شرح حردة الابط والرقبة فى الكروشيه [الأرشيف]

فنانة مصرية

05-02-2007, 03:06 AM

عزيزاتى الى كل من تسأل عن الحردات
حاحاول اشرح لكن مفيش صور وارجوكم تركزوا كويس وتعملوا معايا العينة اللى حقولكم عليها عشان مش نتوه فى وسط الكلام يعنى خطوة خطوة وكل يوم حاقول حاجة جديدة بعد ما اتأكد انكم عملتم او فهمتم اللى فات ... خلاص متفقين
نبدأ من الاول خالص :
1- نعمل سلسلة من 50 غرزة
2- السطر الاول عواميد بلفة واحدة حتى توصل طول القطعة 10 سم عشان ماطولش الشغل عليكم

حاسبكم تعملوا لحد الخطوة دى ونتقابل مع بعض تانى عشان نبدأ فى الحردات واحدة واحدة
وياريت تساعدونى بالتنفيذ والاسئلة

أم قسمت

05-02-2007, 03:59 AM

موضوع في منتهي الجمال يافنانه وجه في وقته لان بنات كتير بتسال علي الحردات
تسلمي يارب يافنانههههههههههههه

دعوة للتفاؤل

05-02-2007, 01:07 PM

علم وجاري التنفيذ يا فنانه

اوحنا في انتظارك باقي الدروس

_lamiae_

05-02-2007, 04:06 PM

الله اسلمك يا فنانة و ميحرمناش من موضيعك المتميز
انا ايضا حنضم ليك رغم اني متنعرفش البترون المكتوب لكن فرصة اتعلم

al_mostabedah20

05-02-2007, 05:15 PM

انا خلصت من دا الترم اخيرا و من الاختبارات و جية ابدأ معاكم
و طلعت كيس الخيوط و حبدا معاكي خطوة خطوة يا فنانتنا و انا نفسي اعرف القاعدات دي عشان امشي عليها بعد كده و يسير موضوع الحردات شي سهل , و يسعدك يارب و يخليكي لينا .

al_mostabedah20

05-02-2007, 05:19 PM

معليه بس ممكن اعرف العمود بلفه اسمه ايه ب الانجليزي او رمزها ايه الغرزة ,عشان انا مش حافظة الأسماء بالعربي

منار7

05-02-2007, 05:43 PM

تسلمي يا فنانة انتي انتي دايما السباقة بالمواضيع المفيدة ربنا يخليكي

فنانة مصرية

05-02-2007, 05:49 PM

حبايبى انا مبسوطة قوى من ردودكم الجميلة دى
ودى صور الغرز المقصودة يعنى السلسلة والعمود بلفة للاخت المستبدة
دى غرزة السلسلة
http://www.alsowr.com/get-2-2007-rcflxrkn.jpg (http://www.alsowr.com)

ودى غرزة العمود بلفة
http://www.alsowr.com/get-2-2007-t7bbijo8.jpg (http://www.alsowr.com)

واحب انوه ان الشرح ده للى عندهم خبرة بالكروشيه واللى معندهاش ممكن تنضم للدورة الموجودة للاخت ام عزيزان وبعدين بعد ما تتعلم الاساسيات تنضم لنا
وشكرا على تشجيعكم وتجاوبكم

فنانة مصرية

05-02-2007, 05:51 PM

حبيبتى منار ربنا يخليكى ليا
وما يحرمنى من تشجيعك ابدا
صحتك عاملة ايه دلوقتى ؟؟؟؟

al_mostabedah20

06-02-2007, 05:48 AM

شكرا على ردك اليوم حعمله و حتابع معاكم

فنانة مصرية

06-02-2007, 04:47 PM

ياللا يا بنات فينكم .....
وصلتوا لحد فين ؟؟؟؟؟
عايزة اكمل .......

al_mostabedah20

06-02-2007, 06:28 PM

انا بدأت في القطعه بس لسه ما خلصت
عندي اقتراح بس طبعا زي ما تحبوا ايه رأيك نطبق الدرس في اننا نعمل بلوزة صغيرة لبيبي
حيكون احلى انه اتعلمنا الحردات و عملنا بلوزة في نفس الوقت .و طبعا القرار يعود ليكم .

_lamiae_

06-02-2007, 06:57 PM

جاري التطبيق يا فنانة

cute sara

06-02-2007, 07:05 PM

شكرا على الشرح لكن العمل ده من تحت لفوق او العكس ؟؟؟؟؟

egbareya

06-02-2007, 08:17 PM

كويس جدا لانى برضه لسه بتلخبط فى الحردات

مشششششششششششششششكوره يافنانه

مع التحيه

http://up.alfrasha.com/u/8056/9196/104768.jpg

فنانة مصرية

07-02-2007, 07:26 PM

عزيزتى المستبدة ..... لو كملتى القطعة لحد 10 سم حتلاقيها زى بلوزة بيبى

حبيبتى ليمو ......... انا مبسوطة جدا انك انضميتى لنا منورة

عزيزتى كيوت سارة ........ العمل من تحت يعنى نعمل سلسلة من 50 غرزة وبعدين نعمل 3 غرز بمثابة عمود ونعمل عمود فى كل الغرز اللى بعد كده ونكرر السطور لغاية ما توصل القطعة 10 سم

عزيزتى اجباريا ........ شكرا لك ومستنيينك ... وشكرا على الورد انا بحب الورد جدا جدا شكرا حبيبتى

bosy_md

07-02-2007, 08:06 PM

عزيزتى الفنانة المصرية
شكرا على موضوعك الجميل
و ان شاء الله اتعلم معاكم

دائما مواضيعك مميزة و رائعة

om hazem 1974

07-02-2007, 08:43 PM

عزيزتى الغالية النجمة البرونزيه( فنانة مصرية ) مجهود رائع بصراحة انا اطلب منك شرح الموضوع كاملا بعد اذنك طبعا ووضعه على المنتدى لانى لسه جديده فى هذا المنتدى ونفسى اتعلم الكروشيه صح وخاصة جميع انواع الحردات لانها بتسببلى مشكلة عند الانتهاء من اى قطعة انا بعملها ولكى خالص شكرى وامتننانى

فنانة مصرية

07-02-2007, 11:44 PM

حبيبتى بوسى تسلمى لى يارب ومنورة الموضوع

حبيبتى ام حازم ربنا يخليكى على كلامك الحلو بالنسبة لتعليم الكروشيه توجد دورة دلوقتى للعزيزة ام عزيزان وممكن تتابعيها لانها دورة مميزة جدا واى حاجة مش عارفاها ممكن تسألى عليها
انا تحت امرك
ومنورة

_lamiae_

07-02-2007, 11:54 PM

كمان 3 اسطر و اكمل موعدنا بكرة ان شاء الله

فنانة مصرية

08-02-2007, 12:04 AM

برافو ليمو ......
عقبال الباقى ........

دعوة للتفاؤل

08-02-2007, 12:30 AM

انا خلاص جبت الخيط

وبعمل اهوه في انتظار الشرح يا ابله فنانه

فنانة مصرية

08-02-2007, 12:54 AM

ياللا خلصى بسرعة
عشان ان شاء الله حابدأ الشرح من بكرة

_lamiae_

08-02-2007, 05:54 PM

السلام عليكم ورحمة الله وبركاته
خلصت العمل ايه رأيك
اتمنا يكون هادا هو المقصود
في انتضار البقية

http://img115.imageshack.us/img115/8159/57547683hn4.jpg

فنانة مصرية

08-02-2007, 06:09 PM

برافو برافو ليمو ..
بجد طالبة مجتهدة جدا
اديكى 10 على 10

_lamiae_

08-02-2007, 06:43 PM

تسلمي لي حبيبتي ان شاء الله الاخوات يكملن لنمر للمرحلة تانية
فينك دعوة كملي فساع

فنانة مصرية

08-02-2007, 07:36 PM

انا حاكمل واللى يخلص يحصلنا
بعد ما عملنا القطعة 10 سم نعمل الاتى :
- نقلب الشغل ونشتغل غرزتين منزلقتين فوق عمودين من السطر السابق
-ونعمل غرزة منزلقة فى تالث غرزة ونطلع بثلاث سلاسل بمثابة عمود ونعمل عواميد عادى لغاية قبل اخر السطر بعمودين حيبقى عندنا 46 غرزة ونقلب الشغل
- ونعمل برضه غرزتين منزلقتين زى السطر اللى فات بالضبط وقبل اخر السطر بعمودين حيبقى عندنا 42 غرزة نقلب الشغل

اعملوا لغاية هنا ....

اللى مش عارفة الغرزة المنزلقة بالعربى اهى بالباترون :
http://www.m5zn.com/uploads/f809db8ada.jpg (http://www.m5zn.com)

فنانة مصرية

08-02-2007, 07:37 PM

كده احنا بنعمل حردة الابط من الناحيتين الشمال واليمين

بسمة المغرب

08-02-2007, 09:13 PM

السلام عليكم
شكرا لك اخت فنانة مصر
على هذا المجهود و جزاك الله خيرا
وانا متابعة معكم معلمتي

al_mostabedah20

08-02-2007, 09:49 PM

اخت فنانه عندي اسألة
انا اشتغلت اول شي 48 غرزة سلسلة و بعدين 3 سلسلة بتمثل اول عمود
المهم بعد ما مشيت كم دور غير رأي وقلت اعملها بخيط يكون مرتب
فا عملت 50 غرزة سلسلة و 3 سلسلة تمثل اول عمود بس طلع انها صغيرة عن انها تكون بلوزة بيبي و الخيط ارفع شوية فا طلع مقاسها اصغر من الاولى شوية.

فا ما اعرف ينفع اعملها اكتر من 50 غرزة
ولا رأيك امشي معاكم دحين اعرف القاعدة و بعدين اعمل زي ما بدي
حوريكي صورهم و قوليلي رأيك اعمل ايه.حتعبك معايا. انا اسفه انه الصورة كبيرة ما اعرف كيف تتصغر.

http://www.m5zn.com/uploads/d1489de87a.jpg (http://www.m5zn.com)

al_mostabedah20

08-02-2007, 09:57 PM

انا شكلي حكمل عشان ما اتأخر عنكم

فنانة مصرية

09-02-2007, 12:38 AM

اختى بسمة المغرب .... اهلا بك معانا وان شاء الله اقدر افيدك

عزيزتى المستبدة .... انا برضه كنت حاقولك كده خليكى فى العينة اللى 50 سلسلة وكملى معانا وبعدين حتعرفى تعملى اى حاجة باى مقاس
ياللا حصلينا بسرعة

bosy_md

09-02-2007, 03:40 AM

معلش بقى انا مش ابتديت معاكم
لكن ان شاء الله ابتدى من بكره و الحقكم باذن الله

فنانة مصرية

10-02-2007, 10:33 PM

ايه الاخبار وصلتوا لحد فين .....

cute sara

11-02-2007, 01:13 PM

هل قصدك يا فنانه ان نعمل الطول اللي بدنا اياه وبعدين نعمل غرزة منزلقه اثنتان ونواصل لحد ما نوصل الى آخر عمودين ونعمل فوقهم غرزتان منزلقتان ........

اذا كان صحيحا هذا الكلام هل تقصدين انه في كل طبقهننقص عمودين يعني نعمل فوق كل عمودين غرزتان منزلقتان ؟؟؟؟؟

يعني هذا اللي جاي في بالي وهذا اللي فهمته اذا كان الكلام ده صحيح خير واذا كان خطأ فهميني ....ولك الشكر

بسمة المغرب

11-02-2007, 01:44 PM

اختي فنانة
بعد ذلك ماذا نفعل ؟

دعوة للتفاؤل

11-02-2007, 03:38 PM

انا جيت يا ابله

وعملت الواجب زي ما قولتي بالضبط وحشتني جداااااااااااااا

انت وكل اخواتي في المنتدي بجد الدنيا من غيركم وحشه وحشه

انا في انتظار باقي الموضوع اللي جه في وقته يا ابله

إيمان علي

11-02-2007, 05:01 PM

طيب صحوني حتى أتابع معكم! :D
الشرح شكله بسيط، لما أتفرغ سأنفذ إن شاء الله.. خاصة أني ما بعرف أعمل أي حردات..
تسلم إيديكم :)

Om NoOoOoR

12-02-2007, 11:04 AM

معلش اتأخرت...q) ..لسةشايفة الموضوع ده انهاردة....تسلمي يا فنانة...:) ..عايزة اديكي وسام الاتقان....:-s
جزاك الله خيرا.....

http://3rbup.com/up/upload/wh_51489181.gif

ان شاء الله هلحقكو.....

فنانة مصرية

12-02-2007, 04:13 PM

عزيزتى كيوت سارة .... فى الصفحة الاولى قلت نعمل 50 غرزة ونطلع لعواميد لغاية ما تبقى طول القطعة 10 سم وبعدين نقلب الشغل ونعمل غرزتين منزلقتين فوق عمودين فى السطر السابق ونعمل غرزة منزلقة فى تالت عمود ونطلع ب3 سلاسل بمثابة عمود ونكمل السطر لغاية قبل النهاية بعمودين نقلب الشغل يعنى مش نشتغل اى غرزة فى العمودين اللى فى الاخر ونكرر نفس السطر بنفس الطريقة فى السطر التالى وتقفى عشان نعمل حردة الرقبة

عزيزتى بسمة .... بعد كده حنشتغل حردة الرقبة مع حردة الابط بس استنى شوية عشان الاخوات يخلصوا العينة وياريت اللى تخلص تحاول تورينا اللى هى عاملاه

حبيبتى دعوة .... نورتى ..... وصلتى لحد فين ...

عزيزتى ايمان .... نورتى الموضوع وياريت تنضمى معانا عشان الموضوع ينور زيادة

عزيزتى ام نور ..... تسلمى لى يارب وياللا بقى الحقينا احنا مستنيينك .... وشكرا حبيبتى على الوسام ده كتير على والله

دعوة للتفاؤل

12-02-2007, 06:13 PM

في انتظار الجديد يا فنانه

al_mostabedah20

12-02-2007, 06:34 PM

انا عندي اسئلة كتير فا الله يعينك يافنانه ,حعمل زي ما فهمت و اوريلك الصور ,الصراحه ما اعرف شغلي مش باين له ضهر من وش ,حعمل السطرين الا فاضلة و اصوره و احط الصورة .

فنانة مصرية

13-02-2007, 12:30 AM

عزيزتى المستبدة .... الشغل مش بيبان له وش من ظهر لأن غرز الكروشيه ظهرها زى وشهها ما تقلقيش
وعلى العموم انا متأكدة انك ماشية صح لان العينة شكلها متقن

انتم اللى حاتقولولى اكمل دلوقتى ولا استنى شوية
بس ما تتأخروش ...........

moon light 2

13-02-2007, 12:57 AM

ما شاء الله عليكي .
أنا رح أنضم ألكم وسأبدأ غدا بأذن الله
وسأعرض عليكِ عملي بالذات أنه نفسي
اعمل بلايز من الكروشيه .
أنتظريني ولا تبدأي الا لما تشوفي عملي ok .

فنانة مصرية

13-02-2007, 01:28 AM

عزيزتى لوز .......... شرفتينى والله بردك والموضوع حينور بانضمامك
ومش حابدأ الا لما تقولى لى

rasha_zeze

13-02-2007, 03:56 AM

فى الاول بقول لكل الى فى المنتدى
كل سنة وانتم طيبين
وبشكر فنانة مصرية على المجهود الرائع التى تقوم بية
وانا سوف انفذ الشغل ان شاء اللة من بكرة
انتظرونى معكم

al_mostabedah20

13-02-2007, 06:52 AM

اختي الفنانه معليش بس عندي سؤال عشان اتأكد بس
انا في اخر سطر بس خايفه الا بعمله يكون غلط
انا فهمت انه نعمل في السطرين الاخيرة مكان اول عمود غرزتين منزلقة و مكان العمود التاني برضو غرزتين منزلقة
و العمود التالت غرزة منزلقة و بعدين 3 سلال بمثابة عمود

صح كده ؟ انا فاهمه صح ولا في شي غلط ؟
من ضمن الأسئلة الا عندي انه طرف القطعه من اليمين و اليسار بيطلع مش متساوي مش خط مستقيم كده عادي ؟ ولا في شي غلط ؟ معليش انشغلت شوية عشان كانت ملكة بنت خالي من يومين
بس الحمد لله ملحقة معاكم .

فنانة مصرية

13-02-2007, 03:40 PM

عزيزتى رشا ... اهلا بك معانا ونورتى ..... شكرا لك على ردك الجميل ... وياريت تلحقى معانا

عزيزتى المستبدة .... انا سعيدة جدا باسئلتك دى لنها توضح انك فعلا جادة انك تتعلمى
شوفى ياستى انا قلت ان فوق كل عمود غرزة منزلقة مش غرزتين يعنى العمود الاول فوقه غرزة منزلقة والتانى غرزة منزلقة وتالت عمود فوقه غرزة منزلقة ونطلع ب3 سلاسل بمثابة عمود ونكمل لغاية قبل اخر السطر بعمودين ونقلب الشغل من غير مانشتغل العمودين اللى فى الاخر
ونكرر اللى فات فى السطر التالى بنفس الطريقة

بالنسبة لسؤالك التانى انا مش فاهمة اللى حاصل ده من اول القطعة ولا من بعد مابدأت فى الحردة
لو من الاول يبقى فى غلط فى الشغل وياريت تصوريه عشان اشوفه
ولو بعد ما بدأت الحردة يبقى طبيعى لاننا بننقص عشان نعمل الحردة

يارب اكون جاوبت على كل اسئلتك وياريت تورينى شغلك عشان اشوفك ماشية صح ولا غلط

rasha_zeze

13-02-2007, 05:51 PM

انا محتاجة انى اشوف على الشغل
الغرزة المنزلقة علشان انا بحب اعمل
كل شئ باتقان
وشكرا ليكى يا فنانتنا ومرسى على تعبك معانا

فنانة مصرية

13-02-2007, 05:56 PM

شرح الغرزة المنزلقة عزيزتى فى الصفحة السابقة

_lamiae_

13-02-2007, 06:15 PM

السلام عليكم ورحمة الله وبركاته
كيدايرة حبيبتي فنانة
انشغلت قليلا لكن هانا جالسة تنطبق
عندي سؤال من فضلك نا اشتغلت اول سطر في الحردة
في تاني سطر ايضا حعمل نفس الخطوة :
غرزة منزلقة والتانى غرزة منزلقة وتالت عمود فوقه غرزة منزلقة ونطلع ب3 سلاسل بمثابة عمود ونكمل لغاية قبل اخر السطر بعمودين

rasha_zeze

13-02-2007, 06:47 PM

شكرا يا فنانة
انا كدة خلصت الشغل
وان شاء اللة هصورة وابعتة علشان
تشوفى اذا كان صح او خطا

al_mostabedah20

13-02-2007, 07:35 PM

شكرا لتوضيحك يا فنانه بس حزبط الشغل لانه كنت غلطت فا حفكه و اعمل زي ما جاوبتيني و اصوروا عشان تعرفي من فين مش مستقيم الصراحه هوا من بداية الشغل مش من بعد ما بدأت في الحردة
حخلص السطرين و حوطلك الصورة انشالله لو مداني اليوم احط الصورة
ماشاء الله الافراح دي اليومين كترت لانه اجازة فا رايحه فرح اليوم بس ححاول قبل ما اروح اعمل السطرين و اصورها.

دعوة للتفاؤل

13-02-2007, 09:41 PM

انا مستنايكم

خلصوا بسرعه

Om NoOoOoR

13-02-2007, 09:42 PM

عملت الواجب يا ابلة...........في انتظار باقي الدرس...........
ربنا يكرمك يا رب:)

فنانة مصرية

14-02-2007, 02:04 AM

فنانة مصرية

14-02-2007, 02:05 AM

شكرا يا فنانة
انا كدة خلصت الشغل
وان شاء اللة هصورة وابعتة علشان
تشوفى اذا كان صح او خطا

انا مستنية الصور عشان يبقى الموضوع مدعم بالصور

فنانة مصرية

14-02-2007, 02:06 AM

فنانة مصرية

14-02-2007, 02:08 AM

حبيبتى دعوتى ...... معلش معطلينك معانا
بس اصبرى شوية ........ احنا ورانا ايه ....... ادينا بندردش ..........

فنانة مصرية

14-02-2007, 02:09 AM

عملت الواجب يا ابلة...........في انتظار باقي الدرس...........
ربنا يكرمك يا رب:)

حبيبتى ام نور ...... برافو ........ 10 على 10 ...... ونجمة كمان

rasha_zeze

14-02-2007, 04:12 AM

شكرا ليكى وفى انتظار الباقى

al_mostabedah20

16-02-2007, 03:45 AM

الصراحه انا اليومين الا فاتوا كل ما ادخل المنتدى بتضايق بجد و ارجع اقفله بحس انه مواضيع اخت منار معانا و على طول بتفكرني بيها و احزن , رغم عدم معرفتي لها لكن غيابها المفاجيء دا صعب .

اخت فنانه انا بجد بعزيكي فيها و اعزي نفسي فيها و كل الناس الا بتحبها وكانت تعرفها. الحمد لله على كل حال .

المحبة للرسول

16-02-2007, 12:59 PM

الموضوع جميل بس يا خسارة الصور مش موجودة

فهل يمكن تحميلها مرة أخرى

وإن شاء الله أحاول أطبق

شكراً لكم

دعوة للتفاؤل

16-02-2007, 05:28 PM

معلش ياجماعه بس غياب الاخت منار

مثاثر فينا كليتا

hebafoula

16-02-2007, 08:52 PM

شكرا علي هذه المعلومات القيمة ولكن اين باقي الشرح

hebafoula

16-02-2007, 08:53 PM

:confused: شكرا علي هذه المعلومات القيمة ولكن اين باقي الشرح

smtaalab

17-02-2007, 01:54 PM

انا خلصت الجزء ده من الشرح لكن مش عندى كاميرا علشلن اصوره

ومستنيه باقى الشرح

فنانة مصرية

18-02-2007, 07:34 PM

حبيباتى الغاليين وحشتونى وانا اسفة جدا على التأخير واظن انتم عرفتم السبب
لااراكم الله مكروها ابدا
وشكرا لكل الاخوات اللى بعتولى رسائل تعزية جزاكم الله كل الخير والحبيبة منار تستحق اكثر من ذلك

نستأنف معا الشرح
- بعد ما عملنا السطرين اللى فاتوا يعنى بقى عدد الغرز 42 غرزة نعمل سطر تالت بنفس الطريقة
يعنى يبقى عدد الغرز 38 غرزة
- السطر اللى جاى بقى نركز فيه نقسم عدد الغرز على 2 حيطلع 19 غرزة نعمل غرزة منزلقة على اول عمود ونكمل عواميد لغاية مانوصل للعمود رقم 17 ونقف ونقلب الشغل
- السطر اللى جاى نعمل غرزتين منزلقتين على اول عمودين ونكمل لغاية اخر السطر بدون تنقيص فى اخر السطر
بكدة نكون انتهينا من حردة الكم وبدأنا بحردة الرقبة يعنى دلوقتى الشغل حيبقى على ناحية واحدة

واى سؤال فى الجزء ده انا موجودة

rasha_zeze

18-02-2007, 07:40 PM

البقاء للة فنانتنة

وشكرا على استئناف الشرح

وان شاء اللة هكملة واصورة وابعتة

دعوة للتفاؤل

18-02-2007, 08:56 PM

البقاء لله يافنانه

احنا هنكمل الموضوع معاكي

bosy_md

18-02-2007, 09:10 PM

حبيبتى فنانة
البقاء لله

انا اشتغلت لحد الجزء اللى فات و ان شاء الله النهارده اطبق معاكم الجزء الجديد
جزاكى الله كل خير

فنانة مصرية

18-02-2007, 10:00 PM

عزيزتى رشا ....... شكرا لك حبيبتى انت كنت فاكرة انى مش حاكمل ولا ايه .... ازاى ده انتم غاليين على قوى

حبيبتى دعوة ....... وحشتينى جدا جدا ........ اخبارك ايه ؟؟؟؟؟؟؟؟
حبيبتى بسبوسة ......... وحشتينى جدا جدا انت كمان
ومعلش غبت الفترة اللى فاتت دى على الايميل عنك انت ودعوة سامحونى ... الحمد لله على كل شئ

_lamiae_

18-02-2007, 10:12 PM

فنانة كيدايرا سرني اشوفك من جديد معانا
الله يجمعنا دايما على الخير

al_mostabedah20

18-02-2007, 11:30 PM

اهلا بعودتك يا فنانه
انا عندي طلب منك ( انا حطيت موضوع في القسم العام للاشغال اليدوية اسمه مجلة اساور بالخيوط طلبي انك تشوفي الموضوع و تقوليلي رأيك و عندي مشكله في الموضوع انه الصورة حجمها كبير و ما اعرف اصغرها فا عشان كده اول ما تفتحي الصفحه حطي على علامة x
في اعلى الصفحة و بعدين كل صورة تعمليلها اظهار الصورة
انا وضعت في اول صفحه روابط لتحميل المجلة منها فا دا حيكون اسهل في تحميلها )

اما بالنسبة للحردات فا انا خلصت الجزء الا فات و حصوروا و احط الصورة عشان تقولولي اذا صح اكمل عليه الجزء الجديد من الشرح و شكرا لتعبك معانا انشاء الله كله يكون في ميزان حسناتك.

al_mostabedah20

18-02-2007, 11:36 PM

al_mostabedah20

19-02-2007, 01:17 AM

http://www.moq3.com/pics/up_2007/01_2007/3fce6a6701.jpg (www.moq3.com)

اعتذر عن عدم وضوح الصورة لانه اخدتها بكميرا جوال

اكمل ولا في شي غلط؟

اختي الفنانه لو شوفتي الاجناب حتلاحظي انه القطعه مش مستقيمة شكله في شي غلط ما اعرف ::L::

فنانة مصرية

19-02-2007, 05:36 PM

حبيبتى لميا شكرا لك حبيبتى

حبيبتى المستبدة .... ان شاء الله اشوف موضوعك واقولك رائي
بالنسبة لشغلك الحردة مضبوطة بس اطراف القطعة مش مضبوطة قوليلى انت فى نهاية كل سطر بتعملى ايه ؟؟؟؟؟؟؟ يعنى اخر عمود بتحطى الابرة فين فى اخر سلسلة من 3 سلاسل اللى بمثابة عمود فى اول السطر السابق والا فى اخر عمود قبل السلسلة ؟؟؟؟
واول كل سطر بعد 3 سلاسل بمثابة عمود بتحطى الابرة فين عشان تعملى العمود التانى ؟؟؟؟؟ شكلك بتحطيها فى نفس الغرزة من اسفل صح ولا لأ ؟؟؟؟؟؟؟
برجاء الرد قبل ما تكملى ......

al_mostabedah20

19-02-2007, 07:25 PM

لا تقولي حضطر افكها و اعيدها ؟

:( ما اعرف

انا اقلك ايش عملت بالظبط
انا اول شي 50 غرزة سلسله و بعدين 3 سلسلة بمثابة عمود دول كده ساروا 51

فا بعد كده كنت بشتغل 51 بعدها لحد لمى اوصل 51 .

بجد حاولت اطالع في القطعه ما عرفت
بس باين انه فيها شي مش مظبوط و هوا في الحته الا انتي قلتي عليها .
انا حاسة نفسي متنحه فا اخاف الخبط دحين في الكلام
نومي ملخبط و قولت احاول اظبطه فا قولت اصوم
فا انا لسه دوبي فطرت بس من كتر ما انا نعسانه حاسه حنام على الأكل موش قادرة آكل .

دعوة للتفاؤل

19-02-2007, 09:28 PM

ابله فنانه

انا عملت لحد38 عمود
بعد كده لما اكمل زي الشرح واوصل للعمود17 هقلب الشغل

طيب بقيه 38 مش هنشتغل عليهم
انا مش فاهمه النقطه دي

دعوة للتفاؤل

19-02-2007, 09:38 PM

يعني كده هيفضل معنا

15 عمود ومش هنكمل حاجه عل بقيه ال38 انا مش فاهمه

rasha_zeze

19-02-2007, 09:40 PM

انا خلصت الشغل

بس مش عارفة اذا كان صح ولا غلط

ودة الصورة

http://img265.imageshack.us/img265/9350/19022007049rw4.jpg

فنانة مصرية

19-02-2007, 10:53 PM

حبيبتى دعوة ......
شوفى ياست الحلوين
بعد مانوصل للعمود 17 نقلب الشغل ونعمل غرزتين منزلقتين ونكمل عواميد لغاية اخر السطر

يعنى حنشتغل على ناحية واحدة ولما نخلصها ننهى الخيط ونبدأ فى الناحية التانية زى اللى عملناه فى الناحية الاولانية يعنى دلوقتى ملناش دعوة بباقى الغرز احنا بنشتغل على ال17 بس ok

فنانة مصرية

19-02-2007, 10:58 PM

عزيزتى رشا ... صح كده
بس فى تالت سطر انت عاملة منزلقة اكتر من 2 فحصل فرق كبير
الحتة اللى قصدى عليها اللى داخل المربع
http://www.m5zn.com/uploads/2bfd41da21.jpg (http://www.m5zn.com)

دعوة للتفاؤل

20-02-2007, 01:03 AM

اوك يا فنانه انا كده وصلت لحد الشرخ بتاعك

ميرسي ياقمر

al_mostabedah20

20-02-2007, 02:47 AM

انتو كده سبقتوني كتييير :K)

للاسف الشديد مش حقدر اكون معاكم على الاسبوع الجي لانه خلاص بدأت الجامعه .

فنانة مصرية

20-02-2007, 02:52 AM

حبيبتى دعوتى ........ برافو ........

حبيبتى المستبدة ..... ممكن تتابعى وتحفظى الموضوع على الجهاز وتبقى تعمليه براحتك
واى سؤال انا تحت الامر والطلب

شفافية

20-02-2007, 08:44 AM

جزاك الله خير أختي فنانة .. وياريت تكملي .. لأني طبقت كل الخطوات بس على عينة مصغرة ( بأعمل فستان لدمية بنتي ) .. ومستعجلة ..

al_mostabedah20

20-02-2007, 09:07 AM

طب اختي الفنانه
انا نفسي اكمل فا رايك اكمل باقي الخطوات معاكم و بعدين اشوف الخطأ تبع انه القطعه مش مستقيمة من الأجناب
يعني انشالله سهل و اعرف السبب بعدين
مع التدريب اظن حعرف فين الخطأ
فا اكمل معاكم ؟

فنانة مصرية

20-02-2007, 04:36 PM

عزيزتى شفافية ...... شكرا لك ... ومبروك على العروسة

عزيتى المستبدة ....... اعملى اللى يريحك بس المهم فى الاخر تعملى عينة تانية مضبوطة عشان ما تنسيش الحاجة الصح ok

rasha_zeze

20-02-2007, 05:49 PM

يا فنانة انا بعمل واحدة تانية وان شاء اللة هخلصها انهردة

وهصورها وابعتها تانى علشان تقوليلى اذا كانت صح ام خطا

دعوة للتفاؤل

20-02-2007, 06:37 PM

انا عايزه نجمه يا ابله فنانه

انا اول واحده خلصت بس لاسف ان مش عندي كام علشان اوري شغلي لاحد منك بس انا حاسه انه صح

فنانة مصرية

20-02-2007, 06:41 PM

ولا تزعلى دعوتى ...... نجمتين كمان مش نجمة واحدة
ودى كمان
http://www.lakii.com/vb/smile/17_27.gif (http://www.lakii.com/vb/uploader/smilies.php)

al_mostabedah20

20-02-2007, 07:03 PM

شكرا يا فنانه بجد انا مبسوطة منك انه متعبة نفسك معانا كده .
انشاء الله ربنا يجعله في ميزان حسناتك .

بسمة المغرب

20-02-2007, 07:05 PM

شكرا لك اخت فنانة و الله انك فعلا استاذة
ما شاء الله عليك

rasha_zeze

20-02-2007, 08:13 PM

انا خلصت الشغل للمرة الثانية وان شاء اللة هصورة وابعتة

فنانة مصرية

20-02-2007, 09:22 PM

شكرا يا فنانه بجد انا مبسوطة منك انه متعبة نفسك معانا كده .
انشاء الله ربنا يجعله في ميزان حسناتك .

مفيش تعب ولا حاجة وانا تحت امركم حبايبى

شكرا لك اخت فنانة و الله انك فعلا استاذة
ما شاء الله عليك

انت اللى استاذة يا قمر تسلمى لى

انا خلصت الشغل للمرة الثانية وان شاء اللة هصورة وابعتة

برافو رشا ياريت بقى نشوفه

_lamiae_

20-02-2007, 11:02 PM

السلام عليكم ورحمة الله وبركاته ازيك يا فنانة
اجيب تطبيقي و احصلكم
قريبا
اول الاسبوع بكون صعب اعمل اي حاجة دروس خياطة دروس لغة
انا بفرح لما بييجي الاربعاء لانو اخر يوم بعدها بكون فاضية للمنتدي
استنونيييي

فنانة مصرية

22-02-2007, 02:50 AM

حبيباتى انا عملت عينة صغيرة كده عشان تشوفوا شكل الحردة فى الاخر حتبقى ازاى
http://www.m5zn.com/uploads/391f319fb2.jpg (http://www.m5zn.com)

احنا دلوقتى بنشتغل فى جنب واحد
يارب اكون وضحت الصورة
وعلى فكرة الشكل النهائى مش كده طبعا ... فى الاخر حنحوطها بغرزة الحشو عشان الاطراف تتساوى

دعوة للتفاؤل

22-02-2007, 03:06 AM

احنا فب انتظار باقي الشرح يا ابله فنانه

al_mostabedah20

22-02-2007, 03:31 AM

انا اتحمست بجد يا فنانه لمن شوفت الصورة
و الصراحه جلست افكر ما هان عليا اكمل الشغل وهوا غلط فا حعيده و معليش حتأخر على ما اخلص انشالله اخلصة بسرعه و اوريكي الصورة

rasha_zeze

22-02-2007, 04:15 AM

شوفى كدة النموذج دة

http://img262.imageshack.us/img262/6407/22022007057ct8.jpg

rasha_zeze

22-02-2007, 04:16 AM

معلش الصورة طلعت كبيرة

هحاول اصغرها وابعتها تانى

rasha_zeze

22-02-2007, 04:18 AM

الحمد للة انا عرفت اصغرها

http://img262.imageshack.us/img262/4656/22022007057ur8.jpg

http://img443.imageshack.us/img443/4701/22022007058og6.jpg

al_mostabedah20

22-02-2007, 04:25 AM

اخت رشا ماشالله عليكي عقبال ما اخلص زيكم
عندي طلب منك الله يخليكي الحقيني بطريقة تصغير الصور لانه بعاني من المشكلة دي و شكرا .

rasha_zeze

22-02-2007, 04:29 AM

http://load.imageshack.us/

دة موقع لتحميل الصور

وهتلاقى تحت مكان الى انت بتحطى فية الصورة

احجام للصورة ممكن تصغريها وممكن تكبريها

وهتلاقى جنبها مربع فاضى اتكى فية هيعمل علامة صح

واختارى المقاس الى انت تحبيبة ولو عاوزة نفس المقاس الى انا

حاطة بية الصور هتلاقية 320 x 240

واو عاوزة اى استفسار اخر انا موجودة

ام ميارويمنى

22-02-2007, 01:03 PM

ايوووووووووووووة اهو الموضوع ده حيرنى وبقى لغز بالنسبة لى والحمد لله انتى انقذتينى من عناء التفكير فى حل له اللللللللللللللللللللللللللللللللللللللف شكر يا غالية

دعوة للتفاؤل

22-02-2007, 01:13 PM

انت فين يا ابله فنانه

فنانة مصرية

22-02-2007, 05:16 PM

احنا فب انتظار باقي الشرح يا ابله فنانه

اوك دعوة انا با تأخر عشان اللى مش ملحق معانا يلحقنا

انا اتحمست بجد يا فنانه لمن شوفت الصورة
و الصراحه جلست افكر ما هان عليا اكمل الشغل وهوا غلط فا حعيده و معليش حتأخر على ما اخلص انشالله اخلصة بسرعه و اوريكي الصورة

يالللا شدى حيلك كده وان شاء الله تطلع مضبوطة

فنانة مصرية

22-02-2007, 05:19 PM

الحمد للة انا عرفت اصغرها

http://img262.imageshack.us/img262/4656/22022007057ur8.jpg

http://img443.imageshack.us/img443/4701/22022007058og6.jpg

برافو رشا ... تسلم ايدك حبيبتى

ايوووووووووووووة اهو الموضوع ده حيرنى وبقى لغز بالنسبة لى والحمد لله انتى انقذتينى من عناء التفكير فى حل له اللللللللللللللللللللللللللللللللللللللف شكر يا غالية

حبيبتى ام ميار ويمنى تقصدى الحردات ولا تصغير الصور على العموم فى كلتا الحالتين شكرا حبيبى

انت فين يا ابله فنانه

انا هنا ... مش قولتلك انى تعبانة شوية .... وعلى العموم حاكمل ياستى عشان خاطرك ولا تزعلى

فنانة مصرية

22-02-2007, 05:30 PM

نكمل ::
- احنا كده وقفنا فى اخر السطر يعنى ناحية حردة الابط نقلب الشغل ونعمل 3 سلاسل بمثابة عمود ونعمل بقى بدون غرز منزلقة عادى فوق كل عمود عمود لغاية قبل نهاية السطر بعمودين نقف ونقلب الشغل
- السطر اللى بعده نعمل غرزتين منزلقتين فى اول عمودين ونطلع ب 3 سلاسل ونكمل اعمدة لاخر السطر ونقلب الشغل
- السطر التالى نعمل 3 سلاسل كعمود ونمشى اعمدة لاخر السطر بدون تنقيص
- السطر التالى نكرر السطر السابق بدون تنقيص لا فى الاول ولا فى الاخر
بكده نكون انتهينا من حردة الابط والرقبة من ناحية واحدة

الواجب حبايبى بقى بعد ما تعملوا اللى فات ده
تعملوا الناحية التانية زى الناحية الاولانية بالضبط واى سؤال انا معاكم

rasha_zeze

22-02-2007, 05:41 PM

علم وينفذ حالا

rasha_zeze

22-02-2007, 06:23 PM

انا خلاص خلصت الواجب

وان شاء الة هصورة واوريهولك

دعوة للتفاؤل

22-02-2007, 09:53 PM

انا خلصت الواجب هحاول افرجه ليكي يا ابله

بس ادعيلي اني اللاقي طريقه

احنا هنعمل غرزه الحشو ازاي؟؟؟؟؟؟؟؟؟؟؟

فنانة مصرية

22-02-2007, 10:10 PM

برافو عليكم
بجد طالبات ممتازات جدا
بالنسبة لغرزة الحشو نعملها من بداية حردة الابط من برة ونمشى على الحرف بغرزة الحشو
يعنى كل عمود ندخل الابرة من جوة العمود وطبعا حيبقى بالعرض فى كل عمود نعمل غرزتين حشو
وعند كل زاوية زي زاوية الكتف نزود غرزتين حشو ونكمل الكتف وندخل على حردة الرقبة نعمل نفس الطريقة لغاية ما نوصل لحرف حردة الابط اللى فى الناحية التانية
يارب اكون عرفت افهمكم
ودى صورة العمل النهائية
http://img337.imageshack.us/img337/6703/21661131sb4.jpg (http://imageshack.us)

دعوة للتفاؤل

22-02-2007, 10:23 PM

ابله فنانه ان ليا سوال

احنا هنعمل الحشو من اول الحردات

يعني ا10سم الاولنين مش هنشتغل فيهم حشو

فنانة مصرية

22-02-2007, 10:26 PM

ايوة لاننا لو بنعمل بلوزة مثلا تشبيك الجنبين حيقوم بالمهمة

فنانة مصرية

22-02-2007, 10:27 PM

واحنا بنعمل كده عشان نساوى الشغل فى الحردات
انما ال10 سم متساويين طبيعى

_lamiae_

22-02-2007, 10:36 PM

فنانة اعدريني لس مطبقتش كم يوم و انزل التطبيق
متزعليش مني يا ابله

فنانة مصرية

22-02-2007, 10:41 PM

حبيبتى مفيش زعل ولاحاجة
براحتك خالص

دعوة للتفاؤل

22-02-2007, 10:45 PM

اووووووووووووووووووووك

_lamiae_

23-02-2007, 06:10 PM

دعوة للتفاؤل

23-02-2007, 07:17 PM

انا كمان خلصت وعمل غرز الحشو

بس مش عارفه انزل الصور

أرملة

23-02-2007, 07:30 PM

ما شاء الله
جميل جداً
وياريت عندي كاميرا وأنفذ الشغل وانزله ليكو
ربنا يرزقني وعلى طول اوريكو الابداع ههههه

_lamiae_

23-02-2007, 07:35 PM

شاطرة يا دعوة
حمد الله على سلامتك ارملة وحشتيني

فنانة مصرية

24-02-2007, 04:35 AM

كيدايرين
اخيرا خلصت ايه رايك

http://img152.imageshack.us/img152/5953/51819057kp3.jpg

انفع و لا لأ
حبيبتي ام مي مكن توضحيلي اكتر المرحله الاخيرة و كمان الصورة النهائية مبانتليش

برافو ليمو .. تنفعى ونص طبعا
بالنسبة للمرحلة الاخيرة حتمشى بالعرض يعنى من اول حردة الابط وتمشى على الاحرف بغرزة الحشو وطبعا الاعمدة حتبقى بالعرض فتعملى فى قلب كب عمود غرزتين وهكذا وعند كل زاوية تزودى عدد الغرز غرزة او اتنين حسب ما يرتاح معاكى الشغل
يعنى كاننا بنبروز الشغل

انا كمان خلصت وعمل غرز الحشو

بس مش عارفه انزل الصور

شطورة دعوتى .... ومن غير ما تنزلى اكيد شغلك صح

ما شاء الله
جميل جداً
وياريت عندي كاميرا وأنفذ الشغل وانزله ليكو
ربنا يرزقني وعلى طول اوريكو الابداع ههههه

حبيبتى ارملة كنت فين ؟؟؟؟؟؟؟؟
يارب يرزقك عشان نشوف الابداع ونتعلم

ام ميارويمنى

25-02-2007, 02:28 PM

حبيبتى فنانة مشكورة على اهتمامك انا اقصد الحردات وان شاء الله هانزلك عينة كنت باجرب فيها من زمان يمكن تطلع صح

فنانة مصرية

25-02-2007, 04:24 PM

حبيباتى انتم فين ؟؟؟؟؟؟
فين الشكل النهائى .......

ماما رلى

25-02-2007, 05:25 PM

موضوع جميل شكرا لك اختي العزيزة

Om NoOoOoR

25-02-2007, 10:23 PM

معلش انا اتأخرت شوية.......:(
كنت مشغولة في خطوبة أختي....
عقبال كل اللي لسه ما اتجوزش........:)

انا يدوب عملت ناحية واحدة.... لسه الناحية التانية...و البرواز....
ربنا يكرمك يا رب يا فنانتنا... و يجزيك عنا كل خير.......:)

اميرة الليل

25-02-2007, 10:32 PM

مشكورهاختي على الموضوع

بقيت اسال اغطيه الا بريق بل كروشية لو سمحتى

rasha_zeze

26-02-2007, 09:11 PM

شوفى كدة دة وقوليلى صح ولا غلط

http://img267.imageshack.us/img267/2497/26022007065cf3.jpg

فنانة مصرية

26-02-2007, 11:21 PM

حبيبتى رشا هى الحردة خطواتها صح
بس القطعة نفسها لحد 10 سم المفروض يبقى فيه زاوية قائمة من بداية حردة الابط من اليمين والشمال

شوفى عينة لميا والمكان اللى قصدى عليه اللى جوة الدائرتين
http://www.m5zn.com/uploads/3b44ed50bb.jpg (http://www.m5zn.com)

rasha_zeze

26-02-2007, 11:37 PM

اوك
اصل انا مكنتش عملت غرز الحشو

مش عارفة بتتعما ازاى اصلا

تيه العمر

27-02-2007, 02:01 AM

http://img372.imageshack.us/img372/8739/hardafinishgd5.th.jpg

أبلة أنا كنت متابعة معك في منتدى ثاني

وسهرت الليلة هذي لحد ما خلصت الشغل#R#R

شوفي هل صح ولا لأ

الجزء الي عليه الدائرة خطأ لاني عملت حشو حتى في المنزلقات مش بس الأعمدة :[]L

ولو في خطأ ثاني خبريني

واعطيني درجة :[MM :-s

تيه العمر

27-02-2007, 02:04 AM

بس يا أبلة ليش حردة الرقبة في تطبيقي صغيرة

هل هذا خطأ ولا هو الموديل كدة :[MM :[MM

فنانة مصرية

27-02-2007, 02:24 AM

عزيزتى تيه العمر برافو عليكى
بالنسبة لتطبيقك عشر على عشرة
وفتحة الرقبة صغيرة عشان اكيد مش سايبة غرزتين فى المنتصف صح ولا لأ

فنانة مصرية

27-02-2007, 02:26 AM

حبيبتى رشا دى ملهاش علاقة بغرزة الحشو
قولى لى بتبدأى السطر ازاى وبتنهيه ازاى ؟؟؟؟؟

تيه العمر

27-02-2007, 02:58 AM

عزيزتى تيه العمر برافو عليكى
بالنسبة لتطبيقك عشر على عشرة
وفتحة الرقبة صغيرة عشان اكيد مش سايبة غرزتين فى المنتصف صح ولا لأ

شكرا يا أبلة فرحتيني جداااااااااااااااااااااااااااااااااااااااااااااااا ا#R#R

لكن أنا سايبة غرزتين في المنتصف يعني في منتصف البلوزة

بس هل الحردة مبينة عندك صغيرة ولا أنا بس بشوفها كدة

فنانة مصرية

27-02-2007, 03:22 AM

حبيبتى على العموم مش مشكلة
لو عايزاها تزيد كترى الغرز اللى تسيبيها فى المنتصف لان هنا المشكلة فى الخيط
الخيط رفيع فغرزتين مش كفاية

تيه العمر

27-02-2007, 11:12 PM

حبيبتى على العموم مش مشكلة
لو عايزاها تزيد كترى الغرز اللى تسيبيها فى المنتصف لان هنا المشكلة فى الخيط
الخيط رفيع فغرزتين مش كفاية

صح صح صح يا أبلة المشكلة كلها في الخيط أحس إنه رفيع وما يناسب حجم الإبرة

:[MM ما أعرف كيف اختار الخيط المناسب للأبرة خاصة اني استخدم خيوط صوف وما اشوف عليها يحطون الرقم المناسب من الابر :( :( :(

تيه العمر

28-02-2007, 12:02 AM

ما هو الحل برأيك يا أبلة

كيف اختار الخيط والابرة

فنانة مصرية

28-02-2007, 03:17 AM

حبيبتى شوفى لو الخيط حرير او قطن اشتغلى بابرة معدن والرقم بيبقى مكتوب على البكرة
لو صوف احسن ابرة له البلاستيك الرمادى دى عارفاها بتدى نتيجة حلوة قوى فى الصوف
وبرضه البكرة الصوف مكتوب عليها رقم الابرة
فى الابر المعدن كل ما زاد الرقم كانت ارفع
الابر البلاستيك كل ما زاد الرقم تتخن

ريهام 23

28-02-2007, 11:23 AM

أشكرك على هذا الموضوع المميز أنا متبعاكم ولكن لم أنفذ ولكنى أستفدت منك كثير فعلاً فنانة

تيه العمر

28-02-2007, 04:10 PM

شكرا يا أبلة حدور على الابرة البلاستيك الرمادي يا رب ألاقيها

وبكرة الصوف ما أعرف كيف أطلع رقم الابرة المناسبة من الورقة التعريفية الي عليه أصل مكتوب الكثير من الاشياء والارقام وانا ما ادري شنو السالفة؟؟؟؟؟؟؟؟؟؟؟ اصلي مبتدئة في الكروشيه

فنانة مصرية

28-02-2007, 09:02 PM

شكرا عزيزتى ريهام واهلا بك ...............نورتى

حبيبتى تيه العمر ......... حتلاقى رسم شكل ابرة الكروشيه وتحتها رقم هو ده رقم الابرة
وممكن تسألى البائع لو مش عارفة تطلعيه

ام ميارويمنى

05-03-2007, 02:29 PM

حبيبتى فنانة انا اطلقت سراحك هناك وقبضت عليكى تانى هنا
انا نزلت لك صورة عينة الحردة هناك وماظهرتش فقلت احاول تانى هنا يمكن تظهر
وادى يا ستى الصورة
47856

47857

47858
هاه ظهرت كدة؟
مستنىة رايك وملاحظاتك

فنانة مصرية

05-03-2007, 02:44 PM

حبيبتى ام ميار انا مش فاهمة هى قطعة ولا قطعتين
ولو قطعة واحدة ليه صغيرة كده ؟؟؟؟؟؟؟؟؟؟

ام ميارويمنى

05-03-2007, 04:52 PM

حبيبة قلبى فنانة انا عملت قطعتين على اساس انها ظهر جاكت وصدر جاكت وهى صغيرة كدة علشان دى عينة كنت باجرب فيها لانى باستغل بواقى الخيوط فى انى اتعلم حاجة جديدة واعملها مصغرة وبعد كدة لو نفعت اطبق فى المقاس الكبير
بس ماقولتليش صح كده والا ايه؟
يا ريت تقولى لى ملحوظاتك

Om NoOoOoR

05-03-2007, 05:03 PM

حبيبتي فنانة...:) .... معلش اتأخرت عليكي أوي....:(
بس كنت مشغولة اليومين اللي فاتو....و كمان الكاميرا كان فيها شوية مشاكل...
فما كنتش راضية أبروز إلا لما تشوفيها..
و تديني الاوكيه ......شوفي كده صح؟؟؟ ولا؟؟؟ :(*):

http://img155.imageshack.us/img155/9964/image381ja6.jpg

http://img243.imageshack.us/img243/9585/image380gr0.jpg

http://img294.imageshack.us/img294/9249/image379fv4.jpg

ربنا يكرمك يارب...... ويجزيك خيرا على مجهودك الرائع.....:-s

salma02

05-03-2007, 05:18 PM

سلام عليكم
اختي الفنانةجزاكي الله كل خير عن جد انا نفسي اتتعلم دا بس استنوني لو سمحتم هابدا معاكم النهاردا رغم شغلي الكثير لكن قلت لايمكن اضيع درس معلمتي الغالية .الخطوات سهلة اتمنى اني احصلكم بسرعة

فنانة مصرية

05-03-2007, 08:12 PM

حبيبتى ام ميار بالنسبة للخطوات صح بس طبعا حتبان فى العمل الرئيسى

حبيبتى ام نور .............. انت مخبية الحاجات الحلوة دى فين ....... ممتااااااااااااااااااز

ياللا بقى اعملى غرزة الحشو داير مايدور الحردات ابتداءا من حردة الابط مرورا بالكتف والرقبة لغاية نهاية حردة الابط التانية

حبيبتى سلمى ......... احنا خلصنا الشرح ممكن تحفظيه على الكمبيوتر وتعملى العينة وتنزليها فى الموضوع وانا معاكى ان شاء الله حبيبتى