هذرزة ليبيه ... بالود و الخير [الأرشيف] - صفحة 2

تجويد

13-01-2007, 08:08 PM

كيف حالك يامش معقولة انتي ورواد ردوا بالكم غدوى تخشوا تهدرزوا ماتندروش علي الكبسات لحم الرالان س كاتر ههههههه .

RAWAD

13-01-2007, 08:10 PM

يابنات شفتوا هالخبر

http://www.lakii.com/vb/showthread.php?t=258039 (http://www.lakii.com/vb/showthread.php?t=258039)
تجويد .. انى نزلت موضوع بنفس الشئ فى الحوار العام .. لكم الباين حذفوه .
بصراحه عندهم حق .. انى كنت نبي نعلق عليه .. لان فيه جهات تسرب فى مثل هالاخبار باش يشوفوا ردة فعل المسلمين .. و بعد ما شافوا الامور هدئت على الموضوع يبوا يثيروه تانى
الجهات طبعا نصارانيه و يهوديه .ز
كله باش يلهبوا مشاعر المسلمين و يسخروا منهم ..
و الا كيف الدنمارك تتكتم على الخبر .. علاش ؟؟؟

RAWAD

13-01-2007, 08:11 PM

كيف حالك يامش معقولة انتي ورواد ردوا بالكم غدوى تخشوا تهدرزوا ماتندروش علي الكبساتلحم الرالان س كاتر ههههههه .
نعليش اوخيتك فهمها تقيل شويه .. ممكن تفسريلى اللى تحته خط ( تفسير مش اعراب )

تجويد

13-01-2007, 08:13 PM

سامحيني كيف حال بنيتك اليو م ان شاء الله احسن بنقولك الامساك عندها ديما ولا مره مره كان ديما خودي الكرموس اليابس وأغسليه وحطيه في فازو وصبي عليه زيت زيتون وخليه من الليل للصبح وبعدين اعطيها تأكل علي قد ما تقدر 2 او3 توا تشوفيها تتحسن والصغار يحبوه لانه حلو .

تجويد

13-01-2007, 08:18 PM

.. ممكن تفسريلى اللى تحته خط ( تفسير مش اعراب )نعليش اوخيتك فهمها تقيل شويه

هدا بالفلبيني مش حاتفهميه لكن انقولك وامري لله قلتلك ردول بالكم من الكبسات الي بالحم الراس وهده ياحنة زي نعليش بالانجليزي يعني ماعليش هههههههههههههههههههههههه.

تجويد

13-01-2007, 08:28 PM

هيا سلامات وتصبحوا على خير وسامحيني يارواد انبصر عليك الدنيا فيها كل شي ياعالم نتلاقوا غدوة ولا لا .

الورد والياسمين

13-01-2007, 08:30 PM

اهلين رواد باهي علكيف قولي ياسمين
اني نبي نطلب طلب منك علي حسب ما فهمت انتي جباليه نبي طريقة الهريسه الجباليه الدي فيها البصل والطماطم الجاف لو سمحتي

RAWAD

13-01-2007, 08:33 PM

هيا سلامات وتصبحوا على خير وسامحيني يارواد انبصر عليك الدنيا فيها كل شي ياعالم نتلاقوا غدوة ولا لا .
فى رعايه الله يا حبيبه
لا يا غاليه ..ما بينا الا السماح ان شاء الله ..

RAWAD

13-01-2007, 08:38 PM

اهلين رواد باهي علكيف قولي ياسمين
اني نبي نطلب طلب منك علي حسب ما فهمت انتي جباليه نبي طريقة الهريسه الجباليه الدي فيها البصل والطماطم الجاف لو سمحتي

ياسمين .. قصدك اللوسه الجباليه
يا للة عينى تلقيها بالتفصيل الممل فى اول موضوع درناه عالهذرزة .
توا اندورلك الرابط و خشى و شوفى اللوسه .. و شوفى الجو امتعنا العام اللى فات ههههههههههه

http://www.lakii.com/vb/showthread.php?t=156407&page=303&highlight=%E5%D0%D1%D2%E5

الورد والياسمين

13-01-2007, 09:03 PM

بارك الله فيك والله خاطري فيها علي الاخر

جباليه

13-01-2007, 09:32 PM

السلام عليكم ورحمه الله وبركاتهوصباح الخير باحلوينسامحيني امس ياام ايوب وياام المندر صارتلي عملها مهي عمله تعرفي اني نكتب ونرد عليكم بنتي فتحت الباب صالها واني خفت رجالها يشوفوني عمتك جباليه مستعجلها لويت رجلي وشوفي روحك كعد نعيط علي طول حسي زوجي جاني قالي لطف خيرك توا كان مافيك شي ههههههههههه ولله بصدف رجلها كيف طلعوا وسهرت امس كلها في المستشفي وفي الاخير قالوا مافيها شي وتره في رجلها طربق وخلاص لفيها ورحها ومسكن وخلاص وكيف حالكم يااهل الدويره ماشاء الله عليكم ملتمين ربي يحفكم من العين

جباليه

13-01-2007, 09:35 PM

ياام المندر الصوره ماشاء الله عليهم والله حماتي شافتهم قريب تهبل عليهم و ربي يطعمن ان شاء الله نشوفهم في الجنه

جباليه

13-01-2007, 09:36 PM

تماضر ان شاء الله لباس علي وليدك

RAWAD

13-01-2007, 09:37 PM

السلام عليكم ورحمه الله وبركاتهوصباح الخير باحلوينسامحيني امس ياام ايوب وياام المندر صارتلي عملها مهي عمله تعرفي اني نكتب ونرد عليكم بنتي فتحت الباب صالها واني خفت رجالها يشوفوني عمتك جباليه مستعجلها لويت رجلي وشوفي روحك كعد نعيط علي طول حسي زوجي جاني قالي لطف خيرك توا كان مافيك شي ههههههههههه ولله بصدف رجلها كيف طلعوا وسهرت امس كلها في المستشفي وفي الاخير قالوا مافيها شي وتره في رجلها طربق وخلاص لفيها ورحها ومسكن وخلاص وكيف حالكم يااهل الدويره ماشاء الله عليكم ملتمين ربي يحفكم من العين الله المستعان ..ان شاء لاباس يا غاليه

جباليه

13-01-2007, 09:37 PM

وينكم شني مافي حدا لطفيارواد اني نشبح فيك اون لين هي اطلعي خيرلك خير مانطلعلك ههههههههه

RAWAD

13-01-2007, 09:39 PM

كيف حالك اليوم ..ان شاء احسن اليوم

RAWAD

13-01-2007, 09:40 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

RAWAD

13-01-2007, 09:43 PM

وينكم شني مافي حدا لطفيارواد اني نشبح فيك اون لين هي اطلعي خيرلك خير مانطلعلك ههههههههه

هههههههههههههههه شبيك لبيك ..رواد بين يديك

جباليه

13-01-2007, 09:47 PM

هههههههههههههههه شبيك لبيك ..رواد بين يديك

سلمها ياربي بهي امس والله مرقدت منها لي الفجر ولت الحمد اللها

تماضر اللافي

13-01-2007, 09:48 PM

السلام عليكم يا بنات اليوم كيف حالكم كلكم ولاباس عليك يا جباليه

جباليه

13-01-2007, 09:49 PM

تعرفي والله كان زوجي ينوض يوليلي يقولي امس كلها ساهر وتوا من صبح علي جهاز هههههههه وشوفي روجك عاد

تماضر اللافي

13-01-2007, 09:54 PM

السلاااممممممم عليكم

المنـ أم ــذر

13-01-2007, 10:00 PM

كيف حالكم يا حبيبات توا
جبالية الف الف لاباس عليك ..ان شاء مش في الرجل الموجوعة من قبل
تماضر كيف حال وليدك اليوم
رواد سلمها الدويرة منورة بيك اليوم لكن انا مشغولة للاسف
وبارك الله فيكم كلكم اللي سالتوا على بنتي واعطيتو الوصفات مشكلتي معاها انه امساك على طول وهي مش من النوع اللي تحب الفاكهة هلبة حشيشتها خبززززززززززة

المنـ أم ــذر

13-01-2007, 10:02 PM

يابنات ..المشرفات تعبوا من تسكير الموضوع ..هههههه شورنا غلبناهم

تماضر اللافي

13-01-2007, 10:04 PM

كيف حالك اليوم يا معقوله وحال بنيتك
قلتي ولدي قولي صغاري التلاته حرارتهم فوق 39 الحمدلله عدد خلقه ورضاء نفسه ومدام كلماته وزنه عرشه

تماضر اللافي

13-01-2007, 10:07 PM

بالله ادعولي يا بنات ربي يشفيهم
دعاء المؤمن لاخيه المؤمن بضهر الغيب مجابه بادن الله

جباليه

13-01-2007, 10:08 PM

يبنات شوفي عشي امسها مدير الكلها رئسيه مكرونه باشميل ودجاج ملفوف بلجز والفقعها وفلفل محش بالمفروم وكرمب محشي ودجاج في الكوشها وكلونيبس صورها مش الاطباق رائسيه هههههههههه بعد ماكملوا الماكلها سويتها في صواني تاني وصورتها ههههههههههههه نسيت من الاوا نصورها ههههههه وبعدها لتوت رجلي هههههههههه

هادي عزومتي ليكم في الحوش جديد مش تقولوا سكتت عليها جباليه هههههههههه

http://www.up07.com/upload-3/wh_73260959.JPG

http://www.up07.com/upload-3/wh_86404152.JPG

http://www.up07.com/upload-3/wh_21882426.JPG

http://www.up07.com/upload-3/wh_55695390.JPG

http://www.up07.com/upload-3/wh_64185614.JPG

وهاد الشاهي الاخضر

http://www.up07.com/upload-3/wh_27367093.JPG

المنـ أم ــذر

13-01-2007, 10:09 PM

يارب يشفي وليداتك ياحبيبة ...شن صار الفعو ..
وكيف حالهم توا
اسال الله العظيم رب العرش العظيم ان يشفيهم

جباليه

13-01-2007, 10:13 PM

كيف حالكم يا حبيبات توا
جبالية الف الف لاباس عليك ..ان شاء مش في الرجل الموجوعة من قبل
تماضر كيف حال وليدك اليوم
رواد سلمها الدويرة منورة بيك اليوم لكن انا مشغولة للاسف
وبارك الله فيكم كلكم اللي سالتوا على بنتي واعطيتو الوصفات مشكلتي معاها انه امساك على طول وهي مش من النوع اللي تحب الفاكهة هلبة حشيشتها خبززززززززززة

كيف حالك ياام المندر والله في رجل لي توجعها تعرفي ولت زي المخدها ههههههههههههه ومنهنيش روحي ههههههههه تعرفي نايض صبح نوضها في زوجي قولتلها جوي يهبل هي نطلعوا تعرفي شافلي من فوق لي تحت قالي شني نسيتي سهر امس ولا انتي متحسيشها هههههههه بلهي جوهم يجي مرات حلوا حتي كان مرضا نطلعوا نقوموا شويه علي خاطر صغيويرها ولها كلامي صح ولا غلط ههههههه

المنـ أم ــذر

13-01-2007, 10:17 PM

كيف حالك ياام المندر والله في رجل لي توجعها تعرفي ولت زي المخدها ههههههههههههه ومنهنيش روحي ههههههههه تعرفي نايض صبح نوضها في زوجي قولتلها جوي يهبل هي نطلعوا تعرفي شافلي من فوق لي تحت قالي شني نسيتي سهر امس ولا انتي متحسيشها هههههههه بلهي جوهم يجي مرات حلوا حتي كان مرضا نطلعوا نقوموا شويه علي خاطر صغيويرها ولها كلامي صح ولا غلط ههههههه http://www.lakii.com/vb/images/signline.gif

ههههههههههههههههههههههههه
ضحكتيني ياجبالية ريحي روحك شوية ...عنده حق زوجك

جباليه

13-01-2007, 10:22 PM

بالله ادعولي يا بنات ربي يشفيهم
دعاء المؤمن لاخيه المؤمن بضهر الغيب مجابه بادن الله

ربي يشفهوالك ياتماضر

تماضر اللافي

13-01-2007, 10:31 PM

الله يبارك فيكم يا بنات
حسك جوعتيني يا جباليه واني مدايره رجيم

اشجان الحياة

13-01-2007, 10:46 PM

السلام عليكم ورحمة الله وبركاته
شن حالكم ياعويلة
لاباس علي صغارك ياتماضر
معقولة شن حال بنتك
ياجبالية ديري بالك علي رجلك ويسلمو يديك نبوا الطريقة عاد شكل الكيكة مغري هادي متع الكريم كراميل ولا طريقة أخرى
اشئ اجو شورا ديما عدكم حلو حني يغم القلب حشاكم
رواد كيفك وكيف جو شافيلد طلعتي حتي انت جبالية من وين
أنهار ربي يعاونك
ياسمين شن حالك وجو كندا معاك
باقي العيلة وينكم
مصراتة اروي رحاب عقول اليوم مكسدين

جباليه

13-01-2007, 10:50 PM

الله يبارك فيكم يا بنات
حسك جوعتيني يا جباليه واني مدايره رجيم

ههههههههههههههه هي تعالي والله التلاجه معبي من امس حشاك شكلي اني طيبت هلب قولت لي زوجي خيركم مكليوتش قالي كلين اني لي مكتر ا قولت اليوم مش مطيب ههههههههه والله حطيت منها في الفريز هههههههه نصيحه مني خطي علي رجيم ههههههههه
ومعندناش فيها جميله ربي ينوضهم

لك علي خير ردبالك الحراره تخوف اني بنتي مافيها شي قريب ماتت علي يديا ويدين بوها وهو دكتور معاد عرف شني يديرلها طلبلها الاسعاف وخلاص كعد يفرفش وتعرفي بنتي مش سخونها كانت بس حراره دخيلهها خلتها ترعش وحشاك عيون نقلبوا

تماضر اللافي

13-01-2007, 10:58 PM

لا يوريك باس يا سوسو
جباليه قداش قعدت يوم حراره بنتك

تماضر اللافي

13-01-2007, 11:00 PM

وانشالله لاباس عليها

تماضر اللافي

13-01-2007, 11:01 PM

صحيتي علي العزومه اني جايه في اول طياره يا جباليه

جباليه

13-01-2007, 11:10 PM

السلام عليكم ورحمة الله وبركاته
شن حالكم ياعويلة
لاباس علي صغارك ياتماضر
معقولة شن حال بنتك
ياجبالية ديري بالك علي رجلك ويسلمو يديك نبوا الطريقة عاد شكل الكيكة مغري هادي متع الكريم كراميل ولا طريقة أخرى
اشئ اجو شورا ديما عدكم حلو حني يغم القلب حشاكم
رواد كيفك وكيف جو شافيلد طلعتي حتي انت جبالية من وين
أنهار ربي يعاونك
ياسمين شن حالك وجو كندا معاك
باقي العيلة وينكم
مصراتة اروي رحاب عقول اليوم مكسدين

الله يخليك اليوم حالي بهي الحمد الله
والله الكيك واتيها من سوق بخلت ندير حاجها
ايه والله عندنا صيف توا ودنيا تغلي

جباليه

13-01-2007, 11:18 PM

صحيتي علي العزومه اني جايه في اول طياره يا جباليه

تعالي مرحبتين بيك

جباليه

13-01-2007, 11:24 PM

لا يوريك باس يا سوسو
جباليه قداش قعدت يوم حراره بنتك

بنتي اني منعرفش عندها حرارها لن صارلها رعشها والرغويه من فمها وهي مش سخونها لن مشينا لي مستشفي لقو حرارتها 39 تعرفي يناري بهدلوها درولها صوره علي صدرها وتحليل ودنيا كعدت بيها ليلا كامل في المستشفي وتاني يوم الحمد الله بس دكتور قالي كل يوم قيسي الحرارا مرات مش بري دخليه تكون والحمد الله ربي نوضها علي خير

تماضر اللافي

13-01-2007, 11:33 PM

الحمدلله
اني بنتي توا حرارتها 39 تبكي واهو انزل فيها

تماضر اللافي

14-01-2007, 12:45 AM

سامحوني نكدت عليكم