نداء لبنات مصر(ام الدنيا) والخبيرات

[شطه الممطه]

السلام عليكم ورحمة الله وبركاته
بدون لف ولا دوران
ابغى مقادير وطريقة المش الصري
والله يوفق الجميع
اختكم
(الاسم موجود اعلاه)#R#R

[شطه الممطه]

اهلين
انتو فين ياقدعاااااااان
انا استناكو
:(*):

[وعود الخير]

وانا معاك كمان
بانتظر الطريقة
يا بنات مصر
أرشا
يويو
تعالوا ما تخافوش

[jassylovly]

بصي يا اختى انا حقولها لك بس امانة لو عجيتك ادعي لي ربنا يقومنى من الولادة انا وابنى على خييير

هاتي جبنة فريش وعليها خلضة المش من عن عند السوبر ماركت وهاتي برطمان حطي فيه الجبنة والمش وقرون فلفل احمر واقفلى البرطمان وماتفتحيهوش لمدة 15 يوم وبعد كدة بالهنا

ملحوظة
احنا هنا مش بنعمل خلطة المش احنا بنشتريها من السوبرماركت

[ألوان خشبية]

المش لذيييييييييييذ لكن رائحتة لاتطاق

[amalhamama]

ماهو المش أنا أسمع عنه ولاأعرفه

[شطه الممطه]

up...

[شطه الممطه]

انتو فين يابنات
ما فيش حد
ياخبر ابيض!!!!!!!!!!!!!!!!!!!!!!!!!!!!!!!!!!!!!!!!! !!!!!

[walaa1]

حبيبتى شطه انا هقولك على الطريقه لكن انا مش عارفه انتى منين وهتعرفى المكونات ولا لا
لكن انا هقولك واى سؤال انا معاكى

المقادر

مورته
لبن
جبنه قريش
الطريقه

نحمر المورته قوى
وبعدين نخلطها باللبن ونحطها فى برطمان
ونحط الجبنه وشوه شطه حمرا

ونقفل البرطمان ونتركه فتره لحد الجبنه ماتاخد لون المش

وزى ماقولتلك اى طلب انا فى الخدمه

[شطه الممطه]

مورته >>> مااعرف قصدك
لبن >>>> لبن رايب او حليب

الله يعطيكي العافيه
يعني ايه نحمرها هل على النار او داخل الفرن
انا من السعوديه >>>>الرياض
كم يوم تجلس في البرطمان

[walaa1]

المورته حبيبتى هى حاجه بتفضل بعد ما بنسيح الزبده البلدى
واللبن حليب طبعا
ونحمرها على النار
وانا عندى راى انتى تيجى تنورينا وتشرفنا http://www.lakii.com/vb/images/icons/icon16.gif
وانا اخلى عمتى تعملوهولك جاهز
ايه رايكhttp://www.lakii.com/vb/images/icons/2.gif

[شطه الممطه]

مساء الخير ياwalaa1
انا موافقه اجي عندكو بس بعد عمر طويل
مشكووووووووره على العزومه ,,ابقي سلميلي على عمتك
حبيت اسالك ياولاء1
فيه منتج من الحليب يوضع في اناء تحت الارض ويترك مده ومش عارفه ايه كمان,, هو اسمه ايه

[أنــــا غيــــر]

انا حقولك على الطريقة اللى انا اعرفها
اول حاجة تجيبى جبنة قريش وتجيبى خلطة المش من السوبر ماركت تحطى عليهم شوية شطة وفلفل
وتحطيهم فى برطمان وبكدة يبقى المش جاهز
وفى طريقة تانية لو تعرفيها فى حاجة اسمها جبنة قديمة او حادقة تحطى عليها شطة وفلفل وبسسس
اتمنى انى اكون ساعدتك وهو دة كل اللى اعرفه
لو عرفت حاجة تانية حقول لك

[شطه الممطه]

الله يعطيكي العافيه
انتي فعلا غير
انتي مصريه؟ ممكن تردين على السؤال اللي بالرد 12
ميرسي اووووي

[شطه الممطه]

تهي تهي تهي
ابغى رد على سؤالي في الرد12
وجزاكم الله خيرا

[شطه الممطه]

يعني مفيش رد على سؤالي الاخير

ياحلووووووووووووووووووين

[ام احمد ومصطفى]

حبيبتى اناحاقول لكى على طريقتنا فى الصعيد اولا بنحضر الجبنه القريش الطازه ثم نحضر طبق ونضع فيه شوية ملح كثير يعنى نصف كيس الملح لاتخافى فى الاخر سوف يعطيكى نتيجه حلوه ناخذ كل قالب ونكبسه من كل الجهات بالملح لغايه ما ياخذ كفايته يعنى لما نضع عليه الملح لا يقبله ثم نضعه فى مصفاه ونغطيه ونتركه لمده اربع ايام مثلا لغاية ما يصفى الماء ثم نضعه فى برطمان زجاج نحن فى الصعيد نضعه فى الفخار ثم نحضر شرش اللبن ونضعه مع الجبنه المحضره سابقا ومعهم ملعقة شطه وتجيبى شوية مش حتى لو من السوبر ماركت ودى بتكون كخميره وتضعيها عليهم وتقلبيهم مع بعض ثم تقفلى عليهم كويس وتتركيهم لمة شهر وكل اسبوع تعطيهم رجه وبعدين لما تفتحى حتعرفى اذا كانت استوت ولا لسه شويه وبالهنا

[شطه الممطه]

بنت فوزيه
يعطيك العافيه

[omroro-4]

مش بالفلفل الرومي
المقادير:

4 كاسات لبن زبادي0
4 حبات فلفل رومي اخضر مقع طوليا ورفيع جدا0
ملعقة طعام ملح او حسب الرغبة0
ملعقة طعام حبة البركة0
كاسة زيت زيتون0
نصف كيلو جبن برغالي او اي نوع جبن ابيض0



الطريقة:

1)ضعي اللبن في زبدية وضعي عليه الفلفل والملح والزيت وحبة البركة0
2)قطعي الجبن الى قطع صغيرة او اهرسيه(حسب الرغبة) ويقلب الجميع ويوضع في وعاء بلاستيك ويوضع في الثلاجة0 ويؤخد منه وقت الحاجة0
(ملاحظة):
اذا كان عدد اسرتك بسيط، يمكنك عمل نصف كمية المقادير وممكن تضيفي شطه حمرا

طريقه مصريه

اولا الجبنه قريش
أملئي برام فخار باللبن الحليب بدون غليه
يعني تجيبي اللبن وتحطيه في البرام علي طول .. إملئيه علي الآخر
ضعي البرام في أي مكان في المطبخ ..
علي الترابيزه مثلا أو في فرن البوتاجاز أو دولاب المطبخ
بعد حوالي 24 ساعه .....
إضغطي بإصبعك علي اللبن هتحسي بطبقه طريه وتحت منها طبقه جامده شويه
الطبقه الطريه دي القشطه ... والجامده دي إللي هنعملها جبنه قريش
شيلي بإيدك القشطه إللي علي الوش .. إستعملي إيدك علشان ما تشيليش من طبقة الجبنه
إغلي ميه وحطيها في البرام فوق الجبنه من الجوانب وممكن كمان من النص ..
بعد شويه لما تنفصل الجبنه عن حواف البرام وتبردالميه
إقلبي الجبنه علي شاشه أعتقد هي المتوفره عندك
أو ممكن والأصح علي حصيره ودي تدينا الشكل الخارجي للجبنه القريش المتعارف عليه
نترك الجبنه معلقه بعض الوقت حتي تصفي كل الميه من داخلها
لا يضاف ملح للجبنه القريش .. بل نكتفي بدرجة الملوحه الطبيعيه الموجوده فيها
لا تضاف منفحه للجبنه القريش .. مثل الجبنه البيضاء
حاولي تجربي في برام صغير كبدايه وكتجربه .. وإنشاء الله تكون حلوه


المش البلدى



بتاعنا انا ححاول بقدر الامكان طريقة مظبوطة و سهلة وربنا يقدرك وتعرفى وتعمليها وبأضعف الايمان حيطلع طعمة مش ..
. جمعى القشطة بتاعة اللبن لما تبقى عندك شوية كويسين و تدعكيها بأيدك تفضلى تدعكيها كويس قوى قوى (حتاخد منك وقت ومجهود ) لحد ما تلاحظى ان القشطة اتكومت لوحدها و خرجت مياة لوحدها ..
احنا كدة حنستعمل المياة دى و حنسميها شرش (وهما فى البلد بيسموها لبن رايب ) تجيبى قرون فلفل خضراء شطة بس يكون لونها أحمر و نفرمهم و نضيفهم للشرش وبعدين تحطيهم فى الزلعة الفلاحى ( عارفاها؟)وممكن نستعين عنها بأناء خزف .
.تجيبى بقى جبنة قريش (اللى بتبقى مخططة عشان بيعملوها على الحصير (عارفاها طبعا) وتجيبى شطة ناشفة و شوية ملح كويسين مش قليلين (أمال هما سموه مش لية؟) وبأيدك كدة ترشى الملح والشطة على قطع الجبنة بس خلى بالك عشان تفضل قطع زى ما هيا وبعدين تحطيها فى طبق عادى برة لكن لو الدنيا حر ممكن تحطيها فى الثلاجة حتلاقيها نزلت مايتها لمدة يومين
و بعدين ترمى المياة دى و تاخدى الجبنة و تحطيها فى الزلعة اللى فيها الشرش بالشطة وتبقى ترجى الزلعة بكل الخليط لمدة من اسبوع لاسبوعين حسب ما تشوفية وكدة طريقة تقريبية للمش لكن طبعا دى وصفة من مامتى و بالهنا و الشفا



لعمل المش تحضر أوانى فخارية مثل البلاص وينظف جيدا ويجفف ثم يوضع فيه كمية مناسبة من الشرش أو اللبن الفرز أو اللبن الخض أو كليهما معا حيث يضاف إليه خميرة (عبارة عن مش سابق قديم له طعم ورائحة جيدة ) ثم يضاف إليه مواد مكسبة للطعم مثل المورنة والقرفة وبعض الشطة والكمون وقد يوضع قليل من قشر اليوسفى ثم يضاف إليه مواد ملونة مسموح بإضافتها مثل المعصفر أو الأناتو أوفلفل رومى أحمر بعد تسويته على النارجيدا وفرمه .


يضاف إلى ماسبق بواقى الجبن الرومى بعد فرمها جيدا أو بواقى الجبن الأبيض المتخلفة عن عمليات التقطيع ثم يضاف كمية الملح الملائمة لذلك ومزج كل هذا المخلوط جيدا وقد يضاف إلى ذلك مسحوق عرق الحلاوة مع قليل من التنكار فى قطعة من الشاش على شكل صرة ويضاف قليل من الزيت على المخلوط .


يملأ الوعاء عن آخره وذلك لمنع دخول الهواء يوضع قليل من الزيت على سطح الوعاء ويغلق غلقا محكما حيث أن كل التغيرات التى تحدث أثناء التسوية هى تغيرات لاهوائية ويحفظ فى مكان جاف مرتفع الحرارة لسرعة التسوية تستغرق هذه العملية عاما فأكثر.

صناعة المش في الريف:
1 - يجفف الجبن القريش أولاً وذلك بنشره علي صينية أو منضدة مع رش قليل من الملح عليه ويترك ليجف من 3 - 4أيام مع تقليبه يومياً حتي يلاحظ انقطاع خروج شرش ظاهر منه ثم تغسل خرط الجبن بعد ذلك بالماء ويفضل بالشرش, وذلك لإزالة ما قد يظهر علي الجبن من فطريات وخمائر وشوائب, والغرض من تجفيف الجبن هو تجميده مساعدة له في الاحتفاظ بشكله وقوامه أثناء عملية التخليل وما بعدها, ويري البعض أنه بعملية التجفيف هذه يكون الجبن أفضل نوعاً من المعبأ بدون تجفيف.

2 - يعبأ الجبن القريش الذي تم تجفيفه في الآواني الفخارية المعروفة بإسم الزلعة أو البلاص ويفضل إجراء عملية توديك لهذه الآواني قبل استخدامها (تجري هذه العملية كما تتم في حالة الشوالي أو المتارد) وقد يلجأ البعض إلي رش بعض الملح بين طبقات الجبن للمساعدة في حفظه ويستمر تعبئة الجبن حتي يقرب البلاص من الإمتلاء عند ذلك يضاف محلول التخليل وهو عادة يتكون من :

أ - المواد المالئة:
وهي قد تكون لبن كامل أو فرز أو لبن رايب أو لبن خص(وهو الذي ينتج عند صناعة الزبد من القشدة) أو شرش أو حتي ماء قد سبق غليه وتبريده وتقوم هذه المواد بسد الفراغات الموجودة بين قطع الجبن وبعضها وبين الجبن وجدران الآنية وبذلك لايتعرض الجبن للهواء وتأثيراته الضارة عليه, أيضاً تساعد هذه المواد علي إذابة الملح والمواد الأخرى التي تضاف لمحلول التخليل.

ب - المواد الحافظة:
وهي عادة ملح الطعام والذي له تأثير علي كثير من البكتيريا الموجودة بالجبن إلا أن هناك تجارب تشير إلي أن ملح الطعام يكون تأثيره الأكبر علي أنواع البكتيريا الغير مرغوبة مثل بكتيريا القولون والبكتيريا التعفنية وتؤدي قلة نسبة الملح في الجبن إلي سرعة تخمره وتسويته بأنواع غير مرغوب فيها من البكتيريا تؤثر علي طعمه وقوامه وتركيبه تأثيراً سيئاً, وتؤدي زيادة نسبة الملح المضاف إلي زيادة درجة جفاف الجبن وملوحة طعمه كما تؤدي إلي إطالة الوقت اللازم لتسويته, وبصفه عامة فإن الملح يضاف بنسبة 10 - %15 من الوزن الكلي للجبن, كذلك يلجأ البعض إلي استخدام البوراكس (بورات الصوديوم) وهو يعرف لدي العامة بإسم التنكار وذلك لمنع نمو يرقات الذباب.

ج - المواد المكسبة للطعم:
ومنها المورتة والتوابل مثل الشطة وجوزة الطيب والقرنفل والثوم وحبة البركة.

د. الخميرة
وهي عبارة عن مش سابق ويضاف بنسبة 2 - %7 ويري البعض أنه ليس من الضروري إضافة الخميرة أو المواد المكسبة للطعم حيث وجد بالتجربة أنه يمكن عمل المش وتسويته بدونها وكان الناتج له الطعم المميز الخاص بهذا الصنف.

هـ - المواد الملونة:
وهي عادة تتكون من عجينة المش كما أنه يمكن استخدام مواد ملونة أخري كالعصفر والكركم ويتم عمل عجينة المش من المورتة واللبن الخص حيث يجمع اللبن الخص الناتج يوم بعد يوم ويحفظ بإضافة ملح إليه وعند الحصول علي المرتة تضاف إلي اللبن الخص المملح ويسخن هذا الخليط حتي يتم تركيزه وتكثيفه حتي يصبح قوامه كالعجين ويكتسب لون بني محمر وهذا اللون ينتقل للجبن ثم المش بعد ذلك, وبذلك يتكون محلول التخليل من اللبن (كامل أو فرز أو خصة) أو شرش مع الملح مع التوابل مع عجينة المش مع الخميرة.

3 - يضاف محلول التخليل بعد ذلك إلي الجبن المعبأ في البلاص إلي قرب نهايته ثم تغطي فوهة البلاص بلفائف من القماش المحتوي علي القش أو ورق النخيل, ويرفع عنه الغطاء مرة كل بضعة أيام للكشف علي محتوياته وتكملة المحلول الناقص وتكرر العملية حتي يقف النقص. وقد يتم وضع بعض الزيت بعد ذلك علي سطح المحلول لمنع نفاذ الهواء إلي الجبن وأيضاً منع نمو الفطريات والخمائر الغير مرغوه, وقد يلجأ البعض إلي وضع سدة صغيرة من القماش تحتوي علي مسحوق عرق حلاوة وحبوب الحلبة والشطة والبوراكس (التنكار) لوقاية المش من الحشرات حيث توضع علي سطح محلول التخليل, يقفل بعدها البلاص جيداً, ويترك في مكان دافيء (25ْم تقريباً) حتي تتم التسوية والتي قد تمتد من عدة أشهر إلي سنة.

منقووووووووووووووووووووووووووووووووووووووووول

[awwo34]

المورته هى ما يترسب فى الطنجرة من تحت عقب غلى السمنه البلدى ببطء و على غاز هادىء للغايه ( طبعا عقب غليانها مرة) و بالطبع ما بنحطه بالاناء الا بعد ان يبرد تماما و هى أكله بتسمن بصورة رهيبةةةةةةةةةةةةة !!

[شطه الممطه]

omroro-4

جزاك الله خير على النقل الموفق

awwo34

جزاك الله خير
عاد كلش ولا السمنه