ياريت تساعدوني يا بنات

[بنوته حزينه]

هاي بنوتات انا جديدة هنا معاكم وداخلة الموقع مخصوص لاني فعلا تعبانة نفسيا فوق ماتتخيلوا
انا عندي 21 سنة ومصرية ومشكلتي اني مدمرة نفسيا بسبب شكلي
احس اني مش حلوة نهااااااااائيا
انا طويلة جدا 176 سم ووزني وصل 94 كجم
شكلي مش تخين اوي لاني طويلة بس مليانة وطبعا مش عارفة انسق لبسي ولا عارفة البس كعب عالي لاني طويلة ومعظم الجيبات بتبقى محتاجة كعب عالي
وانا بضطر دايما اكون بالجينز والكوتشيات الارضي والبالطو او بالتونيك لاني بلبس طويل
وانا محجبة وحجابي كمان مسببلي مشكلة لاني بحس ان الربطات الجديدة<السبانيش>مش بتليق عليا وبحس انها تكبر وشي اكتر
والله يابنات مدمرة نفسيا وحاسة اني وحشة جادجادجدا
مع ان ملامحي جميلة وكتير بيقولوا عليا حلوة لكن بسبب جسمي حاسة اني اقرب للولد من البنت
مش عارفة اعمل اية لدرجة اني بقيت شايفة ان كل حاجة فيا وحشة وبقيت حاسة ان كل الناس بتتريق عليا
عايزة البس وانوع في هدومي واغير من نفسي بس مش عارفة خالص
انا هديلكم مواصفاتي وارجووووووووووكم ساعدوني في ستايل ممكن يكون حلو معايا






معلشي انا طولت عليكم بس ياريت تساعدوني





عدل بواسطة Lojain
يمنع عرض تفاصيل جس المراة ..
تم حذف المواصفات حفاظا على كرامتك اختي الحبيبة

[bosy_md]

عزيزتى البنوتة الحزينة
ليه بس حزينة كده ؟ صدقينى لو على الطول ففيه بنات كتير جدا يتمنوا الطول ده
و يا ستى لو مش عارفه تلبسى الكعب العالى بصى للموضات الى من غير كعب عال ( و صدقينى ده اريح و اصح للجسم )
واضح من لهجتك انك مصرية .. شوفتى موضة البوتات الى من غير كعب ؟ تجنن
كمان فيه اشكال من اللبس الى بيها ممكن تقللى من طولك.. و اكيد البنات هنا هيساعدوكى فى ده و انا كمان هحاول ادور و اقولك
لو على لفات الطرح انا كمان وشى مطاول و مش بعرف اعمل السبانيش
بس بقيت بختار احدث انواع و موديلات من الطرح و بلعب فى الوانها و بكون مبسوطة
كمان ليه تخسى ؟؟ بالعكس جسمك ده نعمه لان التخن بيخليه احلى .. مادام فى الحدود المعقولة و مش اوفر


و بعدين يا ستى حد يزعل ان جسمه زى حنان مطاوع ... دى جسمها تحفة و امورة خالص

حبيبتى الجمال جمال الروح و الاخلاق مش جمال الجسم .. و لو ان مواصفاتك بتقول انك موديل
اوعى تزعلى تانى
و بس دورى على نظام لبس يساعدك على اخفاء عيوب جسمك و ان شاء الله هتكونى على طول مبسوطة

[بنوته حزينه]

ميرسي يا حبيبتي على سرعة ردك وجمالة وربنا يخليكي ليا
انا مصرية ايوة وبصراحة الموضوع دة عاملي أزمة فعلا لان لبسي وشكلي بقى وااااااااحد ومافيش تجديد ابدا
ميرسي جدا يا بوسي على ردك العسول واتمنى ان الاخوات يساعدوني

[بنوته حزينه]

ميرسي يا حبيبتي على سرعة ردك وجمالة وربنا يخليكي ليا
انا مصرية ايوة وبصراحة الموضوع دة عاملي أزمة فعلا لان لبسي وشكلي بقى وااااااااحد ومافيش تجديد ابدا
ميرسي جدا يا بوسي على ردك العسول واتمنى ان الاخوات يساعدوني

[بنوته حزينه]

عدل بواسطة Lojain
يمنع عرض تفاصيل جس المراة ..
تم حذف المواصفات حفاظا على كرامتك اختي الحبيبة

ماعتقدش اني وصفت او قلت الفاظ خارجة
عموما كنت اتمنى انك تردي وتساعديني مش تحسسيني اني هنت نفسي لما جيت على منتداكم
عموما شكرا على حفاظك على كرامتي

[بنوته حزينه]

وعلى فكرة انتي ماحذفتيش وصف جسمي بس مع انة وصف عادي واستخدمت نفس الكلام اللي مالي المنتدى
انتي حذفتي ملامح وشي وكل حاجة
يعني الموضوع مالوش لازمة لان ماحدش هيفهم حاجة من اللي قولتة
ياريت تحذفية احسن
وشكرا

[bosy_md]

ميرسي يا حبيبتي على سرعة ردك وجمالة وربنا يخليكي ليا
انا مصرية ايوة وبصراحة الموضوع دة عاملي أزمة فعلا لان لبسي وشكلي بقى وااااااااحد ومافيش تجديد ابدا
ميرسي جدا يا بوسي على ردك العسول واتمنى ان الاخوات يساعدوني



عزيزتى بنوتة
انا كمان مصرية
و للاسف عارفه الموديلات الجديدة عامله ازاى و الموضات هنا شكلها ايه
ان شاء الله هتلاقى هنا مساعدات كتير من الاخوات و ان شاء الله نلاقى سوا حلول نخفى بيها عيوب الجسم بالملابس
و الشكر لله يا حبيبتى

[بنوته حزينه]

شكرا بوسي يا عسل
بس واضح ان مش مرحب بيا هنا ومش عارفة كلامي كان فية اية يزعل الاشراف علشان يحذفة او فية اية يقلل من كرامتي اللي بتقول عليها
انا كرامتي محفوظة اختيLojain
ووصفي للشكل العام لجسمي ماكنش فية اهانة ليا
بس اللي عملتية هو اللي حسسني بالاهانة لدخولي هنا
شكرا بوسي وربنا يخليكي ويكرمك على زوقك واحترامك ليا

[bosy_md]

عزيزتى بنوتة
واضح بس انك متضايقة شويتين
بصى يا حبيبتى كل الموضوع ان من قوانين المنتدى ان ممنوع وصف الجسم و ده حفاظا على خصوصية العضوات لان ممكن اى رجل يدخل و يشوف الكلام ده و ساعتها هيبقى احراج ليكى
صدقينى انا شفت حاجات كتير هنا على المنتدى تم حذفها
و الاخت Lojain ما تقصدش تجرحك و لا تهينك
هى بس خايفة عليكى
و صدقينى كلنا هنا هنساعدك لاننا كلنا اخوات و بنساعد بعض
ما تزعليش يا قمر

[Lojain]

اهلا و سهلا بك اختي بنوتة حزينة
و ان كنت قد حزنت لاختيارك لهذا الاسم
اختي الحبيبة لابد ان تعلمي ان الكمال لله وحده و لا توجد امراة او شخص في هذه الدنيا مكتمل الجمال و الطباع و كل الصفات
لابد من وجود نقص او عيب ما..
لهذا لابد ان تهوني على نفسك عزيزتي مع اني لا ارى اي عيب يذكر فيك من خلال ما ذكرتيه..بل احس انها مبالغة ليس الا و شعور تحسين به تجاه نفسك و ان العامل النفسي لديك يؤثر عليك بشكل كبير
و يوهمك بانك لست عادية لدرجة انك تخيلتي نفسك مجردة من الانوثة!!!
ان كنتِ ترين بان شكلك او جسمك غير متاسق فالحل بيدك انتِ اختي الحبيبة و ما عليك الا طرد الكسل و من تم البدء في مشوار معالجة النفس مع الجسد
من خلال تمرينات التخسيس خاصة في المناطق الذي ذكرتيها - و هنا يمكنك زيارة ركن التغذية و الصحة و الريجيم و هناك ستجدي الحل ان شاء الله مع البنات -
و ركزي عل المناطق فقط التي ذكرتيها دون اللجوء الى تمارين لجسمك كله لان ما شاء الله اشوف ان طولك مناسب جدا لوزنك
لدرجة اني استغربت كيف تتضايقين من نفسك و الكثيرات يسعون الى الوصول الى ما انتِ فيه !!!!
وانا بضطر دايما اكون بالجينز والكوتشيات الارضي والبالطو او بالتونيك لاني بلبس طويل
وانا محجبة وحجابي كمان مسببلي مشكلة
لا حول و لا قوة الا بالله
ما ضايقني فعلا في موضوعك هو هذه الجملة
كيف تتضايقين من حجابك اختي الكريمة و هو عفة لك حماك الله بها و رعاك
لاني بحس ان الربطات الجديدة<السبانيش>مش بتليق عليا وبحس انها تكبر وشي اكتر
بالله عليك يا اختي اجيبيني على سؤالي هذا
متى كان للحجاب ربطات جديدة او قديمة؟؟!!
متى كان للحجاب موضة تذكر من خلالها نعطي اسامي متعددة للحجاب و مصطلحات دخلية عليه هو بريء منها الا يوم الدين؟
متى كان هذا يا اختي؟!!!
اكان هذا ايام زوجات الرسول ام ايام بناته ام في هذا العصر اللعين الذي دخل علينا به الغرب بافكار لعينة ليشوح حتى ما اعزنا الله به و ميزنا عن باقي نسائل الدنيا!!
اقول لك اختي اتقي الله و راجعي نفسك و اعرفي حجابك الصح
الحجاب الذي يمنع و يحجب زينة المراة المسلمة لا ان يظهرها بشكل مغري و فاتن لتتحول الى متبرجة و تصنف نفسها ضمن المتحجبات !!!
لا اريدك ان تنزعجي مني او من كلامي اختي..بل اتمنى ان تاخذيه بصدر رحب من اخت لك في الله
و ادامنا الله و اياك على طاعته و حسن عبادته

[بنوته حزينه]

شكرا بوسي على ردك بس فعلاا للي ضايقني كلمة حفاظا على كرامتي لاني ماعملتش حاجة لكدة
عموما اسفة لو اتنرفزت وشكرا على كل حال

[بنوته حزينه]

شكرا ليكم على اي حال بس انا حجابي مش متبرج اختي

[Lojain]

شكرا بوسي يا عسل
بس واضح ان مش مرحب بيا هنا ومش عارفة كلامي كان فية اية يزعل الاشراف علشان يحذفة او فية اية يقلل من كرامتي اللي بتقول عليها
انا كرامتي محفوظة اختيLojain
ووصفي للشكل العام لجسمي ماكنش فية اهانة ليا
بس اللي عملتية هو اللي حسسني بالاهانة لدخولي هنا
شكرا بوسي وربنا يخليكي ويكرمك على زوقك واحترامك ليا
اختي الكريمة كرامتك محفوظة و مصونة
انا حذفت كلامك لانه لا يجوز عرض صفاتك او مواصفات جسمك و هذا لا نرضى به لانفسنا و لا لغيرنا اختي :)
لان ممكن اى رجل يدخل و يشوف الكلام ده و ساعتها هيبقى احراج ليكى
صدقينى انا شفت حاجات كتير هنا على المنتدى تم حذفها
و الاخت Lojain ما تقصدش تجرحك و لا تهينك
هى بس خايفة عليكى
و صدقينى كلنا هنا هنساعدك لاننا كلنا اخوات و بنساعد بعض
بارك الله فيك يا بوسي و جزاك الله خيرا على شرحك للاخت
اتمنى ان تكوني قد استوعبت الامر اختي بنوتة :)

[حلا الدلدل]

عزيزتي بنوتة لاتهتمي بمنضرك الخارجي لان الجمال جمال الروح وليس جمال الشكل ولا تهدري وقتك لتحسين صورتك المظهرية وانما اجتهدي في حسناتك كي تقابلي ربك بابهى صورة لان الاجساد مردها التراب بالنسبة لالاحذية اللي من غير كعب فانها وقار والملابس الطويلة والمحتشمة فانها ستر وكما اشوفك فانكي جميلة واذا تريدين فاعملي رجيم واللة معاكي0

[بنوته حزينه]

شكرا اختي حلا على اهتمامك وردك الجميل

[همسة مصر]

هدي نفسك شوية بس واكيد الموقع شايف المصلحة وبيعملها لانه فعلا مايصحش تكتبي صفات نفسك كدة.وبعدين انتي مش طويلة اوي يعني انا طولي قريب منك 175 سم ووزني برضو عدا التسعين والجسم اهم حاجة يكون متناسق .والطول دة الكل بيتمناه لان جمال البنت انها تكون طويلة ومفرودة .بالنسبة لستايل اللبس ممكن تلبسي جيبات عادي وتلبسي عليها كوتشيات او شوزات ارضي وفي الصيف بيبقى في سابوهات تجنن ارضي يعني ماتعقديش نفسك
ربنا يوفقك

[Lovely]

حبيبتى..
أولا جمالك يبدأ من دخلك.. نعم من ثقتك بنفسك و اقتناعك بجوانب الجمال بها..
ثانيا... لا تقنعى نفسك بنوع معين من الملابس و تهملى باقى الأنواع.. جربى و ستجدى العديد من الوديلات المناسبة لجسمك...
أنا أعرف واحدة فى نفس طولك و وزنك تقريبا و هى محجبة أيضا.. و تلبس العباءات و الجوبات و كل انواع الملابس بس تتخير منها ما يناسبها
مثلا ارتدى الجوبات التىتتميز بالبساطة و التى لا تحتوى على العديد من القصات و الكرانيش
و ارتدى الأحذية ذات اكعب المتوسط.. 2 أو 3 سم فقط.. ستناسبك
و لا تسى أهم شئ..... ثقتك بنفسك:)

[rousha1510]

بصي يا قمرررررررررر
ليه ما جربتيش تروحي لدكتورة ريجيم تظبطلك جسمك وتخسي شويه

بالنسبة للسبانيش بتليق على كل وش بس انتي حاولي تعرفي الربطه على وشك تتظبط ازاي

يعني ممكن تحاولي تنزليها على الجبهه شويه

او تعملي بيها ورده ع الجنب لو وشك مش مدور يعني في طرق كتير
كمان اللفه العادية ممتازه بس زي ما بوسي قالتلك حالي تنوعي في انواع الطرح والالوان

كمان الالوان الغامقة والخطوط المستقيمه بتقلل عيوب الجسم كمان بلاش اللبس يكون واسع قووووي
دا بيبين عيوب الجسم اكتر