View Full Version : .•:*¨الى بنات مصر المقبلات على الزوااااااااج¨`*:•.
yomizo
20-12-2006, 05:56 PM
السلام عليكم ورحمة الله وبركاته
.
.
.
.
.
لاحظت ان فى بنات كتير من المنتدى مصريات زيي بس لسه مش متجوزين ومخطوبين ومكتوب كتابهم ونفسي اساعدهم ولو ماكنش بالنزول معاهم يبقى المشاركة الوجدانيه اضعف الايمان باني انا وغيري من المتزوجات
والموضوع ان اى حد محتاج نصيحة في شراء مستلزمات الجهاز والشوار واللاثاث من بنات مصر كلها يسالنا واحنا نجاوب عليه باماكن واسعار وكده
ياريت تكون الصورة وضحت والله المستعان
ارجوا من المشرفات
عدم دمج الموضوع الى دردشة المصريات :[]L
لما به افادة عامة للبنات :)
emy89
20-12-2006, 06:50 PM
مشكورا يا ام ملك على الموضوع المهم
yomizo
20-12-2006, 07:16 PM
شكرا ايمي وبانتظا العرايس القمرات
العسوله سحوره
21-12-2006, 12:42 AM
السلام عليكم يم يم
وكل البنوتات الحلوات
طيب انا بقه متزوجه والحمد لله
ولكن
عايزه اشترى انتريه
ها
سانتظر ترشيحاتك
yomizo
21-12-2006, 01:03 AM
عايزه اشترى انتريه
ها
سانتظر ترشيحاتك
مبروك عليكي مقدما ياقمر
انت من فين فى مصر
وكمان عايزاه مودرن ولا استيل وفى حدود كام عشان اقولك تروحي لمين وفين
yomizo
21-12-2006, 01:05 AM
الموضوع للبنات فقط من فضلكم
yomizo
21-12-2006, 01:16 AM
http://www.lakii.net/images/Nov06/um-walaa_MYMMAf.gif
على الموضوع لو سمحتوا
العسوله سحوره
21-12-2006, 01:42 AM
ههههههههههههه
يم يم
براحه عليه
انا معنديش اى خبره فىالاثاث
مودرن
استيل
معلوماتى قليله قوى عنهم
وبعدين انا مش عايزاه غالى
bosy98
21-12-2006, 04:11 AM
yomizo
تسلمى يا قمر موضوع جميل فعلا جزاك الله كل خير و يارب يفيد الأخوات ان شاء الله و يكونوا احلى عرايس بأذن الله :)
العسوله سحوره
بعد اذن يوميزو .. بصى حبيبتى انت واضح انك من القاهرة على حد علمى
أذا منها أفضل شىء تشترى خشب من منطقة المناصرة طبعا ده لو مش تعرفى حد من دمياط او نجار تاخديه معاكى علشان ما يتضحك عليكى بالسعر و بصراحة من كلام ناس كتير نزلوا دمياط ان مافيش فرق بينهم فى الانتريهات بالذات
المهم اقعدى على النت و فكرى بشكل الموديل أمريكانى و لا طقم عادى و لا أيه الشكل اللى عايزاها بالظبط علشان اما تنزلى تبقى عندك تخيل للشكل اللى حتختاريه من هناك بالظبط و طبعا تفاصلى كويس
بعدين بتاخدى بعضك كده و تنزلى تشترى القماش و تنقى و فى محلات حلوة كتير بس احلاهم و أرخصهم بعد لفة الفترة الاخيرة محل فى الأزهر أسمه راتكس بعد نزلة كوبرى الازهر .. و قوليله انا عايزة شىء حلو علشان ياخدك بقى للمعرض التانى بتاعه و بيه اذواق حلوة كتير فعلا .. كمان الوكالة بيها اقمشة جميلة و أفضل محل بأذواقه عجبنى هو الامراء على ما اتذكر حافتكر الأسم بالظبط و أقولك .. المهم الفصال تقريبا بتنزلى السعر النص او التلت بعد ما يقول لك سعره
أنا بقولك ليه المحلين دول ؟ لأن الأقمشة اللى فيهم مش منتشرة و لا محفوظة للعين زى الباقى على ما اخدت فكرة خلال الشهرين اللى فاتوا
طبعا بعد كده بتنقى المنجد اللى حينجد لك الانتريه .. و هو بيوفر لك استورجى او بتكونى انتى عارفة واحد معين
طبعا بالنهاية فى فرق لا يقل عن 2000 جنيه اقل فى الانتريه و بالصالونات يمكن فرق ازيد غير طبعا أنك بتكونى عملتى شىء مش منتشر و لا محفوظ
و أى شىء تحبيه باستفاضة عن اشكال او موديلات الانتريهات نورينا بس بركن الديكور http://70.86.165.21/vb/images/icons/icon17.gif
yomizo
21-12-2006, 02:58 PM
ولا يهمك بوسي انت نورتيني هنا ويارب تكون سحورة والبنات كلهم استفادوا
البنات اللي بيجهزوا بقى المفروض يعرفوا ايه المفروض يشتروه في المطبخ والمفروشات والملابس .....الخ
ويحضروا ايه في شنطه شهر العسل واول يوم بعد الفرح وكده
bosy98
21-12-2006, 03:11 PM
ولا يهمك بوسي انت نورتيني هنا ويارب تكون سحورة والبنات كلهم استفادوا
تسلمى حبيبتى .. أنا وضعت رابط موضوعك فى موضوع تجهيزات العروس بالركن .. لعل اكبر عدد من الأخوات يستفيدوا ان شاء الله .. و تسلمى على الموضوع الجميل يا قمر :)
yomizo
21-12-2006, 10:11 PM
شكرا لك يابوسي ياقمر على اضافتك لموضوعى بموضوعك وان شاء الله الكل بيستفادوا بس هما يهلوا علينا واحنا نبعتلك وتبعتيلي ونقف جنبهم لحد مانجهزهم ونجوزهم :)
نورا1980
21-12-2006, 11:45 PM
الموضوع اكثر من رااائع
وهادف وجذاب
جزاكم الله كل الخير
وبارك اللهم فى كل من كتبت فيه حرفا
خالصا لوجه الله تعالى
nancy kareem
22-12-2006, 12:52 AM
موضوع رائع يا ياميزو يا ريتة كان من زمان كنت محتجاة و اللة و لسة محتجاة
yomizo
22-12-2006, 12:58 AM
قولي يا حبيبتى محتاجه ايه انت لسه فيها
بنت عشرين
22-12-2006, 12:58 AM
ياسلاااااااااااااااااااااااااااام
موضوع جميل جدا
ربنا يخليكم كلكم
yomizo
22-12-2006, 01:08 AM
ياسلاااااااااااااااااااااااااااام
موضوع جميل جدا
ربنا يخليكم كلكم
انا عارفه انك قربتي تتجوزى يلا خلصي امتحانات وانزلي اشتري اللي ناقصك واسالينا واحنا ندلك على كل حاجه من الابره للصاروخ
العسوله سحوره
22-12-2006, 01:47 AM
[QUOTE=bosy98]تسلمى يا قمر موضوع جميل فعلا جزاك الله كل خير و يارب يفيد الأخوات ان شاء الله و يكونوا احلى عرايس بأذن الله :)
بعد اذن يوميزو .. بصى حبيبتى انت واضح انك من القاهرة على حد علمى
أذا منها أفضل شىء تشترى خشب من منطقة المناصرة طبعا ده لو مش تعرفى حد من دمياط او نجار تاخديه معاكى علشان ما يتضحك عليكى بالسعر و بصراحة من كلام ناس كتير نزلوا دمياط ان مافيش فرق بينهم فى الانتريهات بالذات
المهم اقعدى على النت و فكرى بشكل الموديل أمريكانى و لا طقم عادى و لا أيه الشكل اللى عايزاها بالظبط علشان اما تنزلى تبقى عندك تخيل للشكل اللى حتختاريه من هناك بالظبط و طبعا تفاصلى كويس
بعدين بتاخدى بعضك كده و تنزلى تشترى القماش و تنقى و فى محلات حلوة كتير بس احلاهم و أرخصهم بعد لفة الفترة الاخيرة محل فى الأزهر أسمه راتكس بعد نزلة كوبرى الازهر .. و قوليله انا عايزة شىء حلو علشان ياخدك بقى للمعرض التانى بتاعه و بيه اذواق حلوة كتير فعلا .. كمان الوكالة بيها اقمشة جميلة و أفضل محل بأذواقه عجبنى هو الامراء على ما اتذكر حافتكر الأسم بالظبط و أقولك .. المهم الفصال تقريبا بتنزلى السعر النص او التلت بعد ما يقول لك سعره
أنا بقولك ليه المحلين دول ؟ لأن الأقمشة اللى فيهم مش منتشرة و لا محفوظة للعين زى الباقى على ما اخدت فكرة خلال الشهرين اللى فاتوا
طبعا بعد كده بتنقى المنجد اللى حينجد لك الانتريه .. و هو بيوفر لك استورجى او بتكونى انتى عارفة واحد معين
طبعا بالنهاية فى فرق لا يقل عن 2000 جنيه اقل فى الانتريه و بالصالونات يمكن فرق ازيد غير طبعا أنك بتكونى عملتى شىء مش منتشر و لا محفوظ
و أى شىء تحبيه باستفاضة عن اشكال او موديلات الانتريهات نورينا بس بركن الديكور http://70.86.165.21/vb/images/icons/icon17.gif[/Q
ما شاء الله عليكى بوسى:)
ربنا يكرمك يا قمر
لكن بالنسبه للخشب:[MM
اى نوع افضل(الزان)
ولازم المناصره او دمياط
يعنى مفيش فى القاهره
وبالنسبه للفصال
اختك خيبه خالص
مش بعرف افاصل نهائى
وياريت حبيبتى اشوف موديلات انتريهات على ذوقك
ياريت تنزليلى رابط:)
سانتظرك
بارك الله فيكى
yomizo
22-12-2006, 02:14 AM
بصي ياسحر في فارض المعارض ف مدينة نصر معرض بيع دائم لمفروشات دمياط ممكن تروحي تبصي هناك وعلى فكره اسعارهم حلوة اوى وبيتفاص معاهم وخلي قلبك جامد وفاصلي بجد او خدى معاكي حد بيعرف يفاصل
هناك عندهم كل اللى موجود فدمياط ولو عجبك حاجه ممكن تغيري فلونها لو عايزة او حتى يعملولك زيها ومن الكتالوج كمان
ها ياستى رايك ايه بقى
او اقولك على حاجه احلى انت رينجاتك كام وانا اقولك تروحي لمين وفين واحطلك صور شبه الى عندهم كمان :)
تسلمى يو ميزو على الموضوع الرائع
وجعله الله فى ميزان حسناتك
واتمنى ان تستفاد منه كل البنوتات:)
والله الموضوع جه فى وقته
وكمان موضوع الاخت بوسى
اصلى انا ان شاء الله
هاجهز شقه جديده
فى مصر
وعايزها تبقى حلوة
وهحاول قدر الامكان انى ابتعد عن الاخطاء q)
اللى وقعت فيها فى اول الجواز عند تجهيز الشقه
القديمه
:III:
يعنى ممكن المساعده ولا دا للبنوتات بسq)
يعنى اعتبرينى لسه عروسه
دول يا دوب خمس سنين بس((K))((K))((K))
هههههههه
مشكوره يا قمر
:-M:-M:-M:-M:-M:-M:-M
yomizo
22-12-2006, 01:41 PM
يعنى ممكن المساعده ولا دا للبنوتات بسq)
يعنى اعتبرينى لسه عروسه
دول يا دوب خمس سنين بس((K))((K))((K))
هههههههه
مشكوره يا قمر
كلنا تحت امرك ياجميل
والبنات كمان يستفيدوا منك ويبعدوا عن الاخطاء اللي وقعتي فيها
بس ويعرفوا كمان ايه اللي المفروض يجيبوه وايه اللي مش ضرورى ويعتبر كماليات بس
مشكوره يا قمر
تسلمى
ولو فى اى سؤال انا تحت امر القمرات
المتر شيماء
22-12-2006, 05:21 PM
ازيك يم يم
وحشانى فينك من زمان؟؟؟؟؟؟؟؟؟
جامد جداالموضوع داااااااا
صحيح كانت واحد سالتنى تلبس ايه لما اهل خطيبها يزروها اول مره فهمانى ينى لسه هيتقدمولها تلبس ايه
ولو العريس نفسه كان هيجى مره قبل اهله تخرج تقبله يعنى وتلبس ايه ولا تخليها لما اهله ييجوا احسن
فهمانى
د مش سوالى اوعى تفهمى غلط عقبالى يا رب
نورا1980
22-12-2006, 05:35 PM
موضوع اكتر من ممتاز
ويهم كل البنات في المنتدى
ومساهمة منى
ممكن أجاوب على أي سؤال
أسألونى وانا اجاوب
yomizo
22-12-2006, 07:29 PM
شيماء
لما العريس يجي لو هى ماتعرفوش تدخل تسلم وتمشي تانى عشان حيائها مايضعش قدامه اول مرة
وبعدين لما هله ييجوا معاه لازم تلبس حاجه شيك بدلة مثلا او تايور حلو وبسيط ومايبقاش فيها حاجه مطرزة غير لو فى قراية فاتحه
*مسلمه*
23-12-2006, 03:48 PM
هاى ياميزو ياقمر
انا بس كنت عاوزه اخد رايك وراى البنات فى انى لسه مخطوبه وكتب كتابى والشبكه يوم 5-7-2007
وانا بصراحه حاسه ان الشبكه تبذير عالفاضى وبفكر بس اجيب الtwin ...اللى هو خاتم ومحبس هجيبهم دهب ابيض
بس لقيت هجوم غير عادى من صحباتى ومن اللى حواليا خصوصا عشان حبيبى قادر انه يجيب شبكه بسعر كبير
بس انا مستحرمه الفلوس دى وبقول احنا اولى بيها؟ رايكم ايه؟
وبعدين انا عاوزه اعرف اجيب قمصان نوم منين؟ لانى معنديش اى معلومات وكمان معنديش ماما
فياريت تفيدونى اجيب منين واد ايه واشكالهم ايه بس يكون سعرهم فى المتوسط مش غاليين اوى ولا رخاص طبعا
ميرسى ليكو ياقمرات
yomizo
23-12-2006, 05:38 PM
هاى ياميزو ياقمر
انا بس كنت عاوزه اخد رايك وراى البنات فى انى لسه مخطوبه وكتب كتابى والشبكه يوم 5-7-2007
وانا بصراحه حاسه ان الشبكه تبذير عالفاضى وبفكر بس اجيب الtwin ...اللى هو خاتم ومحبس هجيبهم دهب ابيض
بس لقيت هجوم غير عادى من صحباتى ومن اللى حواليا خصوصا عشان حبيبى قادر انه يجيب شبكه بسعر كبير
بس انا مستحرمه الفلوس دى وبقول احنا اولى بيها؟ رايكم ايه؟
وبعدين انا عاوزه اعرف اجيب قمصان نوم منين؟ لانى معنديش اى معلومات وكمان معنديش ماما
فياريت تفيدونى اجيب منين واد ايه واشكالهم ايه بس يكون سعرهم فى المتوسط مش غاليين اوى ولا رخاص طبعا
ميرسى ليكو ياقمرات
بصي يا قطه
المفروض ان الشبكه دى هديه العريس للعروسه او تعتبر رمز لحبه ليها وقيمته عندها اد ايه
انت ممكن تجيبي شبكه بس ماتعملوش حفله كبيرة وتوفروا فلوسها ( فلوس الحفله ) لان مهما كان العريس حنين ومقتدر انه يجيب دهب بعد الجواز فهيبقى الشبكه دى لها معنى وذكرى خاصة ياريت تكونى فهمتى قصدى
اما عن الللانجيري ياستى فممكن تقوليلي انتى ساكنه فين عشان ادلك على عنواين قريبه منك بدل ماتتشحطتى وخصوصا انك لوحدك
بس انا معاكي بوجدانى :)
وربنا يتمم بخير ان شاء الله
rousha1510
23-12-2006, 06:17 PM
يا يوميزو
والله انتي واجهه مشرفة لمصر
ودايما بتمدي ايديكي للمساعدة
وانا معاكي ان شاء الله بالنسبة لاي حد يحتاج عناوين وتليفونات كوافيرات
ماكيرات او اتيليهات
ويارب يجعل دا في ميزان حسناتك ويباركلك في بيتك وولادك يارب يا يوميزو
وكل عروسه تدعيلي احصلها قريب
بس ألاقي الزوج المناسب
*مسلمه*
24-12-2006, 04:00 PM
هاى ياميزو ياقمر
ميرسى على ردك
انا ساكنه فى مدينه نصر ها قوليلى بقى اجيب قمصان نوم منين ؟
غير كده انا معرفش اجيب ايه تانى ....انا لسه مجبتش اى حاجه ولا حتى معلقه!!!
نداء الحياه
24-12-2006, 04:48 PM
جزاكى الله خيرا يم يم
موضوع رائع
ويارب يجعله فى ميزان حسناتك
rousha1510
24-12-2006, 05:39 PM
بولو تراي
بصي يا قمر وبعد اذن يوميزو طبعا
في مدينة نصر في محلات في كل المولات جنينه وسيتي سنتر والسراج مول فيهم حاجات سعرها معقول بس للاسف انا نش عارفه اسامي
ثانيا لو عايزه حاجه سعرها غالي شويه (مش قوي) في جويا اللي في عباس العقاد وفي فاليزير في جنينة مول
ثالثا حاجات البيت (السفرة يعني والمطبخ)
عندك الأحمدية في امتداد مكرم عبيد وانتي جاية من التوحيد والنور وراحه السراج مول حتلاقية على ايدك الشمال بجد عنده حاجات حلوه قوي
كمان على فكره شيفلد بقى ينزل حاجات اسعارها معقوله جداااا بعد ما كانت كل حاجته نار
حتلاقيه في عباس العقاد-------- فرع تاني في سيتي سنتر------- وكمان فرع تالت في ابو داوود الظاهري
يارب اكون افدتك وربنا يتملك بألف خير
*مسلمه*
24-12-2006, 08:10 PM
ميرسى يا rousha ياقمر والله بجد متشكره افدتينى كتير
انا فى اجازه نص السنه هانزل وابتدى اجيب بقى الحاجات دى
بس ممكن اسال سؤال (معلش تقلت عليكوا)
متعرفوش حد بيبيع العبايات السعوديه بتاعه الخروج لانها حلوه جدا وماليش حد رايح المملكه خالص
فلو تعرفوا حد فى مصر بلييييييز قولولى
وميرسى ليكوا كلكوا
rousha1510
25-12-2006, 12:16 AM
بصي انا ما اعرفش قوي
بس اعتقد ممكن تلاقي في نيو ميسيز اللي في عباس العقاد
دا محل راقي جداااا للعبايات
ويارب يتملك بألف خير
وادعيلي ان ربنا يباركلي ويسعدني في حياتي
واحصلك قريب بس لما الاقي الزوج الصالح
nancy kareem
25-12-2006, 03:55 AM
ميرسى يا rousha ياقمر والله بجد متشكره افدتينى كتير
انا فى اجازه نص السنه هانزل وابتدى اجيب بقى الحاجات دى
بس ممكن اسال سؤال (معلش تقلت عليكوا)
متعرفوش حد بيبيع العبايات السعوديه بتاعه الخروج لانها حلوه جدا وماليش حد رايح المملكه خالص
فلو تعرفوا حد فى مصر بلييييييز قولولى
وميرسى ليكوا كلكوا
معلش انا هرد عشان ما تدوخيش زى بصى انا ساكنة فى مدينة نصر و لو كنتى عايزة مكان كويس للادوات لمنزلية فهو محل اسمة اسواق العقاد و دة محل راقى جدا و اسعارة رخيصة جدا و دة انا جبت منة كل الادوات المنزلية عشان ما بعرفش بصراحة فى الفصال و الحاجة هناك ماركة مضمونة و هتلاقى كمان حاجات زى اللى فى حمام التلات يعنى كل حاجة من فةق لتحت و هوة دورين
و الحل دة قدام توكيل بيجو بالظبط عدى الشارع هتلاقية قدامك
و بالنسبة للعبايات
فية محلات كتير مثلا محل المحجبة فى نص مكرم عبيد
و زى ما يميزو قالت انا رحت المعرض اللى فى قاعة المؤتمرات بصى فية عبايات روعة تحفة فنية بجد اللى عملهم فنان و اسعرهم غالية شوية بس يستاهلوا روحى اتفرجى و هتنبهرى بالحاجات اللى هناك
و المعرض هيخلص يوم 29 و ربنا يوفقك و لو سالتى على اى حاجة انا هجاوبك زى ما البنات فادونى و جاوبو علية
nancy kareem
25-12-2006, 04:40 AM
يا بنات عايزة اشترى الجهاز دو بس محتارة اشترية من مولينكس و لا براون
و كمان اسعارة محتلفة جدا من شارع عبد العزيز للاسواق الحرة السعر الضعف تقريبا شوروا علية و اللى عندها اى افتراحات تانية لجهاز مطبخ زى دية تقوللى يا ريت لو تنزل صورتة
وكمان كنت عايزة اسال على ماكينة ازالة الشعر عشان فية منها الوان كتير اوى من براون سيلك ابيل
و هذة صورة الجهاز الذى اريد ة
http://www.lakii.com/img/all/Dec06/thumb/bcRwkD12241935.jpg (http://www.lakii.com/img/all/Dec06/bcRwkD12241935.jpg) http://www.lakii.com/img/all/Dec06/thumb/bEO7pd12241848.jpg (http://www.lakii.com/img/all/Dec06/bEO7pd12241848.jpg)
http://www.lakii.com/img/all/Dec06/thumb/xVsgyI12241936.gif (http://www.lakii.com/img/all/Dec06/xVsgyI12241936.gif) http://www.lakii.com/img/all/Dec06/thumb/gAfUzR12241938.jpg (http://www.lakii.com/img/all/Dec06/gAfUzR12241938.jpg)
bosy98
25-12-2006, 03:18 PM
يا بنات عايزة اشترى الجهاز دو بس محتارة اشترية من مولينكس و لا براون
و كمان اسعارة محتلفة جدا من شارع عبد العزيز للاسواق الحرة السعر الضعف تقريبا شوروا علية و اللى عندها اى افتراحات تانية لجهاز مطبخ زى دية تقوللى يا ريت لو تنزل صورتة
وكمان كنت عايزة اسال على ماكينة ازالة الشعر عشان فية منها الوان كتير اوى من براون سيلك ابيل
و هذة صورة الجهاز الذى اريد ة
http://www.lakii.com/img/all/Dec06/thumb/bcRwkD12241935.jpg (http://www.lakii.com/img/all/Dec06/bcRwkD12241935.jpg) http://www.lakii.com/img/all/Dec06/thumb/bEO7pd12241848.jpg (http://www.lakii.com/img/all/Dec06/bEO7pd12241848.jpg)
http://www.lakii.com/img/all/Dec06/thumb/xVsgyI12241936.gif (http://www.lakii.com/img/all/Dec06/xVsgyI12241936.gif) http://www.lakii.com/img/all/Dec06/thumb/gAfUzR12241938.jpg (http://www.lakii.com/img/all/Dec06/gAfUzR12241938.jpg)
السلام عليكم و رحمة الله
بصى حبيبتى انا حاقولك تجربتى انا استخدمت براون اللى هو ده صورته
http://www.lakii.com/img/all/Dec06/bcRwkD12241935.jpg
بصراحة ما كملتش بيه خالص لكذا سبب .. اول شىء مش عملى خالص انى افضل جانب الخلاط اضغط بصوابعى بصراحة زهقت .. ثانيا مضرب البيض بتاعه مش مفيد خالص كان بيطلع البيض على وشى ساعات http://www.lakii.com/vb/images/icons/icon10.gif
ثالثا الكبة الصغيرة حطيت بيها زنجبيل طازة قطع تصدقى ساحت و خرج السلاح من مكانه تقريبا كان حامى عليه اكتر من التوابل
كل ده فى اول اسبوع استخدام مع انى و الله استخدامى للأجهزة كويس مش سىء ابدا الحمد لله
ميزته الوحيدة اللى حسيتها .. تعليقه بالمطبخ شكله شيك .. و فى ضرب الطماطم و العصاير و ان كان بردوا مش عملى علشان الدورق مش مغلق اثناء الخفق :[]L
بصراحة ركنته و رجعت للبراون العادى مهما عملت بيه بيعيش بصراحة بدور لك على صورته ان شاء الله بصراحة كبته وحدها تكفى باحتمالها
و مضرب البيض فيلبس بالوعاء بتاعه دول تجاربى يا قمر و ان شاء الله البنات يفيدونك اكتر :)
كذلك ماكينة نزع الشعر انا بستخدم فيلبيس اللى بيها تلج و تقشير و بستخدم وجه التقصير فى الزنقات بينفع كتير اووووووووى
rousha1510
25-12-2006, 03:58 PM
الأخت نانسي كريم
بصي يا قمر انا اعرف ان عموما في حاجات المطبخ براون احسن من مولينكس رغم ان مولينيكس ممتاز
بس براون بيعيش اكتر عشان هو الماني والالماني احسن من الرنسي في الصناعة
زعلى فكره فيه ماركه تحفة براون واخد توكيلها برضه اسمها كيربس
دي ممتازة جدااااااااااا
بس الإجابة دي عموما في حاجات المطبخ (يعني الكيتشن ماشين-المضرب-الكبة-الخلاط.........)
بسانا شايفة ان جهاز ال 6*ا دا طالما الاخت بوسي شافت انه مش مفيد بلاش تجيبية احسن
تاتو فريد
25-12-2006, 07:44 PM
النصيحه اللى عايزه اقولها للغرايس انهم ما يغلطوش غلطتى لانى جبت حاجات كتير ومساحة الشقه ما تستحملش احسن حاجه ان العرسان يعرفوا مساحة الشقه وعلى اساسها يجيبوا العفش لانى لما نزلت اشترى العفش انبهرت بالموديلات ونسيت موضوع المساحه وجبت حاجات كبيره وبعد كدا الواحد بيحس انه مخنوق فى مكان مليان يعنى انا جبت السفره تلات قطع كان ممكن اجيبها قطعتين وقوظة النوم كدلك كانت كبيره اوى ......ارجو ان نصيحتى تفيدكم
yomizo
25-12-2006, 08:29 PM
بولو تراي جهاز المطبخ ممكن تجيبي الرفايع بتاعته من التوحيد والنور او من ابو النيل في عباس العقاد
وانا هارجع تانى اكتبلك القائمة بتاعت االمطبخ
وشكرا لكل الاخوات اللي بيساعدوا
وميريسي يا تاتو فعلا كلامك صح
لازم تمتروا الشقه كويس عشان تعرفوا مساحه كل ركن عايزين تستغلوه وبعدين تنزلوا تجيبوا اللى انتوا عايزينه
لان مساحات الاثاث فى المعرض او المحل غير الشقه
الخدعه اللى بتحصل انك بتشوفى الطقم فى المعرض صغير لان مساحه المكان المعروض فيه كبيره جداا فبتكون النتيجه انك تاخديها وترجعي البيت تلاقي الطقم كبير جدا على المساحه اللى عندك وتتحركي بالورب فى الشقه
دعوة للتفاؤل
25-12-2006, 11:07 PM
جزاكي الله كل الخير يا يميم
انا عندي سوال
حد يعرف سعر العائله بتاعت بروان الكامله بكام؟؟؟؟؟؟؟؟؟
*مسلمه*
26-12-2006, 01:22 AM
yomizo ,rousha,nancy
ميرسى ليكم كلكم بجد
بس ممكن سؤال تانى
هو انا الاحسن اجيب ماكينه براون بتاعه ازاله الشعر ولا خلينى فى السويت
واحده من صحباتى تقولى السويت انضف والتانيه تقولى لما هتتجوزى مش هينفه تسيبى شعرايه فى جسمك فلازم تجيبى الماكنه بتاعه براون
اعمل ايه بقى ؟؟
مع العلم انى مبعرفش اعمل سويت غير تحت الابط
لكن رجلى وايدى عورتهم اكتر من مره فاستخدمت الموس وريحت دماغى
قولولى اعمل ايه واجيبها منين وهى سعرها كام؟؟
نورا1980
26-12-2006, 02:18 AM
yomizo ,rousha,nancy
ميرسى ليكم كلكم بجد
بس ممكن سؤال تانى
هو انا الاحسن اجيب ماكينه براون بتاعه ازاله الشعر ولا خلينى فى السويت
واحده من صحباتى تقولى السويت انضف والتانيه تقولى لما هتتجوزى مش هينفه تسيبى شعرايه فى جسمك فلازم تجيبى الماكنه بتاعه براون
اعمل ايه بقى ؟؟
مع العلم انى مبعرفش اعمل سويت غير تحت الابط
لكن رجلى وايدى عورتهم اكتر من مره فاستخدمت الموس وريحت دماغى
قولولى اعمل ايه واجيبها منين وهى سعرها كام؟؟
يا اختى الغالية
سيبك من الموس
والمكن
والبلاوى دى
الحلاوة احسن وانضف وارخص
واسرع
تاتو فريد
26-12-2006, 05:51 AM
لا بلاش الموس خالص والمكنه انا جبتها براون وما كنتش تنفع الا للايد والرجلين وانا كمان ما بعرفش اعمل السويت بقيت اشتريها من الصيدليه وممكن تخلى حد من اخواتك اللى تعرف تعمل السويت او والدتك تعملك كميه وتخزنيها فى الثلاجه وكل ما تعوزى تعملى سويت طلعى على اد ما ها تحتاجى والله يوفقك
yomizo
26-12-2006, 07:12 AM
كلامك صح ياتاتو
yomizo
26-12-2006, 07:34 AM
-طقم حلل استالس ستيل
-طقم حلل صاج (انتبهوا طقم الصاج بيكون تقيل لكن الخفيف هو الي بحرق الاكل)
-1 او 2 حله تيفال للرز بمقاسين مقاس صغير ليكي ولجوزك ومقاس اكبر لو عندك عزومه
-طقم (بيكون مكون من 3 او 5 قطع) صاج للبواقي غطاءه بلاستيك
-لبانه ( لو بتشربوا لبن عادى مش مبستر )
-كنك استلس كفايه 3 احجام مختلفة
-حامل كنكه
- طقم طاسات تيفال ( 3 احجام مختلفة )
-براد (استلس او زنك ) او تجيبي بويلر بالكهرباء احسن
بس اللي السخان بتاعه مش باين اصح لكم
-3صينية تيفال مدور
-2 = مستطيل
-طقم البيركس (مش ضروري)
-صفيحة رز (شياطة)
-طاسه لقليه البطاطس والفراخ ( غويطة )
-طقم صيني
-طقم صيني للمطبخ (لاستعمالكم الشخصي )مهو مش معقوله هتاكلوا فى الغالي وتكسروا فيه قبل مايشفوه الضيوف :)
-منخل سلك
-مضرب بيض يدوي(للبشلميل والكريم كرامي)
-6كوبيات للماء
-6مجات للشاي
-كاسات عصير 12زى بعض او (6 رفيع و 6 واسع ) للنيش
-طقم خشاف
-اطباق للجلي والرز بللبن
-شفشق للمطبخ بلاستيك واخر للسفرة
-طقم كوبيات 6 للنيش
-طقم خشاف(للنيش)
-اطباق جاتوة لو الطقم الاساسي مفهوش
-سكريه واحده للبيت واحده للضيوف
-طقم البهارات
-برطمانات بلاستيك للدقيق - البهارات الزياده
-طبق فاكهه
-طبق تورته(ينفع للكنافه)
- ملاحتين(واحده للمطبخ ولو مفيش في طقمك تجيبي واحده للضيوف)
-6فنجاين قهوة(لو مفيش في الطقم)
-علب جبنه (5 كفايه بمقسات مختلفه) ويفضل المستطيل منه
-مقصوصه للبطاطس
-طقم توزيع للغرف واخر للسفرة
-مبشرة
-قطاعه بطاطس شيبسي
-قطاعه بيتزا (او سكينه الجلاش) شبه سكينه المعجون
- مصفه استلس كبيرة او وسط
- 2 مصفه بلاستك بحجمين وجيبي واحده ضيقه عشان المكرونه واالرز
- مسن
-مساكه جاتوه ( لو مافيش في الطقم )
-اطباق بلاستك لغسي الفاكهه والخضار باحجام
- طبق استلس او بلاستك غويط للعجن
-مغرفه لبن
-فوارة لبن
-هون
-حوامل سخن كفايه 3 للضيوف وزيهم لاستخدام البيت
-كيس غساله عشان الشرابات
-قطاعه خشب او بلاستك ويفضل اتنين واحده للخضار وواحده للحمه
-طقم معالق للضيوف
-معالق فرادني كفايه 6 معالق وشوك ولو بتستعملو سكاكين
-معالق صغيرة فرادني و6شوك صغيرين
-صواني تقديم بلاستيك للبيت وصنيه عشا
-صواني تقديم للضيوف 3مقاسات كفايه
-مقورة
- سكاكين مطبخ كبيرة ومشرشرة وعاديه
-ماشه للشوي
-فرشه خضار
-صفايات حوض
معالق خشب كفايه 2 للحلل التيفال
-صنيه كيك ممكن 2
-كب كيك لو شاطرة في الحلويات كمان صنيه تارت
-عصارة برتقال
-عصارة لمون
- هراسه ثوم
-صفايه معالق للحوض
-مقص سمك
-طفايه سجاير
-ولاعه
-فتاحه علب وفتاحه زجاجات
-ترابيزة مكوة
-مشمع لدولايب المطبخ
- ادوات نضافه(جردل مساحه مكنسه خشنه ومنشه ناعمه وفرشه وجروف وفرشه شيش ناعمه وفرشة لغسل السجاد وجردل زبالة وسبت غسيل ومشابك غسيل خشب وبلاستيك لللانجيري عشان ماتعلمش فيها )
-فرشه للسمن
-برام فخار
-هراسه بطاطس
-شوايه للحمه فوق البوتاجاز هي 45 حنيه لو بتحبي الشواء
- مخرطة ملوخية
-غطاء للطرطشة ( بس الاستلس بيصدي هاتي المطلي اسود)
-قطاعة بيض
-فوط مطبخ 6 ( لتنشيف الايد )
- ليفة مواعين
وان شاء الله لو افتكرت حاجه تانى يابولو هقولك انا والبنات بخصوص المطبخ
yomizo
26-12-2006, 07:44 AM
اه وطقم مسكات ومريله مطبخ كمان
yomizo
26-12-2006, 07:59 AM
وكمان بولة لتقديم الآيس كريم وحلة بغطاء لتصفيه المكرونة
مدق للبانيه واللحم(اللى شبه الشاكوش ده)
مطبقية فوق الحوض
ماجين مختلفين ليكوا انتو الاثنين لزوم الدلع والحركات :)
ونشابه لفرد العجين
nancy kareem
26-12-2006, 04:46 PM
السلام عليكم و رحمة الله
بصى حبيبتى انا حاقولك تجربتى انا استخدمت براون اللى هو ده صورته
http://www.lakii.com/img/all/Dec06/bcRwkD12241935.jpg
بصراحة ما كملتش بيه خالص لكذا سبب .. اول شىء مش عملى خالص انى افضل جانب الخلاط اضغط بصوابعى بصراحة زهقت .. ثانيا مضرب البيض بتاعه مش مفيد خالص كان بيطلع البيض على وشى ساعات http://www.lakii.com/vb/images/icons/icon10.gif
ثالثا الكبة الصغيرة حطيت بيها زنجبيل طازة قطع تصدقى ساحت و خرج السلاح من مكانه تقريبا كان حامى عليه اكتر من التوابل
كل ده فى اول اسبوع استخدام مع انى و الله استخدامى للأجهزة كويس مش سىء ابدا الحمد لله
ميزته الوحيدة اللى حسيتها .. تعليقه بالمطبخ شكله شيك .. و فى ضرب الطماطم و العصاير و ان كان بردوا مش عملى علشان الدورق مش مغلق اثناء الخفق :[]L
بصراحة ركنته و رجعت للبراون العادى مهما عملت بيه بيعيش بصراحة بدور لك على صورته ان شاء الله بصراحة كبته وحدها تكفى باحتمالها
و مضرب البيض فيلبس بالوعاء بتاعه دول تجاربى يا قمر و ان شاء الله البنات يفيدونك اكتر :)
كذلك ماكينة نزع الشعر انا بستخدم فيلبيس اللى بيها تلج و تقشير و بستخدم وجه التقصير فى الزنقات بينفع كتير اووووووووى
اية دة يا عنى ما اجيبوش دة انا كنت حاسة انة عملى و حجمة صغير طيب اجيب اية فية الالف الحاجات فى السوق و محتارة
nancy kareem
26-12-2006, 04:49 PM
[quote=rousha1510]الأخت نانسي كريم
بصي يا قمر انا اعرف ان عموما في حاجات المطبخ براون احسن من مولينكس رغم ان مولينيكس ممتاز
بس براون بيعيش اكتر عشان هو الماني والالماني احسن من الرنسي في الصناعة
زعلى فكره فيه ماركه تحفة براون واخد توكيلها برضه اسمها كيربس
دي ممتازة جدااااااااااا
بس الإجابة دي عموما في حاجات المطبخ (يعني الكيتشن ماشين-المضرب-الكبة-الخلاط.........)
بسانا شايفة ان جهاز ال 6*ا دا طالما الاخت بوسي شافت انه مش مفيد بلاش تجيبية احسن[/
quote] ايوة يا روشا انا حاسة برضة ان براون احسن و الناس بتشكر فية بس انا كنت فاكرة ان براون فرنسى و لو استعملتى حاجة منة يا ريت تقوليلنا عليها
nancy kareem
26-12-2006, 04:52 PM
النصيحه اللى عايزه اقولها للغرايس انهم ما يغلطوش غلطتى لانى جبت حاجات كتير ومساحة الشقه ما تستحملش احسن حاجه ان العرسان يعرفوا مساحة الشقه وعلى اساسها يجيبوا العفش لانى لما نزلت اشترى العفش انبهرت بالموديلات ونسيت موضوع المساحه وجبت حاجات كبيره وبعد كدا الواحد بيحس انه مخنوق فى مكان مليان يعنى انا جبت السفره تلات قطع كان ممكن اجيبها قطعتين وقوظة النوم كدلك كانت كبيره اوى ......ارجو ان نصيحتى تفيدكم
واللة يا تاتو كويس انك نبهتينى اصل انا كنت هغلط الغلطة دية عجبتى اوضة سفرة تحفة بس متهيالى هتطلع كبيرة اوى ربنا يخليكى
*مسلمه*
26-12-2006, 05:49 PM
ميرسى ليكى اوى ياyomizo
انا حطيت الصفحه فى وورد وطبعتها واديتها لبابا عشان يعملى ميزانيه
لكن يابنات فى موضوع السويت انتوا فهمتونى غلط انا بجيب السويت جاهزه مش دى المشكله
المشكله انى مبعرفش احطها على ايدى ورجلى واطلع شعر ولو استعفيت بلاقى جلدى اتعور ؟؟!!
مع انى بشرتى مش حساسه فعشان كده بسال عن الماكنه بتاعه براون؟؟
ايه ظروفها ؟كويسه؟ وحشه؟
سعرها كام؟ خصوصا بقى انها مفيهاش تلزيق والكلام ده
nancy kareem
26-12-2006, 06:07 PM
اه وطقم مسكات ومريله مطبخ كمان
بجد يا يوميزو انت انقذتينى من اللخبطة اللى كنت فيها انا هطبع الستة دية و اشوف الحاجات اللى ناقصة بس كنتعايزة اسالك على حاجات كدة هرجع تانى ان شاء اللة
بحبك فى اللة
nancy kareem
26-12-2006, 06:09 PM
ميرسى ليكى اوى ياyomizo
انا حطيت الصفحه فى وورد وطبعتها واديتها لبابا عشان يعملى ميزانيه
لكن يابنات فى موضوع السويت انتوا فهمتونى غلط انا بجيب السويت جاهزه مش دى المشكله
المشكله انى مبعرفش احطها على ايدى ورجلى واطلع شعر ولو استعفيت بلاقى جلدى اتعور ؟؟!!
مع انى بشرتى مش حساسه فعشان كده بسال عن الماكنه بتاعه براون؟؟
ايه ظروفها ؟كويسه؟ وحشه؟
سعرها كام؟ خصوصا بقى انها مفيهاش تلزيق والكلام ده
انا كمان يا بولو ان شاء اللة هجيبها كدة كدة لانها بتنفع اوى حتى لو بتستعملى الحلاوة
و انا كمان عايزة اعرف اسعارها لان فية منها انواع كتير اوى اوى و متهيالى احدث نوع هوةة اللى لونة بنفسجى
يا ريت جد يفيدنا
*مسلمه*
26-12-2006, 06:12 PM
انا كمان يا بولو ان شاء اللة هجيبها كدة كدة لانها بتنفع اوى حتى لو بتستعملى الحلاوة
و انا كمان عايزة اعرف اسعارها لان فية منها انواع كتير اوى اوى و متهيالى احدث نوع هوةة اللى لونة بنفسجى
يا ريت جد يفيدنا
فعلا يانانسى ياريت حد يقولنا انواعها واسعارها ونجيبها منين؟
لانى سالت عليها فى عبد العزيز عرفت ان اسعاره 300 و400 و500 وطالع
ومره لقيتها فى الازهر عند محل مجهول ب85 جنيه فشكيت تكون بايزه
وبردو مش عايزه ينضحك عليا فيها
تاتو فريد
26-12-2006, 07:09 PM
بصى يانانسى المكنه كويسه انا جبت واحده اول ما اتجوزت وبقالها عندى اربع سنوات بس لازم تستعمليها جنب السويت لانها بتالم شويه وماتنفعش الا للرجلين والايدين بس نتيجتها كويسه جدا والشعر بياخد فتره طويله لحد ما يطلع وكنت جايباها براون واى حاجه عندى ماركتها براون بتعيش وتستحمل وعملى كمان.....ربنا يوفقك W:
*مسلمه*
26-12-2006, 07:45 PM
بصى يانانسى
انا منفعش يعنى؟؟؟؟http://www.lakii.com/vb/smile/4_20.gif (http://www.lakii.com/vb/uploader/smilies.php)
rousha1510
27-12-2006, 12:24 AM
نانسي كريم
انا لسه ما اتجوزتش بس احنا في البيت الكيتشن ماشين براون
وكمان الخلاط العادي
وعندي مفرمه اللحمة الكبيرة دي براون
بجد هو تحفة
تاتو فريد
27-12-2006, 03:24 AM
انا منفعش يعنى؟؟؟؟http://www.lakii.com/vb/smile/4_20.gif (http://www.lakii.com/vb/uploader/smilies.php) b la rw] لا تنفعى ونص ربنا يوفقك وتتجوزى ويبقى عندك عيال كتييييييييييرW:
yomizo
27-12-2006, 02:53 PM
كنت عايزة اسالك على حاجات كدة هرجع تانى ان شاء الله
اسالي براحتك يا حبيبتى كلنا هنا تحت امرك
nancy kareem
27-12-2006, 05:46 PM
[/SIZE]-مغرفه لبن
-صفايات حوض
-غطاء للطرطشة ( بس الاستلس بيصدي هاتي المطلي اسود)
انا تقريبا جبت 90% من الحاجات اللى انت كتبتيها و عملت لستة و هشطب على الحاجات اللى هجيبها كدة ما فيش حاجة هتبقى مالهاش لازمة او متكررة
بس الحاحات دية يعنى اية
و كل سنة و انت طيبة و كل اللى بتحبيهوم حواليكى يا رب
nancy kareem
27-12-2006, 05:48 PM
بصى يانانسى المكنه كويسه انا جبت واحده اول ما اتجوزت وبقالها عندى اربع سنوات بس لازم تستعمليها جنب السويت لانها بتالم شويه وماتنفعش الا للرجلين والايدين بس نتيجتها كويسه جدا والشعر بياخد فتره طويله لحد ما يطلع وكنت جايباها براون واى حاجه عندى ماركتها براون بتعيش وتستحمل وعملى كمان.....ربنا يوفقك W:
الف شكر يا تاتو انا فعلا قررت اشتريها
كل سنة و انت طيبة و بخير انت و عائلتك كلها يا رب
nancy kareem
27-12-2006, 05:52 PM
نانسي كريم
انا لسه ما اتجوزتش بس احنا في البيت الكيتشن ماشين براون
وكمان الخلاط العادي
وعندي مفرمه اللحمة الكبيرة دي براون
بجد هو تحفة
الف شكر يا روشا ان شاء اللة العيد الجى تبقى مع زوجك ربنا يرزقك بازوج الصالح امين
yomizo
27-12-2006, 10:17 PM
-مغرفه لبن
بصي انا مجيبتش دي عشان معرفتش شكلها ههههههه
-صفايات حوض
الصفايى المخرمة اللى بتتحط فى الحوض
-غطاء للطرطشة ( بس الاستلس بيصدي هاتي المطلي اسود)
غطاء كده بيتحط على الحلة او الطاسة شبه المصفه كده
هجاول احطلك صورتهم
ندى الايام
28-12-2006, 12:55 AM
ممكن طلب يايوميزو انت مشكوره بجد على الطلبات الرروعه بس انا جبت كله ده وزياده ربنا يخلى ماما بقى عملت حسابهااا وجابتلى وانا فى الكليه كله ده وحالياا بتزود وبتجهز لاختى الصغيره بقى ههههه المهم طلب بعد مانخلص المطبخ وطلباته عوزه الملابس وياريت تربيهالى كده والمكياج والا تحضره العروسه معاها كده يعنى وكل عام وكل البنات طيبن يارب ويسعدهم جميعااااا ومشكوررين جداااااا
yomizo
28-12-2006, 01:12 AM
طبعا اكيد ياقمر انا هاجيبلك كل اللى انتوا عايزينه عشان تبقوا ااحلى عرايس في الدنيا يادنيا
بس مش احلى منى
ههههههههههههههههه:)
nancy kareem
28-12-2006, 01:48 AM
-
http://smileys.smileycentral.com/cat/7/7_13_17.gif (http://www.smileycentral.com/?partner=ZSzeb001_ZSYYYYYYYYEG) http://smileys.smileycentral.com/cat/7/7_13_17.gif (http://www.smileycentral.com/?partner=ZSzeb001_ZSYYYYYYYYEG) http://smileys.smileycentral.com/cat/7/7_13_17.gif (http://www.smileycentral.com/?partner=ZSzeb001_ZSYYYYYYYYEG)
-غطاء للطرطشة ( بس الاستلس بيصدي هاتي المطلي اسود)
غطاء كده بيتحط على الحلة او الطاسة شبه المصفه كده
هجاول احطلك صورتهم
ايوة ايوة افتكرت يت ياميزو شفتها فى اسواق العقاد بس ما عرفتش بتستخدم لاية عشان كدة ما جبتهاش بس خلاص عرفتها
http://www.smileycentral.com/sig.jsp?pc=ZSzeb097&pp=ZSYYYYYYYYEG (http://smiley.smileycentral.com/download/index.jhtml?partner=ZSzeb097_ZSYYYYYYYYEG&utm_id=7925)
yomizo
28-12-2006, 02:07 AM
اى خدمة يانانسي ياقمر واى حاجه تحتاجيها انا تحت امرك
نورا1980
28-12-2006, 02:48 AM
مبروك لكل البنات
وعقبال اللي لسة على البر
واى خدمة انا موجودة يا بنات
nancy kareem
28-12-2006, 03:50 AM
مبروك لكل البنات
وعقبال اللي لسة على البر
واى خدمة انا موجودة يا بنات
اللة يبارك فيكى يا نورا ربنا يخليكوا لينا ياجماعة و اللة الواحد بيحس انة بيتكلم مع اخواتة البنات لانى ما اعنديش اخوات بنات ربنا يجعلة فى ميزان حسناتكوا يل رب
و كل سنةو انت طيبة
egyptiangirl
28-12-2006, 11:55 AM
موضوع حلو قوى يوميزو وبجد مفيد لكل واحدة سواء حتتجوز ولا لسه
ندى الايام
28-12-2006, 07:58 PM
مرسيى لكى يوميزوو جدا ومشكوره وكل سنه وكل البنات بخيرررر يا رب
nancy kareem
02-01-2007, 11:13 PM
فينك يا يوميزو لية الغيبة مستنيين باقى حاجات البيت
الشذى الفواح
03-01-2007, 06:43 PM
موضوعك راااائع يا يم يم
:
وحشاااااانى ياجميييل بئالي كتير ماشفتك في المنتدى
:
على فكرة انا عندى صور لانجيري لوحدة كانت بتبيعهم ومكتوب عليهم السعر
:
واشكالهم تجنننن للي عاوزة تشترى منها او تشتري زيهم يعنى
:
:
ولو حد عاوز اي استفسارات انا معاكى يا يم يم انا على فكرة كنت من سكان مدينة نصر(ق.ز.)*
:
وحاليا في المقطم(ب.ز.)*
:
:
:
:
:
*(ق.ز.)=قبل الزواج::::::::::::*(ب.ز.)=بعد الزواج هههههههههههههههههه
yomizo
04-01-2007, 01:24 AM
كل سنة وانتم طيبين يا عرايس يا خحلوين
معلش كنت مشغوله عنكم شويه اليومين اللى فاتوا مع اخت جوزى كانت خطوبتها تالت يوم العيد بقى عقبال فرح كل واحده فيكم مايتم على خير
المهم انت كمان وحشتيني جدا يا شذى انت كمان بقالك فترة مش بتتواجدى هنا واهلا بيكي معانا فى اى حته ياقمر
yomizo
04-01-2007, 02:05 AM
2مفرش للسرير ( شتوى زى البشكير كده - صيفي )
عشان يتفرشوا فوق الملايات
6 ملايات باكياس مخداتهم واكياس خددياتهم
2-4 طقم ملايه سرير ( زي الستان كده ومشغولين من على جنب واحد )
طقم مفرش السرير الرئيسي اللى هيتفرش اول كام يوم وانت عروسه
1 لخاف فايبر
2 كوفيرته
1 بطانية ( يفضل تكون دبل )
طقم مفارش للتسريحه والكمودنات
مفارش بلاستيك تتفرش تحت الهدوم فى الدولاب
0 بتبقى رول وانت تقطعيه حسب المساحه اللى عندك
--------------
2 مفرش للسفرة ( واحد غالي - وواحد متوسط لللاكل والضيوف ويفضل ان يكون مشمع )
وممكن تجيبي واحد غالي وواحد مشغول زي الكوريشيه وتحطي عليه واحد مشمع شفاف للاكل
--------------
2 مفرش لترابيزات الصالون والليفنج ( بعد شراء الاثاث لتوافق الالوان )
ولو فى ترابيزات اركان يبقى اعملوا حسابكم فى مفارشها
ولو فى مكتبه تعملوا حسابكم تجيبوا مفارش بعدد الرفوف الل فيها
ورفوف المطبخ المفتوحه كمان
--------------
طقم فرش الحمام ( بعد ماتجيبي سيراميك الحمام والصحى عشان اللون يليق عليهم )
2 قطعه لتواليت
قطعه امام الحوض
ستارة البانيو والشباك
جردل الغسيل لازم يكون مفرغ او مخرم عشان الهدوم ماتعملش ريحه جواه
باسكت زباله للحمام لون الصحي بتاعه
صبانة وعلبه لفرش الاسنان والمعجون
لو افتكرت حاجه تاني هابقى اكتبها
وياريت حد يساعدنى من اللي متجوزين:) :-s :)
--------------
egyptiangirl
04-01-2007, 03:25 PM
تسلم أيدك يا يوميزو عقبال جهاز ملك يا جميل
كنت عايزة أسألك بالنسبة للفوط المفروض قد أيه؟
yomizo
04-01-2007, 04:41 PM
تسلم أيدك يا يوميزو عقبال جهاز ملك يا جميل
كنت عايزة أسألك بالنسبة للفوط المفروض قد أيه؟
ميرسي ياقمر
هارجعلك تانى اقولك على اللى انت عايزاه بالظبط بس هو تقريبا
4 فوطة للوش
2 فوطه بشكير
6-8 فوطة عاديه ( الحجم العادي )
6-12 فوطة حجم صغير لل؟؟ ( 30*30)
وانصحك انك تجيبي النوع الخشن من الفوط لان كل ما نعمت قماشة الفوطه كل ماهتلاقيها مش يتشرب المياه كويس
وفى انواع بيبقى فيها تطريز او شغل على الحروف ممكن تجيبي منها 2 ولا حاجه لزوم الانزحه لان كل اللى شفتهم منهم بيكون قماشتها ناعمه من اللي مش بتشرب المياه
كده الحمام خلص تقريبا
المطبخ بقى
بجانب طقم الجونتى والمسكات والمريله هاتيلك 4 فوط للايد ( عشان تنشفي ايدك فيهم بعد المواعين )
لو افتكرت حاجه تانيه هاقولك
اطلبي اللى انت عاوزاه ياقمر
emy89
04-01-2007, 04:51 PM
مشكورا والله يا يم يم على المجهود ربنا يجعله فى ميزان حسناتك
انا قربت اخلص المفروشات
وعقبال لما تجيبى لملوكه
الشذى الفواح
04-01-2007, 04:53 PM
بعد ازنك يا يم يم اضيف حاجة ::::
بالنسبة للفوط كمان تجيبي 4-6 فوط تواليت الوان متناسقة مع فوط الوش عشان يدى منظر حلوو
الشذى الفواح
04-01-2007, 04:54 PM
ولو واحدة عاوزة صور اللانجيرى مستعدة ابعتهالها عالخااااص عشان تجيب زييها
emy89
04-01-2007, 05:02 PM
شكرا يا شذىممكن تبعتيهالى على الخاص
الشذى الفواح
04-01-2007, 05:21 PM
ايمى شيكى الخااص يا البي
على فكرة انا مش اللي بابيع ولا طرف في الموضوع
دى وحدة مصرية هى اللي بتبيع وايميلاتها عندك لو حابة تشتري منها
yomizo
04-01-2007, 10:30 PM
6-12 فوطة حجم صغير لل؟؟ ( 30*30)
بعد ازنك يا يم يم اضيف حاجة ::::
بالنسبة للفوط كمان تجيبي 4-6 فوط تواليت الوان متناسقة مع فوط الوش عشان يدى منظر حلوو
ماهو ال ؟؟ كان قصدى بيهم دول برده
ميرسي يا شذى على الاضافه
وممكن انا كمان تبعتيلي على الخاص اللانجيري
الشذى الفواح
04-01-2007, 10:33 PM
ماهو ال ؟؟ كان قصدى بيهم دول برده
ههههههههههههه يا حبي ليكى يا يم يم والله على بالي انك تقصدى دول للخصوصيات فقط....
احمممم احممم .<>>>>>اكيد فهمتينى
ميرسي يا شذى على الاضافه
العفو حبيبتى
وممكن انا كمان تبعتيلي على الخاص اللانجيري
من عينيا حبيبتى
يم يم شيكى الخااص يا البي
yomizo
04-01-2007, 11:13 PM
ميرسي على الحاجات يا شذى انا كان قصدى بس كده على الميرسي مش على الموديلات
بس انتى متخفيه من مين ؟؟
يلا يا عرايس ايه انتوا فين عايزين نخدمكم ؟؟
وعايزين دعواتكم كمان
ههههههههههههههههه
انا مستنيه اى سؤال
*مسلمه*
05-01-2007, 01:50 AM
ميرسى يايوميزو
انا حطيت المفروشات فى ملف اهو
زى حاجات المطبخ بالظبط ,انا مجبتش غير لحاف الفيبر من كارفور الحقوا روحوه لانه منزل اللحفه الفيبر الدبل وشكلها حلو جدا جدا ب80 جنيه ازاى معرفش؟
بس هو منزل مفروشات حلوه اوى
وبالنسبه لل؟؟؟؟؟؟؟؟
ايه ده؟
هو ايه فى ايه متقلقونيش
yomizo
05-01-2007, 03:01 AM
زى حاجات المطبخ بالظبط ,انا مجبتش غير لحاف الفيبر من كارفور الحقوا روحوه لانه منزل اللحفه الفيبر الدبل وشكلها حلو جدا جدا ب80 جنيه ازاى معرفش؟
مبروك عليكي ياقمر وعقبال باقي الجهاز
rousha1510
05-01-2007, 04:27 PM
يا يوميزو انتي عسل والله
انا لسه ما اتخطبتش بس عايزه اخد فكره
عشان لما اشترى بكره
ههههههههههههه
egyptiangirl
05-01-2007, 08:59 PM
مرسى يوميزو
بولو تراى بليز مقاس اللحاف كام×كام ونوعه ايه والعرض لحد امتى
ومرسى يا جميل
سكره منوره
05-01-2007, 11:51 PM
ايه يا يميم النشاط دا كان بقالى فتره مش بدخل المنتدى و لما دخلت لاقيتك عامله شغل حلو فى المنتدى نمسك الخشب ما شاء الله
بس بجد الموضوع مفيد جدا جزاك الله خيرا عليه انتى و كل الى بيساعدوكى فيه
شهد الهوي
05-01-2007, 11:56 PM
طب وايه اخبار بنوتات اسكندريه ولا احنا مالناش نصيب فيكم؟ ههههههه
yomizo
06-01-2007, 01:14 AM
طب وايه اخبار بنوتات اسكندريه ولا احنا مالناش نصيب فيكم؟ ههههههه
طب مانا كمان اسكندرانيه
بس عايشه فمصر
عايزة ايه من هناك واحنا نقولك ياقمر وماشاء الله الاسكندرانيه غزوين المنتدى
yomizo
06-01-2007, 01:50 AM
مرسى يوميزو
بولو تراى بليز مقاس اللحاف كام×كام ونوعه ايه والعرض لحد امتى
ومرسى يا جميل
العرض من 27/12 الى 6/1 يعنى النهارده اخر يوم ياقطه
الحقي بقى
وفى كمان واحد تانى ب 170 تقريبا
yomizo
06-01-2007, 01:51 AM
وفى كمان ده
http://www.carrefour.com.eg/images/promotions/items/L152_17.jpg
طقم سرير % 100 قطن مطرز (2 كيس مخدة 50*70 + كيس خدادية 160*40 + ملاية سرير 240*220 )
عندهم برده شكله حلو ( كارفور )
المتر شيماء
06-01-2007, 02:40 AM
منورررررررررره
وحشانى
فينك
انا مستنياكى عالهوت يلا
الشذى الفواح
06-01-2007, 04:56 AM
بس انتى متخفيه من مين ؟؟
مش متخفية من حد حبيبتى الحكاية انى كنت خرجت من المنتدى وفاتحة الماسنجر
بتاعى على اساس اما حد يرد بيجيلي تبليغ عالايميل على طووول واشوف من الايميل ايه الموضوع
اللي جد فيه جديد وادخل عليه على طووووول
egyptiangirl
08-01-2007, 01:15 AM
شكرا يوميزو خلاص كده العرض خلص ومش حالحقه يا ريت لو فى عروض تانى فى كارفور تقوليلنا وحياتك
yomizo
08-01-2007, 01:21 AM
شكرا يوميزو خلاص كده العرض خلص ومش حالحقه يا ريت لو فى عروض تانى فى كارفور تقوليلنا وحياتك
من عينيا ياقمر ومعلش متزعليش خيرها فغيرها
egyptiangirl
09-01-2007, 12:51 PM
إنا لله وإنا إليه راجعون
الله يرحمه ويسكنه فسيح جناته
yomizo
14-01-2007, 01:59 AM
اللهم امييييييييييين
يلا نكمل الموضوع ياعرايس مصر كلها
whiteheart
14-01-2007, 11:05 AM
والله يا ام ملك انت معطاءة وفيك خير كثير :-s...........وانا استفدت منك كثيرا .:)واحب اسالك عن افضل ماركة تيفال لانى افكر فى تجيز بناتى من الان لحين ما ياتى عليهم الدور اكون جاهزة:p
yomizo
15-01-2007, 12:26 AM
احسن ماركه للتيفال هي
تيفال نفسها بس للاسف غاليه شويتين تلاته كده بس لما تجهزيهم من دلوقتي احسن ماتتزنقي وقت قبل الفرح ويكون كل حاجه مطربقه على راسك :)
ربنا يعينك على جهازهم
memo79
15-01-2007, 02:09 AM
ماشاء الله على الموضوع بجد رائع جداااا و مفيد يوميزو و انشاء الله استفاد منه لانى بأذن الله خطوبتى الشهر الجاى #R#R
و كمان فى حاجه مهمه جدااا انى انا اساسا من اسكندريه بس انشاء الله حتجوز فالقاهره فالحمد لله انى لقيتكم علشان تساعدونى علشان انا معرفش اى حاجه هناك:)
yomizo
15-01-2007, 02:37 AM
اهلا وسهلا بيكي معانا يا ميمو
عروسه جديدة نوفي
ده ان