@ بليز ساعدونى ضرورى جدا جدا جدا@

[رونىى]

السلام عليكم ورحمة الله وبركاته
بنات المنتدى العزيزات والغاليات انا كتب كتابى يوم 24 فبراير هيكون فى مسجد كبير
وهيكون الساعة ال الثالثة ظهرا
ومش عارفة البس ايه بيقولولى البس سواريه ناعم من غير تطريز عشان اكون مميزة
وانا مش عايزة عشان بالنهار بس اللى مخلينا متردده انى مش هاروح على البيت
وهاخرج وهنسهر بره
تنصحونى البس ايه
ادونى افكار بليز مفيش وقت اجهز

[رونىى]

ايه يا جماعة محدش هيساعدنى
انا مستنيه رايكم

[queensmsm]

الف مبروك يا قمراولا

انتي ممكن تلبسي تايير ناعم يعني يكون شكله انثاتي

و يكون لونه مختلف عن المألوف ممكن يكون لونه روز او سكري او لبني
بالمكياج هيكون شيك جدا

وانتي شوفي اللون اللي هيناسبك

يعني السواريه اعتقد انه مش هيناسب الوقت والمكان

[rousha1510]

أنا رأيي برضه انك ممكن تلبسي تايير أو بدله أو فستان يكون جماله في اناقته اكتر من التطريز وكمان اهتمي جدا بالطرحه والمكياج وألف مبوك يا قمررررر

[yomizo]

الف مبروووووووووووووووووك ياقمر
انا من راي تلبسي تايير او بدلة شيك وانصحك بتايير عشان تبقى مميزة عن الباقي
ويكون لونه هادى
يعنى انا مثلا كنت زيك بالضبط وبنفس توقيت النهار وككنت لابسة تايير من قماش التفتاه الدابل فيس واللونين داخلين فى نفس التفصيله وكان لونه عسلي غامق فى لون الشاي بللبن كده
وربنا يتمم بخير ياقمر

[venere]

بسم الله الرحمن الرحيم

الف مبروك ياجميل تايير حيكون حلو اوى فى الوقت ده وربنا يتمم بخير

[رونىى]

ميرسى جدا جدا ليكوا على اهتمامك وردكم عليا وانا فعلا فكرت فى بدله او تايير بس انا مبحبش البدل فلو تايير شيك ادور فين فى القاهرة او فى الاخص مدينة نصر وروكسى لحسن عمرى مجبت تايير خالص عشان كده مبخدش بالى اساسا ممكن يتباع فين
وشكرا ليكم مرة تانيه

[كيرلي]

مبااااارك اختي الغالية رونىى :)
ان شاء الله ربنا يوفقك ويتمم لك على خير يارب..
البسي طقم رسمي ناعم ويلائم لون بشرتك ويكون ملائم انك تطلعي فيه بالمساء :)
الله يوفقك ويسعدك :)

[رونىى]

ميرسى ليكى كيرلى وشكرا لمساعدتك وقصدك برسمى يعنى سواريه كقماش مثلا ويكون بتطريز خفيف ولا قصدك تايير قماشتوا عاديه

[كيرلي]

رسمي يعني يكون Formal بحيث انه يلائم طلعة المساء ويلائم المناسبة :)
سواريه بس مش كتييييييير.. اشي ومنه :) فهمتيني؟

[رونىى]

شكرا مرة تانيه ليكى يا كيرلى وانتى قربتى من التفكير اللى فى دماغى انا السواريه اللى كنت اقصدوا زى ما انت قولتى وانا شفت تايير سواريه قطعتين توب وجيبه التوب تطريزوا فليل جدا والجيب نازله على واسع ويا دوبك تطريزها خطين بالطول من قدام والقماشه القلابه دى لونه طوبى فاتح والضى بتاعوا دهبى وهاخلى الشال بتاعوا حجاب دى فكرة والفكرة التانيه اجيب طقم خروج احاول اوافقه وهيبقى قماش عادى زى القطيفة المضلع وعليه بادى من فوق ابيض او سمنى فى الدرجات دى والطرحة اخليها ابيض ودهبى او سكرى كده يعنى بس مش عارفة انه الافضل

[Lojain]

الف الف مبروك يا رونىى و الله يتمم لك بكل الخير عزيزتي :)
ما شاء الله البنات افادوك بافكار جميلة
لكن انا كمان لي رائي الخاص حبيت اعرضه عليك من خلال ها الستايلات
اشوفها بتليق لوقت المناسبة يعني بالمساء ما بين النهار و الليل
و شخصيا اموووت بها الستايل الناعم
شوفي الموديلات يمكن تعجبك و يطلع ذوقك مثل ذوقي :)

مثلا هذا الفستان ناعم كثير و حتى لونه مناسب للمناسبة
ممكن تعمليه انتي بالطافتا لانه بيكون عادي بالنها و بالليل بياخذ لونين منعكسين على بعض

http://www.melody7.com//up/upload1/6852-8440-7164.jpg

هذا كمان مثله تقريبا لكن في اختلاف في قصة الجاكيت
http://www.melody7.com//up/upload1/1908-3286-9731.jpg

هذا كمان حلو ...اذا كنتي بتحبي البساطة و ما حبيتي تدخلي على الفستان التطريز
http://www.melody7.com//up/upload1/4049-1722-4588.jpg

هذا و الي بعده سواريه اكثر
http://www.melody7.com//up/upload1/8851-7160-8772.jpg

http://www.melody7.com//up/upload1/2120-2234-5058.jpg

و هذا كمان ناعم و بسيط و كلاسيك http://www.lakii.com/vb/images/icons/icon12.gif
http://www.melody7.com//up/upload1/8870-3729-3841.jpg

و اتمنى اكون افدتك و لو بايحاء بسسيط لفكرة معينة ممكن تكون عندك
و الف مبروك مرة تانية يا عسل و ان شاء الله تطلعي مثل القمر :)

[مرت زعيله]

بنات المنتدى العزيزات والغاليات انا كتب كتابى يوم 24 فبراير هيكون فى مسجد كبير

الف مبروك بس ليش عندكم كتب الكتاب فى مسجد الصراحه اول مره اسمع