راح تكسري لكلافي من الزربه والحمد لله كي قدرت انشارك مره ثانيه كنت راح نبعث رساله للمسؤوله علي هاذ الركن q) q) q) q) يخي او مبعد اسطر ربي هههههههه:) :) :) :)
المخضرمة
20-03-2007, 10:54 PM
high khu; uhgsgh,
hgloav, ;dk vpj
واش تقصدي ترجمي
maryama
20-03-2007, 10:57 PM
واش كي انجي انا اتروحوا وينكم
اني معاك يا حنونتي تعرفي لمثل اللي يقول ( ما يبقي في الواد غير حجارو ) افهميها يا سيدي انا ونت حجارو راحو كامل وبقيت غير انا وياك علي العموم واش تحكي لعزيزه;)
الامال الصاعدة
20-03-2007, 10:57 PM
راني ترجمتها لتحت اقريها راني غلطت
الامال الصاعدة
20-03-2007, 10:58 PM
راني حتى انا حجرة معاكم هههههههههههههه اني هنا
وش حوالكم
وش الجو صبيحة حنا البرد يقتل
المخضرمة
20-03-2007, 10:58 PM
على السلامة يا العزيزة صبيحة إيه راني هنا جيت علاجالكم نورمالمو نزيد نبات و الخميس ندير السبور بصح قلتلو لراجلي توحشتك بلعاني ...جا يجري داني ...بصح أنا توحشتكم نتموما هيهيهي ملي جيت و أنا هنا هدا وين تجيو خلاص درك دارلي لارومارك قالي علابيبيها وليتي هيهيهيهي مريامة يسقسي عليك الخير راني كما يحب ربي الحمد و الشطر لله
درت ربي كمبقيتيش الخميس بلاه سبور هكذاك نصعرف بيك
maryama
20-03-2007, 10:58 PM
يعني انا معاك وانت ترديلي علي الردود القديمه درك نبدي نزعف عليك
الامال الصاعدة
20-03-2007, 11:00 PM
قوليل صبيحة مرت خوك لاباس
وش سماو بنتها
الله يكو معاها مسكينة
المخضرمة
20-03-2007, 11:01 PM
راني حتى انا حجرة معاكم هههههههههههههه اني هنا
وش حوالكم
وش الجو صبيحة حنا البرد يقتل
الجو بارد يقتل الثلج احبس من الصبان لكن السم انتاعو زاد اقوى رانى اجلدت فالبيت انتاع الميكرو
الامال الصاعدة
20-03-2007, 11:01 PM
متزعفيش مريامة
الامال الصاعدة
20-03-2007, 11:02 PM
صبيحة البسي قشابية وادخلي للبيت
راني وليت... و درك نروح و راني نقرا و نسمع في نشيد سامي يوسف تعرفوه واحد النشيد يهبل نموت عليه و على النشيد تاع يا طيبة نبكي كي نسمعها راني نتمنى ندير عمرة لكان غير تعرضني نسرين و نروحو كيف كيف..جل الله في علاه ما لنا رب سواه لا إلاه إلا الله يا الله... أنا تاني كتبت ما قبلوش الجماعة غلقت و عاودت حليت قبلوه يعطيكم الصحة... وقت العشا عندنا عجوزتي دارت الرشتة... و علابالكم رايحة نتخاسر مع مجاة ما تزيديش تهدري علا الدلاع شهيتيني تاع الصح...
maryama
20-03-2007, 11:02 PM
راني حتى انا حجرة معاكم هههههههههههههه اني هنا
وش حوالكم
وش الجو صبيحة حنا البرد يقتل
هههههههه ضحكتيني علبالي رحت ويا العزيزه انت عروسه جديده والله الله عليك وربي يحفضك ويسطرك ماراكيش حجره نغيروها الزهره وفله وانا وصبوحتي رانا ورد القرنفل:) :) :)
الامال الصاعدة
20-03-2007, 11:03 PM
ا فهمتش وعلا نحاو الضيافة تاع راضية
المخضرمة
20-03-2007, 11:03 PM
يعني انا معاك وانت ترديلي علي الردود القديمه درك نبدي نزعف عليك
ملزمش نزعفو من بعضانا راو نبقاو دائما انا وياك افهمتي
شوفي مريامة نحبك بزاف بصح أحكمي بلاستك سي نو ندورهالك غربة ...حاشة راني نقسر...خلي صبيحة تجاوبني... بلعقل هي تقدرلها 4 سيزو قلنا شوية ليك و شوية لينا ...ما تديهاش كامل نلعب و لا نكحس....
المخضرمة
20-03-2007, 11:05 PM
هههههههه ضحكتيني علبالي رحت ويا العزيزه انت عروسه جديده والله الله عليك وربي يحفضك ويسطرك ماراكيش حجره نغيروها الزهره وفله وانا وصبوحتي رانا ورد القرنفل:) :) :)
تسلمى حبيبتى
الامال الصاعدة
20-03-2007, 11:05 PM
يعيشك مرياة
حشمتيني هههههههههههههههه
صبيحة عندكم الثلج بزاف حالة... أحنا في الجزائر في باش جراح نورمال و بصح هنا في البليدة كي جيت حرت جو بارد تقولي جانفي و الثلج في الجبال نشوفو من الطاقة حالة...
المخضرمة
20-03-2007, 11:06 PM
شوفي مريامة نحبك بزاف بصح أحكمي بلاستك سي نو ندورهالك غربة ...حاشة راني نقسر...خلي صبيحة تجاوبني... بلعقل هي تقدرلها 4 سيزو قلنا شوية ليك و شوية لينا ...ما تديهاش كامل نلعب و لا نكحس....
ناعو مازال مقفلش اعليك باب الشمبرا ههههههههههههههههه ابروفيتي امليح
الامال الصاعدة
20-03-2007, 11:08 PM
يا ناعو ومريامة خليو صبيحة فبلاستها وماتقدمولهاش
راني حذرتكم
وقد اعذر من انذر
فهمتو
ههههههه
متخافوش مني
المخضرمة
20-03-2007, 11:09 PM
صبيحة البسي قشابية وادخلي للبيت
معندوش عمار القشبية وتالى راني البستها رانى امبربرى اكثر من النافس هههههههه
عفوك أمي سامحيني نشيد تاع سامي يوسف رايح يقتلني هدا البنادم يبكي النشيد.. تاع الدراري ماشي صالحين لي ما يحترموش والديهم ...تخيلي ما تجي ترفدي غير بسيف أمبعد كي ترفدي تتعدبي و تزيدي كي تولدي تتقطعي و تربي و تكبري أمبعد نتي و زهرك بصح لالا التربية و الأصل هي الصح التربية تاع الصح على الدين و الطاعة نتمنى تسمعو هدا النشيد و ردولي الخبر ...سامي يوسف حوسو عليه في google
maryama
20-03-2007, 11:11 PM
ياخي قلتلك صبيحه عندك محبة الناس ليك والحمدلله صدق حدسي ربي يدومها رانا نضاربو عليك اكي تشوفي يا سيدي عبرينا ولو حتي بكلمه وقولي حاجه
أمال براس ما براس ما غير هاك غير هاك ...أيا أنا لي أكتشفت صبيحة الأولى بالدالة ...واحدة واحدة.. متعودة ...دايما...
المخضرمة
20-03-2007, 11:11 PM
يا ناعو ومريامة خليو صبيحة فبلاستها وماتقدمولهاش
راني حذرتكم
وقد اعذر من انذر
فهمتو
ههههههه
متخافوش مني
رانى امعاكم كامل متقبضوش كان راو اشوف عمار هاذ الهدرى اقولى واش ادرلهم حتى احبوك هكذا
راهي هنا مريامة ...برك راهي تتقلش علينا ولاتيا مع سي عمار تاعها و مليح لي راهي معانا دمها خفيف.. و حلووووووووووووووووووووووة ياسر ... و ماكاش لي ما يحبهاش.أنا نروح ليلة سعيدة يا أعز الناس غدوا إلا كان في العمر بقية......أللهم صلي و سلم على النبي محمد و على أله و صحبه و سلم..
المخضرمة
20-03-2007, 11:14 PM
ياخي قلتلك صبيحه عندك محبة الناس ليك والحمدلله صدق حدسي ربي يدومها رانا نضاربو عليك اكي تشوفي يا سيدي عبرينا ولو حتي بكلمه وقولي حاجه
انا بعد نحبكم لعود اكثر حتى مما تحبوني ربي يدومها محبة بيناتنا يا سهاد ويشفيلك مريامة
نورة الجزائرية
20-03-2007, 11:14 PM
السلاااااااام عليكن يا حبيبات الرحمن
حبيت اسلم عليكم لانني ساخرج لكي اتابع
حلقة عمرو خالد
اليوم اسم الله التواب
سلام الله عليكن
المخضرمة
20-03-2007, 11:15 PM
راهي هنا مريامة ...برك راهي تتقلش علينا ولاتيا مع سي عمار تاعها و مليح لي راهي معانا دمها خفيف.. و حلووووووووووووووووووووووة ياسر ... و ماكاش لي ما يحبهاش.أنا نروح ليلة سعيدة يا أعز الناس غدوا إلا كان في العمر بقية......أللهم صلي و سلم على النبي محمد و على أله و صحبه و سلم..
متروحيش الساعة
ليلة سعيدة يا أعز الناس و سلمو على نسرين إلا جات توحشتها و باقي البنات.....
نسلم على نورة واش راكي الأخت عاش من قرالك أمال راني خليتلك صبيحة أمانة تهلاي فيها ....إللى الغد تصبحون على ألف خير
المخضرمة
20-03-2007, 11:20 PM
ليلة سعيدة يا أعز الناس و سلمو على نسرين إلا جات توحشتها و باقي البنات.....
غدوى نوضى بكري للميكرو متلعبيهاش تصبحى راك ريحا ترقدى كى الدجاج افهمتي رانى ابنور انكون اهنا انعسك اعلى قداه اتنوضي اذا طولتى انديرلك عقوبة
ليلة سعيدة
maryama
20-03-2007, 11:21 PM
عفوك أمي سامحيني نشيد تاع سامي يوسف رايح يقتلني هدا البنادم يبكي النشيد.. تاع الدراري ماشي صالحين لي ما يحترموش والديهم ...تخيلي ما تجي ترفدي غير بسيف أمبعد كي ترفدي تتعدبي و تزيدي كي تولدي تتقطعي و تربي و تكبري أمبعد نتي و زهرك بصح لالا التربية و الأصل هي الصح التربية تاع الصح على الدين و الطاعة نتمنى تسمعو هدا النشيد و ردولي الخبر ...سامي يوسف حوسو عليه في google
يا ناعو لعزيزه الله ينولك اللي في بالك وترفدي وتجيبي لنا اولاد شابين ودمهم خفيف كيما انت واناشيد سامي يوسف روعه نحبو انا تاني بصح انقولك حاجه عندي حوالي 15 يوم درت السيدي انتاعو في الطونوبيل باش نسمعو شريتو جديد واش لنقلك بنتي ولات في حاله تعيط وتبكي بشكل غريب تقولي كاشما شافت وما فهمتش لنا في لول وعلاه راهي تبكي حبست ودرت ليها باش انشوف واش اللي بيها وحبست للناشيد تاع سامي يوسف وهي سكتت كلي مابيها والو وانا زدت شعلتو وهي مانقلكش تقولي راهم يقرسو فيها وعدت كي نخرجها معايا ما نسمعوش الله غالب غير كي نكون وحدي:) :) :)
maryama
20-03-2007, 11:24 PM
السلاااااااام عليكن يا حبيبات الرحمن
حبيت اسلم عليكم لانني ساخرج لكي اتابع
حلقة عمرو خالد
اليوم اسم الله التواب
سلام الله عليكن
وعليكم السلام ورحمة الله تعالي وبركاته ان شاء الله تكوني بخير انت والاولاد:)
المخضرمة
20-03-2007, 11:26 PM
اسمحولى راني انخليكم ساعة انرجع انخلى الميكرو الولدى بعدساعة انكون امعاكمhttp://www.lakii.com/vb/images/icons/icon17.gifhttp://www.lakii.com/vb/images/icons/icon19.gifhttp://www.lakii.com/vb/images/icons/icon18.gif
الامال الصاعدة
20-03-2007, 11:27 PM
وشراكي نورة لاباس
maryama
20-03-2007, 11:28 PM
انا بعد نحبكم لعود اكثر حتى مما تحبوني ربي يدومها محبة بيناتنا يا سهاد ويشفيلك مريامة
اللهم امين يارب العلمين وجميع مرضي المسلمين:)
radiabelkder
20-03-2007, 11:28 PM
واش راكي مريامة و واش راهي بنتك
الامال الصاعدة
20-03-2007, 11:28 PM
يالمخضرمة راكي تطولي
اسمحيلي انا كان دخل راجلي ران نروح
الامال الصاعدة
20-03-2007, 11:29 PM
يا راضية وش كنت تديري
ما فهمتش وعلاه تنغلق تاعك
radiabelkder
20-03-2007, 11:31 PM
[I][يعطيك الصحة يا امال انا عرضت لحباب لداري وانت ديتيهم عندك/I]
maryama
20-03-2007, 11:31 PM
وانا تاني نقول لكل الموجودات اني رايحه وباذن الله غدا الا كتب ربي نتلاقاو وتصبحو كلكم علي خير وفي امان الله :)
radiabelkder
20-03-2007, 11:32 PM
على خاطر انت حليتي واحد اخر
radiabelkder
20-03-2007, 11:33 PM
شكون اللي مازالت هنا
radiabelkder
20-03-2007, 11:34 PM
وقيل راي نهدر وحدي
الامال الصاعدة
20-03-2007, 11:35 PM
والله والو يا راضية
ران ماشفتش كي حليتي
ومبعد ملقيتوش ليحليتيه
ما تتغشش الدار دارك
واعرضي شكون تحبي
وطيبي وش تسحقي
ها وش قلتي ههههههههههههههه
الامال الصاعدة
20-03-2007, 11:36 PM
راني معاك
radiabelkder
20-03-2007, 11:38 PM
لا لا حنونة راني غير نضحك معاك قلت بلاك ما عجبهومش البيت المتواضع يا خي عندهم الحق حبو القصر
داري ولا دار اختي كيف كيف ولا لالا
radiabelkder
20-03-2007, 11:39 PM
حسبت جاء راجلك تروحي تحطيلو العشاء
الامال الصاعدة
20-03-2007, 11:41 PM
لالا راجلي هدا وين دخل
وانت وش درت عشا
تطيبي انت ولا عجوزتك
radiabelkder
20-03-2007, 11:41 PM
اماااااااااااااااااااااااااااااااااااااااااااااااا اااااااال
الامال الصاعدة
20-03-2007, 11:42 PM
حتى انا بيتي متواضع هفيتهم بالهدر ةبرك هههههههههه
radiabelkder
20-03-2007, 11:43 PM
انا اللي نطيب بلفطور بلعشاوزيد ما يكلوش الخبز ياكلو غير الكسرة
الامال الصاعدة
20-03-2007, 11:43 PM
راني معاك راضية
radiabelkder
20-03-2007, 11:44 PM
ماعليش حنونة غير تتهناو هذا هو الصح
الامال الصاعدة
20-03-2007, 11:45 PM
وعلاش ما يعاونوكش
عودي ديري الكسرة تا يومين بش متغلبيش
الامال الصاعدة
20-03-2007, 11:46 PM
ما قلتيليش وش درتي عشا حنونة
الهنا هو الصح
radiabelkder
20-03-2007, 11:46 PM
كي تدخلي صباح للمنتدى اتخايليني القدرة فوق النار و الجفنة قدامي ههههههههههههههههههه
radiabelkder
20-03-2007, 11:48 PM
درت طاجين الزيتون بصح فيه البطاطا المقليةههههههههههههههههههه
و انت ولش طيبتي
الامال الصاعدة
20-03-2007, 11:49 PM
راضية ما فهمتش الجفنة وشيهي
radiabelkder
20-03-2007, 11:50 PM
انتوما فاش تعجنو الخبز
الامال الصاعدة
20-03-2007, 11:51 PM
انا منطيبش العشا انا وراجلي منتعشوش
فالغدا درت لوبيا حمرا
radiabelkder
20-03-2007, 11:52 PM
حنونة راني راحة نصلي العشاء
الامال الصاعدة
20-03-2007, 11:52 PM
نعجنو فالقصعة
radiabelkder
20-03-2007, 11:53 PM
بصحتكم
الامال الصاعدة
20-03-2007, 11:53 PM
ربي يقبلك
دبرتيها
الامال الصاعدة
20-03-2007, 11:54 PM
يعيشك وانت كيفكيف
radiabelkder
20-03-2007, 11:55 PM
في العاصمة يقلولها الجفنة راكي تعلمتي حاجة جديدة
الامال الصاعدة
21-03-2007, 12:24 AM
راضية انا نخليكم علا خير
غدوة نشالله راو يعيط ويعاود وانا نقولو راني نطفي فلميكرو هههههههههه
المخضرمة
21-03-2007, 12:44 AM
لبنات كامل ريحين يرقدوا بصح عندهم الحق برد الحال
http://www.lakii.com/vb/images/icons/10.gifتصبحوا على خير واحلام جميلةhttp://www.lakii.com/vb/images/icons/icon17.gifhttp://www.lakii.com/vb/images/icons/12.gif
المخضرمة
21-03-2007, 10:14 AM
صباح الانوار لجميع العضوات بدون استثناء
جيت اصبح واروح بعدين لما يطلع النهار وينوضوا الرقدات
يااااااااااااااااايhttp://www.lakii.com/vb/images/icons/icon17.gifhttp://www.lakii.com/vb/images/icons/20.gif
zouinarouen
21-03-2007, 11:12 AM
bonjour jazariats quoi de neuf
om bouthayna
21-03-2007, 11:18 AM
bonjour jazariats quoi de neuf
اهلا بيك حنونة معانا انا من البليدة ومغتربة واشراكي
om bouthayna
21-03-2007, 11:21 AM
اختي زوينة لوحة المفاتيح راهي الفوق الا حابة تكتبي عربي
om bouthayna
21-03-2007, 11:46 AM
bonjour jazariats quoi de neuf
واشبيكي ماجوبتينيش خلاص راني رايحة
وسلامي للغائبات والحاضرات
المخضرمة
21-03-2007, 11:54 AM
صباح الانوار نجاة واش راك اواشها بثينة
المخضرمة
21-03-2007, 11:56 AM
بنجور زوينة كومو تاليفو ابيا فونى افيك نو
المخضرمة
21-03-2007, 11:58 AM
واشبيكي ماجوبتينيش خلاص راني رايحة
وسلامي للغائبات والحاضرات
وين رايحة صبيحة امعاك ولى حابة ترقدى
om bouthayna
21-03-2007, 12:03 PM
اختي ام رائد انصحكي بافضل طريقة لحفظ القران وكدلك الاخواتي
لعبد المحسن بن محمد القاسم
ان تقراي الاية الاولى 20 مرة
ثم الاية الثانية 20مرة ثم الاية الثالثة 20 مرة
ثم الرابعة 20 مرة ثم تقرا هاته الايات الاربعة من اولها الى اخرها للربط بينها 20 مرة وهكذا حتى تنتهي وانا متبعة هذا الطريقة وماشاء الله حفظ سريع وراسخ ولن تخطئئ والان انا راني في الجزء الاول واللي حابة تجرب تتفضل والله نعمة وراحة ويا ربي يسهلنا باش نختموه وهذه امنيتي لانني معدومة الوجود بدون حفضي الكامل للقران
المخضرمة
21-03-2007, 12:04 PM
وينك يا ام بثينة نهديلك هذه الورودhttp://www.lakii.com/vb/images/icons/icon16.gifhttp://www.lakii.com/vb/images/icons/icon20.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon20.gifيا http://www.lakii.com/vb/images/icons/icon18.gifامتزعفيش وتروحى زيدى اصهري امعانا اشوية اروحى ارقدي واش الجو عندكم
om bouthayna
21-03-2007, 12:05 PM
اهلا حنونة واشراكي ضحكتيني الفرنسية بالعربية ههههههههههههههههوين رايحة صبيحة امعاك ولى حابة ترقدى
om bouthayna
21-03-2007, 12:07 PM
وينك يا ام بثينة نهديلك هذه الورودhttp://www.lakii.com/vb/images/icons/icon16.gifhttp://www.lakii.com/vb/images/icons/icon20.gifhttp://www.lakii.com/vb/images/icons/icon16.gifhttp://www.lakii.com/vb/images/icons/icon20.gifيا http://www.lakii.com/vb/images/icons/icon18.gifامتزعفيش وتروحى زيدى اصهري امعانا اشوية اروحى ارقدي واش الجو عندكم
لالا حنونة انتي الدنيا وما فيها برك كنت نحفظ فالقران لانو كل يوم لازم نسمعو واش حفظنا ولله الحمد نعمة
وكيفاه نرقد رايحة نقلي البوراك راجلي دوك يجي يتعشا
om bouthayna
21-03-2007, 12:08 PM
كي جيت رايحة نتي جيتي علاه ديريلي الدودة نخنقك دوكة
المخضرمة
21-03-2007, 12:09 PM
انا يانجاة نقرا القرآن لكن طاقة الحفظ عندي شبه معدومة لانى مصابة بالضغط العالى لدم اي لتنسيو منقدرش نحفض انسى بطريقة متصوريهاش ابقاولى الايات الى احفظهم وانا اصغيرة لكن مدة 7سنبن نقرا واحفظ لكن ماهوش كلش ربي يشفينى و جميع المسلمين
المخضرمة
21-03-2007, 12:13 PM
لالا حنونة انتي الدنيا وما فيها برك كنت نحفظ فالقران لانو كل يوم لازم نسمعو واش حفظنا ولله الحمد نعمة
وكيفاه نرقد رايحة نقلي البوراك راجلي دوك يجي يتعشا
ربي يقبل اعليك واعلينا ايجعلها فى ميزانا
ابصحتك البوراك ديري وحدة حارة اكثري فيها الفرماج وابعثهالى رانى نستانا
قداش عندكم فالساعة
المخضرمة
21-03-2007, 12:15 PM
اهلا حنونة واشراكي ضحكتيني الفرنسية بالعربية هههههههههههههههه
راو كلش جائز قلت لعود الاخت امفرنسة لزم انفهموهة ذرك اتولف امعانا واتعود كبنات ابلادها
المخضرمة
21-03-2007, 12:19 PM
حلتك راك عند البوراك بلاك يتحرق وقولك التيتى بالنتhttp://www.lakii.com/vb/images/icons/icon21.gif
maryama
21-03-2007, 12:27 PM
صباح الخير حنوناتي كيفكم اليوم لباس
واش راكي ناجو اواش راهي بثينه وصحي عشاكم اممممممممممم البراك غيرتيني امبعد انديرو في لغدا باذن الله وعندي بيتزا للولاد وانا قررت احم احم (قرار حازم ) براك وشربه انتاع المشري ماشي انا اللي نطيبها
واش راكي صبوحه لباس البارح خليتينا نهدرو معاك وانت رحتي لازملك ميكرو ليك وحدك باش واحد ما يشاركك فيه وما يمسوهلكش ولا نزلي عليهم قرار اداري ممنوع لمس لورديناتور انتاعك ههههههههه:) :) :)
maryama
21-03-2007, 12:29 PM
ناجو وووووووووووو صبوحهههههههه وينكم
maryama
21-03-2007, 12:32 PM
درك نقعد معاكم شويه ونوض لشغلي واليوم ولادي في 3 في الدار ما يقراوش اليوم يهبلوني ربي المعين درك نروح ونجي نطل اعليكم منين داك
المخضرمة
21-03-2007, 12:35 PM
يا بنات الجزائر يابنات الجزائر قلبي اعليكم راه حاير هيا ابزايد اعليكم
ناعو نوضى برك امتقوليليش خبى مفتاح الشمبرى بعد مسكر الباب
وينك يا راضية
ام معاد طالت الغيبة
ام انس رانا اتوحشناك
امال وحد ميعرض اضياف الداروا ورح يرقد وخليهم نوضى ديرى لغداء
ام رائد يزي برك طولتى الغيبة كيفك والاطفال وخاصة رواء
ام الاحمدين كيف الاحوال رانى امقلقى اعليك هنينا
ام ياسمين ملى اكويتو لا ريتو لاريتو اظربي طلة برك بريطانيا راه ماهيش ابعيدة الطريق سهل روحى الكلافيي اهو اوصلك افهمتينى واذا حبيتى انترجملك اختك راه اهنا نكتبلك الانجليزي بالعربي متفاهمين
مازينة وينك غابو احسوسك
سلمى راك لتيا ارجعى برك ناعو راي اهنا
راضيا اليوم رانى نحتاجك اضربي طلة
وانت يا نبسا ميشقاش انحولك باه اتجى< اسى نتش ذا ارواح ربى اسمعيش> ترجمة اليوم رانى اهنا ارواحي ربي عيشك
المهاجرة الرجوع للاصل فضيلة وللوطن افضل
الى انسيتو ذرك انزيدو فالقائمة الثانية
المخضرمة
21-03-2007, 12:39 PM
صباح الخير حنوناتي كيفكم اليوم لباس
واش راكي ناجو اواش راهي بثينه وصحي عشاكم اممممممممممم البراك غيرتيني امبعد انديرو في لغدا باذن الله وعندي بيتزا للولاد وانا قررت احم احم (قرار حازم ) براك وشربه انتاع المشري ماشي انا اللي نطيبها
واش راكي صبوحه لباس البارح خليتينا نهدرو معاك وانت رحتي لازملك ميكرو ليك وحدك باش واحد ما يشاركك فيه وما يمسوهلكش ولا نزلي عليهم قرار اداري ممنوع لمس لورديناتور انتاعك ههههههههه:) :) :)
صباح الانوار حبيبتى اسمحولي على البارح راو اقف ولدي اعلى راسي كي قباض لرواح قالى انهار طول ليك وتكملى الليل رانى انخمم فيها اللم روحي انشري واحد خصوصى
المخضرمة
21-03-2007, 12:41 PM
درك نقعد معاكم شويه ونوض لشغلي واليوم ولادي في 3 في الدار ما يقراوش اليوم يهبلوني ربي المعين درك نروح ونجي نطل اعليكم منين داك
حتى انا اولادي اداو العطلة راهم فالدار امع البرد ميخرجوش هبلونيhttp://www.lakii.com/vb/images/icons/15.gifhttp://www.lakii.com/vb/images/icons/15.gif
http://www.lakii.com/vb/images/icons/15.gif
المخضرمة
21-03-2007, 12:45 PM
ناجو وووووووووووو صبوحهههههههه وينكم
رانى اهنا حبيبتى ................... العربية
جو سوى لا ما شيري...............الفرنسية
نتش ذا ياحبيبتى نوغ.........بالشاوية
بكل لوغاتي انقولهالك يا سهاد يا http://www.lakii.com/vb/images/icons/icon16.gif
المخضرمة
21-03-2007, 12:46 PM
وين رحتى راك امع الكوزينة
المخضرمة
21-03-2007, 12:48 PM
انا بعد الروح التوليي اشوية نخدم انرجع منغيبش
maryama
21-03-2007, 12:59 PM
صباح الانوار حبيبتى اسمحولي على البارح راو اقف ولدي اعلى راسي كي قباض لرواح قالى انهار طول ليك وتكملى الليل رانى انخمم فيها اللم روحي انشري واحد خصوصى
والله عندك الحق وولادنا تاني عندهم الحق انا وليدي صغير سبع سنين او نص ويحب يدير لجو فيه وانا ما نخليهش وخساره عندي الضيق كي يفرجها ربي ونسكن دار كبيره نديرلو واحد
واوليدك الله يحفضو قوليلو اني مع صحباتي اللي في الغربه نتوانس معاهم هههههههههه يقلك واش دخلني فيهم في الغربه ولا اهنا ما تقعديش معاهم نهار كامل تعرفو لازم انديرو وقت يا النسا اللي نتلمو فيه كامل ونسقسيو علي بعضانا وندردشو شويه وهكداك اقسره تحلي ولا واش قلت صبيحه
oum anes
21-03-2007, 01:00 PM
صباح الخير اخواتي صبيحة راكي ضحكتيني مع الصباح علابالك انا عندي راجلي ووليدي تقولي عندي10 هبلوني راجلي يضل يتشرط عليا وانس منرقدش معاه طول الليل راه يدير فالضروس
صباح الانوار سهاد
oum anes
21-03-2007, 01:02 PM
عندك الحق سهاد ولا كل وحدة تتكتب ولخرى ترجع منقعدوش لاسقين فيه
oum anes
21-03-2007, 01:09 PM
واش كي جيت رحتوا :[MM q) صبيحة كيفاه راكي يدير الخياطة الميكرو رهو دالك كل الوقت:[MM :[MM
maryama
21-03-2007, 01:11 PM
صباح الخير ام انس واش راكي اني درتو لجاطو البارح رجعت لدار علي الربعه انتاع لعشيه ودرتو خرج هايل تحبي نوريهولك
oum anes
21-03-2007, 01:19 PM
وريهولي
:-M :-M
الامال الصاعدة
21-03-2007, 01:25 PM
صباح الخير عليكم
يالمخضرمة ما كنتش راقدة راني كنت نقضي
عولت اليوم ماندخلش لنت خاطر عندي 10ايام شريت فيلو تاع رياضة فالدار وما درتش حتى دقيقة وراجلي كل يوم يقولي شريناها نزينو بيها
مالقيتش حتى برنامج نتبعو ...اقترحو عليا ......
صبيحة راني عدت نشرب البملموس.
مرياما وشهو القاطو لدرتيه وقوليلي كيفاه تنزليه فالميكرو .راني نستنى خاطر حبيت نزل ما عرفتش
الامال الصاعدة
21-03-2007, 01:26 PM
ردو عليا البنات
الامال الصاعدة
21-03-2007, 01:37 PM
مريامة رانا نستناو
ام انس وينك
المخضرمة
21-03-2007, 01:39 PM
[quote=oum anes;3134700]واش كي جيت رحتوا :[MM q) صبيحة كيفاه راكي يدير الخياطة الميكرو رهو دالك كل الوقت:[MM :[MM [/
quote]
كيما ذرك كنت نترز فالشامسة انتاع لعروسة رانى كي انجى للميكرو الرتح مالمشينة واتزيدو انتوما تعطيونى اشوي قوة كنحكيو نصهر الليل بزاف
المخضرمة
21-03-2007, 01:44 PM
صباح الخير عليكم
يالمخضرمة ما كنتش راقدة راني كنت نقضي
عولت اليوم ماندخلش لنت خاطر عندي 10ايام شريت فيلو تاع رياضة فالدار وما درتش حتى دقيقة وراجلي كل يوم يقولي شريناها نزينو بيها
مالقيتش حتى برنامج نتبعو ...اقترحو عليا ......
صبيحة راني عدت نشرب البملموس.
مرياما وشهو القاطو لدرتيه وقوليلي كيفاه تنزليه فالميكرو .راني نستنى خاطر حبيت نزل ما عرفتش
اذا حبيتى تنقاسى اخطايك من القطوات افهمتينى
اما الفيلو واش يظهرلك اتضلى فوقها راك اتولى اتنحيها الي سكليست دير عالاول نصف ساعة الصباح انصف لعشية حتى اتولفى خترى راك اتحسي ابتعب فالاول وامبعدزيدى الوقت بالبدريج
المخضرمة
21-03-2007, 01:46 PM
صباح الخير اخواتي صبيحة راكي ضحكتيني مع الصباح علابالك انا عندي راجلي ووليدي تقولي عندي10 هبلوني راجلي يضل يتشرط عليا وانس منرقدش معاه طول الليل راه يدير فالضروس
صباح الانوار سهاد
عندك الحق رام اهبلو واذا الراجل قعد كلعجوز اكلش يهدر اعليه راو ادير العصاب
الامال الصاعدة
21-03-2007, 01:48 PM
وشراكي صبيحة لاباس
مافهمتش ..ادا حبيتي تنقاسي يزيك من القطوات
انا راني ما ناكلش ياسر اللي سمني القعدة ...
maryama
21-03-2007, 01:49 PM
وهاهو لجاتو تفضلو كولو ان شاء الله يعجبكم
الامال الصاعدة
21-03-2007, 01:55 PM
مريامة صحيتي .بصح هدا تارت ولا قاطو
المخضرمة
21-03-2007, 01:56 PM
وشراكي صبيحة لاباس
مافهمتش ..ادا حبيتي تنقاسي يزيك من القطوات
انا راني ما ناكلش ياسر اللي سمني القعدة ...
اخدمى فالدار اتحركي بزاف سيقى امسحى كثري من الحركة حتى اذا منقستيش متزديش واتولهى واش الى سمنك من المكلة
انا نسمان من ليموناد والحلوة نكل بزاف مع انى نخدم بزاف انمشى
maryama
21-03-2007, 01:57 PM
مريامة رانا نستناو
ام انس وينك
هاني نزلتو شفتيه عجبك علبالك ام انس عطاتني لاغوسات البارح في التلفون وانا درتو وشحال ابنين ما نقلكش
om bouthayna
21-03-2007, 02:00 PM
واوووووووو يعطيك الصحة مريامة على التارت روعة كيفاه درتيها يبانلي بريوش
المخضرمة لالا لازم ديري الكوراج اتسبب ياعبدي وانا نعينك
فالقران مايقولش العبد راني مانقدرش بالعكس واش قالو انو اللي مايقدرش يعني يجهد نفسه على الحفظ له بدل الاجر اجرين ولا تحرمي نفسكي من الاجر العظيم حنونةوالله راني نحبكم في الله ونحبلكم الخير ونتلاقاكم ان شاء الله في جنة الفردوس الا ماتلاقيناش فالدنيا
امال واشراكي اتنعمي يالعروسة
om bouthayna
21-03-2007, 02:03 PM
ام انس ليك وحشة كبيرة كيفاش مخبية علينا هاذو القواطو لازم توريلي واشراهو انس
الامال الصاعدة
21-03-2007, 02:04 PM
يالمخضرمة كون تشششششششوفيني حطيت في بالي ياسر الفكرة تاع اني سمنت حتى كرهت روحي ما عدت لا نلبس لا نعدل روحي وكرهت روحي فالمراية ..بورتون اني نفطر ونتغدى برك منتعشاش والحركة فالدار مش ياسر نسيق مرة فسمانة....يعني الدار منتعبش فيها راني وحدي ماكانش الدورة ياسر .مالقبتش الحل .
المهم لكان تبعتيني نرجعها عزا ههههههههههههههههة ادعيلي بكل خير يقدمو ربي
zouinarouen
21-03-2007, 02:05 PM
youm je faire la pitza faitmaison
صباح الخير يا أعز الناس واش راكم أولا هدا وين جيت و راني نقرا قبا باه نرد عليكم نبدا بالمخضرمة يا عزيزتي درك نفهمك ...أنا نسكن مع ناس داري هكدا...الميكرو في صالون ..و عندي لوسي يرقد في الصالون و يجي يرقد بكري يغلق الباب ما نقدرش نقعد على النات و الله كي نقعد في الليل بالسرقة نكتب تم تم و نهرب و زيد راجلي دايما يديرلي لا رومارك يقولي عندك الصباح خلاص ما تخليهمش حتى يحطو العين منك فهمتي حنونة ..أنا لكان عليا ...و لكان وحدي... ملي نوض و أنا معاكم..ما نخدم ما ناكل ما والو لأنكم ونيسي الوحيد يا أعز الناس ....و أنا نوض بكري بصح ما نقدرش نشعل الميكرو حتى نكمل الشغل راني فهمتيني...يتسمى نشعلو على حساب الوقت لي نكمل 11 هكداك..و أنا و الضروف و مع لا كونكسيو راكي تعرفي...
مريامة يا قلبي حيرتيني على بنتك بالاك الموسيقى و لا الصوت تاع سامي يوسف يأثر فيها ...و الله مليح ليها يقول كلام ربي نورمالمو يعجبها بالاك ماكانتش ألاز برك بكات ماشي النشيد......وكي تديري القرأن تحب تسمع ؟....ولا ما تحبش روحي إرقيلها تعيشي خبريني عليها و على أخبارها شحال في عمرها الله يشفيها و الله البارح كي صليت دعيتلها و لأمال و لينا و ليا طبعا وصح على كلامك العسل ليا و درك نكمل نقرا راني في الصفحة 8 برك حقا نقولكم حاجة مهمة...اليوم يخلاص تاريخ إشتراك تاع الأنترنت راني حايرة راهم ما قطعهوش بصح بالاك يقطعوه مزية خلاوني نخبركم .المهم بالاك حتى السبت ولا الأحد باش يخلصو مولابيتي.. المهم راكم في بالي و نتوحشكم بزاف ودرك لا كونكسيو راهي ضعيفة صافي إلا تقطع الله غالب خارج عن نطاقي و نزيد نقولكم اليوم البرد و الثلج حالة بعثثت لي شوية صبيحة من قسنطينة قمة الجبال راهي بيضة تشهي....صح صبيحة لالا راني نقسر صح يا ربي على النعمة تاعك ...و درك نكمل نقرا راني هنا
om bouthayna
21-03-2007, 02:07 PM
يالمخضرمة كون تشششششششوفيني حطيت في بالي ياسر الفكرة تاع اني سمنت حتى كرهت روحي ما عدت لا نلبس لا نعدل روحي وكرهت روحي فالمراية ..بورتون اني نفطر ونتغدى برك منتعشاش والحركة فالدار مش ياسر نسيق مرة فسمانة....يعني الدار منتعبش فيها راني وحدي ماكانش الدورة ياسر .مالقبتش الحل .
المهم لكان تبعتيني نرجعها عزا ههههههههههههههههة ادعيلي بكل خير يقدمو ربي
كيفاه امال راكي عروسة تقولي هكذا لالا اتمتعي واشبيك والي يقول هاكا لي عندو 20 سنة زواج راني نشوف فيك ماشاء الله لاطاي والزين
الامال الصاعدة
21-03-2007, 02:09 PM
ام بثينة لاباس الحمد لله ........خلاص ما عدتش عروسة ....فض الزهو هههههههههه
زوينة لاباس عليك .......
بحال تاع فرنسا كامل دارو البيتزا اليوم ................متفاهمين هههههههههه
بصحتكم
om bouthayna
21-03-2007, 02:12 PM
ام بثينة لاباس الحمد لله ........خلاص ما عدتش عروسة ....فض الزهو هههههههههه
زوينة لاباس عليك .......
بحال تاع فرنسا كامل دارو البيتزا اليوم ................متفاهمين هههههههههه
بصحتكم
علاش حنونة ياخي عندك 5شهور لالا
الامال الصاعدة
21-03-2007, 02:14 PM
يعيشك ام بثينة
ناعو على سلامتك ......حبيت نسقسيك قداش عمرك ......جاوبيني قبل مايقطعو عليك نت
وين رحت صبيحة راك مع الشامسة ........وشمن لون ........درت الودال تاع اللواي ...
الامال الصاعدة
21-03-2007, 02:16 PM
شفت ا بثينة عندي مام با 5شهر بانتلي 5 سنين.........ما تقلقيش عليا كي نضعاف نولي عروسة ادعيلي برك.هههه
maryama
21-03-2007, 02:18 PM
ام انس ليك وحشة كبيرة كيفاش مخبية علينا هاذو القواطو لازم توريلي واشراهو انس
علبالك ناجو اني مع ام انس في التلفون وقالتلي قوليلها ما نقدرش ندخل بزاف للنت وليدها هبلها وراهو مع الدروس ينوض فيهم
والقاطو ما نقدرش انزللكم الصور ما عنديش الكاميرا
وهاذي انايا سهاد انقلك راهو روعه هاد القاطو ومليح كي عجبك
صبيحة متيقرة تاع الصح عجبني الفرنسي المعربز وحدك دايما تخرجينا خرجة...وللله ضحكتينا أمال الفيلاكما قالتك صبيحة ساعة برك في اليوم ...والله ما يفيد فينا والو إنت 84 كلغ راكي كما كنت أنا من أسبوعين حبست الريجيم شوية تشهيت لي فريت و الباتيسري زدت ب 2 كيلو في سمانة ... أنا 86 و بح اليوم راني وليت للريجيم ...شحال واعر ربي معانا....راني قريب نلحق راني في صفحة 15 و عجبتني مريامة كي عيطتلي ناجو....ناعو ناجو ناحو ناخو كامل كيف كيف المهم عرفت روحي هيهيهييه
nissa_alg
21-03-2007, 02:23 PM
نواااااااااااااااااااااعمممممم انا الماسنجر خرباااان:(:(:(:(:(
واش راكي حبيبتي توحشتك بزاااااااااااااااااف احكيلي واش درتي
nissa_alg
21-03-2007, 02:25 PM
سلام يا بنااات واش راكم ...صبيحه راكي مليحه اليوم ؟؟؟
ارتحتي يا قلبي !!
حبيييت نرحب بالاخت زوينه ...نورتي المنتدى يا زويييينه الله يحفضلك ولادك الله يبارك
المخضرمة
21-03-2007, 02:26 PM
وهاهو لجاتو تفضلو كولو ان شاء الله يعجبكم
يعطيك الصحة شهيتينى تسلم اديك
المخضرمة
21-03-2007, 02:34 PM
يعيشك ام بثينة
ناعو على سلامتك ......حبيت نسقسيك قداش عمرك ......جاوبيني قبل مايقطعو عليك نت
وين رحت صبيحة راك مع الشامسة ........وشمن لون ........درت الودال تاع اللواي ...
شوفي رانى ساتى روايال قهوي maron chocolat اترزتها بالدورى وردة درتها قهوى اوردة درتها كروفات ان روز لفاي درتهم كرام سمسم اهو جوهر جات روعة راه مطلوبة ابكثرة
الامال الصاعدة
21-03-2007, 02:35 PM
صبيحة كملتي
ناعو مزلت تقراي لدرك ما قريتي سؤالي ............
نيسا وش راكي ..........
سلمى ما ظهرتش كشما عندها غبر الخير انشالله
المخضرمة
21-03-2007, 02:36 PM
هاني نزلتو شفتيه عجبك علبالك ام انس عطاتني لاغوسات البارح في التلفون وانا درتو وشحال ابنين ما نقلكش
تسلم اديك
nissa_alg
21-03-2007, 02:36 PM
ام طاااهر واش راكي حنونه بخييير
امااااااال؟؟؟غير الخير واش مشكلتك راكي جابلي ربي الهرمونااات قولي الحمد لله و اكثري من الاستغفاااار
ام بثينه واش راكي و الله توحشتك
مرياامه واشراكي ...واش حكاية بنتك مع سامي يوسف علابالك انا من النوع كي نسمعلو نبكي و جلدي يشوك ...نورمال يمكن بنتك حسااااااسه
وين راكم يا بنات ...شكون راهي هنا
نواعم راني هدرت معاك واش ماكيش حابه تريبوندي :(:(:(:(
راني وصلت أبابا بزاف ما جيت نلحق...أمال عمري 30 سنة كبيرة 17 جويلية 1976 علاه حبيتي تخطبيني هيهيهيهيه زيدي واش تاني ...مازالكي عروسة ما تقوليش هكدا أنا 3 سنين مازالني نشري و نلبس و نسقم روحي لراجلي يا ماما...إبروفيتي ...مادامك صغيرة ...لازم كل يوم كي يجي راجلك يلقاك بصورة جديدة و الإبتسامة ما تفارقش وجهك واشبيك راكي وحدك ...ديري سشوار و سقمي روحك و ألبسي و ماكيي تجي تهبلي ..علابالي شابة بلا بصح لازم كما قالت الأخت المغتربة كوني لزوجك 4 زوجات يكون لك...
نسرين واش الميكرو تاعك غير أرميه...و أشري واحد و أنا صبحت نشعرلك في المسنجر حكيتلك نعاودلك ....قلتي إيه....حاوليني.. درك نعاودلك ...
أم أنس يعطيك الصحة على القاطو أعطينا لاغوسات...علابالي سهاد أنتي لي درتيه بصح هي لي عطات لاغوسات معليش واحدة فيكم تقولنا هدوك لي فراز لي من فوق يبان كما المسكوتشو لالا.. باين بنين خلي ناكل اليوم و غدوا نبدا الريجيم هيهيهيهيهيه
واش راكي الأخت زوينة أكتبي بالعربية باش تحلى...و أزدمي معاني نورمال حنا هايلين والله... مريامة مازالك ناجو أنا ناهو ..هيهيهيهيه
أ
nissa_alg
21-03-2007, 02:38 PM
بناااااااااااااااااااااات راني نهدر وحدي!!!!
نواعم ماتقوليليش لا كونيكسيو خلاص قطعوها؟؟؟
قولي لراجلك نسرين مريده و لازم نكون معاها ...خليه يدفع الدراهم اليووووم قبل ما يقطعوووه
pleaaaaaaaaaaaaaaaaaaaaaaaaaaaaaz
الامال الصاعدة
21-03-2007, 02:39 PM
قوليلي صبيحة بقداش تسقام بكلش ..............
انا تاعي درتها بلو رويال باللواي حتى لحزام تهبل بصح ما جاتش على جلدي لليوم .
المخضرمة
21-03-2007, 02:39 PM
صبيحة متيقرة تاع الصح عجبني الفرنسي المعربز وحدك دايما تخرجينا خرجة...وللله ضحكتينا أمال الفيلاكما قالتك صبيحة ساعة برك في اليوم ...والله ما يفيد فينا والو إنت 84 كلغ راكي كما كنت أنا من أسبوعين حبست الريجيم شوية تشهيت لي فريت و الباتيسري زدت ب 2 كيلو في سمانة ... أنا 86 و بح اليوم راني وليت للريجيم ...شحال واعر ربي معانا....راني قريب نلحق راني في صفحة 15 و عجبتني مريامة كي عيطتلي ناجو....ناعو ناجو ناحو ناخو كامل كيف كيف المهم عرفت روحي هيهيهييه
ههههههههههههههههههه الله اجازيك المهم افهمتى
واش بيكم مقلقين واحد تقلق مات هاهاه هيهييه جايحة علابالي...
راني نجاوب كملت قريت بصح لا كونكسيو ماراهيش مليحة ...
nissa_alg
21-03-2007, 02:41 PM
نانا حبيبتي كي جيتي و راكي باين المورال مليح الحمد لله انا راني مليحه ...قوليلي التحاليل كيفاش طمنيني راني غير نفكر فيك؟؟؟؟
nissa_alg
21-03-2007, 02:43 PM
صبيحه واش هادا الي راكم تهدروعليه ما فهمتش هيهيهيهيهيههي
علابالك ما نعرفش الاسامي تاع اللباس التقليدي تاعنا !!!!؟؟؟؟؟؟
و الله اني خايبه و الهويه الجزائريه ولات في البايباي
المخضرمة
21-03-2007, 02:45 PM
يالمخضرمة كون تشششششششوفيني حطيت في بالي ياسر الفكرة تاع اني سمنت حتى كرهت روحي ما عدت لا نلبس لا نعدل روحي وكرهت روحي فالمراية ..بورتون اني نفطر ونتغدى برك منتعشاش والحركة فالدار مش ياسر نسيق مرة فسمانة....يعني الدار منتعبش فيها راني وحدي ماكانش الدورة ياسر .مالقبتش الحل .
المهم لكان تبعتيني نرجعها عزا ههههههههههههههههة ادعيلي بكل خير يقدمو ربي
والله رانى اسمن اعليك بصح انشوف روحى بوبية ههههههه منتمسخرش خترى ذرك راه اعطاك ربي جمال فى ابلاصة اخرى شوفى روحك ديما امليحة واعدلى مزلت اعروس اجديدة رانى عندى ربي بارك 24 سنة زواج كتشوفينى اتكذبي غير كتشوفى اولادى كيعاد اكبار واش دخل لعديل فالسمانة خيطى قيسك مديريش المشبوح برك اراك اتهبلى
لشتى ساكنة وحدك خدمى روحك
nissa_alg
21-03-2007, 02:45 PM
وييين رحتو انا ما نقدرش نطول دو ك نروح نغديهم ...و نكمل شغلي ...اليوم عندي زياره للمستشفى وحده قريبه مسكينه حالتها صعبه
دعواتكم يا بناااات الله يشفيها
الامال الصاعدة
21-03-2007, 02:46 PM
نيسا لي تهدر عليه صبيحة قندورة معمرة بالسمسم يسموها فقسنطينة الشامسة وكاينة حتى فدزاير سيرمون تعرفيها
nissa_alg
21-03-2007, 02:47 PM
والله رانى اسمن اعليك بصح انشوف روحى بوبية ههههههه منتمسخرش خترى ذرك راه اعطاك ربي جمال فى ابلاصة اخرى شوفى روحك ديما امليحة واعدلى مزلت اعروس اجديدة رانى عندى ربي بارك 24 سنة زواج كتشوفينى اتكذبي غير كتشوفى اولادى كيعاد اكبار واش دخل لعديل فالسمانة خيطى قيسك مديريش المشبوح برك اراك اتهبلى
لشتى ساكنة وحدك خدمى روحك
الله يعطيكي الصحه و العافيه و يخليكي مثل لنا و فووووق راسنا و يخليكي لنا يااااا قمر ينقط عسل
نسرين بعيد الشر عليك...المرض ..لالا هو يحبك والله ...قالي نخلصو بصح اليوم يخدم ما يلحقش يروح لازم غدوا ولا السبت ولا الأحد مهبولة ما يخلصوش نخليلو الدار بلي فيها.... راني نخلع فيه برك حتى هو ما يصبرش عليه...نهبلو ما تخافيش. مادرت والو البارح غير لايروبيك و جبت معاد العملية حتى 3 جوان و راني وليت للريجيم..وخلصت لايروبيك يعني ما يحبسنيش...و مامي راهي مليحة وتسلم عليك ووليت علاجالكم و غدوا نروح عيد ميلاد نونو و أختو.. شريتلها لبسة تاع الدار باكستاني شابة زرقة..و هو شريتلو قمجة بيضة تهبل شحال شابة و تريكو باج و ريحة ...و ...خلاص واش نزيد ..قلتلو الطارطة عليك... ما تقولوليش بدعة ...أنا ندير بلا نية ماشي مليحة و نشري لراجلي هدية برك .. برك..باش هو يشريلي في دالتي هيهيهيهييه ..لازم... و راني نكتب و خايفة لا يقطعولي الأنترنت اليوم خلاصت ما فهمتش موالفين مريقليين اليوم مع البرد نساوني هيهيهيه إنشاء الله يخلوه يا ربي أوموا نشبع منكم
nissa_alg
21-03-2007, 02:50 PM
نيسا لي تهدر عليه صبيحة قندورة معمرة بالسمسم يسموها فقسنطينة الشامسة وكاينة حتى فدزاير سيرمون تعرفيها
:[]L :[]L :[]L :confused: :confused: