تيجوا يابنات نعمل دوره تريكو ايه رايكم

[أم قسمت]

انا لاحظت ان الاسئله عن التريكو كتيره ففكرت اعمل دوره مع اني شايفه ان الكروشيه واكل الجو لو ابتديت حاتكونوا معايا ولا مش حاتهتموا ؟؟؟http://www.lakii.com/vb/images/icons/icon23.gif

[فنانة مصرية]

حبيبة قلبى احب اكون اول واحدة اشجعك على هذه الفكرة الرائعة
الى الامام يا روميل

[دعوة للتفاؤل]

ايه ده ماما ام قسمت بقت روميل

انا معاكي لان نفسي اتعلم والله انا خلاص هتهبل من كتر الحاجات اللي عايزها اتعلمها

بس انا زمان كنت بعرف

[تمغارت]

لام الله عليكم ورحمته وبركاته
شكرا جزيل الشكر لللأخت الفاضلة أم قسمت
ويا ريت تقبلوا بي كعضو جديد معاكم بالمنتدى وبالدورة
وإن شاء الله تكسبي أجري وأتعلم على يدك

[زهرة من الوادى]

ياريت والله فكره اكثر من رائعه , و انا انشاء الله من اول الناس البداه تتعلم .
و فى انتظار الدوره بفارغ الصبر.
مشكوره يا أم قسمت يا غاليه.

[salma02]

ya ret ya om kesmate yalah nebtedi we kolena ma3aki

[nouran]

أم قسمت.........
انتي كده ضغطتي الزر
ماكينةالحماس اشتغلت
ياللا وكلنا رجالك

[صارة لينا]

جزاك الله خيرا كنت ناوية أطلب منك ذلك لكن النت جد ثقيل في ألأيام الماضية فلم أكن أشارك في المنتدى سأحاول أن أكون معكن في الدورة
شكرا جزيل الشكر

[_lamiae_]

انا معاكي لان نفسي اتعلم والله انا خلاص هتهبل من كتر الحاجات اللي عايزه اتعلمها

[sicosad]

اختى الغالية ام قمسمت انا سعيدة جدا بالخبر دا لانى لسة عضو جديد وعندى حماس خارق انى اتعلم التريكو وكل الاشغال اليدوية ارجـــــــــــــــــــــــوكى قوليلى انتى بداتى ولا لسة علشان ابدا اتبعك على فكرة انا اسمى ام ايثـــــــــــــــار بنوتة زى القمر

[أم قسمت]

حبيبتي ام مي منوراني دايما ومشجعاني ربنا يخليكي
بس متهيالي روميل رجع للخلف مش كده برضه ها ها ها

[أم قسمت]

حبيبتي احلي دعوه خليكي معايا وان شاء الله ياتتعلمي ياتدوري علي ام تانيه تعلمك
وبعدين من زمان امتي يعني وانتي بيبي ؟؟؟

[أم قسمت]

الحبيبه تمغارت
اهلا بيكي ومنورانا

[أم قسمت]

حبيبتي زهره الشكر لله

[أم قسمت]

حبيبتي سلمي
ياللا ياحبيبتي نبتدي وكلنا ايد واحده يابهجت ( انتي مصريه)

[أم قسمت]

حبيبتي نوران خليها شغاله حانبتدي اهه ياللا يارجاله قصدي يابنات

[أم قسمت]

حبيبتي صاره
وحشتيني جدا
وحاتنوريني بس صلحي النت بناعك وابتدي معانا

[أم قسمت]

حبيبتي لمياء ازيك
عامله ايه ياعروستنا
بعد الشر عليكي وباللا نبتدي

[أم قسمت]

الاخت sicosad
اهلا بيكي ولسه مابداناش ياام ايثار ربنا يحميهاو تشوفيها عروسه

[سلمى المصريه]

ام قسمت والله ما غريبه عليكى مشاء الله دايما سباقه بالخير لجميع الاخوات الله يكرمك ويعطيك العافيه واحنا معاكى يا نوووووووووور منتدى لك

[فنانة مصرية]

حبيبتى ام قسمت ما انت احسن مليون مرة من روميل
مش كده ولا اييييييييييييييييييييييه؟؟؟؟
باموت فيك يا قمر

[أم قسمت]

حبيبتي ام مي انا باحب اهزر معاكي ومن القلب للقلب رسول ياسكر علي شربات علي عسل

[أم قسمت]

شوفوا يابنات انا حاابتدي من الاول
نتعرف علي الخيوط
نتعرف علي انواع الابر
نتعرف علي الغرز الاساسيه
نعرف ازاي نقرا الباترون
ننفذ حاجات بسيطه
وبعدين نشتغل شغل الخبيرات
اـ الخيوط

وهى انواع مختلفة منها : اصواف ـ اقطان ـ حرير .ـ اكليريك . . الخ) وطبعا الاوزان مختلفة وكمان سمك الخيط مختلف منه السميك او الرفيع ونستطيع تحديد ما نريده منه حسب الغرض من القطعة المراد شغلها ودائما هتلاقى الخيط مكتوب عليه وزنه وكم لفة فى الخيط ومقاس الابر المستخدمة فيه.



هذه الصور توضح بعض الخيوط

http://www.lionbrand.com/graphics/yarns/cottonease.jpg

http://www.lionbrand.com/graphics/yarns/940-skein.jpg

http://www.lionbrand.com/graphics/yarns/540-skein.jpg

http://www.lionbrand.com/graphics/yarns/kitchen2.gif





2ـ الإبر

وهى مقاسات مختلف وانواعها كثيرة فى منها الالمونيوم والخشب والاستالستين

يوجد عدة انواع من الابر منهم

ابرتين مدببين من طرف والاخر مقفل اما بخرزة او ترمسة وهى بعدة ارقام منهم للبليسية

ومنهم للشغل العادى بالنسب للبليسية نستعمل الابر الرفيعة جدا اما الابر الاكبر فللشغل الباقى

ويتحكم فى مقاس الابرة سمك الخيط كلما زاد سمك الخيط وعدد الفتلات زاد سمك الابرة

وكلما قل سمك الخيط قل سمك الابرة



هذة ابرة البليسية

http://forum.hawaaworld.com/files/54756/skacel_metal_needles.jpg




وهذة الابر العادية لباقى الشغل منها الخشب والا منيوم والبلاستك او العاج

http://forum.hawaaworld.com/files/54756/straight.jpg

http://forum.hawaaworld.com/files/54756/pfnaked.jpg

http://forum.hawaaworld.com/files/54756/JiffyKnit.jpg




وايضا يوجد 5 ابر مدببة من الجهتين وهذة خاصة لشغل الجوانتى والاشكال الدائرية

http://forum.hawaaworld.com/files/54756/skacel_plastic.jpg



ومنها ايضا الابرة الدائرية الخاصة بشغل الملابس القطعة الواحدة اوالمفارش المستديرة

http://forum.hawaaworld.com/files/54756/circular.jpg

http://forum.hawaaworld.com/files/54756/skacel150.jpg




الابر الخاصة بعمل الحردات وحجز الغرز لعمل الضفيرة او الجدلة

http://forum.hawaaworld.com/files/54756/cablesti.jpg

http://forum.hawaaworld.com/files/54756/sb_stitch_holder.jpg
__________________

[سلمى المصريه]

مشاء الله معاكى ينور المنتدى كله

[تمغارت]

مشاء الله تبارك الله ربنا يديك الصحة والعافية وتولك اللي بتتمنيه
كدة كويس ماشي الحال
ربنا يستر لما تجي تشرحيلنا الغرز والموديلات أكيد فضايحنا المستخبية راح تبان (ههههههههههههههههههههه) الله يرزقك طولت البال لأجل ما تتحملينا

[أم قسمت]

تكوين اول عقدهhttp://www.kaanz.com/vb/up/uploads/e4d8529108.gif

[om waled]

بارك الله فيك يا ام قسمت موفقة باذن الله

[دعوة للتفاؤل]

حبيبتي احلي دعوه خليكي معايا وان شاء الله ياتتعلمي ياتدوري علي ام تانيه تعلمك
وبعدين من زمان امتي يعني وانتي بيبي ؟؟؟


ماما انت طبعا اللي هتعلميني

مامتي انا في الحقيقه مش بتعرف لاتريكو ولاكروشيه

من زمان من ايام ما كونت في اولي اعدادي يعني من حوالي 10عشر سنين:)


ايه ده ابنتدي كمان في اول درس

طيب الاول عرفيني اجيب خيوط ايه وابر كام علشان اتعلم فيهم

[منمن19]

برافو يا ام قسمت بجد فكره رائعه
انا واحده من الناس محتاجه الدوره دى اوى
انا بحب التريكو لانه منجز عن الكروشيه كتير
بس خيبه فيه طبعا

[أم قسمت]

الله يخليكي ياسلمي وخليكي معايا علشان لو احتجت حاجه الاقيكي جنبي

[أم قسمت]

الحبيبه تمغارت
الله يخليكي ياتوتو ولايهمك انا بالي طويييييييييييييل وباحب اوصل المعلومه

[علم بلادي]

الغاليه ام قسمت:-D .....ربنا يقويك ويعينك ):K ....سيري الى الامام:-V ونحن خلفك :-M .....
دخلت ادعيلك ......
راح اتابع موضوعك لانه ما يتفوت .........والف شكر.

[أم قسمت]

الف شكر ياام وليد ياسكر ونفسك معايا

[أم قسمت]

حبيبتي احلي دعوه انشاء الله تبقي خبيره بس مش عارفه ليه قلبي حاسس انك حاتكوني التلميذه المشاغبه في الفصل ايوه بقي ماهي الابله تبقي ماما وهيهههههههه
بالنسبه للابر هاتي مقاس وسط يعني 4 او 4.5
بالنسبه للخيط هاتي نوع رخيص علشان تلعبي قصدي تتعلمي بيه

[أم قسمت]

حبيبتي منمن
خليكي معانا وان شاء الله حاتكوني خبيره

[أم قسمت]

ربالف شكر ياعلم وربنا يبارك لك
بس انتي مش حاتكوني معانا ولا ايه؟؟؟؟

[أم قسمت]

بصوا يابنات الاول البدايه
لها طرق كتير حااحاول اقولهم بس انا بافضل دي لانها بتدي شكل نضيف للحرف
http://www.kaanz.com/vb/up/uploads/e88afb6399.gif
الطريقة الثانية وهى اسهلهم ولكنها ليست متينة


http://forum.hawaaworld.com/files/54756/slipknot.jpg



http://forum.hawaaworld.com/files/54756/singlecaston1.jpg


http://forum.hawaaworld.com/files/54756/singlecaston2.jpg




http://forum.hawaaworld.com/files/54756/singlecaston3.jpg


http://forum.hawaaworld.com/files/54756/singlecaston.jpg

الطريقه الثالثه

http://forum.hawaaworld.com/files/54756/1.jpg



http://forum.hawaaworld.com/files/54756/2.jpg



http://forum.hawaaworld.com/files/54756/3.jpg



http://forum.hawaaworld.com/files/54756/4.jpg


http://forum.hawaaworld.com/files/54756/5.jpg


وا لرسم التوضيحى للغرزة هو


http://forum.hawaaworld.com/files/54756/slipknot.jpg


http://forum.hawaaworld.com/files/54756/2needcaston1.jpg


http://forum.hawaaworld.com/files/54756/2needcaston2.jpg




http://forum.hawaaworld.com/files/54756/cablecaston2.jpg


http://forum.hawaaworld.com/files/54756/cablecaston1.jpg


طبعا فية طرق تانية للبداية ولكن متشابهة تقريبا لهذة الطرق بس هذة الطرق اسهلهم


الرسوم ممكن تكون منقوله من مواضيع تانيه او مواقع علي النت

[إيمان علي]

ما شاء الله، أنا رمشت فصار الموضوع 4 صفحات :D
معلش، بعدني بالصفحة الأولى، أمر أشوف باقي الصفحات :D

[sabahbouha]

السلام عليكم و رحمة الله و بركاته
مشكورة حبيبتي أم قسمت على الفكرة جزاك الله خير
أنا خبيرة بشغل التريكو و لو تقبلوني حتابع معاكم الدورة إنشاء الله و بعرض خدماتي
ربنا يوفق الجميع.

[وردة زينة]

يعطيكي العافية . ممكن اعرف متى تبدا الدورة :[MM

[علم بلادي]

بصراحه ياام قسمت ..الي بعرفه في التريكو ...اني اشتغل مفرش بغرزه( العدله والمقلوبه)واقفل الشغل بس..
وخايفه اني امل اوافشل .....بس فكرت ان هاذي فرصه كبيره حتي اتعلم التريكوعلى يدك..... لن افوتهاابدا..
سجليني عندك ...

[salma02]

حبيبتي ام قسمة انا مغربية مش مصرية وبحب مصر مووت وكنت هازورها الصيف الي فات لولا فرح اختي المفاجيء وجاية زيارة السنة دي لو ربنا اراد
تسلمي حبيبتي

[om aboudy]

السلام عليكم الغالية أم قسمت
أنا فرحت كثير لما قريت عن موضوعك
يا ريت تكملي لأني كلما أعمل شيء في التريكو وخاصة بلوفرات للأولاد لا يكتمل العمل واضطر إلى إعادته
ويا ريت تقولي عن كيفية عمل الكم الرجلان أي الحردة.
عملت بلوفر للولد خيط تخين على إبر رقم 6 خمسين غرزة.
كيف أحرد الكم الرجلان وكم غرزة وكم سطر أشتغله وكذلك في الكم أبدأ بكم غرزة
الله يخليكي ردي عليا لأني فكيت الشغل كذا مرة ولم أصل لشكل يرضيني.
جزاك الله خيرا

[هبه ابراهيم على]

اختى الفاضله ام قسمت انا سعيده بفكرتك ديه لانى نفسى اتعلم التريكو وكل الاشغال اليدويه بس اكتر حاجه هى التريكو والكروشيه وارجوكى لو سمحتى تقولى ليه انت بداتى ولا لسه انا اسمى هبه ابراهيم على ارجوكى متنسيش

[غزال الاحزان]

ماشاء الله انا طبعا معاكم وفكره حلوه وانا كمان مسويه دوره هيك على ادى فى منتدى اخر
وانا معاكم هنا لانى بعشق التريكو وبعرف اسوى بلفوفرات بسيطه وكوفيات ولكاليك وايس كاب وهيك يعنى
والله المستعان

[@جويرية@]

اختى ام قسمت والله فكرة جميلة وانا سعيدة وفى انتظار البدءالدروس جزاكى الله خيرا

[rola52]

الاخت الغالية ام قسمت والله احلى فكرة وشرف لي اكون معكم بهذا المنتدى الرائع

[جيكو]

حبيبه قلبى ومعلمتى واستاذتى انا لما لقيت موضوعك يا قمر قلبى رقص من الفرحه علمينا يا استاذه وليكى عظيم الاجر والثواب

[أم قسمت]

العزيزه ايمان
مرورك بالموضوع شرف لي
الف شكر

[أم قسمت]

العزيزه sabahbouha
الشكر لله وكويس اني لقيت خبيره تتابع معايا

[أم قسمت]

ورده زينه
يحبيبتي احنا لسه في الاول شوفي غرز البدايه وحاولي تطبقيها وردي علي

[أم قسمت]

حبيبتي علم
خلاص سجلتك بس ده علشان خاطرك بس

[أم قسمت]

حبيبتي سلمي
اهلا بالمغرب واهل المغرب وتنوري مصر في اي وقت تنزليها

[أم قسمت]

العزيزه ام عبودي
حاضر
من عينيه عموما الكم بيكون نصف الظهر يعني ابدئي الكم علي 25 غرزه بس انا شايفه العدد قليل
يعني انتي متاكده ان المقاس كويس علي ابنك ؟

[فنانة مصرية]

حبيبتى ام قسمت انت بدأتى الدورة ولا ايه ؟؟؟؟؟؟؟؟؟؟؟

[دعوة للتفاؤل]

اه ماما ابتدت الدوره بسرعه الصاروخ

حماس ونشاط

[فنانة مصرية]

طيب ليه ماحدش قاللى انا كنت عايزة اشوفها من الاول

انا زعلالالالالالالالالانة مليش دعوة ؟؟؟؟؟؟؟؟؟؟؟

[أم قسمت]

حبيبتي ام مي مااقدرش ابتدي حاجه من غيرك ياقمر انا نزلت بس انواع الخيوط والابر وطريقه البدايه هاتي الابر والخيط واتمرني ووريني

[أم قسمت]

العزيزه هبه
مش حاانساكي ياقمر هاتي ابرتين مقاس 4 او 4.5 واي خيط رخيص شله واحده بس يكون ماشي مع الابر واتمرني علي غرز البدايه وقوليلي عملتي ايه

[أم قسمت]

العزيزه غزال
اهلا وسهلا بيكي وياللا هاتي ابرتين وخيط واعملي الواجب

[أم قسمت]

الحبيبات روك الورد ورولا و جيكو ياللا اعملوا الواجب هاتوا ابرتين وخيط واتمرنوا علي البدايه اللي انا منزلاها

[فنانة مصرية]

حبيبة قلبى الدورة تجنن وبجد الصور التوضيحية روعة وسهلت الموضوع
بس ممكن اقتراح ياريت تعملى موضوع مستقل عن الدورة عشان الكل يعرف انها ابتدأت
وانت وراحتك
وتسلم ايدك على المجهود الجبار

[أم قسمت]

مش فاهمه ياحبي وضحي

[فنانة مصرية]

يعنى قصدى انك هنا كنت بتأخدى الاراء فى عمل الدورة
ممكن يبقى فيه موضوع مستقل لبداية الدورة يعنى الشرح
واللى يعجبك يا قمر

[أم قسمت]

خلاص فهمت ربنا يخليكي ياقمر

[فنانة مصرية]

تصبحى على خير وسعادة

[رانيا عاطف]

أنا معكم فى هذا الموضوع قلبا وقالبا وكلى آذان صاغية

[om aboudy]

الله يبارك فيكي حبيبتي
تقريبا مقاس البلوفر مناسب لأن ابني وزنه قليل ثم إن الخيط عندما استريته مكتوب عليه إنه يصلح له إبر رقم 7، وأنا اشتغلته بإبر رقم 6
معلش كملي لي كيف أتمم الكم؟ أي كيف تكون الزيادة بعد أد إيه من الشغل؟
ثم أزيد حتى يكون عدد الغرز أد إيه؟
الله يخليكي ردي عليا.

[sabahbouha]

ربنا يجبر بخاطرك حبيبتي أم قسمت
و أنا متابعة معاكم
موفقين إنشاء الله

[_lamiae_]

السلام عليكم ورحمة الله وبركاته
كيدايرا حبيبتي ام قسمت
ما شاء الله حماس ونشاط
الدورة جميل جدا
انا زعلانة لاني مش بقدر ادخل النت زي الاول
لان الشهر ما شاء الله عندنا زفاف بنت عمتي ;عقيقة ابن خالي وكمان عقيقة بنت عمتي الله يكملهم بخير
فالتحضيرات واخدة كل وقتنا
ححاول اتابع معاك كل ما سمحتل الفرصة
تسلم ايديكي

[أم قسمت]

ام عبودي شوفي ابدئي علي 25 واشتغلي البليسيه بابر اقل علشان يكون ماسك شويه وفي السكر الاخير زودي 3 او 4 غرز بين الغرز
اشتغلي بحيث تزودي كل سطرين غرزه من كل جانب لغايه الكوع ابتدي زودي غرزه من كل جانب كل 4 سطور
لغايه حرده الكم اقفلي غرزتين من كل جانب وبعدين في السطور التاليه اعملي الاتي

1 ع - 1 بدون شغل - 1 ع - مررى الغرزة التى بدون شغل على الغرزة العدل ثم اكملى باقى السطر عادى حتى

اخر 3 غرز اشتغليهم 2 ع معا - 1 ع

) هذا السطر وجميع الاسطر الزوجية تعمل بدون تنقيص

() كررى السطرين الثالث والرابع حتى

تصبح على الابرة غرزة واحدة نقفلها

[صفاء منار]

ازيك طنط انا صفاء انا حطل عليكم كل مرة لي باحس اني ماما معكم

[Miss Dio0or]

بصراحه اشجعج ام قسمت على هذي الدوره


بس انا ماعرف بدون ماجوف عملي


يعني لو تحطي لقطات فيدي من مواقع يكون احسن


ومشكوره حبيبتي على هذا المجهود الطيب

[أم قسمت]

حبيبتي صفاء منوره جدا جدا واهلا بيكي وسط اهلك وعايزاكي تفضلي معانا علي طول احنا كنا قلقانين عليكي انا وام مي سلمي ازيها ومحمد ليه مش بتدخلي علي النت وانتي عامله ايه في دراستك طمنيني عليكي

[صفاء منار]

حمد الله طنط اليوم احنا بخير مرينا بايام صعبة شوي محمد التزم شوي وربنا يساعدنا سلمى بدات تسال كتير عن ماماوبابا احاول املئ وقتها عشان متسئلش بس لحد امت ان كليتي ساعدوني كتير واساتدتي كمان وفي شغل بابا الله يرحمه وبات اتلقي دروس من اساتدة بالنت حروح بس عشان دروس تطبيق ودي مش كتير وساعتها ربنا كريم
ابتدينا نتعلم عربي وحفظ قرانانا وسلمى ومحمد

[مرتجى]

السلام عليكم ورحمة الله وبركاته :
أرجو من أم قسمت أن تشرح لي طريقة عمل البلوزة والقبعة بالتريكو فأنا أعرف الغرز بس لا أعرف أن أفعل الرقبة والحردة
وإذا كان العمل تشتغلي 2 عدل مع بعض لا يصبح عدل لدي تخرب القطعة

[om hazem 1974]

السلام عليكم يا اخت ام قسمت جزاك الله خيرا كان نفسى من زمان اتعلم التريكو انا اشتغلت لابنتى تى شيرت وجيب بليسيه ولكن البليسيه شغلته بابرتين عادى ومكنتش اعرف ان البليسيه نشتغله بابر رفيعة كما ذكرت على العموم هى طلعت شكلها لذيذه بالنسبه لاول مره واحنا معاك هنتعلم خطوة بخطوة

[صفاء منار]

voici un petite broche que ma maman voulais que je lui fasse

ماما كان عاوز اعمل دا علمتني ورسمت لي الرسم وان نفدت بس ربنا سبق واخدها قبل ما تشوفها لاز تشفوها انتم

http://www.7aar.com/up/uploads/fa7f3b8c89.jpg

[نورماندى2]

يالا كلنا معاكى وانا اعرف التريكو بس عايزة اتعلم غرز جديدة

[نورماندى2]

احب اعرف كيفيه غرزة البريد وغرزة البيكو:[MM :confused:

[semsma]

عزيزتي أم قسمت أنا أول مرة أشارك بالمنتدى من فترة طويلة قوي وانا بادور على حاجة زي كدة بس لأني أم لأول مرة من 6 شهور ماكنتش فاضيه أبداً بس يعني ابتديت أفوق وبنتي ابتدت تريحني و انا نفسي اتعلم عشان أعمل لها حاجات كتير البركة فيكي بقى و ربنا يقويكي

[فنانة مصرية]

حبيبتى صفاء شغلك رائع
وخليكى معانا حتتعلمى اكتر واكتر وحتبقى احسن واحدة فينا
ابن الوز عوام
بحبك جدا جدا يا بنت الغالية

[أم قسمت]

حبيبتي صفاء
البروش اكتر من رائع ايه رايك تعملي موضوع تشرحيه فيه جربي كده

[أم قسمت]

العزيزه مس ديور
الله يخليكي بصراحه انا لفيت مواقع كتير علشان اجيب صور توضيحيه
لوعندك انتي هاتيها واحنا كلنا نستفيد

[أم قسمت]

العزيزه مرتجي
حاضر من عينيه حااشرح الحردات كلها بس استني شويه والقبعه عايزاها موديل ايه
معلش السطر الاخير مش فاهماه

[أم قسمت]

العزيزه ام حازم
شوفي البليسيه بتاع اي حاجه بيبقي بابره اصغر من الابره اللي حاتكملي بيها يعني لو مكتوب علي الشله رقم الابر مثلا 5 تشتغلي البليسيه بابر 4
وعموما الموضه اليومين دول السايب من غير بليسيه

[أم قسمت]

العزيزه نورماندي
الغرز دي كروشيه وعموما البريد هو العمود وبيبقي نص عمود او عمود بلفه او لفتين او ثلاث لفات وهكذا
الاول انتي لكي في الكروشيه ولا لأ؟؟ظ

[أم قسمت]

العزيزه سمسمه
اهلا بيكي معانا وان شاء الله تعملي لبنتك حاجات جميله ربنا يخليهالك
انا باعمل لبناتي كل لبسهم وهما بيتباهوا بيه وسط اصحابهم

[أم قسمت]

حبيبتي ام مي
منوراني يااغلي صديقه

[Scarlet]

السلام عليكن يا أخواتي بالأول ياريت تقبلوني أخت جديدة أنا منضمة من جديد للمنتدى وكتير حابة اتعلم التريكو
::L:: مــــــــــــع خالــــــــــــــص تحيــــــــاتــــــــــي W:

[أم قسمت]

الحبيبه سكارليت
اهلا بيكي اخت لنا ونورتي المنتدي
دوره التريكو لسه بتبتدي حاتلاقيها في اول الصفحه ياللا هاتي الابر والخيط وتعالي

[أمة الرحمن 2008]

ما شاء الله يا أم قسمت أنتى بديتى الدورة دى أمتى أنا بقى لى مدة مدخلتش إيه النشاط ده كله ربنا يعينك يا أحلى أم قسمت

[أم قسمت]

الله يخليكي يااجمل ام حذيفه وصهيب

[ام الكرم]

احنا في الانتظار
يالله انت لسة واقفة احنا جاهزين

[dran_mada]

فكره جميله ياريت نبتدى

[أم قسمت]

حبايبي ام الكرم وdran _mada انا ابتديت الحقوا ادخلوا الموضوع ده
http://www.lakii.com/vb/showthread.php?t=276692

[درياى مرواريد]

انا بعد اشجعكم يلا حبيبتي باسرع وقت ....

[أم قسمت]

حبيبتي درياي
الدوره ابتدت وخدي الرابط من الرد اللي فوق

[نورماندى2]

ام قسمت انا كلمتك كثير ولا رد وصلنى الى الان انا من عشاق التريكووووووووووو

[نورماندى2]

شكرا ام قسمت انا ليه فىالكروشيه بس بسيط احب التريكو واشتغله اكثر

[ورق الخريف]

أنا عضوة جديدة فى المنتدى ,سعيدة جدا بالاشياء الموجودة فيه
شكرا كثـــــــــــــــــــــــــــير يا أختى أم قسمت على هالفكرة
و أنا انشاء الله من المشاركات معاكي في الدورة
بس امتى حتبدأ

[أم قسمت]

حبيبتي ورق الخريف
الدوره بدات شوفي اول الصفحه الرئيسيه ولو عايزه اي حاجه انا باذن الله موجوده

[أم قسمت]

حبيبتي نورماندي
سامحيني علي التقصير في الرد
واهلا وسهلا بيكي واي سؤال كلنا علي استعداد نجاوبك

[أم ياسر أحمد]

بارك الله فيك ياأم قسمت على مجهوك القيم وانا اعرف أشتغل تريكو والفضل لله ولكن بعون الله سوف أتابع معك هذه الدورة لانى بالتاكيد سوف أستفيد منها وأحبك فى الله لرغبتك فى أفادة الغير وأن شاء الله يكون فى ميزان حسناتك

[أم قسمت]

حبيبتي ام ياسر واحمد اهلا وسهلا بيكي وخليكي معانا وتابعينا
والف شكر ياقمر

[بيداء55]

فكرة الدورة شئ رائع جدا وطريقة عرضك يا ام قسمت اكثر من رائعة وبالمناسبة دي انا عندى افكار كثيرةعن التريكو ممكن اساعدكم لو تحبوا،انا جبت كاميرا وممكن اشرح بالتفصيل بس يا ريت تقولوا لي ازاي احمل الصور لأن انا لسه بأتعلم الكمبيوتر

[عروس الجنه]

ام قاسم فينك انا نفسى اتعلم معك تريكو وانا بعرف منه شويه لاكن اريد تعلم بعض الغرز الجديده وجزاكى الله خيرا اختك شمس

[تمغارت]

بعد إذن أبلة أم قسمت برد عليكي أختي شمس : الدورة بدأت وهي بعنوان دورة تعليم تريكو ممكن تشوفيها في اللائحة الرئيسية و الغالية أم قسمت بصدد شرح غرز التريكو

[اندرا]

السلام عليكم ورحمة الله وبركاته فعلا موضوع مهم جدا وانا بحب التريكو جدا واشتغلت حاجات جميلة من مجلة البوردا ومجلة ساندرا وان شاء الله اساهم معاكو لو تقبلوا بس ياريت تقولوا ازاى اساهم

[اندرا]

السلام عليكم ورحمة الله وبركاته فعلا موضوع مهم جدا وانا بحب التريكو جدا واشتغلت حاجات جميلة من مجلة البوردا ومجلة ساندرا وان شاء الله اساهم معاكو لو تقبلوا بس ياريت تقولوا ازاى اساهمhttp://www.lakii.com/vb/images/icons/icon20.gif

[أم قسمت]

حبيبتي اندرا لو عندك غرز نزليها والبنات يترجموها علي فكره انا كمان باشتغل من البوردا و ساندرا

[ميريام 83]

فى الحوار العام ام قسمت ... انا عايزك تتكلمى فى كل الموضوعات مش تريكو بس

[أم قسمت]

حااااااااااضر ياقمر

[كارلو]

ام قسمت الفنانة الى زيك لازم نمشى وراها احنا وراك حتى لو شرحتى بصارة
ملحوظة

البصارة دى اكلة عيالى مش بيطيقوا سيرتها