هذرزة ليبيه ... بالود و الخير

[RAWAD]

:) السلام عليكم و رحمة الله و بركاته
ان شاء الله على الخير نلتقى مرة اخرى
ملمومين .. و طيبين
و فى احسن حال

اختكم فى الله
رواد

ملاحظه : موضوعك السابق يا مصراته .. دمه خفيف.. كمل فى يومين ...ما شاء الله :-s

[الورد والياسمين]

صباح الخير اختي رواد دخلت اصبح وتو انجي انهدرز
ان شاءالله دئما عامر

[العقول النيرة]

السلام عليكم يا بنات عتبة مبروكة ان شاء الله
كيف حالكم كلكم
رواد شن اخبارك

[RAWAD]

صباح الخير اختي رواد دخلت اصبح وتو انجي انهدرز
ان شاءالله دئما عامر

اهلا و سهلا بالورد و الياسمين ..
تفضللى مرحبتين ..
الواضح الاخت ليبيه ...ممكن نتعرفوا ؟؟؟؟؟؟؟؟؟؟؟؟؟؟؟

[RAWAD]

السلام عليكم يا بنات عتبة مبروكة ان شاء الله
كيف حالكم كلكم
رواد شن اخبارك

عقووووووووووله يا ضي العين .. وينك .. وينك ؟؟؟؟
ليك وحشه يا الغلا ..
الله يبارك فيك ..
اخباري طيبه .. الحمد لله . و انت كى دايره و كيف اخبار الدراسه ؟؟؟؟؟؟؟؟؟؟
بانتظارك يا حبيبه ..و سلمى على رحوووبه

[العقول النيرة]

انا الحمد لله يا رواد اموري تمام الاسبوع الجاي ان شاء الله يبدو امتحاناتي دعواتكم معانا و عندي مشروع نهاية السيمستر ان شاء الله على خير بعدها تبدا العطلة مش طويلة هلبا ممكن اسبوعين
شن اخباركم انتوا ما شاء الله الهدرزة متواصلة

[اشجان الحياة]

السلام عليكم ورحمة الله وبركاته شن حالك يارواد أخيرالقيت وحدة منكم أني سوسو أيام ريجيم السعرات الحرارية انقطعت عليكم بسبب تحويلتى ولما وليت مالقيت حد قلت شورا الرجيم دوبهم ههههه شن اخبار يسر الرحمن كان قعدة متواصلة معها المهم لقيت وين هدرز شن حال بنياتك إنت قعدة فى لندن ولا نسلم على كل الاخوات وإن شاء الله نكون ضيفة خفيفة عليكم

[اشجان الحياة]

وينكم يا جماعة اني خشيت ومالقيت حد حتى مولات الحوش مهناش ولا رحب بيا حد :K) :K

[الورد والياسمين]

السلام عليكم
الله يرحب بيك وخيتي رواد
انا ليبيه من طرابلس ومقيمه في كندا وام لاربعه صغار اعمارهم من السته عشر الى السته ربت بيت وطامعه في اصدقاء من بنات بلادي
باهيييييييييييي عرفيني علي نفسك
كيف حالكم يابنات والله فرصه سعيده لهدرزه معكم

[انهار الود]

السلام عليكم

كيف حالكم اليوم ومبارك عليكم الدويرة
انا لاهية في الدويرة الاولى نقرا ولما وصلت للاخير
القيتها مسكرة :[]L


رواد كيف حالك ياغالية وكيف اخبارك ان شاء اله طيبة وبخير
سوسو وعقول مرحبتين بيكم

الورد والياسمين
آنستينا ومرحبتين بيك بين وخياتك انتى وكل ليبيا كندا
وربي يحفظلك صغويرتك


هنا اغلبنا متغربات الله يردنا لبلادنا بالهني والصحة
\

[تماضر اللافي]

كيف حالكم اليوم يا بنات
حتي اني يالورد والياسمين مقيمه في كنده وعندي تلات صغار ربي يحفضهم ويحفضلك صغيويرتك
كيف حالك يا رواد اليوم معليش امس معاش خشيت صغاري والحوش وابو العيال علي قوله اخواننا المصريين
خلي ندير دوره علي الحوش وتو نوليلكم

[الورد والياسمين]

الله يرحب بيك اختي انهار الود
اهلين اختي تماضر ربي يحفضلك صغارك وايونسك بيهم انتي وين في كندا

[أروي]

علي سلامتكم يا بنات ما شااااااااااااااااء الله

ان شاء الله ديمه مرسى يارواد وطهورا علي البنوته

كيف حالكم يا اوخياتي

تماضر انستينا

انهار عاش من شافك

سو سو كيف حالك

عقول كيف حالك يا غاليه وشن اخبار الدراسه

الورد والياسمين انستي يا غاليه بأدن الله ليك ما طلبتي

الهدرزه فيها وخيات زي العسل

وين مش معقوله وشلت الانس الي امس دارو جو

مصراته جباليه ام ايوب تجويد سفونه اوشن جوري


دموعه رحوبه والباقي ان شاء الله مانسيتش حد
وينكم الدويره متع رواد خشو خير ما تفوتكم طلتها الحلوه

[انهار الود]

هيا ويتكم عاد

[الورد والياسمين]

اناموجوده نخنب في قضيت الحوش خنبه مرات النيه تهرب
درت زي العيل الصغير ماشيه جايه علي الكمبيوتر هههههههه

[انهار الود]

والله كلنا الحال من بعضه
القضية متع كل يوم
مرات مايصيرش منها بكل

شن جووكم في كندا صقع هلبا ولا كيف

[انهار الود]

انا من بريطانيا
وهنا صقع هلبااااااااااااااااااااااااااااااااااااااااا
تخايلي الشمس لينا وقت مرينهاش طالعة واضحة
والحمد لله على كل حال

قوليلي شن صغويرتك بنات ولا وليدات ولا مخلطين
وقداش ليك في كندا
انا عندى وليد واحد وتوة في السابع وقالو بنية والله اعلم
بكرتي بنية غر الله غالب توفت
وعندى توة وليد ربي يحفظه ايقول للطير اقعد وانا ركبلك
لكن زي صغار جيله مش حاجة غريبة
غر بيقولو الاولاد اكثر من البنيات
هي احكيلنا انتى توة

[تماضر اللافي]

اهلين اروي الله يسلمك
الورد واليسمين اني في هاليفاكس وانتي وين في كندا
ربي يحفضلك وليدك يا انهار
حتني والله نخنب في القضيه خنبه

[انهار الود]

تماضر مرحبتين بيك
الله يسلمك ويحفظلك ذريتك


حتى في بريطانيا في هاليفاكس


قداش عندك صغيويرة وليك هلبا في كندا ؟؟

[انهار الود]

رواد وينك ؟؟
العفو العفو هكي الناس يديرو


تى تعالي هيا بالله

[تماضر اللافي]

انهار اني عندي تلات صغار والحمد لله زوز وليدات وبنيه ليا في كندا تلات سنين قريب نبدا في الرابعه
والله قريب نهبل نبي ندير زياره لليبيا بالك قريب انشاء الله
وانتي قداش ليك في بريطانيا
رواد شكلها نستنا

[انهار الود]

ربي يحفظلك الصغيويرة
عندك الحق والله الغربة ماهي سهلة
قعدت حتى انا تلاتة سنين باش درت زيارة في رمضان الي فات العقبال ليك
البلاد تغيررررت هلبا هلبا هلبا
تعرفي والله العظيم تحسيها ناقصها اللون
ربي يسهل لك وتنزلي تتونسي بالعويلة توة كملت الاربعة سنين وماشية في الخمسة

رواد باين عليها من الصقع رقدت

وباقي البنات هيا خشو بالله
في الي تقرا الموضوع كان عجبها ردت وكان ماعجبهاش اتفوته
تى عالاقل اطلقو السلام
راهو خيرلكم

[انهار الود]

تو نولي
غر ولدى ينق على دماغي خلي نعبيله بطنه
ونديرله حاجة يلها فيها

[تجويد]

مبارك علينا الدويرة الجديدة ون شاء الله ديمة عامرة كيف

حالكم كلكم دون استثناء صحيتي يارواد انتي دائما سباقة للخير


واليوم خلينا فرصة لجماعة بريطانيا وكندا ياخدوا راحتهم

هيا خشوا هدرزو عاد

[المنـ أم ــذر]

السلام عليكم
كيف حالكم يابنات اليوم ...
مبارك العتبة الجديدة ..ومحلاها من لمة ...ربي يبارك فيها
مرحبتين بالبنات الجدد ...
تماضر اللافي ..كيف حالك ..تعرفي نقرأفي ردودك في النافذة الاجتماعية ..ونقول المراة هادي ليبية ..قداش مرة نبي نبعتلك رسالة خاصة نتعرف عليك ومايسخرش ربي ..باهي اللي جيتي انت للهدرزة ...
سوسو اهلين بيك ...عرفينا عليك احنا ماتعرفناش قبل
الورد والياسمين ...كيف حالك وحال عويلتك ربي يحفظهم يارب ..
انا فرحانة بيكم ..درنا قروب من كندا ..قبل قروب بريطانيا مغطي علينا ...وياحنة حتى انا ومصراتة من كندا ..غير قولولي وين تقع هاليفاكس ..انا في اونتاريو انتم وين

انهار الود كيف حالك ..ربي يحفظ وليدك ويرزقك ببنية يارب ..ويعوضك على بكرتك خير امين ..حتى انا بكري وليد ومتوفي .. ربي يعوضنا

اروى كيف حالك وشن امداير معاك شرشبيل

عقول كيف حالك ياحبيبة
مصراتة ينك اليوم ..
جبالية
تجويد
ام ايوب
رحوبة
جوري مغطسة
فريحة
مس ليبيا
نسمة ليل
رواد ..دويرتك عاد تعالي وديري الشاهي
مش عارفة خيرها دموعة ماعادش طلت ...ان شاء الله خير

[المنـ أم ــذر]

تجويد كيف حالك اليوم
انا نصلي الظهر ونجيكم ان شاء الله

[اشجان الحياة]

بسم الله الرحمن الرحيمالسلام عليكم ورحمة الله وبركاته
شن حالكم ياعويلةشن ديروا الكل مغطس وينك يارواد حليتي الحوشومشيتي أروى شن حالك عرفينا اكتر تماضر والياسمين شن حالكم وكيف الجو معاكم في كندا انهار الود وين قاعدة ف بريطانيا
نعرفكم بنفسي كنت مقيمة ف السويد وتوا قاعدة فى مانشستر عندى 4 ولاد ربي يحفظهم ادعولي نحصل بنوتة

[الورد والياسمين]

اهلين تماضر كيف الحال اني في نفس المقطعه ولكن ابعد منك بساعه عن هاليفاكس
سلامتك انتي انهار الود وان شاء الله تنوضي بالسلامه
اني عندي تلاته بنات و ولد واحد الكبيره بنت والتاني ولد وبعدين بنتين
اناء توه في كندا تقريبا 15 او 16 السنه والله مانعرف كترو
انهار الود ربي يحفضلك وليدك الفايده في راحته

[RAWAD]

السلام عليكم و رحمة الله و بركاته
كيف حالكم توا
ان شاء الله بخير

عقوووله ...

الاسبوع الجاي ان شاء الله يبدو امتحاناتي دعواتكم معانا و عندي مشروع نهاية السيمستر ان شاء الله على خير بعدها تبدا العطلة مش طويلة هلبا ممكن اسبوعين

ربي يسهللك يا غاليه .. و ان شاء اله بالتوفيق .. و رينا الشطارة يا حبوبه زي كل عام :-s.
سوسوووووووووووو..
.

السلام عليكم ورحمة الله وبركاته شن حالك يارواد أخيرالقيت وحدة منكم أني سوسو أيام ريجيم السعرات الحرارية انقطعت عليكم بسبب تحويلتى ولما وليت مالقيت حد قلت شورا الرجيم دوبهم ههههه شن اخبار يسر الرحمن كان قعدة متواصلة معها المهم لقيت وين هدرز شن حال بنياتك إنت قعدة فى لندن ولا نسلم على كل الاخوات وإن شاء الله نكون ضيفة خفيفة عليكم.
و عليكم السلام و رحمة الله و بركاته
اهلين يا غاليه .. منورة بالطله الحلوة يا حبيبه ..و الله زمان يا جميل
شدى عندك اخبار الرجيم :
اولا : عجبتنى حكايه الرجيم اللى يذوب هذا ..(شن رايك يا جباليهhttp://www.lakii.com/vb/images/icons/13.gif)
يا ستى انى مشيت عليه .. و نقصت عشرة كيلو (ما شاء الله لا قوة الا بالله ) .
و ما تتصوريش سعادتى ..
و الرشاقه اللى تمتعت بيها بعض ايام البؤس و الكأبه ههههههه
بصراحه يستاهل الرجيم ..
الا انى توقفت بعدها لانى لقيت اريحلى انى نخفض فى اكلى و نبعد على بعض الاشياء : زى السكر و الحليب كامل الدسم و نستبدل بالاغديه المخفضه السعرات ..
و ماشيه الحمد لله بصراحه ..
كل ما نحس روحى زدت شويه اندير كونترول و نرجع انقص اكلى .. طبعا مع شويه مشى.
بالنسبه ليسر الرحمن (الله يذكرها بالخير) مسكينه صارتلها كأبه و وزنها زاد ,,
و انقطعت عن المنتدى .. و صارت قليلا ما تدخل ..
الا ان الايام الماضيه شفتها و تراسلنا على الخاص .
.بصراحه صرنا مفتقدين هديكا اللمه و التشجيع .. الله يجازى لولو عنا الف خير .
هبهوبه تواصلنا فترة بالايميل .. بس ما شاء الله عندها التؤام شاغلها باستمرار .
.ربي يحفظهم .
على فكرة تابعنا بعدها شويه مع روزاليا .. فى موضوع (كيف خسرت 45 كيلو من وزنى .. بس ما استمريناش عليه كثير لتغيب صاحبته بسبب المرض .
بالنسبه لاخباري:
انى الحمد لله .. بخير بارك الله فيك .. و بناتى ايضا .. بس انى ما نسكنش فى لندن ..
يا ستى خشى و هدرزى و اسألى كان عندك اى حاجه ..
فشى غلك فينا (عاااااااادى .. بالذات ام المنذر بالها واسع جدا و تتحمل حفرةهههههههههههههههه)
وانت مش ضيفه يا حبيبه انت وخيتنا و تشرفينا بهدرزتك .



اه:K) ايدي عيت من الكتيبه .. نرتاح شويه و نعاود انرد

[تماضر اللافي]

الله يبارك فيك يا مش معقوله ويعوضك خير علي وليدك يارب امين
بالله كيف عرفتيني ليبيا رغم اني نكتب بالعربيه الفصحه بش يفهموها الاخوات العربيات
حسك فرحتيني بالله شن رايك في ردودي نعجب ولا لا بما انك ليبيا زيني
هاليفاكس في نيفاسكوشيا وانت وين في انتاريو
خلي نصلي العصر وتو نولي انشاء الله

[مصراته]

السلام عليكم
مبارك الدويره الجديده
رواد شفتى ...دمعه خفيف زى صاحبته...نبصر معاكم ههههههههه

[اشجان الحياة]

شن حالك مش معقولة ماشاء الله عليك نويشطة نتبع في اخبارك انت من وىن في ليبيا يلا كل وحدة تعرفنا علي نفسها فى ليبيا مثلا انى جبالية ولكن ساكنة في طرابلس
تجويد شن حالك على ماأضن انت مقيمة في الفلبين كيف الجو غادي في هلبة ليبين وحدة قصقاصة هههه
وين باقي البنات غطسوا

[مصراته]

بنات ...كيف حالكم جميعا؟؟؟
ام المندر...شنو اخبارك ..انى قاعده غير يوم الجمعه ديما مشغوله..وكنت عند ام ايه وصفيه
المهم نشوفكم

[الورد والياسمين]

مرحبتين ببنات بلادي تشرفت بمعرفتكم والله ماعندكمش فكره قداش فرحانه بيكم يارب يونسنا ببعض
وتوه بسلامه بنمشي اروح ببنتي الكبيره من المدرسه
صغار ي التانين عندهم نص يوم اليوم

[انهار الود]

بسم الله ماشاء الله
ياودى هيك الصح

مرحبتييييييييييييييييييييييييييييين مرحبتيييييييييييييييييييييييييييييييين
وآنستو كلكم
مش معقولة بارك الله فيك وخيتى
الله يعوضن خير جميعا

وبارك الله فيك عالدعاء
تماضر
الورد والياسمين
مصراتة
سوسو
تجويد
وصاحبة الدويرة روااااد شن حال يدك ولا مازال توجع فيك

هيا بالله خلونا نهدرزوا

[المنـ أم ــذر]

رواد باهي اللي خشيتي ..بالي واسع حق راه اسمعي احكيلي عليه ريجيمك

مصراتة كيف حالك ..وكيف حالها ام اية
تجويد قداش ما عجبني التجبير امتاعك ..وعلى فكرة يارواد عمري ماسمعت تجبير على بنية..

تماضر ..عرفتك ليبية لان لازم اللهجة تغلب ..وبعدين ماشاء الله عليك ردودك قنينة ..وانا ياحنة في سان كاثرينز لو تسمعي بنياجرا فولس جارتي هههههه

سوسو ..حسك فرحتيني انا نويشطة صار هذا من ذوقك ياحبيبة وانا طرابلسية

[اشجان الحياة]

أهلين بيك يارواد وشكرا على الاخبار ولاباس علي يسروسلمى عليها ادا راسلتيها والدار منورة بصحابها باه وين مقيمة
شن حالك يامصراته وكيف جوك في كندا
وينك ياجبالية نبي نعرف من وين انت من الجبل
وسلام لكل البنات

[تماضر اللافي]

اهلين سوسو اني طرابلسيه
مصراته كيف حالك اليوم انتي وين في كندا

[RAWAD]

الورد و الياسمين ..

انا ليبيه من طرابلس ومقيمه في كندا وام لاربعه صغار اعمارهم من السته عشر الى السته ربت بيت وطامعه في اصدقاء من بنات بلادي
اهلا و سهلا .. شرفتينا .. فى الهدرزه فيه هلبه من كمدا (ما شاء الله لا قوة الا بالله ).
و ما يحبوا يهدرزوا الا فى الليل ..
ردى باااااااااااااااااااااااااااااااااااااااااااا الك اديري زيهم..
خليك حنينه http://www.lakii.com/vb/images/icons/21.gif

نهووووووووووووره ..

رواد كيف حالك ياغالية وكيف اخبارك ان شاء اله طيبة وبخير

كيف حالك يا ضى العين ... لا ريات ان شاء الله خير .
تنشد عليك الصحه و الوقت الطيب يا غاليه .. شن حال الصغار ؟؟
ما عادش تغيبي .. شفتى جماعه كمدا و امريكا .. بيفورموا علينا هههههههههه.

تماضر....


كيف حالكم اليوم يا بنات
حتي اني يالورد والياسمين مقيمه في كنده وعندي تلات صغار ربي يحفضهم ويحفضلك صغيويرتك
كيف حالك يا رواد اليوم معليش امس معاش خشيت صغاري والحوش وابو العيال علي قوله اخواننا المصريين
خلي ندير دوره علي الحوش وتو نوليلكم
اهلا و سهلا يا غاليه .. أنستينا
منورة الهدرزة يا غاليه ..
قلتى من كندااااااااااااااااا؟؟؟؟؟؟ اوينه ما نوصيكش عااد
و تفضللى يا غاليه بيتك و مطرحك ( على قولة اخواننا المصريين هههههههههههه)

ارووووووي يا غاليه ...وين الطلات الحلوات
و الله ليك وحشه يا غاليه .

علي سلامتكم يا بنات ما شااااااااااااااااء الله

ان شاء الله ديمه مرسى يارواد وطهورا علي البنوته


الله يسلمك يا حبيبه .. ان شاء الله ما تشوفى سؤ .. و شن حال السنفور (شرشبيل)؟؟
ان شاء الله بخير
و الدويرة دويرة الكل .. و طلتك انت اللى احلى يا حلوة.. خلينا نشوفوك.


تجووووووووووووويد .. وينك يا حبيبه .. انى زعلانه منك http://www.lakii.com/vb/images/icons/icon11.gif...

]مبارك علينا الدويرة الجديدة ون شاء الله ديمة عامرة كيف

حالكم كلكم دون استثناء صحيتي يارواد انتي دائما سباقة للخير
[/QUOTE]

]الله يبارك فيك .. الله يسلمك تصورى بكري قعدت انراجى فيك .. انشوف فيك اون لاين .. قلت توا تخش .. مشيت شويه و ليت لقيت الموضوع تسكر ..قلت توا تفتح هي موضوع جديد .. شوي ما فتحتيش .. فتحت انى و خلاص (هى القصه بسيطه غير رواد تحب اتطولها و تكبرها .. معليش تحملوا ).
ام المنذر .. كيف حالك اليوم .. و حال الصغار .. ان شاء الله بخير ؟

انا فرحانة بيكم ..درنا قروب من كندا ..قبل قروب بريطانيا مغطي علينا
سبحان الله .. حتى هنى عنصريه .. الله المستعان q) (نبصر عليك هههههههه )

رواد ..دويرتك عاد تعالي وديري الشاهي
مش عارفة خيرها دموعة ماعادش طلت ...ان شاء الله خير

الطاسه الاوله من بكري فرقتها .. راجيتكم ما جيتوش ...هههههههhttp://www.lakii.com/vb/images/icons/icon12.gif

و الله حتى انى مشغوله على دمووووعه .. ان شاء الله خير ..
و حتى جورى مهناش باش نسألوها .. الله المستعان

مصراته ...اهلين يا غاليه

رواد شفتى ...دمعه خفيف زى صاحبته...نبصر معاكم ههههههههه
و الله صدقتى .. ما شاء الله عليها .. خفه فى خفه .(غير ما تطربقيش بس )

[المنـ أم ــذر]

تماضر...لقبك اللافي ؟؟بالك تعرفي عيلة اللافي من سوق الجمعة

[RAWAD]

ام المنذر ..
رواد باهي اللي خشيتي ..بالي واسع حق راه اسمعي احكيلي عليه ريجيمك


انى نعرف بالك واسع .و بالنسبه للرجيم .. انت اسالى و انى نجاوب .

[تماضر اللافي]

لالا ما تحشميناش عاد هدا اسم مستعااار
اني من سوق الجمعه لاكن لقبي مش اللافي
وانت منين

[RAWAD]

سوسو .. أهلين بيك يارواد وشكرا على الاخبار ولاباس علي يسروسلمى عليها ادا راسلتيها والدار منورة بصحابها باه وين مقيمة سلمك يا حبيبه .. يبلغ ان شاء الله .. بالنسبه ليا انى فى شافيلد .. انت منين من الجبل ؟؟؟؟؟؟؟؟؟؟؟؟؟

[RAWAD]

مش معقوووووووله
تماضر...لقبك اللافي ؟؟بالك تعرفي عيلة اللافي من سوق الجمعة
بدينا فى التقصقيص ؟؟؟؟؟؟؟؟؟؟؟؟؟؟(اهزر معاك )

[المنـ أم ــذر]

تماضر....ختى انا من سوق الجمعة وخلي الباقي على الخاص

رواد عاد الريجيم شن عارفة نبي نسال ...شنو برنامجك الغدائي ؟؟شنو تاكلي ...؟؟شنو ماتاكليش ...؟؟وشنو الرياضو امتاعك ..؟؟وقداش كيلوتفقدي كل اسبوع ؟؟

[اشجان الحياة]

مادام فيها عنصريه هيا ياجماعة بريطانيا نشطوا شوية ههههه راهوا الحكاية بصارة مافيناش حرج يارواد وانهار وين قاعدين في بريطانيا خيركم ماتبوش تقولوا سملاهي ولا توا ننضم لجماعة كندا وحدة تهدد ههههه

[رحاب الجنه]

بنات
كيف حالكم اليوم :)
ماشاء الله فيه بنات جدد
أهلين بكم في الهدرزة
شكلي بروحي الي من المغرب :[MM
يا عقول تعاااااااااااااااااااااااااااااااااالييييييييييييي ييييييييييي

[جباليه]

السلام عليكم ورحمه الله وبركاتهمبروك علينا الدوير الجديدوبارك الله فيك يارواد علي المها الحلواوكيف حالكم ياحلوينواهلاين وسهلاين بالامورين الجدداسامحني اني اليوم حاصل في عزومها من زوجي عازملي 5 رجلها حشاكم خسارها ولا مرها اني منقطعين هههههومصمما اني نطلع اليوم نايط من صبح نطيب في عشي ههههههههه وحد تبي تطلع تطلع هههههههه

[RAWAD]

تماضر....ختى انا من سوق الجمعة وخلي الباقي على الخاص

خلى الخاااااااص ينفعك ..(واحده غايررررررة موووووووت )

سوسو ..راجعى الردود قبل ما تهددى يا حبيبه ...و بعديم ما تنغريش بجماعه كندا .. اراهو مش ديما ناشطين .. النشاطه الحقانيه فى بريطانيا .. ما شاء الله لا قوى الا بالله (ما تزعلوش من الحق عاااااد...)




انبصروووووووووووووووووا

[تماضر اللافي]

خلاص متفاهمين يامش معقوله وتشرفت بيكhttp://www.lakii.com/vb/images/icons/16.gif
رواد فكرتيني باصديقه عزيزه عليا ايام المدرسه كان اسمها رواد
هيا حتي اني نبي رجيم علي خاطر ما نحكيلكمش كيف وليت بعد ما جبت http://www.lakii.com/vb/images/icons/icon10.gif

[تماضر اللافي]

سوسو ..راجعى الردود قبل ما تهددى يا حبيبه ...و بعديم ما تنغريش بجماعه كندا .. اراهو مش ديما ناشطين .. النشاطه الحقانيه فى بريطانيا .. ما شاء الله لا قوى الا بالله (ما تزعلوش من الحق عاااااد...)

والله عندك حق يا رواد

[المنـ أم ــذر]

خلى الخاااااااص ينفعك ..(واحده غايررررررة موووووووت

رواد والله مانستغوا ياغالية ..غير قلت بالك نلقى وحدة من جيراننا
تعرفوا بتي قيب تموت من العياط...سلامااااات

[اشجان الحياة]

رواد صار انت في شافلد عندي قريب زوجي غادى ومرة مرة نمشوا نديروا في زيارة اني جبالية من يفرن شنوا حتى انت جباليه
مش معقولة ايام الدراسة كانو عندي صاحباتى من سوق الجمعة وبالجودة للجميع ومعرفة خير:-D

[RAWAD]

بنات
كيف حالكم اليوم :)
ماشاء الله فيه بنات جدد
أهلين بكم في الهدرزة
شكلي بروحي الي من المغرب :[MM
يا عقول تعاااااااااااااااااااااااااااااااااالييييييييييييي ييييييييييي

رحووووووووووبه يا غاليه .. وينك
توا كنت نشوف فيك فى النافذة
انت نش بروحك يا حبيبه .. انى ديما معاك ههههههههههه
عقوله كانت هنى و طلعت .. بالك اتولى شوي تانى .. اقعدى هدرزى شويه .. ليا مده عليك يا غاليه .

[RAWAD]

رواد والله مانستغوا ياغالية ..غير قلت بالك نلقى وحدة من جيراننا
تعرفوا بتي قيب تموت من العياط...سلامااااات
يا حبيبه حت احنى ما نشتغنوش غير نتغلوا ..
و بالنسبه لبنتك حطيها فى حجرك و قعمزى ..(تعودنا على عياطها ههههههههههههه)

[جباليه]

ايو حني ماشاء الله طالعين هلب جباليه هههههههههههههههاني من يفرن وانتي من وين ههههههههههتعرفوا مدير الجهاو في الكوجين توا عندنا ساعه 9 لا ربع صبح كيف حاطيت مكرونه الباشميل في الكوشها وطلعت دجاج ولهي مع الجهاز ههههههههه

[تماضر اللافي]

سوسو انتي ساكنه في طرابلس كنتي
جباليه ربي يعاونك

[العقول النيرة]

انا جيييييييييييييييييييييييييييييييييييييت#R#R #R#R #R#R #R#R #R#R #R#R #R#R #R#R

رحوبة انت مش بروحك شن اخبارك من مبكري نستنى فيك تفتحي الماسنجر ما فتحتيش
يا بنات شن اخباركم
و اهلا وسهلا بخواتنا الجدد نورتو الدويرة
انا طبعا مش جديدة غير منقطة للظروف بس نعرفكم بروحي انا ليبية عمري 18 مش متزوجة و كنت مقيمة في المغرب بس توا انا في ليبيا نقرا في الجامعة (الفاتح ) اهلي قاعدين في المغرب

مصراتة اروى مش معقولة جبالية شن اخباركم ان شاء الله كويسين

[أروي]

السلام عليكم
يعطيكم الهني يا بنات ماشاء الله

تبارك الله عليكم هدرزات مزبوط

[أروي]

عقول كيف حالك شن اخبار العايله

باقي البنات مرحبتين بيكم

شمست صنت عنصريه ما عنصريه شن صاير

[انهار الود]

ههههههههههههههههههههههههههههههههههههه
ضحكتينى يارواد
خيرهم جماعة كمدا شورها جايتك عليهم
هي امالا مادامك بديتى اتفرقي في الشاهي خودو عدو طويستكم ياعويلة تفضلووو

http://img440.imageshack.us/img440/7804/dscf0270fo0.jpg

[العقول النيرة]

رحاب الجنة ما شاء الله في هلبا جبالية من يفرن زيك !!!!!!!!!!

[RAWAD]

جباليه .. كيف حالك ..
صار ادبستى فى عزومه اليوم
اسمعى .. مادامك فاضيه .. توا بعدين نكلمك با ش انهدرز عليك ههههههههههههههههههه

بالله قوليلنا شن بتطيبي ..

[العقول النيرة]

انهار الود ما شاء الله بارك الله فيك على الحلويات تهبل تعرفي باش تعطينا الوصفة اسمعوا يا عويلة ترا زيدونا سكر الشاهي جاني ناقص

[أروي]

ماشاء الله يانهوره شن هالحاجات الحلوه هذه

سلم ايديك

وين توسطي يارواد ؟؟؟؟؟؟؟؟؟؟؟؟؟ (*_^)

[اشجان الحياة]

تباهي يارواد سحبنا التهديد جبالية من وين من يفرن هههه شن رفعك يوخيتى لاخر الدنيا ربي يعينك لما نشوفها نيوزيلامدا على الخريطة نقول مابعدهم اللي ساكنين غادي في هلبة ليبين غادي توا عندنا الساعة 8مساء وانتم عندكم صباحا سبحان الله

[رحاب الجنه]

لاااااااااااااااااااااااااااااااااااااا
شبح شبح
عقول بسم الله الرحمن الرحيم
قلت يا عقول تعالي القيتك قدامي :[MM
سبحان الله
رغم اني منعدريش عليك فاتحه ههههههههههههههههه

[جباليه]

اني لا عنصريه ولا عمك نوم اني بروحي في قطع الرقبها

[تماضر اللافي]

صحيتي يا انهار شن ها الحاجات الحلوه

[انهار الود]

ضحكتينى يارحاب حتى انتى

باش تعرفي صاحبتك قلبها عليك وين ناديتها جاتك طوالي

[RAWAD]

نهورا .. ما شاء الله .. سلم ايدياتك .. يلا الطريقه ؟؟؟؟؟

اروي .. ريتى .. جماعه كمدا قالك بيفورموا علينا .. تصورى ...
يلا احنى بنجمعوا الاتحاد الاوروبى كله
و نشوفوا .. احنى و الا كمدا

جباليه .. خليك معانا خير .. اراهو نيوزيلاندا مستعمرة بريطانيه.. فكيك من التهدريز عقبات الليل ..هههههههههههههههه

[انهار الود]

تفضلي ياحبيبة انتى الحلوة

بارك الله فيك

[العقول النيرة]

رحوبة ستاحشتك هلبا شن اخبارك
ههههههههههههههههههههههههه و الله ضحكتيني هادي انا بشحمي و لحمي مش شبح هههههههههههههههههههه

[انهار الود]

رووودا
تسلمى ياغالية هذا من ذوقك
هادي السمسمية
تو نكتبلك طريقتها هي

[العقول النيرة]

شني بديرو الحرب العالمية التالتة غير قولونا ليبيا تابعة اما جبهة

[RAWAD]

لاااااااااااااااااااااااااااااااااااااا
شبح شبح
عقول بسم الله الرحمن الرحيم
قلت يا عقول تعالي القيتك قدامي :[MM
سبحان الله
رغم اني منعدريش عليك فاتحه ههههههههههههههههه

بسم الله الرحمن الرحيم .. هذا الشئ .. مغربي شوره هههههههههههههههههه

[بتلة ورد]

السلام عليكم
شن اخباركم يا بنات
تقبلوا حد مش ليبي يهذرز معاكم
اني نلطش شوي لكن ما نفهم كل الكلام الليبي

[العقول النيرة]

شن هو اللي مغربي يا رواد ؟؟؟؟؟ ما فهمتكش

[انهار الود]

هادى طريقة السمسية
او الجلجلانه
كوب جلجلان محمس
نص ملعقة صغيرة بيكانبودر
نص كوب سمن رخو مش مصقع ومش سخووون
نص كوب زيت
زوز كواشيك سكر ناعم
تلاتة ارباع كوب عطر
ومايعجنها دقيق وانا نستعمل في الازرق متع الكيكات
شكليها كيف ماتحبي
والحشو لوز مهروش وزبيب وشوية سكر وعطر عالحشو
وتنقش بالمنقشة وتتعسل
وتتزين بالفستق او جوززز الهند

[أروي]

اروي .. ريتى .. جماعه كمدا قالك بيفورموا علينا .. تصورى ...
يلا احنى بنجمعوا الاتحاد الاوروبى كله
و نشوفوا .. احنى و الا كمدا


من جماعه كمدا ااااااااااااه قصدك جماعه نكدا ههههههههه

لالالالالالالالالالالا يا بنات ماعندكمش حق والله

[جباليه]

نهورا .. ما شاء الله .. سلم ايدياتك .. يلا الطريقه ؟؟؟؟؟

اروي .. ريتى .. جماعه كمدا قالك بيفورموا علينا .. تصورى ...
يلا احنى بنجمعوا الاتحاد الاوروبى كله
و نشوفوا .. احنى و الا كمدا

جباليه .. خليك معانا خير .. اراهو نيوزيلاندا مستعمرة بريطانيه.. فكيك من التهدريز عقبات الليل ..هههههههههههههههه

ههههههههههههه طحكتيني يارواد والله عندك الحق نيوزيلند مستعمرتها بريطانيا واني توا معنديش ليلا ههههههههههه عندي صبح بكري ههههههههههههههه

[RAWAD]

ماشاء الله يانهوره شن هالحاجات الحلوه هذه

سلم ايديك

وين توسطي يارواد ؟؟؟؟؟؟؟؟؟؟؟؟؟ (*_^)
من عيونى يا اروى.. هيا تفضللى

[انهار الود]

بتلة ورد
مرحبتين بيك
وآنستى الهدرزة
من وين انتى
وكيف فهمتى لهجتنا كنتى في ليبيا ولا ؟؟
احكي لنا عليك

[انهار الود]

رواد كيف جو شيفلد
ايقولو مصقعة هلبا لانها جبلية
بالله كيف مدايرة انتى وعويلتك

[رحاب الجنه]

#54 (http://www.lakii.com/vb/showpost.php?p=2826289&postcount=54) http://www.lakii.com/vb/images/buttons/report.gif (http://www.lakii.com/vb/report.php?p=2826289)
http://www.lakii.com/vb/images/statusicon/post_old.gif اليوم, 05:41 AM
http://www.lakii.com/vb/image.php?u=28234&dateline=1163175778 (http://www.lakii.com/vb/member.php?u=28234)RAWAD (http://www.lakii.com/vb/member.php?u=28234) http://www.lakii.com/vb/images/statusicon/user_online.gif vbmenu_register("postmenu_2826289", true);
النجم الفضي
تاريخ التسجيل: Aug 2004
الموقع: اوروبا
الردود: 2,733
الجنس: زوجة و ام

تعقيب:
كتبت بواسطة رحاب الجنه
بنات
كيف حالكم اليوم :)
ماشاء الله فيه بنات جدد
أهلين بكم في الهدرزة
شكلي بروحي الي من المغرب :[MM
يا عقول تعاااااااااااااااااااااااااااااااااالييييييييييييي ييييييييييي


رحووووووووووبه يا غاليه .. وينك
توا كنت نشوف فيك فى النافذة
انت نش بروحك يا حبيبه .. انى ديما معاك ههههههههههه
عقوله كانت هنى و طلعت .. بالك اتولى شوي تانى .. اقعدى هدرزى شويه .. ليا مده عليك يا غاليه .
الله يسلمك حتى اني استحشتك هالية
قعدة اليلة هذه كلها هدرزة معاك
عقول رواد قصدها سحر ههههههههههههههههههه

[أروي]

من عيونى يا اروى.. هيا تفضللى

تسلملي عيونك من كل شر يا رواد زي ما تعرفي حني جماعه بريطانيااااااااااااااااااا

نعز بعضنا هلبه ولا شن رايك يا رورااااااااااااا

[RAWAD]

شن هو اللي مغربي يا رواد ؟؟؟؟؟ ما فهمتكش
قبل نعرفك تفهميها و هى طايرة:[MM

[انهار الود]

وينكم ياجماعة كندا ولا ماصارلكمش

[انهار الود]

رواد مافيش كيكة عالماشي ؟؟

[RAWAD]

تسلملي عيونك من كل شر يا رواد زي ما تعرفي حني جماعه بريطانيااااااااااااااااااا

نعز بعضنا هلبه ولا شن رايك يا روراااااااااااااطبعااااااااااااااااااااااااااااااا اااااا

[أروي]

وينكم ياجماعة كندا ولا ماصارلكمش

هربو يانهوره ما يقدرونااااااااش هههههههههههه

بصاره

[اشجان الحياة]

راهو وخيتكم منشربش في الشاهي ولا القهوة دبروا شن بالضيفوني وإلا نخش لكوجينة بروحي
يسلمو يديك يانهار على هالحلو وقولي انت وين في بريطانيامش راخياتك ههه

عقول ربي ينجحك فكرتينا باللي مضي شن جو الجامعة

[انهار الود]

ايه علاش لا ياسوسو

انا مقيمة في مدينة الظلام
والحزن حاشاك والاكتئاب





مانشستر

[RAWAD]

رواد مافيش كيكة عالماشي ؟؟
سامحينى اليوم ما فيش

[أروي]

هي سلامتكم يا بنات

مولا بيتي قاعد وغدوه يخدم من الصبح الي الليل

هي انشوفكم علي خير يا غاليات

السلام عليكم

[انهار الود]

وانتى وين


واروى وين في بريطانيا

عرفت ان رواد في شيفلد


وانتى ياسوسو
وكدلك اروى
وين مقيمات في بريطانيا

[رحاب الجنه]

بتلة ورد أهلا بيك
تفضلي البيت بيتك عرفينا بيك

[انهار الود]

انمشوها لك هالمرة معليشي
حتى بلا كيكة

قصدى ماعنكش طريقة كيكة تانية ساهلة
ومضمونة
وحدة ماتبيش تتعب

[RAWAD]

وينكم ياجماعة كندا ولا ماصارلكمش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[المنـ أم ــذر]

اهو جماعة كمدا هنا ...مش تقولوا ماعندهمش باش يقابلوا

عقول ورحوبة ..ايامات على اللمة الحلوة
ربي يعاونك ياعقول وشدي حيلك في الامتحانات ...شن جو البلاد

[انهار الود]

والله الباين زعلانات
مش معقولة
تماضر
الورد والياسمين
مصراتة تى وينكم اللطف

[انهار الود]

ايوة هكي يامش معقولة ياحبيبة خليك معانا
احنا ملتمات
واهو الجو ماشاء الله

الله يديم هالمحبة واللمة

[تماضر اللافي]

جماعه كندا حرجو http://www.lakii.com/vb/images/icons/15.gif

[تماضر اللافي]

غرنبصر

[انهار الود]

لاحرج ولا سو

والله مايجي بيناتنا
واحنا رانا وخيات في الغربة
وسعى بالك وهي تعالي



رواد زودى المراة حرجانة

[المنـ أم ــذر]

يابنات لمتك ماتنمل لكن ....عندنا عصر الجمعة احنا ...خلي الواحد يصلي العصر ووووونتلاقوا بعد المغرب للناس اللي تسهر
لكن قبل مانطلع بنتي عمرها تلات سنين وعندها امساك مزمن ..والله لين نطلع من بحداها لما تتوجع في الحمام حاشاكم ..ماتقولوليش شن انديرلها ..مش عارفة والله سحنتلي كبدي اليوم

[رحاب الجنه]

أنهار الود
سحتي على الحلويات والطريقة
انجربها ان شاء الله
بنات انخليكم توى سلامات
بوي يبي الكمبيوتر
واسمعوا خليكم ديما ملمومين زي لمت اليوم الحلوى
انشاء الله ديما هكي يارب :)

[انهار الود]

الله اعلم ايقولو النجاص كويس
شربيها العصير واعطيها تاكله اخضر
وابشري لها الطماطم الاخضر مع الاكل
وان شاء الله ماتشوف سو
صعب الامساك ربي يسهل عليها مسكينة

[RAWAD]

لالالالالالا
ما عندهم علاش يزعلوا .. احنى ديما اوخيات . و حبيبات ..

[انهار الود]

رحوووبة بارك الله فيك صحتين مسبقا
وتعالي طلي علينا مرة مرة
مش تغطسي

[تماضر اللافي]

انشالله لاباس عليها اعطيها اول ما تنوض طاسه ميه وكشيك عسل علي الخوا
واليوم كله اعطيها عصير برتقال وانشالله خير
طمنينا عليها

[RAWAD]

يابنات لمتك ماتنمل لكن ....عندنا عصر الجمعة احنا ...خلي الواحد يصلي العصر ووووونتلاقوا بعد المغرب للناس اللي تسهر
لكن قبل مانطلع بنتي عمرها تلات سنين وعندها امساك مزمن ..والله لين نطلع من بحداها لما تتوجع في الحمام حاشاكم ..ماتقولوليش شن انديرلها ..مش عارفة والله سحنتلي كبدي اليوم
شربيها عصير .. برتقال .. و خليها شويه .. و اعطيها عصير خاتر .. زي مانجا او انجاص او خوخ .ز
و سلامتها هنودة

[اشجان الحياة]

ضحكتيني يانهار ههههوالله عندك حق كنت في لندن لكن توا حتى انى في مانشستر مدينة الكائبة على قولتك أروي وين قاعدة يلا أعترفى
وينكم يجماعة كندا حتى زوجي كان يبي يدبسي في كندا لكن شديتله في الصحيح قلتله نبي نقرب من بلادى مش بتبعدني عليها

[RAWAD]

أنهار الود
سحتي على الحلويات والطريقة
انجربها ان شاء الله
بنات انخليكم توى سلامات
بوي يبي الكمبيوتر
واسمعوا خليكم ديما ملمومين زي لمت اليوم الحلوى
انشاء الله ديما هكي يارب :)

فى رعايه الله يا رحووووووبه
ما تغيبيش يا حبيبه .. مكانك ما يملاه حد يا غاليه

[تماضر اللافي]

حني ماناش زعلانين
ووخيات زي ما قلتي
وين الرجيممممممم

[تماضر اللافي]

صحه ليك يا سوسو

[RAWAD]

يابنات لمتك ماتنمل لكن ....عندنا عصر الجمعة احنا ...خلي الواحد يصلي العصر ووووونتلاقوا بعد المغرب للناس اللي تسهر
لكن قبل مانطلع بنتي عمرها تلات سنين وعندها امساك مزمن ..والله لين نطلع من بحداها لما تتوجع في الحمام حاشاكم ..ماتقولوليش شن انديرلها ..مش عارفة والله سحنتلي كبدي اليوم

ام المنذر .. ما تنسيش ساعه الاستجابه
و ما تنسيناش من دعواتك الصالحه يا غاليه

[RAWAD]

حني ماناش زعلانين
ووخيات زي ما قلتي
وين الرجيممممممم
و ان شاء الله ديما اوخيات
بالنسبه للرجيم خلى انجيبلك الرابط و نرجع باهى ...

[انهار الود]

ايه والله حق
قولي لنا عالريجيم يارواد
خلي نستفيدو وانقصو يكبدى من هالشحم
والله ماعاد ننعرف ماشية ولا جاية
استويت

[RAWAD]

مصراتـــــــــــــــــــــــــــــــه ... تجـــــــــــــــــــــــــــــــــــــويد
وينكــــــــــــــــــــــــــــــــــــــــــــــ ـــــــــــــــــــــم؟؟؟؟؟؟؟؟؟؟؟؟؟؟؟

[تماضر اللافي]

هههههههه ضحكتيني يا انهار
جزاك الله خير يا رواد

[انهار الود]

والله يابنات
قبل الزواج كان جسمى سمباتيك زي مايقولو
وبعد الزواج ياسبحان الله
اكتر من عشرة كيلو زدت والحمدلله
تو نجرب بالريجيم هدا وان شاء الله كــــــــــــــان قدرته انقوللكم عالنتيجة

[RAWAD]

ايه والله حق
قولي لنا عالريجيم يارواد
خلي نستفيدو وانقصو يكبدى من هالشحم
والله ماعاد ننعرف ماشية ولا جاية
استويت
هههههههههههههههه ضحكتينى .. اضحك الله سنك
لالالالالالالالالالالالا
كان الحال هكى .. معناه بنستعجل حق ..:[]L

[اشجان الحياة]

لابأس علي بنيتك مش معقول جربي كاشيك زيت زيتون على الخوا يقولو باهي
جبالية راك درتيلهم فتاة وفكيتى روحك من الرقايق الرجالة يحبوا الماكلة الغليظة ههههه
تماضر حتى انت وين في مقيمة

[انهار الود]

ايييح وانتى مازال مادورتيش
تى هيا بارك الله فيك جيبي الرابط بالله

[تماضر اللافي]

كانك زدتي عشره اني زدت 18

[انهار الود]

ايه بالله على سيرة الفتات
قولونا بالله كيف
انا في مراة صاحبتنا راجلها من الزنتان
جابتلي منه مرة شوية تحشمت نسالها عليه بصراحة

بالله اتقولونا كيف

[انهار الود]

ههههههههههههههههههههههههههه

ماشاء الله عليك ياتماضر
وربي يعطيك الصحة
تعرفي وقت روحت ليبيا
خوتى لما يشوفولى ينفخو فمهم قبل
مقارنة بلما كنت بنت عاد
والله استغربو فيا هلبااااااااااا

[تماضر اللافي]

بالله يا بنات قولولي علي حاجه للحراره ولدي ليه تلات ايام تنزل شويه وتولي40مانحكيلكمش
شن صاير فيا الشكوي لله

[انهار الود]

قداش عمره وليدك ؟؟

ديرله كمدات الخل
ولا لبسيه شخاشير مغطستيهم في الخل
وان شاء الله ماعنيده سو

[تماضر اللافي]

تعرفي يا انها ر هدا كله من حلويات جباليه وجوري

[تماضر اللافي]

عمره تلات سنين ونص

[انهار الود]

هههههههههههههههههه

قصدك سمنتى من الحلويات
والله النية مفتوحة وزيدك يازايد
مافيش هاديكة الحركة في الغربة
لا في جنانات ولا في وسع
عالجاف ينكنس الحوش
وعالجاف نصوبنو يعنى مافيش حركة بكل هدا شن يزيدنا سمن

[العقول النيرة]

لاباس علي ولدك يا تماضر
لاباس على بنتك يا مش معقولة

رواد سامحيني راهو القراية اترت عليا معاش نلقط بسرعة ههههههههههههههههههههههههه

[انهار الود]

ربي يحفظه بالك غر يكمل في الضروس يقولو صعبين شوية
انتى ردي بالك عليه من التيار
وجربي الكمدات متع الخل
واعطيه كالبول والاحسن تمشي لدكتورته اطمنك عليه

[اشجان الحياة]

ههههههها عاد انتى تبي ديري رجيم ولا تبي ديرى الفتات هههه صار توا كان شفت وحدة سمينة هلبة في الطريق نقول هده هيا أنهار هههه نبصر حتى وخيتك زايدة في الوزن هدا كله من الكساد ورادين غيضنا في الماكلةىهمهم هم
رحموا على اللى فكرتكم في الرجيم هههههه

[انهار الود]

عقول
اسأل الله لك النجاح والتوفيق في كل امورك

[RAWAD]

اهووو الرجيم
طبعا هذا الموضوع رقم 2 .. و تابعوا حتلقوا رابط بالموضوع الاول ..
حمله رجيم السعرات الحراريه (http://www.lakii.com/vb/showthread.php?t=137329&page=96&highlight=%C7%E1%DA%C7%E1%E3)

[انهار الود]

تعرفي ياسوسو
والله ماعندى روح مع الماكلة بصراحة
واي حاجة مانعرفش انديرها نحب نجربها ونتذوقها من تحت ايدي
تو غر نجرب الفتات وبعدين نبدو الريجيم الحي

[RAWAD]

رواد سامحيني راهو القراية اترت عليا معاش نلقط بسرعة هههههههههههههههههههههههههاهم شئ القرايه .. و التانى كله معليش هههههههههههههههههه

[RAWAD]

نهوره .. شنو وضعك انت توا ؟؟ ترضعى و الا حاجه ؟
لانه فيه رجيم يناسب المرضعات

[تماضر اللافي]

اليوم بوه رفعه للمستشفي وقالوله كان استمرت لايوم التنين رده ولازم انديرو فحوصات
وربي يستر

[RAWAD]

انهار .. فيه الفتات مدارياته جورى .. معادش نتذكر وين .. فى الهدرزة و الا فى ركن الاطباق
خلاص الذاكرة انضربت رسمى

[العقول النيرة]

انهار الود بارك الله فيك على الدعوة الحلوة
رواد و الله ان شاء الله يصير خير لاني مدايرة اللي عليا و الباقي على ربي

[تماضر اللافي]

اني انرضع يا رواد
ربي يحفضك يا عقول وينجحك

[العقول النيرة]

يا عويلة تي خيركم تدوو على الماكلة و الريجيم في نفس الوقت ؟

[انهار الود]

انا حامل في السابع
مافيش ريجيم للحوامل وحدة ماخاطرهاش
بالله اتقوليلي في حاجات مافهمتهاش ع غ ف رغيف سن
بالك انتى عندك خلفية

[اشجان الحياة]

بعيد السو على وليدك ىاتماضر وعاد شنى تراجي ارفعيه للدكتور

[RAWAD]

اليوم بوه رفعه للمستشفي وقالوله كان استمرت لايوم التنين رده ولازم انديرو فحوصات
وربي يسترتماضر .. بصراحه انقولك .. سامحينى .. غلط انك تخليه يوصل للاربعين لمده اربع ايام و مخليتيه .
لازم ترفعيه للنستشفى يشوفوه كويس.. و انت فتشيه بالك اودانه .... و الا اللوزتين .
تحسسى راسه باهى .. و مسى بطمه .. شوفى وين فيه وجع .. اراهو مرات حتى الدكتور يبي من يساعده .

[العقول النيرة]

بارك الله فيك يا تماضر

[انهار الود]

والله ياعقول الا عندك الحق
نبو الريجيم ونسال عالفتات
خلاص هالغربة معاش خلتنا نركزو
لكن انا نقولك
نجرب الفتات وبعدين اندير الريجيم


شن رايك فكرة ولا ؟؟

[العقول النيرة]

تماضر ما تسكتيش عليه و ربي يشفيه
انهار الود ربي ينوضك على خير

[RAWAD]

انا حامل في السابع
مافيش ريجيم للحوامل وحدة ماخاطرهاش
بالله اتقوليلي في حاجات مافهمتهاش ع غ ف رغيف سن
بالك انتى عندك خلفية


طبعا عندى خلفيه ههههههههههههههههههههه
اولا انت حامل (ربي يقومك بالسلامه ).. ما ننصحكش بالرجيم .. بس قللى من السكر و الدهون بس
تانيا : بالنسبه للطلاسم اللى لقيتيها ههههههههه
ف: فطور
غ : غداء
ع : عشاء
رغيف سن : خبزة شعير
نتكلم لغات هههههههههههههههههههه

[تماضر اللافي]

والله اولامس رفعته اني للعياده جنبي وقالتلي الدكتوره ودنه فيها التهاب وعطتني مخفض لاكن لليوم ما نزلتش مشي رفعه بوهوهدا اللي صار
وراهو بوه دكتور

[العقول النيرة]

و االله انا رايي اهم حاجة لما الواحد يدير ريجيم يداوم عليه و يتمسك بقوانينه و ميكون الريجيم صحي مش الواحد يجوع روحه على قلة فايدة اهم حاجة الاكل الصحي و الحركة ( الحركة بركة )

[انهار الود]

ههههههههههههههههههههههههههههههه
هههههههههههههههههههههههههه
والله ضحكتينى

خلاص تو ان شاء الله بعد الفتات والجياب انجربه باذن الله
الحق الحامل اتجوع هلبا ولا غر انى ؟؟

[انهار الود]

ان شاء الله خير ياتماضر
ومات&