ملتقى الجزائريات (الجزء الرابع) [الأرشيف]

"أم معاذ"

16-01-2007, 12:59 AM

السلام عليكن و رحمة الله تعالى و بركاته,
لما لقيت الموضوع مغلوق, و هذا كان مُتوقع, قررت أفتح موضوع جديد حتى نتلاقاو فيه و نكملو هدرتنا إن شاء الله.
مرحبا بكل من تلتحق بنا, و لي عودة فيما بعد إن شاء الله.

بنت الجزائر

16-01-2007, 02:09 AM

الف شكر ليك اختي .."أم معاذ"

kaouther

16-01-2007, 02:52 AM

صباح الخير و الا مساء الخير يا بنات, كل واحدة حسب توقيتها. هههه
و ش راكم؟ بخير ان شاء الله

om bouthayna

16-01-2007, 04:12 AM

صباح الخير و الا مساء الخير يا بنات, كل واحدة حسب توقيتها. هههه
و ش راكم؟ بخير ان شاء الله
واش راكي صباحك فل وزعتر هههه
علابالك يعطيك الصحة على السايت التحميل مبصح يجوني التصاور كي الزاوش هههه
كيفاش اديري باش يجوك كبار
يخاه رانا ثرثارات الجزء الرابع هههههههههههههههههههههههههههههههههاي

"أم معاذ"

16-01-2007, 04:31 AM

الله يعيشك يا أختي بنت الجزائر, و الحمد لله أنه كاين هذا الركن حتى نتلاقاو فيه و نهدرو بــــــــــزاف.

"أم معاذ"

16-01-2007, 04:36 AM

مساء الخير يا كوثر, حناي عندنا راهي 7:36 مساء بالتوقيت المحلي (كيما يقولو في الأخبار) و مرحبا بك معنا في الجزء الرابع من المسلسل المكسيكي "جماعة الهدارات" http://www.lakii.com/vb/smile/2_48.gif

"أم معاذ"

16-01-2007, 04:40 AM

شفتي يا أم بثينة, يظهرلي الملتقى نتاعنا هو الوحيد الذي وصل للجزء الرابع, يا نهار يمنعو علينا الدخلة لهذا الركن, قصدي ملتقى الإخاء و الترحيب, يقولولنا أنتوما هردتوها, ما دريناكمش هدارات هاكدا, لو درينا ما كناش حلينا هذا القسم.http://www.lakii.com/vb/smile/3_103.gif

om bouthayna

16-01-2007, 08:49 AM

شفتي يا أم بثينة, يظهرلي الملتقى نتاعنا هو الوحيد الذي وصل للجزء الرابع, يا نهار يمنعو علينا الدخلة لهذا الركن, قصدي ملتقى الإخاء و الترحيب, يقولولنا أنتوما هردتوها, ما دريناكمش هدارات هاكدا, لو درينا ما كناش حلينا هذا القسم.http://www.lakii.com/vb/smile/3_103.gif
عندك الحق مبصح قلتلكم ماتخموش عندي قيطون شط لبحر نتاع سيدني ههههههه الا حاوزونا يا نسيبتي لعزيزة

mazina

16-01-2007, 10:22 AM

صباح الخير عليكم يا اخوات وا ش راكم دايرين ، ويعطيك الصحة يا ام معاد كيزدتي لميتينا في الجزء الرابع .

ام الاحمدين

16-01-2007, 10:32 AM

صباح الخير والهنا على الموجودين هنا صباح الخير والسعاده على السكر الزياده(قلبتها ورده ا لجزائريه)

وشحالكم ان شاء الله كلكم بخير
ومبروك عليكم البيت الجديد وتسكنوه بالهنا
ومبروك عليكم الخطوبات الي الي صايره في الملتقى
انا ثاني عندي ولدين ذكور نلقاش عندكم بنات حلوات وفحلات كيما اماتهن
عقلي معاكم لكن مشغوله شوي(عندي عرس سلفي بعد اسبوعين والتحضيرات على قدم وساق)
ان شاء الله ننضم ليكم بعد العرس وان شاء الله منقلقكمش بحديثي
ابقو متفكريني برك

معليش حكيتيلكم قصة حياتي وقصة حيات عايلتتي

om bouthayna

16-01-2007, 10:57 AM

صباح الخير والهنا على الموجودين هنا صباح الخير والسعاده على السكر الزياده(قلبتها ورده ا لجزائريه)

وشحالكم ان شاء الله كلكم بخير
ومبروك عليكم البيت الجديد وتسكنوه بالهنا
ومبروك عليكم الخطوبات الي الي صايره في الملتقى
انا ثاني عندي ولدين ذكور نلقاش عندكم بنات حلوات وفحلات كيما اماتهن
عقلي معاكم لكن مشغوله شوي(عندي عرس سلفي بعد اسبوعين والتحضيرات على قدم وساق)
ان شاء الله ننضم ليكم بعد العرس وان شاء الله منقلقكمش بحديثي
ابقو متفكريني برك

معليش حكيتيلكم قصة حياتي وقصة حيات عايلتتي
ماشاء الله والله نورتي البيت الجديد ديالنا مبصح مادرتكش جزائرية علابالك:[MM وماعرفتيناش بروحك :[MM وين راكي
مبروك على سلفك الله يهنيه ماتنسايش حقنا نتاع الحلوى هههههههه
علابالك والله البارح جيتي في بالي المرا اللي طلت طلة واحدة وين راهي مخبية وشكون:[MM
والله نفرحو كي تحكيلنا حنونة وما تقوليش هكدا رانا اذان صاغية ههههه
شوفي اسناي باذن الله كي نزيد نولد نخليلك الا جات بنت هههههههههه
تحياتي الحارة لكي
حقة واش درتو للعرس:[MM هههههههه راني نقرعجهههههه

mazina

16-01-2007, 11:23 AM

صباح الخير والهنا على الموجودين هنا صباح الخير والسعاده على السكر الزياده(قلبتها ورده ا لجزائريه)

وشحالكم ان شاء الله كلكم بخير
ومبروك عليكم البيت الجديد وتسكنوه بالهنا
ومبروك عليكم الخطوبات الي الي صايره في الملتقى
انا ثاني عندي ولدين ذكور نلقاش عندكم بنات حلوات وفحلات كيما اماتهن
عقلي معاكم لكن مشغوله شوي(عندي عرس سلفي بعد اسبوعين والتحضيرات على قدم وساق)
ان شاء الله ننضم ليكم بعد العرس وان شاء الله منقلقكمش بحديثي
ابقو متفكريني برك

معليش حكيتيلكم قصة حياتي وقصة حيات عايلتتي
اهلا بيك ااختي و مبروك على سلفك واهنا هنا باش دردشو مع بعضنا

حبيبة48

16-01-2007, 12:43 PM

شكرا ام معاد عل هذه الوصفة رائعة

om bouthayna

16-01-2007, 12:48 PM

شكرا ام معاد عل هذه الوصفة رائعة
اي وصفة اختي هذا الركن للدردشة ههههههههههههههه
واهلا بكي معنا

أم تيم الله

16-01-2007, 03:14 PM

السلام عليكم ورحمة الله وبركاته

أهلا بيكي أختي أم الأحمدين أنا هبةالله عرفتيني؟؟

ام الاحمدين

16-01-2007, 03:51 PM

وش احولك توا
الله يبارك فيكن خواتي والعاقبه لمن تحبو
ان شاء الله
ام بثينه يصقصي عليك الخير وين ما رحتي
بالنسبه للبنيه الراح اتجيبيها علاجالي ربي ان شاء الله يهنيك وتولدي مره اخرى بالصحه والسلامه ومش مشكله اذا جاك وليد بالعكس نفرحولك وهذيك الساعه انجيبلك انا بنت ((مصره اناسبك جبتيه الروحك))ههههههههههه
بالنسبه للعرس تعرفي انا راني كنه وساكنه وحدي معلا بلاليش بكل الي يصير والي نعرفه راهم كملو الصبغ واطيبوا في القاطوا وانا ثاني راني طيبتلهم الجلجلانيه وناويه انطيب المعسله
ان شاء الله برك يكفيني الوقت مع قراية الصغار وقصر النهار ياخي تعرفي النهار يجري في الشتاء

ام الاحمدين

16-01-2007, 04:02 PM

السلام عليكم ورحمة الله وبركاته

أهلا بيكي أختي أم الأحمدين أنا هبةالله عرفتيني؟؟ايه عرفتك من قبل هبة الله رشيد كي قريت بعض الردود في الموضوع السابق وفي ما يخص رسالتك الي بعثتيهالي في عالم حواء كنت ناويه نبعثلك رساله لكن ما دامك تدخلي هنا خلاص

كي شفتك داخله باسم هنيه المتهنيه وداخله موضوع الجزائريا ت بصراحه الاسم جذب اهتمامي قلت يمكن وحده من معارفي لان الاسم مش غريب علي ودخلت على ردودك ولقيت موضوعك تبع الترحيب وكلمة (( نشتي )) يعني تقريبا اتأكدت من انك من الجنوب الشرقي لكن ما حبت ارد عليك لحتى اتأكد خفت تكون وحده عاملتلي مقلب اصلي بموت بالمقالب وما نحبش ناكلها

على العموم اهلا وسهلا
وان شاء الله معريفة خير

ام الاحمدين

16-01-2007, 04:22 PM

نسيت معرفتكم بنفسي انا سوفيه وساكنه بسوف وعندي ولدين

mazina

16-01-2007, 06:14 PM

وين راكم دائما كيندخل نلقى روحي وحدي

mazina

16-01-2007, 06:26 PM

نسيت معرفتكم بنفسي انا سوفيه وساكنه بسوف وعندي و وللدين
يا اهلا بناس سوف الطيبين وانا ثاني عندي ولدين :):):)

"أم معاذ"

16-01-2007, 06:44 PM

عندك الحق مبصح قلتلكم ماتخموش عندي قيطون شط لبحر نتاع سيدني ههههههه الا حاوزونا يا نسيبتي لعزيزة

نيجيو من درك يا أم بثينة كي عاد فيها قيطون على شط لبحر, خير من البرد اللي رانا فيه حناي درك, راهو عندنا الثلج و البرد شديد, و كي العادة لازم نخرج الصباح بكري و نخرج معاي بنتي حتى نوصلو خوها للمدرسة و نروحو نجيبوه بعد الظهر.
أفضل شط لبحر عندك خير, هيا, راني جاية, سجيلي مكان نقعد فيه و نشمس, راهم يبسو عظامي من البرد هناي.

"أم معاذ"

16-01-2007, 06:45 PM

صباح الخير عليكم يا اخوات وا ش راكم دايرين ، ويعطيك الصحة يا ام معاد كيزدتي لميتينا في الجزء الرابع .

و عليك الصباح, و يعيشك يا مازينا, كان لازم نزيدو نحلو مكان آخر نكملو فيه لقائاتنا الساخنة و مسلسلنا المكسيكي الطويل.

"أم معاذ"

16-01-2007, 06:53 PM

شكرا ام معاد عل هذه الوصفة رائعة

لا شكر على واجب يا أختي حبيبة48, و لكن كما قالت أختي أم بثينة, أي وصفة؟ هذا ركن الدردشة.

"أم معاذ"

17-01-2007, 05:44 AM

وين راكم يا أخواتي؟ اليوم راكم ما ظهرتوش, على العموم أنا راني نايضة درك من قدام الكمبيوتر و رايحة نطفيه لأن الساعة تقريبا 9 مساء و لازم نحاول نرقد أولادي, و راني عيانة بزاف.
يا الله, نلقاكم غدا بإذن الله.

kaouther

17-01-2007, 06:38 AM

صباح الخير يا بنات؟ واش واكم عاملين مع البرد و الا سخانة.
هانة, الجو مشمس, الليامات هادى, ربى دومها برك باش اشيحلى القش فى ساع. هههههههه
وينهم المهاجرة وام رائد , غابو مع بعضاهم. نفس الشىء بالنسبة لشمس , عندنا مدةما شفنهمش. ان شاء الله المانع خير.

ام الاحمدين,
كى قريتك كلامك, قلت يمكن هادى بسكرية. ضهرتى مش بعيدة على العموم, حتى الشاوية اقولو نشتى. انا يعجبونى السوافة . ناس طيبيين, صحاب نكتة و يا سلام على طيابهم . ما يتعاودش.
هيا نخليكم دركة و نشوفكم على خير

om bouthayna

17-01-2007, 07:28 AM

صباح الخير يا بنات؟ واش واكم عاملين مع البرد و الا سخانة.
هانة, الجو مشمس, الليامات هادى, ربى دومها برك باش اشيحلى القش فى ساع. هههههههه
وينهم المهاجرة وام رائد , غابو مع بعضاهم. نفس الشىء بالنسبة لشمس , عندنا مدةما شفنهمش. ان شاء الله المانع خير.

ام الاحمدين,
كى قريتك كلامك, قلت يمكن هادى بسكرية. ضهرتى مش بعيدة على العموم, حتى الشاوية اقولو نشتى. انا يعجبونى السوافة . ناس طيبيين, صحاب نكتة و يا سلام على طيابهم . ما يتعاودش.
هيا نخليكم دركة و نشوفكم على خير
انتي غبتي نتاع الصح
ان شاء الله المهاجرة وام رائد شمس هاجرسهام الشابة,الجزائر.بنت الجزائر تكونو بالف خير ويرجعكم لينا
ارواحو قبل ما يخلاص reserveنتاع القيطون شط لبحر هههههههههههههههههههههه

بنت الجزائر

17-01-2007, 09:28 AM

كيف حالكم اخواتي العزيزات ..و الله انا راني مع الوحم.. ديالي.. مرة ناشطة و مرة ما يعلم بيا غير ربي..

و الله راني نحسب فيهم الاشهر الاربع وينتا يكملو.. على الاقل تروح عليا الحالة هاذي.. دعولي اخواتي ربي يسهلي .و يرزقني.بنت..ان شاء الله

om bouthayna

17-01-2007, 09:55 AM

كيف حالكم اخواتي العزيزات ..و الله انا راني مع الوحم.. ديالي.. مرة ناشطة و مرة ما يعلم بيا غير ربي..

و الله راني نحسب فيهم الاشهر الاربع وينتا يكملو.. على الاقل تروح عليا الحالة هاذي.. دعولي اخواتي ربي يسهلي .و يرزقني.بنت..ان شاء الله
واش راكي اختي زدتي عملتيها هههههههههه الثالث الله يبارك ويكمل وانشاء الله يجي اللي في بالك ويكون من ذوي التربية الصالحة هذا ما نتمناو تبقي طفلة ولا طفل المهم يجي صالح ومطيع والطفلة اختي مليحة كيما تقول يما حبيبة يماها لاننا 4ذكور وانا الطفلة بس
واش اختي راكي في سيدني:[MM
احكيلي منة مانخرجش ههههههههههههههههههههه

om bouthayna

17-01-2007, 10:17 AM

:[MM واش هذا كي دخلت هربتو خلاص مانزيدش ندخل وبنت الجزائر جاوبتك هربتي :[MM

mazina

17-01-2007, 10:23 AM

كيف حالكم اخواتي العزيزات ..و الله انا راني مع الوحم.. ديالي.. مرة ناشطة و مرة ما يعلم بيا غير ربي..

و الله راني نحسب فيهم الاشهر الاربع وينتا يكملو.. على الاقل تروح عليا الحالة هاذي.. دعولي اخواتي ربي يسهلي .و يرزقني.بنت..ان شاء الله
واشراكم يا البنات وربي يعينك يا بنت الجزائر على الوحم وانشاء الله تجيبي طفلة ، علابالك انا ثاني نخمم نزيد بلاك نجيب طفلة بصح كي نتفكر الوحم والزيادة نحبس:[]L

om bouthayna

17-01-2007, 10:38 AM

واشراكم يا البنات وربي يعينك يا بنت الجزائر على الوحم وانشاء الله تجيبي طفلة ، علابالك انا ثاني نخمم نزيد بلاك نجيب طفلة بصح كي نتفكر الوحم والزيادة نحبس:[]L
والله عندك الحق:[]L :[]L انا عندي واحدة وصرا فيا لعجب الموت شتها المهم الكل ماجورين عليه باذن الله وشحال في عمر ولادك :[MM

ام الاحمدين

17-01-2007, 10:57 AM

صباح الخير
مشكورات خواتي على الترحيب
مبروك عليك يا بنت الجزاير وربي يوصل في السالم اما ما يخص التعي والذي منه لازم والا كيف الجنه تحت اقدام الامهات
الجنه مش بالساهل

انا الحمد لله كي نتوحم حتى زوجي ما يفهم اذا مقتلوش لكن كله نخلصه كي نولد
ساعات ننوي نجيب صغير اخر لكن نتفكر هاذيك الساعات تاع الولاده نرجع نقول فكني احسن( خوافه الاخت)

kaouther

17-01-2007, 11:43 AM

اهلا بيكم يا لبنات؟ ان شاء الله راكم لباس؟
ام بثينة, رانى هنا,, بصح البارح, صاحبتى ليبية دارت عشاء تاع عيد ميلاد بنتها و عرضتنى , روحت و رجعت شوية متوخر , دونك عجزت باش نحل الكمبيوتر.

بنت الجزائر, ربى عينك و الله و يعطيك طلقة بنت عمران كيما يقولو التوانسا. يعنى تجيك ولادة كيما مريم عليها السلام.
شوفو يا البنات, الى حابة تولد. لازم تاخد قرارها و تجيبهم ضربة واحدة و تتهنا. باسكو العمر ما يستناش, وما تعملوش زى, بقيت 3 سنين ما بين ولدى الاول و الثانى , يعنى ما ولدت كان ما بيناتهم 4 سنين.
كنت تقول بيكرى ,ما نجيب الثانى حتى الاول نحيلو البيبرونة و لا كوش و ايولى يفهم شوية , هادى كلها صح, خاصة لما الواحد يكون فى غربة و ما عندك حتى واحد اعاونك. بصح من جهة خرى. كى توخرى بزاف, تضيعة للوقت , انت تكبرى و ما يكونش عندك الصبر كيما الاولو الحاجة التانية انهو ولادك ما يعرفوش يلعبو مع بعضاهم لانو كل واحد و عمرو .حتى الكوميك درك يتعاركو عليه, الاول تاع 7 سنين , احب نوعية معينة و لوخر احب توم اى جيرى و ما شابه ذلك.

ربى اعين و خلاص

mazina

17-01-2007, 12:37 PM

والله عندك الحق:[]L :[]L انا عندي واحدة وصرا فيا لعجب الموت شتها المهم الكل ماجورين عليه باذن الله وشحال في عمر ولادك :[MM
يا اختي عمر ولدي الكبير اسامة 10 سنين و ولدي الصغير 6 سنين علا بالك انا راني نسيت كيفاه يربيو :[]Lles bébés

mazina

17-01-2007, 12:39 PM

اهلا بيكم يا لبنات؟ ان شاء الله راكم لباس؟
ام بثينة, رانى هنا,, بصح البارح, صاحبتى ليبية دارت عشاء تاع عيد ميلاد بنتها و عرضتنى , روحت و رجعت شوية متوخر , دونك عجزت باش نحل الكمبيوتر.

بنت الجزائر, ربى عينك و الله و يعطيك طلقة بنت عمران كيما يقولو التوانسا. يعنى تجيك ولادة كيما مريم عليها السلام.
شوفو يا البنات, الى حابة تولد. لازم تاخد قرارها و تجيبهم ضربة واحدة و تتهنا. باسكو العمر ما يستناش, وما تعملوش زى, بقيت 3 سنين ما بين ولدى الاول و الثانى , يعنى ما ولدت كان ما بيناتهم 4 سنين.
كنت تقول بيكرى ,ما نجيب الثانى حتى الاول نحيلو البيبرونة و لا كوش و ايولى يفهم شوية , هادى كلها صح, خاصة لما الواحد يكون فى غربة و ما عندك حتى واحد اعاونك. بصح من جهة خرى. كى توخرى بزاف, تضيعة للوقت , انت تكبرى و ما يكونش عندك الصبر كيما الاولو الحاجة التانية انهو ولادك ما يعرفوش يلعبو مع بعضاهم لانو كل واحد و عمرو .حتى الكوميك درك يتعاركو عليه, الاول تاع 7 سنين , احب نوعية معينة و لوخر احب توم اى جيرى و ما شابه ذلك.

ربى اعين و خلاص
والله صح ياكوثر انا حابة نزيد بصح راني نخمم فيها 1000 مرة

الشمس المنيرة

17-01-2007, 12:59 PM

السلام عليكم حميعا
والله توحشتكم كلكم بزاف الله غالب هذه اليامات راني مشغول مرات ندخل على المنتدى بصح غير النشوف برك وين وصلتو لاني ماعندييش الوقت وتاني زوج اختي راه في المستشفي ادعوله ربي يشفيه
نسيت مرحبتش بالاخت ام الاحمدين اهلا بيك اختي

om bouthayna

17-01-2007, 01:46 PM

السلام عليكم حميعا
والله توحشتكم كلكم بزاف الله غالب هذه اليامات راني مشغول مرات ندخل على المنتدى بصح غير النشوف برك وين وصلتو لاني ماعندييش الوقت وتاني زوج اختي راه في المستشفي ادعوله ربي يشفيه
نسيت مرحبتش بالاخت ام الاحمدين اهلا بيك اختي
اهلا والله توحشناك وبلاصتك بانت الله يشفي زوج اختك طهور ان شاء الله
والله يعينك

om bouthayna

17-01-2007, 01:48 PM

اهلا بيكم يا لبنات؟ ان شاء الله راكم لباس؟
ام بثينة, رانى هنا,, بصح البارح, صاحبتى ليبية دارت عشاء تاع عيد ميلاد بنتها و عرضتنى , روحت و رجعت شوية متوخر , دونك عجزت باش نحل الكمبيوتر.

بنت الجزائر, ربى عينك و الله و يعطيك طلقة بنت عمران كيما يقولو التوانسا. يعنى تجيك ولادة كيما مريم عليها السلام.
شوفو يا البنات, الى حابة تولد. لازم تاخد قرارها و تجيبهم ضربة واحدة و تتهنا. باسكو العمر ما يستناش, وما تعملوش زى, بقيت 3 سنين ما بين ولدى الاول و الثانى , يعنى ما ولدت كان ما بيناتهم 4 سنين.
كنت تقول بيكرى ,ما نجيب الثانى حتى الاول نحيلو البيبرونة و لا كوش و ايولى يفهم شوية , هادى كلها صح, خاصة لما الواحد يكون فى غربة و ما عندك حتى واحد اعاونك. بصح من جهة خرى. كى توخرى بزاف, تضيعة للوقت , انت تكبرى و ما يكونش عندك الصبر كيما الاولو الحاجة التانية انهو ولادك ما يعرفوش يلعبو مع بعضاهم لانو كل واحد و عمرو .حتى الكوميك درك يتعاركو عليه, الاول تاع 7 سنين , احب نوعية معينة و لوخر احب توم اى جيرى و ما شابه ذلك.

ربى اعين و خلاص
يصحتك كوثر والله اللي يقولو حتى عيد الميلاد لا يجوز
وحتى الحضور والهدية والله اعلم وقلت علاش المرا مابانتش :[MM

الشمس المنيرة

17-01-2007, 02:13 PM

الله يحفظك ياام بثينة
وشراكي وبنتك راه مليحة بوسيهالي بزاف

om bouthayna

17-01-2007, 02:19 PM

الله يحفظك ياام بثينة
وشراكي وبنتك راه مليحة بوسيهالي بزاف
الحمد لله مبصح مهبلتني غير نرفدها برك
والله يعين التربية صعيبة

الشمس المنيرة

17-01-2007, 02:23 PM

الله يعينك
تعرفي ليه مهبلتك برسكو راكي غيرتي وهي علذاك تبكي وتحوس عليك ترفديها ماعليش المهم تكبر وتكون صالح ان شاء الله

kaouther

17-01-2007, 02:56 PM

صراحة يا ام بثينة , كل واحد واش يفتى, الصور حرام , السمايالى حرام.......ما لقيناش رواحنا.
على بالنا فى الاسلام انه فيه غير زوج عياد, وما كانش مناسبة اخرى تنافسهم فى الاهمية و الافى قلوبنا. كلمة عيد غالطة اصلا. وى ما فيه ترجمات كثيرة غالطة فى العربية زى زهرة عباد الشمس الخ........
هذه مناسبة , باش "امركى" فيها الواحد انه كبر نتمناو طول العمر فى الخير و البركة. و فقط لا غير. يعنى كلش بالنيات, لا زيطة لا زمبليطة على قواة المصريين.
انا عن نفسى , ما نحتفل لابعشوراء , لا نعمل عشاء ليلة راس السنة , لا , لا فالونطاين , والو. بصح فى لانيفاغسير تاع ولادى, نشرولهم كيكة و هدايا . لانهم هوما يفرحو بيها. و هدى هى الحكاية.

الشمس المنيرة ,
ربى يشفيلك راجل اختك و اخرجو بالسلامة ان شاء الله.
مازينا
ما تخمى لا والو , ازدمى برك و ديرى ابرة الضهر فى الولادة.ربى سهلك ما فيه الخير ان شاء الله

الشمس المنيرة

17-01-2007, 03:11 PM

مرحبا كوثر كيفاش راكي
الله يخليك

kaouther

17-01-2007, 03:32 PM

و الله, رانا فى رحمة ربى , الحمد لله على الساعة

ان شاء الله تكونى انت و العايلة بخير

mazina

17-01-2007, 03:33 PM

السلام عليكم حميعا
والله توحشتكم كلكم بزاف الله غالب هذه اليامات راني مشغول مرات ندخل على المنتدى بصح غير النشوف برك وين وصلتو لاني ماعندييش الوقت وتاني زوج اختي راه في المستشفي ادعوله ربي يشفيه
نسيت مرحبتش بالاخت ام الاحمدين اهلا بيك اختي
اهلا بيك معانا يا الشمس المنيرة وربي ان شاء الله يشفيلك زوجك ولقد افتقدناك فعلا .

الشمس المنيرة

17-01-2007, 03:49 PM

الله يخليكم
والله تعرف كي كون واحد مريض فب العايلة تعرف شكلها كيفاش
والله رانا مع مرض زوج اختى وان شاء الله راح يعمل عملية في راسه يمكن في هذه الايام
لهذا ممكن نغيب على المنتدى واحد الايامات

kaouther

17-01-2007, 03:57 PM

ربى يلطف بيه . طهور ان شاء الله.

ما تنسايش تطمنينا, وان شاء الله كلش اعدى بخير

الشمس المنيرة

17-01-2007, 04:22 PM

ان شاء الله يااختي اطمنكم عليه
سامحوني على اني مقصر في حق ركن الحلويات ان شاء الله حرجع ونشارك فيه

أم تيم الله

17-01-2007, 06:14 PM

السلام عليكم ورحمة الله

أم تيم الله

17-01-2007, 06:22 PM

أم الأحمدين،،هنية هي زوجة أخي

وأنا هبةالله

وبارك الله فيك

جارتك أنا من بسكرة تحديدا من أولادجلال

أهلا بيك

kaouther

17-01-2007, 07:10 PM

خيار الناس ام تيم الله.
حاجة تفرح كينشوف جزايريات يكتبو من ارض الوطن.
غير فى الماضى القريب , كانت تقريبا من المستحيلات تلقاى ناس تكتب من الجزائر و خاصة فى المنتديات العربية.

فى الجامعة, كانو معايا زوز من بسكرة, واحدة من ولاد جلال و وحدةمن سيدى عقبة. خيار الناس.

أم تيم الله

17-01-2007, 07:40 PM

جزاك الله كل خير

حتى أنا كنت أجد الجزائريات أقل البنات في المنتديات النسائية،، لكن الحمدلله الآن تغير الحال

"أم معاذ"

17-01-2007, 08:02 PM

السلام عليكم و رحمة الله تعالى و بركاته,
جيت نطل عليكم و نروح نكمل نسجي لغدا, رانا ما زلنا في البرد القارس و الثلج, تخرجي برة تحسي بجسمك كله يبس, الله يعيننا, و الأولاد بداو يمرضو, الكحة و الأنف يسيل و العطيس, و ربي يستر و يشفيهم يا رب.
نخليكم درك و لي عودة إن شاء الله.
سلامي للجميع و مرحبا بكل من إنضمت إلينا و اللهم إشفي جميع مرضى المسلمين يا رب.

بنت الجزائر

18-01-2007, 02:33 AM

واش راكي اختي زدتي عملتيها هههههههههه الثالث الله يبارك ويكمل وانشاء الله يجي اللي في بالك ويكون من ذوي التربية الصالحة هذا ما نتمناو تبقي طفلة ولا طفل المهم يجي صالح ومطيع والطفلة اختي مليحة كيما تقول يما حبيبة يماها لاننا 4ذكور وانا الطفلة بس
واش اختي راكي في سيدني:[MM
احكيلي منة مانخرجش ههههههههههههههههههههه

بوركتي اختي ام بثينة..ايه راني زدت الثالث عقوبا ليك ههههههههه و الله رايحا نهبل على طفلة:)

انا مازلت في نيوزيلندة. و لكن عن قريب ان شاء الله نكون في سيدني ممكن نولد هنا قبل عاد و نمشي باذن الله.

و راني نغيب و نعاود نرجع للمتقى مين انحس روحي مليحة و نقدر نقعد على الكميوتر....

بنت الجزائر

18-01-2007, 02:39 AM

واشراكم يا البنات وربي يعينك يا بنت الجزائر على الوحم وانشاء الله تجيبي طفلة ، علابالك انا ثاني نخمم نزيد بلاك نجيب طفلة بصح كي نتفكر الوحم والزيادة نحبس:[]L

اميييييييييييين اختي الغالية انا الولادة الحمد الله ماعندي مشاكل و لكن الوحم:(*): ما نقدلوش ابداا..بصح ايا ديري

الكوراج..وزيدي وحد اخر و ان شاء الله يروقك ربي طفلة:)

بنت الجزائر

18-01-2007, 02:47 AM

صباح الخير
مشكورات خواتي على الترحيب
مبروك عليك يا بنت الجزاير وربي يوصل في السالم اما ما يخص التعي والذي منه لازم والا كيف الجنه تحت اقدام الامهات
الجنه مش بالساهل

انا الحمد لله كي نتوحم حتى زوجي ما يفهم اذا مقتلوش لكن كله نخلصه كي نولد
ساعات ننوي نجيب صغير اخر لكن نتفكر هاذيك الساعات تاع الولاده نرجع نقول فكني احسن( خوافه الاخت)

اهلا اختي و الله يبارك فيك ..و الله غير صح كلامك اهنا برك جينا ما نصبروش..

اختي ام الاحمدين انت مش مشاركة في حواء كاني نعرف هاذا الاسم :[MM

بنت الجزائر

18-01-2007, 02:53 AM

اهلا بيكم يا لبنات؟ ان شاء الله راكم لباس؟
ام بثينة, رانى هنا,, بصح البارح, صاحبتى ليبية دارت عشاء تاع عيد ميلاد بنتها و عرضتنى , روحت و رجعت شوية متوخر , دونك عجزت باش نحل الكمبيوتر.

بنت الجزائر, ربى عينك و الله و يعطيك طلقة بنت عمران كيما يقولو التوانسا. يعنى تجيك ولادة كيما مريم عليها السلام.
شوفو يا البنات, الى حابة تولد. لازم تاخد قرارها و تجيبهم ضربة واحدة و تتهنا. باسكو العمر ما يستناش, وما تعملوش زى, بقيت 3 سنين ما بين ولدى الاول و الثانى , يعنى ما ولدت كان ما بيناتهم 4 سنين.
كنت تقول بيكرى ,ما نجيب الثانى حتى الاول نحيلو البيبرونة و لا كوش و ايولى يفهم شوية , هادى كلها صح, خاصة لما الواحد يكون فى غربة و ما عندك حتى واحد اعاونك. بصح من جهة خرى. كى توخرى بزاف, تضيعة للوقت , انت تكبرى و ما يكونش عندك الصبر كيما الاولو الحاجة التانية انهو ولادك ما يعرفوش يلعبو مع بعضاهم لانو كل واحد و عمرو .حتى الكوميك درك يتعاركو عليه, الاول تاع 7 سنين , احب نوعية معينة و لوخر احب توم اى جيرى و ما شابه ذلك.

ربى اعين و خلاص

امين اختي و كلامك حقيقة فيه وجهة نضر ..و الله المستعان..

ام الاحمدين

18-01-2007, 10:16 AM

صباح الخير والورد والشمس المشرقه للجميع

اهلا اختي و الله يبارك فيك ..و الله غير صح كلامك اهنا برك جينا ما نصبروش..

اختي ام الاحمدين انت مش مشاركة في حواء كاني نعرف هاذا الاسم :[MM

بنت الجزاير يابنت الجزاير
انا هي باذات ام الاحمدين انتاع عالم حواء

انا قريت قبل انك كاتبه انك ام ربيعه وشكيت انك الي اعرفها في عالم حواء لكن كي شفت ام بثينه تصقصي فيك عن سيدني وانك بالحمل وتتمني في بنيه قلت يمكن تشابه اسماء فقط خاصة وانك مسميه نفسك ام بثينه الي فهمته انه عندك بنات

وتو يكي عرفنا بعض ممكن سؤال
الي فهمته توا انه معندكش بنات منين جا اسم ام ربيعه (( وش دخلك)) ماكي تعرفي نسوان ولا بطلنا

ام الاحمدين

18-01-2007, 10:41 AM

السلام عليكم و رحمة الله تعالى و بركاته,
جيت نطل عليكم و نروح نكمل نسجي لغدا, رانا ما زلنا في البرد القارس و الثلج, تخرجي برة تحسي بجسمك كله يبس, الله يعيننا, و الأولاد بداو يمرضو, الكحة و الأنف يسيل و العطيس, و ربي يستر و يشفيهم يا رب.
نخليكم درك و لي عودة إن شاء الله.
سلامي للجميع و مرحبا بكل من إنضمت إلينا و اللهم إشفي جميع مرضى المسلمين يا رب.

سلامة اولادك رانا الكل كيفك لا وزايدين عليك فوق كل هالشي القراجم بعيد الشر عليكم

ام الاحمدين

18-01-2007, 10:43 AM

أم الأحمدين،،هنية هي زوجة أخي

وأنا هبةالله

وبارك الله فيك

جارتك أنا من بسكرة تحديدا من أولادجلال

أهلا بيك
يا اهلا بيك وبمرت خوك وبكل ناس بسكره
لكن ليه اختفت كتبت هاك الكلمتين وقالت عدولي

ام الاحمدين

18-01-2007, 10:48 AM

الله يخليكم
والله تعرف كي كون واحد مريض فب العايلة تعرف شكلها كيفاش
والله رانا مع مرض زوج اختى وان شاء الله راح يعمل عملية في راسه يمكن في هذه الايام
لهذا ممكن نغيب على المنتدى واحد الايامات

الشمس المنيره سلامته قريبك من المرض وان شاء الله لاباس

أسأل الله العضيم رب العرش العظيم ان يشفي زوج اختك
أسأل الله العضيم رب العرش العظيم ان يشفي زوج اختك
أسأل الله العضيم رب العرش العظيم ان يشفي زوج اختك
أسأل الله العضيم رب العرش العظيم ان يشفي زوج اختك
أسأل الله العضيم رب العرش العظيم ان يشفي زوج اختك
أسأل الله العضيم رب العرش العظيم ان يشفي زوج اختك
أسأل الله العضيم رب العرش العظيم ان يشفي زوج اختك

متنسيش تطمنينا عنه

mazina

18-01-2007, 11:31 AM

السلام عليكم و رحمة الله تعالى و بركاته,
جيت نطل عليكم و نروح نكمل نسجي لغدا, رانا ما زلنا في البرد القارس و الثلج, تخرجي برة تحسي بجسمك كله يبس, الله يعيننا, و الأولاد بداو يمرضو, الكحة و الأنف يسيل و العطيس, و ربي يستر و يشفيهم يا رب.
نخليكم درك و لي عودة إن شاء الله.
سلامي للجميع و مرحبا بكل من إنضمت إلينا و اللهم إشفي جميع مرضى المسلمين يا رب. اهلا ام معاذ وصح غذاك ، واش نقولك هنا راه الجو ربيعي بصح قالو في الميتيو غدوة يبدا le mauvais temps
وسلامت والدك من المرض

mazina

18-01-2007, 11:34 AM

اميييييييييييين اختي الغالية انا الولادة الحمد الله ماعندي مشاكل و لكن الوحم:(*): ما نقدلوش ابداا..بصح ايا ديري

الكوراج..وزيدي وحد اخر و ان شاء الله يروقك ربي طفلة:)
مرحبا بيك اختي ، انا نقولك الصح الولادة تاعي صعيبة بصح الوحم ساهل يجيني غير بالرقاد

حبيبة48

18-01-2007, 12:56 PM

صباح الخير عليك ارجوا انكم تقبلوني في هذا الملتقى انا جزائرية كيفكم

kaouther

18-01-2007, 01:15 PM

نبعتولكم شوية شمس يا جماعة, هنا السخانة تقتل ليامات هادو.
وين راحت ام بثينة ؟ دارت القيتون و قاعدة وحدها و مخليا الجماعة فى البرد. هههههههه

حبيبة,
طبها نتشرفو بيك!!!!!! احنا نفرحو كين نشوفو دزيريات ايزيدو هنا.
ممكن تحكينا شوية على روحك باش نتعرفو عليك اكتر؟
يعنى انت من اى مدينة؟ وين تسكنى فى دزاير والا فى الخارج؟

ام معاذ, دركة نحبو نشوف اكتر , كى عاد لا دخلة, لا خرجة مع البرد.ههههههه

اما الاماراتيات تاعنا, مانعرف وين راحو, كاشى مهرجان و لا حاجة. هههههه
حتى من مهرجان دبى للتسوق ما زال ما بداش. ههههه

مهاجرة إلى ربي

18-01-2007, 02:59 PM

الحمد لله الي كاين وحدة تفكرتنا , دوك نديرو عليكم انقلاب انا وأم رائد , ثلث ايام مابناش وماتسقسيوش علينا
المهم مبروك علينا الفيلا الجديدة الي ماعرضتوتيش عليها
أختي بنت الجزائر مبروك عليك وربي يسهل عليك , مانخبيش عليكم أنا نفضل الولادة على الوحم , الوحم ديالي صعيب بصح مانتشهى والو
وين راكي يا أم بثينة , درتي النسيبة نسيتينا

مهاجرة إلى ربي

18-01-2007, 03:02 PM

أختي كوثر خاطيني المهرجانات , عندي عامين هنا ومارحت لحتى مهرجان
المهرجان ديالي الكوزينة ههههههههههههههههههههههههه وتكفيني

kaouther

18-01-2007, 03:30 PM

انا نمزح فقط يا مهاجرة.ههههه. و الله, الحال من بعضو , الكوزينا و ثم الكوزينا. قريب نرقدو فيها. هههههههه.
المهم انك طليتى, نستناو الان فى ام رائد

حتى من ام بثينة , مللى حطت وصفة الكباب , ما بان عليها حتى خبر.

om-raid

18-01-2007, 04:34 PM

W: السلام عليكم
أهلا بالأخوات العزيزات وبالجدد تاني كلنا اخوات هنا وكل واحدة تزيد تزيدلنا في الفرحة
صحيتي اختي كوثر على السؤال مثل ما قالت اختي مهاجرة لا مهرجنات ولا شي رحت برك للقرية العالمية الصراحة جميلة لكن غالية ناااااااااااااااااار:(*): :(*): وكمان مليانة أغاني وفلكلور :[]L فهربنا منها ههههههه
المهم مبروك أختي بنت الجزائر الحمل وإن شاء الله ربي يعطيك وقفة ساهلة ):K
مبارح كنت مع أخت سودانية وكنا نهدروا على الدراري وزيادة فضلت تقولنا أنو مكاش كيما لي جبهم كامل في ضربة وحدة وتتهنى الصراحة دارتلي الكوراج رغم أنه ابني اليوم اقفل عام لكن قلت خليني نقص شويه وزن ومبعد نزيد واش رايكم هو هو هو هو هدي ضحكة جديدة #R#R
أختي أم بثبث يعني درتيها فيا مكان ني جيران ولا عشرة وعلاه وليدي جاك على العين العورة ههههه
ولا نتي تاني عينك في الباسبور الأمريكي ههههههههههههههههه::JH::
كوثر واش راهي ماليزيا تعرفي توحشناها رغم أنه صاحب راجلي قالنا خليكم تامه خير
أم معاذ سلامتك وسلامت ولادك إن شاء الله والله توحشتك وكيفاه راكي مع القرآن وين وصلتي:)

برد قلبي بالهدرة هههههههههههههه
تقولي عندي عام ما هدرتش ههههههههه((K)) ((K))

مهاجرة إلى ربي

18-01-2007, 04:43 PM

وينك ياأم رائد وينك توحشتك يا بنت بلادي وبنت غربتي

kaouther

18-01-2007, 04:55 PM

مرحبا بيك ام رائد
واو القرية العالمية . حكاولى عليها بزاف. كاشما كاين ريحة دزاير و الا والو؟
ماليزيا , راهى لباس , الحمد لله, انا ما نعرفش الفرق ما بين البلدين باش نعطى راى, لكن نضن انو عندك احسن. على الاقل بلد عربى .
انا اكتر حاجة , خانقتنى هنا, هى الحبسة تاع الدار . صراحة انا ديما كنت مستقلة. نخدم, , نحب حاجة نديرها لروحى , ما نعول على حتى واحد, جيت لهاد البلاد, وليت كيما المحجوبات تاع بكرى الشمس ما تضربش فى وجهى, و زيد نسكنو شوية خارج المدينة قريبة للخدمة تاع راجلى , و رواح تشوفى, و الله حالة جداتى فى الخمسينات كانت احسن منى.
الحمد لله على النعمة.
سامحونى , كسرتلكم راسكم بالهدرة

الشمس المنيرة

18-01-2007, 05:02 PM

السلام عليكم
وشراكم ان شاء الله تكون بخير
الف مبروك يابنت الجزائر على الحمل وربي سهلك وان شاء الله تكون وقفتك سهلة كما نقولو عندنا

om-raid

18-01-2007, 05:19 PM

اختي مهاجرة والله راني مليحة الحمد لله راني هنا في مصفوت وين نروح منطقة نائية إلا حبيتي تروحي لدبي ولا الشارقة لازملك ساعة ونص الحاجة المليحة في هذا المكان هوما الجيران دايما نتلاقاو كل واحدة من بلاد وكل وحدة تقولك على بلادها الصراحة حاجة بزاف مفرحتني وخاصة إذا طولت ما زرتهمش تلقايهم جاو يسقسوا علي بارك الله فيهم
كوثر الله يكون في عونك الصراحة أنا دايما نقول ماليزيا مليحة لتحواس ولازم يكونوا عندك الدراهم بزاف ههههههههههه لكن للمعيشة شوي صعيبة وخاصة الناس تعرفي في وحدة معنا هنا في المنتدى اسمها صدى وهي مشرفة أضن في قسم الديكور من ماليزيا وأنا لما كنت تما تعرفت علها واتصلنا ببعضنا الصراحة أخت ما شاء الله وهي ماليزية تتكلم عربي
واش راكي أختي شمش توحشناك وواش راهو راجل أختك إن شاء الله أحسن ربي يجبلو الشفاء وطهور إن شاء الله
كوثر نسيت ما قوتلكش على القرية العالمية والله ني جزائر ولا حتى حاجة بصح كاين المغرب وكل بلاد تبيع الحاجات نتعها هي الصراحة تحفة لولا الموسيقي الصاخبة اللي فيها

الشمس المنيرة

18-01-2007, 05:28 PM

الله يخليك ام رائد الحمد لله راه شوية مليحة وهو ينتظر الوقت لحده للعملية الجراحية بصح نحمد ربي على كل شئ
الله يعنكم على الغربة والله صعب بصح الحمد لله ليكاين هذا المنتدى باش الوحدة تنحي على خاطرها

mazina

18-01-2007, 06:33 PM

واش راكم يا البنات واش الدردشة كامل ونا غايبة و واحدة فيكم ماسقسات عليا ، ولا لميتو بعضاكم في الغربة ونسيتو حباباتكم في الدزيارههههههههه....
وبالنسبة الى المهراجانات راهم مدايرلنا مهراجانات الثقافة لكل الدول العربية رانا شغل في عرس كبير

"أم معاذ"

18-01-2007, 06:35 PM

سلامة اولادك رانا الكل كيفك لا وزايدين عليك فوق كل هالشي القراجم بعيد الشر عليكم

الله يسلمك و لا يجيك شر يا أختي أم الأحمدين, و ربي يشفيهم كامل و يعيننا يا رب.

"أم معاذ"

18-01-2007, 06:39 PM

اهلا ام معاذ وصح غذاك ، واش نقولك هنا راه الجو ربيعي بصح قالو في الميتيو غدوة يبدا le mauvais temps
وسلامت والدك من المرض

أهلا بيك يا مازينا, و يعيشك, صح قالولي عائلتي لما كلمتهم في التليفون أن الجو ربيعي و أحيانا حار, و هناي رانا نترعدو في البرد و الثلج, الله يعيننا جميعا.
الله يسلمك يا أختي لعزيزة.

"أم معاذ"

18-01-2007, 06:52 PM

نبعتولكم شوية شمس يا جماعة, هنا السخانة تقتل ليامات هادو.
وين راحت ام بثينة ؟ دارت القيتون و قاعدة وحدها و مخليا الجماعة فى البرد. هههههههه

حبيبة,
طبها نتشرفو بيك!!!!!! احنا نفرحو كين نشوفو دزيريات ايزيدو هنا.
ممكن تحكينا شوية على روحك باش نتعرفو عليك اكتر؟
يعنى انت من اى مدينة؟ وين تسكنى فى دزاير والا فى الخارج؟

ام معاذ, دركة نحبو نشوف اكتر , كى عاد لا دخلة, لا خرجة مع البرد.ههههههه

اما الاماراتيات تاعنا, مانعرف وين راحو, كاشى مهرجان و لا حاجة. هههههه
حتى من مهرجان دبى للتسوق ما زال ما بداش. ههههه

هيا مالا يا كوثر نعطيوكم شوي برد و أعطيونا شوي سخانة, بهذا الطريقة نعملو شوي توازن, بصح أحكمي الرطوبة اللي عندكم, أنا ما نحملهاش.
تعرفي, رغم الثلج و البرد, لازم علي نخرج الصباح نوصل معاذ للمدرسة و نروح لعشية نجيب, زيدي عليها الدرس في المسجد اليوم, زيدي عليها سجلت معاذ في المسبح و لازم نديه كل يوم أربعاء على الساعة 6 مساء حتى الساعة 7 مساء و يوم السبت يديه باباه.
و لكن الحمد لله, هاد ليامات راني قاعدة ندخل ساعة على ساعة نفاقدكم.
شفتي كيفاه دارتنا أم بثينة, كي قلنالها نيجيو عندك تحت القيطون, طنشتنا (زي ما يقولو إخواننا المصريين) و راحت قعدت وحدها.

"أم معاذ"

18-01-2007, 06:58 PM

W: السلام عليكم
أهلا بالأخوات العزيزات وبالجدد تاني كلنا اخوات هنا وكل واحدة تزيد تزيدلنا في الفرحة
صحيتي اختي كوثر على السؤال مثل ما قالت اختي مهاجرة لا مهرجنات ولا شي رحت برك للقرية العالمية الصراحة جميلة لكن غالية ناااااااااااااااااار:(*): :(*): وكمان مليانة أغاني وفلكلور :[]L فهربنا منها ههههههه
المهم مبروك أختي بنت الجزائر الحمل وإن شاء الله ربي يعطيك وقفة ساهلة ):K
مبارح كنت مع أخت سودانية وكنا نهدروا على الدراري وزيادة فضلت تقولنا أنو مكاش كيما لي جبهم كامل في ضربة وحدة وتتهنى الصراحة دارتلي الكوراج رغم أنه ابني اليوم اقفل عام لكن قلت خليني نقص شويه وزن ومبعد نزيد واش رايكم هو هو هو هو هدي ضحكة جديدة #R#R
أختي أم بثبث يعني درتيها فيا مكان ني جيران ولا عشرة وعلاه وليدي جاك على العين العورة ههههه
ولا نتي تاني عينك في الباسبور الأمريكي ههههههههههههههههه::JH::
كوثر واش راهي ماليزيا تعرفي توحشناها رغم أنه صاحب راجلي قالنا خليكم تامه خير
أم معاذ سلامتك وسلامت ولادك إن شاء الله والله توحشتك وكيفاه راكي مع القرآن وين وصلتي:)

برد قلبي بالهدرة هههههههههههههه
تقولي عندي عام ما هدرتش ههههههههه((K)) ((K))

الله يسلمك يا أختي أم رائد, يتوحشك الخير و أنا ثاني توحشتك و توحشت جميع الأخوات اللي هناي, الحاضرات و الغائبات.
فيما يخص القرآن, راني حبست و ما كملتش, يا أختي ولادي راهم ما طالقينيش خلاص, و زيد عليها كنا متوقفين ليامات اللي فاتو عن الدرس لأن الإمام مشغول, فأختك ضربت النح خلاص و ما زدتش حفظت, و نحس بالذنب لأني لازم نكمل نحفظ أكثر, و الله المستعان.

"أم معاذ"

18-01-2007, 07:04 PM

مبروك عليك الحمل يا أختي المهاجرة و ربي يعينك و يسلكك على خير يا رب.

"أم معاذ"

18-01-2007, 07:12 PM

الله يخليكم
والله تعرف كي كون واحد مريض فب العايلة تعرف شكلها كيفاش
والله رانا مع مرض زوج اختى وان شاء الله راح يعمل عملية في راسه يمكن في هذه الايام
لهذا ممكن نغيب على المنتدى واحد الايامات

ربي يشفيه و يخرجو من هذا العملية بخير و سالم يا رب, و ربي يعينكم و يقدركم.

kaouther

18-01-2007, 09:46 PM

ام معاذ, ما كانش منها . تدى الرطوبة مع السخانة و الا ماكانش . هكا , مش غير انا برك اللى نتغم من الندا. ههههههههه
شوفتى الحنية والايثار كيفاش جات عندى و حبست؟ ههههههههه
ربى اعينك على الطلعة و الخرجة اليومية هادى خاصة فى البرد . انت تسوقى والاكيفاش تطلعى؟ صعيبة , كون تمشى على رجليك و الا تاخدى مواصلات فى هاد البرد.
انا مدرسة ولدى على 20 كم على دارنا لانها الوحيدة اللى دروس فيها مش بالماليزية فلهادا رايحين نحولو عن قريب ان شاء الله باش نقربو للمدرسة و ولدى يقدر اروح فى سكول باص و هنينا. و يمكن نتغيب عليكم ايامات قبل ما نحول الانترنات فى دارى الجديدة.

مازينا,انت الكل فى الكل يا لحبيبة , بصح حنا ساقسينا على جماعة الغايبة لانهم ما ضهروش عندهم 3 ايام وحد ما ينحى والا يدى بلاصة حد لانه كل واحد و شخصيتو و اللمسة تاعو اللى ايضيفها على هاد الركن.

هيا تصبحو على خير

ام الاحمدين

19-01-2007, 12:11 AM

تصبحي وتربحي كوثر
مع اني ماليش ياسر معاكم يعني مزال ما تعودتش على اساميكم وشخصياتكم بصح اليوم لاحضت غيا ب ام بوثينه ان شاء الله سبب غيابها خير

ليلووله

19-01-2007, 01:18 AM

السلام عليكم،،،،
كيراكم دايريين؟ انا ليلووله من الغرب الجزائري، عجبني الركن الجزائري وعجبتني هدرتكم،بغيت نسقسيكم، ماعليش تقولولي كيفاش تحطو الصوره حدا اسمكم، يعني مثلا، أم بثيه حطت i love ALG،و ام الاحمدين وام معاذ، ورد.
ربي يحفظكم، تصبحو بخير

ام الاحمدين

19-01-2007, 01:42 AM

اهلا ليلوله وان شاء الله تفيدي وتستفيدي
اما ما يخص الصوره انتي ادخلي تحكم العضو عل ليمين وهناك تلاقي كل شي وتفهمي كل شيء
وكان ما فهمتيش غدوه نفهمك
تصبحي على خير

بنت الجزائر

19-01-2007, 02:14 AM

صباح الخير والورد والشمس المشرقه للجميع

بنت الجزاير يابنت الجزاير
انا هي باذات ام الاحمدين انتاع عالم حواء

انا قريت قبل انك كاتبه انك ام ربيعه وشكيت انك الي اعرفها في عالم حواء لكن كي شفت ام بثينه تصقصي فيك عن سيدني وانك بالحمل وتتمني في بنيه قلت يمكن تشابه اسماء فقط خاصة وانك مسميه نفسك ام بثينه الي فهمته انه عندك بنات

وتو يكي عرفنا بعض ممكن سؤال
الي فهمته توا انه معندكش بنات منين جا اسم ام ربيعه (( وش دخلك)) ماكي تعرفي نسوان ولا بطلنا

اهلا بيك اختي ام الاحمدين:)
ملاحضة جيدة... هاذا اسم ام زوجي و بما انا لا احد من اولادها سمى بي اسمها و عدتها اذا ربي رزقني بنت
انسميها ..ربيعة...و في الحقيقة تعلقت بي الاسم هاذا خلاص حبيتو:) لي هاذا اول ما سجلت في حواء وقع اختياري عليه..و توتي ..توتي خلصت الحدوتة.ههههه
و اهلا بيك و بكل الاخوات الجزائريات...

"أم معاذ"

19-01-2007, 06:11 AM

جيت نطل عليكم و نقولكم تصبحو على خير, راني عيانة (كنت صايمة اليوم و كنت مشغولة بزاف) و ولادي مع الزكام اللي راهم فيه و الثلج زاد رجع يصب, ربي يستر و ما يحكمش بزاف.
غدوة إن شاء الله نرد على أسئلتك يا كوثر.
تصبحن على خير.

الشمس المنيرة

19-01-2007, 03:59 PM

السلام عليكم
راني عرفه انكم مراكمش هنا بصح راني نسلم عليكم واحدة بوحدة ام معاذ ام بثينة ام رائد المهاجرة بنت الجزائر كوثر مازينا الجزائر ام الاحمدين والاخت الجديدة ليلولة كلكن وشراكم ان شاء الله تكون بخير ونتلقاو على خير ان شاء الله
بصحة ام بثينة مراهيش تبان خلاص خير ان شاء الله اذا ما دخلتش سلمولي عليها بزاف والله عدت مانصبر عليكم لازم نطل عليكم واش راكم عاملين الله غالب كل واحدة وقتها ماعليش غير نكون بخير
انا اليوم لي برت الهدرة لوحدي
يالله نسلم عليكم بزاف بزاف قبولات واشواقي لكن يادزيريات الله يخليكم لبعض
السلام عليكم

kaouther

19-01-2007, 04:30 PM

اهلا شمس واش راكى,
انا مصباح ما قدرتش نحل المنتدى, كل مرة اقولولى " صيانة" غير درك وان ناب ربى.

وينكم يا جماعة , كل واحدة باسمها باش ما نقعوش فى اللومان. ههههههه

شمس , واش راهو راجل اختك , ان شاء الله بخير.
ما زينا, احكيلنا شوية على فعاليات , التظاهرات الثقافية تاع " الجزائر. العاصمة عربية" هداك النهار , نقرا فى موقع عربى على الفعاليات هادو. قال واحد القارىء :و هوما عرب اصلا؟
عجب. على الكلمتين تاع الفرنسية اللى نقولوهم , بدلونا جنسنا و البلاد الشرقية نصهم ارمن , تركمان, دروز , مسيحيين بكل الطوائف, واحد ما شكك فى عروبتهم.

ام معاذ, ربى عينك على سيبيريا تاعك. انا برد دزاير ما عدتش نقدرلو. واين يا امريكا الشمالية.
صفر درجة هادى , ما نقدرش نتخيلها. هههههههه

ليلولة:
مرحبا بيك بيناتنا. كيما قتلك الاخت ام الاحمدين
طلعى راسك الفوق فى بداية الصفحة على اليمين , ادخلى فى تحكم العضو, وعندك خيارات كثيرة من بينها " تعديل فى الصور الصغيرة" ( و هى ترجمة مش مظبوطة لكلمة avatar) -انا و التعاليق نتاعى . لوووووووووول ,عندك صور مقترحة من المنتدى و ادا حبيتى تجيبى صور من عندك , كليكى على browse
بالسلامة الان,نشوفكم على خير ان شاء الله

مهاجرة إلى ربي

19-01-2007, 06:44 PM

مبروك عليك الحمل يا أختي المهاجرة و ربي يعينك و يسلكك على خير يا رب.

:[]L الله يسلمك بصح ماشي انا الي راني حامل :[]L , الأخت بنت الجزائر هي الي راهي حامل , ربي يسلكها على خير

mazina

19-01-2007, 06:51 PM

مساكم بالخير والبركة ياالبنات واشراكم د ايرين ومرحبا بيك معانا يا ليلولة .
كوثر يا اختتي انا كون ما جيتش نحبكم و تعلقت بيكم ، كون راني ما لومش عليكم يخي تعرفي المثل تاعنا ليقول ما يلوم الحبيب غير على حبابو .
بالنسبة للمهرجان والله راني كيفك، بصح يقول في الاخبار بلي كل بلاد تعرف بالتقاليد تعها ، وانا نقولك الصح ما راني نشوف غير في الشطيح والزرنة هذا فاه رايحين دراهم ...........؟
ام بثينة والفنا بيك وين روحتي هذا ....؟ غيرتكون الغيبة تاعك على الخير ان شاء الله
ام معاد ربي يعنك على البرد والثلج بلاك ندوزلك شوية شمس في كولي .

مهاجرة إلى ربي

19-01-2007, 06:55 PM

السلام عليكم
راني عرفه انكم مراكمش هنا بصح راني نسلم عليكم واحدة بوحدة ام معاذ ام بثينة ام رائد المهاجرة بنت الجزائر كوثر مازينا الجزائر ام الاحمدين والاخت الجديدة ليلولة كلكن وشراكم ان شاء الله تكون بخير ونتلقاو على خير ان شاء الله
بصحة ام بثينة مراهيش تبان خلاص خير ان شاء الله اذا ما دخلتش سلمولي عليها بزاف والله عدت مانصبر عليكم لازم نطل عليكم واش راكم عاملين الله غالب كل واحدة وقتها ماعليش غير نكون بخير
انا اليوم لي برت الهدرة لوحدي
يالله نسلم عليكم بزاف بزاف قبولات واشواقي لكن يادزيريات الله يخليكم لبعض
السلام عليكم

يسلم عليك الخير يا وجه الخير ,W:
والله ام بثينة حيرتنا عليها بزاف :confused: :[MM :K)
ان شاء الله مايكون غير الخير
وراني نسلم عليكم كل وحدة باسمها

مهاجرة إلى ربي

19-01-2007, 07:00 PM

أختي مازينا واش راكي , الحمد لله الي طلت عليا وحدة

mazina

19-01-2007, 07:08 PM

يسلم عليك الخير يا وجه الخير ,W:
والله ام بثينة حيرتنا عليها بزاف :confused: :[MM :K)
ان شاء الله مايكون غير الخير
وراني نسلم عليكم كل وحدة باسمها

واش راكي مدايرة يا المهاجرة والله انا تاني راني مقلقة على ام بثينة مش من طبيعتها تغيب هذا المدة الطويلة .

mazina

19-01-2007, 07:23 PM

يسلم عليك الخير يا وجه الخير ,W:
والله ام بثينة حيرتنا عليها بزاف :confused: :[MM :K)
ان شاء الله مايكون غير الخير
وراني نسلم عليكم كل وحدة باسمها

واش راكي مدايرة يا المهاجرة والله انا تاني راني مقلقة على ام بثينة مش من طبيعتها تغيب هذا المدة الطويلة:[MM :[MM :[MM :[MM .

mazina

19-01-2007, 07:29 PM

أختي مازينا واش راكي , الحمد لله الي طلت عليا وحدة
الحمد لله اختي المهاجرة واش نقولك ما صدقت زوجي ناد منحدا الميكرو زربت و حكمت بلاستو

"أم معاذ"

19-01-2007, 11:19 PM

:[]L الله يسلمك بصح ماشي انا الي راني حامل :[]L , الأخت بنت الجزائر هي الي راهي حامل , ربي يسلكها على خير

سامحيني يا أختي المهاجرة, يظهرلي من شدة لعيا تخلطت علي الحالة, و بالاك فايلتلك؟!؟!

"أم معاذ"

19-01-2007, 11:33 PM

ام معاذ, ما كانش منها . تدى الرطوبة مع السخانة و الا ماكانش . هكا , مش غير انا برك اللى نتغم من الندا. ههههههههه
شوفتى الحنية والايثار كيفاش جات عندى و حبست؟ ههههههههه
ربى اعينك على الطلعة و الخرجة اليومية هادى خاصة فى البرد . انت تسوقى والاكيفاش تطلعى؟ صعيبة , كون تمشى على رجليك و الا تاخدى مواصلات فى هاد البرد.
انا مدرسة ولدى على 20 كم على دارنا لانها الوحيدة اللى دروس فيها مش بالماليزية فلهادا رايحين نحولو عن قريب ان شاء الله باش نقربو للمدرسة و ولدى يقدر اروح فى سكول باص و هنينا. و يمكن نتغيب عليكم ايامات قبل ما نحول الانترنات فى دارى الجديدة.

مازينا,انت الكل فى الكل يا لحبيبة , بصح حنا ساقسينا على جماعة الغايبة لانهم ما ضهروش عندهم 3 ايام وحد ما ينحى والا يدى بلاصة حد لانه كل واحد و شخصيتو و اللمسة تاعو اللى ايضيفها على هاد الركن.

هيا تصبحو على خير

لا لا يا أختي كوثر, أنا ما نحملش الرطوبة خلاص, نحس روحي رايحة نتنطفى من الغمة, عندنا هناي في الصيف يجيونا بعض الأيامات فيهم السخانة و الرطوبة, تحسي بالغمة و الضيقة, و الحمد لله أنه فيه التكييف المركزي, يعني الدار كلها تبرد.
فيما يخص مدرسة معاذ, نوصلو في السيارة, أنا اللي نسوق, كنت أخذت البرمي Driver's license تاعي في الجزائر, و لما جيت هناي عاودت جوزت نتاعهم و كان ساهل خلاص, لا تستناي و لا والو كيما في بلادنا, نهار تلقاي روحك عندك الوقت, تهزي السيارة تاعك و تروحي تجوزي البرمي.
أما عن المسافة, تعرفي جوزنا العام الأول نتع معاذ في المدرسة لما كان في preschool 4 و حناي بعيد بزاف, كنا نسكنو مسافة 44 كلم من المدرسة, حتى فرج علينا ربي في شهر سبتمبر 2005 و نقلنا إلى دار أخرى و عادت الطريق تحكملنا تقريبا 7 دقائق بالسيارة و 30 دقيقة مشيا, و لكن نفضل نروح بالسيارة لأن معاي بنتي ثاني.
هاته نبذة عن حياتي اليومية, و ألقاكن قريبا بإذن الله.

"أم معاذ"

19-01-2007, 11:36 PM

مساكم بالخير والبركة ياالبنات واشراكم د ايرين ومرحبا بيك معانا يا ليلولة .
ام معاد ربي يعنك على البرد والثلج بلاك ندوزلك شوية شمس في كولي .

هاتي يا مازينا, حناي هاد ليامات رانا الثلج و البرد و السحاب, نحتاجو شوي شمس باه ما نصفاروش و يبقاو خدودنا حمر.

"أم معاذ"

19-01-2007, 11:38 PM

غياب أم بثينة يحير, ماشي من عوايدها تغيب بزاف, إن شاء الله المانع خير.

kaouther

20-01-2007, 07:19 AM

اهلا بيكم يا البنات. واش ضربنا رواحنا بعين و الا وش؟ على قد ما كمانا الجزء الثالث فى ساع , على قد ما بسلنا فى هادا؟ هيا ارواحو نشطو الدعوة . شوية. ههههههه
مازينا, , و اقيلا ما قريتيش ردى فى الصفحة اللى فاتت يا عزيزتى , قتلك انت الكل فى الكل و بلاصتك ما تتزعزعش.

اما الشطيح و الرديح, فهذا حال العرب , اعبرو عن ثقافتهم باجسامهم مش بفكرهم. ههههههه

ام معاذ, احسن انك تسوقى , عملتى مليح , انا تانا عندى برمى بصح درتو هنا مش فى دزاير و كان كلش ساهل, الكود كتابى , يعطيوك الاسئلة الاختيارية و انت تكوشى و فرات.
و التعلام تانا يصبرو معاك اذا غلطتى,مش ابهدلوك بالبخص كيما عندنا.
و لكن للاسف, السيارة دايما مع زوجى , نادر ما نستعملهاو غير فى مشاوير قصيرة, لانه هنا كاينة مشكلة الموتووات , اللى يتعداو السيارات احيانا. يدخلو ما بين السيارات و يمشيو, فالسيد زوجى يخاف يعطينى السيارة لانهم ما يحترموش قوانين السير كيما عندكم.
على بالكم, هاد العام , صنفت الجزائر تالت دولة فى العالم